ငွိုးမွုန်းဒွုမ်နေားမွိုး

<mediawiki xmlns="http://www.mediawiki.org/xml/export-0.11/" xmlns:xsi="http://www.w3.org/2001/XMLSchema-instance" xsi:schemaLocation="http://www.mediawiki.org/xml/export-0.11/ http://www.mediawiki.org/xml/export-0.11.xsd" version="0.11" xml:lang="blk">
  <siteinfo>
    <sitename>ဝီခီပီးဒီးယား</sitename>
    <dbname>blkwiki</dbname>
    <base>https://blk.wikipedia.org/wiki/%E1%80%A1%E1%80%93%E1%80%AD%E1%80%80%E1%80%9C%E1%80%AD%E1%80%90%E1%80%BA%E1%80%99%E1%80%B2%E1%80%B7%E1%80%84%E1%80%AB</base>
    <generator>MediaWiki 1.47.0-wmf.6</generator>
    <case>first-letter</case>
    <namespaces>
      <namespace key="-2" case="first-letter">မီဒီယာ</namespace>
      <namespace key="-1" case="first-letter">တဲးဝါး</namespace>
      <namespace key="0" case="first-letter" />
      <namespace key="1" case="first-letter">အိုင်ကိုမ်ဒေါ့ꩻရီ</namespace>
      <namespace key="2" case="first-letter">ကေားသုင်ꩻသား</namespace>
      <namespace key="3" case="first-letter">ကေားသုင်ꩻသား အိုင်ကိုမ်ဒေါ့ꩻရီ</namespace>
      <namespace key="4" case="first-letter">ဝီခီပီးဒီးယား</namespace>
      <namespace key="5" case="first-letter">ဝီခီပီးဒီးယား အိုင်ကိုမ်ဒေါ့ꩻရီ</namespace>
      <namespace key="6" case="first-letter">ဖုဲင်</namespace>
      <namespace key="7" case="first-letter">ဖုဲင် အိုင်ကိုမ်ဒေါ့ꩻရီ</namespace>
      <namespace key="8" case="first-letter">မီဒီယာဝီခီ</namespace>
      <namespace key="9" case="first-letter">မီဒီယာဝီခီ အိုင်ကိုမ်ဒေါ့ꩻရီ</namespace>
      <namespace key="10" case="first-letter">တမ်းပလေက်</namespace>
      <namespace key="11" case="first-letter">တမ်းပလေက် အိုင်ကိုမ်ဒေါ့ꩻရီ</namespace>
      <namespace key="12" case="first-letter">စွဲးကမ်းကို</namespace>
      <namespace key="13" case="first-letter">စွဲးကမ်းကို အိုင်ကိုမ်ဒေါ့ꩻရီ</namespace>
      <namespace key="14" case="first-letter">ကဏ္ဍ</namespace>
      <namespace key="15" case="first-letter">ကဏ္ဍ အိုင်ကိုမ်ဒေါ့ꩻရီ</namespace>
      <namespace key="710" case="first-letter">TimedText</namespace>
      <namespace key="711" case="first-letter">TimedText talk</namespace>
      <namespace key="828" case="first-letter">မော်ဂျူး</namespace>
      <namespace key="829" case="first-letter">မော်ဂျူး ဆွေးနွေးချက်</namespace>
      <namespace key="1728" case="first-letter">Event</namespace>
      <namespace key="1729" case="first-letter">Event talk</namespace>
    </namespaces>
  </siteinfo>
  <page>
    <title>ငွိုးမွုန်းဒွုမ်နေားမွိုး</title>
    <ns>0</ns>
    <id>9484</id>
    <revision>
      <id>33520</id>
      <parentid>33426</parentid>
      <timestamp>2026-06-13T03:06:17Z</timestamp>
      <contributor>
        <username>KhunMyoe</username>
        <id>34</id>
      </contributor>
      <origin>33520</origin>
      <model>wikitext</model>
      <format>text/x-wiki</format>
      <text bytes="49475" sha1="aqi90rpsnqe75kq1m6og4bi4k6w6ruc" xml:space="preserve">နီဗွေႏဘုရာꩻ အဝ်ႏသတင်ꩻသုံꩻအုံ သာဝတ္ထိခမ်း [[ဇေႏတဝွန်ႏ]]ကျောင်ꩻတောႏကိုအယံတွင်ꩻ တွမ်ႏဝေင်ꩻသာဝတ္ထိမဗော့ꩻမညာꩻ ဒုံမိဉ်ꩻတထင်ႏသျာꩻတဝ်းတဒုံ၊ သာႏသနာႏအရောင်ႏ အဝ်ႏလေတောင်ႏတဆဝ်ခိန်ႏတွင်ꩻတဲင် ဒုံသားရပ်သားဖုံႏ ယွုမ်းအံႏအာႏကွိုꩻလွမွေးစွဉ်ႏ ရတနာႏသိုမ်ပါꩻအလောင်းနဝ်ꩻမꩻ ဒုံကတူႏရပ်နဝ်ꩻ တဲႏဆို့ꩻလူႏစွဉ်ႏကျောင်ꩻတန်တကျောင်ꩻ၊ဗွေႏသံဃာႏသီး ကအုံအဝ်ႏကျောင်ꩻတောႏကိုအတာႏ ပစ္စေꩻလစ်ꩻပါꩻ ဖေႏကလွစ်ဟင်ꩻဗာႏမွုန်းနဝ်ꩻလဲ့ အခိုသေလူႏ၊ အမူႏသေတန်ꩻတဲင် ရဟန်ꩻသာႏမဏေႏဖုံႏ အုံသတင်ꩻသုံꩻဗာႏ ချမ်ꩻချမ်ꩻသာႏသာႏနဝ်ꩻသွူ။
ကျောင်ꩻဒုံကတူႏ ဝိဟာရအကို ဗွေႏသျင်ႏမိဉ်ꩻကျောႏထင်ႏသျာꩻ ပေါင်းတလောင်ꩻလောင်ꩻ အဝ်ႏတပါꩻ၊ ဘွဲ့တောႏနာႏမ ဟဲ့ꩻလွ&quot;သာနု&quot;နုဲင်းနဝ်ꩻ၊ ဝွေꩻကဗုဲင်စစသျင်ႏတွင်ꩻနဝ်ꩻ သက်စငါလꩻ နွုတ်ꩻနေင်ႏပေႏဒျာႏ၊ ဒေါ့ꩻခန်းယိုꩻယိုꩻ၊ ရိုꩻခန်းဖြွောင်ႏဖြွောင်ႏ၊ ကွဲးညည ထွာလꩻခန်းစင်ꩻလောင်ꩻအရွယ်ႏခိန်ႏ၊ အရွယ်ႏတဲ့မဲဉ်ႏ၊ ယောင်ꩻဆင်ꩻတရေꩻ၊ နမ်းကျင်ꩻသီႏလတဲ့ဗွေစွုမ်ႏ၊ ဗွေႏဆရာႏအတာႏ မွူးရဝ်ꩻခိုႏစဝ်း ထွိုင်ႏဖျင်အွဉ်ႏတံꩻဖေႏ ထီမဲ့ဖြား၊ တငါပွစ်(တံꩻပူႏ)ဖုံႏသွူ။
ကွပ်သွမ်ꩻ(ဒဲဉ်ပဲစ်ꩻ-ဆန်ပြုတ်)မိဉ်ႏထွူသွူလဲ့ ပသေဖွစ်ꩻဖျိုးအွဉ်ႏသိမ်ꩻ၊ ပေါႏရိုꩻကျောင်ꩻထျꩻသောင်လဲ့ ထာꩻအီႏထာꩻစျꩻ လွစ်အဝ်ႏဖို၊ ကြောင်းကြဲ့တသေႏ၊ အဆရာႏသင်္ကန်ꩻ၊ ဖဝါႏ၊ အဒို့ꩻအဒါ၊ ခင်ႏလမ်းကိန်ꩻ၊ ခန်ꩻ၊ အွဉ်ႏလိုယာခိုး၊ ဖွစ်ꩻဖျိုး၊ ဒါဖေႏသိမ်ꩻဖေႏ-စစွဉ်ႏ တပဲ့ꩻဝွတ္တရာꩻကေႏ သာႏမဏေႏတပါꩻနဝ်ꩻသွူ။
ထိဉ်ႏမွေမိဉ်ႏလွဉ်တဲ့ ရီအွဉ်ကျိုႏဆွုမ်ႏ၊ နဲစ်လောႏထူႏဆွုမ်ႏဖေႏ အတခြိုꩻ၊ ထီဟွာႏထီသုံꩻ၊ ထီအွꩻ အခွꩻအလျား အွဉ်ႏတံꩻသေႏခေါင်းသေႏချာႏဖေႏဒါႏ-စတဲင် ထိဉ်ႏဝွတ္တရာꩻဖုံႏတဲ့ နယ်ꩻခရာႏဒေါ့ꩻခရာႏ လွစ်အဝ်ႏ၊ သွူတကာႏတဝ်း အယိန်းထင်ႏသျာꩻလွိုကယ်ꩻက နုဲင်းကီယိုဖုံႏနဝ်ꩻ အဝ်ႏကတမျိုꩻ၊ တမုဲင်ꩻဟောင်း? ဗွေႏသျင်ႏသာနုနဝ်ꩻ &quot;ငဝ်းယံငဝ်းထီအွီႏ&quot;ကရိုꩻဒါႏ အချက်တချက်သွူ။
ဘုရာꩻဒေႏသတနာႏယို ဖေႏဝင်ꩻကသေနာႏစဲင်းနဝ်ꩻ ဟော်ꩻခြုဲင်းနယ်ဖေႏဒါႏ၊ ကသေထွꩻဒါႏ သျင်ႏသာနုအစိုန်ꩻ ရဟန်ꩻလောင်ႏလင်တွမ်ႏ ဥပဇ္ဈာယ်ႏဆရာႏသီးဖုံႏနဝ်ꩻ လာဗွေလာမားနီꩻ ရပ်သားဒုံသားဖုံႏ မိဉ်ႏထင်ႏကျောင်ꩻနဝ်ꩻ အွဉ်ႏသေႏသေႏ ဗွေႏသျင်ႏသာနုဟော်ꩻတရာꩻ၊ မိဉ်ႏတွိုႏလာဗွေလာမားနီꩻနဝ်ꩻ ထွိုင်ႏစဝ်း၊ ဖွစ်ꩻဖျိုးကြောင်းသေꩻ ဟော်ꩻတရာꩻခင်ႏလမ်း &quot;ဓမ္မာႏရုံႏ&quot;ကိုဖုံႏ၊ အထျꩻအသောင်ဖုံႏ။
အွဉ်ႏတံꩻပလ္လင်ႏ၊ ဒါထင်ႏထာꩻဒါ၊ တဲစ်ꩻလူႏပူႏဇောႏပါမေႏထွူမꩻ ရပ်ရာႏလိုꩻဒုံတွမ်ႏ အသောင်အရင်ꩻလူꩻသီးသာသီး ယံကျွꩻထင်ႏနာႏသွော့တရာꩻဖုံႏအကျောင်ꩻ- နို့ꩻဆောႏတမာလွေꩻနုဲင်းယို-
&quot;တဲႏစွဉ်ႏ စက္ကျာႏဝဠာႏကျွန်ꩻယိုတဲင် စက္ကျာႏဝဠာႏပေါင်ꩻတသောင်ꩻအကို ကအဝ်ႏအုံဒါႏ လူꩻလိုꩻဗျဟ္မာႏသီး- ယံကျွꩻလွဉ်နာႏသွော့ မုနိငတ်ꩻပါꩻ လွိုထင်ႏသျာꩻဒါႏ နီဗွေႏဘုရာꩻသီးတရာꩻတောႏ ကပသာဖေႏနွောင်ꩻအီဒါႏ လူꩻလိုꩻချမ်ꩻသာႏ နိဗ္ဗာန်ႏရွာႏယိုအကျောင်ꩻ&quot;
ကွပ်ဗွေႏသျင်ႏသာနု ငဝ်းနိုꩻဆောႏတမာတဲင် လူꩻလိုꩻဗျဟ္မာႏ ကကေႏညိုႏလွဒါႏ ရတနာႏသိုမ်ပါꩻသားဖုံႏနဝ်ꩻ ကျွꩻလွဉ်နာႏလွတရာꩻ ပငါပရာꩻ၊ လိုꩻပရိသတ် ကထွိုင်ႏစွုမ်ႏနဝ်ꩻ သျင်ႏသာနုလဲ့ ကျွꩻထင်ႏပလ္လင်ႏလောင်း၊ ဟော်ꩻဖေႏတရာꩻ၊ သျင်ႏသာနု အကျင်ꩻသီႏလဗွေဂုဏ်ႏ၊ ကေႏညိုႏခရာႏထွာအီ ပသာဒဂုဏ်ႏ၊ ငဝ်းအွီႏငွါသာႏ သာႏယာႏနုညံꩻငါႏ မဓုရသဒ္ဒဂုဏ်၊ ဟော်ꩻဖေႏဒါႏတရာꩻယော့ဆုံး ဒေႏသနာႏတောႏဂုဏ်ႏဖုံႏအဝ်ႏတဲင် လူꩻတွမ်ႏလိုꩻ ဒေါ့ꩻရိုꩻရောင်လွ အဟော ဝတ-ယံငါႏ ဟိက်ငါႏ၊ ကျငါႏအံႏဖြာႏလွ ပငါပရာꩻနဝ်ꩻသွူ။
တွိုႏတလဲင်ႏ ဗွေႏသျင်ႏနဝ်ꩻနဝ်ꩻ &quot;ခွေဟော်ꩻတရာꩻတဲင် ကလꩻလွဉ်ဒါႏ ကုသိုလ်ႏ[[မင်္ဂလာႏ]]ယို မွိုးဖါရင်ꩻ ယိုခါလွုမ်ꩻတကာႏတဝ်း ဘဝလီꩻကရီးခါ ကထွာဖိုဒါႏ မွိုးဖါသီးအတာႏ ဖန်းဝွေႏဖေႏကုသိုလ်ႏအပွန်းတဲင် ဝွေꩻသီးမိဉ်ႏသာႏဓုရိုမ်းဗာႏ တွမ်ႏသꩻရောင်းသꩻရေꩻနဝ်ꩻ ရယံငါႏနဲး&quot;လောႏယူႏလꩻနုဲင်းနဝ်ꩻမꩻ &quot;ကွပ်ခွေဟော်ꩻဗာႏတရာꩻတဲင် ကလꩻလွဉ်ဒါႏ ကုသိုလ်ႏအပွန်းအတာႏယိုနဝ်ꩻဘဝကရီးခါ ကထွာဖိုဗာႏ [[ကေꩻဇူꩻ]]ဗွေႏမွိုးဖါသီး ယံလꩻတွာတွာ၊ လꩻငီꩻငီꩻသွော့နေား&quot;ဝွေႏပါမွေးခန်းနုဲင်းနဝ်ꩻသွူ။
တရာꩻပွယ်ꩻနဝ်ꩻခါ ကပါဒါႏလူꩻသီးဖုံႏအကို ကထွာဗာႏဖိုဗွေႏသျင်ႏ တကာႏမွိုးလီꩻ &quot;ဖီလူꩻ&quot;မူႏတဖြာꩻနဝ်ꩻ ကွပ်အပိုခိုသျင်ႏ ဝွေႏဖေႏဝွေꩻနုဲင်းနဝ်ꩻတဲင်- &quot;ခွေပိုဗွေႏသျင်ႏ ဖန်းဖေႏပါခွေ ကုသိုလ်ႏအပွန်းမွော့ဟွေး&quot; ယူႏစွေးထွူခါ စူနီပင်ဒင်ႏကတူႏ သꩻရောင်းသꩻရေꩻ ခြဝ်သန်စွဉ်ႏအငဝ်း &quot;သာႏဓု&quot;သိုမ်လဲင်ႏ၊ သိုမ်ခြွိုက်၊ နဝ်ꩻမꩻ တန်ꩻခိုꩻကတန်ဒါႏလူꩻသီးနဝ်ꩻ &quot;အော်ႏ- ဖီလူꩻမူႏသူꩻ ထွာဗာႏဖိုသျင်ႏကဟော်ꩻတရာꩻသားယိုမွိုးဟနေား&quot; သေထွခန်း ပငါပရာꩻ၊ အံႏအော်ꩻအံႏဖြာႏ၊ ထင်းတန်စွဉ်ႏဒျာႏ ဖီလူꩻမူႏတလဲင်ႏချင်ꩻသွူ။
&quot;နာꩻနဝ်ꩻ ဟို့ꩻဟဝ်၊ ဟို့ꩻမျတ်၊ ကလွူးဗာႏပိုတဲ့ ကွိုင်ႏငါႏကနေား၊ ထွာဗာႏဖို ပိုရတနာႏသီးမွိုးဟနေား&quot; အံႏဖြာႏဒေါ့ꩻရောင်၊ အိုပ်ꩻရောင်ဖီလူꩻမူႏနုဲင်းနဝ်ꩻ၊ တဲႏနဝ်ꩻမာꩻငါ ဖီလူꩻမူႏတဖြာꩻ လူꩻသီးဖုံႏ တန်ꩻခိုꩻတန်လဲဉ်းဝွေꩻသားဖုံႏတဲ့ ခံႏနွမ်ꩻဗာႏစွဉ်ႏဝွေꩻ၊ မိဉ်ႏလွဉ်နာႏတရာꩻတဲ့ ဝင်ꩻဖေႏစွဉ်ႏခင်ႏလမ်းယံယံ အွိုးဆꩻငါသွတ်ꩻ၊ တန်ꩻခိုꩻတန်တန် ဖီလူꩻဖုံႏ မိဉ်ႏခွဲးဝွေꩻတဖူꩻလောင်းတွင်ꩻတဲ့ ခံႏနွမ်ꩻရိုႏသေႏ၊ဖုဲင်းဖေႏဗာႏဝွေꩻတဖူꩻနဝ်ꩻသွူ။
အွဉ်ႏရေꩻစွော့ꩻတက်၊ နုတ်ဆက်လွမွေးစွဉ်ႏဝွေꩻ၊ ကွပ်ပိုခိုရတနာႏတဲင် ဘဝလီꩻထွာဖို အမွိုးဖီလူꩻမူႏနဝ်ꩻ ဂုဏ်ႏထင်ႏအီ၊ မဲ့ငါလုဲင်းအီစွဉ်ႏတတွာနဝ်ꩻ၊ &quot;ပိုခိုယံတဖြာꩻ- သဲင်လုံးယံတဖြုံႏ&quot;ကရိုꩻဒါႏငဝ်းနဝ်ꩻအတွိုင်ꩻ ထွိုင်ႏလꩻဗာႏ ပိုခိုလိန်ႏမာႏနဝ်ꩻ ကထွာအမွိုး သꩻရေꩻကိုမွေးနေနေ (ယိုနဝ်ꩻ ဘဝခါႏထိုꩻလဲဉ်း၊ မွိုးလီꩻပေႏလွုမ်ꩻ)၊ ရွဉ်ခံꩻဥစ္စာႏ လွိုင်ႏအာတဲ့နဝ်ꩻ၊ အဆင်းရန်းထိုတသွောင်းတဲ့နဝ်ꩻ လိုꩻဖုံႏကထင်းအတွိုင်ꩻ ပညာႏထာꩻဒါႏ မိဉ်ႏဗွေတဲ့နဝ်ꩻ။
ခံႏဗာႏဝင်ꩻအမျာꩻကိုꩻကွယ်ႏ-စတဲင်အကျောင်ꩻ တမျိုꩻမျိုꩻတဲ့နဝ်ꩻ ကကျောႏထင်ႏသျာꩻလွဉ်ဒါႏ ပိုတဖြာꩻအတွက် မွိုးဖါသီး သꩻရေꩻစွုမ်းသꩻ ကထွာဗာႏနုဲင်းယိုနဝ်ꩻ သဘာဝဓမ္မတာႏဒျာႏရင်ꩻရင်ꩻ၊ သျင်ႏသာနု တကာႏမမွိုးလီꩻ ဖီလူꩻမူႏနဝ်ꩻ ဖီလူꩻမူႏသာမညပေႏလွုမ်ꩻ၊ ကွဲႏတွော့ꩻ- ထွိုင်ႏသေထွꩻ &quot;သျင်ႏလိန်ႏမာႏသီးမွိုးလီꩻ&quot;နဝ်ꩻ တန်ꩻခိုꩻကတန်ဒါႏ ဖီလူꩻလောင်ႏလင်ဖုံႏ ရိုႏသေႏဂါရဝဗာႏစွဉ်ႏ ဝွေꩻနဝ်ꩻသွူ။
&quot;သꩻ-သꩻ&quot;ယို အထွာအကုဲင် မွိုင်တမွိုင်တဝ်းနဝ်ꩻ တဲက်နယ်နေး လဲင်ꩻတဒါႏဒွုမ်၊ &quot;မိဉ်ႏယွုမ်းတဲ့ယွုမ်း၊ မိဉ်ႏတယွုမ်းတဝ်းတဲ့ ထွာဒျာႏဟော်ꩻလိတ်သားတာႏဝွန်ႏ&quot;ရိုꩻဖေႏနွောင်ꩻနုဲင်းနဝ်ꩻလွုမ်ꩻ၊ သျင်ႏသာနု အဝ်ႏပျောႏပျောႏသာႏသနာႏတွင်ꩻ၊ မိဉ်ꩻကျောႏထင်ႏသျာꩻ ဝင်ꩻကကေႏညိုႏ တကားနဝ်ꩻပိဉ်တဲ့ ကွဲးအုံအုံ ကွဲးညညနဝ်ꩻ သင်္ကန်ꩻပွိုင်ႏတဲ့ မိဉ်အွဉ်ႏအကုဲင်၊ သင်္ကန်ꩻဗုဲင်တဲ့ မိဉ်အွဉ်ႏပြာႏ၊ ပျောႏတဝ်းဒွုမ် [[သာႏသနာႏ]]တောႏကို၊ မိဉ်အုံတဝ်းဒွုမ်ကျောင်ꩻ၊ သꩻကမိဉ်ပြောင်ꩻ အခြုံနုဲင်းယိုနဝ်ꩻ ကဲဉ်းအာအာ လောကီꩻအာႏရုံႏ ကာႏမဂုဏ်ႏအလောင်း &quot;သꩻမဲဉ်အာႏတလာ&quot;ကရိုꩻဒါႏအချက်နဝ်ꩻ ထွာပထမအရင်ꩻခံႏသွူ။
ကျောင်ꩻကိုကန်ႏဖူꩻ အဝ်ႏအုံဗာႏချမ်ꩻချမ်ꩻသာႏသာႏ ပြဲ့ꩻပြဲ့ꩻစုံႏစုံႏလဲ့ သꩻတရေင်သꩻယပ်ꩻ ကမိဉ်ထွက်ထာꩻ သျင်ႏသာနုသꩻနဝ်ꩻ &quot;သꩻခိုဗင်ႏ၊ သꩻဒုံ၊ သꩻရူꩻရာꩻအွဉ် အလွိုးထာꩻမဲဉ်ပေါႏ&quot;မိဉ်ႏရိုꩻနုဲင်းနဝ်ꩻတဲ့ ရငါႏတသစ်တဝ်းမွော့၊ ဝင်ꩻမူႏဝင်ꩻခို တအွဉ်ႏတအဝ်ႏဗာႏဖိုဖိုတဝ်းရိုꩻလဲ့ &quot;ဘဝဖူႏစာႏ-ခွဲးဒါႏမုဲင်ꩻကို၊ ဆင်ႏယိုမိဉ်ႏပြေႏ-အခေႏနေႏမိဉ်ႏလꩻ၊ မိဉ်ႏဖြေႏသꩻနွောင်ꩻငါ&quot;သꩻအဝ်ႏထိုꩻနုဲင်းနဝ်ꩻမကောင်? ကွဲးအုံအုံကွဲးမိဉ်ထွက်ထွက်လွဉ်မွေးစွဉ်ႏနဝ်ꩻသွူ။
&quot;ဗုဲင်ဘုရာꩻခွိုꩻအဒို့ꩻ အုံအဝ်ႏကီလဲ့ ဗိုန်ပီအလောင်ꩻ သူႏတောႏကောင်ꩻသꩻ၊ ကွပ်ပျောႏလꩻတဝ်း၊ လွꩻဗုဲင်စဝ်းတဲင်၊ အုံတဝ်းဒွုမ်ရင်ꩻ၊ သꩻပေါႏလင်ꩻဒါႏ၊ အရင်ꩻထွာထျꩻ၊ ထွက်ဗာႏမꩻ&quot;တဲ့၊ သျင်ႏသာနုနဝ်ꩻ လာဗွေလာမား တဖွစ်ꩻဖျိုးဒွုမ်ထာꩻ တရာꩻဟော်ꩻဌာႏန ဓမ္မာႏရုံႏ၊ အဗွေႏကအီႏဟော်ꩻတရာꩻတဲ့ သꩻတဝင်ႏစာꩻတဝ်းဒွုမ်နဝ်ꩻသွူ။
ကုတ်တလုင်ꩻသင်္ကန်ꩻ၊ ဗေင်ႏတုံꩻတင်ꩻတဲင်၊ ခြင်ꩻသောင်ဗေင်ႏခန်း၊ အခင်ႏလမ်းဗေင်ႏကို၊ သꩻယိုမစွူ၊  ဟွူဟွူဟာဟာ၊ ကဲဉ်းအာအာစွဉ်ႏဒျာႏ၊ နမ်းကြောင်းစင်တာႏ သေလူးလားဒွုမ်ထီ၊ ကလူꩻတဲ့အွဉ်ႏဆွာꩻ၊ စူမီႏခင်ႏမီႏ သေရိပ်ꩻရပ်ꩻဒွုမ်၊ &quot;ခွေအုံဗော့ꩻနုဲင်းယို တထွူထွာတဝ်း၊ ကာမဘောဂါႏ၊ လိုꩻချမ်ꩻသာႏလဲ့၊ ကင်ꩻဗာႏလဲဉ်းညာꩻ၊ တပါꩻသမဏ၊ ရဟန်ꩻသုခလဲ့သွုမ်ꩻ၊ ထန်ႏလွုမ်ꩻပြေင်တူႏ၊ ကြေင်းကတူႏနဝ်ꩻ၊ယူႏယူႏထွာသျင်ႏ၊ ကျိုꩻတတန်ႏတဝ်း&quot;ကရိုꩻဒါႏသꩻစားနဝ်ꩻ ပေါႏစွဉ်ႏခွိုꩻခွိုꩻနဝ်ꩻသွူ။
&quot;လိုꩻကျောင်ꩻချမ်ꩻသာႏလဲ့မလꩻ၊ လောကီသုခတဲ့ သစ်ထိုꩻ၊ ထွာဗာႏလိုꩻယို အဝ်ႏသွုမ်ꩻလဲဉ်းတူႏတူႏ ထွက်မွေးမွေးတယ်ꩻစွဉ်ႏနဝ်ꩻ ရယံထဲင်း&quot; ဆုꩻဖျတ်ခြေင်းခြဲ့စွဉ်ႏနုဲင်းနဝ်ꩻထွူတဲင် တလဲင်ႏချင်ꩻ အဆရာႏထျꩻ၊ ထဲင်းဒျာႏသွꩻပေါင်ꩻ၊ အကျောင်ꩻအကျိုꩻ၊ ဒေါ့ꩻနယ်ရိုꩻဒွုမ်၊ သဲင်ꩻထေ့စဝ်းစွဉ်ႏအမွိုးအဝ်ႏရာꩻ အွိုးဒုံသူꩻ၊ သျင်ႏမွိုးလဲ့ခါ တဖစ်တပင်ꩻဗာႏတဝ်း၊ ဖျော်သဲင်ꩻစွော့ꩻစꩻ၊ သꩻဝီးသꩻဝꩻစွဉ်ႏ တလဲင်ႏချင်ꩻနဝ်ꩻသွူ။
&quot;ထွာမုဲင်ꩻ ဗွေႏသျင်ႏ၊ ကလူꩻတဲ့ တကြော့ꩻတဝ်း၊ စူမီႏခင်ႏမီႏတဲ့ လဲင်ꩻတကိမ်ꩻတကမ်ꩻ၊ သင်္ကန်ꩻတဲ့ လဲင်ꩻတဗော့ꩻလီးတဗော့ꩻလဲ့ꩻ၊ လွိုးတဲ့ မွော့လဲင်ꩻသွိုန်းငါႏနဝ်ꩻအီး?၊ တွမ်ႏသွꩻပေႏခွပေႏ သꩻခိုးသꩻလျား ရွို့ꩻရန်ႏလို့ဝင်ꩻနဲ့?&quot;
&quot;အုံဟဝ်ဒျာႏ တကာႏမမွိုး၊ သꩻခိုးသꩻလျား ရွို့ꩻရန်ႏလို့ဝင်ꩻတဲ့ တမွေးတဝ်း၊ သျင်ႏနမ်းတွမ်ႏနမ်း၊ သꩻတွမ်ႏသꩻ မာꩻထွာဒျာႏမွိုး&quot;
&quot;သꩻတွမ်ႏသꩻ အထွာငါးနုဲင်းမုဲင်ꩻ? ဒေါ့ꩻဖြုဲင်ꩻစဲင်းစဲင်း တကာႏမွိုးဟုဲင်း သျင်ႏ&quot;
&quot;မိဉ်ႏဒေါ့ꩻဗာႏသျင်ꩻသျင်ꩻတဲ့ သျင်ႏတမိဉ်အုံဒွုမ်ကျောင်ꩻ၊ ဗွေႏသျင်ႏ မိဉ်ထွက်ငါႏလဲဉ်းထာꩻသနယ် မွိုး&quot;
&quot;နုဲင်းမုဲင်ꩻလုဲင်ႏသျင်ႏ&quot; သျင်ႏတကာႏမမွိုးတဲ့ ထွိုင်ႏဟွုန်အပိုသျင်ႏငဝ်းနဝ်ꩻ အီႏလဝ်းချာဗာႏနုဲင်းမုဲင်ꩻမကောင်၊ သꩻတဲ့ ပစ်ꩻပတ်ꩻ၊ တမွိုးပို ငဝ်းဆွိုးအုံယေန်ကတစ်ꩻဆောင်းတယ်ꩻစွဉ်ႏထာꩻ တဆင်ႏပေႏ၊ ထွိုင်ႏထွူမꩻ အတကာႏမမွိုးလဝ်းနယ်ယင်း။
&quot;သျင်ႏရေႏထွက်ထာꩻတဲင် ကသဲင်ꩻလွဉ်ယိုနဝ်ꩻ ကာႏမဝ်ꩻသဲင်ꩻဗာႏ လုဲင်းခြောင်ꩻခြံခြောင်ႏကရို?၊ ထွားမွိုင် လုဲင်းကိုခြံကိုနဝ်ꩻ တွမ်ႏဆဲင်ꩻကွဉ်ꩻယယယိယိ၊ သဲ့သဲ့သသ၊ ပြဝ်ႏပြဝ်ႏပြီႏပြီႏ၊ ပသိမ်းကီႏတွော့ꩻ ယာလျားလျား လူးသီးလူးသိုꩻ၊ ကတူႏတွမ်ႏပြေင် ယာလျားအံႏ၊ ယာခိုးလျားဗာႏတွော့ꩻ ဖြေင်းကရစ်ꩻ တမွစ်သိစ်တမွစ်သတ်၊
လိုပ်ꩻလုဲင်းမာꩻခြံသား ဗွေႏသျင်ႏ အဝ်ႏထီႏမဝ်ꩻဆွုမ်ႏဒျာႏ မွေးတဝ်းနဲ့?&quot;
&quot;ထီႏမွေး တကာႏမမွိုး&quot;
&quot;နဝ်ꩻသနယ် ဗွေႏသျင်ႏ၊ ဝွေꩻသီးဖုံႏသူꩻ ဒဲဉ်တနျာႏ တသာႏတရီ အတာႏဖေႏကမဲဉ်ႏနဝ်ꩻ ယပ်ꩻဗာႏဒုက္ခဗာႏ တကားမုဲင်ꩻ?&quot;
&quot;အွူ- ပေါႏထွာလိုꩻတဲး ဝင်ꩻမာꩻနုဲင်းမုဲင်ꩻတဲ့ မာꩻနုဲင်းဗာႏသွူကွို မွိုး&quot;
&quot;ထွာတဝ်းယင် သျင်ႏ၊ အုံစွူစွူဗော့ꩻ ကျောင်ꩻကန်ႏ၊ ခိန်ႏသုံꩻတဲ့ အဝ်ႏသေကမိဉ်ထွူလွုမ်ꩻနဝ်ꩻ ယံတဝ်းထဲင်းနဲ့အီး?၊ လူးဗာႏတသိုꩻ နဲစ်ကျိုꩻစာꩻမꩻ အံႏဗာႏအွꩻဗာႏ ဒဲဉ်ဟန်ႏနဝ်ꩻ ဗွေႏသျင်ႏမိဉ်ႏဟွုန်အွီႏတဲ့ ထွာဒျာႏ ဗွေႏသျင်ႏတသူႏသေတဝ်းထာꩻသွူကွို သျင်ႏ&quot;
&quot;ပေါႏမိဉ်ႏထွာသွူလိုꩻလမ်းတဲး မာꩻဗာႏလိုꩻလမ်းထာꩻမာꩻ နုဲင်းဝင်ꩻဒျာႏရင်ꩻသနယ်ဟွေး မွိုး&quot;
&quot;ဗွေႏသျင်ႏ ဒေါ့ꩻနေးငဝ်းနဝ်ꩻ အယိုꩻပေႏလွုမ်ꩻ၊ တွမ်ႏစန်ကအဝ်ႏရဲ့ဗွူတကောင်ႏကောင်ႏ၊ ထမ်ႏဗာႏ၊ တေားဗာႏခေါ့ခယ်ႏ တကော့တကဲ့၊ တွမ်ႏထုဲင်ထိုး အဝ်ႏခွုမ်ပနားတကောင်ႏကောင်ႏ၊ တွမ်ႏနံႏကအဝ်ႏပွိုဗာႏဟံႏ တပွုက်ပွုက်သူꩻ ဗွေႏသျင်ႏထင်းဒျာႏထာꩻယိုꩻနဲ့?&quot;
&quot;နုဲင်းကွို့ꩻနဝ်ꩻစားနဝ်ꩻ တယပ်ꩻငါတဝ်းမတဝ် မွိုး၊ ဗွေႏသျင်ႏ အရွယ်ႏတဲ့မဲဉ်ႏလဲဉ်းဒျာႏ၊ အာႏရဲင်ꩻဗွေပသာႏလဲဉ်း သꩻအင်ယိုမွိုး၊ ခံႏနွောင်ꩻဒျာႏမတဝ်?&quot;
&quot;ခံႏယပ်ꩻနွောင်ꩻနဝ်ꩻ ခေါ်ခေါ်ဒျာႏ၊ မာꩻဒါႏတဒါႏတဝ်း၊ ကျင်ႏတကျင်ႏတဝ်းနဝ်ꩻ ခေါ်ခေါ်ဒျာႏကွေး သျင်ႏ&quot;
&quot;ကုံꩻလမ်းကုံꩻပါႏ၊ စွိုးအာငါႏတဲင်၊ နမ်းတာႏထာꩻမာꩻ၊ ဒါႏသေꩻခါꩻမꩻ၊ နီနာꩻလွူးနမ်း၊ လိုꩻအခမ်းယို၊ တွက်ကမ်းခါꩻရီး၊ လိုႏသေရီးတဲ့ သျင်ႏ&quot;
&quot;ဟွူ- နီမွိုးတန်တဲ့၊ ဝါးလုက်ꩻအေင်းမိဉ်ႏတဲ့ ပေါႏသွဉ်ဖေႏငဝ်းနဝ်ꩻ ဝင်ꩻအဝ်ႏဒေါ့ꩻဒါႏလွဉ်ꩻကရို မွိုး&quot;
&quot;မွေးတဲးမွေးဒျာႏ သျင်ႏ၊ ဝါးလုက်ꩻအေင်းယို ဖေႏကဒါႏငဝ်းနဝ်ꩻ သွဉ်ခါꩻဗာႏ ပေႏပေႏခါမꩻ ဒါႏနေနေ၊ ဗွေႏသျင်ႏနဝ်ꩻ အုံကျောင်ꩻအွိုးသက်ကလꩻ နွုတ်ꩻနေင်ႏတွင်ꩻကာႏ၊ ယိုခါ သက်လꩻသွူ တဆီသွစ်ꩻဆီကွတ်ꩻရိုꩻလဲ့ ပေါႏလွိုဘုရာꩻငဝ်းငွါလိတ်လုဲင်ꩻနဝ်ꩻ စောင်းမားသျင်ႏသွဉ်ဗာႏဖိုနဲ့?၊ ထွိုင်ႏတန်နုဲင်းယိုခါမꩻ ထွက်သဲင်ꩻထာꩻနဝ်ꩻ
သွဉ်ယင်း လိုꩻလမ်းထာꩻမာꩻယို နန်ꩻဒါႏသွူကွိုဟွေး သျင်ႏ။
လောႏကာႏငါႏ သျင်ႏဘဝနဝ်ꩻမꩻ တကာႏမမွိုး ဒေါ့ꩻခြုဲင်းနယ်နုဲင်းယိုဒျာႏ၊ ဗွေႏသျင်ႏ ကိဉ်းယူႏစိဉ်ꩻစာꩻစမ်ꩻမွိုင်၊ ထွာသျင်ႏနဝ်ꩻ ကျောင်ꩻကန်ႏတဲ့ ဝင်ꩻဆို့ꩻလူႏဒျာႏ၊ အအံႏအအွꩻတဲ့ အံႏဗာႏဒဲဉ်အိုတခိုႏ၊ သင်္ကန်ꩻတဲ့ ဟဝ်မုဲင်ꩻရာꩻ ဝင်ꩻလူႏဒျာႏနဝ်၊ မိဉ်ႏဆော့မိဉ်ႏဆာတဲ့ တသီႏတမွူးအဝ်ႏအထွူ၊ ဝင်ꩻမိဉ်ႏခွဲးကျုံႏ ဝင်ꩻအုံလင်ꩻဝုဲင်ႏ၊ ဝင်ꩻကွဉ်းတော့ꩻနဝ်၊
သျင်ႏမိဉ်ႏထွာလိုꩻလမ်းနဝ်ꩻ ဝင်ꩻမျိုꩻအီႏဝုဲင်ႏဟောင်း? မိဉ်ႏခွဲးတဖူꩻလောင်း ပါꩻရော့ꩻတွူႏတဲ့တွူႏစွဉ်ႏ၊ ပါꩻရော့ꩻနဲင်ႏတဲ့ နဲင်ႏစွဉ်ႏသွူ သျင်ႏ။
အအံႏအအွꩻတာႏတဲ့ နမ်းထိုမ်ႏဗာႏချာဒျာႏ၊ အမုꩻအရာႏတဲ့ကအာ၊ ဖူးဝေးတဲ့ ပါꩻမုဲင်ꩻကဲးအီႏလွူးဖြားနွောင်ꩻသျင်ႏဟောင်း? သျင်ႏမိဉ်ႏထွာလိုꩻလမ်းမဲ့ꩻ ဘောင်ႏယောင်ႏယင်ႏယင်ႏ၊ သွီႏဖွိုꩻဖွိုꩻဖါꩻဖါꩻသွူကွို၊ ဟွုန်ဖိုတဝ်းနဲ့? ဝင်ꩻရိုꩻ 'သျင်ႏထွက်နဝ်ꩻ ဗား(၃)လာ၊ စင်ꩻထွက်နဝ်ꩻ ဗား(၃)နေင်ႏ၊ ဗွေႏဗိုန်ထွက်နဝ်ꩻ ခြေင်ႏတသက်'တဲ့သျင်ႏ&quot; အတကာမမွိုး ရိုꩻဖေႏခန်းနုဲင်းနဝ်ꩻသွူ။
&quot;ဆီး- ပါꩻဒေါ့ꩻဗားဗီးကွို့ꩻထာꩻဒျာႏ၊ နုဲင်းဝင်ꩻကရိုꩻ 'သျင်ႏထွက်နဝ်ꩻ တဲစ်ꩻဒါႏအင်ꩻ၊ စင်ꩻထွက်နဝ်ꩻ လဲ့ꩻဒါႏမေႏ'နဝ်ꩻစားအီ နီမွိုးဟွုန်ဖိုနေႏ?&quot;
&quot;သျင်ႏနဝ်ꩻ ဝင်ꩻမိဉ်ႏဒေါ့ꩻဟဝ်ဟဝ်တဲ့ ထိုမ်ႏယားတေားဝင်ꩻငဝ်း၊ ဗွေႏသျင်ႏကရိုꩻ 'အာႏရဲင်ꩻဗွေသꩻအင်'နဝ်ꩻ မွေးဒျာႏ၊ လိုꩻလမ်းကိစ္စ မွိုးတမိဉ်လꩻတဝ်း ပိုခိုအာႏရဲင်ꩻ တသိုꩻထီတသိုꩻစက်ꩻ၊ ကွပ်တမိဉ်လꩻတဝ်း ပိုခိုအကူႏငီႏနဝ်ꩻမꩻ မွိုးအွဉ်ႏအုံဒျာႏဗွေႏသျင်ႏကျောင်ꩻ၊ ထောက်ထံꩻဒျာႏ ဘုရာꩻသာႏသနာႏ၊ မွိုးယိုနဝ်ꩻ ထွာဗာႏသာႏသနာႏမွိုး၊ ဗွေႏသျင်ႏနဝ်ꩻ ထွာသာႏသနာႏအမွီႏခံႏ၊ ထီႏအကျိုꩻ နီဖဲ့ꩻနီခဝ်နုဲင်းယိုမꩻ
မွိုးအွဉ်ႏအုံဗွေႏသျင်ႏကျောင်ꩻ၊ မွိုးတမိဉ်ထီႏတဝ်း ပိုခိုခွုမ်ထုဲင်ထိုး၊ နံႏ၊ စော်ꩻ၊ မိဉ်ဖေႏမာꩻတဝ်း သျင်ႏတစိꩻစိꩻသနယ်&quot;
တွမ်ႏမဲ့ထီမဲ့နောင်၊ တွမ်ႏငဝ်းပအီႏပအွောင်ႏတဲင် ခြုဲင်းနယ်ခန်းအပိုခိုသျင်ႏ၊ အမွိုးတဲ့ တနဲင်းခန်းထာꩻ တဟွုဟွု၊ ထွိုင်ႏထီႏအမွိုးမဲ့ထီလင်ꩻ၊ ပအီႏပအွောင်ႏနုဲင်းယိုနဝ်ꩻ အပိုသျင်ႏနဝ်ꩻတဲ့ သꩻပေႏထိုꩻစွဉ်ႏ၊ ကွဲႏတွော့ꩻ- သꩻမိဉ်ထွက်ထာꩻနဝ်ꩻ ဝွေꩻအတွက် ထွာအထျꩻကနေား။
&quot;နဝ်ꩻသနယ် မွိုး၊ နီဗွေႏဘုရာꩻသာႏသနာႏယို တပျောႏတဝ်းငါႏငါႏတဲ့ အုံနွိုင်ႏအုံဆေꩻထာꩻနဝ်ꩻ အကျိုꩻတအဝ်ႏငါႏတဝ်းနေနေ၊ မိဉ်ႏဒေါ့ꩻဗာႏလို့လို့တဲ့ အယပ်ꩻတကားမုဲင်ꩻနဝ်ꩻ နီမွိုးသီး တထီႏထွꩻတဝ်း၊ ခြုဲင်းနယ်ခန်းတဲ့ နီမွိုးသီး တသေနာႏလို့တဝ်း၊ အခရာႏ လုဲင်းဆွာꩻတန်သနဲ့ မွိုး&quot;
အတကာႏမွိုး ရဲးဆီꩻအပိုသျင်ႏ ထွိုင်ႏတရလꩻဒွုမ်နဝ်ꩻ ဆီꩻတယ်ꩻတဝ်းဒွုမ်၊ ကွဲႏတွော့ꩻ- အဆုဲင်ꩻသွတ်ꩻအနေႏ မိဉ်ထီႏနေက အပိုခိုဗုဲင်သင်္ကန်ꩻ တဆူးတဆင်ႏတဲင်-
&quot;သꩻတွမ်ႏသꩻ ထိန်ꩻမိဉ်ႏတလꩻတဝ်းဒွုမ်တဲ့ မွိုးတရဲးဆီꩻနွိုင်ႏတဝ်းဒွုမ် သျင်ႏ၊ ယိုခါခဲ့ꩻခဲ့ꩻ ဗွေႏသျင်ႏတဲ့ လွိုးတသုံꩻဗာႏဒွိုန်းသွမ်ꩻဒျာႏရင်ꩻယင်?၊ ကွပ်နဝ်ꩻမꩻ ကားလားဗွေႏသျင်ႏ ကထွာထိုꩻလိုꩻလမ်း အဝ်ႏဗုဲင်သင်္ကန်ꩻတွင်ꩻ သꩻရေႏမိုးဘုရာꩻပိုအနေႏတွော့ꩻ တကာႏမမွိုး ကပ်ခါꩻဒွိုန်းကသွမ်ꩻ၊ သုံꩻသွမ်ꩻမိဉ်ႏထွူမꩻ သာႏသာႏယာႏယာႏနေား သျင်ႏ&quot;လဝ်းခါꩻအပိုသျင်ႏနုဲင်းနဝ်ꩻထွူတဲင် နွို့လွေꩻခန်းဆောင်ဖုဲင်ꩻ (ထာꩻဒွိုႏခန်ꩻ)
နဲစ်လွေꩻဒွိုႏသွတ်ꩻဖေႏခန်းဒျာႏ အပိုသျင်ႏဒဲဉ်သွမ်ꩻနဝ်ꩻသွူ။
ကထွာဗာႏ ဗွေႏသျင်ႏတကာႏမမွိုးလီꩻ ဖီလူꩻမူႏနဝ်ꩻ လာဗွေလာမားမုဲင်ꩻခါခါတဲ့ အုံပွေါးကော့ꩻမောင်ꩻ အပိုသျင်ႏ နိုꩻဆောႏတမာ နာႏတရာꩻ၊ ထွိုင်ႏည တလာနီလာနဝ်ꩻမꩻ-
&quot;ခွေပိုသျင်ႏနဝ်ꩻ အထွာဒါႏတမုဲင်ꩻ?&quot; တွမ်ႏအနမ်းတန်ꩻခိုꩻ ကထွိုင်ႏထိုမ်ႏထွားနဝ်ꩻ ဝွေꩻထီႏထွꩻလꩻခန်း အအီႏထွက်သွူထာꩻ သဲင်ꩻအဝ်ႏအမွိုးလမ်း၊ ဖီလူꩻမူႏနဝ်ꩻ သꩻဝီးသꩻဝꩻစွဉ်ႏဒျာႏ တလဲင်ႏချင်ꩻ၊ အသꩻကိုတဲ့ &quot;ထွက်ဗာႏတဝ်းထာꩻ၊ အုံစွူစွူဗာႏကျောင်ꩻ၊ ကွပ်ဝွေꩻတဲင် အသောင်အရင်ꩻဖုံႏအခါႏ ခွေမဲ့ငါတန်အီ၊ လုဲင်းအီ၊ လူꩻလောင်ႏလင် အွဉ်ႏရေꩻရောင်ခွေ၊ 'ပိုခိုရတနာႏအဝ်ႏ'ရိုꩻနဝ်ꩻတွော့ꩻ အဝ်ႏအံႏဖြာႏလွခွေ။
အမျာꩻခါႏ မဲ့ငါပေႏဗာႏတဝ်း၊ ဗွေႏသျင်ႏမိဉ်ႏထွက်ထိုꩻနဝ်ꩻ ခွေမဲ့ငါ အီႏတအဝ်ႏဒွုမ်၊ ခွေဂုဏ်ႏအီႏထဲ့လင်ꩻ တလဲင်ꩻချင်ꩻ နုဲင်းထီထဲ့လဲင်းနဝ်ꩻအတွိုင်ꩻသနယ်၊ ခွေဘဝတဲ့ အီႏဗိုန်ချာအလီꩻ၊ မထင်ႏမသျာꩻ ပါꩻတသေငါꩻတဝ်း၊ တွိုႏချာအခေႏနေႏနုဲင်းနဝ်ꩻသနယ်၊ 'နာꩻပိုယိုခါ ထွာနုဲင်းမုဲင်ꩻဟောင်း? ကဟော်ꩻကခြုဲင်းနွောင်ꩻ ဗွေႏဘုရာꩻတရာꩻနဝ်ꩻ တကျင်ꩻသုံꩻလွဉ်ꩻတဝ်း၊ မိဉ်လꩻဗော့ꩻမိဉ်ꩻ၊ မိဉ်လꩻဗော့ꩻမဲ့ငါလွုမ်ꩻကနေား၊ နီကထင်းတန်လွ နာꩻပိုခို၊ နီထာꩻထင်းတန်၊ နီကသာႏဓုဗာႏဖိုကရီးခါနဝ်ꩻ ဗိုန်ထိုꩻလဲဉ်း တသာႏထဲ့ထီက'။
မဲ့ꩻဝင်ꩻရိုꩻဟိုမ်ခွေနုဲင်းနဝ်ꩻ၊ ပိုခို မိဉ်ႏထွာမွေးနုဲင်းယိုနဝ်ꩻ အွဉ်ႏဒွုမ်မဲ့ငါမုဲင်ꩻကို၊ ကွပ်ပိုခိုတဲင် ကအဝ်ႏဒါႏဂုဏ်ႏတရေႏယို ခံႏတဝ်းရင်ꩻ အထဲ့ဖွိုႏချာ၊ အမွိုးဘဝယိုခါ ဆုံꩻမꩻဒေါ့ꩻနေးအချော်ꩻ တလꩻတဝ်းလဲ့ ခွေဆုံꩻမꩻဗာႏ ပေါင်းကျမ်ꩻကျမ်ꩻစားမꩻ&quot;ယူႏနုဲင်းနဝ်ꩻတွော့ꩻ နက်လွေꩻနွို့ပူꩻစွဉ်ႏ ဗွေႏသျင်ႏနမ်းကို တလဲင်ႏချင်ꩻနဝ်ꩻသွူ။
ဗွေႏသျင်ႏမဲ့ငါနဝ်ꩻ ချာႏတဗန်ႏ အွဉ်ႏခွယ်ႏချာတေားစွဉ်ႏ အကွဉ်းအော့ꩻဖဲ့ꩻ၊ အဖြောင်းကိုတဲ့ အဗို့ꩻထန်ႏစွဉ်ႏ၊ ယုဲင်ꩻတဲ့လဲ့၊ ဝꩻပြာႏလင်ꩻစွဉ်ႏဒျာႏ၊ အမွိုးဘဝယိုတဖြာꩻနဝ်ꩻ လိုꩻပိုစဲစ်စဲစ်ဒျာႏတဲင် သꩻပနဲဉ်ႏ၊ နုံညံꩻဒျာႏနဝ်ꩻမꩻ သွဉ်သင်ဆုံꩻမꩻဒျာႏ တွမ်ႏအချော်ꩻနယ်ꩻလဲ့ အမွိုးလီꩻဖီလူꩻမူႏနဝ်ꩻ ထွာဒျာႏဖီလူꩻတွော့ꩻ စရဲက်တဲ့ကျမ်ꩻနဝ်ꩻမꩻ ဆုံꩻမꩻကျမ်ꩻတရံꩻစွဉ်ႏ အပိုသျင်ႏ၊ မွိုးဖါသီး ကဆုံꩻမꩻလွဒါႏအပိုဖုံႏယို နေးအနယ်ꩻအချော်ꩻတွမ်ႏ ကဗွုမ်နေးတွမ်ႏခွဉ်းသား အင်းရွယ်ႏချက်ဗိုန်လဲ့ အပုံႏ၊ အနယ်ꩻ၊ စရဲက်ကွာႏလို့ဝင်ꩻကရိုꩻနဝ်ꩻ သေထွꩻနွောင်ꩻဒျာႏသွူ။
ထွိုင်ႏသေ အပိုဝꩻပြာႏလင်ꩻတဲင် အမွိုးယိုခါနဝ်ꩻ အဝ်ႏထာꩻဒွိုႏဆောင်ကို သꩻဝီးသꩻဝꩻ လွင်းလွဉ်ထေ့စွဉ်ႏ အပိုသျင်ႏ တလဲင်ႏချင်ꩻ၊ လောႏစက်ꩻတဖေါ့ပါ အပိုသျင်ႏ၊ မဲ့ထီလဲ့ ရီႏဟူႏလင်ꩻ၊ ငွိုးခြဝ်သန်စွဉ်ႏအငဝ်း တဟွူး-ဟွူး၊ သဲစ်ဟွုန်သျင်ႏသီးမွိုးငွိုးထာꩻတဲင် လမ်းနဝ်သားတဲ့ လောႏလင်ꩻ၊ လမ်းထင်ꩻသားတဲ့ ဖျော်လွဉ်၊ ရီရွောင်စွဉ်ႏ အကျောင်ꩻအခရာႏ ပငါပရာꩻဖုံႏသွူ။
&quot;ခွေ အီႏကပ်ဗွေႏသျင်ႏသွမ်ꩻ ရိုꩻပနဝ်ꩻ၊ အဝ်ႏဒွိုႏသွတ်ꩻထာꩻ ဆောင်ဖုဲင်ꩻကိုတွင်ꩻ ဗွေႏသျင်ႏမဲ့ငါ ခွယ်ႏတဗန်ႏ၊ ဗို့ꩻထန်ႏတူꩻတာꩻတဲင် ဝꩻပြာႏလင်ꩻစွဉ်ႏနုဲင်းယိုသနယ်၊ ထွာတမုဲင်ꩻမကောင် သေတဝ်း&quot;
&quot;ဟွူး-ဟွူး၊ လောႏကိုတဝ်း ခွေပိုသျင်ႏယို၊ ပိုခို- ပိုခို၊ သျင်ႏ-သျင်ႏ&quot;
လမ်းနဝ်သားတွမ်ႏ လမ်းထင်ꩻသားဖုံႏ ဖျော်ပြုံႏပဉ်စွိုꩻ၊ ဒေါ့ꩻဖြာꩻမျိုꩻဖြာꩻစွိုး၊ ယင်ဟန်ႏဟန်ႏသားနဝ်ꩻရိုꩻ &quot;ရောႏဂါႏဗေန်း&quot;တဲ့၊
ယင်ဟန်ႏသားနဝ်ꩻရိုꩻ- &quot;သျင်ႏယိုနဝ်ꩻ သွီႏယာႏမာꩻထွာ တမွေးတဝ်း၊ အဗာႏပါꩻဉာဏ်ႏ ဝင်ꩻကျမ်ႏဒျာႏယို&quot;တဲ့ ဒေါ့ꩻဖေႏလွနုဲင်းနဝ်ꩻဖုံႏတဲ့ အဝ်ႏဒျာႏသွူ။
&quot;ဟန်ႏသနီꩻယို ဥပုသ်နီꩻဒျာႏမွော့၊ လာဆန်ꩻလာလောင်း ၈-နီꩻ၊ လာဗွေလာမား ဥပုသ်နီꩻနုဲင်းယိုနဝ်ꩻ လူꩻမိစ္ဆာႏတကောင်ႏတကုဲင်သီး မာꩻတလꩻ (ပူꩻတလꩻ)တဝ်း ဗွေႏရဟန်ꩻသံဃာႏ မိန်းသေꩻခါꩻနုဲင်းနဝ်ꩻ၊ ခွေသွဉ်းငဝ်းယို မိဉ်ႏမဲဉ်ႏမွေးရိုꩻတဲ့ ခွေပိုသျင်ႏယို ယံကဟဝ်ချာသွော့ တလဲင်ႏချင်ꩻ&quot; ကထွာအမွိုးရင်ꩻ ရွစ်တွမ်ႏငဝ်းသစ္စာႏနုဲင်းနဝ်ꩻသွူ။
တွိုႏနဝ်ꩻမꩻ ကေားကနွို့ပူꩻသား အမွိုးလီꩻဖီလူꩻမူႏနဝ်ꩻ &quot;ဗွေႏမျတ်ရဟန်ꩻသံဃာႏသီး ငဝ်းနဝ်ꩻတဲးတဲ့ တသစ်တဝ်းရင်ꩻ၊ အဝ်ႏမဲဉ်ႏဒျာႏ၊ ဗွေႏသျင်ႏ မိဉ်ႏသေချာယင်းအနမ်းနဝ်ꩻ ခွေကထွဉ်ႏခါꩻငဝ်းယို ဒေါ့ꩻနယ်ချာနေား&quot;
&quot;ဗွေႏသျင်ႏ သꩻကမိဉ်ထွက်ဒါႏထာꩻနုဲင်းနဝ်ꩻနဝ်ꩻ ယိုခါခါယင်၊ ဆုဲင်ꩻဆုဲင်ꩻသူꩻယင် ပေါႏမိဉ်ႏယူႏထဲင်းချင်နဝ်ꩻတဲး ဗိုန်ပီနုဲင်းဝါး ကျောင်ႏဒါႏစွဉ်ႏထာꩻ အွိုးမို့ꩻလောင်းသူꩻခန်းတယဝ်း အီႏယုဲင်ဆွမ်ꩻလွဉ်ꩻစွဉ်ႏကွေး&quot; မီးလီꩻဖီလူꩻမူႏ ထွဉ်ႏအွဉ်ႏဒေါ့ꩻနုဲင်းနဝ်ꩻအကျောင်ꩻ ဒေါ့ꩻခြုဲင်းနယ်ချာ ဗွေႏသျင်ႏနေား&quot; ကထွာအမွိုးလီꩻ ဖီလူꩻမူႏဒေါ့ꩻငဝ်းနုဲင်းနဝ်ꩻထွူတွော့ꩻ
အဝ်ႏသျင်ႏနမ်းလောင်း ထန်ႏထိုꩻခန်းဒျာႏနဝ်ꩻသွူ။
ဗွေႏသျင်ႏသာနု ထွိုင်ႏသေချာယင်းအနမ်းခိန်ႏနဝ်ꩻ အမွိုးရင်ꩻ အဝ်ႏငွိုးတဖြွူတဖြာထာꩻယင်၊ တွမ်ႏသꩻတနီႏတနွော့ꩻတွော့ꩻ အဝ်ႏအုံပွေါးထွားဒါႏ လမ်းနဝ်လမ်းထင်ꩻသားဖုံႏယင် အဲ့ꩻအမဲ့ ထွားစဲင်းလွထွူတွော့ꩻ-
&quot;မာꩻမုဲင်ꩻခရာႏဟောင်း? မွိုး၊ မွိုးမွော့ ငွိုးအွီႏငါႏထာꩻနဝ်၊ နုဲင်းစွဉ်ႏဗွေႏသျင်ႏ အီႏလွဉ်ႏနဝ်ꩻက မွိုး&quot;
&quot;ယို ပိုခို၊ ပိုခိုမိဉ်ႏထွက်မွေးထာꩻနဝ်ꩻ တွမ်ႏလိုꩻသီထွူ ဗိုန်လို့ဝင်ꩻသနယ်၊ ဟွု-ဟွု၊ ပိုခို နီမွိုးယိုနဝ်ꩻနယ်ႏ တွမ်ႏပိုခို ကထဲ့သော့ꩻမေႏပြုံႏနဝ်ꩻ ဗိုန်ဝင်ꩻ၊ လိုꩻလမ်းဘဝနဝ်ꩻ ဗိုန်မေႏပြုံႏနဝ်ꩻအတွိုင်ꩻသနယ် ပိုခို၊ နီမဉ်ႏစွီႏထန်ႏတွော့ꩻ ပသာသော့ꩻဖေႏ သာႏသနာႏတောႏကိုဒျာႏသနယ် ပိုခို၊ ယိုခါနဝ်ꩻ ပိုခိုလွစ်လꩻလဲဉ်း မေႏပြုံႏရိုꩻလဲ့ အီႏနွို့သော့ꩻချာယင်း မေႏပြုံႏနဝ်ꩻ နီမွိုးယို
