ပညာႏရေꩻစနစ်ပွုံႏစံႏ

<mediawiki xmlns="http://www.mediawiki.org/xml/export-0.11/" xmlns:xsi="http://www.w3.org/2001/XMLSchema-instance" xsi:schemaLocation="http://www.mediawiki.org/xml/export-0.11/ http://www.mediawiki.org/xml/export-0.11.xsd" version="0.11" xml:lang="en">
  <siteinfo>
    <sitename>Wikiversity</sitename>
    <dbname>betawikiversity</dbname>
    <base>https://beta.wikiversity.org/wiki/Main_Page</base>
    <generator>MediaWiki 1.47.0-wmf.15</generator>
    <case>first-letter</case>
    <namespaces>
      <namespace key="-2" case="first-letter">Media</namespace>
      <namespace key="-1" case="first-letter">Special</namespace>
      <namespace key="0" case="first-letter" />
      <namespace key="1" case="first-letter">Talk</namespace>
      <namespace key="2" case="first-letter">User</namespace>
      <namespace key="3" case="first-letter">User talk</namespace>
      <namespace key="4" case="first-letter">Wikiversity</namespace>
      <namespace key="5" case="first-letter">Wikiversity talk</namespace>
      <namespace key="6" case="first-letter">File</namespace>
      <namespace key="7" case="first-letter">File talk</namespace>
      <namespace key="8" case="first-letter">MediaWiki</namespace>
      <namespace key="9" case="first-letter">MediaWiki talk</namespace>
      <namespace key="10" case="first-letter">Template</namespace>
      <namespace key="11" case="first-letter">Template talk</namespace>
      <namespace key="12" case="first-letter">Help</namespace>
      <namespace key="13" case="first-letter">Help talk</namespace>
      <namespace key="14" case="first-letter">Category</namespace>
      <namespace key="15" case="first-letter">Category talk</namespace>
      <namespace key="710" case="first-letter">TimedText</namespace>
      <namespace key="711" case="first-letter">TimedText talk</namespace>
      <namespace key="828" case="first-letter">Module</namespace>
      <namespace key="829" case="first-letter">Module talk</namespace>
      <namespace key="1198" case="first-letter">Translations</namespace>
      <namespace key="1199" case="first-letter">Translations talk</namespace>
      <namespace key="1728" case="first-letter">Event</namespace>
      <namespace key="1729" case="first-letter">Event talk</namespace>
    </namespaces>
  </siteinfo>
  <page>
    <title>ပညာႏရေꩻစနစ်ပွုံႏစံႏ</title>
    <ns>0</ns>
    <id>55432</id>
    <revision>
      <id>386065</id>
      <parentid>385634</parentid>
      <timestamp>2026-08-17T01:31:37Z</timestamp>
      <contributor>
        <username>Kuhn Htun Lwin</username>
        <id>52119</id>
      </contributor>
      <comment>/* ကအွဥ်ႏထွော့ဘာႏသာႏ */</comment>
      <origin>386065</origin>
      <model>wikitext</model>
      <format>text/x-wiki</format>
      <text bytes="76997" sha1="k9ruvpnrjdb0vuxgvv4z5o9lc5zixqu" xml:space="preserve">==ပညာႏရေꩻကပေါႏထန်ႏလွဥ်ဗာႏ အကျောင်ꩻခရာႏ==

==ပညာႏရေꩻရေႏရွယ်ႏချက်==
* တွမ်ႏလိုꩻမုအသောင်အရင်ꩻအုံအဝ်ႏပေါင်ုကွိုက်ာဖေႏကဒါႏ
* ယံကထွာလိုꩻဟဝ်(စီꩻကန်ꩻအဝ်ႏ)
* ထာꩻယူႏမဲဥ်ႏဖုံႏယံကပြွူႏဖြို
* လွူးနမ်းမွီႏသက်အတာႏအစွဲးအကမ်းယံကထွာ
* နမ်းကျင်ꩻတရာꩻယံကဟဝ်
* အခိန်ႏခြေင်ယို သွုံꩻယံကဒါႏ


==ပညာႏရေꩻအစွိုးအမျိုꩻ သွံမျိုꩻ==
(က)Formal education (လိတ်သွဥ်ကျောင်ꩻပညာႏရေꩻ)&lt;br&gt;
(ခ) Non-formal education (အဝ်ႏအထန်ႏသွဥ်ထူႏပညာႏရေꩻ)
&lt;vr&gt;(ဂ)Informal education (နမ်းတွမ်ႏနမ်းသွဥ်ထူႏပညာႏရေꩻ)

==လိတ်သွဥ်ကျောင်ꩻပညာႏရေꩻ==
လိတ်သွဥ်ကျောင်ꩻပညာႏရေꩻကရိုꩻနဝ်ꩻ အစိုးရ၊မဥ်ႏတမွေးတဝ်းလဲ့ ပညာႏရောအစွိုꩻတဗာႏဗာႏဆꩻလယို အွဥ်ႏချꩻတွမ်ႏစီꩻကန်ꩻတဲင်် စီႏမံႏဆောင်ႏရွက်ဖေႏဒျာႏ ပညာႏရေꩻစနစ်နဝ်ꩻသွူ။

==ကအွဥ်ႏထွော့ခါꩻအရန်း==
* မူလတန်ꩻအရန်း(Primary Education )
* အထာꩻဝတန်အရန်း (Second Education)
* အထက်တန်ꩻအရန်း(Hight Education)   
* တက္ကသိုလ်ႏအရန်း(Tertiary or Higher Education )

သွဥ်ဖေႏသားတွမ်ႏသွဥ်ထူႏသားအခါႏ ဆွိုက်သွယ်ႏမုယို စဲင်းစဲ့ထီႏဗာႏသွူ။
ကအွဥ်ႏထွော့ခါꩻဖေႏဒါႏ သွဥ်အနယ်ꩻဖုံႏအတွိုင် လွောက်ꩻနာႏလွဥ်ꩻဗာႏသွူ။
အစိုႏရ မဥ်ႏတမွေးတဝ်း ပညာႏရေꩻဝွန်ႏတန်ဌာႏနတဗာႏဗာႏ ကအွဥ်ႏထွော့ခါꩻဒါႏ စီꩻကန်ꩻအတွိုင်ꩻသွဥ်လွဥ်ꩻဗာႏနောဝ်ꩻသွူ။
သွဥ်တန်ꩻ၊အရန်းအတတ်ꩻမဥ်ႏအောင်ႏနောဝ်ꩻ လꩻလိတ်ထူႏဂွုဏ်ႏလက်မတ် ဖုံႏနောဝ်ꩻသွူ။

==အဝ်ႏအထန်ႏသွဥ်ထူႏပညာႏရေꩻ==
အဝ်ႏအထန်ႏသွဥ်ထူႏပညာႏရေꩻကရိုꩻနဝ်ꩻတဗွိုန်ပီတဝ်းတွမ်ႏ formal education (လိတ်သွဥ်ကျောင်ꩻပညာႏရေꩻ) အစိုးရပညာႏရေꩻနဝ်ꩻသွူ။ကွဲးတဲင်တွော့ꩻအဝ်ႏအစွိုꩻအဗူႏ တဗာႏစီႏမံႏထံထွူတဲင် ကအွဥ်ႏထွော့ခါဒါႏရေႏရွယ်ႏချက် တွမ်ႏသွဥ်ထူႏအီအနယ်ꩻ တစွိုးစွိိုးအဝ်ႏဗာႏသွူ။ အခေႏခံႏလွေꩻ ကျောင်ꩻအထန်ႏပညာႏရေꩻ (လွေꩻတဝ်းအိန်ကျောင်ꩻ)တဲင် လိုꩻပေႏတွမ်ႏအသောင်အရင်ꩻ လိုႏအပါယ်ချက်အတွိုင်ꩻ ထဲမ်သွဥ်လွေꩻ ဖေႏနုဲင်းနဝ်ꩻသွူ။

==အဝ်ႏအထန်ႏသွဥ်ထူႏပညာႏရေꩻလက္ခဏာႏ==
နုဲင်းအစိုႏရပညာႏရေꩻ ကျောင်ꩻပွုံႏစံႏစနစ်မွေးတဝ်းသွူ။ အိန်ကျောင်း၊တက္ကသိုလ်ႏစနစ်လဲ့မွေးတဝ်းသွူ။ကအွဥ် ထွော့ခါညဒါႏသွဥ်နယ်ꩻ ပဝ်ႏဒျာႏရိုꩻကီလဲ့ လိုꩻပေႏသꩻဝင်ꩻစာꩻမုꩻ၊အခိန်ႏတွမ်ႏအသောင်အရင်ꩻလိုႏအပါယ်ချက်အလꩻ သွဥ်ဖေႏဗာႏနဝ်ꩻသွူ။
လွိုက်တဝ်းသက်အရွယ်ႏတဲင် လိုꩻပေႏ လိုညတလောင်ꩻ၊လိုꩻတန်ဖုံႏလွူꩻထွားလꩻဒျာႏနဝ်ꩻသွူ။
ရေႏရွယ်ႏချက်စဲင်းစဲင်းစဲ့စဲ့တဗာႏ အဝ်ႏခါꩻဗာႏသွူ။လွူးနမ်းမွီႏသက်အတာႏ ကျင်ႏလယ်ႏမုသွဥ်ခန်ꩻဖုံႏအဝ်ႏဗာႏနဝ်ꩻသွူ။
လိတ်ထူႏဂုဏ်ႏနဝ်ꩻ ခင်ႏလမ်းတွိုင်ꩻတလိုႏတဝ်းအကျောင်ꩻ non-formal education နဝ်ꩻ ရိုꩻခါꩻနုဲင်းနဝ်ꩻသွူ။

==နမ်းတွမ်ႏနမ်းသွဥ်ထူႏပညာႏရေꩻ==
နမ်းတွမ်ႏနမ်းသွဥ်ထူႏပညာႏရေညကရိုꩻနဝ်ꩻ အစိုးရပညာႏရေꩻကျောင်ꩻ ပွုံႏစံႏတမွေးတဝ်းတဲင် စွုမ်ႏနီꩻဖဝအုံအဝ်ႏရေꩻအတွက်တာႏ သွဥ်လွေုဖေႏဒျာႏအနယ်ခါꩻနုဲင်းနဝ်ꩻသွူ။
* သွဥ်ထူႏမွိုးဖာထျꩻတွမ်ႏ သွꩻအသောင်ꩻအရင်ꩻထျꩻ
* သွဥ်ထူႏ(Internet ,Facebook, You Tube)အလောင်း
* သွဥ်ထူႏထာꩻမာꩻခွင်ႏအကို
* သွဥ်ထူႏအခွဲးအကျုံႏအကို


==နမ်းတွမ်ႏနမ်းသွဥ်ထူႏပညာႏရေꩻလက္ခဏာႏ==
* အွဥ်ႏထွော့ချာခါꩻဒါႏအတန်ꩻ၊အခိန်ႏ၊အနယ်ꩻကတူႏစဲဥ်ႏအဲဥ်တဝ်းသွူ။
* လိတ်ထူႏဂုဏ်ႏ(certificate )အဝ်ႏတဝ်းသွူ။
* သွဥ်ထူႏသားကမဲဥ်သွဥ်ထူႏဒါႏအတွိုင်ꩻ သွဥ်ထူႏလာဒျာႏသွူ။
* စပ်ဆွိုင်ꩻတွမ်ႏဖဝ အခွဲးအကျုံႏသွူ။
* အခိန်ႏတွမ်ႏခင်ႏလမ်း အွဥ်ႏထွေ့ခါꩻတဝ်းသွူ။