တငွိုးတဝ်းထာꩻနဝ်ꩻ အုံအီႏဒါႏနဲ့ ပိုခို&quot;
&quot;နဝ်ꩻသွူတကာႏတဝ်း ဖီလူꩻမူႏကနွို့ပူꩻပိုခိုနဝ်ꩻ အဒိုႏသေꩻခါꩻနုဲင်းယိုသနယ် ပိုခို၊ 'ပေါႏမိဉ်ႏထွက်သဲင်ꩻထာꩻနဝ်ꩻ ကျောင်ႏဒါႏခန်းထာꩻ ဗိုန်နုဲင်းဝါးတဲ့ တလွစ်နွောင်ꩻတဝ်း'တဲ့၊ နဝ်ꩻမꩻ နီမွိုးယို မာꩻနုဲင်းမုဲင်ꩻ သꩻချမ်ꩻသာႏနွောင်ꩻဟောင်း?&quot;
တွိုႏနဝ်ꩻမꩻ သျင်ႏသာနုနဝ်ꩻ &quot;ခွေ အီႏလွဉ်ႏဗာႏသွူထာꩻ&quot;ယူႏခါꩻနုဲင်းနဝ်ꩻတဲင် ဟွုန်ငမ်းဟွုန်သꩻဝꩻစွဉ်ႏဒျာႏ၊ ယူႏအမွိုးရင်ꩻလောင်းတဲ့ သညင်ꩻဒျာႏ၊ ယူႏဒျာႏအမွိုးလီꩻ ဖီလူꩻမူႏတန်ꩻခိုꩻအာႏဏာႏတဲ့ ဟွုန်တရျိုးဒျာႏခေါ်ခေါ်၊ ကွပ်နဝ်ꩻမꩻ သွဉ်သင်ဆုံꩻမꩻခန်းဒျာႏအသꩻထွူတွော့ꩻ-
&quot;ဗွေႏသျင်ႏ တထွက်တယ်ꩻတဝ်းဒွုမ်ထာꩻ မွိုး၊ အုံဖြားတငါစွဉ်ႏကျောင်ꩻ တသက်လိုမ်း&quot; ဒေါ့ꩻဖေႏအတကာႏမမွိုးရင်ꩻနုဲင်းနဝ်ꩻ၊ သဲစ်ကဟွုန် အပိုခိုသျင်ႏငဝ်းနုဲင်းနဝ်ꩻတဲင် အမွိုးလီꩻဖီလူꩻမူႏနဝ်ꩻ အဝ်ႏလူꩻအမျာꩻခါႏကိုတွင်ꩻ &quot;ယိုစားမꩻ ခွေပိုခို&quot;ခြဝ်ဝေါက်ထံထိမ်စွဉ်ႏအငဝ်း၊ အမွိုးရင်ꩻယိုခါ ပါတွမ်ႏလမ်းနဝ်လမ်းထင်ꩻသားဖုံႏနဝ်ꩻ သꩻရောင်းသꩻရေꩻမွေး ပငါပရာꩻသွူ။
အွဉ်လို့ဝင်ꩻ ကပ်တယ်ꩻခန်းဒျာႏ ဗွေႏသျင်ႏသွမ်ꩻ၊ ဗွေႏသျင်ႏသက်တောႏ ထွိုင်ႏဗွေခိန်ႏနဝ်ꩻ တွမ်ႏသင်္ကန်ꩻ၊ သပိတ် ပရိက္ခရာႏ အွဉ်ႏထင်ႏတငါခန်းဒျာႏစင်ꩻ၊ စင်ꩻပေႏသာနု ထွိုင်ႏထွာရဟန်ꩻထွူ ကျွꩻလွေꩻထေ့မိုးခန်း နီဗွေႏဘုရာꩻ၊ နီဗွေႏဘုရာꩻဟော်ꩻဖေႏ-
&quot;စူꩻလွဉ်ꩻဗော့ꩻသꩻ မိဉ်ႏတထိန်ꩻလꩻလꩻတဝ်းနဝ်ꩻ ချမ်ꩻသာႏနွောင်ꩻတဝ်း၊ ဗိုန်နုဲင်း ဆင်ရူꩻရာꩻသန်ထာꩻယို တွမ်ႏခွါမိဉ်ႏထိန်ꩻလꩻလꩻနဝ်ꩻ အငိမ်ꩻချမ်ꩻဒျာႏ&quot;အကျောင်ꩻ နာႏ[[တရာꩻ]]အပေါင်ꩻတွမ်ႏ စင်ꩻပေႏသာနုသီး ထီႏဖြွဉ်သေထွꩻလွခန်းဒျာႏ သစ္စာႏလစ်ꩻပါꩻဖုံႏနဝ်ꩻသွူ။&lt;ref&gt;ခွန်မျိုꩻစဲစ်ခွန် (နဝ်)&lt;/ref&gt;&lt;ref&gt;သထုံႏပေႏ&lt;/ref&gt;&lt;ref&gt;ဘာႏသာႏပြန်ႏထန်ႏ&lt;/ref&gt;</text>
      <sha1>aqi90rpsnqe75kq1m6og4bi4k6w6ruc</sha1>
    </revision>
  </page>
  <page>
    <title>ဆရာႏ</title>
    <ns>0</ns>
    <id>9537</id>
    <revision>
      <id>33526</id>
      <parentid>33494</parentid>
      <timestamp>2026-06-13T07:11:13Z</timestamp>
      <contributor>
        <username>KhunMyoe</username>
        <id>34</id>
      </contributor>
      <origin>33526</origin>
      <model>wikitext</model>
      <format>text/x-wiki</format>
      <text bytes="48672" sha1="45qv2xt2w9uoqibm35389t8mi588cun" xml:space="preserve">==ဆရာႏ(၁)==
နီနာꩻစွုမ်ႏဖြာꩻ လွူးနမ်းအတာႏ မာꩻဗာႏထာꩻမာꩻလွဉ်းလွဉ်း၊ ကွဲႏတွော့ꩻ တဖြာꩻတွမ်ႏတဖြာꩻတဲးတဲ့ တဗိုန်တဝ်းလို့ဝင်ꩻ၊ လွူးအီနေးဒျာႏ သမ္မာအာဇီဝတဲ့အဝ်၊ လွူးအီဒျာႏ တွမ်ႏမိစ္ဆာဇီဝတဲ့အဝ်ႏ၊ မိစ္ဆာဇီဝသားနဝ်ꩻ ခြွေယိုꩻ၊ ထင်ႏယိုꩻယိုꩻ၊ ဝွေꩻသီးကခြွေအီတွမ်ႏမိစ္ဆာဇီဝနဝ်ꩻ အသောင်အရင်ꩻတာႏ အကျိုꩻတဖေႏတဝ်းနဝ်ꩻသွူ။
မာꩻကုဲင်အီပါထဲင်း အသောင်အရင်ꩻသား၊ လောဘလွဉ်ꩻ (ဝိသမလောဘ)သားထာꩻမာꩻနဝ်ꩻ ထွားတဝ်းဝင်ꩻတာႏ၊ ထွားဒျာႏနမ်းတာႏကွေႏကွေႏ၊ လိုꩻကလိုပ်ꩻမာꩻ၊ ဖြေꩻစာနေးဒျာႏ တွမ်ႏတရာꩻမဲဉ်ႏမဲဉ်ႏသားနဝ်ꩻ အံႏဗာႏကွို့ꩻပေႏပေႏ၊ အပဲစ်တဲ့ကင်ꩻ၊ ယဟန်ႏသားနဝ်ꩻ အံႏလိုမ်းအွꩻလိုမ်းနေးလွုမ်ꩻ၊ အလွန်းအလွိုသားတဲ့ အဝ်ႏဒါႏနေနေနဝ်ꩻသွူ။
ထာꩻမာꩻလွူးအီနမ်းအကို မာꩻဖေႏဝင်ꩻဆရာႏယို ထွာသမ္မာအာဇီဝစဲစ်စဲစ်၊ အပဲစ်ကင်ꩻအမင်ꩻလွစ်ဟဝ်၊ အွဉ်ႏဗာႏရေႏမိုးချက်၊ ခံႏလို့မေတ္တာႏ၊ စေႏတနာႏအနီꩻအရင်ꩻ၊ ကုသိုလ်ႏတဲ့လꩻ ဟို့ꩻလဲ့ကွို့ꩻအီဒါႏထာꩻမာꩻမျိုꩻ၊ သွူတကာႏတဝ်း ဆရာႏထာꩻမာꩻယို လို့ဗာႏဉာဏ်ႏအာႏ၊ နမ်းအာႏ၊ စေႏတနာႏအာႏနဝ်ꩻ သော့ꩻပါဗာႏလွိုလွိုလဲဉ်း ထာꩻမာꩻလောင်ႏလင်နဝ်ꩻသွူ။
လိုꩻသီးအတာႏ အကျိုꩻဖေႏအီထာꩻမာꩻ အဝ်ႏနီမျိုꩻ၊ တမျိုꩻနဝ်ꩻ ထာꩻမာꩻသာႏ၊ တမျိုꩻနဝ်ꩻ ထေအနီꩻအရင်ꩻ ဆို့ꩻရုဲင်၊ ဖြေꩻစာအရာႏအကဝ်ႏ၊ လိုꩻတဖြာꩻအတွက် ခြွိုင်ႏသန်ꩻရေꩻ၊ ပညာႏရေꩻ၊ စီꩻပွါꩻရေꩻ၊ လိုꩻမုꩻရေꩻစတဲင် ကလိုႏအပ်ဒါႏထာꩻမာꩻယို ခွုမ်မာꩻဆောင်ႏရွက်ဗာႏနဝ်ꩻမꩻ လွူးအီနမ်းတွမ်ႏ ထာꩻမာꩻတဲ့ အဝ်ႏဗာႏတမျိုꩻမျိုꩻနဝ်ꩻသွူ။
လိုꩻသီးကလိုႏအပ်ဒါႏ အအံႏအွꩻ၊ အကွဉ်ကꩻ၊ အသုံꩻဆောင်ႏတခြိုꩻအမျိုꩻမျိုꩻ၊ ကွန်ႏတခြိုꩻအစားစား၊ ထေမာꩻ၊ ဖြေꩻစာတွမ်ႏတရာꩻရာꩻ (သမ္မာအာဇီဝ)တဲင် လွူးနမ်းနုဲင်းနဝ်ꩻစားလဲ့ အဝ်ႏဒျာႏ၊ ဆရာႏသီးနဝ်ꩻ တပဲ့ꩻအတာႏ ထာꩻသေပညာႏ၊ ထာꩻဒါႏပညာႏ ဖေႏကဗွေ သွဉ်ဖေႏဗာႏတဲင် ထွာဖေႏဝွန်ႏဆောင်းသား တမျိုꩻနဝ်ꩻသွူ။
ရပ်ကို၊ ဒုံကို၊ ဝေင်ꩻကို၊ ခမ်းကို ပညာႏသျင်ႏ လိုꩻသေလိုꩻဒါႏ ဖေႏကပေါႏအာနဝ်ꩻ 'ဆရာႏသီးယို ထွာအထျꩻ၊ အရေꩻတန်သွတ်ꩻ'မိဉ်ႏရိုꩻနုဲင်းနဝ်ꩻတဲ့ တလွဉ်ꩻတဝ်း၊ အုံအဖဲ့ꩻမုဲင်ꩻထွားထွား၊ အဝ်ႏအဖဲ့ꩻမုဲင်ꩻယဲက်ယဲက် 'ဆရာႏ'ကရိုꩻနဝ်ꩻ အဝ်ႏအရော့ꩻ၊ အဝ်ႏအယံကွေႏကွေႏ၊ လွူးနမ်းမာꩻအံႏဆရာႏထာꩻမာꩻယို ထွာအမျတ်လွိုဝင်ꩻ၊ အနာႏဂတ်ခမ်းထီ၊ လိုꩻမျိုꩻအတာႏ အရင်ꩻခံႏပညာႏထွာအီနဝ်ꩻသွူ။
'ဝါႏသနာႏ၊ အနိစ်နာႏ၊ စေႏတနာႏ'ကရိုꩻဒါႏ 'နာႏ'သိုမ်မျိုꩻ အွဉ်ႏခါꩻသꩻကိုတဲင် ကွပ်ခွုမ်မာꩻဗာႏနဝ်ꩻမꩻ နိက်သက်ခရာႏ၊ လိုꩻလူꩻအံႏဖြာႏ၊ သာႏဓုလွပငါပရာꩻ၊ 'ဆရာႏ'ကရိုꩻနဝ်ꩻ တွမ်ႏအရာႏ၊ အပင်၊ အကဝ်ႏတွော့ꩻ အဟေ့ꩻကခွꩻရျူႏဒါႏ သေင်ႏမွူးတမွူးနဝ်ꩻ ဗိုန်လို့ဝင်ꩻနဝ်ꩻသွူ။
သေင်ႏမွူးတန်အဟေ့ꩻ ယူးဝါးထာꩻသောင်ꩻထာꩻသားဖုံႏ အုံကွူႏဗော့ꩻအဟေ့ꩻ၊ တပဲ့ꩻသီးအတာႏ ဆရာႏယို ဗိုန်သေင်ႏတမွူးတဲင် မိဉ်ႏအုံကွူႏဗာႏအဟေ့ꩻနဝ်ꩻ ဘဝအတာႏ တန်ႏဖိုꩻထိုအီနွောင်ꩻ၊ ထာꩻသေဉာဏ်ႏပညာႏနဝ်ꩻ လိုꩻလောကအကို အသောင်အရင်ꩻအခါႏ ဖေႏအဆင်ႏကပြေႏနဝ်ꩻ 'သꩻဓာတ်ရေꩻရာႏ'ယို တပဲ့ꩻသီးလꩻအီနွောင်ꩻနဝ်ꩻသွူ။
ဝွန်ႏဆောင်ႏမုꩻထာꩻမာꩻအကို ယင်ဟန်ႏနဝ်ꩻ အကျိုꩻဖေႏကွို့ꩻ အခိင်ႏကာႏလ တဆူးတဆင်ႏလွုမ်ꩻ၊ ယင်ဟန်ႏနဝ်ꩻ အကျိုꩻဖေႏ အခိင်ႏကာႏလဆွာꩻမွေး၊ ဥပမာႏ- ကြော့ꩻကတူႏသား ကကြော့ꩻဖေႏဝင်ꩻကတူႏသူꩻ အကျိုꩻဗꩻလꩻကွို့ꩻ ကလူꩻကဆွာꩻချာခိင်ႏလွုမ်ꩻ၊ ကာꩻသားကဒင်ႏလိုꩻတဲ့ ဗꩻကွို့ꩻနီကရေႏရာꩻ အရပ်ခင်ႏလမ်းသူꩻလွုမ်ꩻသွူ။
နားရီႏဖျင်သားသူꩻတဲ့ ဗꩻကွို့ꩻနားရီႏကကုဲင်ထိုꩻချာခိင်ႏလွုမ်ꩻ၊ ဆရာႏသီးကသွဉ်သင်ဆုံꩻမꩻဒါႏ အကျိုꩻ[[တရာꩻ]]ယိုနဝ်ꩻ အွဉ်ႏထွော့ခါꩻဖေႏအခိင်ႏ၊ မွူးနီꩻ၊ လာ၊ နေင်ႏ တလꩻနွောင်ꩻတဝ်း၊ ကွပ်ဝွေꩻသီး သွဉ်သင်ဖေႏယင်း တပဲ့ꩻအဆက်ဆက်နဝ်ꩻမꩻ အကျိုꩻတရာꩻယို တွက်နေးအခိင်ႏကာႏလ တလꩻတဝ်း၊ 'ဆရာႏ'ကရိုꩻဒါႏ ထာꩻဒါႏသွဉ်ဖေႏသား မိဉ်ႏတအဝ်ႏတဝ်းနဝ်ꩻ နီလိုꩻလောကကိုယို တွမ်ႏထာꩻခေ့ꩻကရိစ်ꩻ လာမားဟာနဝ်ꩻ ဗိုန်ဝင်ꩻနဝ်ꩻသွူ။
မိဉ်ႏယူႏဆွာꩻဆွာꩻ၊ ယူႏယော့ယော့နဝ်ꩻ ဆရာႏသီးဂုဏ်ႏ၊ ဆရာႏသီးအရန်း၊ ဆရာႏသီးတန်ႏဖိုꩻဖုံႏယို 'အရေꩻတန်တကားမုဲင်ꩻ'ကရိုꩻနဝ်ꩻ သေထွꩻလꩻနွောင်ꩻဒျာႏ၊ လိုꩻကခွုမ်မာꩻဒါႏ 'ဆရာႏ'ဘဝယို ထွာဘဝ၊ ဟဲ့ꩻဘဝမျတ်လွိုဝင်ꩻ၊ လꩻလဲဉ်းဘဝမျတ်တဲင် လိုႏအွဉ်ႏတန်ႏဖိုꩻငါႏ၊ လိုႏရက်ချာငါႏနမ်းဂုဏ်ႏသိက္ခာႏ၊ လိုႏခွုမ်မာꩻထွိုက်ထွိုက်တန်ႏတန်ႏနဝ်ꩻသွူ။
ဆရာႏဘဝ ဖေႏကထွိုက်တန်ႏ ခွုမ်မာꩻဗာႏနုဲင်းမုဲင်ꩻ? ဝွေႏဖန်ႏကျမ်ႏစယ်ႏဗာႏနုဲင်းမုဲင်ꩻ? ဆရာႏဂုဏ်ႏသိက္ခာႏ ဖေႏကဖေ့ဗာႏမွုန်း၊ အရောင်ႏဖေႏကတင်ႏတဆဝ်သေႏသေႏနဝ်ꩻ မာꩻဗာႏနုဲင်းမုဲင်ꩻကရိုꩻနဝ်ꩻ နီဗွေႏ[[ဘုရာꩻ]]ဟော်ꩻဖေႏ နုဲင်းလယိုအတွိုင်ꩻသွူ။
&quot;ဆရာႏ&quot;ကရိုꩻနဝ်ꩻ-
(၁) သွဉ်သင်ဆုံꩻမꩻဖေႏဗာႏ (၂) ပညာႏထာꩻဒါႏမျိုꩻယို သွဉ်နယ်ဖေႏဗာႏတပဲ့ꩻသီး (၃) အခေႏအနေႏ ကရယံဒါႏတပဲ့ꩻသီးယို ရော့ꩻပသာငါတေားတေားတဲ့ ပသာဖေႏဗာႏ (၄) ငမ်းတပဲ့ꩻသီး ထာꩻဒါႏညာႏထွꩻလꩻတဲင် ခိုႏခါꩻနမ်းပညာႏ၊ သွဉ်ဖေႏလို့တဝ်းတပဲ့ꩻ မာꩻဗာႏတဝ်းနုဲင်းနဝ်ꩻ (၅) တပဲ့ꩻသီး ဖေႏကမော့ꩻဗာႏမွုန်းဘေꩻရန်ႏ အန္တရာယ်ႏနဝ်ꩻ ရဲးဆီꩻခါꩻဖေႏဗာႏ၊ ယိုငတ်ꩻမျိုꩻနဝ်ꩻသွူ။
ခြဲ့ꩻနမ်ဟမ်းလုဲင်း၊ ခြုဲင်းနယ်ဟမ်းဆွာꩻယင်းတစိꩻပေႏငါ၊ အမုဲင်(၁)အလꩻ လောကနီတိဆရာႏရိုꩻ 'ကလိုႏဒေါ့ꩻသွဉ်အရပ်တဲ့ ဒေါ့ꩻသွဉ်ဗာႏ၊ တပဲ့ꩻမိဉ်ႏမာꩻဒါႏ ထာꩻမာꩻကုဲင်တဲ့ ရဲးဗာႏ၊ ကသွဉ်သင်ဆုံꩻမꩻဒါႏ လိုꩻအစားနဝ်ꩻနဝ်ꩻ သူႏတောႏကောင်ꩻသီး ဟွုန်ဟဝ်နိစ်သက်'တဲ့။
'ဆရာႏ'ကရိုꩻနဝ်ꩻ တွမ်ႏကဝ်ႏခြံသား ဗိုန်လို့ဝင်ꩻ၊ ကဝ်ႏခြံသားသူꩻ ဝွေꩻကဆို့ꩻခါꩻဒါႏကဝ်ႏယို အမွူးအကဝ်ႏ ဖေႏကတလာနဝ်ꩻ ထွားသော့ꩻဖေႏဗာႏ ဟံႏဩဇာႏ၊ ဆူဖေႏဗာႏထီ၊ မီꩻဖုံႏမိဉ်ႏလုံꩻတဲ့ သဲ့ꩻကြေင်း၊ ဝင်ကြေင်းဗာႏ၊ အမွူးအစော့ꩻလောင်း သေ့ꩻဖုံႏမိဉ်ႏအဝ်ႏလဲ့ ဆွမ်ꩻထိုꩻဗာႏ၊ ဆဲစ်ꩻတသီႏ ကာႏကွယ်ႏခါꩻဗာႏ၊ ဝွေꩻသီးထာꩻမာꩻယို ဆို့ꩻတဲ့ဆို့ꩻရုဲင်ဗာႏ၊ ကဆို့ꩻရုဲင်ထွူယိုတဲ့ ထွားထိင်ꩻမွဉ်းဖျင်လွဉ်ꩻဗာႏ။
တာႏဝွန်ႏယိုနီမျိုꩻ မာꩻဗာႏဒျာႏရင်ꩻ၊ ဆို့ꩻနဝ်ꩻဆို့ꩻထွူလဲဉ်း မိဉ်ႏတမွဉ်းဖျင်လွဉ်ꩻဆုဲင်ꩻတဝ်းနဝ်ꩻ အမွူး၊ အပင်၊ အလာႏ၊ အကဝ်ႏတန်နွောင်ꩻ၊ တရေꩻနွောင်ꩻတဝ်း၊ ဆရာႏသီးတဲ့ ပမာႏပုံႏခွိုင်ꩻ ဗိုန်နုဲင်းနဝ်ꩻအတွိုင်ꩻနေနေ၊ တပဲ့ꩻသီး တဖူꩻဖေႏကစွဉ်ႏ ထာꩻသေထာꩻဒါႏပညာႏ သွဉ်ဖေႏဗာႏ၊ သွူတကာႏတဝ်း သွဉ်ပညာႏပေႏပေႏခါတွင်ꩻ အွꩻဒဝ်၊ ဆွဉ်းယာ၊ တောႏလောင်ꩻထာꩻ၊ အွဉ်ႏဝင်ꩻမူႏ/ဝင်ꩻခိုစစွဉ်ႏ အကျင်ꩻကုဲင်မျိုꩻယို ဖေႏကမာꩻမွုန်းနဝ်ꩻ သွဉ်သင်ဖေႏဗာႏနဝ်ꩻသွူ။
တပဲ့ꩻဖေႏနေးကထဲ့ဆုဲင်ꩻဗာႏမွုန်းဝင်ꩻ၊ ဖေႏကဒါႏတဲပ်တဲပ် သွဉ်ယံယံဖေႏဗာႏ၊ အကျင်ꩻစရဲက် သꩻဓာတ်ဖေႏကဟဝ်တဲ့ သွဉ်ဖေႏပါဗာႏ၊ လိုꩻတဖြာꩻယိုနဝ်ꩻ သဘော်ꩻဟဝ်မိဉ်ႏအဝ်ႏမꩻ ခွယ်ꩻချာꩻဒါႏ အဟဝ်အကုဲင်၊ သꩻစင်ဗွာရိုꩻသာꩻစွို့ꩻစွဉ်ႏမꩻ၊ နမ်းတဲ့ ထာꩻမာꩻကုဲင်ဒုစရဲက် ကြောင်းသျင်ꩻနဝ်ꩻသွူ။
အသောင်အရင်ꩻ သွꩻခွလဲ့ ကွပ်ဝွေꩻတဲင် သꩻချမ်ꩻသာႏအီ၊ လိုꩻသꩻဟဝ် မိဉ်ႏအဝ်ႏနုဲင်းယိုမꩻ ယားကုဲင်သွဉ်ကုဲင်ဒါႏတဝ်း ဝင်ꩻလောင်ႏလင်၊ လိုꩻရိုꩻသာꩻစွို့ꩻစွဉ်ႏနုဲင်းယိုမꩻ အနမ်းတွမ်ႏအနမ်း ထိင်ꩻချာဒါႏ၊ လိုꩻလောင်ႏလင်တာႏတဲ့ ထွာနုဲင်းအထိင်ꩻပါ တဖဲ့ꩻတခဝ်နေနေနဝ်ꩻသွူ။
လောကကို ဒါႏဒျာႏပညာႏလွုမ်ꩻ၊ တနယ်ꩻနဝ်ꩻ အောင်ႏဒျာႏလိတ်လွုမ်ꩻ၊ သꩻမိဉ်ႏတစွို့ꩻစွဉ်ႏတဝ်း၊ မိဉ်ႏတရိုꩻသာꩻတဝ်းနဝ်ꩻ ထူꩻတဝ်းတမုဲင်ꩻမုဲင်ꩻ၊ ပွိုးတမုဲင်ꩻနဲးတဲင် ဝွေꩻကဒါႏခါꩻလိတ်ယို ယားကုဲင်အီထဲင်းအနမ်း၊ အော်ကုဲင်ချောက်ကုဲင်ပါထဲင်း အသောင်အရင်ꩻသွꩻခွ၊ တပဲ့ꩻသီး ဆားဆွုတ်ꩻပနဲဉ်ႏနေတွင်ꩻ တွမ်ႏဖယောင်ꩻတဲင်ႏနဝ်ꩻ ဗိုန်လို့ဝင်ꩻနဝ်ꩻသွူ။
ကားလားကခွꩻလꩻ၊ ကားလားကဆွော့ꩻနဝ်ꩻ မာꩻသေꩻအပုံႏရော့ꩻရော့ꩻမꩻ မိဉ်ႏခွꩻမိဉ်ႏဆွော့ꩻခိင်ႏသူꩻနဝ်ꩻ အပုံႏထန်ႏတရေꩻ၊ ဖုဲင်ႏထွား၊ မွိုးဖါတွိုင်ꩻ၊ ဆရာႏတွိုင်ꩻ မိဉ်လꩻပိုလိင်ႏမာႏ၊ မိဉ်လꩻတပဲ့ꩻနာႏငဝ်း အဝ်ႏလမ်းကိုတွင်ꩻ ကလိုႏဆုံꩻမꩻနဝ်ꩻ ထွာမွိုးဖါသီးတာႏဝွန်ႏ၊ တွိုႏကျောင်ꩻကိုသူꩻ ထွာဆရာႏသီးတာႏဝွန်ႏ၊ တပဲ့ꩻတနာႏတဝ်း ဆရာႏသီးငဝ်းနဝ်ꩻ တွမ်ႏဖိုးရွိုင်ꩻဗိုန်လို့ဝင်ꩻ၊ လယ်ႏအံႏပါꩻသွို့ꩻ၊ လယ်ႏနွို့ပါꩻခြံတဲင် ခံႏဗာႏဝင်ꩻတွဲႏ၊ ဝင်ꩻဗွုမ် တလွစ်တဝ်းရင်ꩻနဝ်ꩻသွူ။
ခေတ်ယိုခါ ဆရာႏယင်ဟန်ႏဟန်ႏနဝ်ꩻ ငမ်းတပဲ့လွꩻထီႏတဲင် လိုႏဒေါ့ꩻသွဉ်သွူတဲ့ တဒေါ့ꩻသွဉ်တဝ်းနုဲင်းနဝ်ꩻလဲ့ အဝ်ႏ၊ နုဲင်းယိုနဝ်ꩻ လိုႏထွာတဝ်း၊ ထွာလဲဉ်းဆရာႏက ငမ်းဗာႏတေား တပဲ့ꩻလွꩻထီႏနဝ်ꩻ ထုံꩻစမ်ႏမွေးတဝ်း၊ ပေါႏအဝ်ႏလိုႏဒေါ့ꩻသွဉ်တဲ့ ဒေါ့ꩻသွဉ်ရုဲင်းရုဲင်းဗာႏ၊ ထွာဆရာႏတဖြာꩻ ကလိုႏဒေါ့ꩻကလိုႏသွဉ်ယိုနဝ်ꩻ ဆရာႏတာႏဝွန်ႏ၊ ဆရာႏကိစ္စ၊ တပဲ့ꩻသီး မိဉ်ႏလွꩻထီႏ၊ မိဉ်ႏဗွိုႏ၊ မိဉ်ႏတကေႏနပ်တဝ်းတဲ့ တွေꩻသီးတာႏဝွန်ႏဒျာႏနဝ်ꩻသွူ။
ဝွေꩻသီး ကလွꩻထီႏ၊ ကဗွိုႏနဝ်ꩻ တဆဲင်ႏတဝ်းတွမ်ႏဆရာႏ၊ ဝွေꩻသီး အွဉ်ႏသေꩻသꩻကိုတဲ့ မဲ့ꩻထွာယင်းဒျာႏ ဝွေꩻသီးတခြိုꩻ၊ အခိင်ႏတွမ်ႏအခိင်ႏ ထာꩻဟဝ်တဲ့ ထာꩻဟဝ်အကျိုꩻအဝ်ႏဗာႏ၊ ထာꩻကုဲင်တဲ့ မဲ့ꩻအကျိုꩻဖေႏဒျာႏ အကုဲင်၊ ယိုနဝ်ꩻ ဓမ္မနိယာမ သဘာဝဒျာႏရင်ꩻ၊ လွိုဆန်တလꩻတဝ်း တဖြာꩻဖြာꩻနဝ်ꩻသွူ။
အခိင်ႏမိဉ်ႏတွိုႏတနီꩻခါမꩻ အသေချာယင်းဒျာႏ ဆရာႏသီး[[ကေꩻဇူꩻ]]၊ ငမ်းတပဲ့ꩻသီးလွꩻထီႏတွော့ꩻ လိုႏဒေါ့ꩻသွဉ်သွူတဲ့ တဒေါ့ꩻတဝ်း၊ တသွဉ်တဝ်း မိဉ်ႏမာꩻနုဲင်းနဝ်ꩻနဝ်ꩻ ဆရာႏယံတဖြာꩻ တရိုꩻလꩻနွောင်ꩻတဝ်းဒွိုန်း၊ တွမ်ႏသစ္စာႏဖေါက်ချာ အနမ်းဆရာႏဘဝနဝ်ꩻ ဗိုန်ထိုꩻလို့ဝင်ꩻနဝ်ꩻသွူ။
အမုဲင်(၂) လိုꩻခြောင်ႏလောက ကထွန်ꩻကာꩻတိုꩻတက်လွဉ်ယိုနဝ်ꩻ အထျꩻအဝ်ႏထာꩻသေပညာႏ၊ စိဉ်ꩻစာꩻဝွေႏဖန်ႏနဝ်ꩻမꩻ စခါနဝ်ꩻ အဝ်ႏလေားခေတ်လွုမ်ꩻလဲ့ ယိုခါ ဟန်ႏသနီꩻ ကျောင်ႏနွောင်ꩻစွဉ်ႏထာꩻ အွိုးမို့ꩻလောင်းကီ၊ တွိုႏပါနွောင်ꩻကဒွိုန်း လာကိုသူꩻနဝ်ꩻ ပွိုးတမုဲင်ꩻ? ပွိုးပညာႏသနယ်၊ တပဲ့ꩻသီးဖေႏကဒါႏ စေႏတနာႏပါပါ သွဉ်ဖေႏဗာႏ လိတ်သွဉ်ခန်ꩻတာႏ ထွားလွူꩻဗာႏသေႏသေႏနဝ်ꩻသွူ။
တပဲ့ꩻသီး နားဖေႏကဗွောင်၊ ဖေႏကသေနာႏနဝ်ꩻ ထိုမ်ႏဗာႏအနယ်ꩻတသာ သွဉ်အီဗာႏ၊ ဆရာႏယင်ဟန်ႏနဝ်ꩻ 'ပေါႏအောင်ႏငါလိတ်ငါထွူလဲဉ်း'ယူႏနုဲင်းနဝ်ꩻစားတဲ့အဝ်ႏ၊ အမဲဉ်ႏတဗာႏတဲးတဲ့ သွဉ်ဖေႏကဒါႏလꩻစွဉ်ႏနဝ်ꩻ အရေꩻတန်ကယ်ꩻလဲဉ်းက သွဉ်ဖေႏကအောင်ႏထဲင်းနဝ်ꩻသွူ။
'ပေါႏခွေသွဉ်ဖေႏသွူနဝ်ꩻတဲး ဒါႏဗာႏသေဗာႏ၊ အောင်ႏဗာႏ'လိုꩻအွဉ်ႏသꩻနုဲင်းနဝ်ꩻစား၊ ဆရာႏသီး မိဉ်ႏအွဉ်ႏသꩻစေႏတနာႏနုဲင်းနဝ်ꩻနဝ်ꩻ စေႏတနာႏယို တဖေ့ထိုꩻတဝ်း၊ အကျိုꩻအီႏဖေႏဒျာႏရင်ꩻရင်ꩻ တလွစ်တဝ်းနဝ်ꩻသွူ။
အမုဲင်(၃) သင်ꩻရာꩻအရပ် ရော့ꩻပသာတဲ့ ပသာထဲင်းဗာႏ၊ တပဲ့ꩻအတာႏ အဝ်ႏနီစူဆꩻလ ထွားထိင်ꩻနုဲင်းနဝ်ꩻခြေင်ခြေင်လွုမ်ꩻ တထွာတဝ်းဒွိုန်း၊ ဖေႏကလဲဉ်းသော့ꩻလွေꩻ ခင်ႏလမ်းဟဝ်ကိုတဲ့ ချင်းခေႏပသာလွေꩻဖေႏဗာႏ၊ နီကမိဉ်းမွိုတ်ဒါႏ ဆရာႏတဖြာꩻဖြာꩻအထျꩻ အပ်ထေ့လွေꩻ၊ ပသာထေ့လွေꩻဗာႏ၊ လွိုက်ရွေꩻဒျာႏ ဆရာႏယံယံထျꩻမꩻ တပဲ့ꩻအီႏထင်ႏထိုထဲင်းနဝ်ꩻသွူ။
အမုဲင်(၄) 'ဆရာႏ'ကရိုꩻနဝ်ꩻ ပူႏဇောႏထွိုက်လိုꩻတဖြာꩻ၊ အနန္တဂုဏ်ႏငတ်ꩻပါꩻကို အဝ်ႏပါသော့ꩻငီꩻတဲင် တပဲ့ꩻသီး ရိုႏသေႏထွိုက်၊ အွဉ်ႏရေꩻခံႏနောမ်ꩻဗာႏ၊ ပူႏဇောႏထွိုက်ရိုႏသေႏထိုက်ပုဂ္ဂိုလ်ႏနဝ်ꩻမꩻ ဒါႏပညာႏတမျိုꩻလွုမ်ꩻတဲ့ ထွာတဝ်းဒွိုန်း၊ နမ်းကျင်ꩻတရာꩻတဲ့ ဖေႏကလွောက်ꩻတွမ်ႏမိဉ်ꩻနဝ်ꩻ လိုႏဒွိုန်းကနေနေ၊ ငမ်းဗာႏတဝ်း တပဲ့ꩻသီးဒါႏကယ်ꩻ၊ ပိုန်းကယ်ꩻနဝ်ꩻသွူ။
ကဒါႏခါꩻပညာႏထာꩻသေယို အွဉ်ႏကုဲင်သေꩻခါꩻဗာႏတဝ်း နမ်းတာႏ၊ ခိုႏဗာႏတဝ်းပညာႏ၊ လွူးဗာႏတဝ်းသꩻနုဲင်းနဝ်ꩻ၊ မိဉ်ႏဒေါ့ꩻဗာႏငဝ်းပေါင်းကျမ်ꩻကျမ်ꩻလဲ့ 'ဆရာႏ'ကရိုꩻနဝ်ꩻ သꩻဖွိုႏသꩻညမ်းမိဉ်ႏအဝ်ႏနေကနဝ်ꩻ တဟဲ့ꩻထွိုက်တဝ်းဆရာႏ၊ မိဉ်ႏခိုႏခါꩻပညာႏနုဲင်းနဝ်ꩻနဝ်ꩻ တပဲ့ꩻစိုးဆုဲင်ꩻချာ မိဉ်ႏထွာနုဲင်းဆရာႏနဝ်ꩻ လိုꩻပေႏဆꩻလ အဆက်ဆက်ဖုံႏယို အီႏထွာလို့နုဲင်းမုဲင်ꩻ? အီႏထင်ႏထိုနွောင်ꩻနေဒွုမ်ဟောင်း?။
အမုဲင်(၅) တပဲ့ꩻသီး မိဉ်ႏသွဉ်ကုဲင်လို့ဝင်ꩻ၊ အဝ်ႏပေႏအဝ်ႏဆား အွဉ်ႏအွꩻလို့ဝင်ꩻဒဝ်၊ အွဉ်ဆွဉ်းယာဖုံႏနဝ်ꩻ ထွာအနာႏဂတ်ဘဝဆꩻငါတာႏ ဘေꩻတန်တမျိုꩻတဲင် ဆရာႏသီးလဲ့ ဖေႏကသေနဝ်ꩻ သွဉ်သင်ဗာႏ၊ ရဲးဆီꩻခါꩻဗာႏ၊ ဝွေꩻသီးအချင်ꩻချင်ꩻ တကေးလို့ဝင်ꩻ၊ ထေင်ညင်ꩻရွို့ꩻရန်ႏလို့ဝင်ꩻစားနဝ်ꩻတဲ့ ဖေႏကအဝ်ႏမွုန်း ဆရာႏသီး သွဉ်ဆုံꩻမꩻဗာႏနဝ်ꩻသွူ။
မိဉ်ႏထွာလွဉ်စိန်ႏစွဗာ့ꩻလဲ့ အကျောင်ꩻအကျိုꩻ သျင်ꩻနယ်သွဉ်သင်နယ်ဗာႏ၊ မိဉ်ႏတန်တနီꩻခါ လွူးနမ်းဖေႏကဗွာ အဖဲ့ꩻဖဲ့ꩻအခဝ်ခဝ် ထာꩻသေထာꩻဒါႏ၊ အကျင်ꩻစရဲက်၊ သꩻအွဉ်ႏပုံႏအွဉ်ႏနယ်ꩻဖုံႏယို ထွာတပဲ့ꩻသီးအတာႏ သွဉ်သင်နယ်မꩻ တပဲ့ꩻသီးဘဝတဖူꩻဆꩻငါ အီႏစွို့ꩻစွဉ်ႏ၊ မိဉ်ႏမာꩻနုဲင်းနဝ်ꩻမꩻ ထွာဆရာႏတာႏဝွန်ႏကေႏတဖြာꩻ ရိုꩻနွောင်ꩻနဝ်ꩻသွူ။
အဆုဲင်ꩻသွတ်ꩻအနေႏ တပဲ့ꩻသီး သွဉ်ပညာႏပေႏပေႏခါ ဖေႏကပျောႏ၊ လိတ်လဲ့ယံကအောင်ႏ၊ အကျင်ꩻစရဲက်ဖုံႏတဲ့ ဖေႏကဟဝ်နဝ်ꩻ 'ဆရာႏ၊ ဆရာႏ'ဝင်ꩻကဟဲ့ꩻမိဉ်ꩻ 'ဖေႏနေးကလွောက်ꩻဖက်နဝ်ꩻ လိုႏအုံအဝ်ႏ၊ လိုႏဒေါ့ꩻဖြဝ်ႏ၊ လိုႏလွေꩻသဲင်ꩻခွုမ်မာꩻဗာႏနုဲင်းမုဲင်ꩻ'ကရိုꩻနဝ်ꩻတဲ့ နမ်းတွမ်ႏနမ်း ချင်းခေႏဒါႏဗာႏနဝ်ꩻသွူ။
နုဲင်းနဝ်ꩻမꩻ ထွိုက်တန်ႏတွမ်ႏဆရာႏခင်ႏလမ်း၊ တပဲ့ꩻသီးဖုံႏနဝ်ꩻ ထွားနုဲင်းလွဉ်ꩻဒါႏဆရာႏသီး အအုံအဝ်ႏ၊ အဒေါ့ꩻဖြဝ်ႏတဲင် တပဲ့ꩻသီး အကျင်ꩻကကုဲင်အီဒါႏ ထာꩻမာꩻမျိုꩻယို ကထွာအဆရာႏ မိဉ်ႏမာꩻနယ်၊ မိဉ်ႏအွဉ်ႏနယ်နဝ်ꩻ ဆရာႏယံတဖြာꩻထွာနွောင်ꩻတဝ်းဒွိုန်း၊ မိဉ်ꩻတွမ်ႏနမ်း အုံအဝ်ႏတွမ်ႏဒေါ့ꩻဖြဝ်ႏ လွောက်ꩻတဝ်းဒွိုန်းရိုꩻဗာႏနုဲင်းနဝ်ꩻသွူ။
==ဆရာႏ(၂)==
နီဖုံႏယို ထွာလွဉ်လဲဉ်း လောကကို လိုꩻတဖြာꩻတဲင် တဲႏစွဉ်ႏမွိုးကလွူးလင်ꩻစသူꩻကာႏ လိုꩻဘဝတာႏဝွန်ႏယို အဝ်ႏလွဉ်လဲဉ်းစွုမ်ႏဖြာꩻဖြာꩻ၊ ကွဲႏတွော့ꩻ- လိုꩻတွိုင်ꩻ သဘာဝနိယာမ တာႏဝွန်ႏအဝ်ႏသွူတဲ့ မိဉ်ႏတသေတဝ်း၊ သေနဝ်ꩻ သေဒျာႏ မိဉ်ႏတခွုမ်မာꩻဆောင်ႏရွက် ကေႏကေႏတဝ်းနဝ်ꩻ ထွာလိုꩻဘဝယို အထီအသွီႏဗွေတဝ်း၊ လိုꩻတသေစဲင်းတဝ်း လိုꩻခရာႏတဖြာꩻအတွက် တသေနာႏတဝ်းတာႏဝွန်ႏ၊ ကသေနာႏတာႏဝွန်ႏသားနဝ်ꩻ ထာꩻမာꩻတဗာႏထွူတဗာႏ၊ တမျိုꩻထွူတမျိုꩻ မာꩻလွဉ်ꩻလဲင်ꩻတခိꩻနေးဒွုမ်သားဖုံႏတဲ့ အဝ်ႏသွူ။
&quot;မိဉ်ႏသေတာႏဝွန်ႏမꩻ တာႏဝွန်ႏအဝ်ႏ&quot;ဝင်ꩻရိုꩻခါꩻ ငဝ်းနုဲင်းနဝ်ꩻအတွိုင်ꩻ နမ်းတာႏကထွာဒါႏ အအံႏအအွꩻ၊ အကွဉ်အကꩻ၊ အစုတ်ꩻအစုဲင်ႏဖုံႏနဝ်ꩻ ထွာလိုꩻသဘာဝ နိယာမတာႏဝွန်ႏဖုံႏလွဉ်းလွဉ်း၊ ကားလားသက်ရွယ်ႏကလꩻ ကထိုမ်ႏကျမ်ႏ၊ တမာꩻဒါႏဒွိုန်းခိင်ႏနဝ်ꩻ အာႏကွိုꩻဗာႏမွိုးဖါ၊ အုံနောင်ဝင်ꩻလꩻလဲ့ သက်ရွယ်ႏတဲ့မဲဉ်ႏ၊ ထိုမ်ႏကျမ်ႏခွုမ်မာꩻ အဝ်ႏဒါႏလဲဉ်းလဲ့ မိဉ်ႏအာႏကွိုꩻဗာႏနေကဝင်ꩻနဝ်ꩻ အနယ်ꩻပေါႏမွေးတဝ်းသွူ။
ယိုနဝ်ꩻ ဝင်ꩻတာႏ (ပရဟိတ)မွေးတဝ်း၊ နမ်းတာႏ နမ်းဟို့ꩻ(အတ္တဟိတ)တာႏဒျာႏမိဉ်ႏတဲ့ အဗွေႏတာႏဝွန်ႏယို အဗွေႏမိဉ်ႏတမာꩻကေႏတဝ်း၊ မိဉ်ႏတခွုမ်မာꩻတဝ်းဒွိုန်းနဝ်ꩻ ဝွေꩻယို ထွာလိုꩻလွို၊ လိုꩻပိုႏ၊ အုံငီꩻဝင်ꩻလမ်းတဖြုံႏချင်ႏလဲ့ ဝင်ꩻဗွိုႏ၊ အုံငီꩻဝင်ꩻတဒုံချင်ႏတဲ့ ဝင်ꩻလွꩻထီႏ၊ ဝင်ꩻဒေါ့ꩻအမိဉ်ꩻ၊ မဉ်ႏဒေါ့ꩻငဝ်းလို့လို့လဲ့ လိုꩻတာႏဝွန်ႏတကေႏတဝ်းသားဖုံႏ မိဉ်ႏအာလွဉ်နဝ်ꩻ လွောင်ႏဗူႏငီႏညွတ်ရေꩻ ကုဲင်အီနွောင်ꩻနဝ်ꩻသွူ။
ကွပ်နဝ်ꩻမꩻ မွိုးဖါတာႏဝွန်ႏ၊ ပိုသီးတာႏဝွန်ႏ၊ ဆရာႏတာႏဝွန်ႏ၊ တပဲ့ꩻတာႏဝွန်ႏ၊ သွꩻခွချင်ꩻဖုံႏတာႏဝွန်ႏ၊ တမာဝါꩻတာႏဝွန်ႏ-စတဲင် အခင်ႏလမ်းတွမ်ႏအခင်ႏလမ်း မိဉ်ႏတွိုႏလွဉ်သွူနဝ်ꩻ တာႏဝွန်ႏနုဲင်းယို ဝင်ꩻဖေႏအပ်တဲ့နဝ်ꩻ၊ တဖေႏအပ်တဝ်းတဲ့နဝ်ꩻ &quot;တာႏဝွန်ႏအဝ်ႏဒင်ႏလဲဉ်းခွေပြေင်&quot;ကရိုꩻနဝ်ꩻ နမ်းတွမ်ႏနမ်း သေချာဗာႏပငါပရာꩻသွူ။
ကွပ်ဝါႏသနာႏ၊ စေႏတနာႏ၊ အနိစ်နာႏတဲင် နေးတွမ်ႏသꩻဆွာꩻဆွာꩻ၊ ထာꩻသယ်ꩻခံႏတန်တန်အာအာ ကအဝ်ႏသွဉ်ဖေႏဒါႏ လိုꩻပေႏပညာႏ အွိုးကျောင်ꩻကို ဆရာႏခို/ဆရာႏမူဖုံႏတဲ့ &quot;တာႏဝွန်ႏအဝ်ႏ&quot;ကရိုꩻနဝ်ꩻ သေထွꩻလွဒျာႏဝင်ꩻဖုံႏ၊ နီဗွေႏဘုရာꩻ ကဟော်ꩻသိင်္ဂါလောဝါဒကို ဆရာႏတာႏဝွန်ႏအဝ်ႏနုဲင်းယို-
(၁) တပဲ့ꩻတဖြာꩻ မိဉ်ႏတန်တနီꩻခါ လွူးနမ်းတာႏ ဖေႏကလိုမ်းဗွေနဝ်ꩻ အတတ်နွိုင်ႏသွတ်ꩻ သွဉ်နယ်ဗာႏထာꩻဒါႏပညာႏ (၂) အကျင်ꩻကုဲင်၊ ထာꩻဒေါ့ꩻကုဲင်၊ အထာꩻကျမ်ႏကုဲင် ဒုစရဲက်မျိုꩻ ဖေႏကထွာဗာႏမွုန်းနဝ် သွဉ်သင်ဆုံꩻမꩻဖေႏ၊ ဖျင်စွို့ꩻဖေႏဗာႏ (၃) ကသေကဒါႏ ထာꩻသေထာꩻဒါႏပညာႏယို အွဉ်ႏပလို့ꩻသေꩻခါꩻ၊ အွဉ်ႏကုဲင်ခါꩻဗာႏတဝ်း၊ သွဉ်ဖေႏလို့လို့ဗာႏ၊ အွဉ်ႏဗာႏသꩻစေႏတနာႏနုဲင်းနဝ်ꩻသွူ။
(၄) ဘေꩻရန်ႏအန္တရာယ်ႏ ဖေႏကထွာဗာႏမွုန်းနဝ်ꩻ ရဲးဆီꩻဖေႏဗာႏ၊ မိဉ်ႏကျုံႏခွဲးလွဉ်တဲ့ သညင်ꩻတန်တန် ထွားဖြေႏသျင်ꩻကိုဖေႏဗာႏ (၅) နမ်းကဒါႏပညာႏဖုံႏယို သွဉ်ဖေႏလို့လဲဉ်းတဲ့ မိဉ်ႏသွဉ်ထဲင်း ကရလꩻဒါႏ နမ်းအာႏ၊ ရွဉ်အာႏ၊ သꩻဝါႏသနာႏ ကအဝ်ႏဒါႏတပဲ့ꩻယို ရော့ꩻရာꩻခင်ႏလမ်း လွိုက်ထွားပသာတေားတေားဗာႏ၊ အခေႏနေႏ မိဉ်ႏတဖေႏတဝ်းလဲ့ ဖေႏကရော့ꩻဖေႏကမဲဉ်ႏ ကထွာအဆရာႏယို ကျယ်ႏစယ်ႏဝွေႏဖန်ႏအွဉ်မာꩻဖေႏဗာႏသွူ။
ဆရာႏတာႏဝွန်ႏဖုံႏအဝ်ႏတဲ့ တပဲ့ꩻအတွက် တာႏဝွန်ႏဖုံႏ အဝ်ႏဒျာႏနေနေ၊ မွေးသွူ- လောကအကို ဖေႏနေးကထွာဗာႏဆရာႏနဝ်ꩻ တယိုꩻတဝ်းငါႏ၊ ယူႏစမ်ꩻမွိုင် ဒုံတဒုံကို လိုꩻအဖြာꩻပေါင်ꩻ အဝ်ႏနေးအရျာꩻတန်ꩻပိဉ်၊ လိုꩻပေႏကေားသွဉ်ထူႏပညာႏသား အဝ်ႏနေးအရျာꩻအရေင်၊ ဒုံကို မာꩻနွောင်ꩻဆရာႏ အဝ်ႏသော့ꩻကားမုဲင်ꩻဖြာꩻ? ကွပ်နဝ်ꩻမꩻ ထွာလဲဉ်းသွူဆရာႏတဲ့ ဖေႏနေးကထွာလꩻ ဆရာႏစဲစ်စဲစ်နဝ်ꩻ အဝ်ႏလိုႏခွုမ်မာꩻ၊ အုံအဝ်ႏ၊ ဒေါ့ꩻဖြဝ်ႏငါႏနဝ်ꩻသွူ။
မွေးလဲဉ်း &quot;ဆရာႏ-ဆရာႏ&quot;တဲ့၊ ခွေသီနီနာꩻ ကအဝ်ႏဟဲ့ꩻရောင်ဆရာႏနဝ်ꩻ အခရာႏအဝ်ႏဒါႏနုဲင်းမုဲင်ꩻအီး? &quot;ဆရာႏဝင်ꩻရိုꩻသွူက သွဉ်ဖေႏလိတ်တဲ့ ထွာကျောင်ꩻဆရာႏ၊ မာꩻဖေႏဝင်ꩻလမ်းပါႏတဲ့ ဟဲ့ꩻလက်သမာꩻဆရာႏ၊ သွဉ်ဆဲ့ꩻတသီႏ လိုမ်ꩻလာꩻလိုိꩻဆာနဝ်ꩻလဲ့ ဟဲ့ꩻဆရာႏ၊ ဟဲ့ꩻဆရာႏဝွန်ႏသွူကွိုဟွေး&quot;၊ ခွေခွေနာꩻနာꩻ အီႏဒေါ့ꩻဖြေႏ တဖြာꩻဖြောင်းတဖြာꩻဖြေꩻ၊ သꩻကထင်းရာꩻ အီႏဒေါ့ꩻလွဖြာꩻစွိုးစွိုး တလွစ်တဝ်းရင်ꩻသွူ။
ယင်ဟန်ႏဟန်ႏနဝ်ꩻ မဲ့ꩻအရိုꩻထဲင်းဗော့ꩻ &quot;ဆရာႏဝင်ꩻရိုꩻနုဲင်းနဝ်ꩻက ဒါႏတဲ့ ဆရာႏနဝ်ꩻလွုမ်ꩻမတဝ်းနဲး၊ နုဲင်းကွို့ꩻနုဲင်းယိုနဝ်ꩻ လꩻသေတဝ်းဒွိုန်းနဲ့? အအီႏရီချာလိုꩻ နုဲင်းနဝ်ꩻစားဖုံႏတဲ့ အဝ်ႏဒါႏနေနေ၊ အမဲဉ်ႏနဝ်ꩻ နုဲင်းယိုစားဒျာႏ &quot;ကျင်ꩻဟဝ်စွို့ꩻစွဉ်ႏ တဖူꩻမဲဉ်ႏအလောင်း ဖေႏကတွိုႏသော့ꩻလꩻ ကျိုꩻစာꩻသွဉ်သင် ကပသာဖေႏဒါႏ ပုဂ္ဂိုလ်ႏစားဒျာႏနဝ်ꩻမꩻ ဟဲ့ꩻ&quot;ဆရာႏ&quot;နဝ်ꩻသွူ။
ပေါႏနဝ်ꩻတဲ့ &quot;ဆရာႏ&quot;နဝ်ꩻ သေလဲဉ်း၊ ဆရာႏတဲ့ ဆရာႏဟဝ် ဆရာႏကုဲင် အဝ်ႏကအမျိုꩻမျိုꩻ၊ အမဲဉ်ႏတဗာႏ အဆရာႏယို ထွာလဲဉ်းဝင်ꩻဆရာႏတဲင် ဆရာႏဆရာႏခင်ႏလမ်းလိုႏမဲဉ်ႏ၊ ပုထုဇဉ်ႏကွေႏကွေႏက အမာႏမျိုꩻအီႏကင်ꩻနဲ့? အမာႏနဝ်ꩻတဲးတဲ့ လိုꩻတွိုင်ꩻမာႏဒါႏ၊ အမာႏယင်ဟန်ႏနဝ်ꩻ တလိုႏမာႏတဝ်း သမ်းမာႏက၊ ဆရာႏသီးအလောင်း တပဲ့ꩻဖုံႏ ထာꩻထီႏသင်တဝ်းဒွုမ်၊ ရိုႏသေႏတဝ်းဒွုမ်၊ ကွဲႏတွော့ꩻ ဝင်ꩻရိုႏသေႏ တရိုႏသေႏတဝ်းနဝ်ꩻ အရေꩻတတန်တဝ်းနဝ်ꩻသွူ။
အရေꩻတန်ဒျာႏ နမ်းတွမ်ႏနမ်း နိတ်သက်သꩻရေꩻချာဒျာႏ၊ နမ်းတွမ်ႏနမ်း နမ်းထာꩻမာꩻအလောင်း သꩻမိဉ်ႏရေꩻ၊ မိဉ်ႏကေႏနပ်ချာနွောင်ꩻနဝ်ꩻမꩻ အကျိုꩻယိင်းတန်တန်၊ ထွာအီပါႏရမီႏ အခံႏတဲ့မွေးမွေး၊ ဆရာႏဂုဏ်ႏကေꩻဇူꩻဖုံႏနဝ်ꩻ ပါသော့ꩻပိဉ် အနန္တောအနန္တငတ်ꩻပါꩻကိုတဲင် တလိုႏထွာတဝ်း ဆရာႏပရီႏပရာႏ၊ တပဲ့ꩻသီးဖုံႏ အီႏထူႏလွဉ်ꩻအီဗာႏပညာႏတဲင် နေးတွမ်ႏထာꩻယူႏထာꩻတွေꩻ မွန်မွန်ဗန်ဗန်တွော့ꩻ တဒါႏတဝ်းဖေႏဝင်ꩻကဒါႏ၊ တသေတဝ်း ဖေႏဝင်ꩻကသေနဝ်ꩻ အထျꩻအဝ်ႏဆရာႏအလောင်းသွူ။
သွဉ်ဖေႏလိုꩻပေႏပညာႏ အပုံႏအနယ်ꩻဖုံႏယို ခေတ်အခေႏအနေႏ ပညာႏရေꩻအလꩻ ဒါႏတဲ့ဖေႏကဒါႏ၊ အခိင်ႏတဲ့ ဖေႏကလို့ဗာႏအာမွုန်းနဝ်ꩻ ကထွာအဆရာႏယို လိုႏအာငါႏ မရေႏမရာႏ၊ စူꩻအနယ်ꩻလီꩻမိဉ်ႏလꩻတဲ့ စူꩻချာဗာႏ၊ အနယ်ꩻလီꩻယို တပဲ့ꩻဖုံႏ နန်ꩻသေနာႏ၊ သွဉ်ဗာႏယပ်ꩻခုဲင်ႏငါႏ၊ ပင်ႏပန်ꩻငါႏ၊ မိဉ်ႏထွာနုဲင်းနဝ်ꩻလဲ့ ဝွေႏဖန်ႏကျမ်ႏဗာႏလုဲင်ႏ အနယ်ꩻတသာ၊ ရော့ꩻပြောင်ꩻတဲ့ ပြောင်ꩻလုဲင်ႏတေားဗာႏ၊ တပဲ့ꩻဖုံႏအရွစ်၊ အတဲမ်း၊ အဖြေႏဖုံႏ မိဉ်ႏမာႏတဲ့ လိုႏတွဲႏဗွုမ်တမွိုꩻတမာꩻနေးတဝ်းသွူ။
စူꩻနုဲင်းဆရာႏစခေါင်ႏစခါ တလꩻတဝ်း၊ ဆရာႏစခေါင်ႏစခါနဝ်ꩻ အထျꩻအထောင်ꩻရီဒွုမ်၊ အမဲဉ်ႏအမာႏ စဲစ်ဆေꩻတဝ်း၊ တစိꩻတဲ့ စက်ꩻခွဉ်း၊ တစက်ꩻတဲ့ လောႏအခွဉ်း၊ ယိုဖုံႏနဝ်ꩻ အခေႏနေႏ အခိင်ႏကာႏလ စခါတွင်ꩻနဝ်ꩻ သုံꩻအဝ်ႏလꩻလဲ့ ခေတ်ဟန်ႏသနီꩻယိုခါ အနယ်ꩻစားနဝ်ꩻ မိဉ်ႏလို့ထိုꩻလဲဉ်း၊ ဆရာႏစခါနဝ်ꩻ ပေါႏတပဲ့ꩻထီႏတဲ့ ငမ်းတရွတ်ꩻတရတ်ꩻဗာႏနေးစွဉ်ႏ၊ ယင်ဟန်ႏဟန်ႏ သာငါထာꩻငါတဲ့ လဲင်ꩻတဗွုန်ႏဗန်ႏနေးဒွုမ်သွူ။
အမဲဉ်ႏနဝ်ꩻ လိုꩻပေႏက အမာႏဒါႏဒျာႏရင်ꩻ ကဲဉ်းအာအာ၊ အမာႏနုဲင်းမုဲင်ꩻ? အထွာနုဲင်းမုဲင်ꩻ? ရီစဲင်းစဲင်းချာက အထျꩻအထောင်ꩻမꩻ ရော့ꩻဖြေႏသျင်ꩻဖေႏနုဲင်းမုဲင်ꩻတဲ့ ဖြေႏသျင်ꩻနယ် ယွယွသာႏသာႏစား၊ နေးဒျာႏတွမ်ႏမေတ္တာႏ စေႏတနာႏတွော့ꩻ ဖေႏသဘော်ꩻကဖြောင်နဝ်ꩻ လိုႏမာꩻဒျာႏနုဲင်းနဝ်ꩻ၊ တပဲ့ꩻသီးဖုံႏ မိဉ်ႏထီႏဆရာႏတဲ့ သꩻဖေႏကချမ်ꩻသာႏဒျာႏနဝ်ꩻမꩻယံ၊ ယိုနဝ်ꩻ ငမ်းတမွိုꩻတမာꩻတဲင် ကလꩻခါꩻဒါႏ လိတ်ဖုံႏတဲ့ ကွပ်ငမ်းသန်လွဉ်ꩻငါႏနဝ်ꩻမꩻ တဖေင်ꩻတဖင်ꩻထိုꩻလို့တေားစွဉ်ႏတဲ့ အဝ်ႏသွူ။
ကွပ်ငမ်းငါႏခွဉ်းတံႏ ဝင်ꩻလိုꩻအာအမျာꩻခါႏနဝ်ꩻမꩻ သွဉ်ပညာႏ ကထန်ႏတခြိုထိုꩻဗာႏထာꩻနဝ်ꩻ ပွိုးအကျောင်ꩻတမုဲင်ꩻ? ဆရာႏတဲ့ ပါႏဒါႏဒျာႏနေနေကရိုꩻနဝ်ꩻ ဟဝ်သေနာႏငါႏ၊ တွဲႏတမွိုꩻတမာꩻ၊ ဗွုမ်ဖိုးပနားနေးတဲင် ပညာႏဒါႏကြောင်းကြင်းစွဉ်ႏဟောင်း? လိုꩻယံ အဝ်ႏဆရာႏနုဲင်းနဝ်ꩻစူကိုထန်ႏ အဝ်ႏပွုမ်ႏပမ်ႏထာꩻဟောင်း? မိဉ်ႏစဲစ်ဆေꩻချာစဲင်းစဲင်းနဝ်ꩻ ကွပ်စွဉ်ႏဆရာႏနုဲင်းနဝ်ꩻစားတဲ့ လိုꩻယံကအာပိုႏလွဉ်ခေါ်တဝ်းသွူ။
ခေတ်တသာ ဆရာႏပေႏသီး မူႏမူႏခိုခို ဟဝ်ဖျင်ဆင်သေꩻခါꩻ၊ ထွားရိက္ခေႏခါꩻဗာႏ နမ်းတာႏပညာႏပငါပရာꩻ၊ ကသွဉ်လိုꩻပေႏနဝ်ꩻတဲးတဲ့ တဖြာꩻတွမ်ႏတဖြာꩻ မျိုꩻအီႏဗိုန်ဒျာႏရင်ꩻနဲ့၊ တပဲ့ꩻသီးဖုံႏအတာႏ ဆရာႏယိုနဝ်ꩻ ပုံႏဆောင်ႏဖေႏဗာႏ လွိုးငုဲင်ꩻအမျိုꩻမျိုꩻ၊ သꩻကိုအဝ်ႏဒွေါင်ႏသွူထာꩻတဲ့ ငဗာႏနွိုင်ႏနွိုင်ႏ၊ ပယွုမ်းနွိုင်ႏဆေꩻဗာႏနေးထာꩻတဲ့အဝ်ႏ၊ သꩻအဝ်ႏမိဉ်ပယွုမ်းသွူထာꩻတဲ့ အွဉ်ႏတကုဲင်ဗာႏလွိုးနုဲင်းနဝ်ꩻတဲ့ အဝ်ႏဒျာႏနေနေ၊ လိုꩻပေႏအတာႏ မိဉ်ႏငမ်းတမွိုꩻတမာꩻငါႏဆရာႏတဲ့ အထာꩻယူႏပိစ်ꩻတဲင် သွဉ်ခန်းပညာႏတဲ့ နန်ꩻဒါႏနဝ်ꩻသွူ။
ဆရာႏတွမ်ႏဆရာႏဂုဏ်ႏ လွောက်ꩻလွောက်ꩻဖက်ဖက် ခွုမ်မာꩻထုံꩻစဲဉ်ႏမဲဉ်ႏမဲဉ်ႏ၊ တမဲဉ်ႏတဝ်းစွဉ်ႏလဲ့ တတ်နွိုင်ႏသမျ ဖေႏတပဲ့ꩻကသေကဒါႏ၊ စေႏတနာႏဗွာဗွာနဝ်ꩻ လꩻအီပါပါႏရမီႏ၊ အချုက်နဝ်ꩻ &quot;ခွေဒေါ့ꩻတွိုင်ꩻမာꩻ၊ ခွေမာꩻအတွိုင်ꩻ မာꩻလွဉ်ꩻမွုန်းဟုဲင်း&quot;မိဉ်ႏထွာဆရာႏစားနဝ်ꩻနဝ်ꩻ အွဉ်ႏနယ်ခန်းအတပဲ့ꩻတွမ်ႏခွဉ်းတဲ့ တပဲ့ꩻငမ်းကွို့ꩻ ဆရာႏကအဝ်ႏတွင်ꩻလွုမ်ꩻသွူ။
ဆရာႏ မဲ့မိဉ်ႏဗေင်ႏခိင်ႏသူꩻ &quot;အဝ်ႏဒျာႏတွိုင်ꩻတွိုင်ꩻ နုဲင်းယာဖွိုင်ꩻ၊ အဝ်ႏဒျာႏလီꩻလီꩻ နုဲင်းလိက်စီꩻ&quot;နုဲင်းဝင်ꩻကရိုꩻနုဲင်းနဝ်ꩻအတွိုင်ꩻ လိုꩻပေႏဖေႏနေး သꩻကမိဉ်ကျိုꩻစာꩻပညာႏ၊ ဖေႏနေးသꩻဓာတ်ကထင်၊ ဖေႏကတလာနဝ်ꩻ ဆရာႏတဖြာꩻအနေႏ လိုႏသေခါꩻငါႏ ပရိယာယ်ႏ ပညာႏအမျိုꩻမျိုꩻဖုံ၊ ဖေႏနေးတပဲ့ꩻ သဘော်ꩻကကျ၊ ကရိုႏသေႏထွိုက်ဆရာႏတပါꩻနဝ်ꩻ နီကထွာအဆရာႏယု အဝ်ႏအုံခုံႏလောင်းခိင်ႏ တပဲ့ꩻအခါႏ တပဲ့ꩻအဝ်ႏအဖဲ့ꩻမုဲင်ꩻထွားတဲ့ ဖေႏအနယ်ꩻခရာႏ အပဲင်အမင်ꩻ ကပြဲဉ်ဗာႏမွုန်း၊ ဖေႏကထီႏဗာႏမွုန်းနဝ်ꩻ ကထွာဆရာႏပေႏသီး လိုႏအုံစွို့ꩻ၊ အုံစွဉ်ႏစွဉ်ႏ၊ အုံမဲဉ်ႏမဲဉ်ႏမꩻ ထွာယင်။&lt;ref&gt;မျိုꩻစဲစ်ခွန်(နဝ်)&lt;/ref&gt;&lt;ref&gt;သထုံႏပေႏ&lt;/ref&gt;</text>
      <sha1>45qv2xt2w9uoqibm35389t8mi588cun</sha1>
    </revision>
    <revision>
      <id>33527</id>
      <parentid>33526</parentid>
      <timestamp>2026-06-13T07:15:21Z</timestamp>
      <contributor>
        <username>KhunMyoe</username>
        <id>34</id>
      </contributor>
      <comment>/* ဆရာႏ(၂) */</comment>
      <origin>33527</origin>
      <model>wikitext</model>
      <format>text/x-wiki</format>
      <text bytes="48681" sha1="mzlqmjizdk4b50qmvcso97pov2o1xlm" xml:space="preserve">==ဆရာႏ(၁)==
နီနာꩻစွုမ်ႏဖြာꩻ လွူးနမ်းအတာႏ မာꩻဗာႏထာꩻမာꩻလွဉ်းလွဉ်း၊ ကွဲႏတွော့ꩻ တဖြာꩻတွမ်ႏတဖြာꩻတဲးတဲ့ တဗိုန်တဝ်းလို့ဝင်ꩻ၊ လွူးအီနေးဒျာႏ သမ္မာအာဇီဝတဲ့အဝ်၊ လွူးအီဒျာႏ တွမ်ႏမိစ္ဆာဇီဝတဲ့အဝ်ႏ၊ မိစ္ဆာဇီဝသားနဝ်ꩻ ခြွေယိုꩻ၊ ထင်ႏယိုꩻယိုꩻ၊ ဝွေꩻသီးကခြွေအီတွမ်ႏမိစ္ဆာဇီဝနဝ်ꩻ အသောင်အရင်ꩻတာႏ အကျိုꩻတဖေႏတဝ်းနဝ်ꩻသွူ။
မာꩻကုဲင်အီပါထဲင်း အသောင်အရင်ꩻသား၊ လောဘလွဉ်ꩻ (ဝိသမလောဘ)သားထာꩻမာꩻနဝ်ꩻ ထွားတဝ်းဝင်ꩻတာႏ၊ ထွားဒျာႏနမ်းတာႏကွေႏကွေႏ၊ လိုꩻကလိုပ်ꩻမာꩻ၊ ဖြေꩻစာနေးဒျာႏ တွမ်ႏတရာꩻမဲဉ်ႏမဲဉ်ႏသားနဝ်ꩻ အံႏဗာႏကွို့ꩻပေႏပေႏ၊ အပဲစ်တဲ့ကင်ꩻ၊ ယဟန်ႏသားနဝ်ꩻ အံႏလိုမ်းအွꩻလိုမ်းနေးလွုမ်ꩻ၊ အလွန်းအလွိုသားတဲ့ အဝ်ႏဒါႏနေနေနဝ်ꩻသွူ။
ထာꩻမာꩻလွူးအီနမ်းအကို မာꩻဖေႏဝင်ꩻဆရာႏယို ထွာသမ္မာအာဇီဝစဲစ်စဲစ်၊ အပဲစ်ကင်ꩻအမင်ꩻလွစ်ဟဝ်၊ အွဉ်ႏဗာႏရေႏမိုးချက်၊ ခံႏလို့မေတ္တာႏ၊ စေႏတနာႏအနီꩻအရင်ꩻ၊ ကုသိုလ်ႏတဲ့လꩻ ဟို့ꩻလဲ့ကွို့ꩻအီဒါႏထာꩻမာꩻမျိုꩻ၊ သွူတကာႏတဝ်း ဆရာႏထာꩻမာꩻယို လို့ဗာႏဉာဏ်ႏအာႏ၊ နမ်းအာႏ၊ စေႏတနာႏအာႏနဝ်ꩻ သော့ꩻပါဗာႏလွိုလွိုလဲဉ်း ထာꩻမာꩻလောင်ႏလင်နဝ်ꩻသွူ။
လိုꩻသီးအတာႏ အကျိုꩻဖေႏအီထာꩻမာꩻ အဝ်ႏနီမျိုꩻ၊ တမျိုꩻနဝ်ꩻ ထာꩻမာꩻသာႏ၊ တမျိုꩻနဝ်ꩻ ထေအနီꩻအရင်ꩻ ဆို့ꩻရုဲင်၊ ဖြေꩻစာအရာႏအကဝ်ႏ၊ လိုꩻတဖြာꩻအတွက် ခြွိုင်ႏသန်ꩻရေꩻ၊ ပညာႏရေꩻ၊ စီꩻပွါꩻရေꩻ၊ လိုꩻမုꩻရေꩻစတဲင် ကလိုႏအပ်ဒါႏထာꩻမာꩻယို ခွုမ်မာꩻဆောင်ႏရွက်ဗာႏနဝ်ꩻမꩻ လွူးအီနမ်းတွမ်ႏ ထာꩻမာꩻတဲ့ အဝ်ႏဗာႏတမျိုꩻမျိုꩻနဝ်ꩻသွူ။
လိုꩻသီးကလိုႏအပ်ဒါႏ အအံႏအွꩻ၊ အကွဉ်ကꩻ၊ အသုံꩻဆောင်ႏတခြိုꩻအမျိုꩻမျိုꩻ၊ ကွန်ႏတခြိုꩻအစားစား၊ ထေမာꩻ၊ ဖြေꩻစာတွမ်ႏတရာꩻရာꩻ (သမ္မာအာဇီဝ)တဲင် လွူးနမ်းနုဲင်းနဝ်ꩻစားလဲ့ အဝ်ႏဒျာႏ၊ ဆရာႏသီးနဝ်ꩻ တပဲ့ꩻအတာႏ ထာꩻသေပညာႏ၊ ထာꩻဒါႏပညာႏ ဖေႏကဗွေ သွဉ်ဖေႏဗာႏတဲင် ထွာဖေႏဝွန်ႏဆောင်းသား တမျိုꩻနဝ်ꩻသွူ။
ရပ်ကို၊ ဒုံကို၊ ဝေင်ꩻကို၊ ခမ်းကို ပညာႏသျင်ႏ လိုꩻသေလိုꩻဒါႏ ဖေႏကပေါႏအာနဝ်ꩻ 'ဆရာႏသီးယို ထွာအထျꩻ၊ အရေꩻတန်သွတ်ꩻ'မိဉ်ႏရိုꩻနုဲင်းနဝ်ꩻတဲ့ တလွဉ်ꩻတဝ်း၊ အုံအဖဲ့ꩻမုဲင်ꩻထွားထွား၊ အဝ်ႏအဖဲ့ꩻမုဲင်ꩻယဲက်ယဲက် 'ဆရာႏ'ကရိုꩻနဝ်ꩻ အဝ်ႏအရော့ꩻ၊ အဝ်ႏအယံကွေႏကွေႏ၊ လွူးနမ်းမာꩻအံႏဆရာႏထာꩻမာꩻယို ထွာအမျတ်လွိုဝင်ꩻ၊ အနာႏဂတ်ခမ်းထီ၊ လိုꩻမျိုꩻအတာႏ အရင်ꩻခံႏပညာႏထွာအီနဝ်ꩻသွူ။
'ဝါႏသနာႏ၊ အနိစ်နာႏ၊ စေႏတနာႏ'ကရိုꩻဒါႏ 'နာႏ'သိုမ်မျိုꩻ အွဉ်ႏခါꩻသꩻကိုတဲင် ကွပ်ခွုမ်မာꩻဗာႏနဝ်ꩻမꩻ နိက်သက်ခရာႏ၊ လိုꩻလူꩻအံႏဖြာႏ၊ သာႏဓုလွပငါပရာꩻ၊ 'ဆရာႏ'ကရိုꩻနဝ်ꩻ တွမ်ႏအရာႏ၊ အပင်၊ အကဝ်ႏတွော့ꩻ အဟေ့ꩻကခွꩻရျူႏဒါႏ သေင်ႏမွူးတမွူးနဝ်ꩻ ဗိုန်လို့ဝင်ꩻနဝ်ꩻသွူ။
သေင်ႏမွူးတန်အဟေ့ꩻ ယူးဝါးထာꩻသောင်ꩻထာꩻသားဖုံႏ အုံကွူႏဗော့ꩻအဟေ့ꩻ၊ တပဲ့ꩻသီးအတာႏ ဆရာႏယို ဗိုန်သေင်ႏတမွူးတဲင် မိဉ်ႏအုံကွူႏဗာႏအဟေ့ꩻနဝ်ꩻ ဘဝအတာႏ တန်ႏဖိုꩻထိုအီနွောင်ꩻ၊ ထာꩻသေဉာဏ်ႏပညာႏနဝ်ꩻ လိုꩻလောကအကို အသောင်အရင်ꩻအခါႏ ဖေႏအဆင်ႏကပြေႏနဝ်ꩻ 'သꩻဓာတ်ရေꩻရာႏ'ယို တပဲ့ꩻသီးလꩻအီနွောင်ꩻနဝ်ꩻသွူ။
ဝွန်ႏဆောင်ႏမုꩻထာꩻမာꩻအကို ယင်ဟန်ႏနဝ်ꩻ အကျိုꩻဖေႏကွို့ꩻ အခိင်ႏကာႏလ တဆူးတဆင်ႏလွုမ်ꩻ၊ ယင်ဟန်ႏနဝ်ꩻ အကျိုꩻဖေႏ အခိင်ႏကာႏလဆွာꩻမွေး၊ ဥပမာႏ- ကြော့ꩻကတူႏသား ကကြော့ꩻဖေႏဝင်ꩻကတူႏသူꩻ အကျိုꩻဗꩻလꩻကွို့ꩻ ကလူꩻကဆွာꩻချာခိင်ႏလွုမ်ꩻ၊ ကာꩻသားကဒင်ႏလိုꩻတဲ့ ဗꩻကွို့ꩻနီကရေႏရာꩻ အရပ်ခင်ႏလမ်းသူꩻလွုမ်ꩻသွူ။
နားရီႏဖျင်သားသူꩻတဲ့ ဗꩻကွို့ꩻနားရီႏကကုဲင်ထိုꩻချာခိင်ႏလွုမ်ꩻ၊ ဆရာႏသီးကသွဉ်သင်ဆုံꩻမꩻဒါႏ အကျိုꩻ[[တရာꩻ]]ယိုနဝ်ꩻ အွဉ်ႏထွော့ခါꩻဖေႏအခိင်ႏ၊ မွူးနီꩻ၊ လာ၊ နေင်ႏ တလꩻနွောင်ꩻတဝ်း၊ ကွပ်ဝွေꩻသီး သွဉ်သင်ဖေႏယင်း တပဲ့ꩻအဆက်ဆက်နဝ်ꩻမꩻ အကျိုꩻတရာꩻယို တွက်နေးအခိင်ႏကာႏလ တလꩻတဝ်း၊ 'ဆရာႏ'ကရိုꩻဒါႏ ထာꩻဒါႏသွဉ်ဖေႏသား မိဉ်ႏတအဝ်ႏတဝ်းနဝ်ꩻ နီလိုꩻလောကကိုယို တွမ်ႏထာꩻခေ့ꩻကရိစ်ꩻ လာမားဟာနဝ်ꩻ ဗိုန်ဝင်ꩻနဝ်ꩻသွူ။
မိဉ်ႏယူႏဆွာꩻဆွာꩻ၊ ယူႏယော့ယော့နဝ်ꩻ ဆရာႏသီးဂုဏ်ႏ၊ ဆရာႏသီးအရန်း၊ ဆရာႏသီးတန်ႏဖိုꩻဖုံႏယို 'အရေꩻတန်တကားမုဲင်ꩻ'ကရိုꩻနဝ်ꩻ သေထွꩻလꩻနွောင်ꩻဒျာႏ၊ လိုꩻကခွုမ်မာꩻဒါႏ 'ဆရာႏ'ဘဝယို ထွာဘဝ၊ ဟဲ့ꩻဘဝမျတ်လွိုဝင်ꩻ၊ လꩻလဲဉ်းဘဝမျတ်တဲင် လိုႏအွဉ်ႏတန်ႏဖိုꩻငါႏ၊ လိုႏရက်ချာငါႏနမ်းဂုဏ်ႏသိက္ခာႏ၊ လိုႏခွုမ်မာꩻထွိုက်ထွိုက်တန်ႏတန်ႏနဝ်ꩻသွူ။
ဆရာႏဘဝ ဖေႏကထွိုက်တန်ႏ ခွုမ်မာꩻဗာႏနုဲင်းမုဲင်ꩻ? ဝွေႏဖန်ႏကျမ်ႏစယ်ႏဗာႏနုဲင်းမုဲင်ꩻ? ဆရာႏဂုဏ်ႏသိက္ခာႏ ဖေႏကဖေ့ဗာႏမွုန်း၊ အရောင်ႏဖေႏကတင်ႏတဆဝ်သေႏသေႏနဝ်ꩻ မာꩻဗာႏနုဲင်းမုဲင်ꩻကရိုꩻနဝ်ꩻ နီဗွေႏ[[ဘုရာꩻ]]ဟော်ꩻဖေႏ နုဲင်းလယိုအတွိုင်ꩻသွူ။
&quot;ဆရာႏ&quot;ကရိုꩻနဝ်ꩻ-
(၁) သွဉ်သင်ဆုံꩻမꩻဖေႏဗာႏ (၂) ပညာႏထာꩻဒါႏမျိုꩻယို သွဉ်နယ်ဖေႏဗာႏတပဲ့ꩻသီး (၃) အခေႏအနေႏ ကရယံဒါႏတပဲ့ꩻသီးယို ရော့ꩻပသာငါတေားတေားတဲ့ ပသာဖေႏဗာႏ (၄) ငမ်းတပဲ့ꩻသီး ထာꩻဒါႏညာႏထွꩻလꩻတဲင် ခိုႏခါꩻနမ်းပညာႏ၊ သွဉ်ဖေႏလို့တဝ်းတပဲ့ꩻ မာꩻဗာႏတဝ်းနုဲင်းနဝ်ꩻ (၅) တပဲ့ꩻသီး ဖေႏကမော့ꩻဗာႏမွုန်းဘေꩻရန်ႏ အန္တရာယ်ႏနဝ်ꩻ ရဲးဆီꩻခါꩻဖေႏဗာႏ၊ ယိုငတ်ꩻမျိုꩻနဝ်ꩻသွူ။
ခြဲ့ꩻနမ်ဟမ်းလုဲင်း၊ ခြုဲင်းနယ်ဟမ်းဆွာꩻယင်းတစိꩻပေႏငါ၊ အမုဲင်(၁)အလꩻ လောကနီတိဆရာႏရိုꩻ 'ကလိုႏဒေါ့ꩻသွဉ်အရပ်တဲ့ ဒေါ့ꩻသွဉ်ဗာႏ၊ တပဲ့ꩻမိဉ်ႏမာꩻဒါႏ ထာꩻမာꩻကုဲင်တဲ့ ရဲးဗာႏ၊ ကသွဉ်သင်ဆုံꩻမꩻဒါႏ လိုꩻအစားနဝ်ꩻနဝ်ꩻ သူႏတောႏကောင်ꩻသီး ဟွုန်ဟဝ်နိစ်သက်'တဲ့။
'ဆရာႏ'ကရိုꩻနဝ်ꩻ တွမ်ႏကဝ်ႏခြံသား ဗိုန်လို့ဝင်ꩻ၊ ကဝ်ႏခြံသားသူꩻ ဝွေꩻကဆို့ꩻခါꩻဒါႏကဝ်ႏယို အမွူးအကဝ်ႏ ဖေႏကတလာနဝ်ꩻ ထွားသော့ꩻဖေႏဗာႏ ဟံႏဩဇာႏ၊ ဆူဖေႏဗာႏထီ၊ မီꩻဖုံႏမိဉ်ႏလုံꩻတဲ့ သဲ့ꩻကြေင်း၊ ဝင်ကြေင်းဗာႏ၊ အမွူးအစော့ꩻလောင်း သေ့ꩻဖုံႏမိဉ်ႏအဝ်ႏလဲ့ ဆွမ်ꩻထိုꩻဗာႏ၊ ဆဲစ်ꩻတသီႏ ကာႏကွယ်ႏခါꩻဗာႏ၊ ဝွေꩻသီးထာꩻမာꩻယို ဆို့ꩻတဲ့ဆို့ꩻရုဲင်ဗာႏ၊ ကဆို့ꩻရုဲင်ထွူယိုတဲ့ ထွားထိင်ꩻမွဉ်းဖျင်လွဉ်ꩻဗာႏ။
တာႏဝွန်ႏယိုနီမျိုꩻ မာꩻဗာႏဒျာႏရင်ꩻ၊ ဆို့ꩻနဝ်ꩻဆို့ꩻထွူလဲဉ်း မိဉ်ႏတမွဉ်းဖျင်လွဉ်ꩻဆုဲင်ꩻတဝ်းနဝ်ꩻ အမွူး၊ အပင်၊ အလာႏ၊ အကဝ်ႏတန်နွောင်ꩻ၊ တရေꩻနွောင်ꩻတဝ်း၊ ဆရာႏသီးတဲ့ ပမာႏပုံႏခွိုင်ꩻ ဗိုန်နုဲင်းနဝ်ꩻအတွိုင်ꩻနေနေ၊ တပဲ့ꩻသီး တဖူꩻဖေႏကစွဉ်ႏ ထာꩻသေထာꩻဒါႏပညာႏ သွဉ်ဖေႏဗာႏ၊ သွူတကာႏတဝ်း သွဉ်ပညာႏပေႏပေႏခါတွင်ꩻ အွꩻဒဝ်၊ ဆွဉ်းယာ၊ တောႏလောင်ꩻထာꩻ၊ အွဉ်ႏဝင်ꩻမူႏ/ဝင်ꩻခိုစစွဉ်ႏ အကျင်ꩻကုဲင်မျိုꩻယို ဖေႏကမာꩻမွုန်းနဝ်ꩻ သွဉ်သင်ဖေႏဗာႏနဝ်ꩻသွူ။
တပဲ့ꩻဖေႏနေးကထဲ့ဆုဲင်ꩻဗာႏမွုန်းဝင်ꩻ၊ ဖေႏကဒါႏတဲပ်တဲပ် သွဉ်ယံယံဖေႏဗာႏ၊ အကျင်ꩻစရဲက် သꩻဓာတ်ဖေႏကဟဝ်တဲ့ သွဉ်ဖေႏပါဗာႏ၊ လိုꩻတဖြာꩻယိုနဝ်ꩻ သဘော်ꩻဟဝ်မိဉ်ႏအဝ်ႏမꩻ ခွယ်ꩻချာꩻဒါႏ အဟဝ်အကုဲင်၊ သꩻစင်ဗွာရိုꩻသာꩻစွို့ꩻစွဉ်ႏမꩻ၊ နမ်းတဲ့ ထာꩻမာꩻကုဲင်ဒုစရဲက် ကြောင်းသျင်ꩻနဝ်ꩻသွူ။
အသောင်အရင်ꩻ သွꩻခွလဲ့ ကွပ်ဝွေꩻတဲင် သꩻချမ်ꩻသာႏအီ၊ လိုꩻသꩻဟဝ် မိဉ်ႏအဝ်ႏနုဲင်းယိုမꩻ ယားကုဲင်သွဉ်ကုဲင်ဒါႏတဝ်း ဝင်ꩻလောင်ႏလင်၊ လိုꩻရိုꩻသာꩻစွို့ꩻစွဉ်ႏနုဲင်းယိုမꩻ အနမ်းတွမ်ႏအနမ်း ထိင်ꩻချာဒါႏ၊ လိုꩻလောင်ႏလင်တာႏတဲ့ ထွာနုဲင်းအထိင်ꩻပါ တဖဲ့ꩻတခဝ်နေနေနဝ်ꩻသွူ။
လောကကို ဒါႏဒျာႏပညာႏလွုမ်ꩻ၊ တနယ်ꩻနဝ်ꩻ အောင်ႏဒျာႏလိတ်လွုမ်ꩻ၊ သꩻမိဉ်ႏတစွို့ꩻစွဉ်ႏတဝ်း၊ မိဉ်ႏတရိုꩻသာꩻတဝ်းနဝ်ꩻ ထူꩻတဝ်းတမုဲင်ꩻမုဲင်ꩻ၊ ပွိုးတမုဲင်ꩻနဲးတဲင် ဝွေꩻကဒါႏခါꩻလိတ်ယို ယားကုဲင်အီထဲင်းအနမ်း၊ အော်ကုဲင်ချောက်ကုဲင်ပါထဲင်း အသောင်အရင်ꩻသွꩻခွ၊ တပဲ့ꩻသီး ဆားဆွုတ်ꩻပနဲဉ်ႏနေတွင်ꩻ တွမ်ႏဖယောင်ꩻတဲင်ႏနဝ်ꩻ ဗိုန်လို့ဝင်ꩻနဝ်ꩻသွူ။
ကားလားကခွꩻလꩻ၊ ကားလားကဆွော့ꩻနဝ်ꩻ မာꩻသေꩻအပုံႏရော့ꩻရော့ꩻမꩻ မိဉ်ႏခွꩻမိဉ်ႏဆွော့ꩻခိင်ႏသူꩻနဝ်ꩻ အပုံႏထန်ႏတရေꩻ၊ ဖုဲင်ႏထွား၊ မွိုးဖါတွိုင်ꩻ၊ ဆရာႏတွိုင်ꩻ မိဉ်လꩻပိုလိင်ႏမာႏ၊ မိဉ်လꩻတပဲ့ꩻနာႏငဝ်း အဝ်ႏလမ်းကိုတွင်ꩻ ကလိုႏဆုံꩻမꩻနဝ်ꩻ ထွာမွိုးဖါသီးတာႏဝွန်ႏ၊ တွိုႏကျောင်ꩻကိုသူꩻ ထွာဆရာႏသီးတာႏဝွန်ႏ၊ တပဲ့ꩻတနာႏတဝ်း ဆရာႏသီးငဝ်းနဝ်ꩻ တွမ်ႏဖိုးရွိုင်ꩻဗိုန်လို့ဝင်ꩻ၊ လယ်ႏအံႏပါꩻသွို့ꩻ၊ လယ်ႏနွို့ပါꩻခြံတဲင် ခံႏဗာႏဝင်ꩻတွဲႏ၊ ဝင်ꩻဗွုမ် တလွစ်တဝ်းရင်ꩻနဝ်ꩻသွူ။
ခေတ်ယိုခါ ဆရာႏယင်ဟန်ႏဟန်ႏနဝ်ꩻ ငမ်းတပဲ့လွꩻထီႏတဲင် လိုႏဒေါ့ꩻသွဉ်သွူတဲ့ တဒေါ့ꩻသွဉ်တဝ်းနုဲင်းနဝ်ꩻလဲ့ အဝ်ႏ၊ နုဲင်းယိုနဝ်ꩻ လိုႏထွာတဝ်း၊ ထွာလဲဉ်းဆရာႏက ငမ်းဗာႏတေား တပဲ့ꩻလွꩻထီႏနဝ်ꩻ ထုံꩻစမ်ႏမွေးတဝ်း၊ ပေါႏအဝ်ႏလိုႏဒေါ့ꩻသွဉ်တဲ့ ဒေါ့ꩻသွဉ်ရုဲင်းရုဲင်းဗာႏ၊ ထွာဆရာႏတဖြာꩻ ကလိုႏဒေါ့ꩻကလိုႏသွဉ်ယိုနဝ်ꩻ ဆရာႏတာႏဝွန်ႏ၊ ဆရာႏကိစ္စ၊ တပဲ့ꩻသီး မိဉ်ႏလွꩻထီႏ၊ မိဉ်ႏဗွိုႏ၊ မိဉ်ႏတကေႏနပ်တဝ်းတဲ့ တွေꩻသီးတာႏဝွန်ႏဒျာႏနဝ်ꩻသွူ။
ဝွေꩻသီး ကလွꩻထီႏ၊ ကဗွိုႏနဝ်ꩻ တဆဲင်ႏတဝ်းတွမ်ႏဆရာႏ၊ ဝွေꩻသီး အွဉ်ႏသေꩻသꩻကိုတဲ့ မဲ့ꩻထွာယင်းဒျာႏ ဝွေꩻသီးတခြိုꩻ၊ အခိင်ႏတွမ်ႏအခိင်ႏ ထာꩻဟဝ်တဲ့ ထာꩻဟဝ်အကျိုꩻအဝ်ႏဗာႏ၊ ထာꩻကုဲင်တဲ့ မဲ့ꩻအကျိုꩻဖေႏဒျာႏ အကုဲင်၊ ယိုနဝ်ꩻ ဓမ္မနိယာမ သဘာဝဒျာႏရင်ꩻ၊ လွိုဆန်တလꩻတဝ်း တဖြာꩻဖြာꩻနဝ်ꩻသွူ။
အခိင်ႏမိဉ်ႏတွိုႏတနီꩻခါမꩻ အသေချာယင်းဒျာႏ ဆရာႏသီး[[ကေꩻဇူꩻ]]၊ ငမ်းတပဲ့ꩻသီးလွꩻထီႏတွော့ꩻ လိုႏဒေါ့ꩻသွဉ်သွူတဲ့ တဒေါ့ꩻတဝ်း၊ တသွဉ်တဝ်း မိဉ်ႏမာꩻနုဲင်းနဝ်ꩻနဝ်ꩻ ဆရာႏယံတဖြာꩻ တရိုꩻလꩻနွောင်ꩻတဝ်းဒွိုန်း၊ တွမ်ႏသစ္စာႏဖေါက်ချာ အနမ်းဆရာႏဘဝနဝ်ꩻ ဗိုန်ထိုꩻလို့ဝင်ꩻနဝ်ꩻသွူ။
အမုဲင်(၂) လိုꩻခြောင်ႏလောက ကထွန်ꩻကာꩻတိုꩻတက်လွဉ်ယိုနဝ်ꩻ အထျꩻအဝ်ႏထာꩻသေပညာႏ၊ စိဉ်ꩻစာꩻဝွေႏဖန်ႏနဝ်ꩻမꩻ စခါနဝ်ꩻ အဝ်ႏလေားခေတ်လွုမ်ꩻလဲ့ ယိုခါ ဟန်ႏသနီꩻ ကျောင်ႏနွောင်ꩻစွဉ်ႏထာꩻ အွိုးမို့ꩻလောင်းကီ၊ တွိုႏပါနွောင်ꩻကဒွိုန်း လာကိုသူꩻနဝ်ꩻ ပွိုးတမုဲင်ꩻ? ပွိုးပညာႏသနယ်၊ တပဲ့ꩻသီးဖေႏကဒါႏ စေႏတနာႏပါပါ သွဉ်ဖေႏဗာႏ လိတ်သွဉ်ခန်ꩻတာႏ ထွားလွူꩻဗာႏသေႏသေႏနဝ်ꩻသွူ။
တပဲ့ꩻသီး နားဖေႏကဗွောင်၊ ဖေႏကသေနာႏနဝ်ꩻ ထိုမ်ႏဗာႏအနယ်ꩻတသာ သွဉ်အီဗာႏ၊ ဆရာႏယင်ဟန်ႏနဝ်ꩻ 'ပေါႏအောင်ႏငါလိတ်ငါထွူလဲဉ်း'ယူႏနုဲင်းနဝ်ꩻစားတဲ့အဝ်ႏ၊ အမဲဉ်ႏတဗာႏတဲးတဲ့ သွဉ်ဖေႏကဒါႏလꩻစွဉ်ႏနဝ်ꩻ အရေꩻတန်ကယ်ꩻလဲဉ်းက သွဉ်ဖေႏကအောင်ႏထဲင်းနဝ်ꩻသွူ။
'ပေါႏခွေသွဉ်ဖေႏသွူနဝ်ꩻတဲး ဒါႏဗာႏသေဗာႏ၊ အောင်ႏဗာႏ'လိုꩻအွဉ်ႏသꩻနုဲင်းနဝ်ꩻစား၊ ဆရာႏသီး မိဉ်ႏအွဉ်ႏသꩻစေႏတနာႏနုဲင်းနဝ်ꩻနဝ်ꩻ စေႏတနာႏယို တဖေ့ထိုꩻတဝ်း၊ အကျိုꩻအီႏဖေႏဒျာႏရင်ꩻရင်ꩻ တလွစ်တဝ်းနဝ်ꩻသွူ။
အမုဲင်(၃) သင်ꩻရာꩻအရပ် ရော့ꩻပသာတဲ့ ပသာထဲင်းဗာႏ၊ တပဲ့ꩻအတာႏ အဝ်ႏနီစူဆꩻလ ထွားထိင်ꩻနုဲင်းနဝ်ꩻခြေင်ခြေင်လွုမ်ꩻ တထွာတဝ်းဒွိုန်း၊ ဖေႏကလဲဉ်းသော့ꩻလွေꩻ ခင်ႏလမ်းဟဝ်ကိုတဲ့ ချင်းခေႏပသာလွေꩻဖေႏဗာႏ၊ နီကမိဉ်းမွိုတ်ဒါႏ ဆရာႏတဖြာꩻဖြာꩻအထျꩻ အပ်ထေ့လွေꩻ၊ ပသာထေ့လွေꩻဗာႏ၊ လွိုက်ရွေꩻဒျာႏ ဆရာႏယံယံထျꩻမꩻ တပဲ့ꩻအီႏထင်ႏထိုထဲင်းနဝ်ꩻသွူ။
အမုဲင်(၄) 'ဆရာႏ'ကရိုꩻနဝ်ꩻ ပူႏဇောႏထွိုက်လိုꩻတဖြာꩻ၊ အနန္တဂုဏ်ႏငတ်ꩻပါꩻကို အဝ်ႏပါသော့ꩻငီꩻတဲင် တပဲ့ꩻသီး ရိုႏသေႏထွိုက်၊ အွဉ်ႏရေꩻခံႏနောမ်ꩻဗာႏ၊ ပူႏဇောႏထွိုက်ရိုႏသေႏထိုက်ပုဂ္ဂိုလ်ႏနဝ်ꩻမꩻ ဒါႏပညာႏတမျိုꩻလွုမ်ꩻတဲ့ ထွာတဝ်းဒွိုန်း၊ နမ်းကျင်ꩻတရာꩻတဲ့ ဖေႏကလွောက်ꩻတွမ်ႏမိဉ်ꩻနဝ်ꩻ လိုႏဒွိုန်းကနေနေ၊ ငမ်းဗာႏတဝ်း တပဲ့ꩻသီးဒါႏကယ်ꩻ၊ ပိုန်းကယ်ꩻနဝ်ꩻသွူ။
ကဒါႏခါꩻပညာႏထာꩻသေယို အွဉ်ႏကုဲင်သေꩻခါꩻဗာႏတဝ်း နမ်းတာႏ၊ ခိုႏဗာႏတဝ်းပညာႏ၊ လွူးဗာႏတဝ်းသꩻနုဲင်းနဝ်ꩻ၊ မိဉ်ႏဒေါ့ꩻဗာႏငဝ်းပေါင်းကျမ်ꩻကျမ်ꩻလဲ့ 'ဆရာႏ'ကရိုꩻနဝ်ꩻ သꩻဖွိုႏသꩻညမ်းမိဉ်ႏအဝ်ႏနေကနဝ်ꩻ တဟဲ့ꩻထွိုက်တဝ်းဆရာႏ၊ မိဉ်ႏခိုႏခါꩻပညာႏနုဲင်းနဝ်ꩻနဝ်ꩻ တပဲ့ꩻစိုးဆုဲင်ꩻချာ မိဉ်ႏထွာနုဲင်းဆရာႏနဝ်ꩻ လိုꩻပေႏဆꩻလ အဆက်ဆက်ဖုံႏယို အီႏထွာလို့နုဲင်းမုဲင်ꩻ? အီႏထင်ႏထိုနွောင်ꩻနေဒွုမ်ဟောင်း?။
အမုဲင်(၅) တပဲ့ꩻသီး မိဉ်ႏသွဉ်ကုဲင်လို့ဝင်ꩻ၊ အဝ်ႏပေႏအဝ်ႏဆား အွဉ်ႏအွꩻလို့ဝင်ꩻဒဝ်၊ အွဉ်ဆွဉ်းယာဖုံႏနဝ်ꩻ ထွာအနာႏဂတ်ဘဝဆꩻငါတာႏ ဘေꩻတန်တမျိုꩻတဲင် ဆရာႏသီးလဲ့ ဖေႏကသေနဝ်ꩻ သွဉ်သင်ဗာႏ၊ ရဲးဆီꩻခါꩻဗာႏ၊ ဝွေꩻသီးအချင်ꩻချင်ꩻ တကေးလို့ဝင်ꩻ၊ ထေင်ညင်ꩻရွို့ꩻရန်ႏလို့ဝင်ꩻစားနဝ်ꩻတဲ့ ဖေႏကအဝ်ႏမွုန်း ဆရာႏသီး သွဉ်ဆုံꩻမꩻဗာႏနဝ်ꩻသွူ။
မိဉ်ႏထွာလွဉ်စိန်ႏစွဗာ့ꩻလဲ့ အကျောင်ꩻအကျိုꩻ သျင်ꩻနယ်သွဉ်သင်နယ်ဗာႏ၊ မိဉ်ႏတန်တနီꩻခါ လွူးနမ်းဖေႏကဗွာ အဖဲ့ꩻဖဲ့ꩻအခဝ်ခဝ် ထာꩻသေထာꩻဒါႏ၊ အကျင်ꩻစရဲက်၊ သꩻအွဉ်ႏပုံႏအွဉ်ႏနယ်ꩻဖုံႏယို ထွာတပဲ့ꩻသီးအတာႏ သွဉ်သင်နယ်မꩻ တပဲ့ꩻသီးဘဝတဖူꩻဆꩻငါ အီႏစွို့ꩻစွဉ်ႏ၊ မိဉ်ႏမာꩻနုဲင်းနဝ်ꩻမꩻ ထွာဆရာႏတာႏဝွန်ႏကေႏတဖြာꩻ ရိုꩻနွောင်ꩻနဝ်ꩻသွူ။
အဆုဲင်ꩻသွတ်ꩻအနေႏ တပဲ့ꩻသီး သွဉ်ပညာႏပေႏပေႏခါ ဖေႏကပျောႏ၊ လိတ်လဲ့ယံကအောင်ႏ၊ အကျင်ꩻစရဲက်ဖုံႏတဲ့ ဖေႏကဟဝ်နဝ်ꩻ 'ဆရာႏ၊ ဆရာႏ'ဝင်ꩻကဟဲ့ꩻမိဉ်ꩻ 'ဖေႏနေးကလွောက်ꩻဖက်နဝ်ꩻ လိုႏအုံအဝ်ႏ၊ လိုႏဒေါ့ꩻဖြဝ်ႏ၊ လိုႏလွေꩻသဲင်ꩻခွုမ်မာꩻဗာႏနုဲင်းမုဲင်ꩻ'ကရိုꩻနဝ်ꩻတဲ့ နမ်းတွမ်ႏနမ်း ချင်းခေႏဒါႏဗာႏနဝ်ꩻသွူ။
နုဲင်းနဝ်ꩻမꩻ ထွိုက်တန်ႏတွမ်ႏဆရာႏခင်ႏလမ်း၊ တပဲ့ꩻသီးဖုံႏနဝ်ꩻ ထွားနုဲင်းလွဉ်ꩻဒါႏဆရာႏသီး အအုံအဝ်ႏ၊ အဒေါ့ꩻဖြဝ်ႏတဲင် တပဲ့ꩻသီး အကျင်ꩻကကုဲင်အီဒါႏ ထာꩻမာꩻမျိုꩻယို ကထွာအဆရာႏ မိဉ်ႏမာꩻနယ်၊ မိဉ်ႏအွဉ်ႏနယ်နဝ်ꩻ ဆရာႏယံတဖြာꩻထွာနွောင်ꩻတဝ်းဒွိုန်း၊ မိဉ်ꩻတွမ်ႏနမ်း အုံအဝ်ႏတွမ်ႏဒေါ့ꩻဖြဝ်ႏ လွောက်ꩻတဝ်းဒွိုန်းရိုꩻဗာႏနုဲင်းနဝ်ꩻသွူ။
==ဆရာႏ(၂)==
နီဖုံႏယို ထွာလွဉ်လဲဉ်း လောကကို လိုꩻတဖြာꩻတဲင် တဲႏစွဉ်ႏမွိုးကလွူးလင်ꩻစသူꩻကာႏ လိုꩻဘဝတာႏဝွန်ႏယို အဝ်ႏလွဉ်လဲဉ်းစွုမ်ႏဖြာꩻဖြာꩻ၊ ကွဲႏတွော့ꩻ- လိုꩻတွိုင်ꩻ သဘာဝနိယာမ တာႏဝွန်ႏအဝ်ႏသွူတဲ့ မိဉ်ႏတသေတဝ်း၊ သေနဝ်ꩻ သေဒျာႏ မိဉ်ႏတခွုမ်မာꩻဆောင်ႏရွက် ကေႏကေႏတဝ်းနဝ်ꩻ ထွာလိုꩻဘဝယို အထီအသွီႏဗွေတဝ်း၊ လိုꩻတသေစဲင်းတဝ်း လိုꩻခရာႏတဖြာꩻအတွက် တသေနာႏတဝ်းတာႏဝွန်ႏ၊ ကသေနာႏတာႏဝွန်ႏသားနဝ်ꩻ ထာꩻမာꩻတဗာႏထွူတဗာႏ၊ တမျိုꩻထွူတမျိုꩻ မာꩻလွဉ်ꩻလဲင်ꩻတခိꩻနေးဒွုမ်သားဖုံႏတဲ့ အဝ်ႏသွူ။
&quot;မိဉ်ႏသေတာႏဝွန်ႏမꩻ တာႏဝွန်ႏအဝ်ႏ&quot;ဝင်ꩻရိုꩻခါꩻ ငဝ်းနုဲင်းနဝ်ꩻအတွိုင်ꩻ နမ်းတာႏကထွာဒါႏ အအံႏအအွꩻ၊ အကွဉ်အကꩻ၊ အစုတ်ꩻအစုဲင်ႏဖုံႏနဝ်ꩻ ထွာလိုꩻသဘာဝ နိယာမတာႏဝွန်ႏဖုံႏလွဉ်းလွဉ်း၊ ကားလားသက်ရွယ်ႏကလꩻ ကထိုမ်ႏကျမ်ႏ၊ တမာꩻဒါႏဒွိုန်းခိင်ႏနဝ်ꩻ အာႏကွိုꩻဗာႏမွိုးဖါ၊ အုံနောင်ဝင်ꩻလꩻလဲ့ သက်ရွယ်ႏတဲ့မဲဉ်ႏ၊ ထိုမ်ႏကျမ်ႏခွုမ်မာꩻ အဝ်ႏဒါႏလဲဉ်းလဲ့ မိဉ်ႏအာႏကွိုꩻဗာႏနေကဝင်ꩻနဝ်ꩻ အနယ်ꩻပေါႏမွေးတဝ်းသွူ။
ယိုနဝ်ꩻ ဝင်ꩻတာႏ ([[ပရဟိတ]])မွေးတဝ်း၊ နမ်းတာႏ နမ်းဟို့ꩻ(အတ္တဟိတ)တာႏဒျာႏမိဉ်ႏတဲ့ အဗွေႏတာႏဝွန်ႏယို အဗွေႏမိဉ်ႏတမာꩻကေႏတဝ်း၊ မိဉ်ႏတခွုမ်မာꩻတဝ်းဒွိုန်းနဝ်ꩻ ဝွေꩻယို ထွာလိုꩻလွို၊ လိုꩻပိုႏ၊ အုံငီꩻဝင်ꩻလမ်းတဖြုံႏချင်ႏလဲ့ ဝင်ꩻဗွိုႏ၊ အုံငီꩻဝင်ꩻတဒုံချင်ႏတဲ့ ဝင်ꩻလွꩻထီႏ၊ ဝင်ꩻဒေါ့ꩻအမိဉ်ꩻ၊ မဉ်ႏဒေါ့ꩻငဝ်းလို့လို့လဲ့ လိုꩻတာႏဝွန်ႏတကေႏတဝ်းသားဖုံႏ မိဉ်ႏအာလွဉ်နဝ်ꩻ လွောင်ႏဗူႏငီႏညွတ်ရေꩻ ကုဲင်အီနွောင်ꩻနဝ်ꩻသွူ။
ကွပ်နဝ်ꩻမꩻ မွိုးဖါတာႏဝွန်ႏ၊ ပိုသီးတာႏဝွန်ႏ၊ ဆရာႏတာႏဝွန်ႏ၊ တပဲ့ꩻတာႏဝွန်ႏ၊ သွꩻခွချင်ꩻဖုံႏတာႏဝွန်ႏ၊ တမာဝါꩻတာႏဝွန်ႏ-စတဲင် အခင်ႏလမ်းတွမ်ႏအခင်ႏလမ်း မိဉ်ႏတွိုႏလွဉ်သွူနဝ်ꩻ တာႏဝွန်ႏနုဲင်းယို ဝင်ꩻဖေႏအပ်တဲ့နဝ်ꩻ၊ တဖေႏအပ်တဝ်းတဲ့နဝ်ꩻ &quot;တာႏဝွန်ႏအဝ်ႏဒင်ႏလဲဉ်းခွေပြေင်&quot;ကရိုꩻနဝ်ꩻ နမ်းတွမ်ႏနမ်း သေချာဗာႏပငါပရာꩻသွူ။
ကွပ်ဝါႏသနာႏ၊ စေႏတနာႏ၊ အနိစ်နာႏတဲင် နေးတွမ်ႏသꩻဆွာꩻဆွာꩻ၊ ထာꩻသယ်ꩻခံႏတန်တန်အာအာ ကအဝ်ႏသွဉ်ဖေႏဒါႏ လိုꩻပေႏပညာႏ အွိုးကျောင်ꩻကို ဆရာႏခို/ဆရာႏမူဖုံႏတဲ့ &quot;တာႏဝွန်ႏအဝ်ႏ&quot;ကရိုꩻနဝ်ꩻ သေထွꩻလွဒျာႏဝင်ꩻဖုံႏ၊ နီဗွေႏဘုရာꩻ ကဟော်ꩻသိင်္ဂါလောဝါဒကို ဆရာႏတာႏဝွန်ႏအဝ်ႏနုဲင်းယို-
(၁) တပဲ့ꩻတဖြာꩻ မိဉ်ႏတန်တနီꩻခါ လွူးနမ်းတာႏ ဖေႏကလိုမ်းဗွေနဝ်ꩻ အတတ်နွိုင်ႏသွတ်ꩻ သွဉ်နယ်ဗာႏထာꩻဒါႏပညာႏ (၂) အကျင်ꩻကုဲင်၊ ထာꩻဒေါ့ꩻကုဲင်၊ အထာꩻကျမ်ႏကုဲင် ဒုစရဲက်မျိုꩻ ဖေႏကထွာဗာႏမွုန်းနဝ် သွဉ်သင်ဆုံꩻမꩻဖေႏ၊ ဖျင်စွို့ꩻဖေႏဗာႏ (၃) ကသေကဒါႏ ထာꩻသေထာꩻဒါႏပညာႏယို အွဉ်ႏပလို့ꩻသေꩻခါꩻ၊ အွဉ်ႏကုဲင်ခါꩻဗာႏတဝ်း၊ သွဉ်ဖေႏလို့လို့ဗာႏ၊ အွဉ်ႏဗာႏသꩻစေႏတနာႏနုဲင်းနဝ်ꩻသွူ။
(၄) ဘေꩻရန်ႏအန္တရာယ်ႏ ဖေႏကထွာဗာႏမွုန်းနဝ်ꩻ ရဲးဆီꩻဖေႏဗာႏ၊ မိဉ်ႏကျုံႏခွဲးလွဉ်တဲ့ သညင်ꩻတန်တန် ထွားဖြေႏသျင်ꩻကိုဖေႏဗာႏ (၅) နမ်းကဒါႏပညာႏဖုံႏယို သွဉ်ဖေႏလို့လဲဉ်းတဲ့ မိဉ်ႏသွဉ်ထဲင်း ကရလꩻဒါႏ နမ်းအာႏ၊ ရွဉ်အာႏ၊ သꩻဝါႏသနာႏ ကအဝ်ႏဒါႏတပဲ့ꩻယို ရော့ꩻရာꩻခင်ႏလမ်း လွိုက်ထွားပသာတေားတေားဗာႏ၊ အခေႏနေႏ မိဉ်ႏတဖေႏတဝ်းလဲ့ ဖေႏကရော့ꩻဖေႏကမဲဉ်ႏ ကထွာအဆရာႏယို ကျယ်ႏစယ်ႏဝွေႏဖန်ႏအွဉ်မာꩻဖေႏဗာႏသွူ။
ဆရာႏတာႏဝွန်ႏဖုံႏအဝ်ႏတဲ့ တပဲ့ꩻအတွက် တာႏဝွန်ႏဖုံႏ အဝ်ႏဒျာႏနေနေ၊ မွေးသွူ- လောကအကို ဖေႏနေးကထွာဗာႏဆရာႏနဝ်ꩻ တယိုꩻတဝ်းငါႏ၊ ယူႏစမ်ꩻမွိုင် ဒုံတဒုံကို လိုꩻအဖြာꩻပေါင်ꩻ အဝ်ႏနေးအရျာꩻတန်ꩻပိဉ်၊ လိုꩻပေႏကေားသွဉ်ထူႏပညာႏသား အဝ်ႏနေးအရျာꩻအရေင်၊ ဒုံကို မာꩻနွောင်ꩻဆရာႏ အဝ်ႏသော့ꩻကားမုဲင်ꩻဖြာꩻ? ကွပ်နဝ်ꩻမꩻ ထွာလဲဉ်းသွူဆရာႏတဲ့ ဖေႏနေးကထွာလꩻ ဆရာႏစဲစ်စဲစ်နဝ်ꩻ အဝ်ႏလိုႏခွုမ်မာꩻ၊ အုံအဝ်ႏ၊ ဒေါ့ꩻဖြဝ်ႏငါႏနဝ်ꩻသွူ။
မွေးလဲဉ်း &quot;ဆရာႏ-ဆရာႏ&quot;တဲ့၊ ခွေသီနီနာꩻ ကအဝ်ႏဟဲ့ꩻရောင်ဆရာႏနဝ်ꩻ အခရာႏအဝ်ႏဒါႏနုဲင်းမုဲင်ꩻအီး? &quot;ဆရာႏဝင်ꩻရိုꩻသွူက သွဉ်ဖေႏလိတ်တဲ့ ထွာကျောင်ꩻဆရာႏ၊ မာꩻဖေႏဝင်ꩻလမ်းပါႏတဲ့ ဟဲ့ꩻလက်သမာꩻဆရာႏ၊ သွဉ်ဆဲ့ꩻတသီႏ လိုမ်ꩻလာꩻလိုꩻဆာနဝ်ꩻလဲ့ ဟဲ့ꩻဆရာႏ၊ ဟဲ့ꩻ[[ဆရာႏဝွန်ႏ]]သွူကွိုဟွေး&quot;၊ ခွေခွေနာꩻနာꩻ အီႏဒေါ့ꩻဖြေႏ တဖြာꩻဖြောင်းတဖြာꩻဖြေꩻ၊ သꩻကထင်းရာꩻ အီႏဒေါ့ꩻလွဖြာꩻစွိုးစွိုး တလွစ်တဝ်းရင်ꩻသွူ။
ယင်ဟန်ႏဟန်ႏနဝ်ꩻ မဲ့ꩻအရိုꩻထဲင်းဗော့ꩻ &quot;ဆရာႏဝင်ꩻရိုꩻနုဲင်းနဝ်ꩻက ဒါႏတဲ့ ဆရာႏနဝ်ꩻလွုမ်ꩻမတဝ်းနဲး၊ နုဲင်းကွို့ꩻနုဲင်းယိုနဝ်ꩻ လꩻသေတဝ်းဒွိုန်းနဲ့? အအီႏရီချာလိုꩻ နုဲင်းနဝ်ꩻစားဖုံႏတဲ့ အဝ်ႏဒါႏနေနေ၊ အမဲဉ်ႏနဝ်ꩻ နုဲင်းယိုစားဒျာႏ &quot;ကျင်ꩻဟဝ်စွို့ꩻစွဉ်ႏ တဖူꩻမဲဉ်ႏအလောင်း ဖေႏကတွိုႏသော့ꩻလꩻ ကျိုꩻစာꩻသွဉ်သင် ကပသာဖေႏဒါႏ ပုဂ္ဂိုလ်ႏစားဒျာႏနဝ်ꩻမꩻ ဟဲ့ꩻ&quot;ဆရာႏ&quot;နဝ်ꩻသွူ။
ပေါႏနဝ်ꩻတဲ့ &quot;ဆရာႏ&quot;နဝ်ꩻ သေလဲဉ်း၊ ဆရာႏတဲ့ ဆရာႏဟဝ် ဆရာႏကုဲင် အဝ်ႏကအမျိုꩻမျိုꩻ၊ အမဲဉ်ႏတဗာႏ အဆရာႏယို ထွာလဲဉ်းဝင်ꩻဆရာႏတဲင် ဆရာႏဆရာႏခင်ႏလမ်းလိုႏမဲဉ်ႏ၊ ပုထုဇဉ်ႏကွေႏကွေႏက အမာႏမျိုꩻအီႏကင်ꩻနဲ့? အမာႏနဝ်ꩻတဲးတဲ့ လိုꩻတွိုင်ꩻမာႏဒါႏ၊ အမာႏယင်ဟန်ႏနဝ်ꩻ တလိုႏမာႏတဝ်း သမ်းမာႏက၊ ဆရာႏသီးအလောင်း တပဲ့ꩻဖုံႏ ထာꩻထီႏသင်တဝ်းဒွုမ်၊ ရိုႏသေႏတဝ်းဒွုမ်၊ ကွဲႏတွော့ꩻ ဝင်ꩻရိုႏသေႏ တရိုႏသေႏတဝ်းနဝ်ꩻ အရေꩻတတန်တဝ်းနဝ်ꩻသွူ။
အရေꩻတန်ဒျာႏ နမ်းတွမ်ႏနမ်း နိတ်သက်သꩻရေꩻချာဒျာႏ၊ နမ်းတွမ်ႏနမ်း နမ်းထာꩻမာꩻအလောင်း သꩻမိဉ်ႏရေꩻ၊ မိဉ်ႏကေႏနပ်ချာနွောင်ꩻနဝ်ꩻမꩻ အကျိုꩻယိင်းတန်တန်၊ ထွာအီပါႏရမီႏ အခံႏတဲ့မွေးမွေး၊ ဆရာႏဂုဏ်ႏ[[ကေꩻဇူꩻ]]ဖုံႏနဝ်ꩻ ပါသော့ꩻပိဉ် အနန္တောအနန္တငတ်ꩻပါꩻကိုတဲင် တလိုႏထွာတဝ်း ဆရာႏပရီႏပရာႏ၊ တပဲ့ꩻသီးဖုံႏ အီႏထူႏလွဉ်ꩻအီဗာႏပညာႏတဲင် နေးတွမ်ႏထာꩻယူႏထာꩻတွေꩻ မွန်မွန်ဗန်ဗန်တွော့ꩻ တဒါႏတဝ်းဖေႏဝင်ꩻကဒါႏ၊ တသေတဝ်း ဖေႏဝင်ꩻကသေနဝ်ꩻ အထျꩻအဝ်ႏဆရာႏအလောင်းသွူ။
သွဉ်ဖေႏလိုꩻပေႏပညာႏ အပုံႏအနယ်ꩻဖုံႏယို ခေတ်အခေႏအနေႏ ပညာႏရေꩻအလꩻ ဒါႏတဲ့ဖေႏကဒါႏ၊ အခိင်ႏတဲ့ ဖေႏကလို့ဗာႏအာမွုန်းနဝ်ꩻ ကထွာအဆရာႏယို လိုႏအာငါႏ မရေႏမရာႏ၊ စူꩻအနယ်ꩻလီꩻမိဉ်ႏလꩻတဲ့ စူꩻချာဗာႏ၊ အနယ်ꩻလီꩻယို တပဲ့ꩻဖုံႏ နန်ꩻသေနာႏ၊ သွဉ်ဗာႏယပ်ꩻခုဲင်ႏငါႏ၊ ပင်ႏပန်ꩻငါႏ၊ မိဉ်ႏထွာနုဲင်းနဝ်ꩻလဲ့ ဝွေႏဖန်ႏကျမ်ႏဗာႏလုဲင်ႏ အနယ်ꩻတသာ၊ ရော့ꩻပြောင်ꩻတဲ့ ပြောင်ꩻလုဲင်ႏတေားဗာႏ၊ တပဲ့ꩻဖုံႏအရွစ်၊ အတဲမ်း၊ အဖြေႏဖုံႏ မိဉ်ႏမာႏတဲ့ လိုႏတွဲႏဗွုမ်တမွိုꩻတမာꩻနေးတဝ်းသွူ။
စူꩻနုဲင်းဆရာႏစခေါင်ႏစခါ တလꩻတဝ်း၊ ဆရာႏစခေါင်ႏစခါနဝ်ꩻ အထျꩻအထောင်ꩻရီဒွုမ်၊ အမဲဉ်ႏအမာႏ စဲစ်ဆေꩻတဝ်း၊ တစိꩻတဲ့ စက်ꩻခွဉ်း၊ တစက်ꩻတဲ့ လောႏအခွဉ်း၊ ယိုဖုံႏနဝ်ꩻ အခေႏနေႏ အခိင်ႏကာႏလ စခါတွင်ꩻနဝ်ꩻ သုံꩻအဝ်ႏလꩻလဲ့ ခေတ်ဟန်ႏသနီꩻယိုခါ အနယ်ꩻစားနဝ်ꩻ မိဉ်ႏလို့ထိုꩻလဲဉ်း၊ ဆရာႏစခါနဝ်ꩻ ပေါႏတပဲ့ꩻထီႏတဲ့ ငမ်းတရွတ်ꩻတရတ်ꩻဗာႏနေးစွဉ်ႏ၊ ယင်ဟန်ႏဟန်ႏ သာငါထာꩻငါတဲ့ လဲင်ꩻတဗွုန်ႏဗန်ႏနေးဒွုမ်သွူ။
အမဲဉ်ႏနဝ်ꩻ လိုꩻပေႏက အမာႏဒါႏဒျာႏရင်ꩻ ကဲဉ်းအာအာ၊ အမာႏနုဲင်းမုဲင်ꩻ? အထွာနုဲင်းမုဲင်ꩻ? ရီစဲင်းစဲင်းချာက အထျꩻအထောင်ꩻမꩻ ရော့ꩻဖြေႏသျင်ꩻဖေႏနုဲင်းမုဲင်ꩻတဲ့ ဖြေႏသျင်ꩻနယ် ယွယွသာႏသာႏစား၊ နေးဒျာႏတွမ်ႏမေတ္တာႏ စေႏတနာႏတွော့ꩻ ဖေႏသဘော်ꩻကဖြောင်နဝ်ꩻ လိုႏမာꩻဒျာႏနုဲင်းနဝ်ꩻ၊ တပဲ့ꩻသီးဖုံႏ မိဉ်ႏထီႏဆရာႏတဲ့ သꩻဖေႏကချမ်ꩻသာႏဒျာႏနဝ်ꩻမꩻယံ၊ ယိုနဝ်ꩻ ငမ်းတမွိုꩻတမာꩻတဲင် ကလꩻခါꩻဒါႏ လိတ်ဖုံႏတဲ့ ကွပ်ငမ်းသန်လွဉ်ꩻငါႏနဝ်ꩻမꩻ တဖေင်ꩻတဖင်ꩻထိုꩻလို့တေားစွဉ်ႏတဲ့ အဝ်ႏသွူ။
ကွပ်ငမ်းငါႏခွဉ်းတံႏ ဝင်ꩻလိုꩻအာအမျာꩻခါႏနဝ်ꩻမꩻ သွဉ်ပညာႏ ကထန်ႏတခြိုထိုꩻဗာႏထာꩻနဝ်ꩻ ပွိုးအကျောင်ꩻတမုဲင်ꩻ? ဆရာႏတဲ့ ပါႏဒါႏဒျာႏနေနေကရိုꩻနဝ်ꩻ ဟဝ်သေနာႏငါႏ၊ တွဲႏတမွိုꩻတမာꩻ၊ ဗွုမ်ဖိုးပနားနေးတဲင် ပညာႏဒါႏကြောင်းကြင်းစွဉ်ႏဟောင်း? လိုꩻယံ အဝ်ႏဆရာႏနုဲင်းနဝ်ꩻစူကိုထန်ႏ အဝ်ႏပွုမ်ႏပမ်ႏထာꩻဟောင်း? မိဉ်ႏစဲစ်ဆေꩻချာစဲင်းစဲင်းနဝ်ꩻ ကွပ်စွဉ်ႏဆရာႏနုဲင်းနဝ်ꩻစားတဲ့ လိုꩻယံကအာပိုႏလွဉ်ခေါ်တဝ်းသွူ။
ခေတ်တသာ ဆရာႏပေႏသီး မူႏမူႏခိုခို ဟဝ်ဖျင်ဆင်သေꩻခါꩻ၊ ထွားရိက္ခေႏခါꩻဗာႏ နမ်းတာႏပညာႏပငါပရာꩻ၊ ကသွဉ်လိုꩻပေႏနဝ်ꩻတဲးတဲ့ တဖြာꩻတွမ်ႏတဖြာꩻ မျိုꩻအီႏဗိုန်ဒျာႏရင်ꩻနဲ့၊ တပဲ့ꩻသီးဖုံႏအတာႏ ဆရာႏယိုနဝ်ꩻ ပုံႏဆောင်ႏဖေႏဗာႏ လွိုးငုဲင်ꩻအမျိုꩻမျိုꩻ၊ သꩻကိုအဝ်ႏဒွေါင်ႏသွူထာꩻတဲ့ ငဗာႏနွိုင်ႏနွိုင်ႏ၊ ပယွုမ်းနွိုင်ႏဆေꩻဗာႏနေးထာꩻတဲ့အဝ်ႏ၊ သꩻအဝ်ႏမိဉ်ပယွုမ်းသွူထာꩻတဲ့ အွဉ်ႏတကုဲင်ဗာႏလွိုးနုဲင်းနဝ်ꩻတဲ့ အဝ်ႏဒျာႏနေနေ၊ လိုꩻပေႏအတာႏ မိဉ်ႏငမ်းတမွိုꩻတမာꩻငါႏဆရာႏတဲ့ အထာꩻယူႏပိစ်ꩻတဲင် သွဉ်ခန်းပညာႏတဲ့ နန်ꩻဒါႏနဝ်ꩻသွူ။
ဆရာႏတွမ်ႏဆရာႏဂုဏ်ႏ လွောက်ꩻလွောက်ꩻဖက်ဖက် ခွုမ်မာꩻထုံꩻစဲဉ်ႏမဲဉ်ႏမဲဉ်ႏ၊ တမဲဉ်ႏတဝ်းစွဉ်ႏလဲ့ တတ်နွိုင်ႏသမျ ဖေႏတပဲ့ꩻကသေကဒါႏ၊ စေႏတနာႏဗွာဗွာနဝ်ꩻ လꩻအီပါပါႏရမီႏ၊ အချုက်နဝ်ꩻ &quot;ခွေဒေါ့ꩻတွိုင်ꩻမာꩻ၊ ခွေမာꩻအတွိုင်ꩻ မာꩻလွဉ်ꩻမွုန်းဟုဲင်း&quot;မိဉ်ႏထွာဆရာႏစားနဝ်ꩻနဝ်ꩻ အွဉ်ႏနယ်ခန်းအတပဲ့ꩻတွမ်ႏခွဉ်းတဲ့ တပဲ့ꩻငမ်းကွို့ꩻ ဆရာႏကအဝ်ႏတွင်ꩻလွုမ်ꩻသွူ။
ဆရာႏ မဲ့မိဉ်ႏဗေင်ႏခိင်ႏသူꩻ &quot;အဝ်ႏဒျာႏတွိုင်ꩻတွိုင်ꩻ နုဲင်းယာဖွိုင်ꩻ၊ အဝ်ႏဒျာႏလီꩻလီꩻ နုဲင်းလိက်စီꩻ&quot;နုဲင်းဝင်ꩻကရိုꩻနုဲင်းနဝ်ꩻအတွိုင်ꩻ လိုꩻပေႏဖေႏနေး သꩻကမိဉ်ကျိုꩻစာꩻပညာႏ၊ ဖေႏနေးသꩻဓာတ်ကထင်၊ ဖေႏကတလာနဝ်ꩻ ဆရာႏတဖြာꩻအနေႏ လိုႏသေခါꩻငါႏ ပရိယာယ်ႏ ပညာႏအမျိုꩻမျိုꩻဖုံ၊ ဖေႏနေးတပဲ့ꩻ သဘော်ꩻကကျ၊ ကရိုႏသေႏထွိုက်ဆရာႏတပါꩻနဝ်ꩻ နီကထွာအဆရာႏယု အဝ်ႏအုံခုံႏလောင်းခိင်ႏ တပဲ့ꩻအခါႏ တပဲ့ꩻအဝ်ႏအဖဲ့ꩻမုဲင်ꩻထွားတဲ့ ဖေႏအနယ်ꩻခရာႏ အပဲင်အမင်ꩻ ကပြဲဉ်ဗာႏမွုန်း၊ ဖေႏကထီႏဗာႏမွုန်းနဝ်ꩻ ကထွာဆရာႏပေႏသီး လိုႏအုံစွို့ꩻ၊ အုံစွဉ်ႏစွဉ်ႏ၊ အုံမဲဉ်ႏမဲဉ်ႏမꩻ ထွာယင်။&lt;ref&gt;မျိုꩻစဲစ်ခွန်(နဝ်)&lt;/ref&gt;&lt;ref&gt;သထုံႏပေႏ&lt;/ref&gt;</text>
      <sha1>mzlqmjizdk4b50qmvcso97pov2o1xlm</sha1>
    </revision>
  </page>
  <page>
    <title>ဝွေႏဒနာႏဒဏ္ဍာရီ</title>
    <ns>0</ns>
    <id>9551</id>
    <revision>
      <id>33515</id>
      <timestamp>2026-06-12T12:19:10Z</timestamp>
      <contributor>
        <username>KhunMyoe</username>
        <id>34</id>
      </contributor>
      <comment>ဖန်ဆင်ꩻလဲဉ်းလိတ်မဲ့ငါ တောမ်ႏ &quot;အခိင်ႏနဝ်ꩻ ပြောင်ꩻတေားတေားလဲဉ်း လꩻသွူနီသိုမ်နေင်ႏ၊ နီအရက်သွတ်ꩻ နင်ꩻငဲးရွဉ်တဖြာꩻ ကဖညာꩻထိုꩻနီနဝ်ꩻ ဗꩻယိုခါ ခွဲးချာတဝ်းဒွိုန်း တလဲင်ႏလဲင်ႏ၊ နီလိုꩻ...&quot;</comment>
      <origin>33515</origin>
      <model>wikitext</model>
      <format>text/x-wiki</format>
      <text bytes="8582" sha1="gs14ls8lk9pmkk9mltne8dcr719d0nr" xml:space="preserve">အခိင်ႏနဝ်ꩻ ပြောင်ꩻတေားတေားလဲဉ်း လꩻသွူနီသိုမ်နေင်ႏ၊ နီအရက်သွတ်ꩻ နင်ꩻငဲးရွဉ်တဖြာꩻ ကဖညာꩻထိုꩻနီနဝ်ꩻ ဗꩻယိုခါ ခွဲးချာတဝ်းဒွိုန်း တလဲင်ႏလဲင်ႏ၊ နီလိုꩻသီး သင်္ကေတ သမုတ်ဖန်သေꩻခါꩻဒါႏ အခိင်ႏခါႏ၊ နေင်ႏလာဖုံႏယို အဝ်ႏပြောင်ꩻလုဲင်ႏလွေꩻစွဉ်ႏမပ်မပ်ရိုꩻလဲ့ ဝွေꩻကအွဉ်ႏသေꩻဖေႏဒါႏ ခွေသꩻအောင်ကို ဝွေႏဒနာႏအမုဲင်သင်္ကေတနဝ်ꩻ ခွေအာႏရုံႏကို နုဲင်းဒျာႏမွော့ စငါလꩻနီသိုမ်နီꩻလွုမ်ꩻသွူ။
နင်ꩻငဲးရွဉ်နဝ်ꩻ ထွာနီအရီးသွဝ်ꩻ ဝင်ꩻမူႏဖူႏစာႏတဖြာꩻမကောင် မွော့လဲင်ꩻဆွမ်ꩻတိဉ်ႏတွော့ꩻလꩻမွေးငါႏ နီသꩻရာႏတန်နဲး-ကရိုꩻနဝ်ꩻ ဗꩻတွိုႏစွဉ်ႏယိုခါခါ ခွေကထိုမ်ႏဒါႏ အဖြေႏနဝ်ꩻ စဲင်းစဲ့တဗာႏ တသေႏချာႏတဝ်းဒွိုန်း၊ ပူႏဆာႏဒါႏစ အရွယ်ႏပေႏသား သဘာဝအတွိုင်ꩻ သꩻအောင်ကို နီမိဉ်ႏဆို့ꩻရုဲင်သော့ꩻလꩻ အစွိုးအခြွီစဲစ်စဲစ်တဲ့ အီႏအုံကွူꩻဗာႏ အဟေ့ꩻ၊ အီႏအံႏလွဉ်ꩻဗာႏ အရာႏအကဝ်ႏ တလွစ်တဝ်းရင်ꩻသွူ။
မိဉ်ႏတနꩻတေား အစွိုးအခြွီကုဲင်တဲးတဲ့ ရာႏလွဉ်တုဲင်လွဉ်ဒျာႏ အမွူးသိုႏ၊ အစားညမ်း သဘာဝ[[တရာꩻ]]နုဲင်းယိုလဲ့ ပညာႏသျင်ႏသီးငဝ်း မွေးမဲဉ်ႏငါႏနေနေ၊ ပန်ကရီး အတိက်လီꩻခိင်ႏသူꩻ နီကဆို့ꩻရုဲင်ငီꩻသေꩻဗာႏလို့ဝင်ꩻ အစွိုးအခြွီတွင်ꩻနဝ်ꩻ ငမ်းတနꩻဒျာႏ အခြွီတဆꩻတဝ်းဟောင်း?နုဲင်းနဝ်ꩻစားတဲ့ တွမ်ႏနီမဲ့ပေႏနီပင်လွုမ်ꩻနဝ်ꩻ တထီႏထွꩻလꩻနွောင်ꩻတဝ်း၊ မိဉ်ႏယွူးငါႏအတိက်ကံႏလီꩻခြေင်ခြေင်တဲ့ မဲ့ꩻနီယို ထွာထိုꩻတေား လိုꩻထာꩻယူႏမာႏမကောင်။