==ပညာႏရေꩻအတာႏသွဥ်ဖေႏမုပွုံႏစံႏ==
(၁) Forest School(အဓိကအထျꩻအကျိုꩻကေꩻဇူꩻ)&lt;br&gt;
(၂) Online School(အွန်လုဲန်းကျောင်ꩻ)&lt;br&gt;
(၃) Homeschooling (အုံလမ်းကိုသွဥ်ထူႏ)&lt;br&gt;
(၄)Montessori Schook(မောန်တဲတ်သိုရီကျောင်ꩻ)&lt;br&gt;
(၅)Conventional  School (ကွန်ဗဲန်ဆဉ်နယ်ကျောင်ꩻ)&lt;br&gt;
(၆)Progressive School(ပရိုကရဲတ်သေ့ဗ်ကျောင်ꩻ)&lt;br&gt;
(၇)Mainstream School(မိန်းသထရီမ်းကျောင်ꩻ)

==သွဥ်ထူႏတွမ်ႏအသောင်အရင်ꩻ==
သွဥ်ထူႏတွမ်ႏအရောင်ႏ၊ပွုံႏစံႏအမျိုꩻမျိုꩻ စတဲင်တွမ်ႏမဲ့ကထီႏဒါႏအသောင်ရင်ꩻ ကားကအဝ်ႏဖုံႏယိုနဝ်ꩻသွူ။

==သွဥ်ထူႏလွေꩻအွန်လိုင်းလောင်း==
သွဥ်ထထူႏလယအွန်လိုင်းလောင်းကရိုꩻနဝ်ꩻ သွဥ်ဖေႏ၊သွဥ်ထူႏမုဖုံႏယိူ ကူပဝ်ႏဒျာႏအင်တာနက်လောင်း၊တက္ကသိုလ်ႏတွမ်ႏ သွဥ်တန်ꩻအခိန်ႏဒွေါင်ႏစားဖုံႏယိုလဲ့သွဥ်ထူႏလွေꩻ အွန်လိုင်းလောင်းနဝ်ꩻသွူ။

==အွန်လိုင်းကျောင်ꩻ==
အွန်လိုင်းကျောင်ꩻကရိုꩻနဝ်ꩻ သွဥ်ဖေႏ၊သွဥ်ထူႏမုဖုံႏယို အဝ်ႏဒျာႏအင်တာနက်အ‌လောင်း၊တက္ကသိုလ်ႏ
တွမ်ႏသွဥ်တန်ꩻ အခိန်ႏဒွေါင်ႏစားဖုံႏယိုလဲ့ သွဥ်ထူႏလွေꩻအွန်လိုင်းလောင်းနဝ်ꩻသွူ။
==Online School အာႏတလာချက်==
* မဲဥ်သွဥ်အခိန်ႏမုဲင်ꩻလဲ့တွိုင်ႏပင်ႏဒေါ့ꩻရီလꩻ
* နန်းဗာႏတဝ်းဒွုမ်တဖူꩻအဆင်ႏပြေႏတဝ်း
* ရွဥ်လို့ဆေ့ꩻ
* ဗီဒီယိုမတ်တန်ꩻလꩻ
Online School.ကသွုံꩻလွေꩻဒါႏနယ်ႏပယ်ႏခင်ႏလမ်း
* တက္ကသိုလ်ႏ/ကောလိပ်
* ပရော်ဖက်ရှင်နယ်သွဥ်တန်ꩻ(ဥပမာႏ-IT,Graphic  Design,Marketing )
* အ ခေႏခံႏတွမ်ႏကွန်ယက်သွဥ်ထူႏမုꩻ
* သွဥ်ထူႏလွေꩻလမ်းကိုဒါႏ Home Schooling


==ကသွုံꩻလွေꩻဒါႏနုဲင်ႏငံႏ==
အမေရိကန်(United States)၊ ထိုင်ႏ(Thailand)၊ အိန္ဒိယ(India)၊ ပေါ်တူဂယ်(Portugal)၊ အာဆီယံ(ASEAN countries )၊ ဂျာမန်(Germany)

'''၃ homeschooling (သွဥ်ထူႏနေးလမ်းကို)'''

ပညာႏရေꩻယိုနဝ်ꩻ လွေꩻကျောင်ꩻခရာႏလိုႏ
တဝ်းတဲင်နားဟွိုန်ာစုသယးတဖြာꩻဖြာꩻတရိုꩻတဝ်း၊ဟဲ့ꩻဆရာႏတဖြာာဖြာꩻတရိုꩻတဝ်း သွဥ်ထူႏ၊သွဥ်ဖေႏမုယိုထွာဒျာႏလမ်းကိုနဝ်ꩻသွူ။ပွုံႏမဲန်ႏသွဥ်ꩻထူႏကျောင်ꩻ စနစ်ကို တစွယ်ꩻတဝ်း မွိုးဖါဖုံႏ၊လွေꩻကျောင်ꩻ တသန်ုတဝ်းလိုꩻပေႏဖုံႏ၊သꩻတွမမႏနမ်းခြွိုင်ႏသန်ꩻရေꩻဖဲ့ꩻဆဲင်ႏရာꩻ အဆင်ႏတပြေႏတဝ်းလိုꩻပေႏဖုံႏတွမ်ႏ ကမဲဥ်သွဥ်ထူႏခေါ်ဒျာႏလိုꩻပေႏဖုံႏလဲ့ သွဥ်ထူႏအနယ်ာယို အဆင်ႏပြေႏသွူ။

==Homeschooling အာႏတလာချက်==
* အချိန်ႏစီႏမံႏဖန်းဖြယ်ချာနွောင်ꩻ
* သွဥ်ထူႏတဖြာꩻစီႏလဲ့ အဆင်ႏပြေႏ
* လိုꩻပေႏအလင်အံႏနွောင်ꩻလꩻတဝ်း
* သွဥ်ထူꩻမုအခိန်ႏလꩻအာ ကသွုံꩻလွေꩻဒါႏနဲင်ႏငံႏ
အမေရိကန်(ကနေဒါ၊အဂ်လန်၊တောင်အဖရိက၊
ပြင်သစ်

'''၄။ Montessori School (မောန်တိုဆိုးရီကျောင်ꩻ)'''

Montessori School (မောန်တိုဆိုးရီကျောင်ꩻ)ကရိုꩻနဝ်ꩻ လိုꩻပေႏနမ်းကိုႏတဲင်ႏ သꩻဓာတ်အာႏတလာလာ သွဥ်ထူႏချာထွူ လိုꩻရေꩻယံတိုꩻတက်အီအတာႏ ကူႏညီႏဖေႏဒျာႏစနစ်တဗာႏသွူ။အနယ်ာယိုနဝ်ꩻ ဖေႏအာႏလွေꩻဒျာႏအနယ်ꩻ တွမ်ႏသွꩻပေႏဖုံႏ သွဥ်ထူႏညီꩻဝင်ꩻ (collaborative learning )ပွုံႏစံႏနဝ်ꩻသွူ။Montessori စနစ်နဝ်ꩻ Dr.Maria Montessori ကရိုꩻဒျာႏဂျာမန်ပညာႏသျင်ႏနဝ်ꩻ တယ်ႏထွင်ႏခါꩻနေင်ႏ၁၉၀၇ဗာႏနဝ်ꩻသွူ။

==Montessori စနစ်သွဥ်ဖေႏ၊သွဥ်ထူႏမုအဓိက(၄)ဗာႏ==
* Practrical Life Skillsm
ဥပမာႏ-လူးထီ၊မာညနမ်းနးတွမ်ႏအသောင်အရင်ꩻကြောင်းစင်ရေꩻ
* Sensorial Education 
လိုꩻပေႏဖုံႏဖေႏကလꩻအာအီ အကျုံႏအခွဲးအတာႏ
သွဥ်လွေꩻဖေႏတွမ်ႏအာႏရုဏ်ႏ(၅)ပါꩻ(sense of tought, smell, sight, sound)စတဲင်နုဲင်းနဝ်ꩻသွူ။
* Mathematics (သွဥ်ထူႏနေးတွမ်ႏတွက်ချက််ဂဏန်ꩻ)
Montessori စနစ်နဝ်ꩻ သွဥ်ထူ တွမ်ႏ တွက်ချက်ဂဏန်ꩻတဲင် ဗွိုန်ပီဒျာႏ သွဥ်ထူႏလွေꩻ စီꩻပွာꩻရေꩻ သွဥ်တန်ꩻပွုံႏစံႏနဝ်ꩻသွူ။
Language (ဘာႏသာႏငဝ်းငွါ)
တဲမ်းလိတ်၊ဟော်ꩻပျောႏမုစတဲင် လိုာပေႏတဖြာꩻအခေႏခံႏကလိုႏဒါႏသꩻစွန်သထီဖုံႏယို မာꩻတိုꩻတက်ဖေႏသွူ။
၅။== Convention Schol(ကွန်ဗန်ရှင်နယ်ကျောင်ꩻ)==
Convention Schol ကရိုꩻနဝ်ꩻ ဗွိုန်ပီဒျာႏအမျိုꩻသာꩻကျောင်ꩻ၊အစိုးရပညာႏကျောင်ꩻ၊(အမျိုးသားကျောင်း/ပုံမှန်ကျောင်း)နုဲင်းနဝ်ꩻသွူ။အနယ်ꩻယိုနဝ်ꩻ စေဗာႏလိတ်ဖြေႏပွယ်ꩻထွူ တတန်ုမဥ်ႏအောင်ႏနဝ်ꩻ ထင်ႏကီယင်းတတန်ꩻလꩻသွူ။
==Convention  School လက္ခဏာႏဖုံႏနဝ်ꩻ==
Teacher-centered learning 
(အခေႏခံႏလွေꩻဆရာႏသွဥ်ဖေႏမု)
ဆရာႏသွဥ်ဖေႏထွူလဲ့ ကထွာတပဲ့ꩻနဝ်ꩻ ခံႏထူႏနာႏ
လွဥ်ꩻ ဗာႏတိတ်ꩻတိတ်ꩻနဝ်ꩻသွူ။

Fixed curriculum (ပညာႏရေꩻဝန်ႏတန် အွဥ်ႏထွော့ဖေႏခါꩻသွဥ်နယ်ꩻ၊ကတူႏစဲဥ်ႏတွမ်ႏသွဥ်နယ်)
ပညာႏရေꩻဝန်ႏတန်အွဥ်ႏထွော့ဖေႏခါꩻသွဥ်နယ်ꩻအ
တွိုင်ꩻ လွောက်ꩻနာႏသွဥ်ဖေႏဗာႏ ၊လိုာပေႏတဖြာꩻစီႏသသာဝင်ꩻစာꩻမုယိုယူႏတဝ်းတဲင် အွဥ်ႏထွော့သေꩻခါꩻအတွိုင်ညသွဥ်ဗာႏသွူ။
==Standardized testing (စဲစ်ဆေꩻလွေꩻပဥ်ရန်းရန်း)==
ယဲက်ထွားလွေꩻဗာႏသွဥ်ထူႏသွဥ်ဖေႏမုလာမတ်နဝ်ꩻသွူဖေႏကထင်ႏလꩻအရန်းတရန်းထွူတရန်းတဲင် စဲစ်ဆေꩻလွေꩻဗာ လိတ်စေပွယ်ꩻတွမ််ႏ ယဲက်ထွားလွေꩻဗာႏသွဥ်ထူႏသွဥ်ဖေႏမုလာမတ်နဝ်သွူ။
'''Structure environment (အွဥ်ႏထွော့ခါꩻခြေင်းခြေင်းစီꩻကန်ꩻ)'''
သွဥ်ထူႏ၊သွဥ်ဖေႏမုအတောႏအတွင်ꩻနဝ်ꩻ အွဥ်ႏထော့ခါꩻဖေႏအခိန်ႏသေႏသေႏချာႏချာႏ (တိတိကျကျ)နဝ်ꩻသွူ။မဥ်ႏခြုဲင်းဗာႏယင်းနဝ်ꩻ တနေင်ႏတာႏလွုမ်းဆရာႏ/မူႏတဖြာꩻလꩻခွင်ꩻခွိုင်းမုဲင်ꩻနီꩻ၊လိုာပေႏတဖြာꩻလွေꩻကျောင်ꩻနဝ်ꩻ ဗွေဗာႏ၇၅%နဝ်ꩻသွူ။
'''Focus on academic achievement (အွဥ်ႏရေꩻလွေꩻဗာႏလိုꩻပေႏအစွိုꩻအောင်ႏမျင်ႏမု)'''
အွဥ်ႏရေꩻလွေꩻဒျာႏလိုꩻပေႏစေလိတ်ယံ၊တွမ်ႏဖေႏကထင်ႏလꩻလွေꩻ ပဥ်ရန်းရန်းနဝ်ꩻသွူ။
'''၆။ Progressive School ကရိုꩻနဝ်ꩻ''' တွမ်ႏConventional School ယိုတဗန်ႏလွေꩻဝင်ꩻသွူ။
Student-centered learning (အခေႏခံႏလွေꩻလိုꩻပေႏသွဥ်ထူႏမု)
ဆရာႏနဝ်ꩻထွာအွဥ်ႏနယ်အနယ်ုလွုမ်ꩻတဲင် သွဥ်ဖေႏတသေႏသေႏတဝ်းသွူ။ လိုꩻပေႏတဖြာꩻအနေႏ ထွုမ်ႏလွူꩻထွား ထွဥ်ႏသုတေသန တသေႏသေႏဗာႏဒျာႏသွူ။