ပစ္စုပ္ပန်ႏဘဝယိုခါ ကသဲင်ꩻခွဲးကျုံႏဗာႏ၊ ကရက်မွေးငါႏသွူ ငဲရွဉ်သီးတကားနဝ်ꩻတဲ့ ကွပ်အကျောင်ꩻတမုဲင်ꩻမကောင် ဝွေꩻသမ်းအဝ်ႏဖညာꩻ တသိဉ်ဆော့ထိုꩻစွဉ်ႏနီ၊ နီတွမ်ႏငဲရွဉ်သီး ကုသိုလ်ႏကံႏအကျောင်ꩻလီꩻနဝ်ꩻ ငမ်းပါသဲင်ꩻကွို့ꩻဒျာႏ တဒင်္ဂတာႏလွုမ်ꩻဟောင်း? နဝ်ꩻတဲ့ ထွာစွဉ်ႏနီစိဉ်ꩻစာꩻခရာႏကွေႏကွေႏ၊ အော်- အကျောင်ꩻတွမ်ႏအခြောင်ꩻဒျာႏတဲင် နာꩻတဖြာꩻအလောင်း အပဲစ်အဗွေတဗာႏ နီတဖေႏဗွုန်ႏတဝ်းတစိꩻစိꩻသွူ။
နာꩻဘဝအတာႏ နာꩻကရေႏဒါႏ [[အနာႏဂတ်]]ဆꩻငါအတွိုင်ꩻ နာꩻအသောင်အရင်ꩻတွမ်ႏ နာꩻမွိုးဖါသီးဖုံႏ သဘော်ꩻတလꩻတဝ်း တွမ်ႏနီဟောင်း? ကရိုꩻနဝ်ꩻတဲ့ နီတဖြာꩻနဝ်ꩻ တဲႏစွဉ်ႏငဲရွဉ်သီး ကဖထိုꩻတွင်ꩻနဝ်ꩻကာႏ အခိင်ႏတွိုင်ꩻ သံႏသယနဝ်ꩻ အဝ်ႏဗိတ်ꩻခူꩻလိမ်ꩻခူꩻပြန်ႏဒျာႏလို့ဝင်ꩻသနယ် ငဲရွဉ်၊ နာꩻကတွိုႏလွေꩻဒါႏ အရပ်ကို ဖေႏနာꩻကဟွုန်ထွꩻလꩻချာတွော့ꩻ တွမ်ႏသꩻပေႏပေႏ၊ မဲ့ထီꩻပယီႏပယဝ်ꩻတဲင် နီတဲမ်းသေꩻခါꩻဗာႏ သꩻရာႏမတ်တန်ꩻနုဲင်းယိုဒျာႏသနယ် ငဲရွဉ်။
နာꩻကရိုꩻဖေႏဒါႏ 'မေတ္တာႏအစဲစ်အမန်ႏ'နဝ်ꩻတဲ့ ယိုခါ ခွေသေနာႏဖေႏဒျာႏနာꩻ၊ ကွဲႏတွော့ꩻ- ငဲရွဉ်ဟွေး နီအလောင်း ဖေႏကထွာသွော့ သီသောကစားနဝ်ꩻတဲ့ နီတမိဉ်ဖေႏထွာတဝ်း၊ လိုꩻယင်ဟန်ႏရိုꩻ &quot;မွိုးဖါတွမ်ႏအသောင်အရင်ꩻနဝ်ꩻ တဆဲင်ႏတဝ်းတမုဲင်ꩻမုဲင်ꩻ&quot;တဲ့၊ ဝွေꩻသီးငဝ်းယို ခွေအနေႏ တလက်ခံႏနွောင်ꩻတဝ်းသနယ် ငဲရွဉ်၊ လိုꩻနဝ်ꩻ အုံဗာႏဒျာႏတွမ်ႏ တလမ်းတပါႏ၊ တွမ်ႏအသောင်အရင်ꩻကွေႏကွေႏကရို ငဲရွဉ်။
ငဲရွဉ် ကနာႏဗာႏ မွိုးဖါသီးငဝ်းတွမ်ႏ သွꩻခွအသောင်အရင်ꩻသီးငဝ်းနဝ်ꩻတဲ့ ယိုခါ ခွေအဝ်ႏသေနာႏစစသွူသနယ် ငဲရွဉ်၊ ကွဲႏတွော့ꩻ ငဲရွဉ် တမာႏတဝ်းနေနေ၊ မွိုးဖါသီးသဘော်ꩻနဝ်ꩻ တမိဉ်ထီႏတဝ်း ပိုသီးယပ်ꩻ၊ ပိုသီးဒုက္ခနဝ်ꩻ သဘာဝဒျာႏရင်ꩻ၊ မွိုးဖါတွိုင်ꩻ သꩻဆန္ဒနုဲင်းနဝ်ꩻ အဝ်ႏကွေႏကွေႏ၊ ငဲရွဉ်တွိုႏစွဉ်ႏအရပ်မုဲင်ꩻ၊ အရန်းမုဲင်ꩻမုဲင်ꩻတဲ့ယဝ်း ဖေႏအဆင်ႏကပြေႏဒျာႏသွော့ကရိုꩻနဝ်ꩻ အဝ်ႏကုဲင်သားနီ ဆုတောင်ꩻဖေႏတသေႏသေႏဒျာႏသွူ။
နာꩻမိဉ်ႏထွိုက်တငါစိင်ႏစွော့ꩻတွမ်ႏ ရွဉ်သားသဌေꩻ လိုꩻခြွေအွိုးဝေင်ꩻကိုတဲ့ နာꩻဘဝဆꩻငါအတွက်တာႏ ယိင်းအဆင်ႏပြေႏဒျာႏသွူငဲ၊ နီဘဝနဝ်ꩻတဲးတဲ့ ငဲးအဝ်ႏသေလဲဉ်းဒျာႏအတွိုင်ꩻ တန်ဒျာႏနံႏခြာ၊ ပြွူႏဒျာႏသွို့ꩻခြံတုံးတဲင် တရထွိုက်တန်ႏတဝ်း တွမ်ႏငဲရွဉ်သီးဘဝ နီအဝ်ႏသေသေစွဉ်ႏလဲ့ ကွပ်မေတ္တာႏအဝ်ႏဒင်ႏဗာႏဖို ငဲးသီးအလောင်းနဝ်ꩻမꩻ နီသꩻအာႏရုံႏကို မာꩻနုဲင်းမုဲင်ꩻ အီႏပယ်ႏထိုꩻနွောင်ꩻဟောင်း? ကရိုꩻနဝ်ꩻ-&lt;ref&gt;မျိုꩻစဲစ်ခွန်(နဝ်)&lt;/ref&gt;&lt;ref&gt;သထုံႏပေႏ&lt;/ref&gt;</text>
      <sha1>gs14ls8lk9pmkk9mltne8dcr719d0nr</sha1>
    </revision>
  </page>
  <page>
    <title>မိဉ်ႏမိဉ်လꩻခမ်းနဝ်ꩻ</title>
    <ns>0</ns>
    <id>9552</id>
    <revision>
      <id>33516</id>
      <timestamp>2026-06-12T13:50:32Z</timestamp>
      <contributor>
        <username>KhunMyoe</username>
        <id>34</id>
      </contributor>
      <comment>ဖန်ဆင်ꩻလဲဉ်းလိတ်မဲ့ငါ တောမ်ႏ &quot;ပွိုင်းဝွို့တွမ်ႏ လိုꩻမျိုꩻအတွက် မိဉ်တဲမ်းနယ်ငါႏ ဆေ့ꩻဆေ့ꩻပေႏ၊ မိဉ်ႏရိုꩻငါႏ[[သမဲင်ꩻ]]ခရာႏတဲ့ အမွဉ်အကမ်း ခွေါင်ခွေါင်ခံႏခံႏ မိဉ်ႏအဝ်ႏမꩻ သမ်းအီႏထွာ...&quot;</comment>
      <origin>33516</origin>
      <model>wikitext</model>
      <format>text/x-wiki</format>
      <text bytes="30996" sha1="f7i7ys2pu20vm5l4trghujs6od3v4ob" xml:space="preserve">ပွိုင်းဝွို့တွမ်ႏ လိုꩻမျိုꩻအတွက် မိဉ်တဲမ်းနယ်ငါႏ ဆေ့ꩻဆေ့ꩻပေႏ၊ မိဉ်ႏရိုꩻငါႏ[[သမဲင်ꩻ]]ခရာႏတဲ့ အမွဉ်အကမ်း ခွေါင်ခွေါင်ခံႏခံႏ မိဉ်ႏအဝ်ႏမꩻ သမ်းအီႏထွာအီ မိဉ်လꩻပညာႏသားအတွက်၊ ကွဲႏတွော့ꩻ ကအီႏတဲမ်းနယ်ငါယိုဖုံႏနဝ်ꩻ သမဲင်ꩻအတွက် တမွေးတဝ်းစွဉ်ႏလဲ့ ဟော်ꩻထွားသားအတာႏ မဲ့ꩻထွာအီဒါႏ ပညာႏထာꩻသေတမျိုꩻမျိုꩻယင် အွဉ်ႏသꩻနုဲင်းနဝ်ꩻတွော့ꩻ တဲမ်းနယ်စမ်ꩻ နုဲင်းလယိုဖုံႏသွူ။
လိုꩻမျိုꩻလင်လိတ်စောင်ႏကို နီပအိုဝ်ႏလိုꩻမျိုꩻနဝ်ꩻ ဝင်ꩻရိုꩻ&quot;သမဲင်ꩻအဲဉ်ထဝ်း&quot;တဲ့၊ &quot;[[ခမ်းရင်ꩻ]]သားအကို ပအိုဝ်ႏတပါသော့ꩻတဝ်း&quot;တဲ့၊ မွေး၊ ဝင်ꩻကထောက်နယ်နီနုဲင်းယို၊ ပအိုဝ်ႏဖုံႏယင်ဟန်ႏ သꩻကိုယူႏဖိုနုဲင်းယို၊ ဒေါ့ꩻရိုꩻချာဖိုနုဲင်းယိုဖုံႏတဲ့ လက်ခံႏနွောင်ꩻဒျာႏ၊ အဝ်ႏမဲဉ်ႏဒျာႏနေနေ၊ အတိက်ခိင်ႏတွင်ꩻ နီပအိုဝ်ႏဖုံႏ ကမော့ꩻဗာႏအယပ်ꩻခုဲင်ႏဖုံႏတဲ့ အဝ်ႏဟွုန်ဗာႏ၊ အဝ်ႏသေထွꩻလꩻသမဲင်ꩻ အမော့အဆွုမ်ႏ၊ ကအုံဗာႏသေင်ႏဆꩻလဝါႏဆꩻလ ကမော့ꩻထာꩻဒုက္ခစားနဝ်ꩻနဝ်ꩻ အဖြာꩻပေါင်ꩻတဆေ့ꩻတဝ်းသွူ။
ကထွိုင်ႏလဲဉ်းထိုꩻ ဝင်စူဆꩻလတွင်ꩻနဝ်ꩻ လိတ်တဲ့ သွဉ်ချာခွင်ꩻ သမ်းတအဲဉ်ထဝ်းနဝ်ꩻမꩻ ကဒါႏလိတ်သားတဲ့ ဆေ့ꩻမွေး၊ ကေားကဒါႏ ကသေထွူသားဖုံႏနဝ်ꩻတဲ့ ဖေါႏထန်ႏခွင်ꩻ၊ ဒေါ့ꩻခွင်ꩻ၊ တဲမ်းခွင်ꩻ တအဝ်ႏတဝ်းတဲင် ကွဲညည ကွဲးထိုꩻမားမားချာယင်းဒျာႏ၊ အခေႏအနေႏနုဲင်းယိုနဝ်ꩻ ဟော်ꩻလိတ်သား ကိဉ်းယူႏစမ်ꩻမွိုင်၊ စောင်းမꩻ ထာꩻယိုꩻဒျာႏရင်ꩻနဲ့?။
ယင်းတမျိုꩻနဝ်ꩻ &quot;လိုꩻဖြား အစွုပ်လဲဉ်းရီးရီးသားဖုံႏနဝ်ꩻ ကဲဉ်းအာအာ တအွဉ်ႏရေꩻတဝ်း လိတ်လုဲင်ꩻရေꩻ၊ လိုꩻမျိုꩻရေꩻဖုံႏ&quot;မိဉ်ႏရိုꩻနုဲင်းနဝ်ꩻတဲ့ ရလꩻဒျာႏ၊ နဝ်ꩻမꩻ ပအိုဝ်ႏငဝ်းထုံꩻအဝ်ႏကုဲင်သေꩻ &quot;ဒါႏလိတ်တဲ့ ပွိုဟံႏ၊ ဒါႏတဝ်းလိတ်တဲ့ ပွိုဟံႏ&quot;တဲ့၊ ဗꩻထံꩻစွဉ်ႏခေတ်ယိုခါ ကေားကဒေါ့ꩻသားတဲ့ အဝ်ႏလꩻနွိုင်ႏနွိုင်ႏဒွိုန်းက ညာꩻညာာꩻတဖြာꩻ၊ ကွဲႏတွော့ꩻ ခေတ်ဟန်ႏသနီꩻယို နီနာꩻအဝ်ႏထိႏထွꩻလွဉ်လဲဉ်း တွမ်ႏမဲ့သွူ။
တစက္ကန့်၊ တမိနေစ်အကို အဝ်ႏပြောင်ꩻလုဲင်ႏမွိုင်ကြွိုင်မွိုင်ကြင်ငါႏလဲဉ်း၊ &quot;ပညာႏခေတ်ထွိုင်ႏလွဉ်လဲဉ်း&quot;ကရိုꩻနဝ်ꩻ ပါꩻမုဲင်ꩻအွဉ်ႏသတိꩻတဝ်း၊ ပါꩻမုဲင်ꩻအုံတငွို့ထာꩻတဲ့ အဝ်ႏကုဲင်ထိုꩻဗာႏ ဝင်ꩻဆꩻချာ၊ ခံႏနောမ်ꩻဗာႏ ပညာႏဒါႏသားနဝ်ꩻ တလွစ်တဝ်းရင်ꩻရင်ꩻ၊ မိဉ်ႏထောင်ချာ [[စွိုးခွိုꩻ]]သမဲင်ꩻလဲ့ ကွပ်တဝ္းဝင်ꩻလိုꩻမျိုꩻလင်၊ ပါႏချာဒျာႏ နီလိုꩻမျိုꩻ၊ လိုꩻမျိုꩻတမျိုꩻ ကအဝ်ႏတဲင်နွောင်ꩻ တိဉ်ႏတိဉ်ႏခွေါင်ခွေါင် နုဲင်းယိုနဝ်ꩻ သမ်းရိုꩻ &quot;သသမဲင်ꩻအမွဉ်အကမ်း တိဉ်ႏတိဉ်ႏခွေါင်ခွေါင် အဲဉ်ထဝ်း&quot;တဲ့။
နီမဲ့ကဗꩻထိုꩻလဲဉ်း အနေင်ႏပေါင်ꩻ နီသိုမ်ဆီတွင်ꩻသူꩻနဝ်ꩻ နီပအိုဝ်ႏအဆင်ႏရန်း ဖွိုႏကယ်ꩻယိုခါ တကားမုဲင်ꩻ? မိဉ်ႏထွားချာချာယင်းနဝ်ꩻဆꩻချာချာတဲ့ နီပအိုဝ်ႏလိုꩻမျိုꩻ ကအွဉ်တဲႏထောင်ႏသေꩻခါꩻဒါႏ ဝေင်ꩻဖုံႏနဝ်ꩻ ကားမုဲင်ꩻဖြုံႏဖြုံႏ၊ တွိုႏအနာလွို ဝင်ꩻလိုꩻမျိုꩻအုက်ချုက်သော့ꩻလုဲင်ႏတေားဒျာႏ၊ ဝင်ꩻအံႏသော့ꩻတေားဒျာႏ၊ ယိုနဝ်ꩻ ပွိုးတမုဲင်ꩻ? နီပအိုဝ်ႏဖုံႏနဝ်ꩻ သေတဝ်းဝေင်ꩻခရာႏဟောင်း? လွꩻအုက်ချုက်လွꩻတရေင်လွထာꩻဖုံႏဟောင်း? တဝ်းတဲ့ ငမ်းဒျာႏဝင်ꩻလိုꩻမျိုꩻဟောင်း?။
ယူႏခရာႏ အဝ်ႏအာတန်၊ ကအီႏနွို့ဗာႏပါꩻလိုꩻလိုꩻမျိုꩻခါႏသူꩻ ဒါႏပညာႏသား အဝ်ႏအာအာမꩻ၊ လိတ်အတန်ꩻတဲ့ အောင်ႏခါꩻ၊ သꩻစေႏတနာႏ မိဉ်မာꩻတဲ့အဝ်ႏ၊ လိုꩻမျိုꩻအလောင်း ထွာအီအစွဲးအကမ်း တဖဲ့ꩻတခဝ်အတာႏ မိဉ်ႏခံႏယပ်ꩻ ခံႏပင်ႏပန်ꩻမွေးနဝ်ꩻ နီပအိုဝ်ႏကတဲႏထောင်ႏခါꩻဒါႏဝေင်ꩻယို ရတလဲဉ်းသော့ꩻဗာႏ ဝင်ꩻစူကို၊ ရိုꩻခန်းစွဉ်ႏ အလဲဉ်းသော့ꩻလဲ့ အစွိုꩻကိုသူꩻ နီပအိုဝ်ႏလိုꩻမျိုꩻ မိဉ်ႏသော့ꩻရိုမ်းနဝ်ꩻ &quot;အခွင်ꩻအရေꩻ အီႏလꩻလွဉ်ꩻအီ တကားမုဲင်ꩻ?&quot; ကရိုꩻနဝ်ꩻ ယူႏစမ်ꩻနေးငါတဲ့ သေထွꩻနွောင်ꩻဒျာႏသွူ။
ယင်ဟန်ႏနဝ်ꩻ နုဲင်းနဝ်ꩻ သမ်းမွေးတဝ်း၊ ပအိုဝ်ႏအဝ်ႏမာꩻထာꩻမာꩻရိုမ်ꩻကိုသားဖုံႏနဝ်ꩻ တွမ်ႏရိုꩻမွုန်း အီႏစွဲးကမ်းကိုချာ ပအိုဝ်ႏလိုꩻမျိုꩻတာႏ အွဉ်ႏဟိက်တေားဒျာႏအနမ်း၊ ဒေါ့ꩻရီမန်းဆွုမ်ႏတေားဒျာႏ ပအိုဝ်ႏတဲ့ အဝ်ႏအာတန်၊ ဥပမာႏ- ပါꩻတဖြာꩻ တခြို့ꩻလွင်ꩻထာꩻ တဖူꩻလောင်းယို လိုꩻကသူႏသေထာꩻသားနဝ်ꩻ ဝင်ꩻတငဟားတဝ်း၊ ဝင်ꩻလောႏစွီႏထွိုင်ႏကို၊ လောႏဖေႏအာႏဒျာႏနုဲင်းနဝ်ꩻ၊ ဟော်ꩻလိတ်သားဖုံႏ ယူႏချာစမ်ꩻသွော့၊ ပါꩻတခြို့ꩻထာꩻတွင်ꩻ ငဟားဗာႏဖိုလဲဉ်း ကားမုဲင်ꩻလဲင်ႏ?။
မွေးတဝ်းတဲ့ လောႏစွီႏထွိုင်ႏကိုဗာႏဖိုလဲဉ်း ကားမုဲင်ꩻလဲင်ႏ? ယိုကိုခြာတဲ့ အဗိုန်နုဲင်းနဝ်ꩻနေနေ၊ နီပအိုဝ်ႏလိုꩻမျိုꩻဖုံႏနဝ်ꩻ ရိုမ်ꩻ၊ တသီႏခန်ꩻ၊ ဆေꩻတန်၊ ဗန်၊ ဟိုတယ်-စတဲင်လိုꩻဝေင်ꩻတန်သီး အသုံꩻအဆောင်ႏ၊ အဒေါ့ꩻအဖြဝ်ႏ၊ သွုပ်ဆွိုက်ရေꩻဖုံႏယို တသေနာႏကြွို့ꩻတဝ်းဒျာႏရင်ꩻရင်ꩻ၊ ပထမအချက် &quot;တဒေါ့ꩻဒါႏတဝ်းဝင်ꩻငဝ်း (မန်းငဝ်း)နဝ်ꩻ ထွာစွဉ်ႏနီပအိုဝ်ႏလိုꩻမျိုꩻသီး အာႏပေႏချက်တမျိုꩻ&quot;မိဉ်ႏရိုꩻနုဲင်းနဝ်ꩻနဝ်ꩻ ရမဲဉ်ႏငါႏသွူ။
ကလဲဉ်းနွို့သော့ꩻလꩻ ရိုမ်ꩻကိုသားဖုံႏတဲ့ နီပအိုဝ်ႏလိုꩻမျိုꩻသီး အာႏပေႏချက်နုဲင်းယိုနဝ်ꩻ အဝ်ႏသေထွꩻလွဒျာႏ၊ အဝ်ႏထီႏဒျာႏ၊ မိဉ်ႏတဲက်ဗာႏတဲ့ တွမ်ႏပါꩻကတခြို့ꩻတအာအဲစ်ꩻထာꩻနဝ်ꩻ ဗိုန်ဝင်ꩻ၊ ကွပ်နဝ်ꩻမꩻ ပအိုဝ်ႏရိုမ်ꩻသားဖုံႏ လိုႏအွဉ်ႏမန်းတဝ်းနမ်း၊ လိုႏအွဉ်ႏတန်ငါႏတဝ်း မာႏန၊ လိုႏဒေါ့ꩻရီမန်းဆွုမ်ႏတဝ်း နီပအိုဝ်ႏ၊ လိုႏဟွိုက်ꩻတနွာႏတနီꩻဆွုမ်ႏတဝ်း နီပအိုဝ်ႏလိုꩻမျိုꩻသွူ။
မိဉ်ႏမာꩻနုဲင်းဒျာႏ ဝင်ꩻလိုꩻမျိုꩻနဝ်ꩻ တွမ်ႏနီကငဟားချာ နီပအိုဝ်ႏလိုꩻမျိုꩻနဝ်ꩻ ပီဝင်ꩻ၊ လိုꩻတအုံတဝ်းဝေင်ꩻကိုသားဖုံႏတဲ့ ပွိုင်းဝွို့တွမ်ႏလိုꩻဝေင်ꩻသီး အအုံအဝ်ႏဖုံႏယို လိုႏသေသေꩻခါꩻ၊ လိုꩻပေႏအရွယ်ႏဆားဖုံႏနဝ်ꩻ လိုႏသွဉ်ဒေါ့ꩻဝင်ꩻငဝ်း (မန်း)၊ အုံမန်းခမ်းက [[မန်း]]ငဝ်းနဝ်ꩻ အရေꩻတန်လွိုဝင်ꩻ၊ မိဉ်ႏဒါႏမန်းငဝ်းနဝ်ꩻ လွေꩻမုဲင်ꩻမုဲင်ꩻလဲ့ဖြွဉ်၊ အယပ်ꩻအခုဲင်ႏဆေ့ꩻ၊ &quot;ပအိုဝ်ႏလိုꩻမျိုꩻကားကအဝ်ႏ ထွားနုဲင်းလို့လို့ဗာႏလိုꩻဝေင်ꩻ၊ ဒေါ့ꩻမန်းဗာႏသေႏသေႏ&quot;နုဲင်းနဝ်ꩻတဲ့ တဲမ်းလိတ်သား တရိုꩻနွောင်ꩻတဝ်းသွူ။
ကွဲႏတွော့ꩻ &quot;ထာꩻသေတရာꩻ&quot;ကရိုꩻနဝ်ꩻ အဝ်ႏလွိုအဝ်ႏပျင်ႏ တအဲဉ်ထဝ်းကရို၊ ပွိုင်းလဲင်ႏခါနဝ်ꩻ တလွေꩻဗာႏကြွို့ꩻလွတဝ်း တဖူꩻညာꩻဖုံႏ၊ တွိုႏယိုခါနဝ်ꩻ လယ်ႏဝုဲင်ႏဘုရာꩻ မန်းခမ်းကို တနေင်ႏကားမုဲင်ꩻစွိုꩻစွိုꩻ၊ ယင်စွိုꩻစွိုꩻနဝ်ꩻ တွိုႏလွေꩻဗာႏပါထဲင်းစွဉ်ႏ ဘုရာꩻကပွင်ꩻခင်ႏလမ်း အွိုး&quot;အိန္ဒိယ&quot;ခမ်းသားဖုံႏတဲ့ အဝ်ႏဟွုန်အဝ်ႏထီႏထွꩻဗာႏဖိုလဲဉ်း၊ ဒါႏတဝ်းဝင်ꩻငဝ်းနဝ်ꩻ နီကလိုႏဒေါ့ꩻဝင်ꩻယိုတဲ့ ဒေါ့ꩻတဒါႏတဝ်း၊ ဝင်ꩻကဒေါ့ꩻနယ်နီတဲ့ နီတသေနာႏတဝ်းနဝ်ꩻ ယပ်ꩻတဝ်းနဲ့အီး?။
&quot;ဗက်ꩻတဖဲ့ꩻ တကွစ်ꩻတေားတခဝ်&quot; တွမ်ႏဝင်ꩻကရိုꩻငဝ်းနဝ်ꩻ တကွာႏဒွုမ်၊ အလဲဉ်းဒျာႏဖြာꩻထွောင်းထွောင်းနဝ်ꩻ သꩻကေႏနပ်မုꩻ တအဲဉ်ထဝ်း၊ ဒေါ့ꩻဒျာႏမိဉ်ႏဒါႏနဝ်ꩻ ဒေါ့ꩻဗာႏ၊ သေနာႏတဲင် ယိုꩻဟဝ်ထွူမွိုင်၊ အခရာႏတဲ့သျင်ꩻဖြွောင်ႏချာငါလို့ဝင်ꩻနဝ်ꩻမꩻ ယိင်းယံတဝ်းဟောင်း?၊ အဝ်ႏကတမျိုꩻ နီမွိုးဖါသီးစိုး ပေႏပေႏခါနဝ်ꩻ လိုꩻခိုဖုံႏ ကဲဉ်းအာအာ ဗုဲင်ဗာႏသျင်ႏတဲင် ပညာႏနဝ်ꩻ အဝ်ႏသွဉ်လွဗာႏဝင်ꩻ။
ဟော်ꩻထွားလိတ်ပေႏဒါႏ၊ ကွဲႏတွော့ꩻ- သမ်းထွာကွို့ꩻဒျာႏ လိတ်ပအိုဝ်ႏလွုမ်ꩻ ကဲဉ်းအာအာ၊ နဝ်ꩻမꩻတဲင် ပွိုင်းလဲင်ႏခါ ပေါႏစန်းမဲ့ꩻဖုံႏ ဖျော်လွဉ်ဒုံနဝ်ꩻ ကေားဒေါ့ꩻရီဆွုမ်ႏသား၊ ခြုဲင်းနယ်သား အဲဉ်ထဝ်းတဲင် ဝင်ꩻဒေါ့ꩻတမျိုꩻ မာꩻတစား၊ ဝင်ꩻထွဉ်ႏတစား ထူႏတမျိုꩻ၊ ကခံႏဗာႏစန်းမဲ့ꩻ စူတဗꩻသားဖုံႏတဲ့ အဝ်ႏဗာႏဖိုကားမုဲင်ꩻဖြာꩻဖြာꩻ၊ နဝ်ꩻနဝ်ꩻ ကွပ်ဒါႏတဝ်းဝင်ꩻလိတ်၊ ဒါႏတဝ်းဝင်ꩻငဝ်းအကျိုꩻသနယ်။
စန်းမဲ့ꩻဖုံႏ ကထွဉ်ႏထမ်ႏတခြိုꩻခေတ်တွင်ꩻနဝ်ꩻတဲ့ ကဒါႏတကြီႏတကြွꩻမန်းငဝ်းသားဖုံႏနဝ်ꩻ ဒေါ့ꩻရချာချာငါဖေႏ စန်းမဲ့ꩻတဲင် တထံႏထွူႏဗာႏတဝ်း၊ တဗွုတ်ꩻထွူႏဗာႏတဝ်း၊ တဒါႏတဝ်းသားနဝ်ꩻ သေနာႏတဝ်းတမုဲင်ꩻမုဲင်ꩻတဲင် ထံႏဗာႏလွို၊ ဗွုတ်ꩻဗာႏပိုႏနုဲင်းနဝ်ꩻသားဖုံႏတဲ့ အဝ်ႏဟွုန်ဗာႏဖို တညငါႏတဝ်းဒွိုန်း၊ မိဉ်ႏရီမွိုင် &quot;ဒါႏလိတ်တဲ့ထံႏဗာႏ၊ တဒါႏတဝ်းတဲ့ထံႏဗာႏကဟောင်း? လိုꩻကခွုမ်သီဒါႏ ငဝ်းစခါသားဖုံႏ အီႏဖြေႏချာနုဲင်းမုဲင်ꩻ?။
&quot;ငဝ်းတမျိုꩻ အတန်ႏဖိုꩻအဝ်ႏတကားမုဲင်ꩻ?&quot;ကရိုꩻနဝ်ꩻ ဟန်ႏသနီꩻယိုခါ နီပအိုဝ်ႏလိုꩻမျိုꩻဖုံႏ လက်ခံႏနွောင်ꩻလဲဉ်းဒျာႏ၊ မဲ့တွမ်ႏနားဖုံႏနဝ်ꩻ မွိုးဖါသီး ဖေႏသေꩻခါꩻလဲဉ်းနီ၊ ဖေႏကလေ၊ ဖေႏကလုဲင်း၊ ဖေႏကဗွောင်၊ ဖေႏကဖြောင်နဝ်ꩻတဲးတဲ့ နီနမ်းမာꩻဗာႏချာဒျာႏ၊ အဝ်ႏကဒွိုန်း နီပအိုဝ်ႏနဝ်ꩻ ပွိုင်းလဲင်ႏတလွေꩻသဲင်ꩻလွတဝ်း တဖူꩻညာꩻ၊ တဖူꩻဝေင်ꩻဖုံႏတဲင် မာꩻမတ်ပုံတိဉ်သား အဝ်ႏညာꩻညာꩻတဖြာꩻလွုမ်ꩻ၊ လိုꩻအဖြာꩻတဆီမꩻ အဝ်ႏကွို့ꩻတဖြာꩻဝင်ꩻနီလွုမ်ꩻနဝ်ꩻသွူ။
အမူႏဖုံႏနဝ်ꩻ ယိင်းဟုဲင်း၊ ဝင်ꩻထွဉ်ႏမာꩻနေးသွူတဲ့ &quot;အီႏမာꩻအီကဲးတမုဲင်ꩻ၊ လွေꩻဒျာႏကွို့ꩻသွို့ꩻတုံး၊ ခြံတုံး၊ ပါꩻမုဲင်ꩻကဲး အီႏလွဉ်စဲစ်ဆေꩻတန်ဟောင်း?&quot;၊ ကမာꩻထွူလဲဉ်းသားဖုံႏတဲ့ အဗွေႏတအွဉ်ႏဟဝ်၊ တသိမ်ꩻဟဝ်တဝ်း၊ ကွပ်နုဲင်းနဝ်ꩻမကောင် ယင်နေင်ႏနေင်ႏ ဝင်ꩻလဲင်ꩻတဲမ်းသော့ꩻ &quot;ရုပ်တယွို့&quot;ဒဲဉ်သီႏလက်ဆောင်ႏကို၊ အပုံႏနဝ်ꩻ ငမ်းအွဉ်ႏဒျꩻလွင်ꩻလိင်ꩻဗော့ꩻ ထာꩻဆေင်ႏလောင်းယင် အမော့အစဲင်ႏနဝ်ꩻ ယူးအဲင်ႏထိုꩻခန်း။
တကွစ်ꩻတကတ်ꩻထိုꩻတဲင် အဗွေႏထွိုင်ႏနွို့လွေꩻဝေင်ꩻခိင်ႏနဝ်ꩻ ယယ်ꩻရီစဲစ်ဆွုမ်ႏခန်း &quot;မှတ်ပုံတင်ပါလား?&quot; နာꩻမတ်ပုံတိဉ်ပါနေဟောင်း?တဲ့၊ ဝွေꩻတဲ့ နာႏငီႏနာႏငဝ်း လောႏဗဲ့ꩻထန်ႏခန်း အမတ်ပုံတိဉ်တွော့ꩻ အွဉ်ႏနယ်ခန်းယယ်ꩻ၊ အဖြောင်းတဲ့ ရိုꩻပါခန်း &quot;နည်းနည်း(နဲနဲ)ပဲပါတယ်&quot;-ပါဆေ့ꩻဆေ့ꩻပေႏ&quot;တဲ့ရိုႏ၊ ယိုနဝ်ꩻ ရုပ်တယွို့လိတ်စောင်ႏကို ဆင်ႏဆင်ႏအဝ်ႏထီႏဗာႏ၊ မွေးမကောင်၊ တဝ်းမကောင် တဲမ်းလိတ်သား တသေထွꩻလꩻလွဉ်ꩻတဝ်း၊ မိဉ်ႏယူႏယူႏဒျာႏ နီပအိုဝ်ႏဖုံႏ တအွဉ်ႏရေꩻတဝ်း မတ်ပုံတိဉ်နဝ်ꩻ သမ်းအဝ်ႏသေန်ႏယောင်ႏယောင်ႏပေႏသွူ။
&quot;ခမ်းရင်ꩻသား လိုꩻအဖြာꩻပေါင်ꩻ အဝ်ႏကားမုဲင်ꩻ?&quot;ကရိုꩻနဝ်ꩻ ဝင်ꩻတတွက်တွိုႏနေးတဝ်းလိုꩻ အဖြာꩻပေါင်ꩻ၊ တွက်နေးဒျာႏတွမ်ႏမတ်ပုံတိဉ်၊ လိုꩻမတ်ပုံတိဉ် အဝ်ႏတဝ်းသားဖုံႏနဝ်ꩻ နွို့ကြွို့ꩻဝေင်ꩻ တလꩻတဝ်း၊ လွေꩻဗေင်ႏဝေင်ꩻကိုသူꩻ တလꩻတဝ်း၊ ထင်ႏလိုမ်ꩻမာꩻနမ်း တသီႏယုံႏကို တလꩻတဝ်း၊ မာꩻထိဉ်ႏသွꩻဝေင်ꩻကိုသူꩻ တယဝ်း ဝင်ꩻမိဉ်ႏစဲစ်ဆေꩻမွေးနဝ်ꩻ ရော့ꩻရော့ꩻတဝ်းတဲ့ ဝင်ꩻဆွမ်ꩻတသိဉ်ဆော့ဒါႏထဲင်းလိုꩻနဝ်ꩻသွူ။
&quot;ဝင်ꩻကဆွမ်ꩻနီယိုတွင်ꩻ နီဒေါ့ꩻနယ်၊ ဖြေႏသျင်ꩻနယ်ချာ မိဉ်ႏဒါႏနဝ်ꩻ ဟမ်းခဲဉ်ꩻ၊ ဒေါ့ꩻချာမိဉ်ႏတဒါႏတဝ်းနဝ်ꩻ ကုဲင်းအဝ်ႏခံပါဒါႏထဲင်း အချုက်&quot;ကရိုꩻနဝ်ꩻ လိုႏသေနာႏလဲဉ်း ပငါပရာꩻ၊ ထွားနုဲင်းထာꩻနယ်ꩻပွိုင်းလဲင်ႏ တလꩻတဝ်းဒွုမ်၊ တဲမ်းလိတ်သား လွေꩻတဖူꩻသီႏသဲင်ႏ-တောင်ႏကီꩻနဝ်ꩻ ဆင်ႏဆင်ႏမော့ꩻဗာႏ၊ ကာꩻသားရီတဲ့ ဒေါ့ꩻချာတဒါႏတဝ်း၊ အီႏလွေꩻမုဲင်ꩻကို?၊ အီႏလင်ꩻမုဲင်ꩻကို? မန်းငဝ်းပေႏတငွါနီငွါပေႏငါ သမ်းတဒါႏတဝ်း၊ ဝင်ꩻလိုꩻမျိုꩻ အဝ်ႏအသောင်နဝ်ꩻ ထီႏဖွီမွေးစွဉ်ႏ ပအိုဝ်ႏနဝ်ꩻသွူ။
တဲမ်းလိတ်သား အဝ်ႏသီႏသဲင်ႏ လင်ꩻနောင်ထဝ် ခꩻတလဲင်ႏ ထိုမ်းလင်ꩻကာꩻအခန်ꩻငါကို မန်းမူႏပေႏဝင်ꩻနီနဝ်ꩻ ထွိုင်ႏထီႏပအိုဝ်ႏမူႏဖြား အဝ်ႏသဲ့ꩻထာꩻသွို့ꩻကိုတဲင် ကဲ့ꩻရဲ့ꩻသဲ့ꩻသွမ်ꩻပအိုဝ်ႏနဝ်ꩻ အဝ်ႏဟွုန်စွဉ်ႏတွမ်ႏနားယိုနဝ်ꩻမꩻ ဗꩻဟန်ႏသနီꩻ တအွဉ်ႏဖေင်ꩻနွောင်ꩻတဝ်းရင်ꩻ၊ ဝွေꩻသီး ကသဲ့ꩻသွမ်ꩻနဝ်ꩻတဲ့ မွေးတဝ်းနုဲင်းနဝ်ꩻမွေးတဝ်း၊ အဝ်ႏမွေးဒျာႏနေနေ၊ ကွဲႏတွော့ꩻ တဲမ်းလိတ်သားနဝ်ꩻ ထွာဒျာႏပအိုဝ်ႏသွီႏ အဝ်ႏသော့ꩻမကောင် ခွေါင်းသန်မွေးစွဉ်ႏထာꩻသွူ။
ခွုင်းယိုမာꩻငါနဝ်ꩻ ကာꩻလောင်းဖုံႏနဝ်ꩻ ပအိုဝ်ႏအဝ်ႏပါဒါႏနေနေ၊ ကသေနာႏသားဖုံႏနဝ်ꩻ ဒေါ့ꩻကိုလွဗဲင်းနေား၊ မာꩻဖေႏဘာႏသာႏပြန်ႏနဝ်ꩻသနယ်၊ မိဉ်ႏမာꩻနွောင်ꩻနုဲင်းနဝ်ꩻနဝ်ꩻ ပအိုဝ်ႏဖုံႏ အီႏ[[ကေꩻဇူꩻ]]တင်ႏသီသနယ်၊ ယိုခါနဝ်ꩻ နုဲင်းနဝ်ꩻစား သမ်းမွေးတဝ်းဖုံႏ၊ အွဉ်ႏဟိက်တေားဒျာႏ အနမ်း၊ မာꩻဒျာႏအနမ်း မန်းလွိုႏလွိုႏ၊ ပအိုဝ်ႏလွိုႏလွိုႏနုဲင်းနဝ်ꩻနဝ်ꩻ တွမ်ႏတရက်ချာတဝ်း နီပအိုဝ်ႏလိုꩻမျိုꩻနဝ်ꩻ ဗိုန်ပီဝင်ꩻ။
သွီႏတွမ်ႏယာႏဖုံႏယို မွိုးဖါဖေႏခါꩻဒျာႏ ပအိုဝ်ႏသွီႏယာႏစဲစ်စဲစ်၊ သꩻပအိုဝ်ႏစဲစ်စဲစ်တဲင် တဲမ်းလိတ်သားယို ကကူႏငီႏကိုဗာႏဖိုတဲ့ အဝ်ႏနေနေ၊ ကွဲႏတွော့ꩻ- ပါꩻမုဲင်ꩻကဲးအီႏလွေꩻသေႏသေႏ တဖူꩻဟောင်း?၊ ကွပ်နဝ်ꩻမꩻ ဟော်ꩻလိတ်သားဖုံႏ စူကထွꩻရာꩻ ကူႏငီႏကိုသွော့၊ ယိုနဝ်ꩻ တဖြာꩻတာႏဝွန်ႏ တမွေးတဝ်း၊ တွိုႏဆုဲင်ꩻဖေႏကထွာထဲင်းဗာႏမွုန်းနုဲင်းယိုနဝ်ꩻ စူꩻယိုꩻမွုန်းဒွုမ်ထာꩻ၊ နမ်းဖေႏကဒါႏ ကျိုꩻစာꩻလွသွော့၊ ပိုလီꩻဖုံႏ ဖေႏကဒါႏ ဖေႏအာႏလွသွော့၊ ကဒါႏထွူသားဖုံႏတဲ့ အွဉ်ႏဟိက်မွုန်းဒွုမ်နမ်း၊ နွောင်ꩻရာꩻကျုံႏရာꩻ စွဲးကမ်းကိုသွော့။
မိဉ်ႏထိုမ်းဒျာႏ တဲႏအစ ဗꩻအသွတ်ꩻစားနဝ်ꩻ ဖြေꩻဗာႏနေး ကာꩻလက်မတ်တဲင် အခွင်ꩻအရေꩻဗိုန်ဗိုန် လꩻနုဲင်းနုဲင်း၊ ကွဲႏတွော့ꩻ- ကေားကထိုမ်းဆွုမ်ႏ အခါႏသားဖုံႏနဝ်ꩻ ကွီကားမုဲင်ꩻတဲ့ ဖေႏဗာႏကားမုဲင်ꩻ၊ လိုꩻယင်ဟန်ႏနဝ်ꩻ ရစွဉ်ႏကာꩻသား တကွီအာငါႏတဝ်း၊ တွိုႏပအိုဝ်ႏနဝ်ꩻ သေန်ႏစွဉ်ႏကာꩻသားကွီလွိုတန်နဲး၊ ဝါလွော်တွော့ꩻ တဲမ်းလိတ်သားယိုနဝ်ꩻ အုံငါႏပအိုဝ်ႏဖဲ့ꩻထွားဒျာႏမကောင် မဲ့ꩻဟော်ꩻလိတ်သား ထွားတေ့ꩻတေ့ꩻပါစမ်ꩻဒျာႏနဝ်ꩻသနယ်။
ပွိုင်းလဲင်ႏခါနဝ်ꩻ အာႏကွိုꩻခင်ႏအာႏ၊ အာႏကွိုꩻလွဒျာႏ ဖိုးပနားအာႏ၊ လွေꩻဗာႏနေး နီꩻနီꩻနာꩻနာꩻ၊ ပေါႏလွေꩻဆေꩻတဲ့ လွေꩻဗေင်ႏဗာႏနေးတသာ၊ တွိုႏခေတ်ယိုခါနဝ်ꩻ ကာꩻတဲ့လွိုင်ႏ၊ သင်ကယ်တဲ့အာ၊ တနားရီႏချင်ꩻ၊ တနီꩻချင်ꩻ လွေꩻထာꩻတွိုႏအွိုးမုဲင်ꩻမုဲင်ꩻ၊ အဝ်ႏလိုႏဒျာႏကာꩻခꩻ သင်ကယ်ဓာတ်ဆီငိုꩻလွုမ်ꩻ၊ တွိုႏစွဉ်ႏ တလဲင်ႏချင်ꩻ၊ တခြွိုက်ချင်ꩻနဝ်ꩻသွူ။
မိဉ်ႏဒါႏဝင်ꩻငဝ်းနဝ်ꩻ သက်သာႏတမျိုꩻ၊ နီလိုꩻမျိုꩻ ဒါႏဝင်ꩻငဝ်းသား မိဉ်ႏအဝ်ႏသော့ꩻအာအာ ပါꩻခါႏသူꩻနဝ်ꩻတဲ့ ထွာအခွင်ꩻအရေꩻ တမျိုꩻနေနေ၊ ယူႏယွယွ ယူႏဆွာꩻဆွာꩻထာꩻတဲင် အဝ်ႏလိုႏရေ့ငါငါ ပါꩻခါႏ၊ အဝ်ႏကုဲင်ဆꩻချာသားဖုံႏတဲ့ မာꩻမဲ့သွောင်သွောင်၊ နားဖွီဖွီတွဗာ့ꩻ ပေါႏဝင်ꩻရိုꩻ &quot;ခြွုက်&quot;တဲ့ ဖေႏ&quot;ကခြွုက်&quot;တလဲင်ႏချင်ꩻ၊ ပေါႏဝင်ꩻရိုꩻ&quot;ရျက်&quot;တဲ့ ဖေႏ&quot;ကရျက်&quot;နွောင်ꩻစွဉ်ႏတလဲင်ႏချင်ꩻမꩻ ယံသွူ။
မိဉ်ႏသွောင်၊ မိဉ်ႏဖွီ၊ မိဉ်ႏရိုႏသေႏအခိင်ႏ၊ စီꩻကန်ꩻမိဉ်ႏတန်၊ မိဉ်ႏမဲဉ်ႏနုဲင်းနဝ်ꩻမꩻ နီပအိုဝ်ႏတန်ႏဖိုꩻအီႏထင်ႏ၊ နီကမိဉ်လꩻဒါႏ အခွင်ꩻအရေꩻ ဆေ့ꩻအာပေႏနဝ်ꩻတဲ့ ဝင်ꩻမိဉ်ဖေႏ၊ ကုဲင်းလꩻဒါႏ၊ ယိုခါနဝ်ꩻ ပါꩻခါႏကိုတဲ့ တရေ့သော့ꩻနွောင်ꩻတဝ်း၊ ဆꩻချာသားဖုံႏတဲ့ ယူႏဖွီဖွီဖုဲင်ဖုဲင်ဒျာႏထာꩻ ကဲဉ်းအာ၊ ဝင်ꩻရိုꩻ &quot;ယိုခါ&quot;ထွာတေား &quot;မွူးရဝ်ꩻတရူꩻ&quot;၊ ဝင်ꩻဒေါ့ꩻ &quot;လာယို&quot;ထွာတေား &quot;လာငါ&quot;တွော့ꩻ ပေါႏစီꩻကန်ꩻအဲဉ်ထဝ်း၊ ရိုႏသေႏတဝ်းအခိင်ႏ၊ နားတဗွိုတဝ်း၊ မဲ့တသွောင်တဝ်းနဝ်ꩻတဲးတဲ့ မျိုꩻအီႏလွစ်ထန်ႏလꩻဒွုမ် နံႏထိုးစော်ꩻထိုးဟောင်း? ကရိုꩻနဝ်ꩻ-&lt;ref&gt;နင်ꩻပြေႏချော်ꩻ&lt;/ref&gt;&lt;ref&gt;သီႏသဲင်ႏဝေင်ꩻ&lt;/ref&gt;</text>
      <sha1>f7i7ys2pu20vm5l4trghujs6od3v4ob</sha1>
    </revision>
  </page>
  <page>
    <title>ကေားသုင်ꩻသား အိုင်ကိုမ်ဒေါ့ꩻရီ:ခေတ်သစ်ပညာ</title>
    <ns>3</ns>
    <id>9553</id>
    <revision>
      <id>33517</id>
      <timestamp>2026-06-12T15:21:32Z</timestamp>
      <contributor>
        <username>Welcome-Bot</username>
        <id>210</id>
      </contributor>
      <comment>Welcome!</comment>
      <origin>33517</origin>
      <model>wikitext</model>
      <format>text/x-wiki</format>
      <text bytes="9381" sha1="52pp09m7xb4p3siutgygkxrzjg1n1yt" xml:space="preserve">== အဝ်ႏဝီခီပီးဒီးယားယို ဟွုန်ဟဝ်သꩻရေꩻ ကျိုႏဆွုမ်ႏဒျာႏဩ ခေတ်သစ်ပညာ ! ==

{| class=&quot;plainlinks&quot; cellspacing=&quot;0&quot; cellpadding=&quot;0&quot; style=&quot;margin:0 0 1em; width:100%;&quot;
| style=&quot;width:45%; vertical-align:top; border:1px solid #fad67d; background-color:#faf6ed;&quot; |
&lt;div style=&quot;border-bottom:1px solid #fad67d; background-color:#faecc8; padding:0.2em 0.5em; font-size:110%;&quot;&gt;[[File:Gnome-colors-alacarte.svg|21px|link=|]] '''ပထမအရန်း မိတ်ဆက်'''&lt;/div&gt;
&lt;div style=&quot;border-bottom:1px solid #fad67d; padding:0.4em 1em 0.3em;&quot;&gt;
ယံဟော်ꩻထွားရီးသွော့ [[Wikipedia:နိဒါန်း|ဝီခီပီးဒီးယား]] '''[[Wikipedia:Five pillars|တဖူꩻရဲဉ်ႏငတ်ꩻစွိုး]]''' တာႏ ဖေႏကျံႏဉာဏ်ႏဒျာႏသွူ။ မိဉ်ႏမာꩻသွူအကောက် ဒင်ႏထွူမတ်ပုံတဉ်နဝ်ꩻ '''[[စွဲးကမ်းကို:မိတ်ဆက်|မိတ်ဆက်]]''' တောမ်ႏ '''[[WP:FAQ|အဝ်ႏရီခွိုꩻဒါႏငဝ်းရီဖုံႏ]]'''နဝ်ꩻ အီႏထွာအီမွေး နာꩻအတာႏ အစွဲးအကမ်းနဝ်ꩻသွူ။ ဝွေꩻသီးဖုံႏယိုနဝ်ꩻ အအီႏခြုဲင်းနယ်ဖေႏ မွဉ်းဖျင်နယ်ꩻ၊ တဲမ်းပုင်ႏတဲမ်းနယ်ꩻ ဝီခီပီးဒီးယားကို တောမ်ႏ သေထွိုက်သေသင်ꩻ အခရာႏအလင်ဖုံႏနဝ်ꩻသွူ။ ဖေႏကနွို့စွဲးကမ်းကိုနွောင်ꩻ ဝီခီပီးဒီးယားနဝ်ꩻ ဒါႏလဲပ်ခါꩻဗာႏ အနယ်ꩻပညာႏဖုံႏလဲ့ တလိုႏတဝ်းသွူ။ နွို့ခွုမ်မာꩻကို ''[[WP:BOLD|ရုဲင်းရုဲင်းသွော့]]''ဩ။ မိဉ်ႏထွူ ''သွုပ်သမ်ႏဟဝ်ဟဝ်ရိုꩻသာꩻသွော့ လိုꩻလင်အလောင်းဩ''။ ယိုနဝ်ꩻ ထွာဒျာႏ ''[[w:wiki|ဝီခီ]]''တဲင် ယိုꩻမွေးငါႏနဝ်ꩻသွူ။
&lt;/div&gt;
&lt;div style=&quot;border-bottom:1px solid #fad67d; background-color:#faecc8; padding:0.2em 0.5em; font-size:110%;&quot;&gt;[[File:Help-browser.svg|21px|link=| ]] '''ထူႏစွဲးကမ်းကို'''&lt;/div&gt;
&lt;div style=&quot;padding:0.4em 1em 0.3em;&quot;&gt;
* မိဉ်ႏအဝ်ႏလိုႏ အကူႏညီႏစွဲးကမ်းကိုနဝ်ꩻ နွို့ရီရောင် အိုင်ကိုမ်နွောင်ꩻဒျာႏ ပအိုဝ်ႏဝီခီပီးဒီးယား [[ဝီခီပီးဒီးယား:Village pump|အိုင်ကိုမ်ခင်ႏလမ်းVillage pump]] ကို မွေးတဝ်းလဲ့ [[Facebook]] လောင်း ကအဝ်ႏဒါႏ [http://www.facebook.com/group/406204427603066?ref=share ပအိုဝ်ႏဝီခီစွုမ်ꩻစွိုꩻ] လိတ်မဲ့ငါကိုဖုံႏသွူ။
* အီႏထူႏသုင်ꩻစဗာႏဝီခီ နုဲင်းမုဲင်ꩻကရိုꩻနဝ်ꩻ ထွားသွော့ [[Wikipedia:Cheatsheet|မွဉ်းဖျင်နယ်ꩻ]] လိတ်မဲ့ငါကိုဩ။
* မိဉ်ႏမဲဉ်လွူꩻထွားစဲင်းထဲင်း မွဉ်းဖျင်ခရာႏအစဲင်းနဝ်ꩻ ဟော်ꩻထွားသွော့ [[Wikipedia:မွဉ်းဖျင်လိတ်မဲ့ငါဖုံႏ|လိတ်မဲ့ငါ]]ယိုဩ။
* ရီခရာႏမိဉ်ႏအဝ်ႏနဝ်ꩻ ရီနွောင်ꩻဒျာႏ [[WP:Q|ခင်ႏလမ်းယိုကို]]သွူ။
* နာꩻအနေႏ ဒေါ့ꩻရီအိုင်ကိုမ်သွုပ်နွောင်ꩻဒျာႏ [[WP:Administrators|ကေားရဲဉ်ꩻဖန်းဖြယ်သား(Admin)]]သီး တဖြာꩻဖြာꩻထျꩻ အိုင်ကိုမ်ချက်လိတ်မဲ့ငါကိုသွူ။
* ဒင်ႏသွင်ꩻသော့ꩻ ယူနီကိုဒ်ဖောင့် အယပ်ꩻခုဲင်ႏမိဉ်ႏအဝ်ႏနဝ်ꩻ ထွားသွော့ [https://unicodetoday.org/fonts/ ယိုကို]ဩ။
* အီႏသုင်ꩻဗာႏ ကီးဗိုတ်နုဲင်းမုဲင်ꩻ မိဉ်ႏသေတဝ်းနဝ်ꩻ ထွားသွော့ [https://unicodetoday.org/keyboards/ ယိုကို] ဩ။
&lt;/div&gt;
| style=&quot;padding:0 0.5em;&quot; |
| style=&quot;width:55%; vertical-align:top; border:1px solid #abd5f5; background-color:#f1f5fc;&quot; |
&lt;div style=&quot;border-bottom:1px solid #abd5f5; background-color:#d0e5f5; padding:0.2em 0.5em; font-size:110%;&quot;&gt;[[File:Gnome-applications-utilities.svg|21px|link=|]] '''ဟဝ်တောင်ꩻခရာႏ'''&lt;/div&gt;
&lt;div style=&quot;border-bottom:1px solid #abd5f5; padding:0.4em 1em 0.3em;&quot;&gt;
* မိဉ်ႏမဲဉ်စံꩻထွားစိမ်ꩻနဝ်ꩻ ထူႏသုင်ꩻအီ [[Wikipedia:Sandbox|Sandboxလိတ်မဲ့ငါယို]]တဲင် မာꩻစံꩻနွောင်ꩻဒျာႏ မွဉ်းဖျင်လိတ်မဲ့ငါဖုံႏသွူ။
* မိဉ်ႏမဲဉ်တဲမ်းသော့ꩻစ ရောမ်ဖြုဲင်ꩻတသာတဗာႏနဝ်ꩻ ဟော်ꩻထွားသွော့ [[WP:YFA|နာꩻအရီးသွတ်ꩻရောမ်ဖြုဲင်ꩻ]] လိတ်မဲ့ငါယိုဩ။
* အီႏဖန်ဖေႏ ရောမ်ဖြုဲင်ꩻတသာအမိဉ်ꩻတာႏ အယပ်ꩻခုဲင်ႏမိဉ်ႏအဝ်ႏနဝ်ꩻ ဟော်ꩻထွားသွော့ [[Wikipedia:ရောမ်ဖြုဲင်ꩻကတူႏစဲဉ်ႏဖုံႏ|လိတ်မဲ့ငါယို]]ဩ။
* [[Help:ဒင်ႏထင်ႏပုင်ႏနယ်ꩻ]]ကိုနဝ်ꩻ အဝ်ႏအွဉ်ႏနယ်ခါꩻဖေႏ ဒင်ႏပုင်ႏနယ်ꩻ၊ ထူႏသုင်ꩻသော့ꩻနယ်ꩻ ဖုံႏသွူ။
* [[Wikipedia:ထူႏသုင်ꩻပုင်ႏမူဝါဒ|ထူႏသုင်ꩻပုင်ႏ မူဝါဒ]] ယိုနဝ်ꩻ ပအိုဝ်ႏဝီခီပီးဒီးယားကို ပုင်ႏနုဲင်းမုဲင်ꩻနဝ်ꩻ ဒင်ႏသော့ꩻ သင်ꩻနဲ့သင်ꩻတဝ်းနဲ့ ဖေႏကဆုင်ꩻဖျတ်နွောင်ꩻတာႏ အီႏထွာအီအစွဲးကမ်းနဝ်ꩻသွူ။
* အိုင်ကိုမ်ချက်လိတ်မဲ့ငါကိုနဝ်ꩻ နျꩻသော့ꩻသွူ &amp;#126;&amp;#126;&amp;#126;&amp;#126; တဲင် တဲမ်းမုဲင်ဖေႏသွော့ နာꩻမိဉ်ꩻဩ။
* နာꩻအကောက်တာႏ [[Special:Preferences#mw-prefsection-gadgets|gadgets]] (custom features) ဖုံႏလဲ့ ထူႏသုင်ꩻနွောင်ꩻဒျာႏသွူ။
* [[wiktionary:my:Wiktionary:သတ်ပုံ|သတ်ပုံကျမ်ꩻ]]ကိုနဝ်ꩻ စဲစ်ထွားနွောင်ꩻဒျာႏ လိတ်ဖြုံႏ၊ သတ်ပုံသတ်နယ်ꩻဖုံႏသွူ။
&lt;/div&gt;
&lt;div style=&quot;border-bottom:1px solid #abd5f5; background-color:#d0e5f5; padding:0.2em 0.5em; font-size:110%;&quot;&gt;[[File:Tango Globe of Letters.svg|21px|link=| ]] '''Welcome!'''&lt;/div&gt;
&lt;div style=&quot;padding:0.4em 1em 0.3em;&quot;&gt;
[[File:Nice Cup of Tea.jpg|200px|right|အဝ်ႏဝီခီပီးဒီးယားယို ဟွုန်ဟဝ်သꩻရေꩻ ကျိုႏဆွုမ်ႏဒျာႏ ဗွေႏခွန်နာင်ꩻသီးသွူဩ။ နီဗွေႏသီး သꩻပါရာꩻ ကဏ္ဍကို နွို့ပါစွဲးကမ်း တဲမ်းသော့ꩻနွောင်ꩻဒျာႏ ရောမ်ဖြုဲင်ꩻဖုံႏသွူဩ။]] Welcome to '''Pa'O Wikipedia'''! I hope you enjoy improving and editing this [[ဝီခီပီးဒီးယား|Wikipedia]] project. These pages are especially useful for those who are literate in Pa'O.  However, even experienced Wikipedians who don't know any Pa'O have helped out with other things, such as updating images from Commons, so don't be afraid to improve the wiki any way you can!  Remember, someone else can always come later and fix any changes you make that are not perfect. Thank you.
&lt;/div&gt;
|}&lt;!-- Template:Welcome --&gt; --[[ကေားသုင်ꩻသား:Welcome-Bot|Welcome-Bot]] ([[ကေားသုင်ꩻသား အိုင်ကိုမ်ဒေါ့ꩻရီ:Welcome-Bot|အိုင်ကိုမ်]])  ၂၁:၅၁၊ ၁၂ ဇွန် ၂၀၂၆ (+0630)</text>
      <sha1>52pp09m7xb4p3siutgygkxrzjg1n1yt</sha1>
    </revision>
  </page>
  <page>
    <title>အဝ်ႏမိဉ်တဲမ်းတဲ့</title>
    <ns>0</ns>
    <id>9554</id>
    <revision>
      <id>33518</id>
      <timestamp>2026-06-13T02:09:39Z</timestamp>
      <contributor>
        <username>KhunMyoe</username>
        <id>34</id>
      </contributor>
      <comment>ဖန်ဆင်ꩻလဲဉ်းလိတ်မဲ့ငါ တောမ်ႏ &quot;နီပအိုဝ်ႏလိုꩻမျိုꩻဖုံႏအကို ဟန်ႏသနီꩻ ယိုခါခဲ့ꩻခဲ့ꩻ ဆရာႏတဲမ်းလိတ်သား ပနဲအာလွဉ်လဲဉ်း၊ အဆေ့ꩻအအာနဝ်ꩻ ထွားဆွုမ်ႏဗော့ꩻ လိတ်စောင်ႏကထန်ႏထွူထွူငါတဲ့ သေထ...&quot;</comment>
      <origin>33518</origin>
      <model>wikitext</model>
      <format>text/x-wiki</format>
      <text bytes="29483" sha1="guxdhd8i7r8gjeom2i17w6ypfwvkugq" xml:space="preserve">နီပအိုဝ်ႏလိုꩻမျိုꩻဖုံႏအကို ဟန်ႏသနီꩻ ယိုခါခဲ့ꩻခဲ့ꩻ ဆရာႏတဲမ်းလိတ်သား ပနဲအာလွဉ်လဲဉ်း၊ အဆေ့ꩻအအာနဝ်ꩻ ထွားဆွုမ်ႏဗော့ꩻ လိတ်စောင်ႏကထန်ႏထွူထွူငါတဲ့ သေထွꩻနွောင်ꩻဒျာႏ၊ &quot;တဲမ်းလိတ်&quot;ကရိုꩻနဝ်ꩻ ပုဂ္ဂလဓိဋ္ဌာန်ႏ၊ ဓမ္မဓိဋ္ဌာန်ႏ နီမျိုꩻအကို ကေားတဲမ်းသားဖုံႏ ရေႏရွယ်ႏချက် ထဲ့မဲဉ်ႏတနꩻသော့ꩻဗာႏ တမျိုꩻမျိုꩻဒျာႏရင်ꩻ၊ မိဉ်ႏထွာပုဂ္ဂလဓိဋ္ဌာန်ႏအနေႏနဝ်ꩻ ထွာဗာႏအဗွေႏမဲ့ငါ၊ ဂုဏ်ႏသိက္ခာႏဖုံႏတဲင် တဲမ်းတောက်ꩻတဲ့ꩻနေးသားတဲ့အဝ်ႏ၊ တဲမ်းတဖဲတ်တဖတ်နေးတဲ့ အဝ်ႏနဝ်ꩻသွူ။
ယိုနဝ်ꩻ ကမ်းဒျာႏကေားတဲမ်းသားဖုံႏ သဘော်ꩻအတွိုင်ꩻဒျာႏ၊ မိဉ်ႏထွာဓမ္မဓိဋ္ဌာန်ႏအနေႏနဝ်ꩻ တဲမ်းလွဉ်ꩻမဲဉ်ႏမဲဉ်ႏဗာႏ ဓမ္မအလိုႏတဲင် ပုဂ္ဂိုလ်ႏအဖြာꩻမုဲင်ꩻ/ အပါꩻမုဲင်ꩻတဲ့ သꩻရေꩻလွ၊ ကျွိုက်လွမွေးစွဉ်ႏ၊ ပုဂ္ဂိုလ်ႏကသိစ်ထိုꩻဒါႏ ဓမ္မတဖူꩻခြောင်ꩻသားဖုံႏယို ထွားဝွေꩻသီးမဲ့ငါခရာႏ တလိုႏဒွုမ်တဲင် အဗာႏသန်တောက်ꩻတဲ့ꩻ စွဉ်ႏတရွဉ်းခန်းဝွေꩻသီးတဲ့ယဝ်း ယူႏခရာႏတလိုႏတဝ်းသွူ။
ဆရာႏတဲမ်းလိတ်သားဖုံႏ ကတဲမ်းဒါႏလိတ်ဖုံႏအကိုနဝ်ꩻ ဖေႏပညာႏ၊ လꩻအီသတိꩻ၊ ထောက်နယ်အမာႏ၊ အံႏဖြာႏထူႏဂုဏ်ႏအဟဝ် ရေႏရွယ်ႏချက် အဝ်ႏလွဒျာႏပငါပရာꩻ၊ ကတဲမ်းဒါႏ မွဉ်းဖျင်ရေꩻသားဖုံႏနဝ်ꩻတဲ့ သꩻအာႏတလာ အမွဉ်းဖျင်ဖဲ့ꩻတဲင် တဲမ်းလွမွဉ်းဖျင်ရေꩻ၊ ထွာဒျာႏခမ်းထီတာႏ၊ လိုꩻမျိုꩻတာႏဒျာႏကွေႏကွေႏရိုꩻလဲ့ အယံစားပါ၊ တယံတဝ်းစားတဲ့ အဝ်ႏပါဒျာႏရင်ꩻရင်ꩻနဝ်ꩻသွူ။
ကအဝ်ႏလိုႏဗဲ့ꩻထန်ႏထိုꩻချာစားတဲ့ အဝ်ႏ၊ အဝ်ႏလိုႏထဲမ်သော့ꩻသမ်းတဲ့အဝ်ႏ၊ အကျောင်ꩻအခရာႏ လဲင်ꩻစွုမ်ႏနေးစွဉ်ႏဒျာႏ၊ မိဉ်ႏဒေါ့ꩻဗာႏငဝ်းလို့တဲ့ တဲမ်းလိတ်သားဖုံႏနဝ်ꩻ ကဲဉ်းအာအာ ထွာသွဉ်နမ်းသားတဲင် ပေါႏလွိုဆရာႏသီးကလောင်တန်၊ ကလောင်ထင်သားဖုံႏနဝ်ꩻ အရသာႏဗွေဗိက်စွဉ်ႏ စွုမ်ႏဖြာꩻ/စွုမ်ႏပါꩻတဲ့ တရိုꩻနွောင်ꩻတဝ်းနေနေသွူ။
ကေားတဲမ်းသားဖုံႏ ရေႏရွယ်ႏစွဉ်ႏနုဲင်းမုဲင်ꩻမုဲင်ꩻတဲ့ယဝ်း တဲမ်းတွမ်ႏအပုံႏစံႏ နုဲင်းမုဲင်ꩻမုဲင်ꩻတယဝ်း တွိုႏအနာလွို အချုက်သူꩻနဝ်ꩻ သဲင်ꩻတနꩻသော့ꩻ၊ ထဲ့မဲဉ်ႏသော့ꩻချာယင်းဒျာႏ &quot;လိုꩻမျိုꩻတိုꩻတက် ထင်ႏထိုတသွောင်း၊ လိုꩻအထီအသွီႏဗွေ&quot;ကရိုꩻနဝ်ꩻ တဲမ်းလိတ်သားယို သဘော်ꩻအဝ်ႏနုဲင်းနဝ်ꩻ၊ ကေားကတဲမ်းဒါႏ မွဉ်းဖျင်ရေꩻတာႏ ဖေႏပညာႏသားဖုံႏ ကတဲမ်းထွူထွူလဲဉ်းတဲ့နဝ်ꩻ၊ အဝ်ႏတဲမ်းတွင်ꩻဖုံႏတဲ့နဝ်ꩻ အဗွေအစွုမ်ႏလဲဉ်း တအဲဉ်ထဝ်းဒျာႏရင်ꩻရင်ꩻသွူ။
အဝ်ႏလိုႏအာထဲင်းကဒွိုန်း မရေႏမရာႏ၊ တဲမ်းဒင်ႏပျꩻနယ်ဒျာႏ စွိုးခွိုꩻအတာႏ အကျိုꩻအဝ်ႏဒျာႏ ပငါပရာꩻတဲင် သေဗာႏ၊ လꩻဗာႏသတိꩻ၊ ပညာႏဗဟုသုတ အာတန်၊ ပွိုင်းဝွို့တွမ်ႏ စွိုးခွိုꩻအတာႏ အဝ်ႏမိဉ်တဲမ်းသွူတဲ့ ကွပ်အကျောင်ꩻအစွိုးစွိုး၊ ပွိုးအမျိုꩻမျိုꩻတဲင် တတဲမ်းထွာတဝ်းလိတ်မျိုꩻစားနဝ်ꩻတဲ့ ပအိုဝ်ႏလိတ်လုဲင်ꩻလောက ဟန်ႏသနီꩻ အဝ်ႏလိုႏတဲမ်းထဲင်းယင်း အဝ်ႏအာနေကဒွိုန်းသွူ။
တဲမ်းလိတ်သားယို ကထောင်ထွား လွူꩻဗာႏသမျနဝ်ꩻ ထီႏထွꩻနုဲင်းနဝ်ꩻ၊ ဟော်ꩻလိတ်သားဖုံႏ တွမ်ႏကတဲမ်းလိတ်သား ဆရာႏပေႏသီးဖုံႏ သဘော်ꩻမိဉ်ႏတလꩻတဝ်းတဲ့ စင်းမာꩻတဝ်း၊ တဲမ်းလိတ်သားယို ကတဲမ်းလွဉ်လိတ် ဗꩻဟန်ႏနီꩻယိုခါ မိဉ်ႏတွက်ချာနေးအနေင်ႏနဝ်ꩻ စငါအဝ်ႏကွို့ꩻဒျာႏ နီသိုမ်လိစ်ꩻနေင်ႏလွုမ်ꩻနဝ်ꩻမꩻ တဲမ်းလိတ်သက်တန်ꩻ ဆေ့ꩻငါႏက မရေႏမရာႏ၊ မိဉ်ခေးပြဲင်ႏ ဆရာႏတဲမ်းလိတ်ယံသီး တမွေးတဝ်းသွူ။
ဗိုန်နုဲင်းတဲမ်းလိတ်သား ကရိုꩻအွိုးအစ နုဲင်းချာနဝ်ꩻအတွိုင်ꩻ တဖူꩻသွတ်ꩻလွေꩻဒျာႏ စွိုးခွိုꩻမျိုꩻတာႏကွေႏကွေႏနဝ်ꩻမꩻ ထောက်နယ်ခရာႏ၊ ယီးနယ်ခရာႏ လဲင်ꩻတလိုႏဒွုမ်၊ နမ်းထာꩻမာꩻ၊ နမ်းနွောင်ꩻရာꩻ ကျိုꩻစာꩻဖြာꩻဖဲ့ꩻဖဲ့ꩻ၊ ဖြာꩻခဝ်ခဝ်မꩻ အခရာႏဗွေစွုမ်ႏသော့ꩻလꩻ လိတ်စောင်ႏလောင်းကီသူꩻ၊ တဲမ်းဒါႏထွူသား ဆရာႏတဲမ်းလိတ်သားဖုံႏတဲ့နဝ်ꩻ၊ သွဉ်တဲမ်းစဆရာႏပေႏဖုံႏတဲ့နဝ်ꩻ ရေႏရွယ်ႏဒျာႏ လိုꩻမျိုꩻထဲ့ဖွိုႏလင်ꩻ၊ တငွို့တငွဉ်ႏလင်ꩻ တပါတဝ်းတဖြာꩻဖြာꩻ/တပါꩻပါꩻနဝ်ꩻသွူ။
မိဉ်ႏတယွုမ်းတဝ်းတဲ့ လယ်ႏရီစမ်ꩻ ဆရာႏတဲမ်းလိတ်သားဖုံႏသူꩻ၊ တဲမ်းလိတ်သားယို ကတဲမ်းထွူထွူလိတ်အကို ကဲဉ်းအာအာ ထွာဒျာႏမွဉ်းဖျင်ရေꩻ၊ ဥပမာႏ- ဒဲဉ်သီႏလက်ဆောင်ႏ အမုဲင်(၂၇)ကို &quot;တာႏဝွန်ႏအဝ်ႏစွုမ်ႏဖြာꩻ&quot;ရောမ်ဖြုဲင်ꩻတွမ်ႏ အမုဲင်(၂၈)ကို &quot;ဘဝတာႏဝွန်ႏ ယံကေႏပွန်ႏသွော့&quot;ရောမ်ဖြုဲင်ꩻဖုံႏနဝ်ꩻ ဟော်ꩻလိတ်သားဖုံႏ ရဟော်ꩻထွားဗာႏဖိုလဲဉ်းဒျာႏ တဲမ်းလိတ်သား ယူႏနုဲင်းနဝ်ꩻသွူ။
လိုꩻတဖြာꩻ လိုꩻတာႏဝွန်ႏအဝ်ႏနုဲင်းမုဲင်ꩻ? ထွာလိုꩻ (ပအိုဝ်ႏ)တဖြာꩻ လိုႏအုံအဝ်ႏဗာႏနုဲင်းမုဲင်ꩻ? စတဲင်ဘဝတိုꩻတက်၊ ထိုတသွောင်းအီတာႏ ဖေႏကလꩻပညာႏနဝ်ꩻ အဝ်ႏကျိုꩻစာꩻတဲမ်းနေနေ (အိုပ်ꩻနမ်းဖြွꩻဗဲ့ꩻမွေးတဝ်း)၊ ကေားတဲမ်းလိတ်သားယို ကမိဉ်တဲမ်းသွုပ်ယင်းနဝ်ꩻ လိုꩻလမ်းလိုꩻကျောင်ꩻသီးတာႏဝွန်ႏ၊ ဆရာႏတကာႏတာႏဝွန်ႏ-စတဲင် တာႏဝွန်ႏအမျိုꩻမျိုꩻ ဗိုန်နုဲင်းသိင်္ဂါလောဝါဒသုတ်အကိုအတွိုင်ꩻ တာႏဝွန်ႏတမျိုꩻတမျိုꩻစီႏ ဖေႏအခရာႏကယိင်းစဲင်းစဲင်း တဲမ်းသော့ꩻပါ အပင်အလာႏတွော့ꩻ အဝ်ႏမိဉ်တဲမ်းသွုပ်ငါႏနဝ်ꩻပေႏသွူ။
ကွဲႏတွော့ꩻ- လိတ်နဝ်ꩻ တဲမ်းတွိုင်ꩻသမ်းတထွာတဝ်း၊ &quot;အဝ်ႏမိဉ်တဲမ်းတဲ့ တတဲမ်းထွာတဝ်းနဝ်ꩻ ကွပ်အကျောင်ꩻအစွိုးစွိုး၊ ပွိုးအမျိုꩻမျိုꩻ&quot;ရိုꩻဗော့ꩻနုဲင်းနဝ်ꩻငါ ဟော်ꩻလိတ်သား ချင်းခေႏစမ်ꩻဒျာႏသွော့၊ မိဉ်ႏတဲမ်းမွေးနဝ်ꩻ အီႏခွေါင်းအာဝင်ꩻဒျာႏရင်ꩻ၊ ထာꩻမာꩻတွမ်ႏတာႏဝွန်ႏဖုံႏနဝ်ꩻ အဝ်ႏတွယ်ꩻလို့ဝင်ꩻတဲင် ဟဝ်မာꩻ၊ လိုႏမာꩻ၊ တဟဝ်မာꩻတဝ်း၊ တလိုႏမာꩻတဝ်း-စတဲင် သမ်းအီႏဆုဲင်းလီဗာႏတဲင် အခရာႏထန်ႏလော်လယ်ဒါႏထာꩻသွူ။
နီပအိုဝ်ႏခေတ်ဟန်ႏသနီꩻယိုခါ အအုံအဝ်ႏ၊ အဒေါ့ꩻဖြဝ်ႏဖုံႏနဝ်ꩻ ခေတ်ကာႏလ အခေႏအနေႏအလꩻ အဝ်ႏလုဲင်ႏပြောင်ꩻလွဉ်လဲဉ်း လဲင်ႏစိꩻစိꩻနဝ်ꩻ ဟော်ꩻလိတ်သား အွဉ်ႏသတိꩻထွားစမ်ꩻသွော့၊ စခါ လိတ်ပပ်ကို ဝင်ꩻကတဲမ်းခါꩻဒါႏ လိတ်ဖုံႏနဝ်ꩻ ယိုခါ ထွာနီထာꩻအာႏကွိုꩻ၊ ထာꩻအုံနောင်၊ ဗိုန်နုဲင်းနဝ်ꩻနေနေ ဟန်ႏသနီꩻယိုခါ နီကတဲမ်းသေꩻခါꩻဒါႏ လိတ်စောင်ႏယို မွူးရဝ်ꩻတရူꩻ ထွာအီဒါႏ ဝင်ꩻလိုꩻဆုဲင်ꩻသား ထာꩻအာႏကွိုꩻသွူ။
နဝ်ꩻမꩻ ဆုဲင်ꩻဆုဲင်ꩻခေတ်တသာ အနာႏဂတ်ပအိုဝ်ႏပေႏသီးအတွက် ကလဲဉ်းဗော့ꩻနီမဲ့ဆꩻငါ တဲႏစမွိုးစိုးဖါပန် ဗꩻယိုခါ နီပအိုဝ်ႏအတွက် ခွိုꩻရက်အာႏဇာႏနီႏပုဂ္ဂိုလ်ႏ အကျောင်ꩻခရာႏတရိုꩻတဝ်း၊ အဆေ့ꩻသွတ်ꩻနဝ်ꩻ ယိုခါခါ နီပအိုဝ်ႏအရန်း၊ အုံအဝ်ႏ ခွုမ်မာꩻထုံꩻစံႏဖုံႏယိုနဝ်ꩻ ထွာနီတာႏဝွန်ႏတဲင် ထွူတွူႏတွုမ်တွုမ် သဘော်ꩻဗွောင်တွော့ꩻ ကထီႏရာꩻ၊ ကဟွုန်ရာꩻ၊ ကသေရာꩻ လိုႏဒင်ႏသေꩻခါꩻ လိတ်စောင်ႏကို၊ နဝ်ꩻမꩻ ပစ္စုပ္ပန်ႏ ခေတ်ဟန်ႏနီꩻ ပအိုဝ်ႏအဟေ့ꩻအယောင်ꩻယို ဆုဲင်ꩻချာဝင်ꩻသေအီသွူ။
သွူတကာႏတဝ်း အနာႏဂတ်ပအိုဝ်ႏပေႏ ခွိုꩻရက်တသာသီးတာႏ ထွာအီထာꩻအာႏကွိုꩻ၊ အုနောင်ခရာႏ သမဲင်ꩻခွေါင်ခံႏတမျိုꩻ တဲမ်းလိတ်သား သဘော်ꩻဗွောင်နုဲင်းနဝ်ꩻ၊ လိုꩻကသေတာႏဝွန်ႏသားနဝ်ꩻ တာႏဝွန်ႏအဝ်ႏ၊ သေအတွိုင်ꩻ တာႏဝွန်ႏကေႏကေႏလိုႏမာꩻ၊ တာႏဝွန်ႏမိဉ်ႏကေႏနဝ်ꩻမꩻ အီႏလꩻနွောင်ꩻအီ အခွင်ꩻအရေꩻ၊ လိုꩻမျိုꩻတိုꩻတက်/ တတိုꩻတက်တဝ်းနဝ်ꩻ အထျꩻအဝ်ႏဒင်ႏ ထိင်ꩻသိမ်ꩻလေက်လုဲင်ꩻတွမ်ႏ တထိင်ꩻသိမ်ꩻတဝ်းလိတ်လုဲင်ꩻရေꩻအလောင်းနဝ်ꩻလွုမ်ꩻသွူ။
နဝ်ꩻမꩻ တဲႏယိုမာꩻငါ သတင်ꩻအမွေးအမဲဉ်ႏအတွိုင်ꩻတရိုꩻတဝ်း၊ မွေးတဝ်းတဲ့ ထာꩻမာꩻအောင်ႏမျင်ႏမုꩻ၊ ထဲ့သွုမ်ꩻမုꩻစတဲင် ကုဲင်ကုဲင်ဟဝ်ဟဝ် ကားကအဝ်ႏ အဝ်ႏအဝ်ႏအတွိုင်ꩻ၊ ထွာထွာအတွိုင်ꩻ လိုႏတဲမ်းသေꩻလွဉ်းလွဉ်း၊ လိတ်စောင်ႏကိုသူꩻနဝ်ꩻအ ဟဝ်အကုဲင်ပါဗာႏ၊ အကျောင်ꩻခရာႏစွုမ်ႏဗာႏ၊ &quot;ထာꩻတဟဝ်တဝ်း အကျောင်ꩻခရာႏတန်နဝ်ꩻ တဲမ်းနယ်ဝင်ꩻ အကျိုꩻစောင်းမꩻအဝ်ႏနဲ့?&quot; တွမ်ႏယူႏမွုန်းတဝ်းနုဲင်းနဝ်ꩻ၊ လိုႏတဲမ်းတိက်ꩻတိက်ꩻသွူ။(ငမ်းဒျာႏဝင်ꩻတသော့ဖေႏတဝ်းလွုမ်ꩻ)။
မဲ့ꩻဟော်ꩻလိတ်သားဖုံႏ ထူႏဒျာႏပညာႏ ပငါပရာꩻ၊ အဟဝ်ဖဲ့ꩻနဝ်ꩻ မဲ့ꩻဝင်ꩻလွောက်ꩻနာႏ၊ မာႏဖဲ့ꩻနဝ်ꩻ သေခါꩻဗာႏတဲင် နီတဲ့ &quot;ဖေႏကမာႏဗာႏမွုန်းနုဲင်းယို&quot; လဲ့ꩻဖုဲင်းထိုꩻ၊ သျောင်ႏထိုꩻလ၊အီတွော့ꩻ အမာႏအကုဲင် အကျောင်ꩻခရာႏနဝ်ꩻ ထွာဒျာႏလꩻအီအကျိုꩻနေနေကရို၊ နုဲင်းမန်းသီးလိတ်သမဲင်ꩻကို တရိုꩻတဝ်း၊ ခေတ်ယိုခါ လိတ်စောင်ႏအမျိုꩻမျိုꩻ တရိုꩻတဝ်း အဟဝ်အကုဲင် အဝ်ႏပါကွေႏကွေႏသွူ။ (အိုပ်ꩻခေါ်[[မန်း]]လိတ်မွေးတဝ်း)။
နွုတ်ꩻနီꩻတလဲင်ႏ ဝင်ꩻထေ (မှုခင်း)ဂျာနယ်ကိုသူꩻ မာꩻသီလို့ဝင်ꩻ၊ တခွန်ꩻဝင်ꩻတခြိုꩻ၊ ပဲစ်မာႏဝင်ꩻပိုမာ/ပိုဝါꩻ၊ အံႏလိင်ႏအံႏလဲဉ်ထာꩻ-စစွဉ်ႏ ဒုစရဲက်မျိုꩻဖုံႏ ဝင်ꩻအဝ်ႏထေတသေႏသေႏဒျာႏ၊ တင်ꩻကထေနဝ်ꩻ ဖေႏအာႏအီ မာꩻသီဝင်ꩻ-စတဲင်နုဲင်းနဝ်ꩻတာႏ မွေးတဝ်း၊ ဖေႏသတိꩻ ဖေႏပညာႏ ထာꩻသေတာႏဒျာႏ၊ လိတ်စောင်ႏနဝ်ꩻတမျိုꩻနဝ်ꩻ ထွာဒျာႏ အကုဲင်ခရာႏခြေင်ခြေင်၊ ကွဲႏတွော့ꩻ ကေားတဲမ်းသားဖုံႏနဝ်ꩻ တရေႏတဝ်းအကုဲင်သွူ။
အဝ်ႏအကုဲင် ဖေႏကလွစ်ထန်ႏလꩻနွောင်ꩻ အဟဝ်ကို၊ ယိုနဝ်ꩻ လိုꩻသီးသဘာဝဒျာႏရင်ꩻရင်ꩻ၊ အဝ်ႏဒေါ့ꩻ၊ အဝ်ႏသွဉ်၊ အဝ်ႏသေသေသွူ အဟဝ်အကုဲင်တဲ့ ကွပ်တထိင်ꩻနွောင်ꩻတဝ်း သꩻဖုံႏနဝ်ꩻမꩻ မော့ꩻဗာႏထာꩻဒုက္ခ၊ ထာꩻယပ်ꩻ၊ အဝ်ႏဃံသော့ꩻဗာႏ ပသီႏရွောင်(ထောင်ႏ)ဖုံႏ၊ ထွိုင်ႏလꩻနောင်ႏတမꩻ ကွဲထွာလွဉ်ယင်း လိုꩻဟဝ်ဖုံႏစားနဝ်ꩻတဲ့ တဆေ့ꩻတဝ်း၊ မိဉ်လꩻနဝ်ꩻတဲးတဲ့ မိဉ်လꩻအယံစားခြေင်ခြေင်၊ ကထွိုင်ႏမာꩻနဝ်ꩻ ထွာတေားဒျာႏ အကုဲင်ကဲဉ်းအာအာနဝ်ꩻ နီလိုꩻသီးသဘာဝဒျာႏသွူ။ (အန္ဓဗာလပုထုဇဉ်ႏသီးလွုမ်ꩻ)။
မိဉ်ႏဆွမ်ꩻချာယင်း ငဝ်းအစတဲ့ ခွေသွဉ်းကမိဉ်တဲမ်းဒါႏ လိတ်မျိုꩻနဝ်ꩻ သမ်းမိဉ်တဲမ်း၊ မိဉ်တဲမ်းသွူတဲ့ သမ်းရဝွို့အာငါႏဝင်ꩻအလောင်း၊ သွူတကာႏတဝ်း သမ်းငမ်းဝင်ꩻသော့ꩻဖေႏတဝ်း လိတ်စောင်ႏကိုတဖဲ့ꩻ၊ ကွပ်ပွိုးသꩻရွူႏရုဲင်းထာꩻနဝ်ꩻတဲ့ပါပါ၊ တဲမ်းလိတ်သား သွꩻပေႏဖုံႏ ဟော်ꩻထွားဆွုမ်ႏဗာႏ တဲမ်းလိတ်သားရောမ်ဖြုဲင်ꩻနဝ်ꩻ အထူႏဂုဏ်ႏမွေးဒျာႏမကောင်? ကိဉ်းအိုပ်ꩻသဲင်တခြစ်ꩻဒျာႏ တဲမ်းလိတ်သားမကောင်? သေတဝ်း။
&quot;တဲမ်းဟုဲင်းဆရာႏ&quot;တဲ့၊ ဟဲ့ꩻဆရာႏလွခန်း တဲမ်းလိတ်သားနုဲင်းနဝ်ꩻဖုံႏတဲ့ အဝ်ႏ၊ ဖေႏအာႏလွခန်းနုဲင်းနဝ်ꩻ၊ နဝ်ꩻမꩻ တဲမ်းလိတ်သားတဲ့ &quot;ဟဲ့ꩻဆရာႏမွုန်းခွေသွဉ်း၊ ခွေသွဉ်းနဝ်ꩻ ဆရာႏတမွေးတဝ်း၊ တပဲ့ꩻအရန်းလေႏကွို့ꩻလွုမ်ꩻ၊ 'ဆရာႏတဲမ်းလိတ်'ကရိုꩻနဝ်ꩻ ဝင်ꩻတဲမ်းဒျာႏကျမ်ꩻစောင်ႏ အတန်စား၊ တစောင်ႏလို့လို့နဝ်ꩻ ဝင်ꩻတဲမ်းဒျာႏတပါꩻ/ ဖြာꩻစားလွုမ်ꩻ၊ မွေးတဝ်းတဲ့ ကလောင်ထင်ထင်စားနဝ်ꩻမꩻ ဝင်ꩻဟဲ့ꩻဆရာႏတဲမ်းလိတ်&quot;ခြုဲင်းနယ်ချာဗာႏနုဲင်းနဝ်ꩻမꩻ ဝွေꩻသီးသဘော်ꩻကွဲးဖြောင်သွူ။
တဲမ်းလိတ်သားတဲ့ ခြုဲင်းနယ်ပါစွဉ်ႏ တဲမ်းပုံႏတဲ၎်းနယ်ꩻ၊ ဖေႏအာႏဒျာႏ &quot;တဲမ်းဟုဲင်း၊ သွꩻသီးမိဉ်ႏတဲမ်းတဲ့ အဝ်ႏလꩻဒျာႏနေနေ၊ တဲမ်းလိတ်ပအိုဝ်ႏတဲ့ အဝ်ႏဒါႏ၊ ပေါႏတဗားတယောင်ႏတဝ်းနဝ်ꩻ ထွာနွောင်ꩻဆရာႏတဲမ်းလိတ်သားကွေႏကွေႏ&quot;ဖေႏအာႏပါနုဲင်းနဝ်ꩻ၊ တဲမ်းလိတ်သားယို ကယူႏလꩻနဝ်ꩻ &quot;သဲင်ꩻထွာနုဲင်းနုဲင်းလဲဉ်းဝင်ꩻ လိုꩻတဖြာꩻယိုနဝ်ꩻ သဲင်ꩻထွာဘဝဇာတ်ဆရာႏတဲင် ဝင်ꩻတာႏနဝ်ꩻ တရိုꩻတဝ်းတဲ့ လမ်းတာႏ၊ နမ်းတာႏ၊ ကျောင်ꩻကန်ႏ၊ ဒုံဆောင်ႏတာႏ&quot;ကရိုꩻနဝ်ꩻ ဝွေꩻအဝ်ႏရုဲင်ꩻတသွိုးဗာႏရင်ꩻသွူ။
စွုမ်ႏနီꩻစွုမ်ႏဟာ ဝင်ꩻလင်ထွဉ်မꩻတဲ့နဝ်ꩻ၊ ဝင်ꩻတထွဉ်ႏတဝ်းတဲ့နဝ်ꩻ ဟို့ꩻပေႏတထာအတာႏ အဝ်ႏထိုမ်ႏဖေႏဗာႏ အဆာႏအာဟာႏရဖုံႏ၊ တနယ်ꩻ- နမ်းမော့ꩻခွဲးဗာႏ ကကျုံႏဗာႏယို တွမ်ႏနီကထွားဗာႏလိတ်စောင်ႏကို ဗဟုသုတအမျိုꩻမျိုꩻ ပေါင်ꩻစပ်လို့ဝင်ꩻတွော့ꩻ ခြပ်ချော်ꩻပြေပြေ၊ အွဉ်ႏတလောႏမိဉ်ႏဒါႏနဝ်ꩻ ထွာလꩻနွောင်ꩻထဲင်းစွဉ်ႏ ဝတ္ထုယံတပုဒ်နဝ်ꩻသွူ။
အချုက်နဝ်ꩻ ဘဝအလောင်း ကလꩻလွဉ်ဒါႏ ထာꩻသေတွမ်ႏ ကသွဉ်ကဟော်ꩻဗာႏ ပညာႏထာꩻသေယို တဲမ်းထန်ႏသော့ꩻလိတ်စောင်ႏကိုတဲင် အမျာꩻလိုꩻအာ ဟဲ့ꩻရောင် &quot;ဆရာႏတဲမ်းလိတ်&quot;တဲ့၊ အမဲဉ်ႏတဗာႏနဝ်ꩻ ကေားကဟဲ့ꩻရောင်သား အမျာꩻဖုံႏနဝ်ꩻတဲ့ ထွာဒျာႏဆရာႏတဲမ်းလိတ်သာနေနေ၊ ကွဲႏတွော့ꩻ- လိုꩻတွိုင်ꩻ ဘဝအတာႏ အဝ်ႏရုဲင်ꩻတသွိုးလွဗာႏ စွုမ်ႏနီꩻလဲ့ တွိုႏလိတ်နဝ်ꩻ တနီꩻတရဲဉ်ႏ နီတဲမ်းခါꩻနွောင်ꩻကြွို့ꩻတဝ်းသွူ။
တနီꩻတနီꩻအကို မိဉ်ႏတဲမ်းထွာဗာႏခန်းစိင်ႏစွော့တဲ့ အဝ်ႏကွို့ꩻအနားရီႏပဲင်ꩻနေးလွုမ်ꩻ၊ အဝ်ႏကုဲင်အခိင်ႏလင်ဖုံႏနဝ်ꩻ ထွာဒျာႏ၊ ရိုꩻဒျာႏ &quot;ဖုဲင်ႏတဝ်း၊ အဝ်ႏလိုႏလွေꩻသဲင်ꩻ၊ ကွဉ်ကꩻ၊ အံႏအွꩻ၊ ဗေင်ႏ၊ ထွိုင်ႏ&quot;စတဲင်အဝ်ႏလိုႏမာꩻဖေႏဗာႏဒျာႏ နမ်းခန္ဓာႏကိစ္စနဝ်ꩻမꩻ ရိုꩻလွတဲမ်းဖုဲင်ႏတဝ်း၊ ဖုဲင်ႏတဝ်းမွေးတဝ်း တဲမ်းထွာတဝ်းနုဲင်းနဝ်ꩻဒျာႏ၊ လိုꩻကသီငါထိုꩻရီးလဲဉ်းသူꩻ အဖုဲင်ႏငါႏတွော့ꩻ၊ အဝ်ႏခြေင်ထာꩻတွော့ꩻ အသီလွေꩻနဲ့? ရီစမ်ꩻမွိုင်။
အဝ်ႏသျုက်အဝ်ႏတရေင်ရေင်တွင်ꩻ သီထိုꩻငါဗာႏ စွုမ်ႏဖြာꩻဖြာꩻ၊ ကွပ်နဝ်ꩻမꩻ သဲင်ꩻအုံဆောင်းဗာႏ လိုꩻဘဝကိုတဆင်ႏတွင်ꩻ အီႏအဝ်ႏခြေင်ထာꩻနဝ်ꩻ တအဲဉ်ထဝ်းရင်ꩻ၊ (လိုꩻချမ်ꩻသာႏသားပါတဝ်း)၊ အဝ်ႏသျုက်အဝ်ႏတရေင်တဲ့ လောႏရိမ်၊ လောႏထူႏဗာႏအခါႏခြေင်ဖုံႏနဝ်ꩻမꩻ တဲမ်းထွာဗာႏ၊ ဟော်ꩻထွာဗာႏ၊ လူႏတန်ꩻထွာဗာႏ၊ အုံထွာဗာႏဖုံႏနဝ်ꩻသွူ။
အရေꩻတန်ငါႏနဝ်ꩻ နီ[[ပအိုဝ်ႏ]]ခေတ်ဟန်ႏနီꩻသားဖုံႏ သမဲင်ꩻအမွဉ် ခွေါင်ခွေါင်ခံႏခံႏအဲဉ်ထဝ်းတွော့ꩻ နီတနွို့တွူဖါႏနွောင်ꩻသော့ꩻတဝ်း လိုꩻမျိုꩻလောင်ႏလင်ခါႏတဲ့ နီလိုꩻမျိုꩻနီခွိုꩻနွယ်ႏနဝ်ꩻ အဝ်ႏတွမ်ႏလိုꩻမျိုꩻဂုဏ်ႏ၊ အင်္ဂါႏလက္ခဏာႏ ဗွေဗွေဗိက်ဗိက်တန်၊ ကလဲဉ်းခိုႏချာ မဟာမစာႏ နီသမဲင်ꩻအရွီးအခိုႏ အထွာအကုဲင်နဝ်ꩻ အဝ်ႏဒျာႏငါႏသွူတဲ့ သမ်းတောင်ꩻအီနေးဒျာႏ [[သမဲင်ꩻ]]ဖြောင်းတဲင် ကထွာဒါႏ အပိုအလီꩻစိုး နုဲင်းနီယိုခါနဝ်ꩻ အီႏလယ်ႏရီချာဗာႏ လိုꩻဖြားအဖြာꩻမုဲင်ꩻ? တသူႏသေတဝ်းသွူ။
သမဲင်ꩻခြုဲင်းနေးတယဝ်း မော့ꩻခွဲးကျုံႏရာꩻ အဖဲ့ꩻဖဲ့ꩻအခဝ်ခဝ် ဖေႏကတွိုႏသော့ꩻဒင်ႏ လိတ်စောင်ႏလောင်းကီနဝ်ꩻ လိုႏကျိုꩻစာꩻလွဝင်ꩻ ပငါပရာꩻ၊ မိဉ်ႏမာꩻဒျာႏနုဲင်းနဝ်ꩻမꩻ ယိင်းခွေါင်ခံႏ၊ အရသာႏတဲ့ ယိင်းထွူႏထွူႏ၊ အထျꩻအနာ တစွုမ်ႏတဝ်းလဲ့ လိုႏရီရွောင်သမ်းမုဲင်ꩻကိုလဲ့ ရီသမ်းယင်း၊ မိဉ်ႏမာꩻသေꩻနုဲင်းနဝ်ꩻနဝ်ꩻ တနီꩻခါ နီပိုနီလီꩻစိုးခိင်ႏသူꩻ ခံႏဗာႏတဝ်ဒွုမ် မဲ့ငါပေႏ နုဲင်းနီယိုခါကရိုꩻနဝ်ꩻ-&lt;ref&gt;မျိုꩻစဲစ်ခွန်(နဝ်)&lt;/ref&gt;&lt;ref&gt;သထုံႏပေႏ&lt;/ref&gt;
တွမ်ႏသꩻစေႏတနာႏ ရက်[[လိတ်လုဲင်ꩻ]] သမဲင်ꩻတဲင်-</text>
      <sha1>guxdhd8i7r8gjeom2i17w6ypfwvkugq</sha1>
    </revision>
  </page>
  <page>
    <title>ဆေ့ရေးအထုံꩻ လိုႏထူႏသုံꩻ</title>
    <ns>0</ns>
    <id>9555</id>
    <revision>
      <id>33519</id>
      <timestamp>2026-06-13T03:01:57Z</timestamp>
      <contributor>
        <username>KhunMyoe</username>
        <id>34</id>
      </contributor>
      <comment>ဖန်ဆင်ꩻလဲဉ်းလိတ်မဲ့ငါ တောမ်ႏ &quot;ဟော်ꩻလိတ်သားဖုံႏအတာႏ မိဉ်တဲမ်းနယ်စမ်ꩻငါႏ ဆေ့ရေးရေꩻအကျောင်ꩻ တစိꩻပေႏ၊ တဲမ်းလိတ်သား အဝ်ႏသွဉ်လိတ်အတွင်ꩻ သွꩻပေႏအသောင်အရင်ꩻခါႏ လိုꩻမျိုꩻလင်အဝ်ႏဒေါ့...&quot;</comment>
      <origin>33519</origin>
      <model>wikitext</model>
      <format>text/x-wiki</format>
      <text bytes="22771" sha1="f3d2whf4fcz2mem5xggp96gpzin9lws" xml:space="preserve">ဟော်ꩻလိတ်သားဖုံႏအတာႏ မိဉ်တဲမ်းနယ်စမ်ꩻငါႏ ဆေ့ရေးရေꩻအကျောင်ꩻ တစိꩻပေႏ၊ တဲမ်းလိတ်သား အဝ်ႏသွဉ်လိတ်အတွင်ꩻ သွꩻပေႏအသောင်အရင်ꩻခါႏ လိုꩻမျိုꩻလင်အဝ်ႏဒေါ့ꩻစောပ်ꩻအီ နီသွဉ်းသီးပအိုဝ်ႏလိုꩻမျိုꩻ ငဝ်းအဝ်ႏတငွါ၊ အရိုꩻ &quot;[[ပအိုဝ်ႏ]]နဝ်ꩻ ထာꩻအံႏတန်&quot;တဲ့၊ နဝ်ꩻမꩻ ထာꩻအံႏအွꩻဆဲင်ႏ (စားသောက်ဆိုင်)ဆꩻငါဖုံႏနဝ်ꩻ အရိုꩻဝင်ꩻတဲမ်းခါꩻဗာႏနေးစွဉ်ႏလိတ်-
&quot;အဝစား တစ်ပွဲ ၅၀၀ိ/၊ ပအိုဝ်းမပါ&quot;၊ မွေးတဝ်းတဲ့ &quot;ခေါင်းပေါင်းတဲ့သူ မပါ&quot;တဲ့၊ မိဉ်ႏအံႏဒဲဉ်အကွို့ꩻစားနဝ်ꩻ တပွယ်ꩻငတ်ꩻစွဲး၊ ကွဲႏတွော့ꩻ- ပအိုဝ်ႏတာႏပါတဝ်းတဲ့၊ တမျိုꩻနဝ်ꩻ &quot;လိုꩻကခူးဒါႏ ကတူႏပေါက်သားတာႏ တပါတဝ်း&quot;တဲ့၊ ဝင်ꩻအဝ်ႏဒေါ့ꩻစောပ်ꩻရောင်ငဝ်းနုဲင်းနဝ်ꩻ၊ ဒဲဉ်ဆဲင်ႏသားကစာသူꩻ ကားကအံႏနွောင်ꩻ အဝ်ႏစာတဲ့ မိဉ်ႏတွိုႏဝင်ꩻလိုꩻမျိုꩻလင်ဖုံႏနဝ်ꩻ ဝင်ꩻအံႏတရေꩻနေးလွုမ်ꩻတဲင် အဒဲဉ်အိုဖုံႏ အဝ်ႏလွိုတွော့ꩻ ဆဲင်ႏသားစာဗာႏချာယင်းသွူ။
ပအိုဝ်ႏဖုံႏ ထွိုင်ႏလွဉ်အံႏနဝ်ꩻ ဒဲဉ်လို့ထမ်ထိမ်နေးစွဉ်ႏ၊ ဟွုန်ဗာႏဖို ဆဲင်ႏသားယင်ဟန်ႏဟန်ႏနဝ်ꩻ ဒဲဉ်မိဉ်ထွူ ထွꩻလꩻဒွုမ်တဲင် လွေꩻထူႏလရီးဗာႏစွဉ်ႏ ဆဲင်ႏလင်သားဖုံႏတဲ့အဝ်ႏဗောႏထာꩻ၊ အလွိုးရမွေးဒျာႏရင်ꩻ၊ ဖူးဝေးစောက်ꩻဗွာသီးလိုꩻမျိုꩻတဲ့ အံႏဒဲဉ်တန်ဒျာႏနေနေ၊ နဝ်ꩻမꩻ စောက်ꩻဗွာမူႏဆꩻငါ ပေါႏအံႏဆေ့ꩻဆေ့ꩻဆꩻဆꩻဒဲဉ်နဝ်ꩻ တကျွိုက်တဝ်းတဲ့ တင်ꩻခြုဲင်းနုဲင်းနဝ်ꩻ၊ မွေး/တမွေးတဝ်း သေတဝ်းသွူ။
နုဲင်းမုဲင်ꩻမုဲင်ꩻခန်းတယဝ်း နီပအိုဝ်ႏဖုံႏနဝ်ꩻ အံႏအွိုးအလမ်းဒျာႏတဲ့နဝ်ꩻ၊ အံႏအွိုးဆဲင်ႏဝေင်ꩻကိုတဲ့နဝ်ꩻ အံႏကွို့ꩻတွိုက်တရွိုက်စွဉ်ႏ ကဲဉ်းအာအာဒျာႏရင်ꩻကရို၊ ကွပ်နဝ်ꩻမꩻ ဝင်ꩻကဒေါ့ꩻစောပ်ꩻတဲ့ သမ်းအဝ်ႏမဲဉ်ႏဒျာႏရင်ꩻရင်ꩻတဲင် ဒေါ့ꩻချာခရာႏငဝ်း ထိုမ်ႏမော့ꩻဒွုမ်၊ အံႏတန်ဒဲဉ်တဲင် အာႏတလာနဝ်ꩻတဲးတဲ့ အဝ်ႏမွေးဒျာႏ၊ အာႏမိဉ်ႏတလာမꩻ လိုပ်ꩻမာꩻနွောင်ꩻ၊ နီပအိုဝ်ႏနဝ်ꩻ မာꩻထာꩻမာꩻကျမ်ꩻ ထာꩻမာꩻထွူႏစားတဲင် အံႏတန်တန်ဒဲဉ်မꩻ သမ်းထဲ့မဲဉ်ႏသွူ။
အံႏတန်တဝ်းဒွုမ်၊ ချော့ꩻအံႏလုဲင်ႏဆေ့ꩻဆေ့ꩻမွိုင် ထိုမ်ႏဗာႏ၊ လိုပ်ꩻဗာႏသက်သာႏဟောင်း? ခေတ်လဲင်ႏခါနဝ်ꩻ ရွဉ်တဲ့ထိုမ်ႏကယပ်ꩻ၊ ထွိုင်ႏလꩻလွဉ်ခိင်ႏနဝ်ꩻ သုံꩻစုဲင်ႏအနမ်းသမ်းအဲဉ်ထဝ်း၊ ကွပ်နဝ်ꩻမꩻ ထွားနုဲင်းမွိုးထုံꩻဖါပန် ကရီးခါနဝ်ꩻ တယိုꩻတဝ်း၊ ဖေႏကသက်သာႏ၊ ထာꩻယပ်ꩻဖေႏကဆေ့ꩻ အံႏတဲ့ ဖေႏကအံႏဗာႏနဝ်ꩻ အဝ်ႏလိုႏကျမ်ႏစဲႏလုဲင်ႏအနယ်ꩻတသာမꩻ ထွာ၊ မာꩻဗာႏအလုဲင်ႏအပြောင်ꩻနေနေမꩻ၊ ရွဉ်နွို့ရွဉ်ထန်ႏ ဖေႏကငမ်ႏတနꩻချာလို့ဝင်ꩻနဝ်ꩻ စူꩻဒျာႏထာꩻနယ်ꩻ နုဲင်းပွိုင်းလဲင်ႏ တလꩻတဝ်းဒွုမ်သွူ။
မိဉ်ႏယူႏယူႏဒျာႏ 'ထွာမို့လိုꩻဘဝတဆင်ႏ အံႏအွီႏအွီႏ အွꩻကွို့ꩻကွို့ꩻ'နုဲင်းနဝ်ꩻစားတဲးတဲ့ တစင်းဒေါ့ꩻတယ်ꩻတဝ်း၊ တဲမ်းလိတ်သားအနေႏ ကမိဉ်ရိုꩻနဝ်ꩻ &quot;ဖေႏကယပ်ꩻဗာႏဆေ့ꩻ&quot;နုဲင်းနဝ်ꩻဒျာႏ၊ ထာꩻလိုပ်ꩻသားဘဝနဝ်ꩻ &quot;အလိုမ်းအကိုမ်ႏတသေႏသေႏ&quot;နုဲင်းနဝ်ꩻ တအဲဉ်ထဝ်းရင်ꩻ၊ တဲမ်းလိတ်သားတဲ့ ထာꩻလိုပ်ꩻသားပိုစဲစ်စဲစ်တဖြာꩻတဲင် အယပ်ꩻအယိုꩻနဝ်ꩻ အဝ်ႏထီႏဒျာႏတောမ်ႏမဲ့၊ ဟော်ꩻလိတ်သားဖုံႏတဲ့ အဝ်ႏထီႏလွဒျာႏ ပငါပရာꩻသွူ။
စီꩻပွါꩻရေꩻ ထွိုင်ႏတချနဝ်ꩻ ထွာစွဉ်ႏလိုꩻသောင်ထာꩻစွုမ်ႏလမ်း၊ ကေားဖြေꩻစာကွန်ႏသားမိဉ်ႏတဲ့ အဝ်ႏသောင်ခြင်ꩻဗာႏထာꩻတဲင် နီထာꩻလိုပ်ꩻသားထဲင်းနဝ်ꩻ ဒေါ့ꩻခရာႏလဲင်ꩻတလိုႏဒွုမ် (အဝ်ႏသျာႏဒေဒျာႏ)၊ အအံႏအအွꩻနဝ်ꩻ ထွူဒဲဉ်အိုလွုမ်ꩻ သမ်းတလꩻတဝ်း၊ နမ်းမန်ꩻခဲဉ်ႏတသာႏ၊ အိုမီႏအိုမက်ꩻ၊ အမုꩻအရာႏ (အဒီႏအကဝ်ႏ)မိဉ်ႏတွက်လို့လို့စင်စင်နဝ်ꩻ ကတူႏလဲင်ꩻပိုမ်နေးစွဉ်ႏဒျာႏသွူ။
နီပအိုဝ်ႏလိုꩻမျိုꩻယို မိဉ်ႏခွယ်ꩻနေး အဆင်ႏအရန်းနဝ်ꩻ အရန်းကီသားဖုံႏ သိုမ်ပွုမ်ႏမိဉ်ႏအဝ်ႏတဲ့ တပွုမ်ႏလွုမ်ꩻ၊ အဝ်ႏကုဲင်အရန်းထဝတောမ်ႏ အရန်လသားဖုံႏ၊ ထိုမ်ႏတနီꩻအံႏတနီꩻသားဖုံႏနဝ်ꩻ အအာသွတ်ꩻ သေထွꩻဗာႏနုဲင်းနဝ်ꩻ၊ (တဲမ်းလိတ်သားထာꩻထင်း)၊ ကယပ်ꩻဗာႏနုဲင်းယိုနဝ်ꩻ မိဉ်ႏမိဉ်သက်သာႏတဲ့ ရွဉ်ကထန်ႏဒါႏအဖူꩻယို လိုႏပေ့ꩻခါꩻဟဝ်ဟဝ်မꩻလꩻ၊ အနွို့နဝ်ꩻ အဖူꩻပေႏ၊ တွိုႏအထန်ႏတာႏနဝ်ꩻ အဖူꩻသမ်းတန်၊ ထန်ႏစွဉ်ႏဖွတ်ဖွတ်နုဲင်းထီဖူꩻဖုံနဝ်ꩻ မုဲင်ꩻခါꩻမꩻ အီႏချမ်ꩻသာႏနွောင်ꩻဟောင်း?။
ရိုꩻစွဉ်ႏတခြွေခြာႏတဝ်းတဲ့ အံႏတာႏအွꩻတာႏ အဆင်ႏမိဉ်ႏပြေႏနဝ်ꩻ သꩻအီႏချမ်ꩻသာႏတကားမုဲင်ꩻ? ရွဉ်အာထာလွိုင်ႏ၊ အဝ်ႏနေးစွဉ်ႏ အလွန်းအလွိုသားဖုံႏသူꩻနဝ်ꩻ မိဉ်အံႏကားမုဲင်ꩻအ့ႏ၊ မိဉ်စုဲင်ႏကားမုဲင်ꩻစုဲင်ႏ တထွာရာꩻစမ်ꩻတဝ်းလဲ့ ထာꩻလိုပ်ꩻသားအရန်းယိုနဝ်ꩻ အဝ်ႏတပန်ႏသေႏသေႏစွဉ်ႏ နုဲင်းစက်နဝ်ꩻမꩻ အီႏထဲ့မဲဉ်ႏ၊ နဝ်ꩻမိဉ်ႏတဲ့ အံႏဗာႏကွို့ꩻပေႏပေႏလွုမ်ꩻ၊ ကွပ်နဝ်ꩻမꩻ အခြေင်အပျင်ႏ ဖေႏကအဝ်ႏဗာႏမွုန်းနဝ်ꩻ လိုႏထိုမ်ႏအနယ်ꩻနဝ်ꩻသွူ။
ပေါႏစူꩻစွူစွူ ထာꩻနယ်ꩻလီꩻနဝ်ꩻ ယပ်ꩻထာꩻအီႏခိꩻဟောင်း?၊ မဲ့ꩻကလူꩻဗွာစဝ်းဒါႏလိုꩻ၊ ဖေႏကလꩻအနယ်ꩻဆꩻနဝ်ꩻ လိုႏထိုမ်ႏထွားလွူꩻလိတ်၊ လိုႏထိုမ်ႏရီဝင်ꩻ၊ အရေꩻတန်ငါႏ စီꩻပွါꩻရေꩻတဲင် &quot;ဟို့ꩻကွို့ꩻမꩻ ငဝ်းသင်ႏ&quot;ဝင်ꩻကရိုꩻငဝ်းနဝ်ꩻအတွိုင်ꩻ ဟို့ꩻတာႏခွꩻသꩻမꩻ အဝ်ႏကုဲင်အရေꩻလောင်းလင်နဝ်ꩻ အီႏခွုမ်မာꩻနွောင်ꩻ၊ ကွပ်နဝ်ꩻမꩻ လယ်ႏထိုမ်ႏသော့ꩻ စီꩻပွါꩻရေꩻတွမ်ႏ ဆေ့ရေးနယ်ꩻနဝ်ꩻမꩻ ယံလွေꩻတငါငါအီနဝ်ꩻသွူ။
နီပအိုဝ်ႏနဝ်ꩻ စီꩻပွါꩻရေꩻပညာႏ အဝ်ႏလိုႏအာနေက မရေႏမရာႏ၊ လိုꩻမျိုꩻဘဝတွမ်ႏ အဆင်ႏရန်းနဝ်ꩻ ဝင်ꩻထွားဒျာႏ ပညာႏအာသားရိုꩻလဲ့ အထျꩻအထောင်ꩻ ကထွာဒါႏ ဟို့ꩻတာႏ၊ နမ်းတာႏပျဿနာႏ ပေါႏတဖြေႏသျင်ꩻဗာႏတဝ်းဒွိုန်းနဝ်ꩻ မာꩻနုဲင်းမုဲင်ꩻ အီႏမာꩻနွောင်ꩻ၊ နဝ်ꩻမꩻ လိုꩻတောမ်ႏစီꩻပွါꩻရေꩻ၊ စီꩻပွါꩻရေꩻတွမ်ႏလိုꩻ ဆဲင်ႏလို့မူႏမူႏခိုခိုတဲင် သေနာႏဗာႏမꩻထွာသွူ။
စီꩻပွါꩻရေꩻယိုနဝ်ꩻ သေတဝ်းလꩻတဝ်း၊ အံႏအွꩻကွို့ꩻအီဒျာႏဒဲဉ်တွမ်ႏအိုလွုမ်ꩻ သမ်းတလꩻတဝ်း၊ အမီႏအကပ်ꩻ သမ်းအဝ်ႏဗာႏ ကားမုဲင်ꩻစွိုးစွိုး၊ အဝ်ႏကုဲင်အအွꩻနဝ်ꩻ ထီခြေင်ခြေင်သမ်းမွေးတဝ်း၊ သမ်းအွꩻပါက ပလဲင်ꩻဖုံႏ၊ ဗုတ်ꩻဖုံႏ၊ ပလဲင်ꩻတွမ်ႏဗုတ်ꩻဖုံႏ ခေတ်ထွိုင်ႏလွဉ်ထာꩻနဝ်ꩻ မာꩻပွယ်ꩻလူႏပွယ်ꩻတန်ꩻငါတဲ့ လွူးဖေႏဗာႏနေး အပလဲင်ꩻတွမ်ႏဗုတ်ꩻဖုံႏနဝ်ꩻမꩻ ကေားခွုမ်မာꩻကိုလိုꩻသားအာနဝ်ꩻသွူ။
မေႏငိုꩻ၊ သိုႏငိုꩻ၊ ခဲဉ်ႏတသာႏ အမီႏအမက်ꩻငိုꩻဖုံႏ၊ တမုဲင်ꩻငါတဲ့ ထာꩻလꩻခြေင် တအဲဉ်ထဝ်း၊ လꩻခြေင်အဝ်ႏဒျာႏ ထီတမျိုꩻလွုမ်ꩻ၊ ကွဲႏတွော့ꩻ- အရပ်ကခြေားကိုနဝ်ꩻ ဖေႏဗာႏနေးတွမ်ႏရွဉ် စင်းဗာႏနေးဝင်ꩻ၊ ယင်ဟန်ႏသားဖုံႏနဝ်ꩻ သမ်းဆွဉ်းဒါႏက ယာထူ (ဆေႏလိတ်၊ ယာဗွာသားနဝ်ꩻ တွက်လိုꩻတဖြာꩻအနေႏ တလꩻဒွုမ်တဲင် ဒေါ့ꩻခရာႏ အဲဉ်ထဝ်း)၊ ယင်ဟန်ႏသားဖုံႏ သမ်းစွယ်ꩻစွဉ်ႏပြူး၊ အပြူးငိုꩻ၊ အယာငိုꩻ၊ အမောက်ꩻမူးငိုꩻ တပတ်တလဲင်ႏ၊ တလာတလဲင်ႏ ထဲ့တကားမုဲင်ꩻ? အဗွေႏမျိုꩻတွက်ချာကြွို့ꩻနဲ့?။
မိဉ်ႏယူႏစဲင်းစဲင်းနဝ်ꩻ ထွာဒျာႏထာꩻပျင်ႏ၊ အနမ်းတဲ့ အံႏတလꩻတဝ်း၊ အထီတဲ့ အွꩻတယ်ꩻတယ်ꩻ သမ်းတလꩻတဝ်း၊ ရွဉ်တဲ့ အဝ်ႏလို့လွဉ်ꩻက၊ ရော့ꩻရော့ꩻတဝ်းတဲ့ ထွာလွဉ်အီတေားထဲင်းရောႏဂါႏ၊ အကျိုꩻတမုဲင်ꩻမုဲင်ꩻတလꩻတဝ်း၊ ဝင်ꩻကထွာစာပြူးသားသူꩻ မာꩻလဲဉ်းလမ်းတွိုက် ကားမုဲင်ꩻဖြုံႏဖြုံႏ၊ ငဝ်းတချင်ꩻတဲမ်းသားဖုံႏမိဉ်ႏတဲ့ လဲင်ꩻတဲမ်းအီငဝ်းတချင်ꩻ၊ ရွစ်အီငဝ်းတချင်ꩻ၊ နဝ်ꩻမꩻ &quot;ထွꩻခေတ်&quot;ရိုꩻနုဲင်းနဝ်ꩻဒျာႏမကောင် သေတဝ်းသွူ။
တဲမ်းလိတ်သား တကေးပြူးစာသားဖုံႏ တမွေးတဝ်း၊ လွꩻထီႏအိုမ်ပြူးသား တမွေးတဝ်း၊ နီရွဉ်သုံꩻ &quot;အဝ်ႏထန်ႏပျင်ႏထာꩻ&quot;ကရိုꩻနဝ်ꩻ လိုႏသေ ဟဝ်သေလွဝင်ꩻ ပငါပရာꩻ၊ ယင်ဟန်ႏသားသမ်းရိုꩻက &quot;စေႏတနာႏနဝ်ꩻ ဖျတ်လꩻ၊ ဝါႏသနာႏနဝ်ꩻ ဖျတ်လꩻတဝ်း&quot;တဲ့၊ ပြူးတန်ယို မိဉ်ႏစွယ်ꩻလꩻသွူနဝ်ꩻ ရိုꩻဖျတ်ချာတယိုꩻတဝ်းတဲ့၊ မိဉ်ႏထွႏဒျာႏ အိုမ်ပြူးအပဲင်အမင်ꩻနဝ်ꩻမꩻ ဖျတ်အီႏလꩻနွောင်ꩻ ရိုꩻနုဲင်းနဝ်ꩻဖုံႏသွူ။
ပေါႏတထီႏတဝ်း အပဲင်အမင်ꩻဖုံႏနဝ်ꩻ မိဉ်မာꩻနုဲင်းမုဲင်ꩻမာꩻ ဖျတ်တလꩻတဝ်း၊ ကွပ်ဖျတ်ချာယပ်ꩻငါႏနဝ်ꩻမꩻ ငဝ်းတချင်ꩻကို &quot;ဖျတ်ငွဉ်နဲ့?၊ ဖျတ်ပြူးနဲ့? မိဉ်ႏရီနုဲင်းနဝ်ꩻနဝ်ꩻ ခံႏဖျတ်ဒျာႏငွဉ်ꩻ&quot;တဲ့၊ လိုꩻကထောက်ခံႏဒါႏ ငဝ်းတချင်ꩻယိုသားဖုံႏတဲ့ အဝ်ႏပြုံႏအဝ်ႏပြင်ႏထာꩻ၊ မိဉ်ႏရိုꩻခန်းယိုꩻယာႏတဲ့ ရငါႏတမွေးတဝ်း၊ [[ကမ္ဘာႏ]]လောင်း ကအိုမ်ပြူးသားနဝ်ꩻ အဝ်ႏအာဒျာႏ ကလာꩻခမ်းတွမ်ႏ နီ[[မန်း]]ခမ်းသားလွုမ်ꩻသွူ။
ထွားမွိုင် ယာအယံစား ဝင်ꩻကဖေါႏစာအီပြူးသူꩻ ဗုတ်ꩻအဝ်ႏရဲဉ်ႏအဝ်ႏရန်ႏနေးစွဉ်ႏ၊ ယာယင်ဟန်ႏဖုံႏနဝ်ꩻ နွုမ်ꩻနေးငါအလွီးငါတဲ့ လဲင်ꩻသီးမူꩻနေးစွဉ်ႏတဲ့အဝ်ႏ၊ ယာဗုတ်ꩻစားနဝ်ꩻဖုံႏနဝ်ꩻ အဝ်ႏအိန္ဒိယခမ်း လွဉ်ကွေႏကွေႏꩻ ဝင်ꩻနဝ်ꩻမာꩻလွဉ်ဖေႏ၊ နီနဝ်ꩻ ကေားဖြေꩻအိုမ်ဆွုမ်ႏ၊ မိဉ်ႏထွာစိင်ႏစွော့ꩻ တစွိုးတမျိုꩻနဝ်ꩻ ကေားမာꩻသားဖုံႏသူꩻ တထွာတဝ်းမုဲင်ꩻမုဲင်ꩻ၊ ထွာဒါႏဒျာႏ နီကေားဖြေႏအံႏဆွုမ်ႏသားဖုံႏလွုမ်ꩻသွူ။
လိုꩻယင်ဟန်ႏရိုꩻ &quot;လိုကသီဒဝ်ထာꩻသားဖုံႏနဝ်ꩻ အဝ်ႏဟွုန်ဖို၊ ထီႏဖိုဒျာႏ၊ လိုꩻသီပြူးထာꩻနဝ်ꩻ ဟွုန်ဖိုတဝ်း&quot;တဲ့၊ မိဉ်ရိုꩻနုဲင်းမုဲင်ꩻရိုꩻ ယိုခါခဲ့ꩻခဲ့ꩻ နီကလိုႏချမ်ꩻသာႏအီတာႏ ကလို့ဗာႏတွမ်ႏရွဉ်နဝ်ꩻ ဟို့ꩻကွို့ꩻအီနဲ့? မိဉ်ႏရီနဝ်ꩻ အီႏဖြေႏချာနုဲင်းမုဲင်ꩻ?၊ ကေားကစွယ်ꩻပြူးသား သယ်ꩻခံႏဟော်ꩻထွားစမ်ꩻသွော့၊ မိဉ်ယားကုဲင် စာပြူးသားစီꩻပွါꩻရေꩻ ရွဉ်နွို့တဲ့ တမွေးတဝ်း၊ မန်းခမ်းတခမ်းလိုမ်း လိုꩻအဖြာꩻတဆီအကိုနဝ်ꩻ မိဉ်ႏအိုမ်တဝ်းတဲ့ ရအဝ်ႏတဖြာꩻလွုမ်ꩻမတဝ်။
မူႏမူႏခိုခိုနေးစွဉ်ႏ၊ ယင်ဟန်ႏနဝ်ꩻ မူႏနံꩻဖုံႏတဲ့ အဝ်ႏအိုမ်ဒျာႏနေနေ၊ ထွားမွိုင်တဖူꩻထျꩻ တဖူꩻသောင်ဖုံႏ ကလာꩻဝွေႏထာꩻ၊ ပထူတဗော့ꩻထာꩻ၊ ကွဲညည ဘုရာꩻ&quot;[[ရွှေတိဂုံ]]&quot;လောင်းတွမ်ႏဘုရာꩻအလင်လင်ထျꩻဖုံႏနဝ်ꩻ အွဉ်ႏခါꩻဖေႏဗာႏနေးစွဉ်ႏ သုံꩻဖွိုင်ꩻ၊ ပွိုးတမုဲင်ꩻနဲးတဲင် ဘုရာꩻတလင်ꩻနဝ်ꩻ ကဲဉ်းအာအာ ဒါခါꩻနေးဗေးက၊ ပထူလွင်ꩻထာꩻတာႏခင်ႏလမ်း အဲဉ်ထဝ်း၊ အွဉ်ႏခါꩻဗာႏနေးစွဉ်ႏ သုဲင်ꩻဖွိုင်ꩻစွုမ်ႏထွောင်းထွောင်းနဝ်ꩻသွူ။
အဆုဲင်ꩻသွတ်ꩻအနေႏ မိဉ်ဒေါ့ꩻငါႏ ပါꩻဖြားငဝ်းတငွါ၊ နုဲင်းမုဲင်ꩻနဲးတဲင် ပါꩻတဖြာꩻနဝ်ꩻ မာꩻထိဉ်ႏခန်း ပါꩻဖြားနဝ်ꩻလမ်း၊ ပါꩻဖြားထွိုင်ႏလွူးဒဲဉ်နဝ်ꩻ ပါꩻထိဉ်ႏနဝ်ꩻတဲ့ အံႏတန်၊ အံႏကွို့ꩻမွေးစွဉ်ႏဒဲဉ်၊ ကွပ်နဝ်ꩻမꩻ ပါꩻဖြားနဝ်ꩻရိုꩻဖေႏ &quot;အံႏကွို့ꩻကွို့ꩻ၊ အံႏတန်တန်ဟုဲင်းမောင်ႏ၊ ဖါြဖားတခြိုꩻ တမွေးတဝ်းခြာ၊ နာꩻတခြိုꩻဒျာႏ&quot;တဲ့။
ဟော်ꩻလိတ်သား ကဟွုန်ငဝ်းယိုတငွါ သေန်ႏစွဉ်ႏငဝ်းပလို့ꩻခါꩻ အခရာႏ(ပဟေဠိ)တန်၊ ကျမ်ႏယူႏစမ်ꩻဒျာႏသွော့ အခရာႏ ပငါပရာꩻ၊ အဝ်ႏအံႏသွူဝွေꩻဒဲဉ်နဝ်ꩻ ရိုꩻဒျာႏ &quot;ဝွေꩻလို့တမွေးတဝ်း&quot;တဲ့၊ &quot;နာꩻလို့ဒျာႏ&quot;တဲ့၊ ရေႏရွယ်ႏနုဲင်းမုဲင်ꩻ? အခရာႏအဝ်ႏနုဲင်းမုဲင်ꩻ? မိဉ်ႏဖြေႏနယ်ဗာႏတဲ့ ကွပ်အံႏတန်ကျင်ꩻထာꩻနဝ်ꩻတဲင် ဆုဲင်ꩻဆုဲင်ꩻ ရွဉ်အီႏလို့အာဆုဲင်ꩻထာꩻ၊ ပါꩻဖြားကရိုꩻနဝ်ꩻ အကျင်ꩻ၊ အကျင်ꩻ၊ ပေါႏအံႏတန်တဲ့ အကျင်ꩻတန် ရငါႏမိဉ်ရိုꩻနုဲင်းနဝ်ꩻသွူ။
ကားကအဝ်ႏ ခြွေခြာႏချမ်ꩻသာႏဒျာႏသွော့ ပငါပရာꩻကရိုꩻနဝ်ꩻ-&lt;ref&gt;ခွန်စွယ်ꩻသွတ်ꩻ&lt;/ref&gt;&lt;ref&gt;ခြံမော့-တဖွေါင်ꩻထျꩻ&lt;/ref&gt;</text>
      <sha1>f3d2whf4fcz2mem5xggp96gpzin9lws</sha1>
    </revision>
  </page>
  <page>
    <title>ကေားသုင်ꩻသား အိုင်ကိုမ်ဒေါ့ꩻရီ:민 나일</title>
    <ns>3</ns>
    <id>9556</id>
    <revision>
      <id>33521</id>
      <timestamp>2026-06-13T03:23:30Z</timestamp>
      <contributor>
        <username>Welcome-Bot</username>
        <id>210</id>
      </contributor>
      <comment>Welcome!</comment>
      <origin>33521</origin>
      <model>wikitext</model>
      <format>text/x-wiki</format>
      <text bytes="9361" sha1="af6t0f7fl13ned7bjuh87cezd238unv" xml:space="preserve">== အဝ်ႏဝီခီပီးဒီးယားယို ဟွုန်ဟဝ်သꩻရေꩻ ကျိုႏဆွုမ်ႏဒျာႏဩ 민 나일 ! ==

{| class=&quot;plainlinks&quot; cellspacing=&quot;0&quot; cellpadding=&quot;0&quot; style=&quot;margin:0 0 1em; width:100%;&quot;
| style=&quot;width:45%; vertical-align:top; border:1px solid #fad67d; background-color:#faf6ed;&quot; |
&lt;div style=&quot;border-bottom:1px solid #fad67d; background-color:#faecc8; padding:0.2em 0.5em; font-size:110%;&quot;&gt;[[File:Gnome-colors-alacarte.svg|21px|link=|]] '''ပထမအရန်း မိတ်ဆက်'''&lt;/div&gt;
&lt;div style=&quot;border-bottom:1px solid #fad67d; padding:0.4em 1em 0.3em;&quot;&gt;
ယံဟော်ꩻထွားရီးသွော့ [[Wikipedia:နိဒါန်း|ဝီခီပီးဒီးယား]] '''[[Wikipedia:Five pillars|တဖူꩻရဲဉ်ႏငတ်ꩻစွိုး]]''' တာႏ ဖေႏကျံႏဉာဏ်ႏဒျာႏသွူ။ မိဉ်ႏမာꩻသွူအကောက် ဒင်ႏထွူမတ်ပုံတဉ်နဝ်ꩻ '''[[စွဲးကမ်းကို:မိတ်ဆက်|မိတ်ဆက်]]''' တောမ်ႏ '''[[WP:FAQ|အဝ်ႏရီခွိုꩻဒါႏငဝ်းရီဖုံႏ]]'''နဝ်ꩻ အီႏထွာအီမွေး နာꩻအတာႏ အစွဲးအကမ်းနဝ်ꩻသွူ။ ဝွေꩻသီးဖုံႏယိုနဝ်ꩻ အအီႏခြုဲင်းနယ်ဖေႏ မွဉ်းဖျင်နယ်ꩻ၊ တဲမ်းပုင်ႏတဲမ်းနယ်ꩻ ဝီခီပီးဒီးယားကို တောမ်ႏ သေထွိုက်သေသင်ꩻ အခရာႏအလင်ဖုံႏနဝ်ꩻသွူ။ ဖေႏကနွို့စွဲးကမ်းကိုနွောင်ꩻ ဝီခီပီးဒီးယားနဝ်ꩻ ဒါႏလဲပ်ခါꩻဗာႏ အနယ်ꩻပညာႏဖုံႏလဲ့ တလိုႏတဝ်းသွူ။ နွို့ခွုမ်မာꩻကို ''[[WP:BOLD|ရုဲင်းရုဲင်းသွော့]]''ဩ။ မိဉ်ႏထွူ ''သွုပ်သမ်ႏဟဝ်ဟဝ်ရိုꩻသာꩻသွော့ လိုꩻလင်အလောင်းဩ''။ ယိုနဝ်ꩻ ထွာဒျာႏ ''[[w:wiki|ဝီခီ]]''တဲင် ယိုꩻမွေးငါႏနဝ်ꩻသွူ။
&lt;/div&gt;
&lt;div style=&quot;border-bottom:1px solid #fad67d; background-color:#faecc8; padding:0.2em 0.5em; font-size:110%;&quot;&gt;[[File:Help-browser.svg|21px|link=| ]] '''ထူႏစွဲးကမ်းကို'''&lt;/div&gt;
&lt;div style=&quot;padding:0.4em 1em 0.3em;&quot;&gt;
* မိဉ်ႏအဝ်ႏလိုႏ အကူႏညီႏစွဲးကမ်းကိုနဝ်ꩻ နွို့ရီရောင် အိုင်ကိုမ်နွောင်ꩻဒျာႏ ပအိုဝ်ႏဝီခီပီးဒီးယား [[ဝီခီပီးဒီးယား:Village pump|အိုင်ကိုမ်ခင်ႏလမ်းVillage pump]] ကို မွေးတဝ်းလဲ့ [[Facebook]] လောင်း ကအဝ်ႏဒါႏ [http://www.facebook.com/group/406204427603066?ref=share ပအိုဝ်ႏဝီခီစွုမ်ꩻစွိုꩻ] လိတ်မဲ့ငါကိုဖုံႏသွူ။
* အီႏထူႏသုင်ꩻစဗာႏဝီခီ နုဲင်းမုဲင်ꩻကရိုꩻနဝ်ꩻ ထွားသွော့ [[Wikipedia:Cheatsheet|မွဉ်းဖျင်နယ်ꩻ]] လိတ်မဲ့ငါကိုဩ။
* မိဉ်ႏမဲဉ်လွူꩻထွားစဲင်းထဲင်း မွဉ်းဖျင်ခရာႏအစဲင်းနဝ်ꩻ ဟော်ꩻထွားသွော့ [[Wikipedia:မွဉ်းဖျင်လိတ်မဲ့ငါဖုံႏ|လိတ်မဲ့ငါ]]ယိုဩ။
* ရီခရာႏမိဉ်ႏအဝ်ႏနဝ်ꩻ ရီနွောင်ꩻဒျာႏ [[WP:Q|ခင်ႏလမ်းယိုကို]]သွူ။
* နာꩻအနေႏ ဒေါ့ꩻရီအိုင်ကိုမ်သွုပ်နွောင်ꩻဒျာႏ [[WP:Administrators|ကေားရဲဉ်ꩻဖန်းဖြယ်သား(Admin)]]သီး တဖြာꩻဖြာꩻထျꩻ အိုင်ကိုမ်ချက်လိတ်မဲ့ငါကိုသွူ။
* ဒင်ႏသွင်ꩻသော့ꩻ ယူနီကိုဒ်ဖောင့် အယပ်ꩻခုဲင်ႏမိဉ်ႏအဝ်ႏနဝ်ꩻ ထွားသွော့ [https://unicodetoday.org/fonts/ ယိုကို]ဩ။
* အီႏသုင်ꩻဗာႏ ကီးဗိုတ်နုဲင်းမုဲင်ꩻ မိဉ်ႏသေတဝ်းနဝ်ꩻ ထွားသွော့ [https://unicodetoday.org/keyboards/ ယိုကို] ဩ။
&lt;/div&gt;
| style=&quot;padding:0 0.5em;&quot; |
| style=&quot;width:55%; vertical-align:top; border:1px solid #abd5f5; background-color:#f1f5fc;&quot; |
&lt;div style=&quot;border-bottom:1px solid #abd5f5; background-color:#d0e5f5; padding:0.2em 0.5em; font-size:110%;&quot;&gt;[[File:Gnome-applications-utilities.svg|21px|link=|]] '''ဟဝ်တောင်ꩻခရာႏ'''&lt;/div&gt;
&lt;div style=&quot;border-bottom:1px solid #abd5f5; padding:0.4em 1em 0.3em;&quot;&gt;
* မိဉ်ႏမဲဉ်စံꩻထွားစိမ်ꩻနဝ်ꩻ ထူႏသုင်ꩻအီ [[Wikipedia:Sandbox|Sandboxလိတ်မဲ့ငါယို]]တဲင် မာꩻစံꩻနွောင်ꩻဒျာႏ မွဉ်းဖျင်လိတ်မဲ့ငါဖုံႏသွူ။
* မိဉ်ႏမဲဉ်တဲမ်းသော့ꩻစ ရောမ်ဖြုဲင်ꩻတသာတဗာႏနဝ်ꩻ ဟော်ꩻထွားသွော့ [[WP:YFA|နာꩻအရီးသွတ်ꩻရောမ်ဖြုဲင်ꩻ]] လိတ်မဲ့ငါယိုဩ။
* အီႏဖန်ဖေႏ ရောမ်ဖြုဲင်ꩻတသာအမိဉ်ꩻတာႏ အယပ်ꩻခုဲင်ႏမိဉ်ႏအဝ်ႏနဝ်ꩻ ဟော်ꩻထွားသွော့ [[Wikipedia:ရောမ်ဖြုဲင်ꩻကတူႏစဲဉ်ႏဖုံႏ|လိတ်မဲ့ငါယို]]ဩ။
* [[Help:ဒင်ႏထင်ႏပုင်ႏနယ်ꩻ]]ကိုနဝ်ꩻ အဝ်ႏအွဉ်ႏနယ်ခါꩻဖေႏ ဒင်ႏပုင်ႏနယ်ꩻ၊ ထူႏသုင်ꩻသော့ꩻနယ်ꩻ ဖုံႏသွူ။
* [[Wikipedia:ထူႏသုင်ꩻပုင်ႏမူဝါဒ|ထူႏသုင်ꩻပုင်ႏ မူဝါဒ]] ယိုနဝ်ꩻ ပအိုဝ်ႏဝီခီပီးဒီးယားကို ပုင်ႏနုဲင်းမုဲင်ꩻနဝ်ꩻ ဒင်ႏသော့ꩻ သင်ꩻနဲ့သင်ꩻတဝ်းနဲ့ ဖေႏကဆုင်ꩻဖျတ်နွောင်ꩻတာႏ အီႏထွာအီအစွဲးကမ်းနဝ်ꩻသွူ။
* အိုင်ကိုမ်ချက်လိတ်မဲ့ငါကိုနဝ်ꩻ နျꩻသော့ꩻသွူ &amp;#126;&amp;#126;&amp;#126;&amp;#126; တဲင် တဲမ်းမုဲင်ဖေႏသွော့ နာꩻမိဉ်ꩻဩ။
* နာꩻအကောက်တာႏ [[Special:Preferences#mw-prefsection-gadgets|gadgets]] (custom features) ဖုံႏလဲ့ ထူႏသုင်ꩻနွောင်ꩻဒျာႏသွူ။
* [[wiktionary:my:Wiktionary:သတ်ပုံ|သတ်ပုံကျမ်ꩻ]]ကိုနဝ်ꩻ စဲစ်ထွားနွောင်ꩻဒျာႏ လိတ်ဖြုံႏ၊ သတ်ပုံသတ်နယ်ꩻဖုံႏသွူ။
&lt;/div&gt;
&lt;div style=&quot;border-bottom:1px solid #abd5f5; background-color:#d0e5f5; padding:0.2em 0.5em; font-size:110%;&quot;&gt;[[File:Tango Globe of Letters.svg|21px|link=| ]] '''Welcome!'''&lt;/div&gt;
&lt;div style=&quot;padding:0.4em 1em 0.3em;&quot;&gt;
[[File:Nice Cup of Tea.jpg|200px|right|အဝ်ႏဝီခီပီးဒီးယားယို ဟွုန်ဟဝ်သꩻရေꩻ ကျိုႏဆွုမ်ႏဒျာႏ ဗွေႏခွန်နာင်ꩻသီးသွူဩ။ နီဗွေႏသီး သꩻပါရာꩻ ကဏ္ဍကို နွို့ပါစွဲးကမ်း တဲမ်းသော့ꩻနွောင်ꩻဒျာႏ ရောမ်ဖြုဲင်ꩻဖုံႏသွူဩ။]] Welcome to '''Pa'O Wikipedia'''! I hope you enjoy improving and editing this [[ဝီခီပီးဒီးယား|Wikipedia]] project. These pages are especially useful for those who are literate in Pa'O.  However, even experienced Wikipedians who don't know any Pa'O have helped out with other things, such as updating images from Commons, so don't be afraid to improve the wiki any way you can!  Remember, someone else can always come later and fix any changes you make that are not perfect. Thank you.