==ပညာႏရေꩻငဝ်းခြီခြဝ်==
ပညာႏရေꩻ ငဝ်းခြီခြဝ်ယိုနဝ်ꩻ ထွာဒျာႏ ပညာႏသျိပုဂ္ဂိုလ်ႏတန်သီး ဒေါ့ꩻဗွောင်နယ်လွေꩻ ပညာႏရေꩻ သဖော်ꩻတရာꩻ အဓိပ္ပာယ်ႏဖုံႏသွူ။

==နယ်လ်ဆင် မင်ဒဲလား==
ပညာႏရေꩻကရိုꩻနောဝ်ꩻ ပြောင်ꩻလုဲင်ႏနွောင်ꩻကမ္ဘာႏထွူတကာႏတဝ်း ထွာအီလက်နက်စုခွုမ် အစွန်ꩻသတ္တိယံ တဗာႏဒျာႏသွူ။

==ဘင်ဂျမင်ဖရန်ကလင်==
မိဥ်ႏရင်ꩻသော့ꩻဒျာႏ အနီꩻအရင်ꩻပညာႏရေꩻကိုနောဝ်ꩻ အီႏဖေႏအယံသွတ်ꩻ အကျိုꩻမျတ်ယံလွိုဝင်ꩻ၊အကျိုꩻအီႏအဝ်ႏလွေꩻ ထာဝရအတာႏသွူ။

==အရစ္စတိုတယ်==
ပညာႏရေꩻအရွီးအခိုႏနောဝ်ꩻ ခါႏစွဥ်ႏရိုꩻကီလဲ့ အရာႏနောဝ်ꩻအွီႏနွိုးငါႏနောဝ်ꩻသွူ။

==မယ်လ်ကွန် အိပ်ချ်==
သွဥ်ထူႏမုယို အွဉ်ႏဆွိုးမွိုန်းတဝ်း။ပွိုးထမုဲင်ꩻနဲးတဲင် ဖဝကဖေႏဒါႏသွဉ်ခန်ꩻဖုံႏနောဝ်ꩻ မုဲင်ꩻခါတယောဝ်း တအွဉ်ႏဆွိုးနွောင်ꩻတောဝ်းနောဝ်ꩻသွူ။

==Dunn,R.  and Dunn,K.==
ပညာႏရေꩻကရိုꩻနောဝ်ꩻ အနာႏဂတ်အတာႏ ထွာအီနုဲင်ႏငံႏကာႏအီ၊ကူႏအီလက်မတ်စူမုဲင်နောဝ်ꩻသွူ။ကွပ်ပွိုးတမုဲင်ꩻနဲးတဲင် မွူးရောဝ်ꩻနီꩻကရိုꩻနောဝ်ꩻ ဟန်ႏနီꩻကဖျင်ဆင်သေꩻခါꩻသား အတာႏဖုံႏနောဝ်ꩻသွူ။

==ဒဗလျူ ဘီ ရိတ်စ်==
ပညာႏရေꩻကရိုꩻနောဝ်ꩻ ထဲမ်သော့ꩻထီဗွုံꩻလွုမ်ꩻတမွေးတောဝ်း အူဖေႏမေႏတာႏဒျာႏတဲင် ကယိန်းသွဉ်တဲ့ ကယိန်းဖြွဥ်ဖြွဥ်ငါအတွိုင်ꩻ၊ကယိန်းထီႏငါငါတဖူꩻဖုံႏနောဝ်ꩻသွူ။

==မာတင်လူသာကင် ဂျူနီယာ==
ပညာႏရေꩻထာꩻမာꩻတာႏဝွန်ႏနောဝ်ꩻ သွဥ်ဖေႏဒျာႏထာꩻထီႏထာꩻယူႏထာꩻတွေꩻဖေႏယံတဖဲ့ꩻ ယူႏခူခူပဲင်ႏချာအီထာꩻ ကူစွိုးကူမျိုꩻဖေႏကယံနဝ်ꩻသွူ။ဥာဏ်ႏတွမ်ႏစာရိတ္တပေါင်ꩻစပ်မုနောဝ်ꩻ ထွာဒျာႏပညာႏရေꩻအစဲစ်အမဲန်ႏ အင်းမိုးချက်နဝ်ꩻသွူ။

==အဲလ်ဘတ် အိုင်းစတိုင်း==
ပညာႏရေꩻကရိုꩻနောဝ်ꩻ လိတ်အိန်ကျောင်းကို ကသွဥ်ထူႏခါꩻဒါႏ ထာꩻဒါႏဖုံႏယို အောဝ်ႏဖေင်ꩻထွူတွော့ꩻ ကအဝ်ႏကုဲင်ဒါႏအကဲဥ်အဗဲ့ꩻနဝ်ꩻသွူ။

==ဒေါက်တာဆုစ်==
ကယိန်းလွူꩻထွားထွား ကယိန်းဒါႏဒါႏနောဝ်ꩻသွူ။ကယိန်းသွဥ်သွဥ် ကယိန်းလွေꩻနွောင်ꩻအာအာနောဝ်ꩻသွူ။

==အတာႏဆွာꩻပညာႏရေꩻတာႏ==
အတာႏဆွာꩻပညာႏရေꩻသွဥ်ထူႏမုꩻ ကရိုꩻနောဝ်ꩻ သꩻတွမ်ႏနမ်းပြွူႏဖြိုရေꩻအတာႏတွမ်ႏ နမ်းတွမ်ႏနမ်းသွဥ်ထူႏချာ ပညာႏရေꩻနဝ်ꩻသွူ။

==အရေꩻတန်==
ကမ္ဘာႏပြောင်ꩻလုဲင်ႏမုꩻအနယ်ꩻပညာႏ
ထာꩻမာꩻခွုမ်စံႏပြောင်ꩻလုဲင်ႏမု
နမ်းတွမ်ႏနမ်းတိုꩻတက်ပြွူႏဖြိုမုꩻ
လိုꩻမုꩻသွုပ်သံႏရေꩻတိုတက်မု

==အကျိုꩻတရာꩻ==
ပုဂ္ဂိုလ်ႏရေꩻအလꩻ
ခွုမ်စံႏထာꩻမာꩻ
လိုꩻမုꩻရေꩻ
သꩻဖဲ့ꩻဆဲင်ႏရာꩻ ဖုံႏယို ထွာဒျာႏ ပညာႏရေꩻအတာႏဒျာႏသွူ။

== Flexible curriculum (ပြောင်ꩻလုဲင်ႏချာငါအနယ်ꩻ==
အစိုႏရကအွဥ်ႏထွော့ခါꩻဒါႏ သွဉ်လွေꩻဖေႏမု ပွုံႏစံႏ၊လိတ်စောင်ႏဖုံႏ၊အတွိုင်ꩻဖုံႏနောဝ်ꩻ သွဉ်နယ်လွေꩻတဝ်းတဲင်တွော့ꩻ ပြောင်ꩻလုဲင်ႏသွဉ်ဖေႏနေးသွူ။

==Collaborative learning (သွဥ်ထူႏလွေꩻတွမ်ႏအစွိုꩻ==
ထွို့ꩻဗူႏလွေꩻနေးအစွိုꩻ၊ မာꩻလွေꩻနေးတွမ်ႏအစွိုꩻပငါပရာꩻတဲင် အုံကိုမ်တွိုင်ႏပင်ႏ၊ နေးတွမ်ႏသဖော်ꩻဗွိုန်ပီလို့ဝင်ꩻတဲင် ကထေထန်ႏဒါႏအချက်အဗာႏဖုံႏယို အွဉ်ႏအတယ်ႏတဲင်  လိုꩻဖုံႏကားကအဝ်ႏနဝ်ꩻ ပါနွို့သော့ꩻသွဉ်ထူႏလွေꩻနဝ်ꩻစားသွူ။

== ထာꩻယူႏထာꩻထီႏတွမ်ႏပွိုင်ဆင်နွောင်ꩻအထီအသွီႏ==
အနယ်ꩻယိုနောဝ်ꩻ ခတ်ကယ်ꩻလွေꩻနေးတွမ်ႏလိုꩻတဖြာꩻစီႏယို အောင်ႏလက်မတ်၊အောင်ႏနေးပိဥ်ရန်းရန်း၊တတန်ꩻထွူတတန်ꩻ အွဉ်ႏရေꩻလွေꩻနဝ်စားမွေးတဝ်းတဲင် အွဉ်ႏရေꩻလွေꩻဒျာႏ ထွုမ်ႏထွားနွောင်ꩻအဖြေႏ၊ ထာꩻယူႏတွမ်ႏအဖြေႏယို ထဲ့မဲန်ႏလွေꩻအခြောင်ꩻ လꩻလွေꩻအစွန်ꩻထီဖုံႏသွူ။

==Real-world connection (စပ်ဆွိုင်ꩻလွေꩻတွမ်ႏလောကအနေႏ==
သွဉ်ထူႏမုအကျောင်ꩻခရာႏတွမ်ႏ စွုမ်ႏနီꩻအုံအဝ်ႏမုဖဝယို အတဲက်ဆဲင်ႏလို့ဝင်ꩻဖုံႏ၊ အဗွိုန်ပီလို့ဝင်ꩻဖုံႏ စစွဥ်ႏ သွဉ်စပ်ဆွိုင်ꩻဖေႏနေးတွမ်ႏ လောကမဲ့ဖြုံႏနောဝ်ꩻသွူ။

==ကသွုံꩻလွေꩻဒါႏနုဲင်ႏငံႏ==
ပွိုင်းဝွို့တွမ်ႏသွဉ်ဖေႏလွေꩻ အကျောင်ꩻခရာႏ နုဲင်းနဝ်ꩻစားတဲင် ကသွဥ်နယ်ဖေႏလွေꩻဒါႏ နုဲင်ႏငံႏဖုံႏနဝ်ꩻ အမေႏရိကန်ႏ၊အင်္ဂလန်၊ဂျာမနီ၊ကနေဒါ၊နော်ဝေး၊ဖင်လန်စစွဉ်ႏယိုဖုံႏသွူ။

==Mainstream school ==
မိန်းစထရမ်းကျောင်ꩻကရိုꩻနောဝ်ꩻ ကျောင်ꩻသားပေႏဖုံႏအတာႏ ပွုံႏမဲန်ႏကသွဉ်ဖေႏဒါႏအတွိုင်ꩻ အဝ်ႏဒျာႏခမ်းနယ်ႏ အစိုႏရ( ပညာႏရေꩻအစွိုꩻစီႏမံႏဖန်းဖြယ်မုꩻ) ဆꩻလꩻနဝ်ꩻသွူ။ကျောင်ꩻယိုဖုံႏနဝ်ꩻ အွဉ်ႏထင်ႏအတန်ꩻ တရန်းထွူတရန်း၊ အခေႏခံႏသွဥ်ထူႏမုꩻ၊ စေလိတ်ပွယ်ꩻတွမ်ႏ စီꩻကန်ꩻဖုံႏယို အဓိကသွဉ်လွေꩻဖေႏနဝ်ꩻစားသွူ။