&lt;/div&gt;
|}&lt;!-- Template:Welcome --&gt; --[[ကေားသုင်ꩻသား:Welcome-Bot|Welcome-Bot]] ([[ကေားသုင်ꩻသား အိုင်ကိုမ်ဒေါ့ꩻရီ:Welcome-Bot|အိုင်ကိုမ်]])  ၀၉:၅၃၊ ၁၃ ဇွန် ၂၀၂၆ (+0630)</text>
      <sha1>af6t0f7fl13ned7bjuh87cezd238unv</sha1>
    </revision>
  </page>
  <page>
    <title>ဗုဲင်သျင်ႏခံႏစင်ꩻ</title>
    <ns>0</ns>
    <id>9557</id>
    <revision>
      <id>33522</id>
      <timestamp>2026-06-13T04:32:53Z</timestamp>
      <contributor>
        <username>KhunMyoe</username>
        <id>34</id>
      </contributor>
      <comment>ဖန်ဆင်ꩻလဲဉ်းလိတ်မဲ့ငါ တောမ်ႏ &quot;&quot;ယိုခါလဲင်ႏ အဝ်ႏညာꩻခမ်းကောင်+ ဟွုန်တလွိုးငါႏ ဝေးသꩻကို+ အုံသဲင်ꩻမပျောႏ ယူႏလꩻသဲင်ꩻချာမွေး ဒုံဆောင်ႏအွိုး- ရပ်ရာႏခမ်းကောင်သူꩻ&quot; သွꩻပေႏတဖြာꩻ ဗွောင်ငဝ်း...&quot;</comment>
      <origin>33522</origin>
      <model>wikitext</model>
      <format>text/x-wiki</format>
      <text bytes="42068" sha1="j2gw0c271xlgpj3v3yzdxd8j1ih9f3w" xml:space="preserve">&quot;ယိုခါလဲင်ႏ အဝ်ႏညာꩻခမ်းကောင်+ ဟွုန်တလွိုးငါႏ ဝေးသꩻကို+ အုံသဲင်ꩻမပျောႏ ယူႏလꩻသဲင်ꩻချာမွေး ဒုံဆောင်ႏအွိုး- ရပ်ရာႏခမ်းကောင်သူꩻ&quot; သွꩻပေႏတဖြာꩻ ဗွောင်ငဝ်းတချင်ꩻ တီးရီးရီးရျော့ကို ကပါအတွိုင်ꩻ ယူႏလꩻသဲင်ꩻမွေးစွဉ်ႏ ဇာႏတိရပ်ရာႏ အွိုးဒုံကောင်ခြာသူꩻ၊ ရာႏသီႏဥတုနေင်ႏလာ ပြောင်ꩻလွေꩻတငါငါလဲ့ ထာꩻတလွိုးထာꩻသေနန်းသဲင်ꩻ ရပ်ရာႏဒုံဆောင်ႏဖုံႏနဝ်ꩻ တအုဲင်ꩻယောမ်ꩻတဝ်းတစိꩻစိꩻသွူ။
ရစွဉ်ႏမွော့ အဝ်ႏတိုꩻသဲင်ꩻထဲင်းစွဉ်ႏဒျာႏ အဝ်ႏခံႏယူႏသေꩻခါꩻနုဲင်းနဝ်ꩻတဲင် ထွိုင်ႏဟွုန်ဗာႏထဲင်းငဝ်းတချင်ꩻ &quot;[[တီးရီးရီးရျော့]]&quot;နဝ်ꩻ အုံထာꩻသူႏသေဒွုမ်၊ ငမ်းတချင်ꩻယိုတပုဒ်နဝ်ꩻ အရသာႏ၊ အဓိပ္ပါယ်ႏ၊ အခရာႏ ဗွေစွုမ်ႏတကားမုဲင်ꩻကရိုꩻနဝ်ꩻ ဟော်ꩻလိတ်သားဖုံႏ အဝ်ႏသေလဲဉ်းဒျာႏ ပငါပရာꩻတဲင် တဲမ်းလိတ်သား အိုပ်ꩻနယ်ထဲင်းယင်းတဲ့ တထူꩻဆန်ꩻတဝ်းဒွုမ်သွူ။
အဝ်ႏနေဒုံ၊ အုံနေရပ်တွင်ꩻနဝ်ꩻ နာႏဗာႏခွိုꩻခွိုꩻဒျာႏ၊ ဟွုန်ဗာႏယွဲးယွဲးတဲ့ သေန်ႏစွဉ်ႏအရသာႏ တစဲင်းငါႏတဝ်းလွိုႏလွိုႏ၊ သꩻခံႏစာꩻမုꩻယို အဝ်ႏလေႏကွို့ꩻနုဲင်းနဝ်ꩻ၊ ထွိုင်ႏဖညာꩻအုံခေါ်ဗာႏသွꩻပေႏ၊ မွိုးဖါ၊ ဆရာႏသီးဖုံႏတွမ်ႏ ပအိုဝ်ႏရပ်ရာႏခမ်းကောင်နုဲင်းယိုခါနဝ်ꩻ မွိုးဖါသီးငဝ်းတဲ့ တဟွုန်ဗာႏကြွို့ꩻတဝ်းဒွုမ်၊ ပအိုဝ်ႏငဝ်းတဲ့ တဒေါ့ꩻရီအီဗာႏကြွို့ꩻဒွုမ်လို့ဝင်ꩻတဲင် ဖြေႏသꩻအီဗာႏဒျာႏ တွမ်ႏလိတ်စောင်ႏပေႏ၊ တွမ်ႏငဝ်းတချင်ꩻပေႏ ယလဲင်ႏလဲင်ႏနဝ်ꩻမꩻ သꩻပေႏတလွိုး ကွဲးထိုꩻမားသွူ။
ငဝ်းတချင်ꩻကို လိတ်ယာႏကို ကပါဒါႏ အခရာႏဖုံႏနဝ်ꩻ ထွိုင်ႏစိဉ်ꩻစာꩻစဲင်းစဲင်းဒါႏ နုဲင်းယိုခါမꩻ ခံႏစာꩻဒါႏစခန်း အနုပညာႏတခြိုꩻသီး အတန်ႏဖိုꩻ-မိဉ်ႏရိုꩻနုဲင်းနဝ်ꩻတဲ့လꩻ၊ တဲမ်းလိတ်သားအနေႏ စငါသူႏသေထာꩻယိုခါပေႏလွုမ်ꩻ-မိဉ်ႏရိုꩻနုဲင်းနဝ်ꩻနဝ်ꩻ ရယိင်းမဲဉ်ႏ၊ တွိုႏခမ်းသဲင်ခါ ထာꩻမာꩻသာႏတဲင် ခမ်းကောင်၊ ခမ်းဒေါမ် ပအိုဝ်ႏမန်းဖြဝ်ꩻ ခမ်းရင်ꩻသားအမျိုꩻမုဲင်ꩻတရိုꩻတဝ်း ပေါႏရိုꩻဗုဒ္ဓဘာႏသာႏခွိုꩻနွယ်ႏနဝ်ꩻ အွဉ်ႏဗုဲင်ဖေႏလွ အပိုအလီꩻသျင်ႏဖုံႏ၊ အွဉ်ႏခံႏဖေႏလွ အပိုအလီꩻစင်ꩻဖုံႏသွူ။
ရွယ်ႏပေႏဝီႏဝါး ပေႏဆားသားနဝ်ꩻ သွဉ်လွေꩻတငါငါလိတ်ကျောင်ꩻ လောကုတ္တရာႏ၊ ထောက်ထံꩻဘုရာꩻသာႏသနာႏတဲ့ အဝ်ႏအာတန်ဒျာႏ၊ အုံလမ်းကုံꩻပါႏ အရွယ်ႏတန်တန်သားဖုံႏတဲ့ ခံႏဒုလ္လဘ ဗုဲင်သင်္ကန်ꩻတဲင် ကံကျင်ꩻလွေꩻဘာႏဝနာႏသားဖုံႏယင် အဝ်ႏဒျာႏနေနေ၊ ရွဉ်သားသဌေꩻ ဝင်ꩻကအံႏစွဉ်ႏ သိင်ႏပေါင်ꩻအရျာꩻအရေင်သားဖုံႏသူꩻနဝ်ꩻ ဒေါ့ꩻခရာႏ တပေါႏအဝ်ႏတဝ်းရိုꩻလဲ့ အဝ်ႏတစိꩻအဝ်ႏတဝ်းတစိꩻသားနဝ်ꩻ ကကျိုꩻစာꩻ ကထိုမ်ႏကျမ်ႏဗာႏယို စောင်းမꩻထာꩻယိုꩻဟောင်း?။
အဟုဲင်းလွိုငါႏနဝ်ꩻ ထူႏခူးထူႏငါးနေးဝင်ꩻထွူတဲင် ဖေႏကဗိုန်နုဲင်းဝင်ꩻတွော့ꩻ ကျမႏနွိုင်ႏကျမ်ႏဆေꩻနေးနဝ်ꩻ ပွယ်ꩻထွူလဲ့ သꩻခိုးလျားဗာႏချာ နီးခန်းသားတဲ့ အဝ်ႏပွုမ်ႏပမ်ႏထာꩻ၊ &quot;မာꩻသွူထာꩻလူႏထာꩻတန်ꩻမွော့ အဝ်ႏလောက်ꩻကာႏဗာႏနေကဒွိုန်းဟောင်း? အံႏမအံႏအဝ်ခန်းတယဝ်း ပွယ်ꩻမိဉ်ႏထွူမꩻ ထိုမ်ႏယင်း&quot;ကရိုꩻလွနုဲင်းနဝ်ꩻသားဖုံႏတဲ့ အဝ်ႏဒျာႏ၊ မွေးဒျာႏ၊ စေႏတနာႏသိုမ်ပါꩻ မိဉ်ႏတကုဲင်တဝ်းငါ အကျိုꩻအာတန်ဒျာႏသွူ။
သꩻစိုꩻရိင်ႏ၊ သꩻခိုးလျားဖုံႏ မိဉ်ႏတအဝ်ႏတဝ်းငါ ယူႏချာမုဲင်ꩻခါ၊ ခြုဲင်းချာမုဲင်ꩻခါ၊ မွေးတဝ်းတဲ့ ဝင်ꩻမာꩻပွယ်ꩻပင်ꩻ မိဉ်ႏအဝ်ႏ တဲက်တွမ်ႏနီပွယ်ꩻတွော့ꩻ သꩻကေႏနပ်မုꩻ မိဉ်ႏအဝ်ႏဒါႏငါ ပနဲးမွေးလဲဉ်းဒျာႏ၊ &quot;လဲင်ꩻစဲစ်ဆေꩻဗာႏစွဉ်ႏနုဲင်းယိုနဲ့? ထာꩻလူႏထာꩻတန်ꩻမွော့ လဲင်ꩻကီႏကယ်ႏငါႏနဝ်&quot;မိဉ်ႏရိုꩻလဲ့ လိုꩻတွိုင်ꩻစွုမ်ႏဖြာꩻ ကဖြေꩻဝင်ꩻတခြိုꩻနဝ်ꩻ အငိုꩻတွမ်ႏအနမ်း လွောက်ꩻတလွောက်ꩻတဝ်း၊ ခွေါင်တခွေါင်တဝ်းနဝ်ꩻ လို့တောမ်ႏရွဉ်တောင်ꩻတဲင် ထွားစဲစ်ေဆေꩻဗာႏကရိုꩻနဝ်ꩻ လိုꩻတွိုင်ꩻအဝ်ႏသေဒျာႏသွူ။
&quot;ယဲက်မꩻ လꩻအစဲစ်၊ ဆဲစ်နဲစ်မꩻ လꩻအမဲဉ်ႏ&quot;ဝင်ꩻကရိုꩻနဝ်ꩻအတွိုင်ꩻ ဆဲစ်ဒါႏဒါႏမꩻ အငိုꩻတောမ်ႏကလꩻ အီႏငမ်ႏလို့ဝင်ꩻ၊ ခွန်တန်[[သီရိဓမ္မာသောက]] လူႏစွဉ်ႏထီအုံႏ၊ ကျောင်ꩻကန်ႏ၊ စေႏတီႏပေါင်ꩻ သွစ်ꩻသောင်ꩻလိစ်ꩻရေင်စီႏသွူမိဉ်ႏတဲ့ လꩻထွာထွိုက်တဝ်းဒွိုန်း သာႏသနာႏအမွီႏခံႏတဲ့၊ မွေးဒျာႏ၊ အွဉ်ႏဗုဲင်ပါပိုဖုံႏနဝ်ꩻမꩻ ထွာလꩻသာႏသနာႏအမွီႏခံႏတကာႏ၊ မွေးဒျာႏ၊ ငဝ်းယိုနဝ်ꩻ လိတ်ကျမ်ꩻကို အဝ်ႏဒျာႏရင်ꩻသွူ။
ထီႏဗာႏလိတ်စောင်ႏဖုံႏကိုတဲင် ခွေတဖြောင်းနာꩻတဖြေꩻ ဒေါ့ꩻလွေꩻခြုဲင်းနယ်၊ အနုပညာႏသားဖုံႏတဲ့ တဲမ်း၊ တချင်ꩻ၊ ပုဂ္ဂိုလ်ႏဟော်ꩻတရာꩻသားဖုံႏတဲ့ ဟော်ꩻနယ်ခြုဲင်းနယ်တဲင် အမော့အဆွုမ်ႏပေႏ တစွုမ်ႏတဝ်းစွဉ်ႏလဲ့ ဟွုန်ဖိုဒျာႏလို့ဝင်ꩻကဲဉ်းအာအာ၊ ဟွုန်နဝ်ꩻ ဟွုန်ဒျာႏ တစဲင်းဒွိုန်း-တဲမ်းလိတ်သားယို မိဉ်ႏရိုꩻနုဲင်းနဝ်ꩻနဝ်ꩻ ရငါႏတလွိုငါႏတဝ်းယင်ကရို။
ဝွေꩻသီးထုံꩻနယ်ꩻယို ပွယ်ꩻပင်ꩻပွယ်ꩻလောင်ꩻနေးအနေႏ တမွေးတဝ်း၊ အကွာႏလို့ဝင်ꩻ အဝ်ႏအာတန်၊ နီနဝ်ꩻ စူꩻဗော့ꩻထွာဗာႏ သာႏသနာႏဒါႏယကာႏရိုꩻလဲ့ အခရာႏတမုဲင်ꩻ တသေစဲင်းတဝ်းနဝ်ꩻ အမိဉ်ꩻတွမ်ႏအနမ်း ငမ်းတလွောက်ꩻတဝ်းယင်၊ ခွန်တန်အသောကသူꩻနဝ်ꩻ ဝင်ꩻမိဉ်ꩻတွမ်ႏဝင်ꩻနမ်း၊ ဝင်ꩻထာꩻမာꩻတွမ်ႏအလို့အလꩻ၊ အကျောင်ꩻတွမ်ႏအခြောင်ꩻ ဝင်ꩻအဝ်ႏလွေꩻဒျာႏကွေႏကွေႏ၊ လို့ပျင်ႏလို့ခြေင် တအဲဉ်ထဝ်းကရိုꩻနဝ်ꩻ လိုႏထိုမ်ႏရီစဲင်းစဲင်းထဲင်းငါႏ ပုဂ္ဂိုလ်ႏဒါႏသားဖုံႏထျꩻသွူ။
စူꩻယိုꩻလွဉ်ꩻဗော့ꩻ နုဲင်းထာꩻနယ်ꩻစခါနဝ်ꩻ လို့ပျင်ႏလို့ခြေင်အာငါႏ၊ သွူတကာႏတဝ်း ရိုꩻမာꩻထာꩻဟဝ်ကုသိုလ်ႏတဲ့ ထာꩻကုဲင်အဝ်ႏပါသော့ꩻအာတန်၊ မိဉ်ႏစေထွားစမ်ꩻ ခေတ်ယိုခါနဝ်ꩻ လိတ်ဖိစ်ယိုတဲ့ တွဲႏနျꩻနေးစွဉ်ႏ တွမ်ႏလိတ်ဖြုံႏခံꩻသားဖုံႏတဲ့အဝ်ႏ၊ မွေးလဲဉ်း- လိတ်ဖိစ်ပေႏယိုတစောင်ႏအတာႏ ဖေႏဝင်ကသေထွꩻဗာႏ အခရာႏလွုမ်ꩻ၊ အရေꩻတန်ဒျာႏ ပါꩻမုဲင်ꩻပို၊ ပါꩻမုဲင်ꩻလီꩻ၊ အမိဉ်ꩻနုဲင်းမုဲင်ꩻ၊ မွူးနီꩻမုဲင်ꩻ? နုဲင်းနဝ်ꩻဖုံႏလွုမ်ꩻသွူ။
သꩻကျွားသꩻမာႏန၊ 'နီဟ မာꩻနွောင်ꩻပိဉ်တကားယို၊ ဝင်ꩻမိဉ်ႏတဲ့ ကမာꩻ'နေးဒျာႏဂုဏ်ႏပကာႏသန နုဲင်းနဝ်ꩻဖုံႏ အဝ်ႏတအဝ်ႏတဝ်း ပါꩻမုဲင်ꩻနမ်းတဲ့ ပါꩻမုဲင်ꩻသေချာဒျာႏ၊ ဝွေႏဖန်ႏဝင်ꩻ၊ တကေးဝင်ꩻနုဲင်းနဝ်ꩻ မွေးတဝ်း၊ လိတ်ဖြုံႏခံꩻစားနဝ်ꩻနဝ်ꩻ အဆီအရျာꩻ  အီႏလို့ကားမုဲင်ꩻ? ကနွောင်ꩻသားနဝ်ꩻ တဒေါ့ꩻတဝ်းဒွုမ်၊ ကွဲႏတွော့ꩻ- သꩻကျွားသꩻမာႏန၊ သꩻပကာႏသနဖုံႏ မိဉ်ႏအဝ်ႏနဝ်ꩻတဲးတဲ့ တကျတဝ်းဒျာႏနေနေသွူ။
မဏ္ဍပ်အတာႏ အဖျင်အဆင မာꩻဗာႏယံယံ တကားမုဲင်ꩻ? အီႏမာꩻတရေꩻဗာႏတကားမုဲင်ꩻ? ကခံႏလို့ ကခံႏမာꩻနဝ်ꩻ တွမ်ႏကလꩻအကျိုꩻ ကဲက်တကဲက်တဝ်း လိုႏစဲစ်ဆေꩻချာ၊ အလွူးအတဲင် ဟူအီႏလွူးကားမုဲင်ꩻဗုံꩻတာႏ၊ လိုꩻကားမုဲင်ꩻရျာꩻ၊ ဒဲဉ်ကိစ္စနဝ်ꩻ ဒေါ့ꩻခရာႏတလိုႏတဝ်းဒွုမ်၊ ဟန်ႏအိုတာႏနဝ်ꩻ ဒေါ့ꩻတဝ်းတထွာတဝ်းတဲင် ဒေါ့ꩻဗာႏမꩻ၊ ထော့ꩻယာႏနဲ့? ဆျာယာႏနဲ့? အိုတနျာႏ၊ ထပေႏနဲ့? ယိုခါနဝ်ꩻ ထွဉ်ႏသေꩻရီးနေးစွဉ်ႏဖုံႏသွူ။
ထွဉ်ႏသေꩻရီးနေးတွမ်ႏ ဖြေꩻဝင်ꩻမာꩻထွူနဝ်ꩻ တဗိုန်တဝ်းလို့ဝင်ꩻ၊ မိဉ်ႏထွောန်ႏသေꩻနေးနဝ်ꩻ တွမ်ႏနီကထွဉ်ႏမာꩻသီဝင်သက်နဝ်ꩻ ဗိုန်လို့ဝင်ꩻ၊ ထွဉ်ႏတဲ့နီ ထွဉ်ႏဒျာႏ၊ အပဲစ်တဲ့ အီႏလꩻက၊ ရွဉ်တဲ့ အဝ်ႏဖေႏလွဉ်ꩻဗာႏနေဒွိုန်း၊ ထာꩻသောင်ꩻထာသားနဝ်ꩻ ခံႏသီဖေႏဗာႏနေးစွဉ်ႏ ဝင်ꩻသက်တလီးနဝ်ꩻ စောင်းတရာꩻနေဟောင်း? စဲ့ꩻတခွန်ꩻစိုန်သီး ဆွမ်ꩻကျꩻမာꩻသီနီတွော့ꩻ မာꩻဖေႏနီကုသိုလ်ႏ-မိဉ်ႏရိုꩻနုဲင်းနဝ်ꩻနဝ်ꩻ တမုဲင်ꩻမိဉ်ခံႏသီဖေႏ အသက်ဟောင်း? ဟဝ်ယူႏစမ်ꩻငါႏသွူ။
အစဲဉ်ႏအဆက်နုဲင်းယိုနဝ်ꩻ နီမိဉ်ႏလက်ခံႏ ခွုမ်စမ်ႏလွဉ်ꩻနေဒွိုန်းနဝ်ꩻ နီယို ထွာထိုꩻလိုꩻတသူႏသေတဝ်းထာꩻသနယ်၊ ထာꩻလူပေႏတန်ဖုံႏ၊ ပင်သွမ်ꩻမသာႏ၊ ပွယ်ꩻမင်္ဂလာႏဖုံႏ နယ်ꩻခရာႏ၊ ဒေါ့ꩻခရာႏ အဝ်ႏအာတန်၊ အနယ်ꩻတလွစ်တဝ်း၊ အနယ်ꩻတမဲဉ်ႏတဝ်း အဝ်ႏအာငါႏနဝ်မꩻ လိုႏစိဉ်ꩻစာꩻဆင်ႏချင်ႏ၊ ဝွေႏဖန်ႏငါႏလဲဉ်း၊ သျင်ႏလောင်ꩻခြွိုင်းခြိုꩻ၊ မွဉ်းဖျင်တရေꩻ ဒင်ႏအီမွန်းတာႏဖုံႏ၊ ခတ်ꩻဗာႏနေး၊ စင်းဗာႏနေး၊ လို့နေးရွဉ်အသိင်ႏတန်ꩻ အသောင်ꩻတန်ꩻဖုံႏသွူ။
ဒွိုႏသွတ်ꩻဟန်ႏအိုသားတာႏ၊ ခြောင်ဒဲဉ်သားဖုံႏတာႏ၊ ပြွဉ်း၊ ကျာႏ၊ သွယ်ꩻ၊ အိုႏ၊ သꩻ ဝေယျာဝစ္စသားဖုံႏတဲ့ ကူႏငီႏစေႏတနာႏနေးဒျာႏရိုꩻလဲ့ ဒဲဉ်ခြောင်သားဖုံႏတွမ်ႏ ဒွိုႏအိုသားတာႏဖုံႏနဝ်ꩻ စာႏဂဗာႏပါတွမ်ႏပလဲင်ꩻပေႏမꩻ အသꩻရေꩻလွ၊ ဖြေႏသꩻဖေႏစွဉ်ႏ အဗုတ်ꩻဖုံႏမꩻ အရိုꩻဒွိုႏသွတ်ꩻဟန်ႏအို ပေါင်းအွီႏမကောင် သေရိုမ်းတဝ်း၊ ဒွိုႏသွတ်ꩻကို ဝေယျာဝစ္စသားဖုံႏ မိဉ်ႏမာꩻကို စေႏတနာႏဗွာဗွာနဝ်ꩻ အကျိုꩻတန်ငါႏ မရေႏမရာႏသွူ။
မိဉ်ႏပျောႏလွဉ်ꩻဒျာႏ တွမ်ႏပလဲင်ꩻဖုံႏ၊ ဗုတ်ꩻဖုံႏနဝ်ꩻ ထာꩻလူႏပွယ်ꩻယို ထွာထိုꩻလဲဉ်း အကုဲင်ရော်ꩻ၊ ဗိုန်နုဲင်းဝင်ꩻကရိုꩻ &quot;ဟူကို ယူးအေႏပါရော်ꩻ&quot;ငဝ်းနဝ်ꩻအတွိုင်ꩻဒျာႏရင်ꩻ၊ ထာꩻလူႏအကို အဖြေင်းအတဗော့ꩻယို လိုႏပါသော့ꩻတဝ်း၊ ကွပ်ပွိုးစွဉ်ႏ အစဲဉ်ႏအဆက် ထုံꩻနုဲင်းယိုနဝ်ꩻမꩻ စေႏတနာႏအွဉ်ႏဆꩻငါ တဲမ်းပသာဗာႏနုဲင်းယိုဒျာႏ၊ ကျွိုက်တကျွိုက်တဝ်းနဝ်ꩻ ဟော်ꩻလိတ်သားဖုံႏ တာႏဝွန်ႏဒျာႏနဝ်ꩻသွူ။
ယွုမ်းလွဉ်ꩻလို့လို့ဗာႏ တဲမ်းလိတ်သား ထာꩻယူႏယိုအတွိုင်ꩻလဲ့ တရိုꩻဖေႏနွောင်ꩻတဝ်း၊ ပွိုးတမုဲင်ꩻ တဲမ်းလိတ်သားယိုနဝ်ꩻ ပုဂ္ဂိုလ်ႏဒါႏပညာႏ တမွေးတဝ်းနဝ်ꩻမꩻ အမာႏပါဒါႏနေနေ၊ ဆင်ႏချင်ႏယူႏစမ်ꩻဒျာႏသွော့ဝင်ꩻ ပငါပရာꩻ၊ လိုꩻပေႏအသက်အရွယ်ႏခရာႏတဲ့ ထွာစိဉ်ꩻစာꩻခရာႏ ကဲဉ်းအာအာ၊ ယင်ဟန်ႏသားနဝ်ꩻ သက်ပေႏစလ သိုမ်လိစ်ꩻနေင်ႏ၊ အမွိုးနဲဉ်းလွီးငါတဲ့ တစင်တဝ်းဒွိုန်းဖုံႏ၊ လိတ်ကိုကျမ်ꩻစောင်ႏသူꩻ သက်စငါလꩻ နွုတ်ꩻသွစ်ꩻနေင်ႏလွုမ်ꩻ ထွာလဲဉ်းရဟန္တာႏ မွေးတဝ်းနဲ့?။
မိဉ်ႏတစောႏတနာႏချာလဲ့ သူꩻနဝ်ꩻ တင်ꩻပါႏရမီႏဗွေႏသားဒျာႏ ရိုꩻဒွေါင်ႏဒွေါင်ႏနုဲင်းနဝ်ꩻငါ၊ ဆေ့ꩻနုဲင်းမုဲင်ꩻဆေ့ꩻ၊ ပေႏနုဲင်းမုဲင်ꩻပေႏ ဖေႏကလꩻဗဲင်း နွုတ်ꩻသွစ်ꩻနေင်ႏမာꩻကီနဝ်ꩻမꩻ လိုႏအွည်ႏဗုဲင်၊ ကားလားကဗုဲင်တဲ့ လိုႏအွဉ်ႏထွာရီးရီးက ကော်ပီတလာနီလာရပ်၊ လိုႏထွဉ်ႏသွဉ်တဲပ်တဲပ်ရီး ငဝ်းဗုဲင်သျင်ႏ၊ အအုံအအဝ်ႏ၊ အဒေါ့ꩻအဖြဝ်ႏ၊ အလွေꩻအသဲင်ꩻ လိုႏသွဉ်ခါꩻရီးနေးမꩻ၊ ယိုနဝ်ꩻ ရုက်ရုက်ရက်ရက် လောႏအွဉ်ႏဗုဲင်စွဉ်ႏစန်ႏ၊ တမုဲင်ꩻမုဲင်ꩻသေတဝ်း၊ ယင်ဟန်ႏနဝ်ꩻ ရွစ်ငါငဝ်းဗုဲင်သျင်ႏငါတဲ့ တဖြွောင်ႏတဝ်းဖုံႏသွူ။
ယင်ဟန်ႏဟန်ႏဖုံႏနဝ်ꩻ အီႏဗုဲင်သွူသျင်ႏမꩻ ငွိုးခြဝ်တေားဒျာႏအငဝ်း၊ ချောက်ဗာႏနေးတွမ်ႏတခိုး၊ ထွဉ်ႏအုံနွိုင်ႏနင်ႏနေး နုဲင်းနဝ်ꩻဖုံႏနဝ်ꩻ တလိုႏအဝ်ႏတဝ်းတစိꩻစိꩻ၊ &quot;အဆရာႏတွမ်ႏ အတပဲ့ꩻ နီဖဲ့ꩻနီခဝ် ငဝ်းငွါဗုဲင်သျင်ႏ၊ ဖြွောင်ႏသျင်ꩻစဲင်းမꩻ အီႏထွာလꩻသျင်ႏတပါꩻ&quot;၊ မာꩻဖွီကြွို့ꩻကြꩻနေးထာꩻနဝ်ꩻ ထွာနွောင်ꩻတဝ်း သျင်ႏစဲစ်တပါꩻ၊ ဗုဲင်သျင်ႏခံႏစင်ꩻ အရေꩻတန်တကားယိုတဲ့ နီနာꩻတသေထွꩻလွတဝ်းဖုံႏ၊ ထီႏဗော့ꩻအထန်ႏလွုမ်ꩻ၊ ကခံႏလို့အနီꩻအရင်ꩻ ဟွုန်သွုမ်ꩻတဝ်းဟောင်း?။
တွိုႏအဗွေႏ ကထိုမ်ႏ၊ ကရောမ်၊ ကမာꩻထာꩻမာꩻနဝ်ꩻ လူးသီးလူးသိုꩻ အဝ်ႏမိဉ်အံႏသွူတဲ့ ခံႏယွုန်းလုဲင်ႏ၊ သယ်ꩻခံႏအုံလုဲင်ႏ၊ ထွိုင်ႏမာꩻပွယ်ꩻပင်ꩻနဝ်ꩻ လောက်ꩻကာႏတဝ်းဒွုမ်တစိꩻစိꩻ၊ အံႏတမွိုꩻအွꩻတမွိုꩻ၊ စုဲင်ႏတမွိုꩻတမာꩻ၊ ကံးစွဉ်ႏကလို့ ထေတိက်ꩻတိက်ꩻစွဉ်ႏ၊ အရေꩻကတန်ဒါႏ အီႏနွို့ငါသာႏသနာႏသားအတွက် ပါꩻမုဲင်ꩻတသေယူႏစမ်ꩻတဝ်း၊ &quot;ယိုစားနဝ်ꩻ နီတသေရိုမ်းတဝ်း&quot;မိဉ်ႏရိုꩻနုဲင်းနဝ်ꩻလဲ့ ဖေႏကသေနဝ်ꩻ သမ်းတမာꩻတဝ်း၊ သꩻတဝင်ႏစာꩻတဝ်းအီး?။
အရေꩻတန်ဖဲ့ꩻမုဲင်ꩻ? အရေꩻတန်ပွယ်ꩻတွင်ꩻနဲ့? အရေꩻတန် ထွာသျင်ႏစင်ꩻတွင်ꩻနဲ့? လိုႏတွက်ထွားဗဲင်းငါႏ၊ သာႏသနာႏအမွီႏခံႏတကာႏနဝ်ꩻ သျင်ႏမွိုးသျင်ႏဖါ၊ စင်ꩻမွိုးစင်ꩻဖါတွိုင်ꩻ တထွာနွောင်ꩻကြွို့ꩻတဝ်း သာႏသနာႏတကာႏ၊ ပေါႏထွာလဲဉ်းပွယ်ꩻတကာႏ၊ ဘုရာꩻတကားတဲးတဲ့ အမိဉ်ꩻတွမ်ႏနမ်း ဖေႏကလွောက်ꩻဖက်ဗဲင်းနေနေမꩻ၊ &quot;သာႏသနာႏအမွီႏ&quot;ကရိုꩻနဝ်ꩻ အစပထမအနေႏနဝ်ꩻ သီႏလ၊ သမာႏဓိ၊ ပညာႏ ဘုရာꩻအသွဉ်သင် ဆုံꩻမꩻငဝ်းငွါဖုံႏ၊ ဒုတိယအနေႏ ရဟန်ꩻသာႏမဏေႏ၊ ဗွေႏဗိုန်သီး ကထောက်ထံꩻ သာႏသနာႏယို ဟဲ့ꩻ&quot;သာႏသနာႏအမွီႏခံႏပုဂ္ဂိုလ်ႏ&quot;ဖုံႏနဝ်ꩻသွူ။
&quot;သာႏသနာႏတကာႏ&quot;ကရိုꩻနဝ်ꩻ လွောက်ꩻနာႏကျင်ꩻသုံꩻ [[ဘုရာꩻ]]အဆုံꩻမꩻငဝ်းငွါသား၊ သာႏသနာႏဖေႏကလေ ဖေႏကလုဲင်း ကျိုꩻစာꩻသွဉ်ကျပ်၊ ဒေါ့ꩻခြုဲင်း၊ ပျꩻနယ်၊ တဲမ်းဟော်ꩻဒါႏ ပုဂ္ဂိုလ်ႏမျိုꩻ ဖေႏကပေါႏအာအာ၊ ဖေႏကလွိုင်ႏလွဉ်၊ ကအဝ်ႏထွူလဲဉ်းသားဖုံႏတဲ့ ဖေႏကညဆွာꩻ၊ နမ်းချမ်ꩻသာႏ သꩻချမ်ꩻသာႏတဲင် ဖေႏကခွုမ်မာꩻလွေꩻနွောင်ꩻနဝ်ꩻ ထွားကို၊ စွဲးကူႏငီႏကိုသားဖုံႏနဝ်ꩻ ဟဲ့ꩻ&quot;သာႏသနာႏတကာႏစဲစ်စဲစ်&quot;နဝ်ꩻသွူ။
ငဝ်းကွီသင်္ကန်ꩻကို &quot;လွစ်ထန်ႏလꩻ သံႏသရာႏဝွဋ်ဆင်ꩻရယ်ꩻ ကာကအဝ်ႏတဲင် ယံလꩻအီဗာႏ နိဗ္ဗာန်ႏချမ်ꩻသာႏ&quot;ကရွစ်ငဝ်းနုဲင်းယို နီပိုလီꩻသက်လꩻသိုမ်လိစ်ꩻနေင်ႏ တွမ်ႏရိုꩻမွုန်း၊ နီကထွာလိုꩻတန်ဖုံႏ ယွုမ်းအံႏလဲဉ်းတတွာမုဲင်ꩻ? လိုႏစဲစ်ဆေꩻချာ၊ ပိုပေႏဗုဲင်သျင်ႏတွင်ꩻ ကရွစ် &quot;ဗုဒ္ဓံ သရဏံ ဂစ္ဆာမိ&quot;သူꩻ အခရာႏဖြွောင်ႏဖြွောင်ႏသျင်ꩻသျင်ꩻ မိဉ်ႏတရွစ်ဒါႏတဝ်းနဝ်ꩻ ပါꩻမုဲင်ꩻမာႏဟောင်း? လိုႏသေနာႏငါႏဝင်ꩻ ပငါပရာꩻနဝ်ꩻသွူ။
ပိုဗုဲင်တွမ်ႏသင်္ကန်ꩻတသီးသီး/တနျာႏနျာႏခိင်ႏ မွိုးဖါသီးကထီႏဗာႏနဝ်ꩻ စွုမ်းသꩻမွေးလဲ့ အီႏအုံဗာႏနုဲင်းမုဲင်ꩻ? အီႏအံႏဗာႏနုဲင်းမုဲင်ꩻ? လွေꩻ၊ သဲင်ꩻ၊ ဗေင်ႏ၊ ကျင်ꩻ-စတဲင် သျင်ႏကျင်ꩻဝတ်ဖုံႏယို သေလဲဉ်းနဲ့? စငါဗုဲင်လွုမ်ꩻက မာꩻနုဲင်းမုဲင်ꩻအီႏသေဟောင်း? အီႏစောႏတနာႏချာနုဲင်းနဝ်ꩻမကောင်၊ ထာꩻဒါႏရိုꩻက ပါꩻမုဲင်ꩻခန်းတဲ့ မျိုꩻအီႏဒါႏထွူဒျာႏရင်ꩻဟောင်း? ဟော်ꩻလိတ်သား မိဉ်ႏရိုꩻချာလဲ့ မွေး- တဒါႏထွူတဝ်းဒျာႏရင်ꩻ၊ အထျꩻအမော့ပေႏနဝ်ꩻ ငဝ်းကဗုဲင်သျင်ႏယို အရေꩻတန်တကားနဝ်ꩻ ဖေႏကသေ သမ်းတမာꩻလွတဝ်းက။
'ဆုဲင်ꩻဆုဲင်ꩻမဲ့ꩻ အသေလွဉ်ဒျာႏ လဲင်ႏစိꩻစိꩻမတဝ်နဲး' မိဉ်ႏရိုꩻချင်နုဲင်းနဝ်ꩻလဲ့ လိုꩻပေႏမွိုးနဲဉ်းလွီးဖုံႏ၊ နေ့ꩻဖူအေႏငါမိဉ်ႏတဲ့ တစင်တဝ်းဒွိုန်းနဝ်ꩻ မာꩻနုဲင်းမုဲင်ꩻ အီႏသွဉ်ဖေႏအီး? အီႏဒေါ့ꩻဖေႏအီး? အီႏရိုꩻထဲင်းယင်းကဲးဒွုမ်နုဲင်းမုဲင်ꩻ? အမာႏတဲ့ အမာႏအကျောင်ꩻ လိုႏသေ၊ အမဲဉ်ႏတဲ့ အမဲဉ်ႏအကျောင်ꩻ လိုႏသေ၊ ခွုမ်ခြေင်းမွုန်း ထာꩻထီႏလီꩻစခါနဝ်ꩻမꩻ အီႏထဲ့မဲဉ်ႏ၊ ဗုဲင်ကွို့ꩻတဆူးတဆင်ႏ ထုံꩻစံႏအတွိုင်ꩻ လိုꩻပေႏနဝ်ꩻက မဉ်အုံနုဲင်းမုဲင်ꩻအုံ အုံဒျာႏ၊ မိဉ်ပျောႏပျောႏ မိဉ်ႏလယ်ႏလယ်ႏ၊ တသူႏသေတဝ်းဒွိုန်းထာꩻက။
နီကထွာလိုꩻတန် အမွိုးအဖါဖုံႏ ခွင်ꩻလွစ်အွဉ်ႏသꩻနုဲင်းနဝ်ꩻ လꩻရိုꩻလဲ့ သာႏသနာႏအကွဉ်အကꩻ ဘုရာꩻသင်္ကန်ꩻနဝ် တခွင်ꩻလွစ်ဖေႏနွောင်ꩻတဝ်း၊ အပဲစ်တဲ့ အပဲစ်ကအဝ်ႏအတွိုင်ꩻ အမာႏယို သာႏသနာႏ တမာꩻမဲဉ်ႏဖေႏနွောင်ꩻတဝ်း၊ မွိုးဖါတကာႏ ဆရာႏသီးဖုံႏတဲ့ ဝွေꩻသီးအပဲစ်၊ ဝွေꩻသီးထာꩻမာꩻမာႏယို ခံႏထူႏဖေႏလုဲင်ႏတေား တဒါႏတဝ်း၊ လိင်ႏ(၁၀)ပါꩻ၊ တံႏ(၁၀)ပါꩻဖုံႏ တွမ်ႏပစ္စဝေက္ခဏာႏ(၄)ပါꩻ၊ သေခိယ(၇၅)ပါꩻ၊ [[ခန္ဓကဝတ်]](၁၄)ပါꩻ ဆင်ႏချင်ႏဗာႏတသေႏသေႏ အဘိဏှတရာꩻ(၁၀)ပါꩻ။
ယိုဖုံႏနဝ်ꩻ ထွာသျင်ႏတွင်ꩻ ကျင်ꩻဗာႏလွဉ်းလွဉ်း၊ ထွာလဲဉ်းသျင်ႏက အုံဗာႏနုဲင်းသျင်ႏမꩻဝင်ꩻဟဲ့ꩻ &quot;သျင်ႏ&quot;သနယ်၊ မိဉ်ႏအုံဒျာႏနုဲင်းလိုꩻလမ်းတဲးတဲ့ ဗိုန်ဒျာႏလိုꩻလမ်းတွိုင်ꩻတွိုင်ꩻ၊ အဝ်ႏကုဲင်ဒွိုန်း လွစ်ထန်ႏသံႏသရာႏတာႏ ကျိုꩻစာꩻမာꩻထဲင်းဗာႏ ထာꩻမာꩻအဝ်ႏအာတန်၊ ဘုရာꩻသာႏသနာႏယို ခွုမ်မာꩻကြောင်းကြွို့ꩻ ပရီႏပရာႏ တလꩻတဝ်း၊ သျင်ႏလောင်ꩻကရိုꩻနဝ်ꩻ ထီႏဒျာႏအကွဉ်အကꩻ ခေါမ်ꩻလာꩻနုဲင်းခွန်၊ ခူးတွမ်ႏပန်ꩻကုံꩻ၊ ဟွဲးတွမ်ႏလော်ꩻပယ်ꩻဖုံႏလွုမ်ꩻ။
နုဲင်းနဝ်ꩻစားနဝ်ꩻ ဟဲ့ꩻသျင်ႏလောင်ꩻ တမွေးတဝ်းဒွိုန်းနေနေ၊ ကꩻဆဲင်ကွဉ်ကွဉ်နုဲင်းနီနာꩻလဲ့ သွဉ်သေꩻခါꩻ ငဝ်းဗုဲင်သျင်ႏ၊ လွောက်ꩻလွူꩻရီး အီႏဗုဲင်သျင်ႏတာႏ ထာꩻသေပညာႏနုဲင်းနဝ်ꩻသားဖုံႏတဲ့ သျင်ႏလောင်ꩻဒျာႏ၊ ပွိုးတမုဲင်ꩻနဲးတဲင် ကားလားကထွာသျင်ႏတွင်ꩻနဝ်ꩻ မိဉ်ကွဉ်ကꩻနုဲင်းမုဲင်ꩻကွဉ်ကꩻ ပေါႏအီႏဗုဲင်သျင်ႏနဝ်ꩻ ထွာသျင်ႏလောင်ꩻဒျာႏကွေႏကွေႏ-ကရိုꩻနဝ်ꩻလဲ့ ဟဝ်ယူႏသော့ꩻစမ်ꩻငါႏနဝ်ꩻသွူ။
အဝ်ႏထွာသျင်ႏတန်တဲ့နဝ်ꩻ၊ ထွာလိုꩻလမ်းဒျာႏလဲ့ အီႏဗုဲင်သင်္ကန်ꩻ၊ အီႏဗုဲင်စင်ꩻပေါႏရိုꩻနဝ်ꩻတဲ့ သျင်ႏတန်အပါꩻနဝ်ꩻနဝ်ꩻ၊ တဝ်းတဲ့ လိုꩻလမ်းအဖြာꩻနဝ်ꩻနဝ်ꩻ ဟဲ့ꩻ&quot;စင်ꩻလောင်ꩻ&quot;ကရို၊ ကွဉ်ကꩻနုဲင်းမင်ꩻသာꩻ၊ ဟွဲးတွမ်ႏလော်ꩻပယ်ꩻနဝ်ꩻမꩻ၊ မာꩻစွဉ်ႏတွမ်ႏပွယ်ꩻပင်ꩻတန် ဗွုက်ဗွုက်ဗွုင်းဗွုင်းနဝ်ꩻမꩻ ဟဲ့ꩻ&quot;စင်ꩻလောင်ꩻ&quot;စောင်းမွေးနဲ့? ယိုတဲ့နီနာꩻ လိုႏစိဉ်ꩻစာꩻ၊ မိဉ်ႏထွာမွေးသျင်ႏလောင်ꩻစဲစ်စဲစ်နဝ်ꩻ ခွန်သိကျာꩻ၊ စက္ကျာႏဝတေႏခွန်သီးဖုံႏ လဲင်ꩻရိုႏသေႏ၊ လဲင်ꩻဝုဲင်ႏနေးစွဉ်ႏတဲ့။
နဝ်ꩻက ဝွေꩻသီးနမ်းကိုသူꩻ အကျင်ꩻသီႏလဖုံႏ တွမ်ႏထာꩻသေ ကွပ်ဗွေမꩻ ဝင်ꩻဝုဲင်ႏဒျာႏ၊ ဖေႏကထွာ သျင်ႏလောင်ꩻစဲစ်စဲစ်နဝ်ꩻ လိုႏကျိုꩻစာꩻဗာႏအာနေဒွိုန်းကရိုꩻနဝ်ꩻ (ယွုမ်းတဝ်းတဲ့ စင်းမာꩻတဝ်း)တဲမ်းလိတ်သား ခံႏထူႏနုဲင်းနဝ်ꩻ၊ သျင်ႏတကာႏ/ စင်ꩻတကာႏဖုံႏတဲ့ ထဲ့နွောင်ꩻတဝ်း ခင်ႏလမ်းညမ်း ([[အပါယ်ႏ]])တဲ့၊ ယိုနဝ်ꩻ အထီအသွီႏဗွေသား သျင်ႏတကာႏတွမ်ႏစင်ꩻတကာႏသီးတာႏဒျာႏ၊ ကွပ်နဝ်ꩻမꩻ တသိုꩻရီႏတသိုꩻလူးနေးတဲင် နီကထိုမ်ႏဒါႏ၊ ကရောမ်ခါꩻဒါႏ နီရွဉ်တောင်ꩻ အလူႏစာႏယို အကျိုꩻဖေႏကအဝ်ႏနဝ်ꩻ လိုႏလူႏဒါႏငါႏနဝ်ꩻသွူ။
ဖေႏကသေတဲ့ လိုႏထိုမ်ႏရီရွောင်မꩻ သေထွꩻဗာႏ၊ သေထွꩻအကျိုꩻတရာꩻနဝ်ꩻမꩻ အကျိုꩻဖေႏကအဝ်ႏနဝ်ꩻ လူႏတန်ꩻဒါႏ၊ မိဉ်ႏမာꩻပွယ်ꩻကရိုꩻလဲ့ သျင်ႏလောင်ꩻသီးအသက်နဝ်ꩻ ချင်းဗဲင်းသက်တလောင်ꩻလောင်ꩻ၊ ယွုမ်းအံႏသာႏသနာႏတဲင် သꩻမိဉ်ထောက်ထံꩻတငါ သာႏသနာႏ မိဉ်ႏအဝ်ႏထဲင်းနဝ်ꩻ ယိင်းယံယံ၊ သာႏသနာႏတကာႏဖုံႏတဲ့ ယားခြေင်မွုန်းရွဉ်၊ အခင်ႏလမ်းတွမ်ႏအခင်ႏလမ်း သုံꩻမဲဉ်ႏမဲဉ်ႏနဝ်ꩻမꩻ ဟဲ့ꩻသာႏသနာႏတကာႏစဲစ်၊ သာႏသနာႏတဲ့ လေလင်းထင်ႏသျာꩻလွဉ်အီဒါႏနဝ်ꩻသွူ။
အရင်ꩻနဝ်ꩻ လို့နေးအသောင်ꩻအသိင်ꩻ၊ အပိုလီꩻပေႏဖုံႏ ဗုဲင်သျင်ႏထွူ စဝ်းစဝ်းခါ စင်တသွဉ်ဗာႏတဝ်းတဲ့ ထွိုင်ႏထွာသျင်ႏနဝ်ꩻ သမ်းအုံကွို့ꩻနွုတ်ꩻသွစ်ꩻနီꩻပေႏဒျာႏတဲင် သျင်ႏခရာႏ၊ အုံအဝ်ႏလွေꩻသဲင်ꩻ၊ အံႏအွꩻဒေါ့ꩻဖြဝ်ႏ လꩻတန်ꩻသွဉ်ဗာႏဒွိုန်း &quot;အံႏမနွောင်ꩻတဝ်း ဒဲဉ်ဟာ&quot;တဲ့၊ ထွက်ကြောင်းသဲင်ꩻခန်းဒျာႏ၊ တန်ႏသီႏနဝ်ꩻ ဝင်ꩻသွဉ်က၊ အုံက၊ ကျင်ꩻက၊ ကသေဒါႏသမျပေႏယို မိဉ်ႏဟော်ꩻနယ်ဖေႏချာဒါႏ မွိုးဖါ၊ မွိုးဖြားဖါဖြားသီးတရာꩻမွိုင် တဟွုန်ကွိုင်ႏတဝ်းလဲဉ်းမုဲင်ꩻ?။
ယိုနဝ်ꩻ အမွိုးအဖါ ခရူႏခရာႏ လꩻတန်ꩻသေတဝ်း အပိုအလီꩻ ထွာသျင်ႏ အခရာႏတန်ꩻသေဒွိုန်း ထွက်သဲင်ꩻခန်းဒျာႏ၊ ကလို့ဗာႏတွမ်ႏရွဉ် အသောင်ꩻအသိင်ꩻနဝ်ꩻ ဟွုန်တန်ႏနေဒွုမ်ဟောင်း? တမျိုꩻယင်းနဝ်ꩻ နီပအိုဝ်ႏလိုꩻမျိုꩻယို လူတန်ꩻထာꩻနဝ်ꩻ ဆဲစ်မွေးစွဉ်ႏထာꩻ ကဲဉ်းအာအာ၊ အဖြာꩻတဆီအကို (၉)ဖြာꩻနဝ်ꩻ ဆဲစ်လဲဉ်း၊ ဆဲစ်နုဲင်းမုဲင်ꩻ? ထင်ႏကျောင်ꩻ၊ ပင်သွမ်ꩻ၊ မသာႏ၊ မင်္ဂလာႏ-စတဲင် ထာꩻလူႏထတန်ꩻမုဲင်ꩻကိုတယဝ်း ပေါႏအီႏနာႏတရာꩻနဝ်ꩻ ဝင်ꩻမိဉ်ႏကေပ်ꩻသွူ သံဃာႏဒါႏနနဝ်ꩻ လုဲင်ႏနေးရွဉ်ယွဲး ကဲဉ်းအာအာနဝ်ꩻသွူ။
ဥပမာႏ- ငတ်ꩻစွဲးဗီႏ၊ တရေင်ဗီႏယို အဗွေႏသော့ꩻကွို့ꩻ တကွံꩻဟောင်း? သိုမ်စွဲးဟောင်း-စတဲင်နုဲင်းနဝ်ꩻစားဖုံႏ ထီႏဗာႏခွိုꩻ ခွဲးဗာႏအာတန်၊ သျင်ႏတကာႏ၊ စင်ꩻတကာႏ၊ ပွယ်ꩻတကာႏဖုံႏတဲ့နဝ်ꩻ တွိုႏအဗွေႏကခြွိုင်းဒျာႏပွယ်ꩻတာႏနဝ်ꩻ ရေႏနေးအသိင်ꩻပိဉ်ဆီဆီ၊ ပိဉ်ရျာꩻရျာꩻဖုံႏတဲ့ အဝ်ႏ၊ ဗွောင်ထွားစမ်ꩻ အသံဃာႏဒါႏန &quot;ရွဉ်အိက်&quot;(စာအိတ်)ကိုသူꩻ တရေင်ဗီႏတန်ꩻ အဝ်ႏသော့ꩻကားမုဲင်ꩻဗီႏ? နီနာꩻသေထွꩻဒျာႏသွူ။
တဲမ်းလိတ်သား ကဲ့ꩻရဲ့ꩻသဲ့ꩻသောမ်ꩻဝင်ꩻ တမွေးတဝ်း၊ ဟဝ်ယူႏငါႏနဝ်ꩻမꩻ တဲမ်းနယ်ဗာႏဒျာႏ၊ သံဃာႏတကျောင်ꩻ ပင်ꩻကားမုဲင်ꩻပါꩻကဲး? မိဉ်ႏတွိုႏလွူးတဲင်အီတာႏတွမ်ႏ ဖျင်ဆင်ပွယ်ꩻတာႏဖုံႏနဝ်ꩻ သိင်ႏဆီသိင်ႏရျာꩻနေးခန်းလဲ့ အဗွေႏတလောႏကာႏတဝ်း တစိꩻစိꩻ၊ တွိုႏသံဃာႏဒါႏနနဝ်ꩻ ရွဉ်အိက်ကိုမꩻ ကွဲးဆဲစ်ထာꩻနဝ်ꩻ ရမွေးငါႏတဝ်းဒွိုန်းသွူ။
တဲမ်းလိတ်သားယို ယူႏနုဲင်းနဝ်ꩻ၊ မာꩻပွယ်ꩻပင်ꩻ ပိဉ်ႏလို့အသိင်ႏပေါင်ꩻအရျာꩻစားတဲ့ သံဃာႏဒါႏနတာႏနဝ်ꩻ ချင်းသော့ꩻကွို့ꩻ အရေင်တန်၊ အသောင်ꩻတန်ꩻလွုမ်ꩻနဝ်ꩻ ရငါႏတဟိက်တဝ်းမွော့၊ ကလိုႏလောက်ꩻကာႏ အလောင်ႏအလင်နဝ်ꩻ တလောက်ꩻကာႏတဝ်း၊ ကလိုႏဆဲစ်အလင်ဖုံႏနဝ်ꩻ တဆဲစ်တဝ်း၊ တွိုႏသံဃာႏဒါႏနမꩻ ကွဲးဟွုန်လောႏကာႏ၊ ကွဲးဆဲစ်နဝ်ꩻ အခင်ႏလမ်း မွေးတဝ်းဒွိုန်းယင်ကရို-&lt;ref&gt;ဗွေႏဗိုန်ကော်ပီႏ&lt;/ref&gt;&lt;ref&gt;ကောင်တဖြေဟေ့ꩻ&lt;/ref&gt;</text>
      <sha1>j2gw0c271xlgpj3v3yzdxd8j1ih9f3w</sha1>
    </revision>
  </page>
  <page>
    <title>အလီꩻအွဉ်ႏချာပြောင်ꩻ</title>
    <ns>0</ns>
    <id>9558</id>
    <revision>
      <id>33523</id>
      <timestamp>2026-06-13T06:09:26Z</timestamp>
      <contributor>
        <username>KhunMyoe</username>
        <id>34</id>
      </contributor>
      <comment>ဖန်ဆင်ꩻလဲဉ်းလိတ်မဲ့ငါ တောမ်ႏ &quot;သျင်ႏပေႏနိဂြောဓ သုံꩻသွမ်ꩻခွန်ဟော်ကိုထွူ ခွန်တန်အသောက လဝ်းခန်းနုဲင်းယို &quot;နီဗွေႏသီး ဆရာႏကသွဉ်သင်ဆုံꩻမꩻဖေႏဒါႏ ဩဝါဒဖုံႏနဝ်ꩻ ခြုဲင်းနယ်ဗဲင်းဆေ့ꩻဆေ့...&quot;</comment>
      <origin>33523</origin>
      <model>wikitext</model>
      <format>text/x-wiki</format>
      <text bytes="33114" sha1="dh3lcnykp9nhycc0omjdsc8upd2b70t" xml:space="preserve">သျင်ႏပေႏနိဂြောဓ သုံꩻသွမ်ꩻခွန်ဟော်ကိုထွူ ခွန်တန်အသောက လဝ်းခန်းနုဲင်းယို &quot;နီဗွေႏသီး ဆရာႏကသွဉ်သင်ဆုံꩻမꩻဖေႏဒါႏ ဩဝါဒဖုံႏနဝ်ꩻ ခြုဲင်းနယ်ဗဲင်းဆေ့ꩻဆေ့ꩻမွိုင် ဗွေႏသျင်ႏ&quot;
&quot;သေလေႏကွို့ꩻ တစူးတစိꩻလွုမ်ꩻ တကာႏ-
မွေးသွူ၊ နာႏနာႏဒျာႏသွော့နေား တကာႏ&quot;ဝွန်ႏခံႏနုဲင်းနဝ်ꩻထွူတဲင် ဟော်ꩻခြုဲင်းနယ်ခန်း [[ဓမ္မပဒ]][[တရာꩻ]]တောႏ အပ္ပမာဒအစုအဗူႏကိုတပုဒ်၊ တရာꩻနုဲင်းမုဲင်ꩻနဲးတဲင်-
&quot;လိုꩻတအွဉ်ႏဖေင်ꩻတဝ်း ကုသိုလ်ႏသားနဝ်ꩻ ကွုတ်ဗာႏထဲင်းဒွုမ်တဲင် တွိုႏယိုꩻ[[နိဗ္ဗာန်ႏ]]၊ ပေါႏလိုꩻအွဉ်ႏတဖေင်ꩻ ကုသိုလ်ႏသားနဝ်ꩻ ဆင်ႏဆင်ႏအီႏကွုတ်ဗာႏယင်းတဲင် အီႏလွေꩻဗာႏထဲင်းထဲင်း မရဏတဖူꩻခြောင်ꩻ&quot;ကစဒါႏ ယူႏလꩻခရာႏ၊ သꩻရေꩻခရာႏ ဟော်ꩻဖေႏခွန်တန် အသောကနုဲင်းနဝ်ꩻ၊ ခွန်တန်တဲ့ သျင်ႏပေႏကဟော်ꩻနယ်ဒါႏ အခရာႏယို သဘော်ꩻဖြောင်၊ သꩻရေꩻမွေးစွဉ်ႏသွူ။
တရာꩻတပုဒ် သဲစ်ကသွတ်ꩻတဲ့ &quot;ယို ဗွေႏသျင်ႏ၊ နီဗွေႏအတာႏ ခွေသွဉ်းကပ်လူႏ သွမ်ꩻ(၈)အုက်ꩻသေႏသေႏသနယ်ဩ&quot;၊ ဗွေႏသျင်ႏတဲ့ &quot;တကာႏ ကရေႏဒါႏ ခွေအတာႏ သွမ်ꩻ(၈)အုက်ဖုံႏယို ဗွေႏသျင်ႏလူႏဒျာႏ ဗွေႏသျင်ႏသီး ဥပဇ္ဈာယ်ႏဆရာႏသနယ် တကာႏ&quot;
&quot;ဥပဇ္ဈာယ်ႏဆရာႏနဝ်ꩻ နုဲင်းမုဲင်ꩻစားဟောင်း သျင်ႏ?&quot; ခွန်တန်သမ်းရီသမ်းနုဲင်းနဝ်ꩻတဲင် ဗွေႏသျင်ႏရိုꩻဖေႏချာ-
&quot;တကာႏခွန်တန်ဟွေး- အပဲစ်ပေႏတန် မိဉ်ႏပေါႏ၊ မိဉ်ႏအဝ်ႏခိင်ႏ ယီးနယ်၊ ဖေႏသတိꩻ ကသွဉ်သင်ဖေႏဒါႏ ပုဂ္ဂိုလ်ႏစားနဝ်ꩻနဝ်ꩻ ဟဲ့ꩻ'ဥပဇ္ဈာယ်ႏဆရာႏ'သွူတကာႏ&quot;
&quot;ပေါႏနဝ်ꩻတဲ့ မွေးလဲဉ်း၊ ဗွေႏသျင်ႏတာႏ လူႏလုဲင်ႏယင်းချင်အလင် (၈)အုက်ꩻဒါႏ ဗွေႏသျင်ႏ&quot;
&quot;တကာႏ ကရေႏရွယ်ႏယင်းဒါႏ အလင်ဖုံႏ (၈)အုက်ꩻနဝ်ꩻ ဗွေႏသျင်ႏလူႏလုဲင်ႏတေား ဗွေႏသျင်ႏသီးဆရာႏကွေး တကာႏ&quot;
&quot;ဆရာႏ-ကရိုꩻနဝ်ꩻ ပုဂ္ဂိုလ်ႏစားမုဲင်ꩻအီ ဗွေႏသျင်ႏ?&quot; မိဉ်သေထဲင်းတွော့ꩻရီ၊ မိဉ်စမ်ꩻပညာႏတွော့ꩻရီ၊ ငဝ်းရီအမျိုꩻမျုꩻအကို ခွန်တန်ရေႏရွယ်ႏနုဲင်းမုဲင်ꩻ တသေတဝ်းစွဉ်ႏလဲ့ &quot;တသေတဝ်းတွော့ꩻရီ&quot;ဝွေꩻသꩻဓာတ်နုဲင်းနဝ်ꩻတဲးတဲ့ နီထူႏဂုဏ်ႏဗာႏ၊ သဘော်ꩻကျဗာႏအမန်ႏ၊ လိုꩻယင်ဟန်ႏဟန်ႏနဝ်ꩻ တသေတဝ်းငါႏလဲ့ မာꩻဒျာႏနုဲင်းအသေပုံႏတဲ့ အဝ်ႏဗောႏဗာႏထာꩻ၊ လိုꩻအစားနဝ်ꩻနဝ်ꩻ ပညာႏထာꩻသေ တတိုꩻပွါꩻထဲင်းတဝ်းဒွုမ်သွူ။
သွုပ်ယင်းသျင်ႏပေႏငဝ်း၊ &quot;ယို တကာႏ- သာႏသနာႏအကို ကျင်ꩻထွိုက်ကျင်ꩻသင်ꩻဒါႏ နမ်းကျင်ꩻတရာꩻ တဖူꩻခြောင်ꩻလောင်း ကဟဲ့ꩻလွေꩻ၊ ကစွီႏထင်ႏ၊ ကပသာဒင်ႏဖေႏဒါႏ ပုဂ္ဂိုလ်ႏစားနဝ်ꩻနဝ်ꩻ ဟဲ့ꩻ'ဆရာႏ'သနယ်တကာႏ&quot;၊ ဗွေႏသျင်ႏကဖြေႏငဝ်းယိုနဝ်ꩻ အထျꩻပထမစစနဝ်ꩻ ထွာဒျာႏလောကုတ္တရာႏဆရာႏ၊ လောကီꩻဆရာႏတဲ့ အဝ်ႏအာတန်ဒျာႏ၊ အတမိဉ်ꩻတဝ်းဆရာႏ ကေားအွဉ်ႏနယ်ဖေႏ တဖူꩻဟဝ်၊ ထာꩻမာꩻမဲဉ်ႏ မွိုးဖါဖူးဝေး သွꩻခွသီးဖုံႏတဲ့ အဝ်ႏတဝ်းမွေးတဝ်း အဝ်ႏဒျာႏနေနေနဝ်ꩻသွူ။
တနယ်ꩻ-မိဉ်ႏဒေါ့ꩻဗာႏလဲ့ နီကဟော်ꩻထွားလွဗာႏဒါႏ လိတ်စောင်ႏကို ထာꩻသေတရာꩻ ဗဟုသုတဖုံႏယိုတဲ့ 'ဆရာႏဒျာႏ'မိဉ်ႏရိုꩻနုဲင်းနဝ်ꩻတဲ့ တမာႏတဝ်း၊ လိုႏဒျာႏ နီနာꩻခံႏမာꩻ၊ ကံကျင်ꩻထူႏသုံꩻလွုမ်ꩻသွူ။
&quot;နဝ်ꩻတဲ့ မွေးလဲဉ်း၊ နီဗွေႏတာႏ လူႏယင်းသွမ်ꩻအလင် (၈)အုက်ꩻဒါႏ ဗွေႏသျင်ႏ&quot;၊ &quot;နဝ်ꩻဖုံႏတဲ့ ဗွေႏသျင်ႏလူႏလုဲင်ႏ ရဟန်ꩻသံဃာႏဒါႏ တကာႏ&quot;
&quot;ရဟန်ꩻသံဃာႏကရိုꩻနဝ်ꩻ ပုဂ္ဂိုလ်ႏအစားမုဲင်ꩻအီ? ဗွေႏသျင်ႏ&quot;
&quot;တကာႏခွန်တန်ဟွေး- ကွပ်ရဟန်ꩻသံဃာႏ အဝ်ႏနဝ်ꩻမꩻ ဗွေႏသျင်ႏသီးဥပဇ္ဈာယ်ႏ၊ ဆရာႏသီးဖုံႏတဲ့ ထွာလꩻအီသျင်ႏ၊ ထွာထင်ႏအီစင်ꩻသွူကွို တကာႏ&quot; ခွန်တန်အသောက ကရီဒါႏငဝ်းယိုနဝ်ꩻ နီလိုꩻသီးခေတ်လဲင်ႏခါ ရမွော့ထင်းလွဒျာႏ အရီပစျꩻပနျꩻထာꩻ၊ မွေးဒျာႏရင်ꩻ၊ &quot;ရဟန်ꩻ&quot;ကရိုꩻနဝ်ꩻနုဲင်းမုဲင်ꩻ? &quot;သံဃာႏ&quot;ကရိုꩻနဝ်ꩻနုဲင်းမုဲင်ꩻ? ကဲဉ်းအာအာ တသေစဲင်းတဝ်း၊ ယင်ဟန်ႏနဝ်ꩻ ပေါႏထီႏအဝ်ႏဗုဲင်သင်္ကန်ꩻတသီးသီး၊ တနျာႏနျာႏတဲ့ မတ်လဲဉ်းသွူ ရဟန်ꩻသံဃာႏဖုံႏတဲ့ အဝ်ႏသွူ။
ကမတ်နွောင်ꩻနုဲင်းယိုတဲ့ အဝ်ႏယံဒျာႏ၊ ကွဲႏတွော့ꩻ ငမ်းထွာအမတ်ပရီႏပရာႏထာꩻ၊ မိဉ်ႏသေစဲင်းစဲင်း အခရာႏနဝ်ꩻမꩻ နီကရေႏမတ်၊ နီကတောင်ꩻယိုတဲ့ အထီယိင်းထွူႏထွူႏတဝ်းနဲ့အီး? ပါꩻမုဲင်ꩻမုဲင်ꩻတယဝ်း မွိုးဖါထုံꩻစံႏအလꩻ ရေႏမတ်ကိုꩻကွယ်ႏတဲင် နုဲင်းမုဲင်ꩻမုဲင်ꩻ တရီဒွုမ်၊ တစဲစ်ဆေꩻဒွုမ်စားနဝ်ꩻနဝ်ꩻ မဲ့ꩻအဗိုန်ထိုꩻလိုꩻမဲ့ခေ့ꩻ၊ ဖေႏကသေစဲင်းစဲင်းထဲင်းနဝ်ꩻ လိုႏငါႏနီထာꩻသောင်ႏသာမုꩻ၊ ကွပ်နဝ်ꩻမꩻ ဖေႏကလꩻဝင်ꩻတခြိုꩻစဲစ်နဝ်ꩻ တွမ်ႏနီကလွိုက်ကဆဲစ်ဒါႏ ဝင်ꩻတခြိုꩻ အွိုးဆဲင်ႏနဝ်ꩻ ဗိုန်လို့ဝင်ꩻသွူ။
မိဉ်ႏတနꩻထိုꩻ အတုꩻတဲးတဲ့ ရွဉ်ခံꩻဥစ္စာႏကလို့ဗာႏယို မဲ့ꩻဟွုန်သွုမ်ꩻဆုဲင်ꩻဒါႏထာꩻ၊ ငမ်းငါႏအထွာနုဲင်းနဝ်ꩻမꩻ မွိုးဖါထုံꩻစဲဉ်ႏယို ခွန်တန်အသောက ကျံႏဝွေႏဖန်ႏစဲစ်ဆေꩻ၊ မာꩻလွေꩻ၊ ဖေႏအကျိုꩻကအဝ်ႏနုဲင်းနဝ်ꩻဒျာႏ၊ သျင်ႏပေႏထွိုင်ႏသျင်ꩻနယ် ပိဉ်မျိုꩻမျိုꩻနုဲင်းယိုနဝ်ꩻ သꩻရေꩻကီႏညိုႏမွေးစွဉ်ႏထာꩻတဲင်-
&quot;ပေါႏနဝ်ꩻတဲ့ တကာႏခွေသွဉ်း လူႏယင်းဒျာႏ နီဗွေႏတာႏ သွမ်ꩻ(၈)အုက်ꩻဒါႏ သျင်ႏ&quot; လဝ်းယင်းနုဲင်းနဝ်ꩻမꩻ ဗွေႏသျင်ႏနိဂြောဓ လက်ခံႏဆွုမ်ႏယင်း၊ တဲႏအနီꩻနဝ်ꩻမာꩻငါ ပင်ꩻလွေꩻတွမ်ႏ ရဟန်ꩻအပါꩻ(၃၂)တဲင်တွော့ꩻ ကျွꩻလွေꩻတုံꩻသွမ်ꩻ ခွန်တန်အသောက ဟော်နန်ꩻကို စွုမ်ႏနီꩻနီꩻ၊ ကွဲညည ရဟန်ꩻသံဃာႏတိုꩻလွဉ်လဲင်ႏစိꩻစိꩻတွော့ꩻ အနာလွို ဗꩻစွဉ်ႏရဟန်ꩻအပါꩻပေါင်ꩻ (၆၀၀၀၀)သူသောင်ꩻဗွေဗွေ၊ ကွပ်စွဉ်ႏကေႏညိုႏသျင်ႏပေႏအလောင်း စေႏတနာႏနဝ်ꩻတဲင် ခွန်တဲ့လောင်ꩻဗာႏစွဉ်ႏ ရဟန်ꩻအစဲစ်အမဲဉ်ႏ စွုမ်ႏနီꩻနီꩻသွူ။
မိဉ်ႏထွားနုဲင်းကီယိုနဝ်ꩻ ခွန်တန်အသောကယိုနဝ်ꩻ ယားကုဲင်တောႏလန်ႏထိုꩻ မွိုးဖါထုံꩻစံႏ၊ ပွိုးတမုဲင်ꩻ? မွိုးဖါသီးထုံꩻစံႏတွိုင်ꩻတဲ့ လက်ခံႏဗာႏလို့လို့ တရိုꩻနွောင်ꩻတဝ်း၊ ခေတ်ကာႏလ အခေႏနေႏဖုံႏနဝ်ꩻ တနီꩻတသာ၊ တလာတနေင်ႏ အဝ်ႏပြောင်ꩻလွေꩻငါငါတဲင် &quot;နီပေႏခါနဝ်ꩻ နုဲင်းယိုဒျာႏ၊ နုဲင်းနဝ်ꩻဒျာႏ&quot; ကထွာမွိုးဖါသီး၊ လိုꩻတန်သီးတဲ့ တဲက်တွိုင်ꩻဗော့ꩻ ဝွေꩻသီးပေႏခါ တထွာတဝ်းရင်ꩻ၊ လိုꩻပေႏသီးဖုံႏတဲ့ &quot;နီခေတ်ယိုခါဒျာႏမꩻ&quot;ခွုမ်သီဗော့ထာꩻ တထွာတဝ်းနေနေသွူ။
ခေတ်အခေႏအနေႏအလꩻ တွမ်ႏအသောင်အရင်ꩻ ဖေႏကလွောက်ꩻဖက်နဝ်ꩻ မာꩻဗာႏ၊ ယူႏဗာႏ၊ စူꩻဗာႏထာꩻယူႏထာꩻဝွေႏဖန်ႏ အမဲဉ်ႏစားမꩻ ထဲ့မဲဉ်ႏ၊ အသောက ခွန်တန်သီးဖါ မိဉ်ꩻ&quot;ခွန်ဗိန္ဒုသာရ&quot;၊ ခွန်ဗိန္ဒုသာရစိုးတွင်ꩻ ကကိုꩻကွယ်ႏသေꩻဒါႏနဝ်ꩻ &quot;ပုဏ္ဏာꩻခွိုꩻဖုံႏ&quot;ဒျာႏ၊ ကွဉ်ဗုဲင်လွဒျာႏ ပိက်ဗွာသား ပုဂ္ဂိုလ်ႏအစားနဝ်ꩻဒျာႏတဲ့၊ ဝွေꩻသီး ကသဲင်ꩻသုံꩻဒါႏသွမ်ꩻ အွိုးခွန်ဟော်နန်ꩻကိုသူꩻ အဖြာꩻပေါင်ꩻ (၆၀၀၀၀)သူသောင်ꩻစွဉ်ႏနေနေသွူ။
သုံꩻညညတနီꩻလွုမ်ꩻမွေးတဝ်း၊ စွုမ်ႏနီꩻနီꩻ စွုမ်ႏလာလာ၊ စွုမ်ႏနေင်ႏနေင်ႏ တသေႏသေႏစွဉ်ႏ၊ မွိုးဖါသီး အထုံꩻစဲဉ်ႏနုဲင်းယိုနဝ်ꩻ ဟဝ်လက်ခံႏနဲ့? ဟဝ်လက်ခံႏတဝ်းနဲ့? ကရိုꩻနဝ်ꩻ ဟော်ꩻလိတ်သားဖုံႏ ချင်းယူႏ(ချင်းဆုံꩻဖျတ်)စမ်ꩻဒျာႏသွော့ ပငါပရာꩻ၊ ခွန်တန်အသောက ထွာခွန်ထွိုင်ႏထွူ လꩻသိုမ်နေင်ႏကိုနဝ်ꩻ ခွန်တန်ထွားစဲစ်ဆေꩻခန်း မွိုးဖါထုံꩻစဲဉ်ႏ ကိုႏကွယ်ႏမုꩻ နုဲင်းကီနဝ်ꩻဟွဉ်ႏဖုံႏနဝ်ꩻသွူ။
သိုမ်နေင်ႏနွို့စ ခွန်တန်သီးဖါ ကကိုꩻကွယ်ႏဒါႏ ပုဏ္ဏာꩻဖြားဗွာသီးယို ဝွေꩻအဝ်ႏလွူးတဲင်၊ လူႏတန်ꩻဒျာႏကဒွိုန်း၊ ခꩻတနီꩻ ခွန်တန်အဝ်ႏအုံဟော်လောင်း ပတဲင်ပေါက်ထျꩻ၊ အစူအခင်ႏစရဲက် ကျမ်ꩻကျမ်ꩻကိမ်ꩻကိမ်ꩻဖုံႏ၊ သင်ႏစွဉ်ႏညုက်ꩻညုက်ꩻညက်ꩻညက်ꩻ၊ သွူတကာႏတဝ်း မဲ့နားစတဲင်ဣန္ဒြေႏဖုံႏတဲ့ တယေန်ႏကေႏတဝ်း၊ အဗွေႏဆရာႏပုဏ္ဏာꩻဖြားဗွာသီး အဝ်ႏအံႏဒဲဉ်ပုံႏယို ခွန်ထွားခတ်ကယ်ꩻတေ့ꩻ၊ စဲစ်ဆေꩻစမ်ꩻနဝ်ꩻ &quot;ဟွူ&quot;သာတန်ခန်းထာꩻ တလဲင်ႏထွူမꩻ-
&quot;ထာလူႏတန်ꩻ ခံႏလို့စွဉ်ႏရွဉ်ပိဉ် တကားယိုနဝ်ꩻ လိုႏစဲစ်ဆေꩻလူႏငါႏဟယို&quot;ယူႏခန်းနုဲင်းနဝ်ꩻ၊ ကွပ်ယူႏလꩻနုဲင်းနဝ်ꩻတဲင် &quot;အွိုႏ-အမတ်ဖုံႏ- လွေꩻပင်ꩻလွဉ်လွသွော့ သီကကိုꩻကွယ်ႏဒါႏ ပုဂ္ဂိုလ်ႏမျတ် (ရဟန္တာႏ)ဖုံႏသူꩻ၊ နီမာꩻထာꩻလူႏဒါႏယို&quot; ထွဉ်ႏခန်းအမတ်နုဲင်းနဝ်ꩻ။
&quot;အော်&quot; ဝွန်ႏခံႏထွူတွော့ꩻ အမတ်ဖုံႏ နက်လွေꩻပင်ꩻလွဉ်ခန်း ဝွေꩻသီးကကိုꩻကွယ်ႏဆယ်ꩻကပ်ဒါႏ အဗွေႏဆရာႏဖြားဗွာဖုံႏ၊ အာဇီဝတက္ကတွဉ်ꩻဖုံႏ၊ အဆရာႏစားနဝ်ꩻဖုံႏ ထွိုင်ႏကျွꩻတွိုႏလွဉ် ဟော်နန်ꩻကိုနဝ်ꩻ ခွန်တန်တဲ့ &quot;နီဗွေႏသီး ကျွိုက်ရာꩻခင်ႏလမ်းမုဲင်ꩻကိုတဲ့ ချင်းအုံဒျာႏဟုဲင်း အော်&quot; လဝ်းဆွုမ်ႏခန်းနုဲင်းနဝ်ꩻ၊ ပွိုးစွဉ်ႏခွန် မိဉ်စဲစ်ဆေꩻနဝ်ꩻမꩻ ခင်ႏလမ်းဖုံႏတဲ့ ဝွေꩻဒါသေꩻဖေႏနေး ကားမုဲင်ꩻရန်းရန်း၊ ခင်ႏလမ်းဟဝ်ကိုနဝ်ꩻ တကျွꩻအုံလွတဝ်း တဖြာꩻဖြာꩻနဝ်ꩻသွူ။
ယင်ဟန်ႏသားဖုံႏနဝ်ꩻ အုံဒင်ႏဒျာႏ ထာဒါတပါတဝ်းစား ကလာထဲင်ရိုꩻရိုꩻ၊ ဝါႏ၊ ရေးလောင်းဖုံႏ၊ ယင်ဟန်ႏသးနဝ်ꩻ အုံဒင်ႏဒျာႏ ကလာထဲင်ပဲဉ်လောင်းဖုံႏ၊ ခွန်ထွိုင်ႏထီႏ အလွိုက်ခင်ႏလမ်းအုံနုဲင်းယိုနဝ်ꩻ-
&quot;အော်ႏ- ဝွေꩻသီးနမ်းလောင်းဖုံႏယို တရာꩻအကဲဉ်အယာႏ တအဲဉ်ထဝ်းမွော့&quot;သေထွꩻခန်းနုဲင်းနဝ်ꩻတဲင် ကထွိုက်ရာꩻတွမ်ႏအအံႏအအွꩻ လွူးစာႏဂထွူတွော့ꩻ အွဉ်ႏစွꩻသဲင်ꩻချာလို့ခန်းဒျာႏနဝ်ꩻသွူ။
ခွန်တန်အသောကသီးစိုးနဝ်ꩻ အခေႏနေႏနုဲင်းယို အတ်ႏထီႏလွစွုမ်ႏနီꩻစွုမ်ႏဟာတဲင် တထူꩻဆန်ꩻတဝ်းဒျာႏရင်ꩻရင်ꩻ၊ ယိုနဝ်ꩻ ထွာဒျာႏအခေႏအနေႏ၊ အခိင်ႏခါႏကာႏလ အသောက ကထွာစခွန်တွင်ꩻ၊ ကွပ်နဝ်ꩻမꩻ 'အစဲစ်ယိုတွမ်ႏအတုꩻ'ကရိုꩻနဝ်ꩻ နမ်းပဲင်ႏဉာဏ်ႏအဝ်ႏမꩻ ထွာ၊ အခေႏနေႏကာႏလနဝ်ꩻ အဝ်ႏပြောင်ꩻလုဲင်ႏသေႏသေႏရိုꩻလဲ့ ထုံꩻစမ်ႏလို့လို့ မွေးတဝ်း၊ အကျောင်ꩻအကျိုꩻ၊ အနမ်းအခြောင်ꩻ အယောင်ꩻအဟေ့ꩻ မိဉ်ႏကဲက်ဒျာႏသေႏသေႏနဝ်ꩻတဲး လုဲင်ႏပြောင်ꩻထိုꩻတလꩻတဝ်း၊ လိုꩻတဖြာꩻ အလုဲင်ႏအပြောင်ꩻအာတကားမုဲင်ꩻ? တဲမ်းနယ်နေးလဲင်ꩻတလို့ဒွုမ်သွူ။
ဥပမာႏ- ဘဝယိုတဗာႏ အုံအဝ်ႏသော့ꩻစ မွိုးဟို့ꩻကို၊ အခိင်ႏတွိုႏ အကျောင်ꩻတရာꩻဗွေလိုမ်းတဲင် လွူးဖွါꩻလင်ꩻခန်း၊ မဲ့သေလေလင်း ဖျော်သဲင်ꩻခန်းလိုꩻဘဝပုံႏ၊ သက်လဲ့ တနီꩻတလာ၊ တနေင်ႏ ကွဲးတန်တန်သဲင်ꩻဘဝနဝ်ꩻ ပြောင်ꩻခန်းလဲင်ႏစိꩻစိꩻ၊ ခိင်ႏအုံကျောင်ꩻတွိုႏ၊ ရွယ်ႏကွဲးတန်တန် ထွာခန်းခိုဗင်ႏမူႏနံꩻဘဝ၊ ယိုဖုံႏနဝ်ꩻ ကွပ်အကျောင်ꩻတွမ်ႏအခြောင်ꩻ၊ အယောင်ꩻတွမ်ႏအဟေ့ꩻ ပြောင်ꩻလုဲင်ႏလွေꩻမွေးတဝ်းဟောင်း?။
တောႏလမ်းတောႏပါႏ သက်ရွယ်ႏထွိုင်ႏလꩻခိင်ႏနဝ်ꩻ ထာꩻမာꩻတဲ့ တမျိုꩻထွူတမျိုꩻ အဝ်ႏပြောင်ꩻလုဲင်ႏတသေႏ၊ အွဉ်ႏသွတ်ꩻခန်းမွိုင် ဘဝယိုထွူထိုꩻ၊ နမ်းလီꩻဘဝယို အွဉ်ႏကုဲင်ချာဘဝနဝ်ꩻ ပြောင်ꩻတငါလွေꩻတေားယင်းတလဲင်ႏ၊ ဘိုနဝ်ꩻ အခေႏနေႏကာႏလ အပြောင်ꩻခရာႏကွေႏကွေႏ၊ မွေးသွူ- ပြောင်ꩻနဝ်ꩻ မွေးလဲဉ်း၊ အလို့တောမ်ႏအလꩻ လိုꩻတွိုင်ꩻစွုမ်ႏဖြာꩻ မိဉ်လꩻအလွို (အမဲစ်)ကယ်ꩻလဲဉ်းအလီꩻလွဉ်းလွဉ်းသွူ။
အလီꩻတွမ်ႏအတသာ ကထွာအတသာသူꩻ အထီအသွီႏ၊ အငိုꩻဖေႏကလွိုကယ်ꩻအလီꩻမꩻ ထွာတဲ့၊ မွေးတဝ်းတဲ့ အရင်ꩻဖေႏကလꩻချာမꩻ၊ အသွုမ်ꩻနဝ်ꩻ ပါꩻမုဲင်ꩻခန်းတဲ့ တမိဉ်လꩻတဝ်းဒျာႏရင်ꩻကရို၊ နဝ်ꩻမꩻ ခွန်အသောက ကပြောင်ꩻလုဲင်ႏ အဖါခွန်ထုံꩻစမ်ႏယိုနဝ်ꩻ အသွုမ်ꩻနဲ့? အမဲစ်နဲ့? တဝ်းတဲ့ လꩻချာကွို့ꩻ အရင်ꩻလွုမ်ꩻဟောင်း? ကရိုꩻနဝ်ꩻ ဟော်ꩻလိတ်သား ချင်းခေႏတွက်စမ်ꩻဒျာႏဝင်ꩻ ပငါပရာꩻ။
ဝွေꩻမဲ့ကို အဝ်ႏထီႏသေႏသေႏဗော့ꩻ အဗွေႏဆရာႏ ပုဏ္ဏာꩻဖြားဗွာသီး အံႏပတုင်ꩻတင်ꩻ၊ ဒေါ့ꩻပြွိုင်းပြင်း၊ လွေꩻကြောင်းကြွို့ꩻကြꩻ၊ ဣန္ဒြေႏသိက္ခာႏ တအဲဉ်ထဝ်းနုဲင်းယိုမꩻ သꩻကို &quot;အဝ်ႏလိုႏပြောင်ꩻလုဲင်ႏလဲဉ်း&quot; ထာꩻယူႏပေါႏလွဉ် နုဲင်းအွိုးအစနဝ်ꩻဟွဉ်ႏ၊ ကွဲႏတွော့ꩻ- ထွဉ်ႏလွေꩻပင်ꩻလွဉ်ယင်း တစွိုꩻတဲ့ သမ်းရိုꩻ &quot;ပုဂ္ဂိုလ်ႏမျတ်&quot;([[ရဟန္တာႏ]])တဲ့ အဝ်ႏဒျာႏတွိုင်ꩻတွိုင်ꩻ၊ ယိုနဝ်ꩻ ထွာအလုဲင်ႏအပြောင်ꩻသွုမ်ꩻ ရိုꩻဗာႏနုဲင်းနဝ်ꩻ၊ ရေႏအမဲစ်အလွိုတဲ့ အရင်ꩻငါတဲ့ တလꩻချာတဝ်းကရို?။
ဝွေꩻထာꩻယူႏထာꩻတွေꩻ ကွပ်အဝ်ႏသေနုဲင်းယိုမꩻ တွိုႏခꩻတနီꩻ ဗွောင်ခန်းဟော်နန်ꩻတခါꩻ ပတဲင်ပေါက် ထွားလင်ꩻကွဉ်ႏခန်းထာꩻ ဟော်တလင်ꩻတွင်ꩻ သျင်ႏပေႏနိဂြောဓ အဝ်ႏဝေင်ꩻဆꩻနဝ် အီႏကျွꩻသဲင်ꩻလယ်ႏ အတကာႏမမွိုးလမ်း အဝ်ႏကျွꩻထင်ꩻသဲင်ꩻဝေင်ꩻကို၊ ထွိုင်ႏတွိုႏခွန်တန် ဟော်တလင်ꩻခိင်ႏနဝ်ꩻ တနꩻမဲဉ်ႏစွဉ်ႏတွမ်ႏ ခွန်တန်အဝ်ႏထွားလင်ꩻထာꩻတွင်ꩻနဝ်ꩻမꩻ ခွန်ဟဲ့ꩻအမတ်၊ ထွဉ်ႏပင်ꩻသဲင်ꩻလွဉ် ဟော်နန်ꩻကိုနဝ်ꩻသွူ။
သျင်ႏပေႏ ကကျွꩻထာꩻ တဖူꩻလောင်းခိင်ႏသူꩻနဝ်ꩻ သင်္ကန်ꩻရုံႏတဲပ်၊ စူခင်ႏမဲ့နားဖုံႏ နုညံꩻယေန်ႏကေႏတဗွီႏ၊ ထွားကွို့ꩻလိစ်ꩻသောင်ꩻထာအကိုလွုမ်ꩻတဲင် မိဉ်ႏတဲက်ထွားတွမ်ႏ ဝွေꩻကလွူးမွီး၊ လူႏတန်ꩻဒါႏပုဏ္ဏာꩻဖြားဗွာသီးဖုံႏနဝ်ꩻ ကွာႏအာမွေးငါႏ မရေႏမရာႏ၊ ခွန်တန် သဲစ်ကထီႏဗာႏ သျင်ႏပေႏနုဲင်းယိုနဝ်ꩻ &quot;တွမ်ႏဝွေꩻထာꩻယူႏ ရငါႏမဲဉ်ႏတလူႏမွေးလဲဉ်း&quot;သꩻရောင်းသꩻရေꩻတဲင် ထွဉ်ႏလင်ꩻစွဉ်ႏအမတ်-
&quot;လွေꩻပင်ꩻလွဉ် သျင်ႏပေႏသူꩻဟုဲင်း&quot; သမ်းမဗော့ꩻမညာꩻနဝ်ꩻမꩻ အမတ်အစွိုꩻရီးနဝ်ꩻ ဟွုန်ညငါႏတတဲင် ထွဉ်ႏယင်းအမတ်ဝင်ꩻနီဝင်ꩻသိုမ် &quot;ပင်ꩻသဲင်ꩻမွိုင်မွိုင်တဲ့ ရိုꩻနုဲင်းနဝ်ꩻဟုဲင်း&quot;၊ ခွန်တန်ထွဉ်ႏပင်ꩻသဲင်ꩻမွိုင်မွိုင်တဲ့ သျင်ႏပေႏနဝ်ꩻ အဝ်ႏကျွꩻယွယွဒျာႏစွူစွူ၊ &quot;သျင်ႏပေႏမျတ်&quot;ကရိုꩻနဝ်ꩻ နုဲင်းယိုစားဒျာႏ၊ နီလိုꩻသီး ခေတ်ယိုခါနဝ်ꩻ 'ပေါႏရိုꩻအရေꩻတန်'နဝ်ꩻ လောႏစွဉ်ႏဗွုက်ဗွုက်ဗက်ဗက်၊ ဖင်းနေးစွဉ်ႏ ဟော်ဟော်ဟယ်ဟယ်၊ အသာထာꩻတွမ်ႏဒွုမ်အဖြောင်းဖုံႏသွူ။
ခွန်တန် ရွဉ်းစွဉ်ႏတနူႏတနီႏလဲ့ သျင်ႏပေႏနဝ်ꩻ တဖင်းနေးတဝ်းနဝ်ꩻ ပွိုးတမုဲင်ꩻ? ဟော်ꩻလိတ်သားဖုံႏ မိဉ်ႏမိဉ်သေတဲ့ ရီရွောင်ဆွေꩻနွေꩻသွော့ ပညာႏသျင်ႏဖုံႏနေား၊ တဲမ်းလိတ်သားမိဉ်ႏတဲမ်းတဲ့ မဲ့ꩻသွတ်ꩻဒါႏတဝ်းဒွုမ်ထာꩻ၊ ခွန်အသောကလဲ့ ဒါခါꩻခင်ႏလမ်း ဗိုန်ဗိုန်ဒျာႏပွိုင်းလဲင်ႏ ထုံꩻစံႏအတွိုင်ꩻ၊ အသꩻကိုတဲ့ အဝ်ႏရေႏစမ်ꩻပါ သျင်ႏပေႏတဲ့ပါပါ၊ သဲစ်သျင်ႏပေႏ ကဖျော်ထင်ႏ ဟော်နန်ꩻလောင်းကီတဲ့-
&quot;ခင်ႏလမ်းရလွောက်ꩻနုဲင်းမုဲင်ꩻတဲ့ ချင်းသတင်ꩻသုံꩻ အုံဒင်ႏဒျာႏဟုဲင်းဗွေႏ&quot; လဝ်းဗော့ꩻနုဲင်းနဝ်ꩻ၊ ဗွေႏသျင်ႏလဲ့ ထွားကြုꩻချာငါပသာႏတွော့ꩻ အသꩻကိုတဲ့ &quot;ပေါႏလွိုခွေ ရဟန်ꩻလောင်ႏလင် တအဲဉ်ထဝ်းဒွုမ်&quot;ယူႏခံႏနုဲင်းနဝ်ꩻတဲင် နက်ငါလွေꩻစွဉ်ႏထီꩻခံꩻ၊ ထီꩻဗွာ ကအဝ်ႏကင်း ခွန်တန်ပလ္လင်ႏထျꩻ တလဲင်ႏချင်ꩻ၊ အပုံႏလက္ခဏာႏတဲ့ ဖေႏခွန်ကလွဉ်ထူႏသွော့ ဝွေꩻဗွေႏသပိတ်အကျောင်ꩻ အနယ်ꩻပရိယာယ်ႏ ထင်ႏသျာꩻဒျာႏနဝ်ꩻမꩻ ခွန်လဲ့ လွေꩻထူႏဆွုမ်ႏခန်း ဝွေꩻဗွေႏသပိတ်နဝ်ꩻသွူ။
သဲစ်ဗွေႏသျင်ႏပေႏ ကနက်လွေꩻ ပလ္လင်ႏထျꩻခိင်ႏကာႏ ခွန်တန်သꩻကိုနဝ်ꩻ &quot;ဗွေႏသျင်ႏပေႏယိုနဝ်ꩻ ဟန်ႏသနီꩻ ထွာလဲဉ်းသွူ ဟော်နန်ꩻယို ထာꩻကိုꩻကွယ်ႏ၊ ဟော်နန်ꩻ ယိုတဖြုံႏလိုမ်း သျင်ႏပေႏယို ထွာလဲဉ်းအတန်သွတ်ꩻ&quot;ယူႏခန်းဒျာႏနုဲင်းနဝ်ꩻ၊ ခွန်တန်တဲ့ ဝွေꩻကစီႏရင်ႏခါꩻဒါႏ ဒဲဉ်ဟန်ႏသွမ်ꩻ အရသာႏစွုမ်ႏစီႏ ကပ်လူႏဗွေႏသျင်ႏသွမ်ꩻ၊ ဗွေႏသျင်ႏပေႏတဲ့ တွမ်ႏဝွေꩻဗွေႏ ကရမဲဉ်ႏရာႏရပ် လူႏခံႏထွူတဲင် ဆင်ႏချင်ႏပစ္စဝေက္ခဏာႏတွော့ꩻ သုံꩻခန်းသောမ်ꩻနဝ်ꩻသွူ။
သုံꩻသွမ်ꩻထွိုင်ႏထွူခိင်ႏ ခွန်တန်ထာꩻယူႏဖုံႏ၊ ထာꩻတွေꩻဖုံႏယို ဖေႏအကျောင်ꩻအခြောင်ꩻ ကပေါႏနဝ်ꩻ ရီလဝ်းခန်း ဗွေႏသျင်ႏတရာꩻတွမ်ႏ ငဝ်းရီငဝ်းဖြေႏ နုဲင်းအွိုးအစဖုံႏနဝ်ꩻအတွိုင်ꩻ၊ ခွန်တန်အသောက ကရိုႏသေႏဒါႏမွေးမွေး ရတနာႏသိုမ်ပါꩻနဝ်ꩻ ကွပ်သျင်ႏပေႏနိဂြောဓ၊ သျင်ႏပေႏနဝ်ꩻ ထွာခွန်ဆရာႏတပါꩻနေနေ၊ ကွပ်နဝ်ꩻမꩻ ခွုမ်မာꩻထာꩻမာꩻအမျိုꩻမုဲင်ꩻ၊ အစွိုꩻမုဲင်ꩻ၊ ဒုံ၊ ကျောင်ꩻဖုံႏ၊ လမ်းပါႏအဖြုံႏမုဲင်ꩻတယဝ်း အွဉ်ငါသားယိုနဝ်ꩻ အဝ်ႏလိုႏသေႏသေႏ ထာꩻယူႏတွေꩻဟဝ်ဟဝ်သွူ။
စိက္ကူꩻ၊ ယူႏဝွေႏဖန်ႏ၊ တွက်ထွား၊ ချင်ႏခေႏကာႏလ၊ ဒေႏသအခေႏအနေႏယို သေခါꩻဗာႏမꩻ၊ မိဉ်ႏတတ်နွိုင်ႏနဝ်ꩻ ထုံꩻစဲဉ်ႏအမာႏအတရွို့ꩻယို မိဉ်ႏပြောင်ꩻလုဲင်ႏနွောင်ꩻ ရုဲင်းရုဲင်းထင်ထင်နဝ်ꩻ ယိင်းယံယံ၊ နမ်းတပြောင်ꩻလုဲင်ႏတဝ်း၊ တမာꩻနွောင်ꩻတဝ်းတဲ့ ဝင်ꩻမိဉ်ႏမာꩻ၊ 
မိဉ်ႏဆောင်ႏရွက်နဝ်ꩻ လိုႏသꩻရေꩻကို၊ လိုႏဖေႏအာႏကိုငါႏ၊ နမ်းတမာꩻနွောင်ꩻတဝ်းတဲ့ ဖေႏကထွာမွုန်း လိုꩻယားကုဲင်ခွိုꩻရက်တသာသီး အစော့ꩻအလာႏနဝ်ꩻ နီယို လိုႏငါႏထာꩻယူႏထာꩻတွေꩻ အမွန်အဗန်တဗာႏကရိုꩻနဝ်ꩻ-&lt;ref&gt;မျိုꩻစဲစ်ခွန်(နဝ်)&lt;/ref&gt;&lt;ref&gt;သထုံႏပေႏ&lt;/ref&gt;</text>
      <sha1>dh3lcnykp9nhycc0omjdsc8upd2b70t</sha1>
    </revision>
    <revision>
      <id>33524</id>
      <parentid>33523</parentid>
      <timestamp>2026-06-13T06:11:44Z</timestamp>
      <contributor>
        <username>KhunMyoe</username>
        <id>34</id>
      </contributor>
      <origin>33524</origin>
      <model>wikitext</model>
      <format>text/x-wiki</format>
      <text bytes="33122" sha1="iwyz2b8fpmssg5sd85hhfzic6bphuk9" xml:space="preserve">သျင်ႏပေႏ[[နိဂြောဓ]] သုံꩻသွမ်ꩻခွန်ဟော်ကိုထွူ ခွန်တန်[[အသောက]] လဝ်းခန်းနုဲင်းယို &quot;နီဗွေႏသီး ဆရာႏကသွဉ်သင်ဆုံꩻမꩻဖေႏဒါႏ ဩဝါဒဖုံႏနဝ်ꩻ ခြုဲင်းနယ်ဗဲင်းဆေ့ꩻဆေ့ꩻမွိုင် ဗွေႏသျင်ႏ&quot;
&quot;သေလေႏကွို့ꩻ တစူးတစိꩻလွုမ်ꩻ တကာႏ-
မွေးသွူ၊ နာႏနာႏဒျာႏသွော့နေား တကာႏ&quot;ဝွန်ႏခံႏနုဲင်းနဝ်ꩻထွူတဲင် ဟော်ꩻခြုဲင်းနယ်ခန်း [[ဓမ္မပဒ]][[တရာꩻ]]တောႏ အပ္ပမာဒအစုအဗူႏကိုတပုဒ်၊ တရာꩻနုဲင်းမုဲင်ꩻနဲးတဲင်-
&quot;လိုꩻတအွဉ်ႏဖေင်ꩻတဝ်း ကုသိုလ်ႏသားနဝ်ꩻ ကွုတ်ဗာႏထဲင်းဒွုမ်တဲင် တွိုႏယိုꩻ[[နိဗ္ဗာန်ႏ]]၊ ပေါႏလိုꩻအွဉ်ႏတဖေင်ꩻ ကုသိုလ်ႏသားနဝ်ꩻ ဆင်ႏဆင်ႏအီႏကွုတ်ဗာႏယင်းတဲင် အီႏလွေꩻဗာႏထဲင်းထဲင်း မရဏတဖူꩻခြောင်ꩻ&quot;ကစဒါႏ ယူႏလꩻခရာႏ၊ သꩻရေꩻခရာႏ ဟော်ꩻဖေႏခွန်တန် အသောကနုဲင်းနဝ်ꩻ၊ ခွန်တန်တဲ့ သျင်ႏပေႏကဟော်ꩻနယ်ဒါႏ အခရာႏယို သဘော်ꩻဖြောင်၊ သꩻရေꩻမွေးစွဉ်ႏသွူ။
တရာꩻတပုဒ် သဲစ်ကသွတ်ꩻတဲ့ &quot;ယို ဗွေႏသျင်ႏ၊ နီဗွေႏအတာႏ ခွေသွဉ်းကပ်လူႏ သွမ်ꩻ(၈)အုက်ꩻသေႏသေႏသနယ်ဩ&quot;၊ ဗွေႏသျင်ႏတဲ့ &quot;တကာႏ ကရေႏဒါႏ ခွေအတာႏ သွမ်ꩻ(၈)အုက်ဖုံႏယို ဗွေႏသျင်ႏလူႏဒျာႏ ဗွေႏသျင်ႏသီး ဥပဇ္ဈာယ်ႏဆရာႏသနယ် တကာႏ&quot;
&quot;ဥပဇ္ဈာယ်ႏဆရာႏနဝ်ꩻ နုဲင်းမုဲင်ꩻစားဟောင်း သျင်ႏ?&quot; ခွန်တန်သမ်းရီသမ်းနုဲင်းနဝ်ꩻတဲင် ဗွေႏသျင်ႏရိုꩻဖေႏချာ-
&quot;တကာႏခွန်တန်ဟွေး- အပဲစ်ပေႏတန် မိဉ်ႏပေါႏ၊ မိဉ်ႏအဝ်ႏခိင်ႏ ယီးနယ်၊ ဖေႏသတိꩻ ကသွဉ်သင်ဖေႏဒါႏ ပုဂ္ဂိုလ်ႏစားနဝ်ꩻနဝ်ꩻ ဟဲ့ꩻ'ဥပဇ္ဈာယ်ႏဆရာႏ'သွူတကာႏ&quot;
&quot;ပေါႏနဝ်ꩻတဲ့ မွေးလဲဉ်း၊ ဗွေႏသျင်ႏတာႏ လူႏလုဲင်ႏယင်းချင်အလင် (၈)အုက်ꩻဒါႏ ဗွေႏသျင်ႏ&quot;
&quot;တကာႏ ကရေႏရွယ်ႏယင်းဒါႏ အလင်ဖုံႏ (၈)အုက်ꩻနဝ်ꩻ ဗွေႏသျင်ႏလူႏလုဲင်ႏတေား ဗွေႏသျင်ႏသီးဆရာႏကွေး တကာႏ&quot;
&quot;ဆရာႏ-ကရိုꩻနဝ်ꩻ ပုဂ္ဂိုလ်ႏစားမုဲင်ꩻအီ ဗွေႏသျင်ႏ?&quot; မိဉ်သေထဲင်းတွော့ꩻရီ၊ မိဉ်စမ်ꩻပညာႏတွော့ꩻရီ၊ ငဝ်းရီအမျိုꩻမျုꩻအကို ခွန်တန်ရေႏရွယ်ႏနုဲင်းမုဲင်ꩻ တသေတဝ်းစွဉ်ႏလဲ့ &quot;တသေတဝ်းတွော့ꩻရီ&quot;ဝွေꩻသꩻဓာတ်နုဲင်းနဝ်ꩻတဲးတဲ့ နီထူႏဂုဏ်ႏဗာႏ၊ သဘော်ꩻကျဗာႏအမန်ႏ၊ လိုꩻယင်ဟန်ႏဟန်ႏနဝ်ꩻ တသေတဝ်းငါႏလဲ့ မာꩻဒျာႏနုဲင်းအသေပုံႏတဲ့ အဝ်ႏဗောႏဗာႏထာꩻ၊ လိုꩻအစားနဝ်ꩻနဝ်ꩻ ပညာႏထာꩻသေ တတိုꩻပွါꩻထဲင်းတဝ်းဒွုမ်သွူ။
သွုပ်ယင်းသျင်ႏပေႏငဝ်း၊ &quot;ယို တကာႏ- သာႏသနာႏအကို ကျင်ꩻထွိုက်ကျင်ꩻသင်ꩻဒါႏ နမ်းကျင်ꩻတရာꩻ တဖူꩻခြောင်ꩻလောင်း ကဟဲ့ꩻလွေꩻ၊ ကစွီႏထင်ႏ၊ ကပသာဒင်ႏဖေႏဒါႏ ပုဂ္ဂိုလ်ႏစားနဝ်ꩻနဝ်ꩻ ဟဲ့ꩻ'ဆရာႏ'သနယ်တကာႏ&quot;၊ ဗွေႏသျင်ႏကဖြေႏငဝ်းယိုနဝ်ꩻ အထျꩻပထမစစနဝ်ꩻ ထွာဒျာႏလောကုတ္တရာႏဆရာႏ၊ လောကီꩻဆရာႏတဲ့ အဝ်ႏအာတန်ဒျာႏ၊ အတမိဉ်ꩻတဝ်းဆရာႏ ကေားအွဉ်ႏနယ်ဖေႏ တဖူꩻဟဝ်၊ ထာꩻမာꩻမဲဉ်ႏ မွိုးဖါဖူးဝေး သွꩻခွသီးဖုံႏတဲ့ အဝ်ႏတဝ်းမွေးတဝ်း အဝ်ႏဒျာႏနေနေနဝ်ꩻသွူ။
တနယ်ꩻ-မိဉ်ႏဒေါ့ꩻဗာႏလဲ့ နီကဟော်ꩻထွားလွဗာႏဒါႏ လိတ်စောင်ႏကို ထာꩻသေတရာꩻ ဗဟုသုတဖုံႏယိုတဲ့ 'ဆရာႏဒျာႏ'မိဉ်ႏရိုꩻနုဲင်းနဝ်ꩻတဲ့ တမာႏတဝ်း၊ လိုႏဒျာႏ နီနာꩻခံႏမာꩻ၊ ကံကျင်ꩻထူႏသုံꩻလွုမ်ꩻသွူ။
&quot;နဝ်ꩻတဲ့ မွေးလဲဉ်း၊ နီဗွေႏတာႏ လူႏယင်းသွမ်ꩻအလင် (၈)အုက်ꩻဒါႏ ဗွေႏသျင်ႏ&quot;၊ &quot;နဝ်ꩻဖုံႏတဲ့ ဗွေႏသျင်ႏလူႏလုဲင်ႏ ရဟန်ꩻသံဃာႏဒါႏ တကာႏ&quot;
&quot;ရဟန်ꩻသံဃာႏကရိုꩻနဝ်ꩻ ပုဂ္ဂိုလ်ႏအစားမုဲင်ꩻအီ? ဗွေႏသျင်ႏ&quot;
&quot;တကာႏခွန်တန်ဟွေး- ကွပ်ရဟန်ꩻသံဃာႏ အဝ်ႏနဝ်ꩻမꩻ ဗွေႏသျင်ႏသီးဥပဇ္ဈာယ်ႏ၊ ဆရာႏသီးဖုံႏတဲ့ ထွာလꩻအီသျင်ႏ၊ ထွာထင်ႏအီစင်ꩻသွူကွို တကာႏ&quot; ခွန်တန်အသောက ကရီဒါႏငဝ်းယိုနဝ်ꩻ နီလိုꩻသီးခေတ်လဲင်ႏခါ ရမွော့ထင်းလွဒျာႏ အရီပစျꩻပနျꩻထာꩻ၊ မွေးဒျာႏရင်ꩻ၊ &quot;ရဟန်ꩻ&quot;ကရိုꩻနဝ်ꩻနုဲင်းမုဲင်ꩻ? &quot;သံဃာႏ&quot;ကရိုꩻနဝ်ꩻနုဲင်းမုဲင်ꩻ? ကဲဉ်းအာအာ တသေစဲင်းတဝ်း၊ ယင်ဟန်ႏနဝ်ꩻ ပေါႏထီႏအဝ်ႏဗုဲင်သင်္ကန်ꩻတသီးသီး၊ တနျာႏနျာႏတဲ့ မတ်လဲဉ်းသွူ ရဟန်ꩻသံဃာႏဖုံႏတဲ့ အဝ်ႏသွူ။
ကမတ်နွောင်ꩻနုဲင်းယိုတဲ့ အဝ်ႏယံဒျာႏ၊ ကွဲႏတွော့ꩻ ငမ်းထွာအမတ်ပရီႏပရာႏထာꩻ၊ မိဉ်ႏသေစဲင်းစဲင်း အခရာႏနဝ်ꩻမꩻ နီကရေႏမတ်၊ နီကတောင်ꩻယိုတဲ့ အထီယိင်းထွူႏထွူႏတဝ်းနဲ့အီး? ပါꩻမုဲင်ꩻမုဲင်ꩻတယဝ်း မွိုးဖါထုံꩻစံႏအလꩻ ရေႏမတ်ကိုꩻကွယ်ႏတဲင် နုဲင်းမုဲင်ꩻမုဲင်ꩻ တရီဒွုမ်၊ တစဲစ်ဆေꩻဒွုမ်စားနဝ်ꩻနဝ်ꩻ မဲ့ꩻအဗိုန်ထိုꩻလိုꩻမဲ့ခေ့ꩻ၊ ဖေႏကသေစဲင်းစဲင်းထဲင်းနဝ်ꩻ လိုႏငါႏနီထာꩻသောင်ႏသာမုꩻ၊ ကွပ်နဝ်ꩻမꩻ ဖေႏကလꩻဝင်ꩻတခြိုꩻစဲစ်နဝ်ꩻ တွမ်ႏနီကလွိုက်ကဆဲစ်ဒါႏ ဝင်ꩻတခြိုꩻ အွိုးဆဲင်ႏနဝ်ꩻ ဗိုန်လို့ဝင်ꩻသွူ။
မိဉ်ႏတနꩻထိုꩻ အတုꩻတဲးတဲ့ ရွဉ်ခံꩻဥစ္စာႏကလို့ဗာႏယို မဲ့ꩻဟွုန်သွုမ်ꩻဆုဲင်ꩻဒါႏထာꩻ၊ ငမ်းငါႏအထွာနုဲင်းနဝ်ꩻမꩻ မွိုးဖါထုံꩻစဲဉ်ႏယို ခွန်တန်အသောက ကျံႏဝွေႏဖန်ႏစဲစ်ဆေꩻ၊ မာꩻလွေꩻ၊ ဖေႏအကျိုꩻကအဝ်ႏနုဲင်းနဝ်ꩻဒျာႏ၊ သျင်ႏပေႏထွိုင်ႏသျင်ꩻနယ် ပိဉ်မျိုꩻမျိုꩻနုဲင်းယိုနဝ်ꩻ သꩻရေꩻကီႏညိုႏမွေးစွဉ်ႏထာꩻတဲင်-
&quot;ပေါႏနဝ်ꩻတဲ့ တကာႏခွေသွဉ်း လူႏယင်းဒျာႏ နီဗွေႏတာႏ သွမ်ꩻ(၈)အုက်ꩻဒါႏ သျင်ႏ&quot; လဝ်းယင်းနုဲင်းနဝ်ꩻမꩻ ဗွေႏသျင်ႏနိဂြောဓ လက်ခံႏဆွုမ်ႏယင်း၊ တဲႏအနီꩻနဝ်ꩻမာꩻငါ ပင်ꩻလွေꩻတွမ်ႏ ရဟန်ꩻအပါꩻ(၃၂)တဲင်တွော့ꩻ ကျွꩻလွေꩻတုံꩻသွမ်ꩻ ခွန်တန်အသောက ဟော်နန်ꩻကို စွုမ်ႏနီꩻနီꩻ၊ ကွဲညည ရဟန်ꩻသံဃာႏတိုꩻလွဉ်လဲင်ႏစိꩻစိꩻတွော့ꩻ အနာလွို ဗꩻစွဉ်ႏရဟန်ꩻအပါꩻပေါင်ꩻ (၆၀၀၀၀)သူသောင်ꩻဗွေဗွေ၊ ကွပ်စွဉ်ႏကေႏညိုႏသျင်ႏပေႏအလောင်း စေႏတနာႏနဝ်ꩻတဲင် ခွန်တဲ့လောင်ꩻဗာႏစွဉ်ႏ ရဟန်ꩻအစဲစ်အမဲဉ်ႏ စွုမ်ႏနီꩻနီꩻသွူ။
မိဉ်ႏထွားနုဲင်းကီယိုနဝ်ꩻ ခွန်တန်အသောကယိုနဝ်ꩻ ယားကုဲင်တောႏလန်ႏထိုꩻ မွိုးဖါထုံꩻစံႏ၊ ပွိုးတမုဲင်ꩻ? မွိုးဖါသီးထုံꩻစံႏတွိုင်ꩻတဲ့ လက်ခံႏဗာႏလို့လို့ တရိုꩻနွောင်ꩻတဝ်း၊ ခေတ်ကာႏလ အခေႏနေႏဖုံႏနဝ်ꩻ တနီꩻတသာ၊ တလာတနေင်ႏ အဝ်ႏပြောင်ꩻလွေꩻငါငါတဲင် &quot;နီပေႏခါနဝ်ꩻ နုဲင်းယိုဒျာႏ၊ နုဲင်းနဝ်ꩻဒျာႏ&quot; ကထွာမွိုးဖါသီး၊ လိုꩻတန်သီးတဲ့ တဲက်တွိုင်ꩻဗော့ꩻ ဝွေꩻသီးပေႏခါ တထွာတဝ်းရင်ꩻ၊ လိုꩻပေႏသီးဖုံႏတဲ့ &quot;နီခေတ်ယိုခါဒျာႏမꩻ&quot;ခွုမ်သီဗော့ထာꩻ တထွာတဝ်းနေနေသွူ။
ခေတ်အခေႏအနေႏအလꩻ တွမ်ႏအသောင်အရင်ꩻ ဖေႏကလွောက်ꩻဖက်နဝ်ꩻ မာꩻဗာႏ၊ ယူႏဗာႏ၊ စူꩻဗာႏထာꩻယူႏထာꩻဝွေႏဖန်ႏ အမဲဉ်ႏစားမꩻ ထဲ့မဲဉ်ႏ၊ အသောက ခွန်တန်သီးဖါ မိဉ်ꩻ&quot;ခွန်ဗိန္ဒုသာရ&quot;၊ ခွန်ဗိန္ဒုသာရစိုးတွင်ꩻ ကကိုꩻကွယ်ႏသေꩻဒါႏနဝ်ꩻ &quot;ပုဏ္ဏာꩻခွိုꩻဖုံႏ&quot;ဒျာႏ၊ ကွဉ်ဗုဲင်လွဒျာႏ ပိက်ဗွာသား ပုဂ္ဂိုလ်ႏအစားနဝ်ꩻဒျာႏတဲ့၊ ဝွေꩻသီး ကသဲင်ꩻသုံꩻဒါႏသွမ်ꩻ အွိုးခွန်ဟော်နန်ꩻကိုသူꩻ အဖြာꩻပေါင်ꩻ (၆၀၀၀၀)သူသောင်ꩻစွဉ်ႏနေနေသွူ။
သုံꩻညညတနီꩻလွုမ်ꩻမွေးတဝ်း၊ စွုမ်ႏနီꩻနီꩻ စွုမ်ႏလာလာ၊ စွုမ်ႏနေင်ႏနေင်ႏ တသေႏသေႏစွဉ်ႏ၊ မွိုးဖါသီး အထုံꩻစဲဉ်ႏနုဲင်းယိုနဝ်ꩻ ဟဝ်လက်ခံႏနဲ့? ဟဝ်လက်ခံႏတဝ်းနဲ့? ကရိုꩻနဝ်ꩻ ဟော်ꩻလိတ်သားဖုံႏ ချင်းယူႏ(ချင်းဆုံꩻဖျတ်)စမ်ꩻဒျာႏသွော့ ပငါပရာꩻ၊ ခွန်တန်အသောက ထွာခွန်ထွိုင်ႏထွူ လꩻသိုမ်နေင်ႏကိုနဝ်ꩻ ခွန်တန်ထွားစဲစ်ဆေꩻခန်း မွိုးဖါထုံꩻစဲဉ်ႏ ကိုႏကွယ်ႏမုꩻ နုဲင်းကီနဝ်ꩻဟွဉ်ႏဖုံႏနဝ်ꩻသွူ။
သိုမ်နေင်ႏနွို့စ ခွန်တန်သီးဖါ ကကိုꩻကွယ်ႏဒါႏ ပုဏ္ဏာꩻဖြားဗွာသီးယို ဝွေꩻအဝ်ႏလွူးတဲင်၊ လူႏတန်ꩻဒျာႏကဒွိုန်း၊ ခꩻတနီꩻ ခွန်တန်အဝ်ႏအုံဟော်လောင်း ပတဲင်ပေါက်ထျꩻ၊ အစူအခင်ႏစရဲက် ကျမ်ꩻကျမ်ꩻကိမ်ꩻကိမ်ꩻဖုံႏ၊ သင်ႏစွဉ်ႏညုက်ꩻညုက်ꩻညက်ꩻညက်ꩻ၊ သွူတကာႏတဝ်း မဲ့နားစတဲင်ဣန္ဒြေႏဖုံႏတဲ့ တယေန်ႏကေႏတဝ်း၊ အဗွေႏဆရာႏပုဏ္ဏာꩻဖြားဗွာသီး အဝ်ႏအံႏဒဲဉ်ပုံႏယို ခွန်ထွားခတ်ကယ်ꩻတေ့ꩻ၊ စဲစ်ဆေꩻစမ်ꩻနဝ်ꩻ &quot;ဟွူ&quot;သာတန်ခန်းထာꩻ တလဲင်ႏထွူမꩻ-
&quot;ထာလူႏတန်ꩻ ခံႏလို့စွဉ်ႏရွဉ်ပိဉ် တကားယိုနဝ်ꩻ လိုႏစဲစ်ဆေꩻလူႏငါႏဟယို&quot;ယူႏခန်းနုဲင်းနဝ်ꩻ၊ ကွပ်ယူႏလꩻနုဲင်းနဝ်ꩻတဲင် &quot;အွိုႏ-အမတ်ဖုံႏ- လွေꩻပင်ꩻလွဉ်လွသွော့ သီကကိုꩻကွယ်ႏဒါႏ ပုဂ္ဂိုလ်ႏမျတ် (ရဟန္တာႏ)ဖုံႏသူꩻ၊ နီမာꩻထာꩻလူႏဒါႏယို&quot; ထွဉ်ႏခန်းအမတ်နုဲင်းနဝ်ꩻ။
&quot;အော်&quot; ဝွန်ႏခံႏထွူတွော့ꩻ အမတ်ဖုံႏ နက်လွေꩻပင်ꩻလွဉ်ခန်း ဝွေꩻသီးကကိုꩻကွယ်ႏဆယ်ꩻကပ်ဒါႏ အဗွေႏဆရာႏဖြားဗွာဖုံႏ၊ အာဇီဝတက္ကတွဉ်ꩻဖုံႏ၊ အဆရာႏစားနဝ်ꩻဖုံႏ ထွိုင်ႏကျွꩻတွိုႏလွဉ် ဟော်နန်ꩻကိုနဝ်ꩻ ခွန်တန်တဲ့ &quot;နီဗွေႏသီး ကျွိုက်ရာꩻခင်ႏလမ်းမုဲင်ꩻကိုတဲ့ ချင်းအုံဒျာႏဟုဲင်း အော်&quot; လဝ်းဆွုမ်ႏခန်းနုဲင်းနဝ်ꩻ၊ ပွိုးစွဉ်ႏခွန် မိဉ်စဲစ်ဆေꩻနဝ်ꩻမꩻ ခင်ႏလမ်းဖုံႏတဲ့ ဝွေꩻဒါသေꩻဖေႏနေး ကားမုဲင်ꩻရန်းရန်း၊ ခင်ႏလမ်းဟဝ်ကိုနဝ်ꩻ တကျွꩻအုံလွတဝ်း တဖြာꩻဖြာꩻနဝ်ꩻသွူ။
ယင်ဟန်ႏသားဖုံႏနဝ်ꩻ အုံဒင်ႏဒျာႏ ထာဒါတပါတဝ်းစား ကလာထဲင်ရိုꩻရိုꩻ၊ ဝါႏ၊ ရေးလောင်းဖုံႏ၊ ယင်ဟန်ႏသးနဝ်ꩻ အုံဒင်ႏဒျာႏ ကလာထဲင်ပဲဉ်လောင်းဖုံႏ၊ ခွန်ထွိုင်ႏထီႏ အလွိုက်ခင်ႏလမ်းအုံနုဲင်းယိုနဝ်ꩻ-
&quot;အော်ႏ- ဝွေꩻသီးနမ်းလောင်းဖုံႏယို တရာꩻအကဲဉ်အယာႏ တအဲဉ်ထဝ်းမွော့&quot;သေထွꩻခန်းနုဲင်းနဝ်ꩻတဲင် ကထွိုက်ရာꩻတွမ်ႏအအံႏအအွꩻ လွူးစာႏဂထွူတွော့ꩻ အွဉ်ႏစွꩻသဲင်ꩻချာလို့ခန်းဒျာႏနဝ်ꩻသွူ။
ခွန်တန်အသောကသီးစိုးနဝ်ꩻ အခေႏနေႏနုဲင်းယို အတ်ႏထီႏလွစွုမ်ႏနီꩻစွုမ်ႏဟာတဲင် တထူꩻဆန်ꩻတဝ်းဒျာႏရင်ꩻရင်ꩻ၊ ယိုနဝ်ꩻ ထွာဒျာႏအခေႏအနေႏ၊ အခိင်ႏခါႏကာႏလ အသောက ကထွာစခွန်တွင်ꩻ၊ ကွပ်နဝ်ꩻမꩻ 'အစဲစ်ယိုတွမ်ႏအတုꩻ'ကရိုꩻနဝ်ꩻ နမ်းပဲင်ႏဉာဏ်ႏအဝ်ႏမꩻ ထွာ၊ အခေႏနေႏကာႏလနဝ်ꩻ အဝ်ႏပြောင်ꩻလုဲင်ႏသေႏသေႏရိုꩻလဲ့ ထုံꩻစမ်ႏလို့လို့ မွေးတဝ်း၊ အကျောင်ꩻအကျိုꩻ၊ အနမ်းအခြောင်ꩻ အယောင်ꩻအဟေ့ꩻ မိဉ်ႏကဲက်ဒျာႏသေႏသေႏနဝ်ꩻတဲး လုဲင်ႏပြောင်ꩻထိုꩻတလꩻတဝ်း၊ လိုꩻတဖြာꩻ အလုဲင်ႏအပြောင်ꩻအာတကားမုဲင်ꩻ? တဲမ်းနယ်နေးလဲင်ꩻတလို့ဒွုမ်သွူ။
ဥပမာႏ- ဘဝယိုတဗာႏ အုံအဝ်ႏသော့ꩻစ မွိုးဟို့ꩻကို၊ အခိင်ႏတွိုႏ အကျောင်ꩻတရာꩻဗွေလိုမ်းတဲင် လွူးဖွါꩻလင်ꩻခန်း၊ မဲ့သေလေလင်း ဖျော်သဲင်ꩻခန်းလိုꩻဘဝပုံႏ၊ သက်လဲ့ တနီꩻတလာ၊ တနေင်ႏ ကွဲးတန်တန်သဲင်ꩻဘဝနဝ်ꩻ ပြောင်ꩻခန်းလဲင်ႏစိꩻစိꩻ၊ ခိင်ႏအုံကျောင်ꩻတွိုႏ၊ ရွယ်ႏကွဲးတန်တန် ထွာခန်းခိုဗင်ႏမူႏနံꩻဘဝ၊ ယိုဖုံႏနဝ်ꩻ ကွပ်အကျောင်ꩻတွမ်ႏအခြောင်ꩻ၊ အယောင်ꩻတွမ်ႏအဟေ့ꩻ ပြောင်ꩻလုဲင်ႏလွေꩻမွေးတဝ်းဟောင်း?။
တောႏလမ်းတောႏပါႏ သက်ရွယ်ႏထွိုင်ႏလꩻခိင်ႏနဝ်ꩻ ထာꩻမာꩻတဲ့ တမျိုꩻထွူတမျိုꩻ အဝ်ႏပြောင်ꩻလုဲင်ႏတသေႏ၊ အွဉ်ႏသွတ်ꩻခန်းမွိုင် ဘဝယိုထွူထိုꩻ၊ နမ်းလီꩻဘဝယို အွဉ်ႏကုဲင်ချာဘဝနဝ်ꩻ ပြောင်ꩻတငါလွေꩻတေားယင်းတလဲင်ႏ၊ ဘိုနဝ်ꩻ အခေႏနေႏကာႏလ အပြောင်ꩻခရာႏကွေႏကွေႏ၊ မွေးသွူ- ပြောင်ꩻနဝ်ꩻ မွေးလဲဉ်း၊ အလို့တောမ်ႏအလꩻ လိုꩻတွိုင်ꩻစွုမ်ႏဖြာꩻ မိဉ်လꩻအလွို (အမဲစ်)ကယ်ꩻလဲဉ်းအလီꩻလွဉ်းလွဉ်းသွူ။
အလီꩻတွမ်ႏအတသာ ကထွာအတသာသူꩻ အထီအသွီႏ၊ အငိုꩻဖေႏကလွိုကယ်ꩻအလီꩻမꩻ ထွာတဲ့၊ မွေးတဝ်းတဲ့ အရင်ꩻဖေႏကလꩻချာမꩻ၊ အသွုမ်ꩻနဝ်ꩻ ပါꩻမုဲင်ꩻခန်းတဲ့ တမိဉ်လꩻတဝ်းဒျာႏရင်ꩻကရို၊ နဝ်ꩻမꩻ ခွန်အသောက ကပြောင်ꩻလုဲင်ႏ အဖါခွန်ထုံꩻစမ်ႏယိုနဝ်ꩻ အသွုမ်ꩻနဲ့? အမဲစ်နဲ့? တဝ်းတဲ့ လꩻချာကွို့ꩻ အရင်ꩻလွုမ်ꩻဟောင်း? ကရိုꩻနဝ်ꩻ ဟော်ꩻလိတ်သား ချင်းခေႏတွက်စမ်ꩻဒျာႏဝင်ꩻ ပငါပရာꩻ။
ဝွေꩻမဲ့ကို အဝ်ႏထီႏသေႏသေႏဗော့ꩻ အဗွေႏဆရာႏ ပုဏ္ဏာꩻဖြားဗွာသီး အံႏပတုင်ꩻတင်ꩻ၊ ဒေါ့ꩻပြွိုင်းပြင်း၊ လွေꩻကြောင်းကြွို့ꩻကြꩻ၊ ဣန္ဒြေႏသိက္ခာႏ တအဲဉ်ထဝ်းနုဲင်းယိုမꩻ သꩻကို &quot;အဝ်ႏလိုႏပြောင်ꩻလုဲင်ႏလဲဉ်း&quot; ထာꩻယူႏပေါႏလွဉ် နုဲင်းအွိုးအစနဝ်ꩻဟွဉ်ႏ၊ ကွဲႏတွော့ꩻ- ထွဉ်ႏလွေꩻပင်ꩻလွဉ်ယင်း တစွိုꩻတဲ့ သမ်းရိုꩻ &quot;ပုဂ္ဂိုလ်ႏမျတ်&quot;([[ရဟန္တာႏ]])တဲ့ အဝ်ႏဒျာႏတွိုင်ꩻတွိုင်ꩻ၊ ယိုနဝ်ꩻ ထွာအလုဲင်ႏအပြောင်ꩻသွုမ်ꩻ ရိုꩻဗာႏနုဲင်းနဝ်ꩻ၊ ရေႏအမဲစ်အလွိုတဲ့ အရင်ꩻငါတဲ့ တလꩻချာတဝ်းကရို?။