==မိန်းစထရမ်းကျောင်ꩻ အခေႏခံႏအချက်အဗာႏ==

==သွဉ်ဖေႏသွဥ်ထူႏမုစနစ်==
အွဉ်ႏထင်ႏနေးအတန်ꩻတဲင် သွဉ်လွေꩻနေးတွမ်ႏဘာႏသာႏအတွိုင်ꩻ(သင်္ချာ၊သိပ္ပံ၊ဘာႏသာႏငဝ်းငွါ)စတဲင် အစိုႏရအွဥ်ႏထွော့ဖေႏ ဘာႏသာႏဖုံႏနောဝ်ꩻသွူ။
ထင်ႏအီအတန်အတာႏ တရန်းထွူတရန်း စဲစ်ဆေꩻလွေꩻတွမ်ႏလိတ်ဖြေႏပွယ်ꩻထွူ ထောင်ထွားလွေꩻထဲင်းယင်း လꩻအမတ်ဖုံႏနောဝ်ꩻသွူ။

==စီꩻကန်ꩻ==
ကျောင်ꩻကိုတဲ့နောဝ်ꩻ၊ အစိုႏရဝွန်ႏတန် ကချꩻလင်ꩻဖေႏဒါႏ ကျောင်ꩻသားတွမ်ႏဆရာႏသီးအတာႏ စီꩻကန်ꩻဖုံႏယို အခိန်ႏတွိုင်ꩻလွောက်ꩻနာႏ အွဉ်ႏရေꩻဗာႏသွူ။

== ကသွုံꩻလွေꩻဒါႏနုဲင်ႏငံႏ==
အမေႏရိကန်ႏ၊ အင်္ဂလန်၊ ဂျာမနီ၊ ကနေဒါ၊ နော်ဝေ၊ ခယ်ႏစစွဉ်ႏခမ်းထီတန်ဖုံႏနောဝ်ꩻသွူ။

==သွဉ်ထူႏသားသွဉ်ထူႏမုပွုံႏစံႏ==
ကေားကသွဉ်ထူႏသားအတာႏနောဝ်ꩻ တွမ်ႏလိတ်စောင်ႏနေးတဲင် သွဉ်ထူႏတဲ့အဝ်ႏ၊ တွမ်ႏထာꩻထီႏမဲ့ဖြုံႏနေးတဲင် သွဉ်ထူႏတဲ့အဝ်ႏ၊ မာꩻနယ်နေးတွမ်ႏထာꩻမာꩻတဲင် သွဉ်ထူႏလွေꩻနဝ်ꩻစားဖုံႏသွူ။

==သွဥ်ထူႏတွမ်ႏမဲ့အထီႏ==
သွဥ်ထူႏတွမ်ႏမဲ့အထီႏကရိုꩻနောဝ်ꩻ အရောင်ႏ၊ပွုံႏစံႏအစွိုးစွိုးစတဲင် တွမ်ႏမဲ့ကထီႏဒါႏ အသောင်အရင်ꩻဖုံႏကားကအဝ်ႏဖုံႏယို သွဥ်ထူႏတွမ်ႏမဲ့အာႏရွုဏ်ႏသွူ။ဥပမာႏ သွဥ်ထူႏလꩻနွောင်ꩻနောဝ်ꩻ ထွားထာꩻရွုတ်မွန်၊ကာႏတွန်း၊ဟံႏပွုံႏ၊ပွုံႏထာꩻရုတ်အစွိုးအမျိုꩻ၊လွေꩻတဖူꩻ၊ထွားသဘာႏဝ အသောင်အရင်ꩻ ထောင်တဖူꩻစတဲင် ခံးစာꩻသွဥ်ထူႏလꩻနွောင်ꩻသွူ။

== အာႏတလာချက်==
မတ်တောင်ꩻယိုꩻ၊ သꩻဝင်ꩻစာꩻမုအာ၊လꩻထာꩻယူႏထာꩻထီႏအာ၊ စီႏမံႏဖန်းဖြယ်မုလဲ့ယိုꩻ၊ အခွဲအကျွုံႏ သွဉ်ထူႏနေးတွမ်ႏနမ်းမော့ꩻလဲ့ သေယိုꩻဒါႏယိုꩻနောဝ်ꩻသွူ။

== သွဥ်ထူႏနေးတွမ်ႏအဟွိုန်==
သွဥ်ထူႏတွမ်ႏအဟွိုန်ကရိုꩻနောဝ်ꩻ တွမ်ႏနားကဟွိုန်သေထွꩻ အငဝ်းအာမျိုꩻစွုမ်ႏစွိုးမျိုꩻဖုံႏယို သွဥ်ထူႏလွေꩻနောဝ်ꩻစားသွူ။ဥပမာႏ သွဥ်ထူႏ နာႏဝင်ꩻဟော်ꩻငဝ်း၊ဒေါ့ꩻခြုဲင်းပွယ်ꩻ၊နာႏရေဒီယို၊ နာႏသတင်ꩻခမ်းကိုခမ်းထန်ႏ၊နာႏငဝ်းသချင်ꩻ၊ ဒေါ့ꩻရီအုံကိုမ်လို့ဝင်ꩻ၊ ဆွမ်ꩻခါꩻနေးအငဝ်း မတ်တန်ꩻနောဝ်ꩻစားသွူ။

== အာႏတလာချက်==
ကတူႏဦးနောက် မွံဗန်လွိုလွဉ်၊ နမ်းတွိုႏဗာႏတဝ်းလဲ့ ဟွိုန်ထွꩻသေထွꩻဗာႏ အကျောင်ꩻခရာႏ၊ ကွပ်ဟွိုန်နာႏဗာႏတဲင် ကအီႏထွာလွဥ်အကျိုꩻတရာꩻ လောကသဘာႏဝတံႏယို ဖျင်ဆင်ပွိုင်ဆင်ခါꩻလꩻနောဝ်ꩻသွူ။

== သွဥ်ထူႏတွမ်ႏအဟော်ꩻအတဲမ်း==

သွဥ်ထူႏနေးတွမ်ႏ အတဲမ်း၊အဟော်ꩻကရိုꩻနောဝ်ꩻ ဟွိုန်အငေါဝ်း၊ထီႏနေးအဖြုံႏဖုံႏ တဲမ်းမတ်လွဥ်ꩻ ဟော်ꩻလွဥ်နောဝ်ꩻစားသွူ။အနယ်ꩻယိုနောဝ်ꩻ ဖတ်လွူꩻဗာႏလိတ်စောင်ႏဖုံႏ၊ စေးလာႏတွမ်ႏအကျောင်ꩻ ခရာႏတစွိုးတမျိုꩻဖုံႏယို နမ်းတွမ်ႏနမ်းတဲမ်းချာယင်း လိတ်အကဲဥ်အဗဲ့ꩻ နမ်းတွမ်ႏနမ်းသွဉ်ထူႏမုယို အဝ်ႏကုဲင်ဒျာႏ အရသာႏခွူခွူနောဝ်ꩻသွူ။

== အာႏတလာချက်==
လꩻအာဗဟုသုတ၊ တဲမ်းမုဲင်ꩻယိန်းတောင်ꩻယိုꩻယိုꩻ၊ လွူꩻထွားချာလꩻ၊ တွမ်ႏတဲမ်းနေးလိတ်တဲင် ခြုဲင်းနယ်ဟော်ꩻနယ်ဝင်ꩻလꩻ၊အနမ်းအခြောင်ꩻ အဝ်ႏကုဲင်အာသွူ။

==သွဥ်ထူႏတွမ်ႏထာꩻမာꩻ==
သွဥ်ထူႏတွမ်ႏထာꩻမာꩻကရိုꩻနောဝ်ꩻ သွဥ်ထူႏလွေꩻနေးတွမ်ႏရုဲင်ꩻတသွိုးမု၊ နမ်းထာꩻမာꩻအခွဲအကျွုံႏ၊ နွို့နေးထာꩻမာꩻခွင်ႏကို ခွုမ်စံႏလွေꩻနောဝ်ꩻသွူ။ ဥပမာႏ သွဥ်မာꩻထာꩻမာꩻ၊ သွဥ်ဖျင်တစွိုးတမျိုꩻ၊သွဥ်ထွို့ꩻပွုံႏဒီသိုင်း၊ သွဥ်လွူꩻဖတ်ထွားလိတ်ဖုံႏသွူ။

==မက်စလိုးအနယ်ꩻ လိုꩻဖုံႏအလိုႏဆန္ဒပိရမစ်ပွုံႏ==
မက်စလိုကီလလိုႏအပ်ချက်ဖုံႏနဝ်ꩻ အမေႏရိကန်ႏပညာႏသျင်ႏ အေဘရာဟမ်မက်စလို ဒေါ့ꩻရိုꩻခါꩻထွာဒျာႏ နိုꩻဆော်ꩻဖေႏ လိုꩻသီးဖုံႏအအုံအအဝ်ႏ လိုႏအပ်ချက်ထာꩻယူႏတဗာႏဒျာႏသွူ။မက်စလိုအခေႏခံႏအနယ်ꩻ လိုႏအပ်ချက်တဗာႏကိုနဝ်ꩻ တဗာႏတွမ်ႏတဗာႏ စပ်ဆွိုင်ꩻခါꩻဝင်ꩻ အဝ်ႏ (၅)ဗာႏသွူ။
(၁) နမ်းတွမ်ႏနမ်း ခွုမ်စံႏစဲစ်ဆေꩻမု
(၂) အွဥ်ႏရေꩻမုတွမ်ႏသေနာႏမု
(၃) ရက်ပဲင်ꩻမုတွမ်ႏဖဥ်းမွိုတ််မု
(၄) လိုမ်းဗိဥ်ႏရေꩻတွမ်ႏဘေႏကင်ꩻရေꩻ
(၅) အသက်မွန်ဗန်ခွင်ꩻဆဲင်ႏရာꩻလိုႏအပ်ချက်
ယိုဖုံႏနဝ်ꩻ ထွာဒျာႏအွဥ်ႏနယ်ဖေႏထွူတရန်းထွူတရန်း ရွုတ်ပဲင်ꩻဖဲ့ꩻဆဲင်ႏရာꩻဖုံႏသွူ။အနမ်းတွမ်ႏအခြုံတဲ့ လို့လို့စင်အဝ်ႏလွေꩻငတ်ꩻရန်းအကျောင်ꩻ အွဥ်ႏနယ်လွေꩻအဒဝ်ႏဒဝ်ႏနောဝ်ꩻသွူ။

==ဇီဝကမ္မဆဲင်ႏရာꩻလိုႏအပ်ချက်ဖုံႏ==
အသက်မွံဗန်အီအတာႏ အရေꩻကီꩻခရာႏဖုံႏယို အောဝ်ႏပါသော့ꩻသွူ။
အအံႏအအွꩻ၊အာႏဟာႏရ၊အာႏထွာအီထာꩻအံႏဖုံႏ၊
ထီ၊
တလီꩻ(အသက်မွံဗန်အီတာႏ)
အဆေင်ႏအဒို့ꩻ၊အုံကွူႏအီတာႏ
အကွဥ်အကꩻ ရဲးကမ်းအီရာႏသီႏဥတု
လိုꩻခိုလိုꩻမူႏ လွူးထန်ႏလင်ꩻဖေႏခွိုꩻသွုပ်တသာ
လိုꩻတဖြာꩻ သꩻဖဲ့ꩻဆဲင်ႏရာꩻ၊ထာꩻမာꩻအလောင်းဖေႏကတွိုႏခြောင်ꩻအီနောဝ်ꩻ လိုႏငါႏအခေႏခံႏတွမ်ႏနုဲင်းအချက်ဆꩻကီယိုသွူ။

==လိုမ်းဗိဥ်ႏရေꩻတွမ်ႏဘေꩻကင်ꩻရေꩻ==
ဇီဝကမ္မဆဲင်ႏရာꩻဖုံႏယို ပြဲ့ꩻစွုမ်ႏမွေးသွူမꩻ ထင်ႏလွေꩻယင်းတရန်း ကထွာဒါႏလိုမ်းဗိဥ်ႏရေꩻနဝ်ꩻသွူ။လိုꩻတဖြာꩻလိုမ်းဗိဥ်ႏရေꩻနောဝ်ꩻ
ခြွိုင်းသန်ꩻရေꩻပြဲ့ꩻစွုမ်ႏဗာႏ
နမ်းကိစ္စလိုမ်းဗိဥ်ႏမုအဝ်ႏဗာႏ
သꩻဖဲ့ꩻဆဲင်ႏရာꩻလိုမ်းဗိဥ်းမုခွေါင်ခံႏဗာႏ
ရွဥ်စုဲင်ႏလိုမ်းကိုမ်ႏမုစတဲင် လိုမ်းဗိဥ်ႏရေꩻနဝ်ꩻ နီသွဥ်းသီးလိုꩻတဖြာꩻအခေႏခံႏလိုႏအပ်ချက်နောဝ်ꩻသွူ။

[[Category: BLK]]
[[Category: ထွားဖတ်ခရာႏ]]

==မက်စလိုးအနယ်ꩻ လိုꩻဖုံႏအလိုႏဆန္ဒပိရမစ်ပွုံႏ==
မက်စလိုကီလလိုႏအပ်ချက်ဖုံႏနဝ်ꩻ အမေႏရိကန်ႏပညာႏသျင်ႏ အေဘရာဟမ်မက်စလို ဒေါ့ꩻရိုꩻခါꩻထွာဒျာႏ နိုꩻဆော်ꩻဖေႏ လိုꩻသီးဖုံႏအအုံအအဝ်ႏ လိုႏအပ်ချက်ထာꩻယူႏတဗာႏဒျာႏသွူ။မက်စလိုအခေႏခံႏအနယ်ꩻ လိုႏအပ်ချက်တဗာႏကိုနဝ်ꩻ တဗာႏတွမ်ႏတဗာႏ စပ်ဆွိုင်ꩻခါꩻဝင်ꩻ အဝ်ႏ (၅)ဗာႏသွူ။
(၁) နမ်းတွမ်ႏနမ်း ခွုမ်စံႏစဲစ်ဆေꩻမု
(၂) အွဥ်ႏရေꩻမုတွမ်ႏသေနာႏမု
(၃) ရက်ပဲင်ꩻမုတွမ်ႏဖဥ်းမွိုတ််မု
(၄) လိုမ်းဗိဥ်ႏရေꩻတွမ်ႏဘေႏကင်ꩻရေꩻ
(၅) အသက်မွန်ဗန်ခွင်ꩻဆဲင်ႏရာꩻလိုႏအပ်ချက်
ယိုဖုံႏနဝ်ꩻ ထွာဒျာႏအွဥ်ႏနယ်ဖေႏထွူတရန်းထွူတရန်း ရွုတ်ပဲင်ꩻဖဲ့ꩻဆဲင်ႏရာꩻဖုံႏသွူ။အနမ်းတွမ်ႏအခြုံတဲ့ လို့လို့စင်အဝ်ႏလွေꩻငတ်ꩻရန်းအကျောင်ꩻ အွဥ်ႏနယ်လွေꩻအဒဝ်ႏဒဝ်ႏနောဝ်ꩻသွူ။

==ဇီဝကမ္မဆဲင်ႏရာꩻလိုႏအပ်ချက်ဖုံႏ==
အသက်မွံဗန်အီအတာႏ အရေꩻကီꩻခရာႏဖုံႏယို အောဝ်ႏပါသော့ꩻသွူ။
အအံႏအအွꩻ၊အာႏဟာႏရ၊အာႏထွာအီထာꩻအံႏဖုံႏ၊
ထီ၊
တလီꩻ(အသက်မွံဗန်အီတာႏ)
အဆေင်ႏအဒို့ꩻ၊အုံကွူႏအီတာႏ
အကွဥ်အကꩻ ရဲးကမ်းအီရာႏသီႏဥတု
လိုꩻခိုလိုꩻမူႏ လွူးထန်ႏလင်ꩻဖေႏခွိုꩻသွုပ်တသာ
လိုꩻတဖြာꩻ သꩻဖဲ့ꩻဆဲင်ႏရာꩻ၊ထာꩻမာꩻအလောင်းဖေႏကတွိုႏခြောင်ꩻအီနောဝ်ꩻ လိုႏငါႏအခေႏခံႏတွမ်ႏနုဲင်းအချက်ဆꩻကီယိုသွူ။

==လိုမ်းဗိဥ်ႏရေꩻတွမ်ႏဘေꩻကင်ꩻရေꩻ==
ဇီဝကမ္မဆဲင်ႏရာꩻဖုံႏယို ပြဲ့ꩻစွုမ်ႏမွေးသွူမꩻ ထင်ႏလွေꩻယင်းတရန်း ကထွာဒါႏလိုမ်းဗိဥ်ႏရေꩻနဝ်ꩻသွူ။လိုꩻတဖြာꩻလိုမ်းဗိဥ်ႏရေꩻနောဝ်ꩻ
ခြွိုင်းသန်ꩻရေꩻပြဲ့ꩻစွုမ်ႏဗာႏ
နမ်းကိစ္စလိုမ်းဗိဥ်ႏမုအဝ်ႏဗာႏ
သꩻဖဲ့ꩻဆဲင်ႏရာꩻလိုမ်းဗိဥ်းမုခွေါင်ခံႏဗာႏ
ရွဥ်စုဲင်ႏလိုမ်းကိုမ်ႏမုစတဲင် လိုမ်းဗိဥ်ႏရေꩻနဝ်ꩻ နီသွဥ်းသီးလိုꩻတဖြာꩻအခေႏခံႏလိုႏအပ်ချက်နောဝ်ꩻသွူ။

==ထာꩻရက်တွမ်ႏဖိဥ်းမွိုတ်မု==
ထာꩻရက်တွမ်ႏဖိဥ်းမွိုတ်မုယိုနဝ်ꩻ လိုꩻမုသွုပ်သံႏရေꩻအကို ထွာအီငါႏ လိုꩻသီးအတာႏလိုႏအပ်ချက်နဝ်ꩻသွူ။
ထာꩻမာꩻ၊သွꩻပေႏ၊နားဟွိုန်စု၊အစွိုꩻတစွိုꩻစွိုꩻအခါႏ နွို့ရွမ်းဝင်ꩻဖေႏကတွမ်ႏနဝ်ꩻ ထာꩻရက်၊ထာꩻဖိဥ်းမွိုတ်မုယို အရေꩻတန်ငါႏသွူ။
လိုꩻအလင် တားလဲ့ အစွိုꩻကို လက်ခံႏဝွေꩻသီး၊အွဥ်ႏရေꩻဖေႏဖုံႏ၊ရက်သညင်ꩻဖုံႏ မိဥ်ႏလꩻမꩻ အုံငီꩻနွောင်ꩻ တွမ်ႏလိုꩻလင်၊အီႏအုံဗာႏတခြင်ခြင်၊မဲ့ငါပေႏ သပေႏဗာႏတဝ်းသွူ။
နဝ်ꩻမဥ်ႏတမွေးတဝ်း မဥ်ႏထွားလွိုဝွေꩻသီး၊မိဥ်ႏလဲ့ꩻညာꩻထိုꩻ၊မိဥ်ႏတရက်ဖေႏတဝ်းနဝ်ꩻ ဗာႏဆာလွဥ်အီဒါႏ ခြွိုင်းသန်ꩻရေꩻဖုံႏသွူ။

==အွဥ်ႏရေꩻမု၊အွဥ်ႏတန်ႏဖိုꩻဝင်ꩻ==
အွဥ်ႏရေꩻမုကရိုꩻနောဝ်ꩻ အွဥ်ႏတန်ႏဖိုꩻမု၊အံႏသွင်ꩻမု၊အာႏရဲင်ꩻ၊အထီအသွီႏ၊ဒါႏပဲင်ႏ၊ယွုမ်းအံႏမု၊တခြင်မုစစွဥ်ႏ လိုႏအပ်လွဥ်သွူ။နဝ်ꩻမꩻ အခေႏအနေႏအလꩻ ဖေႏနေးကထီႏဗာႏ အထီအသွီႏလွုမ်ꩻတကာႏတဝ်း စွန်ꩻထီအဝ်ႏလိုꩻဖုံႏကရိုꩻနဝ်ꩻ ဖေႏဗာႏအခွင်ꩻသွူ။မိဥ်ႏထွူနဝ်ꩻ မွိုးဖာတွမ်ႏသွဥ်ဖေႏပညာႏသားနဝ်ꩻ ဖန်ဆင်ꩻဖေႏဗာႏအခွင်ꩻအရေꩻ၊လိုꩻပေႏဖုံႏ နမ်းတွမ်ႏနမ်းယံကအွဥ်ႏရေꩻချာ၊အထီအသွီႏအဝ်ႏဒျာႏကရိုꩻယို ဖေႏကထီႏချာနဝ်ꩻ ကကူႏညီႏနွောင်ꩻဒါႏ ပရဟိတကျောင်ꩻ၊အဝ်ႏအထန်ႏသွဥ်ပညာႏရေꩻဖုံႏ လိုꩻပေႏအခွင်ꩻအရေꩻတာႏ ဖန်ဆင်ဖေႏဗာႏသွူ။

==နမ်းတွမ်ႏနမ်းဖောႏထန်ႏအနမ်းအခြုံ==
ဝါႏသနာႏ၊ကဝ်ႏထွန်ႏ၊ရေႏမိုႏချက်၊
သွုံꩻသွူအထီအသွီႏတွမ်ႏစွန်ꩻအာႏယိုတဲင် ထွာအီပြွူႏဖြိုထင်ႏထိုရေꩻသွူ။
သမိဥ်ထွာဝင်ꩻထာꩻအာႏကွိုꩻ၊စီꩻပွာꩻရေꩻသား၊စက်ဖျင်သားစစွဥ်ႏ လွူးနမ်းမွီႏသက်တာႏယို ထိုမ်ႏကျံႏလွဥ်သွူ။
နောဝ်ꩻအလောင်းတဲ့ ပဲင်ႏသေႏချာႏမုဖေႏကထွာ မဲဥ်မာꩻသꩻယိုလိုႏအပ်ငါႏသွူ။
ကွပ်နဝ်ꩻမ ကထွာဒါႏအခေႏခံႏလိုႏအပ်ချက် ကထွာဒါႏ အံႏအွꩻရေꩻ အဆင်ႏမဥ်ႏတပြေႏတဝ်းနဝ်ꩻ လိုꩻတဖြာꩻထာꩻမာꩻ၊လိတ်၊ပညာႏရေꩻစစရာႏရာႏဖုံႏယို တမာꩻဖေႏနွောင်ꩻတောဝ်းသွူ။

==နိဂုံး==
လိုမ်းဗိဥ်ႏရေꩻ မဥ်ႏတအဝ်ႏတောဝ်းခင်ႏလမ်းနဝ်ꩻ သွဥ်ထူႏနွောင်ꩻအာႏ၊ထင်ႏထိုအီအခေႏအနေႏအီႏဆေ့ꩻထိုꩻ၊ယွမ်ꩻထိုꩻနောဝ်ꩻသွူ။ပွိုးတမုုဲင်ꩻပါႏတမုဲင်ꩻနဲးတဲင် ဆရာႏ၊မွိုးဖာသီးယို လိုꩻပေႏအခေႏအနေႏတွမ်ႏလိုႏအပ်ချက်ဖုံႏယို ယံကကူႏညီႏထဲမ်ဖေႏနွောင်ꩻနဝ်ꩻ စဲစ်ဆေꩻသေႏသေႏထွူတဲင် အခေႏခံႏလိုႏအပ်မုကားကအဝ်ႏယို လိုႏကျိုꩻစာꩻဖန်ဆင်ꩻဖေႏငါႏ အနာႏဂါတ်အတာႏ လိုꩻပေႏဖုံႏနောဝ်ꩻသွူ။

==မျန်မာခမ်းအစိုႏရပညာႏရေꩻတွမ်ႏနီပအိုဝ်ႏလိုꩻမျိုꩻ==
နီပအိုဝ်ႏလိုꩻမျိုꩻ အုံအဝ်ႏအာသွတ်ꩻခင်ႏလမ်းနောဝ်ꩻ ထွာဒျာႏမန်းခမ်းကိုသွူ။သွဥ်ထူႏဒါႏပညာႏနောဝ်ꩻတဲ့ မန်းပညာႏရေꩻဒျာႏသွူ။ပညာႏရေꩻယိုနောဝ်ꩻ ထွာဒျာႏမန်းအစိုႏရဝွန်ႏတန်ခွုမ်သဲန်ခါꩻ ဌာႏနတဗာႏဒျာႏသွူ။မန်းအစိုႏရပညာႏရေꩻယို အခေႏခံႏပညာႏရေꩻတွမ်ႏ အရန်းထိုပညာႏရေꩻ ယိုနီမျိုꩻရိုꩻကီလဲ့ နီပအိုဝ်ႏလိုꩻမျိုꩻ ကိဥ်းအာသွဥ်ထူႏနွောင်ꩻလိုမ်ꩻ အခေႏခံႏပညာႏရေꩻလွုမ်ꩻသွူ။
မဥ်ႏထွားဒျာႏပအိုဝ်ႏဒေႏသ လိုꩻပေႏဖုံႏနောဝ်ꩻ တယ်ႏစ သူငယ်တန်ꩻ ဗတွိုႏ လစ်ꩻတန်ꩻယို သွဥ်ထူႏအောင်ႏအောင်ႏဒျာႏတဲင် အီႏသွဥ်ထူႏသွုပ်ယင်းငါငါနဝ်ꩻ တသွဥ်ထူႏနွောင်ꩻထဲင်းဒွုမ်သွူ။ခေတ်ထွꩻအလွောက်ꩻ ကတိုꩻတက်လွဥ်ꩻဒါႏ ခင်ႏလမ်းဒေႏသနောဝ်ꩻ သွဥ်ထူႏဒျာႏကိဥ်းအာရိုꩻကီလဲ့ တိုꩻတက်ခင်ႏလမ်းတအဝ်ႏတဝ်းဒေႏသနဝ်ꩻ သွဥ်ထူႏသွုပ်ယင်း ဆေ့ꩻငါႏသွူ။နီသွဥ်းသီးပအိုဝ်ႏလိုꩻမျိုꩻ အုံအဝ်ႏအာခင်ႏလမ်းဒေႏသဌာႏန ကိဥ်းအာအာနောဝ်ꩻ တိုꩻတက်ထင်ႏထိုတဝ်းဒွိုန်းအရပ်ဒေႏသ ကိဥ်းအာထွာနောဝ်ꩻစားသွူ။
မဥ်ႏထွားဒျာႏ(၁၀)တန်ꩻအရန်းထို ပညာႏရေꩻယို ကသွဥ်ထူႏနွောင်ꩻသားနဝ်ꩻ တအဝ်ႏအာတဝ်းနေနေသွူ။နီသွဥ်းသီးပအိုဝ်ႏလိုꩻမျိုꩻနဝ်ꩻ ဥာဏ်ႏဟဝ်တဝ်း၊ဒါႏတဝ်းလိတ်တွော့ သွဥ်ထူႏဗာႏတဝ်း နုဲင်းနဝ်ꩻစား တမွေးဗာႏတဝ်းတဲင် ကွပ်ပွိုး အီႏသွဥ်ထူႏသွုပ်ယင်း လိတ်အိန်ကျောင်းအတန်ꩻကျောင်ꩻ သမ်းတအဝ်ႏတဝ်းတဖဲ့ꩻ၊အလွေꩻအသဲင်ꩻယပ်ခုဲင်ႏတဖဲ့ꩻ၊မွိုးဖာဖုံႏ ထောက်စွဲကမ်းနွောင်ꩻတဝ်းတဖဲ့ꩻစတဲင် ပျဿနာႏဖုံႏယို စေဖြေႏသျင်ꩻကွပ်တဒါႏတဝ်းဒျာႏသွူ။
မန်းခမ်းပညာႏရေꩻယို အတဲမ်း၊အဟော်ꩻ အထီႏအသွီႏနဝ်ꩻ အဗွေတဗာႏအဝ်ႏဖေႏနွောင်ꩻရိုꩻကီလဲ့ ပွိုင်းဝွို့တွမ်ႏထာꩻယူႏဖဲ့ꩻယို အာႏပေႏကဒွိုန်းသွူ။
မဥ်ႏထွားဗာႏနုဲင်းခေတ်ယိုခါနောဝ်ꩻ ကွပ်ပွိုးနုဲင်ႏငံႏရေꩻအပြောင်ꩻအလုဲင်ႏတဲင် နီပအိုဝ်ႏလိုꩻယွဲဆꩻလဖုံႏ ထန်ႏထိုꩻခမ်းထန်ႏတဲင် လွေꩻမာꩻရောင်ဒျာႏ ထာꩻမာꩻပငါပရာꩻဖုံႏသွူ။လွူးနမ်းမွီႏသက် ဖဝရေꩻရာႏအကို စီꩻပွာꩻရေꩻအရေꩻတန်လွိုဝင်ꩻ ရိုꩻကီခန်းစွဥ်ႏလဲ့ ပညာႏရေꩻနောဝ်ꩻ ထွာအထျꩻစစရာႏရာႏဒျာႏသွူ။

==အောင်ႏအရန်းထိုသားခွုမ်စံႏခွေꩻထာꩻမာꩻ==
ခမ်းသား ထွာကျောင်ꩻဆရာႏမူႏခို၊
ပရဟိတကျောင်ꩻ နွို့ခွုမ်မာꩻကို ကျောင်ꩻဆရာႏဖုံႏ၊
လိုပ်ꩻငီꩻမွိုးဖာခြံတဖဲ့ꩻ ထင်ႏပါတက္ကသိုလ်ႏတဖဲ့ꩻ၊
လွေꩻသွဥ်ထူႏသွုပ်ယင်း ခမ်းလင်ခမ်းထန်ႏ ပညာႏရေꩻဖုံႏ၊
သွဥ်ထူႏလွူးနမ်းမွီႏသက်အတာႏ ပညာႏရေꩻဖုံႏ(ထင်ႏပါတက္ကသိုလ်ႏ)၊
ထန်ႏမာꩻ ထာꩻမာꩻခမ်းထန်ႏတဖဲ့ꩻ သွဥ်ထူႏသမ်းပညာႏရေꩻတဖဲ့ꩻ နုဲင်းနဝ်ꩻစားလဲ့ အောဝ်ႏအာတန်သွူ။

==လꩻဘွဲ့ထွူ ခွုမ်စံႏထာꩻမာꩻ==
နွို့ခွုမ်စမ်ႏသော့ꩻ အစိုႏရထာꩻမာꩻခွင်ႏကို၊
မာꩻချာနမ်းပဲင်ႏထာꩻမာꩻသားတဲ့အဝ်ႏ၊
နွို့ကူႏငီႏကို စွိုးခွိုꩻထာꩻမာꩻခွင်ႏကိုသွူ။

==အလယ်တန်ꩻထင်ႏဗာႏတဝ်းအယပ်ꩻအခုဲင်ႏ==
ဒုံကို အထာႏဝရန်းကျောင်ꩻအဲန်ထောဝ်း၊
ဆွိုက်သွယ်ႏဗာႏနုဲင်းမုဲင်ꩻသေတဝ်း၊တဖူꩻလွေꩻသဲင်ꩻချာယပ်ခုဲင်ႏ၊
မွိုးဖါနီပါꩻ စွဲးကမ်းဖေႏနွောင်ꩻတဝ်း။

==အထက်တန်ထင်ႏသွုပ်ယင်းတဝ်းအကျောင်ꩻ==
အွဥ်နယ်ဖေႏငါ(စံပြ) ပုဂ္ဂိုလ်ႏသားဆေ့ꩻ၊
သွုံꩻဖုန်းအာႏတဲင် သွဥ်ထူႏမုအလောင်း သဝင်ꩻစာႏမုအာႏပေႏလွဥ်၊လွꩻထိုꩻ။
မွိုးဖါနီပါꩻဖေႏတဝ်းထဲင်းတဝ်း တဖဲ့ꩻနဝ်ꩻ စွဲးကမ်းထောက်ဖေႏနွောင်ꩻတဝ်း။
ခေတ်ထာꩻထီႏထွꩻပညာႏ ဒေါ့ꩻသားဟော်ꩻသားဆေ့ꩻထိုꩻ၊
အသောင်အရင်ꩻ ကိဥ်းမိယိုးဖလာထွာအာ။

==ဗွေႏဗွန်အွဥ်သွဥ်ပညာႏရေꩻ==
ဗွေႏဗွန်အွဥ်သွဥ်ပညာႏရေꩻကရိုꩻနောဝ်ꩻ ဆင်ꩻရယ်ꩻချံꩻသာႏတရွေꩻတဝ်း ကမဲန်သွဥ် ကမဲန်လꩻဒါႏပညာႏသား၊မဲန်ႏပြွူႏဖြိုထင်ႏထိုသားအတာႏ အဝ်ႏကျိုꩻစာꩻသွဥ်ဖေႏ ပညာႏနောဝ်ꩻသွူ။

==ဗွေႏဗွန်အွဥ်သွဥ်ပညာႏရေꩻကရိုꩻနဝ်ꩻ==
ဖဲ့ꩻပေါင်ꩻစွုမ်ႏပညာႏယံလꩻရေꩻ၊
ဒေႏသ၊ခမ်းကို၊ခမ်းထန်ႏ ယံဖေႏကသေထွꩻ၊
လိုꩻယံ၊လိုꩻဒါႏ၊လိုꩻကျ၊လိုꩻဟဝ် ယံကလွူးထန်ႏနွောင်ꩻဖေႏ၊
အွဥ်ငါသားသီး ယံကပေါႏထန်ႏချာအရေꩻ။

==ဗွေႏဗွန်အွဥ်သွဥ်ပညာႏရေꩻကျောင်ꩻ==
ဗွေႏဗွန်အွဥ်သွဥ်ပညာႏရေꩻကျောင်ꩻကရိုꩻနောဝ်ꩻ ဗွေႏရဟန်ꩻသံဃာႏ၊သီႏလဗွာ၊ပုဂ္ဂိုလ်ႏလိုꩻလမ်းချမ်ꩻသာႏ၊ဆင်ꩻရယ်ꩻတရွေꩻတဝ်း၊ဘာႏသာႏမျိုꩻမုဲင်ꩻ တအွဥ်ႏထွော့တဝ်း ဗလငတ်ꩻမျိုꩻ ယံဗွေစွုမ်ႏ၊တွမ်ႏလိုꩻသီးစွဲးကမ်းကိုမုတဲင် တွမ်ႏကသေန်ႏလျောႏဒါႏပညာႏရေꩻယို ကဗွောင်သွဥ်ဖေႏဒါႏပညာႏရေꩻကျောင်ꩻနဝ်ꩻ ဟဲ့ꩻဗွေႏဗွန်အွဥ်သွဥ်ပညာႏရေꩻကျောင်ꩻနောဝ်ꩻသွူ။

==လွူးထန်ႏလွဥ်ဖေႏအခင်ႏလမ်း==
ပညာႏအရောင်ႏ ယံလေတောင်ႏ ထွုံꩻစံႏတွမ်ႏခေတ်အလွောက်ꩻ ယေန်ႏငဲးဖဝယံလꩻပဲင်ႏဆဲင်ႏခင်ႏလမ်းနဝ်ꩻသွူ။
လိုꩻမျိုꩻစွုမ်ႏဒေႏသသီး ယံကထွာလိုꩻယံ၊လိုꩻဟဝ်၊လိုꩻဒါႏ၊လိုꩻထာꩻသေလိန်ႏမာႏ အဝ်ႏဒါႏအရပ် လွူးထန်ႏဖေႏခင်ႏလမ်းနောဝ်ꩻသွူ။
ယံလွူးထန်ႏနွောင်ꩻဖေႏ အွဥ်ငါစွန်ꩻထီယံသား လိုꩻတန်ယံခင်ႏလမ်းနောဝ်ꩻသွူ။
လွူးဗွာနမ်း၊ကုန်ꩻနားဟွိုန်ꩻ၊ထိန်ꩻထွားခမ်းထီယံကဒါႏ လွူးထန်ႏလွဥ်ဖေႏအခင်ႏလမ်းနောဝ်ꩻစားဖုံႏသွူ။

==ရေႏရွယ်ႏချက်==
ဗွေႏဗွန်အွဥ်သွဥ်ပညာႏရေꩻကျောင်ꩻ ရေႏရွယ်ႏချက်ကရိုꩻနောဝ်ꩻ
(၁) ပညာႏရေꩻကမဲဥ်သွဥ်ထူႏသားဖုံႏ ထွꩻခေတ်ကဗွေစွုံႏဒါႏ အခေႏခံႏပညာႏရေꩻတွမ်ႏအရန်းထိုပညာႏရေꩻ ယံကစွဲးကမ်းကို ကထဲမ်ကိုနွောင်ꩻ။
(၂) ၂၀၃၀နေင်ႏရပ်သူꩻ သက်မွန်ခွုမ်မာꩻဒါႏခွိုꩻသွုပ်တသာသီး လိုꩻပေႏဖုံႏယို အကော့ꩻမောင်ꩻချက် ယံမွံဗန်ထွူတဲင် အခွင်ꩻအရေꩻဖုံႏ ယံကလꩻဗွေဗွေနောဝ်ꩻ တဖဲ့ꩻတခဝ်ယံကထဲမ်ကိုနွောင်ꩻဖေႏ။
(၃) ကအောဝ်ႏအောင်ႏမျင်ႏဒါႏ ခမ်းကိုခမ်းထန်ႏကျောင်ꩻသားသီးတွမ်ႏဘကကျောင်ꩻသားသီးဖုံႏယို ထွားလွူꩻသွုံꩻသပ်ထွူမꩻ ထဲမ်ဗွေကိုဖေႏ ပညာႏရေꩻစနစ်ယံကခြဲ့ꩻလုဲင်းနွောင်ꩻ။

== ရေႏမိုႏချက်==
 ဗွေႏဗွန်အွဥ်သွဥ်ပညာႏရေꩻကျောင်ꩻ ရေႏမိုးချက်နောဝ်ꩻ
ခွꩻငိမ်ꩻဒါႏ လိုꩻဖုံႏဖဝ ယံကတဲႏဆို့ꩻနွောင်ꩻ၊
ခမ်းတွိုင်ꩻထွꩻခေတ်ပညာႏတဖူꩻခြောင်ꩻကိုယို ယံကပသာနွောင်ꩻ၊
နယ်ꩻပညာႏတွမ်ႏလွူးနမ်းမွီႏသက်ပညာႏဖုံႏ ယံကလꩻနွောင်ꩻ၊
ဖဲ့ꩻစွုမ်ႏစွန်ꩻထီ ကဗွေလွုမ်းဒါႏ ဆရာႏ/မူႏ၊ကျောင်ꩻသားသီး ရက်ခမ်းရက်ထီ ဖေႏကထွာလွေꩻအရန်းနဝ်ꩻစား၊
ခွိုꩻသွုပ်တသာအမျာꩻတာႏ ပရဟိတသꩻဓာတ်ယံ ပေါႏထန်ႏလွဥ်နွောင်ꩻဗာႏ။

==ဘကပညာႏရေꩻကျောင်ꩻ ဧရိယာႏနယ်ႏအဝွိုင်ꩻအွဥ်ႏထွော့ချက်==
အခေႏခံႏတွမ်ႏအရန်းထိုပညာႏရေꩻတာႏနောဝ်ꩻ
(က) အသက်အရွယ်ႏ တယ်ႏစလွေꩻကျောင်ꩻ မူလတန်ꩻ၊အထာႏဝတန်ꩻ၊အရန်းထိုတန်ꩻတွမ်ႏအရန်းထိုလွိုအတန်ꩻဖုံႏကားကအဝ်ႏသွူ။
(ခ) လိုꩻခိုတွမ်ႏလိုꩻခို
(ဂ) လိုꩻမျိုꩻ၊ဘာႏသာႏတရွေꩻတောဝ်း
(ဃ) အရန်းမူလကျောင်ꩻ ဗꩻတွိုႏတက္ကသိုလ်ႏ
(င) ရေႏမိုႏချက် မျဲန်ႏမာႏခမ်းကားကအဝ်ႏ ဗꩻတွိုႏကမ္ဘာႏဆꩻကီ ယံကတွိုႏဖြွဥ်နွောင်ꩻ ထွꩻခေတ်ပညာႏရေꩻ
(စ) ကမဲဥ်အောင်ႏမျင်ႏထာꩻတိုꩻတက်သားအတာႏ သွဥ်ထူႏခရာႏခင်ႏလမ်း
(ဆ) အခွင်ꩻအရေꩻ ကမဲဥ်လꩻထာꩻမာꩻ ပညာႏမျိုꩻမုဲင်ꩻတယဝ်း ယံကဖန်ဆင်ꩻနွောင်ꩻ။

==ကရေႏဒါႏပညာႏရေꩻအစွိုးအမျိုꩻ==
ရေႏမိုးလွေꩻ အဖဲ့ꩻပေါင်ꩻစွုမ်ႏပညာႏရေꩻယို ခေတ်ထွꩻထာꩻထီႏ၊ထာꩻဒါႏဖုံႏယို မူႏတွမ်ႏခို ယံကသွဥ်ထူႏနွောင်ꩻလွေꩻဗာႏ အခွင်ꩻအရေꩻသာႏသာႏ ယံကဖန်ဆင်ꩻနွောင်ꩻချာ နမ်းအထီအသွီႏ။

==အဓိကပညာႏရေꩻသွံမျိုꩻ==
(က) ထွꩻခေတ်ပညာႏရေꩻ လိုꩻဒါႏလိုꩻကျဖေႏကလွူးထန်ႏနွောင်ꩻဗာႏ။
(ခ) စာရိတ္တပညာႏရေꩻ လိုꩻလိန်ႏမာႏ၊လိုꩻဟဝ်ယံကထွာဗာႏ။
(ဂ) လိုꩻမုပညာႏရေꩻ ထိန်ꩻတီအွဥ်ငါယံသား ဖေႏကထွာလွေꩻဗာႏ။

==ကအွဥ်ႏထွော့ဘာႏသာႏ==
ထွꩻခေတ်ပညာႏရေꩻ အစိုႏရကထေထန်ႏဒါႏလိတ်စောင်ႏ၊
အခေႏခံႏပညာႏဗꩻကထွူသွတ်ꩻနဝ်ꩻ သွဥ်ထူႏလွေꩻတွမ်ႏအစိုႏရလိတ်စောင်ႏကို အွဥ်ႏအထျꩻသွူ။

== ထဲမ်သော့ꩻဒါႏအရေꩻပါဘာႏသာႏ==
ဆဲင်ႏရာꩻဒေႏသ
အာကာသတွမ်ႏသိပ္ပံပညာႏ
ထွꩻခေတ်ဆို့ꩻရုဲင်ရေꩻ
ရာႏသီႏဥတုပြောင်ꩻလုဲင်ႏမု
ထာꩻခွုမ်ပဆိုး၊ဂီတ၊
ယေန်ႏငဲးမု
လွူးနမ်းမွီႏသက်ပညာႏ
အနုပညာႏ
ကာယ
အခေႏခံႏပညာႏရေꩻ
ခမ်းရင်ꩻသားဖြွမ်းဗူႏရေꩻ
ငိမ်ꩻချံꩻရေꩻ၊
လိတ်မန်းတွမ်ႏသဒ္ဒါႏ၊ခမ်းရင်ꩻသားဘာႏသာႏငေါဝ်းငွါ၊လိတ်လုဲင်ꩻဖုံႏ၊
သိပ္ပံခမ်းတလီꩻဥတု၊ကွန်ပျူတာ၊တိရိစ္ဆာန်ႏတွမ်ႏထာꩻမွူးပေႏဖုံႏ၊
အင်္ဂလိပ်စွန်ꩻထီ (၄)စွိုး၊
ခြွိုင်းသန်ꩻရေꩻထာꩻသေတွမ်ႏသဘာႏဝအသောင်အရင်ꩻဖုံႏသွူ။

== သွဥ်အီထောက်ကမ်းတခြိုꩻ==
ကျောႏညာႏအွဥ်ႏဖွို့ထာꩻဆေင်ႏ၊ဟံႏပွုံႏ၊ကမ္ဘာႏဖြုံႏ၊လိုꩻပေႏထာꩻခွုမ်ဆိုးပွုံႏ၊သင်္ချာခွုမ်ပဆိုးနယ်ꩻဖုံႏ၊ခွုမ်ပဆိုးအွဥ်ႏဆွိုင်ꩻလိတ်ဖြုံႏနယ်ꩻဖုံႏ၊
အရွုတ်မွန် အငဝ်းနာႏအီတာႏဖုံႏ၊
လိုꩻပေႏတာႏ ခမ်းလင်လိတ်စောင်ႏဖုံႏ၊
ခမ်းကိုခမ်းထန်ႏပညာႏရေꩻဆဲင်ႏရာꩻ ဗီဒီယို၊
အင်တာနက်လောင်း ပညာႏရေꩻအခရာႏဖုံႏ၊အနယ်ꩻပညာႏတသာဖုံႏ၊
ဖုန်း၊ဘောက်၊ကွန်ပျူတာ၊ပရောဂျက်တာဖုံႏစစွဥ်ႏ တခြိုꩻထောက်ကမ်းဖုံႏသွူ။

==စာရိတ္တပညာႏရေꩻ==
၁။ သွဥ်ဖေႏလွေꩻအကဲဥ်အဗဲ့ꩻ၊အခေႏခံႏလိုႏအပ်ချက်ဖုံႏ၊
၂။ သမဲင်ꩻ၊ဗုဒ္ဓဘုရာꩻဇာတ်ရဲဥ်ꩻ၊
၃။ စွုမ်ႏနီꩻလိုꩻဖောင်ႏဖဝတာႏ နမ်းမော့ꩻအမဲဥ်ႏအွဥ်ႏနယ်လွေꩻ ကမွေးမဲဥ်ႏဒါႏ ထာꩻယူႏ၊ထာꩻမာꩻထာꩻကျံႏတွမ်ႏကျိုꩻဆောင်ႏမုတွမ်ႏထာꩻသယ်ꩻခံႏတရာꩻဖေႏကအဝ်ႏအီ။
၄။ ရပ်ရာႏထျꩻထောင်ꩻ လိုꩻမုꩻရေꩻတွမ်ႏထာꩻမာꩻခွင်ႏကို နွို့ꩻပါကွဲးကမ်းကိုအီ။
ဗုဒ္ဓဓမ္မတွမ်ႏ စပ်ဆွိုင်ꩻဒါႏအီ ထွꩻခေတ်ပညာႏရေꩻ။

==လောကုတ္တရာဘာႏသာႏ==
မင်္ဂလသုတ်၊
သေခိယ(စီꩻကန်ꩻ)
သင်္ဂါလောဝါဒ(လောကနီတိ)
ဘာႏဝနာႏ
အဘိဓမ္မာႏ
ဓမ္မစက္ကျာႏ
ကာလာမသုတ်
ဇာတ်တောႏတန်(၁၀) ဇာတ်
အနတ္တလက္ခသုတ်စစွဥ်ႏယိုစားဖုံႏနောဝ်ꩻ ဘာႏသာႏတွိုင်ꩻ၊လိုꩻမျိုꩻမုဲင်ꩻတယဝ်း သွဥ်ထူႏထွိုက်ဒျာႏနောဝ်ꩻသွူ။

==လိုꩻမုပတ်တဝွိုင်ꩻပညာႏရေꩻ==
သꩻချမ်ꩻသာႏပျောႏသွင်ႏရေꩻဖဲ့ꩻတွမ်ႏနမ်းကာႏယ ခွေါင်ခံႏရေꩻအတာႏ ကအီႏမာꩻဗာႏအချက်ဖုံႏနောဝ်ꩻ
ထာꩻခွုမ်ဆိုးအမျိုꩻမျိုꩻ ဘောလုံး၊ချင်ႏလွုံꩻ၊ဖင်းပကျောက်နုဲင်ႏ၊ထွို့ꩻတဖြွီꩻ၊
အုံတရာꩻ
ဒေါ့ꩻငဝ်းကထွာဒါႏ သဓာတ်အာႏထင်မျိုꩻ
သွဥ်ထူႏသွဥ်ဖေႏကို အခိန်ႏကာႏလလွေꩻထွားလွူꩻပါ အသောင်အရင်ꩻ၊
အမျာꩻငါ နမ်းတွမ်ႏနမ်း ယွုမ်းအံႏမုအဝ်ႏအဝ်ႏ ဒေါ့ꩻရီတွိုင်ႏပင်ႏလို့ဝင်ꩻ၊
ကမာꩻနွောင်ꩻ စွန်ꩻအာႏအလောင်း အွဥ်ႏရေꩻသွင်ꩻအံႏ မုဲင်တောင်သေꩻဗာႏ၊
ပျောႏသွင်ႏပွယ်ꩻ လိတ်သွဥ်ခန်ꩻကဆဲင်ႏဒါႏ နမ်းမော့ꩻထာꩻမာꩻယို ထွဥ်ႏမာꩻလွေꩻ၊
ဖေႏပညာႏထာꩻသေ ခြွိုင်ႏသန်ꩻရေꩻ၊
သဘာႏဝအသောင်အရင်ꩻကြောင်းစင်ရေꩻ၊
ရပ်ရာႏဒုံကို ကအဝ်ႏဒါႏ သက်တန်လိုꩻဖြားသီးစွဲးကမ်းကိုရေꩻ ထီ၊သိုႏ၊မေႏ၊နမ်းကြောင်းစင်ရေꩻ၊ထိန်ꩻထွားခြွိုင်ႏသန်ꩻရေꩻ၊အံႏအွꩻ၊အဒို့ꩻအဒါ၊ခွမ်ꩻလာꩻစတဲင် စွဲးကမ်းရေꩻ၊
အနုပညာႏထာꩻမာꩻ ခမ်းထီ၊အမျိုꩻသာꩻရေꩻ၊ဇာႏတိမာန်ႏငဝ်းတဲမ်းစန်ႏဖောႏလွေꩻစစွဥ်ႏ အသောင်အရင်ꩻ ထီႏထွꩻရာꩻ၊ကျုံႏရာꩻ ပညာႏအထီႏအဟွိုန်ဖဲ့ꩻဖုံႏနောဝ်ꩻသွူ။

==ပညာႏရေꩻတွမ်ႏလိုꩻပေႏအနာႏဂါတ်==
လိုꩻမျိုꩻတမျိုꩻယို အရေꩻကီꩻသွတ်ꩻနောဝ်ꩻ ပညာႏရေꩻသွူ။ကွပ်ပွိုးတမုဲင်ꩻကရိုꩻနောဝ်ꩻ လိုꩻမျိုꩻတိုꩻတက်ထင်ႏထိုအီအတာႏ ပညာႏရေꩻနောဝ်ꩻထွာအထျꩻသွူ။ပုဂ္ဂိုလ်ႏအဖြာꩻမုဲင်ꩻတယဝ်း လိုꩻမျိုꩻမုဲင်ꩻတယဝ်း ဘာႏသာႏမုဲင်ꩻတရိုꩻတဝ်း လိုꩻမျိုꩻ၊ဘာႏသာႏထင်ႏထိုတိုတက်အီတာႏ ပညာႏရေꩻယို ထွာအရေꩻသွတ်ꩻသွူ။ပညာႏရေꩻယို မဥ်ႏတအဝ်ႏတဝ်းနဝ်ꩻ လိုꩻမျိုꩻတမျိုꩻယို တိုꩻတက်ထင်ႏထိုအီအတာႏ အယပ်အခုဲင်ႏအောဝ်ႏအာငါႏနောဝ်ꩻသွူ။နဝ်မ ပညာႏရေꩻယို လိုꩻပေႏ၊လိုꩻအရွယ်ႏမဲန်ႏ၊လိုꩻတန်ဖုံႏယို အဝ်ႏလိုႏသွဥ်ထူရောင်ဝင်ꩻ ပငါပရာꩻဖုံႏသွူ။မန်းငဝ်းအလꩻ &quot;ပညာသည်အိုသည်မရှိ&quot; မန်းငဝ်းအတွိုင်ꩻ ပညာႏအမျိုꩻမုဲင်ꩻတယဝ်း လိုႏသွဥ်ထူႏရောင်ငါႏဝင်ꩻဖုံႏသွူ။
ကွပ်နောဝ်ꩻမ ပညာႏရေꩻယို လိုꩻပေႏအတာႏ အွဥ်ႏရေꩻဖေႏတဝ်းနဝ်ꩻ တလꩻတောဝ်းသွူ။ကွပ်ပွိုးတမုဲင်ꩻနဲးတဲင် လိုꩻပေႏယိုတဖြာꩻဖြာꩻအတွက်တာႏနဝ်ꩻ ပညာႏရေꩻယို အောဝ်ႏလိုႏသွဥ်ထူႏဗာႏဒျာႏသွူ။လိုꩻပေႏတဖြာꩻယို ပေါႏမဥ်ႏတသွဥ်ထူႏဗာႏတဝ်း ပညာႏကရိုꩻနောဝ်ꩻ ဗွိုန်ပီနုဲင်းစွဥ်ႏလိုꩻမဲ့ခေ့ꩻသွူ။လိုꩻမျိုꩻတွိုင်ꩻယို လိုꩻပေႏအဝ်ႏလဲဥ်းတဲင် ပညာႏရေꩻယိုပေါႏမဥ်ႏတအဝ်ႏတဝ်းနဝ်ꩻ လိုꩻပေႏအတာႏယို ယူႏသော့ꩻမာꩻသော့ꩻထာꩻ တလꩻတဝ်း၊ဆွုံꩻဖျတ်တရုဲင်းတောဝ်းတဲင် အထဲ့ဆုဲင်ꩻထိုꩻဝင်ꩻကိဥ်းအာအာသွူ။ဒုံတဒုံကို လိတ်အိန်ကျောင်းအောဝ်ႏဒျာႏ ကွဲးတွော့ꩻ ကအီႏသွဥ်ထူႏဒျာႏလိုꩻပေႏ မိဥ်ႏတအောဝ်ႏတဝ်းနဝ်ꩻ ဒုံတဒုံယို လိုꩻပေႏအတာႏဟဲ့ချာဗာႏ လိုꩻမျိုꩻလောင်းလင်နောဝ်ꩻသွူ။မဲ့အီႏအုံနောင်ဗာႏတေားဝင်ꩻ လိုꩻမျိုꩻလင်သွူ။မွိုးဖါ၊ဆရာႏသီးဖုံႏယို ခံႏအနစ်နာႏထွူတဲင် လိုႏထွဥ်ႏသွဥ်ငါႏ လိုꩻပေႏပညာႏဖုံႏသွူ။ဝွေꩻသီးမဥ်ႏတန်တနီꩻသူꩻနောဝ်ꩻ နမ်းအတာႏ၊အမျာꩻအတာႏ အာႏကွိုꩻခရာႏနောဝ်ꩻ အောဝ်ႏဒျာႏပညာႏလွုမ်ꩻတဲင် ဖေႏဒါႏဒါႏပညာႏညာႏမꩻ အနယ်ꩻကွဲဆꩻနောဝ်ꩻသွူ။နမ်းအတာႏမကာႏ ဖဝတွူကာႏအတာႏယင် ရုဲင်းဟန်သတ္တိတဗာႏ ဆွုံꩻဖျတ်ရုဲင်းအီတာႏနောဝ်ꩻ အရင်ꩻခံႏထာꩻသေပညာႏယိုနောဝ်ꩻ ထွာအထျꩻနဝ်ꩻ ပညာႏရေꩻယိုသွူ။

လိုꩻပေႏတဖြာꩻယိုအတွက်တာႏ ပညာႏရေꩻမဥ်ႏအောဝ်ႏမꩻ အနာႏဂါတ်ဆငါအတာႏ အာႏကွိုꩻခရာႏ၊ယွုမ်းအံခရာႏထွာဗာႏ အစဲစ်အမဲန်ႏနောဝ်ꩻသွူ။လိုꩻပေႏကရိုꩻယို အုံနောင်အာႏကွိုꩻလွေꩻတွမ်ႏ လိုꩻမျိုꩻ၊ခမ်းထီအတာႏဒျာႏသွူ။လိုꩻပေႏတဖြာꩻယို မိဥ်ႏတသွဥ်ထူႏဗာႏတဝ်း ပညာႏနောဝ်ꩻ လိုꩻပေႏတဖြာꩻယိုမဥ်ႏတန်လွဥ်တနီꩻခါသူꩻ အီႏဆွုံꩻဖျတ်နမ်းအတာႏ၊နားဟွိုန်စုအတာႏ၊အမျာꩻအတာႏ တရုဲင်းတောဝ်းနဝ်ꩻသွူ။
ကွပ်ပွိုးတမုဲင်ꩻနဲးကရိုꩻနောဝ်ꩻ ကလဲဥ်းခိုႏချာမဟာမစာႏ ကွပ်တသွဥ်ထူႏခါꩻဗာႏတဝ်း ပညာႏရေꩻတဲင် နွို့လိုꩻအာခြာ ထွꩻတောဝ်းဝင်ꩻနောဝ်ꩻသွူ။နောဝ်ꩻမꩻ လိုꩻပေႏအနာႏဂါတ်ယိုနောဝ်ꩻ အောဝ်ႏဒျာႏမွိုးဖာစူကိုတဲင် ပေါႏမဥ်ႏအွဥ်သွဥ်ထူႏဒျာႏ ပညာႏတဲင် မဥ်ႏတွိုႏတနီꩻခါသူꩻ အာႏကွိုꩻခရာႏထွာပိုရတနာႏဖုံႏနောဝ်ꩻသွူ။နောဝ်ꩻမ နီပအိုဝ်ႏလိုꩻမျိုꩻသမဲင်ꩻစခါကို ဝင်ꩻတေက်ꩻနျꩻလွဥ်နဝ်ꩻ ခံႏဗာႏလဲင်ꩻတခိꩻနေးဒွုမ်စားတဲင် ခေတ်ထွꩻအလွောက်ꩻ ထာသေပညာႏ၊ထာꩻဒါႏပညာႏယို မူႏခိုစွုမ်ႏဖြာꩻ သွဥ်မꩻလꩻသွူ။ လိုꩻပေႏအနာႏဂါတ်အတာႏ ဖေႏကထင်ႏထိုတသွောင်းနဝ်ꩻ အဓိကအထျꩻပညာႏရေꩻဒျာႏသွူ။


[[Category: BLK]]
[[Category: ထွားဖတ်ခရာႏ]]</text>
      <sha1>k9ruvpnrjdb0vuxgvv4z5o9lc5zixqu</sha1>
    </revision>
  </page>
</mediawiki>