ဝွေꩻထာꩻယူႏထာꩻတွေꩻ ကွပ်အဝ်ႏသေနုဲင်းယိုမꩻ တွိုႏခꩻတနီꩻ ဗွောင်ခန်းဟော်နန်ꩻတခါꩻ ပတဲင်ပေါက် ထွားလင်ꩻကွဉ်ႏခန်းထာꩻ ဟော်တလင်ꩻတွင်ꩻ သျင်ႏပေႏနိဂြောဓ အဝ်ႏဝေင်ꩻဆꩻနဝ် အီႏကျွꩻသဲင်ꩻလယ်ႏ အတကာႏမမွိုးလမ်း အဝ်ႏကျွꩻထင်ꩻသဲင်ꩻဝေင်ꩻကို၊ ထွိုင်ႏတွိုႏခွန်တန် ဟော်တလင်ꩻခိင်ႏနဝ်ꩻ တနꩻမဲဉ်ႏစွဉ်ႏတွမ်ႏ ခွန်တန်အဝ်ႏထွားလင်ꩻထာꩻတွင်ꩻနဝ်ꩻမꩻ ခွန်ဟဲ့ꩻအမတ်၊ ထွဉ်ႏပင်ꩻသဲင်ꩻလွဉ် ဟော်နန်ꩻကိုနဝ်ꩻသွူ။
သျင်ႏပေႏ ကကျွꩻထာꩻ တဖူꩻလောင်းခိင်ႏသူꩻနဝ်ꩻ သင်္ကန်ꩻရုံႏတဲပ်၊ စူခင်ႏမဲ့နားဖုံႏ နုညံꩻယေန်ႏကေႏတဗွီႏ၊ ထွားကွို့ꩻလိစ်ꩻသောင်ꩻထာအကိုလွုမ်ꩻတဲင် မိဉ်ႏတဲက်ထွားတွမ်ႏ ဝွေꩻကလွူးမွီး၊ လူႏတန်ꩻဒါႏပုဏ္ဏာꩻဖြားဗွာသီးဖုံႏနဝ်ꩻ ကွာႏအာမွေးငါႏ မရေႏမရာႏ၊ ခွန်တန် သဲစ်ကထီႏဗာႏ သျင်ႏပေႏနုဲင်းယိုနဝ်ꩻ &quot;တွမ်ႏဝွေꩻထာꩻယူႏ ရငါႏမဲဉ်ႏတလူႏမွေးလဲဉ်း&quot;သꩻရောင်းသꩻရေꩻတဲင် ထွဉ်ႏလင်ꩻစွဉ်ႏအမတ်-
&quot;လွေꩻပင်ꩻလွဉ် သျင်ႏပေႏသူꩻဟုဲင်း&quot; သမ်းမဗော့ꩻမညာꩻနဝ်ꩻမꩻ အမတ်အစွိုꩻရီးနဝ်ꩻ ဟွုန်ညငါႏတတဲင် ထွဉ်ႏယင်းအမတ်ဝင်ꩻနီဝင်ꩻသိုမ် &quot;ပင်ꩻသဲင်ꩻမွိုင်မွိုင်တဲ့ ရိုꩻနုဲင်းနဝ်ꩻဟုဲင်း&quot;၊ ခွန်တန်ထွဉ်ႏပင်ꩻသဲင်ꩻမွိုင်မွိုင်တဲ့ သျင်ႏပေႏနဝ်ꩻ အဝ်ႏကျွꩻယွယွဒျာႏစွူစွူ၊ &quot;သျင်ႏပေႏမျတ်&quot;ကရိုꩻနဝ်ꩻ နုဲင်းယိုစားဒျာႏ၊ နီလိုꩻသီး ခေတ်ယိုခါနဝ်ꩻ 'ပေါႏရိုꩻအရေꩻတန်'နဝ်ꩻ လောႏစွဉ်ႏဗွုက်ဗွုက်ဗက်ဗက်၊ ဖင်းနေးစွဉ်ႏ ဟော်ဟော်ဟယ်ဟယ်၊ အသာထာꩻတွမ်ႏဒွုမ်အဖြောင်းဖုံႏသွူ။
ခွန်တန် ရွဉ်းစွဉ်ႏတနူႏတနီႏလဲ့ သျင်ႏပေႏနဝ်ꩻ တဖင်းနေးတဝ်းနဝ်ꩻ ပွိုးတမုဲင်ꩻ? ဟော်ꩻလိတ်သားဖုံႏ မိဉ်ႏမိဉ်သေတဲ့ ရီရွောင်ဆွေꩻနွေꩻသွော့ ပညာႏသျင်ႏဖုံႏနေား၊ တဲမ်းလိတ်သားမိဉ်ႏတဲမ်းတဲ့ မဲ့ꩻသွတ်ꩻဒါႏတဝ်းဒွုမ်ထာꩻ၊ ခွန်အသောကလဲ့ ဒါခါꩻခင်ႏလမ်း ဗိုန်ဗိုန်ဒျာႏပွိုင်းလဲင်ႏ ထုံꩻစံႏအတွိုင်ꩻ၊ အသꩻကိုတဲ့ အဝ်ႏရေႏစမ်ꩻပါ သျင်ႏပေႏတဲ့ပါပါ၊ သဲစ်သျင်ႏပေႏ ကဖျော်ထင်ႏ ဟော်နန်ꩻလောင်းကီတဲ့-
&quot;ခင်ႏလမ်းရလွောက်ꩻနုဲင်းမုဲင်ꩻတဲ့ ချင်းသတင်ꩻသုံꩻ အုံဒင်ႏဒျာႏဟုဲင်းဗွေႏ&quot; လဝ်းဗော့ꩻနုဲင်းနဝ်ꩻ၊ ဗွေႏသျင်ႏလဲ့ ထွားကြုꩻချာငါပသာႏတွော့ꩻ အသꩻကိုတဲ့ &quot;ပေါႏလွိုခွေ ရဟန်ꩻလောင်ႏလင် တအဲဉ်ထဝ်းဒွုမ်&quot;ယူႏခံႏနုဲင်းနဝ်ꩻတဲင် နက်ငါလွေꩻစွဉ်ႏထီꩻခံꩻ၊ ထီꩻဗွာ ကအဝ်ႏကင်း ခွန်တန်ပလ္လင်ႏထျꩻ တလဲင်ႏချင်ꩻ၊ အပုံႏလက္ခဏာႏတဲ့ ဖေႏခွန်ကလွဉ်ထူႏသွော့ ဝွေꩻဗွေႏသပိတ်အကျောင်ꩻ အနယ်ꩻပရိယာယ်ႏ ထင်ႏသျာꩻဒျာႏနဝ်ꩻမꩻ ခွန်လဲ့ လွေꩻထူႏဆွုမ်ႏခန်း ဝွေꩻဗွေႏသပိတ်နဝ်ꩻသွူ။
သဲစ်ဗွေႏသျင်ႏပေႏ ကနက်လွေꩻ ပလ္လင်ႏထျꩻခိင်ႏကာႏ ခွန်တန်သꩻကိုနဝ်ꩻ &quot;ဗွေႏသျင်ႏပေႏယိုနဝ်ꩻ ဟန်ႏသနီꩻ ထွာလဲဉ်းသွူ ဟော်နန်ꩻယို ထာꩻကိုꩻကွယ်ႏ၊ ဟော်နန်ꩻ ယိုတဖြုံႏလိုမ်း သျင်ႏပေႏယို ထွာလဲဉ်းအတန်သွတ်ꩻ&quot;ယူႏခန်းဒျာႏနုဲင်းနဝ်ꩻ၊ ခွန်တန်တဲ့ ဝွေꩻကစီႏရင်ႏခါꩻဒါႏ ဒဲဉ်ဟန်ႏသွမ်ꩻ အရသာႏစွုမ်ႏစီႏ ကပ်လူႏဗွေႏသျင်ႏသွမ်ꩻ၊ ဗွေႏသျင်ႏပေႏတဲ့ တွမ်ႏဝွေꩻဗွေႏ ကရမဲဉ်ႏရာႏရပ် လူႏခံႏထွူတဲင် ဆင်ႏချင်ႏပစ္စဝေက္ခဏာႏတွော့ꩻ သုံꩻခန်းသောမ်ꩻနဝ်ꩻသွူ။
သုံꩻသွမ်ꩻထွိုင်ႏထွူခိင်ႏ ခွန်တန်ထာꩻယူႏဖုံႏ၊ ထာꩻတွေꩻဖုံႏယို ဖေႏအကျောင်ꩻအခြောင်ꩻ ကပေါႏနဝ်ꩻ ရီလဝ်းခန်း ဗွေႏသျင်ႏတရာꩻတွမ်ႏ ငဝ်းရီငဝ်းဖြေႏ နုဲင်းအွိုးအစဖုံႏနဝ်ꩻအတွိုင်ꩻ၊ ခွန်တန်အသောက ကရိုႏသေႏဒါႏမွေးမွေး ရတနာႏသိုမ်ပါꩻနဝ်ꩻ ကွပ်သျင်ႏပေႏနိဂြောဓ၊ သျင်ႏပေႏနဝ်ꩻ ထွာခွန်ဆရာႏတပါꩻနေနေ၊ ကွပ်နဝ်ꩻမꩻ ခွုမ်မာꩻထာꩻမာꩻအမျိုꩻမုဲင်ꩻ၊ အစွိုꩻမုဲင်ꩻ၊ ဒုံ၊ ကျောင်ꩻဖုံႏ၊ လမ်းပါႏအဖြုံႏမုဲင်ꩻတယဝ်း အွဉ်ငါသားယိုနဝ်ꩻ အဝ်ႏလိုႏသေႏသေႏ ထာꩻယူႏတွေꩻဟဝ်ဟဝ်သွူ။
စိက္ကူꩻ၊ ယူႏဝွေႏဖန်ႏ၊ တွက်ထွား၊ ချင်ႏခေႏကာႏလ၊ ဒေႏသအခေႏအနေႏယို သေခါꩻဗာႏမꩻ၊ မိဉ်ႏတတ်နွိုင်ႏနဝ်ꩻ ထုံꩻစဲဉ်ႏအမာႏအတရွို့ꩻယို မိဉ်ႏပြောင်ꩻလုဲင်ႏနွောင်ꩻ ရုဲင်းရုဲင်းထင်ထင်နဝ်ꩻ ယိင်းယံယံ၊ နမ်းတပြောင်ꩻလုဲင်ႏတဝ်း၊ တမာꩻနွောင်ꩻတဝ်းတဲ့ ဝင်ꩻမိဉ်ႏမာꩻ၊ 
မိဉ်ႏဆောင်ႏရွက်နဝ်ꩻ လိုႏသꩻရေꩻကို၊ လိုႏဖေႏအာႏကိုငါႏ၊ နမ်းတမာꩻနွောင်ꩻတဝ်းတဲ့ ဖေႏကထွာမွုန်း လိုꩻယားကုဲင်ခွိုꩻရက်တသာသီး အစော့ꩻအလာႏနဝ်ꩻ နီယို လိုႏငါႏထာꩻယူႏထာꩻတွေꩻ အမွန်အဗန်တဗာႏကရိုꩻနဝ်ꩻ-&lt;ref&gt;မျိုꩻစဲစ်ခွန်(နဝ်)&lt;/ref&gt;&lt;ref&gt;သထုံႏပေႏ&lt;/ref&gt;</text>
      <sha1>iwyz2b8fpmssg5sd85hhfzic6bphuk9</sha1>
    </revision>
  </page>
  <page>
    <title>ကေားသုင်ꩻသား အိုင်ကိုမ်ဒေါ့ꩻရီ:นายชยภัทร วงษ์กวิน</title>
    <ns>3</ns>
    <id>9559</id>
    <revision>
      <id>33525</id>
      <timestamp>2026-06-13T06:24:00Z</timestamp>
      <contributor>
        <username>Welcome-Bot</username>
        <id>210</id>
      </contributor>
      <comment>Welcome!</comment>
      <origin>33525</origin>
      <model>wikitext</model>
      <format>text/x-wiki</format>
      <text bytes="9403" sha1="qe1odrmzhzgqf2j9x9jl3wtq9i4wzbz" xml:space="preserve">== အဝ်ႏဝီခီပီးဒီးယားယို ဟွုန်ဟဝ်သꩻရေꩻ ကျိုႏဆွုမ်ႏဒျာႏဩ นายชยภัทร วงษ์กวิน ! ==

{| class=&quot;plainlinks&quot; cellspacing=&quot;0&quot; cellpadding=&quot;0&quot; style=&quot;margin:0 0 1em; width:100%;&quot;
| style=&quot;width:45%; vertical-align:top; border:1px solid #fad67d; background-color:#faf6ed;&quot; |
&lt;div style=&quot;border-bottom:1px solid #fad67d; background-color:#faecc8; padding:0.2em 0.5em; font-size:110%;&quot;&gt;[[File:Gnome-colors-alacarte.svg|21px|link=|]] '''ပထမအရန်း မိတ်ဆက်'''&lt;/div&gt;
&lt;div style=&quot;border-bottom:1px solid #fad67d; padding:0.4em 1em 0.3em;&quot;&gt;
ယံဟော်ꩻထွားရီးသွော့ [[Wikipedia:နိဒါန်း|ဝီခီပီးဒီးယား]] '''[[Wikipedia:Five pillars|တဖူꩻရဲဉ်ႏငတ်ꩻစွိုး]]''' တာႏ ဖေႏကျံႏဉာဏ်ႏဒျာႏသွူ။ မိဉ်ႏမာꩻသွူအကောက် ဒင်ႏထွူမတ်ပုံတဉ်နဝ်ꩻ '''[[စွဲးကမ်းကို:မိတ်ဆက်|မိတ်ဆက်]]''' တောမ်ႏ '''[[WP:FAQ|အဝ်ႏရီခွိုꩻဒါႏငဝ်းရီဖုံႏ]]'''နဝ်ꩻ အီႏထွာအီမွေး နာꩻအတာႏ အစွဲးအကမ်းနဝ်ꩻသွူ။ ဝွေꩻသီးဖုံႏယိုနဝ်ꩻ အအီႏခြုဲင်းနယ်ဖေႏ မွဉ်းဖျင်နယ်ꩻ၊ တဲမ်းပုင်ႏတဲမ်းနယ်ꩻ ဝီခီပီးဒီးယားကို တောမ်ႏ သေထွိုက်သေသင်ꩻ အခရာႏအလင်ဖုံႏနဝ်ꩻသွူ။ ဖေႏကနွို့စွဲးကမ်းကိုနွောင်ꩻ ဝီခီပီးဒီးယားနဝ်ꩻ ဒါႏလဲပ်ခါꩻဗာႏ အနယ်ꩻပညာႏဖုံႏလဲ့ တလိုႏတဝ်းသွူ။ နွို့ခွုမ်မာꩻကို ''[[WP:BOLD|ရုဲင်းရုဲင်းသွော့]]''ဩ။ မိဉ်ႏထွူ ''သွုပ်သမ်ႏဟဝ်ဟဝ်ရိုꩻသာꩻသွော့ လိုꩻလင်အလောင်းဩ''။ ယိုနဝ်ꩻ ထွာဒျာႏ ''[[w:wiki|ဝီခီ]]''တဲင် ယိုꩻမွေးငါႏနဝ်ꩻသွူ။
&lt;/div&gt;
&lt;div style=&quot;border-bottom:1px solid #fad67d; background-color:#faecc8; padding:0.2em 0.5em; font-size:110%;&quot;&gt;[[File:Help-browser.svg|21px|link=| ]] '''ထူႏစွဲးကမ်းကို'''&lt;/div&gt;
&lt;div style=&quot;padding:0.4em 1em 0.3em;&quot;&gt;
* မိဉ်ႏအဝ်ႏလိုႏ အကူႏညီႏစွဲးကမ်းကိုနဝ်ꩻ နွို့ရီရောင် အိုင်ကိုမ်နွောင်ꩻဒျာႏ ပအိုဝ်ႏဝီခီပီးဒီးယား [[ဝီခီပီးဒီးယား:Village pump|အိုင်ကိုမ်ခင်ႏလမ်းVillage pump]] ကို မွေးတဝ်းလဲ့ [[Facebook]] လောင်း ကအဝ်ႏဒါႏ [http://www.facebook.com/group/406204427603066?ref=share ပအိုဝ်ႏဝီခီစွုမ်ꩻစွိုꩻ] လိတ်မဲ့ငါကိုဖုံႏသွူ။
* အီႏထူႏသုင်ꩻစဗာႏဝီခီ နုဲင်းမုဲင်ꩻကရိုꩻနဝ်ꩻ ထွားသွော့ [[Wikipedia:Cheatsheet|မွဉ်းဖျင်နယ်ꩻ]] လိတ်မဲ့ငါကိုဩ။
* မိဉ်ႏမဲဉ်လွူꩻထွားစဲင်းထဲင်း မွဉ်းဖျင်ခရာႏအစဲင်းနဝ်ꩻ ဟော်ꩻထွားသွော့ [[Wikipedia:မွဉ်းဖျင်လိတ်မဲ့ငါဖုံႏ|လိတ်မဲ့ငါ]]ယိုဩ။
* ရီခရာႏမိဉ်ႏအဝ်ႏနဝ်ꩻ ရီနွောင်ꩻဒျာႏ [[WP:Q|ခင်ႏလမ်းယိုကို]]သွူ။
* နာꩻအနေႏ ဒေါ့ꩻရီအိုင်ကိုမ်သွုပ်နွောင်ꩻဒျာႏ [[WP:Administrators|ကေားရဲဉ်ꩻဖန်းဖြယ်သား(Admin)]]သီး တဖြာꩻဖြာꩻထျꩻ အိုင်ကိုမ်ချက်လိတ်မဲ့ငါကိုသွူ။
* ဒင်ႏသွင်ꩻသော့ꩻ ယူနီကိုဒ်ဖောင့် အယပ်ꩻခုဲင်ႏမိဉ်ႏအဝ်ႏနဝ်ꩻ ထွားသွော့ [https://unicodetoday.org/fonts/ ယိုကို]ဩ။
* အီႏသုင်ꩻဗာႏ ကီးဗိုတ်နုဲင်းမုဲင်ꩻ မိဉ်ႏသေတဝ်းနဝ်ꩻ ထွားသွော့ [https://unicodetoday.org/keyboards/ ယိုကို] ဩ။
&lt;/div&gt;
| style=&quot;padding:0 0.5em;&quot; |
| style=&quot;width:55%; vertical-align:top; border:1px solid #abd5f5; background-color:#f1f5fc;&quot; |
&lt;div style=&quot;border-bottom:1px solid #abd5f5; background-color:#d0e5f5; padding:0.2em 0.5em; font-size:110%;&quot;&gt;[[File:Gnome-applications-utilities.svg|21px|link=|]] '''ဟဝ်တောင်ꩻခရာႏ'''&lt;/div&gt;
&lt;div style=&quot;border-bottom:1px solid #abd5f5; padding:0.4em 1em 0.3em;&quot;&gt;
* မိဉ်ႏမဲဉ်စံꩻထွားစိမ်ꩻနဝ်ꩻ ထူႏသုင်ꩻအီ [[Wikipedia:Sandbox|Sandboxလိတ်မဲ့ငါယို]]တဲင် မာꩻစံꩻနွောင်ꩻဒျာႏ မွဉ်းဖျင်လိတ်မဲ့ငါဖုံႏသွူ။
* မိဉ်ႏမဲဉ်တဲမ်းသော့ꩻစ ရောမ်ဖြုဲင်ꩻတသာတဗာႏနဝ်ꩻ ဟော်ꩻထွားသွော့ [[WP:YFA|နာꩻအရီးသွတ်ꩻရောမ်ဖြုဲင်ꩻ]] လိတ်မဲ့ငါယိုဩ။
* အီႏဖန်ဖေႏ ရောမ်ဖြုဲင်ꩻတသာအမိဉ်ꩻတာႏ အယပ်ꩻခုဲင်ႏမိဉ်ႏအဝ်ႏနဝ်ꩻ ဟော်ꩻထွားသွော့ [[Wikipedia:ရောမ်ဖြုဲင်ꩻကတူႏစဲဉ်ႏဖုံႏ|လိတ်မဲ့ငါယို]]ဩ။
* [[Help:ဒင်ႏထင်ႏပုင်ႏနယ်ꩻ]]ကိုနဝ်ꩻ အဝ်ႏအွဉ်ႏနယ်ခါꩻဖေႏ ဒင်ႏပုင်ႏနယ်ꩻ၊ ထူႏသုင်ꩻသော့ꩻနယ်ꩻ ဖုံႏသွူ။
* [[Wikipedia:ထူႏသုင်ꩻပုင်ႏမူဝါဒ|ထူႏသုင်ꩻပုင်ႏ မူဝါဒ]] ယိုနဝ်ꩻ ပအိုဝ်ႏဝီခီပီးဒီးယားကို ပုင်ႏနုဲင်းမုဲင်ꩻနဝ်ꩻ ဒင်ႏသော့ꩻ သင်ꩻနဲ့သင်ꩻတဝ်းနဲ့ ဖေႏကဆုင်ꩻဖျတ်နွောင်ꩻတာႏ အီႏထွာအီအစွဲးကမ်းနဝ်ꩻသွူ။
* အိုင်ကိုမ်ချက်လိတ်မဲ့ငါကိုနဝ်ꩻ နျꩻသော့ꩻသွူ &amp;#126;&amp;#126;&amp;#126;&amp;#126; တဲင် တဲမ်းမုဲင်ဖေႏသွော့ နာꩻမိဉ်ꩻဩ။
* နာꩻအကောက်တာႏ [[Special:Preferences#mw-prefsection-gadgets|gadgets]] (custom features) ဖုံႏလဲ့ ထူႏသုင်ꩻနွောင်ꩻဒျာႏသွူ။
* [[wiktionary:my:Wiktionary:သတ်ပုံ|သတ်ပုံကျမ်ꩻ]]ကိုနဝ်ꩻ စဲစ်ထွားနွောင်ꩻဒျာႏ လိတ်ဖြုံႏ၊ သတ်ပုံသတ်နယ်ꩻဖုံႏသွူ။
&lt;/div&gt;
&lt;div style=&quot;border-bottom:1px solid #abd5f5; background-color:#d0e5f5; padding:0.2em 0.5em; font-size:110%;&quot;&gt;[[File:Tango Globe of Letters.svg|21px|link=| ]] '''Welcome!'''&lt;/div&gt;
&lt;div style=&quot;padding:0.4em 1em 0.3em;&quot;&gt;
[[File:Nice Cup of Tea.jpg|200px|right|အဝ်ႏဝီခီပီးဒီးယားယို ဟွုန်ဟဝ်သꩻရေꩻ ကျိုႏဆွုမ်ႏဒျာႏ ဗွေႏခွန်နာင်ꩻသီးသွူဩ။ နီဗွေႏသီး သꩻပါရာꩻ ကဏ္ဍကို နွို့ပါစွဲးကမ်း တဲမ်းသော့ꩻနွောင်ꩻဒျာႏ ရောမ်ဖြုဲင်ꩻဖုံႏသွူဩ။]] Welcome to '''Pa'O Wikipedia'''! I hope you enjoy improving and editing this [[ဝီခီပီးဒီးယား|Wikipedia]] project. These pages are especially useful for those who are literate in Pa'O.  However, even experienced Wikipedians who don't know any Pa'O have helped out with other things, such as updating images from Commons, so don't be afraid to improve the wiki any way you can!  Remember, someone else can always come later and fix any changes you make that are not perfect. Thank you.
&lt;/div&gt;
|}&lt;!-- Template:Welcome --&gt; --[[ကေားသုင်ꩻသား:Welcome-Bot|Welcome-Bot]] ([[ကေားသုင်ꩻသား အိုင်ကိုမ်ဒေါ့ꩻရီ:Welcome-Bot|အိုင်ကိုမ်]])  ၁၂:၅၄၊ ၁၃ ဇွန် ၂၀၂၆ (+0630)</text>
      <sha1>qe1odrmzhzgqf2j9x9jl3wtq9i4wzbz</sha1>
    </revision>
  </page>
  <page>
    <title>သွဉ်တန်ꩻသက်သေႏ</title>
    <ns>0</ns>
    <id>9560</id>
    <revision>
      <id>33528</id>
      <timestamp>2026-06-13T07:58:10Z</timestamp>
      <contributor>
        <username>KhunMyoe</username>
        <id>34</id>
      </contributor>
      <comment>ဖန်ဆင်ꩻလဲဉ်းလိတ်မဲ့ငါ တောမ်ႏ &quot;[[လိတ်ပအိုဝ်ႏ]] [[ဗဟိုႏသွဉ်တန်ꩻ]]နဝ်ꩻ တနေင်ႏထွူတနေင်ႏ အဝ်ႏပြောင်ꩻလွေꩻငါငါလဲ့ ယူႏလꩻမုဲင်ꩻခါတယဝ်း အဝ်ႏထွာနေက သက်သေႏမုဲင်တောင်ꩻအီအတာႏတဲင် ပအိုဝ်ႏခွို...&quot;</comment>
      <origin>33528</origin>
      <model>wikitext</model>
      <format>text/x-wiki</format>
      <text bytes="18146" sha1="djeexze4lv3ml59dlr8sndnb0qph0dd" xml:space="preserve">[[လိတ်ပအိုဝ်ႏ]] [[ဗဟိုႏသွဉ်တန်ꩻ]]နဝ်ꩻ တနေင်ႏထွူတနေင်ႏ အဝ်ႏပြောင်ꩻလွေꩻငါငါလဲ့ ယူႏလꩻမုဲင်ꩻခါတယဝ်း အဝ်ႏထွာနေက သက်သေႏမုဲင်တောင်ꩻအီအတာႏတဲင် ပအိုဝ်ႏခွိုꩻယာႏသီး &quot;မဲ့ꩻလꩻအီနွောင်ꩻဒါႏ သတိꩻတရာꩻဟောင်း?&quot; ယူႏလꩻနုဲင်းနဝ်ꩻမꩻ ခွေသွဉ်းနေးတွမ်ႏ သꩻရွူႏရွူႏရုဲင်းရုဲင်းတွော့ꩻ တဲမ်းမုဲင်သေꩻဗာႏ သက်သေႏနုဲင်းယိုဒျာႏ။
[[ပအိုဝ်ႏစွိုးခွိုꩻ]]လွောင်ႏဗူႏမုꩻအာႏ သွဉ်တန်ꩻယိုတမျိုꩻ တွက်အငိုꩻတလꩻတဝ်း၊ [[ကေꩻဇူꩻ]]အာငါႏ ခွေသွဉ်းယူႏနုဲင်းနဝ်ꩻ၊ နဝ်ꩻမꩻ သွဉ်တန်ꩻဆရာႏ၊ သွဉ်တန်ꩻရပ်ရာႏတကာႏ၊ သွဉ်တန်ꩻထင်ႏသား လိုႏအွဉ်ႏသꩻစင်စင်ဗွာဗွာ ကျိုꩻစာꩻသောင်ႏသာဖြာꩻဖဲ့ꩻဖဲ့ꩻမꩻ ပအိုဝ်ႏဂုဏ်ႏ၊ ပအိုဝ်ႏအရောင်ႏ အီႏလေတောင်ႏထဲင်းထဲင်းသွူ။
သွဉ်တန်ꩻခꩻတနေင်ႏ လိုꩻတဲ့ ကတွက်ခါꩻစာႏရင်ꩻတွမ်ႏ ရွဉ်အာႏနဝ်ꩻ ရေႏခါꩻတပွန်းလွုမ်ꩻတဲ့ ထွာတေားနီသိုမ်ပွန်းတဲင် &quot;သွဉ်တန်ꩻဆရာႏတွမ်ႏ တာႏဝွန်ႏအဝ်ႏသားဖုံႏ သꩻယပ်ꩻဗာႏအကျောင်ꩻ&quot;ခွေသွဉ်းအနေႏ ထွာသွဉ်တန်ꩻဖေႏသေꩻခါꩻ မုဲင်တောင်ꩻအီ သက်သေႏနေနေနဝ်ꩻမꩻ ဟော်ꩻလိတ်သား ပအိုဝ်ႏခွန်နင်ꩻပေႏတန် ဆုဲင်ꩻဆုဲင်ꩻဖေႏကထွာဗာႏမွုန်းတဝ်းနုဲင်းနဝ်ꩻနဝ်ꩻ လိုႏငါႏသꩻသေနာႏဖေႏ တာႏဝွန်ႏသားအလောင်း၊ ရပ်ရာႏသားရဲင်ꩻအာႏသွူ။
&quot;ပအိုဝ်ႏ&quot;ကရိုꩻနဝ်ꩻ သဘော်ꩻဟဝ်၊ ရိုꩻသာꩻ၊ ထာꩻသယ်ꩻခံႏတရာꩻတန်အာ၊ သꩻရာႏဗွာဖျူႏ ခိုမူႏအပေါင်ꩻ၊ တလောင်ꩻဝီႏဝါႏသီးအတာႏ မိဉ်ဖေႏသတိꩻငါႏအဝ်ႏတဲင် တဲမ်းနယ်ဗာႏနုဲင်းယိုဒျာႏ၊ ကွပ်နဝ်ꩻမꩻ အစအွိုးချာ ဝွန်ႏခံႏခါꩻဗာႏစွဉ်ႏ &quot;နေးတွမ်ႏသꩻရွူႏရွူႏရုဲင်းရုဲင်း&quot;ငဝ်းနုဲင်းနဝ်ꩻသွူ။
အွဉ်ငါဆရာႏသီးအတာႏ ခြုဲင်းနယ်ခရာႏ တလိုႏဒွုမ်၊ သꩻစေႏတနာႏ အဝ်ႏနီပအိုဝ်ႏသီးအလောင်း တကားမုဲင်ꩻ? ရပ်ရာႏဒုံသား သꩻစေႏတနာႏ တလာတန်တကားမုဲင်ꩻ? နဝ်ꩻဖုံႏတဲ့ ခွေသွဉ်းကထီႏနဝ်ꩻ ဒေါ့ꩻခရာႏ အိုပ်ꩻထဲင်းခရာႏ တလိုႏဒွုမ်၊ အဝ်ႏလိုႏဆေ့ꩻဆေ့ꩻနဝ်ꩻ သွဉ်လိတ်သား ခွန်နင်ꩻမူႏခိုဒျာႏ၊ ဟန်ႏသနီꩻ အဝ်ႏထွာလိုꩻပေႏလဲ့ မွူးရဝ်ꩻတရူꩻ အီႏထွာဗာႏဝင်ꩻအတန် တလွစ်တဝ်းရင်ꩻ၊ ကွပ်နဝ်ꩻမꩻ ယိုခါ အွဉ်ႏသꩻစင်စင်ဗွာဗွာ၊ ထီႏထိုထို၊ ထွားဆွာꩻဆွာꩻ လိုႏအွဉ်ႏသꩻစာႏနာႏအာအာဝင်ꩻ ပငါပရာꩻသွူ။
တလꩻတဝ်း ထင်ႏခွင်ꩻလက်မတ်သားနဝ်ꩻ လိုႏထင်ႏအာတမွိုꩻတမာꩻတဝ်း၊ &quot;ဝင်ꩻမိဉ်ႏတဲ့ထင်ႏက နီတဲ့ ထင်ႏနုဲင်းနုဲင်း ထွာကဲးတမုဲင်ꩻ?&quot; လိုႏအွဉ်ႏသꩻတဝ်းနုဲင်းနဝ်ꩻ၊ သꩻဓာတ်နုဲင်းယိုနဝ်ꩻ ပအိုဝ်ႏပေႏသꩻဓာတ် တမွေးတဝ်း၊ ပအိုဝ်ႏသꩻဓာတ်ယို တလိုႏအွဉ်ႏဖွိုႏတဝ်းနုဲင်းနဝ်ꩻ၊ တလꩻတဝ်းထင်ႏခွင်ꩻလက်မတ်သားနဝ်ꩻရိုꩻ &quot;ထင်ႏဝိစ်တောက်နေး&quot;တဲ့၊ အဆီနေးလွုမ်ꩻနဝ်ꩻ တဗာႏခုဲင်ႏတဝ်းသွူ။
ပအိုဝ်ႏစေႏတနာႏ၊ ပအိုဝ်ႏသဒ္ဓါႏတရာꩻ တခြေားငါႏတဝ်း၊ လူႏတန်ꩻနွောင်ꩻဒျာႏ၊ ကွဲႏတွော့ꩻ- တွိုႏနေးအရေင်အရျာꩻနဝ်ꩻ &quot;ဟဝ်စိဉ်ꩻစာꩻငါႏအကျောင်ꩻ&quot;နေးတွမ်ႏစေႏတနာႏ အဗွေတဗာႏ ထွူႏထွူႏတွုမ်တွုမ် နိုꩻဆောႏဗာႏနုဲင်းယိုဒျာႏ၊ အမွေး/ တမွေးတဝ်းနဝ်ꩻ ဟော်ꩻလိတ်သားဖုံႏ ချင်းယူႏဒျာႏသွော့၊ ပအိုဝ်ႏပေႏ အနာႏဂတ် ခွိုꩻရက်တသာ နီပအိုဝ်ႏအတာႏ လိုႏအွဉ်ႏငါႏ စီꩻကန်ꩻတဲပ်တဲပ် ပငါပရာꩻ၊ မိဉ်အွဉ်ႏသေ၊ ဖေႏသတိꩻငါႏနုဲင်းနဝ်ꩻဒျာႏသွူ။
တာႏဝွန်ႏအဝ်ႏ အွဉ်ငါသားဖုံႏ &quot;အွဉ်ႏရေꩻတကားမုဲင်ꩻ?&quot;ကရိုꩻနဝ်ꩻ ထွားဗော့ꩻသွဉ်တန်ꩻသားစာႏရင်ꩻငါ သေထွꩻနွောင်ꩻဒျာႏ၊ ပါꩻမုဲင်ꩻတယဝ်း မိဉ်ထင်ႏဒျာႏရင်ꩻ ကဲဉ်းအာအာ၊ ကွပ်နဝ်ꩻမꩻ ထင်ႏခွင်ꩻလိတ်လာႏအလꩻ ဝင်ꩻကချင်းဒါႏ ရွဉ်ကတူႏတွမ်ႏ လိုꩻစာႏရင်ꩻယို မိဉ်ႏမဲဉ်ႏဗဲက်နေးငါနဝ်ꩻမꩻ ဟဲ့ꩻဗာႏ &quot;ပအိုဝ်ႏစီꩻကန်ꩻဟဝ်၊ သꩻဓာတ်ယံ၊ အဆင်ႏရန်းထို&quot;နဝ်ꩻသွူ။
နုဲင်းနဝ်ꩻက &quot;နီပအိုဝ်ႏလိတ် ဖေႏနေးစွစ်ꩻလီအတာႏ မိဉ်ႏသွဉ်ဗာႏနုဲင်းနုဲင်းဝင်ꩻမꩻ နီလိတ်ယို ယိင်းစွစ်ꩻတဝ်းဟောင်း?&quot; မိဉ်ႏရိုꩻနုဲင်းနဝ်ꩻတဲ့ မွေး- ပအိုဝ်ႏလိတ်လုဲင်ꩻစွစ်ꩻလီတာႏ&quot;နုဲင်းနဝ်ꩻမꩻ လိုႏသွဉ်ငါႏဒျာႏရင်ꩻ စွုမ်ႏဖြာꩻဖြာꩻ၊ မိဉ်ႏဒေါ့ꩻဗာႏငဝ်းသွတ်ꩻနဝ်ꩻ &quot;ပေါႏရိုꩻပအိုဝ်ႏနဝ်ꩻ ဖေႏကဒါႏဗာႏလိတ်ပအိုဝ်ႏ&quot;ရေႏရွယ်ႏပိဉ်တကားနဝ်ꩻသွူ။
ဟော်ꩻလိတ်သားမိဉ်ႏရိုꩻ&quot; တဲမ်းလိတ်သားယို အလွိုးထင်ႏဖိုတဝ်းသွဉ်တန်ꩻ၊ တကေးဝင်ꩻတွော့ꩻ အတဲမ်းနုဲင်းယိုဒျာႏ&quot;သꩻမိဉ်ႏယူႏတဲ့ ယူႏအဝ်ႏလꩻဒျာႏ၊ ဝွေႏဖန်ႏတဲ့အဝ်ႏလꩻဒျာႏ၊ တဲမ်းလိတ်သားယို တထင်ႏဖိုတဝ်း သွဉ်တန်ꩻဒျာႏရင်ꩻ တလဲင်ႏလဲင်ႏ၊ &quot;ကွပ်ပွိုးကုသိုလ်ႏကံႏ&quot;ရိုꩻဗာႏငါနေး အချုက်နုဲင်းနဝ်ꩻငါ၊ ကွဲႏတွော့ꩻ- ဝင်ꩻကဗွောင်သွဉ်တန်ꩻဌာႏနယို တွိုႏဖို၊ ကျုံႏဖိုနီသိုမ်လဲင်ႏသွူ။
သꩻတကေးဝင်ꩻနုဲင်းနဝ်ꩻတဲး တအဲဉ်ထဝ်းရင်ꩻတစိꩻစိꩻ၊ ထီႏဗာႏရပ်သားဖုံႏ ခွုမ်မာꩻဗာႏလွိုတဲင် သက်သေႏတဲ့နဝ်ꩻ၊ တသက်သေႏတဝ်းတဲ့နဝ်ꩻ &quot;ဟဝ်ယူႏခရာႏ သက်သေႏမုဲင်တောင်ꩻမုꩻ ဖေႏကထွာ စီꩻကန်ꩻအဝ်ႏအဝ်ႏ၊ ပအိုဝ်ႏသꩻဓာတ်ဗွေဗွေတဗာႏ ဟဝ်အွဉ်ႏငါႏမွော့&quot;ယူႏနုဲင်းနဝ်ꩻတွော့ꩻ တဲမ်းဗာနုဲင်းယိုဒျာႏ၊ ခွေသွဉ်းကဖိဉ်းဒါႏ သွꩻပေႏဖုံႏနဝ်ꩻ ခွေသွဉ်းရိုꩻဖေႏစွဉ်ႏငဝ်းနုဲင်းယို-
&quot;နီသွꩻသီး တလꩻတဝ်း ထင်ႏခွင်ꩻလိတ်မတ်နဝ်ꩻ သမ်းသွင်ꩻနုဲင်းနုဲင်းဝင်ꩻစာႏရင်ꩻအီ၊ မာꩻယပ်ꩻလွိုဝင်ꩻ အွိုငါသားမတဝ်&quot;
ဝွေꩻသီးတဲ့ [[ပအိုဝ်ႏ]]ပေႏတဖြာꩻဒျာႏနေနေတဲင် &quot;တနေင်ႏမꩻ တလဲင်ႏက ဝင်ꩻကသွင်ꩻဆုဲင်ꩻအဝ်ႏပြုံႏထာꩻ၊ ဗꩻနေးစွဉ်ႏအရျာꩻတန်ꩻ&quot;တဲ့၊ ဝွေꩻသီးငဝ်းယိုလဲ့ အဝ်ႏမွေးဒျာႏရင်ꩻ၊ နဝ်ꩻမꩻ တဲမ်းလိတ်သား ခွေသွဉ်းရိုꩻဖေႏလုဲင်ႏ-
&quot;လꩻတဝ်းခင်ႏခွင်ꩻလက်မတ်တွော့ꩻ ထင်ႏဝိစ်တောက်နေးနဝ်ꩻတဲးတဲ့ မွေးလဲဉ်း၊ နီသွꩻသီး ဟို့ꩻတာႏ၊ ခင်ႏလမ်းဗေင်ႏတာႏနဝ်ꩻ အွဉ်ႏဝိစ်တောက်နေး စောင်းလꩻနဲ့အီး?&quot; မွေး/တမွေးတဝ်း ဟော်ꩻလိတ်သား ချင်းယူႏစမ်ꩻကိုသွော့ ပငါပရာꩻ၊ တလꩻတဝ်း ထင်ႏခွင်ꩻလက်မတ်၊ ထင်ႏသွင်ꩻဆုဲင်ꩻနေးစာႏရင်ꩻသားနဝ်ꩻ ဟဲ့ꩻ&quot;ထင်ႏဝိစ်တောက်နေး&quot;တဲ့၊ ဗိုန်နုဲင်းသင်ကယ်၊ ကာꩻဝိစ်တောက်နဝ်ꩻယင်။
ထင်ႏသွင်ꩻဆုဲင်ꩻနေးစာႏရင်ꩻ၊ ထင်ႏဝိစ်တောက်နေးနဝ်ꩻ လꩻလဲဉ်း၊ မွေးလဲဉ်း၊ ဟို့ꩻပေႏတဖြုံႏ တနီꩻနီတာႏယို အွဉ်ႏဝိစ်တောက်နေး သမ်းတလꩻတဝ်းက အီႏဖြေꩻအံႏနေးတဲ့ မဒါႏ၊ အနာလွို အာႏကွိုꩻဗာႏဒျာႏ ပအိုဝ်ႏရပ်ရာႏမွိုးဖါသီးမꩻထွာ၊ မွေးဒျာႏကရို? ခင်ႏလမ်းဗေင်ႏ ခင်ႏလမ်းအုံဖုံႏတဲ့ နုဲင်းနဝ်ꩻနေနေ၊ လိုꩻတဖြာꩻယို ဗေင်ႏလွင်ꩻ၊ အုံလွင်ꩻနေး စောင်းလꩻဟောင်း? ခင်ႏလမ်းဗေင်ႏတထွောင်းထွောင်း တွမ်ႏ အဒို့ꩻအဒါဖုံႏနဝ်ꩻ အဝ်ႏတဝ်းမျိုꩻထွာနဲ့။
ကွပ်နဝ်ꩻမꩻ တာႏဝွန်ႏအဝ်ႏသား ကချင်းခွုမ်မာꩻထာꩻမာꩻယို &quot;ချင်းယပ်ꩻဗာႏတကားမုဲင်ꩻ&quot;ကရိုꩻနဝ်ꩻ ပအိုဝ်ႏခွိုꩻသွီႏယာႏ မူႏခိုသီးဖုံႏ ဟဝ်ယူႏစမ်ꩻငါႏ၊ လိုႏအွဉ်ႏငါႏလဲဉ်းစီꩻကန်ꩻ၊ အမဲဉ်ႏတဗာႏနဝ်ꩻ ထင်ႏခွင်ꩻလိတ်လာႏအတွိုင်ꩻ လွိုတဝ်း၊ ယောမ်ꩻတဝ်း၊ မဲဉ်ႏဗဲက်နေးငါနဝ်ꩻမꩻ ဟဲ့ꩻ&quot;ပအိုဝ်ႏသꩻဓာတ်&quot;မိဉ်ရိုꩻနုဲင်းနဝ်ꩻ။
သွꩻတဖြာꩻနဝ်ꩻရိုꩻ &quot;ဝွေꩻသီး ကတနꩻအရပ်နဝ်ꩻ အယပ်ꩻအခုဲင်ႏအဝ်ႏ&quot;တဲ့၊ ခြုဲင်းနယ်ဆေ့ꩻဆေ့ꩻငါ၊ ခွေသွဉ်းတဲ့ အုံသော့ꩻရပ်သားခင်ႏလမ်း၊ လမ်းသားအနေႏတဲင် ဖြေႏသျင်ꩻနယ်ချာဗာႏ &quot;အယပ်ꩻအခုဲင်ႏ အဝ်ႏဒျာႏရင်ꩻ၊ သေနာႏဖေႏသွော့ နီသွဉ်းသီးရပ်သားအကျောင်ꩻ၊ စူကားလားကထွꩻလꩻနဝ်ꩻ သွꩻသီးအဝ်ႏသေဒျာႏအတွိုင်ꩻ&quot;နုဲင်းနဝ်ꩻ၊ နီသွဉ်းသီးတဲ့ ထင်းဒျာႏထဲ့သော့ꩻ နီလမ်းအဝ်ႏတဝ်းရိုꩻနဝ်ꩻတွော့ꩻ တဖျင်သေꩻခါꩻဖေႏဗာႏတဝ်း တမုဲင်ꩻမုဲင်ꩻ။
ကွဲႏတွော့ꩻ အခိင်ႏထွိုင်ႏတွိုႏနဝ်ꩻ နဲစ်ဖေႏဒျာႏထာꩻ သူႏသေသူႏနားဒွုမ်၊ ခွေသွဉ်းသွꩻကရိုꩻနုဲင်းကီနဝ်ꩻတဖြာꩻနဝ်ꩻ သွဉ်တန်ꩻကာႏလထွူမꩻ ကွဲးခွဲးလို့ဝင်ꩻတဲင် ဝွေꩻခြုဲင်းနယ်ခွေသွဉ်း၊ ဝွေꩻကရိုꩻငဝ်းနဝ်ꩻ အမဲဉ်ႏငါႏလွဉ်ꩻနဝ်ꩻမꩻ ခွေသွဉ်းတတဲမ်းနယ်ဒွုမ်၊ အခရာႏနဝ်ꩻ &quot;ပါႏနီသွဉ်းသီးဒျာႏ&quot;ရိုꩻနယ်နုဲင်းနဝ်ꩻငါ၊ &quot;သꩻမိဉ်ထင်ႏသွဉ်တန်ꩻယို&quot;ခွေသွဉ်းထူႏဂုဏ်ႏ အံႏဖြာႏမွေးမွေးဒျာႏ၊ အယပ်ꩻအခုဲင်ႏ မိဉ်ႏတအဝ်ႏတဝ်းနဝ်ꩻ လိုꩻတွိုင်ꩻစွုမ်ႏဖြာꩻ ဟဝ်ထင်ႏဒျာႏရင်ꩻသွူ။
ကွဲႏတွော့ꩻ- သေဗော့ꩻ 'အမိဉ်ထင်ႏတမျိုꩻလွုမ်ꩻ'နဝ်ꩻ 'ရငါႏမွေးတဝ်းဒွိုန်း'ခွေသွဉ်းယူႏနုဲင်းနဝ်ꩻ၊ အာႏပေႏချက်အဝ်ႏဖဲ့ꩻမုဲင်ꩻ? လိုႏနုဲင်းမုဲင်ꩻ? ကရိုꩻနဝ်ꩻ အနာႏဂတ်ဆꩻငါ လိတ်သွဉ်တန်ꩻ ဖေႏအလွီးကဟွမ်တသေႏသေႏဒျာႏနဝ်ꩻ ယူႏစာႏနာႏဗဲင်းသွော့ အွဉ်ငါသားတွမ်ႏ တာႏဝွန်ႏခံႏသားအတာႏ၊ နီကထင်ႏသွဉ်တန်ꩻယို ဆုဲင်ꩻဆုဲင်ꩻဖေႏဝင်ꩻကဒေါ့ꩻဒျာႏ &quot;နီမိဉ်ꩻအွီႏ&quot;နဝ်ꩻ လိုႏမာꩻနုဲင်းမုဲင်ꩻ? ကရိုနဝ်ꩻ သေထွꩻနွောင်ꩻဒျာႏနဝ်ꩻသွူ။
&quot;ရက်ခွိုꩻရက်လိတ်လုဲင်ꩻအလောင်းတဲ့ ရက်တမွိုꩻတမာꩻမွုန်းတွော့ꩻ ယံကရက်ဒျာႏသွော့ တွမ်ႏစီꩻကန်ꩻအဝ်ႏအဝ်ႏ ပငါပရာꩻ၊ သွဉ်တန်ꩻအတိတ်လီꩻကို အမော့ꩻအကျုံႏယို ထွာအီသက်သေႏနေနေ&quot;ယွုမ်းအံႏနုဲင်းနဝ်ꩻတဲင်-(သော့ꩻလဲဉ်းသွဉ်တန်ꩻသက်သေႏ အမုဲင်(၂) ၁၃၇၃-ဗာႏ)&lt;ref&gt;ခွန်စိန်ဘိ &lt;/ref&gt;&lt;ref&gt;ကောင်တဖြေဟေ့ꩻ&lt;/ref&gt;</text>
      <sha1>djeexze4lv3ml59dlr8sndnb0qph0dd</sha1>
    </revision>
  </page>
  <page>
    <title>ဗုဒ္ဓဘာႏသာႏယေန်ႏကေႏမုꩻ</title>
    <ns>0</ns>
    <id>9561</id>
    <revision>
      <id>33529</id>
      <timestamp>2026-06-13T10:35:43Z</timestamp>
      <contributor>
        <username>KhunMyoe</username>
        <id>34</id>
      </contributor>
      <comment>ဖန်ဆင်ꩻလဲဉ်းလိတ်မဲ့ငါ တောမ်ႏ &quot;==ဗုဒ္ဓဘာႏသာႏ== တွမ်ႏနီထာꩻယွုမ်းအံႏမုꩻ သဒ္ဓါႏတရာꩻတဲင် နီကကိုꩻကွယ်ႏဆယ်ꩻကပ်၊ အာႏကွိုအုံနောင်ဒါႏနဝ်ꩻ အဝ်ႏ[[ဘုရာꩻ]]၊ တရာꩻ၊ သံဃာႏ၊ ဆရာႏမွိုးဖါ-အနန္တဂုဏ်ႏ...&quot;</comment>
      <origin>33529</origin>
      <model>wikitext</model>
      <format>text/x-wiki</format>
      <text bytes="40144" sha1="k0umo30g3j9lxi28wjcjjhbiof0919f" xml:space="preserve">==ဗုဒ္ဓဘာႏသာႏ==
တွမ်ႏနီထာꩻယွုမ်းအံႏမုꩻ သဒ္ဓါႏတရာꩻတဲင် နီကကိုꩻကွယ်ႏဆယ်ꩻကပ်၊ အာႏကွိုအုံနောင်ဒါႏနဝ်ꩻ အဝ်ႏ[[ဘုရာꩻ]]၊ တရာꩻ၊ သံဃာႏ၊ ဆရာႏမွိုးဖါ-အနန္တဂုဏ်ႏငတ်ꩻပါꩻလွုမ်ꩻ၊ လောကကို လိုꩻလူꩻဗျဟ္မာႏ ခွုင်းကားတဲင် သတ္တဝါႏဖုံႏ တန်လွို၊ ထိုလွိုမျတ်ကယ်ꩻထဲင်း ရတနာသိုမ်ပါꩻ တအဝ်ႏတဝ်းဖြာꩻဖြာꩻစွဉ်ႏသွူ။
လောကအကို နီကယွုမ်းအံႏ ကိုꩻကွယ်ႏလွဒါႏ ရတနာႏသိုမ်ပါꩻနဝ်ꩻ နုဲင်းမုဲင်ꩻ? ဘုရာꩻသူꩻနဝ်ꩻ လိုꩻပိုနဲ့? လူꩻပိုနဲ့ တဝ်းတဲ့ ဗျဟ္မာႏပိုနဲ့ မိဉ်ႏရီနဝ်ꩻ တဖြာꩻဖြောင်းꩻ တဖြာꩻဖြေꩻ အီႏဒေါ့ꩻတဖြာꩻတစွိုးစွိုး၊ တရာꩻရတနာႏနဝ်ꩻကအီး အဖြေင်းနဲ့? အဗွာနဲ့?၊ သံဃာႏကရိုꩻနဝ်ꩻယင် ပုဂ္ဂိုလ်ႏအမျိုꩻမုဲင်ꩻ? အထာꩻမာꩻ၊ အထာꩻဒေါ့ꩻ၊ အအုံအအဝ်ႏ ဗိုန်နုဲင်းမုဲင်ꩻ? စတဲင်မိဉ်ႏခွဲးငဝ်းရီနုဲင်းနဝ်ꩻနဝ်ꩻ ကယူႏလꩻကသေဖြောင်သားနဝ်ꩻ အဝ်ႏတစူးတစိꩻလွုမ်ꩻသွူ။
နီကယွုမ်းအံႏဒါႏ လိုꩻတဖြာꩻအလောင်းသူꩻနဝ်ꩻ မာꩻနုဲင်းမုဲင်ꩻမာꩻတဲ့ အလွိုကယ်ꩻ၊ အဒါႏကယ်ꩻလဲဉ်းနီ ဂုဏ်ႏထူꩻနဝ်ꩻ အဝ်ႏဗာႏအမန်ႏ၊ ကွပ်ဂုဏ်ႏထူꩻတစွိုးစွိုး၊ မွေးတဝ်းတဲ့ ဂုဏ်ႏကေꩻဇူꩻအာအဝ်ႏနဝ်ꩻမꩻ နီနာꩻယွုမ်းအံႏလꩻ၊ အာႏကွိုꩻနွောင်ꩻ၊ ဥပမာႏခန်း မော့ꩻအအွိုအဆာတွင်ꩻခိန်ႏ နီကသေရာꩻ တသီႏတမွူးယို လယ်ႏထိုမ်ႏအံႏတွော့ꩻ ဟဝ်နွောင်ꩻအီ ရောႏဂါႏနုဲင်းနဝ်ꩻတဲ့ အဝ်ႏနဝ်ꩻသွူ။
မိဉ်ႏတမွေးတဝ်းတဲ့ အာႏကွိုꩻဗာႏ ဆရာသီးတသီႏပညာႏ၊ ဆရာႏအစိုန်ꩻတဲင် လိုမ်ꩻလာꩻကုꩻယာအီမꩻ အီႏရထွာနွောင်ꩻ၊ ဟဝ်နွောင်ꩻအီ ရောႏဂါႏနုဲင်းနဝ်ꩻတဲ့အဝ်ႏ၊ နီကဟဲ့ꩻဗာႏဆရာႏ၊ ကထွဉ်ႏလိုမ်ꩻလာꩻဖေႏဗာႏနီယိုနဝ်ꩻ ဆရာႏအလောင်း ကွပ်&quot;ဆရာႏ&quot;ကရိုꩻဒါႏဂုဏ်ႏ၊ ယွုမ်းအံႏခရာႏ &quot;ဆရာႏပညာႏ&quot;နုဲင်းနဝ်ꩻအဝ်ႏမꩻ နီအာႏကွိုꩻ၊ နီယွုမ်းအံႏ-ဗိုန်နုဲင်းနဝ်ꩻအတွိုင်ꩻသွူ။
ဆရာႏတဲ့ လိုꩻတဖြာꩻနေနေ၊ နီတဲ့ လိုꩻတဖြာꩻ၊ ဝင်ꩻလောင်ႏဝင်ꩻလင်တဲ့ လိုꩻဒျာႏနုဲင်းနုဲင်း၊ တွိုႏလိုꩻလင်ဖုံႏနဝ်ꩻ ဆရာႏမွေးတဝ်းတဲင် နီထာꩻယွုမ်းအံႏ၊ နီထာꩻအာႏကွိုꩻ တတွာနွောင်ꩻတဝ်း ဆရာႏအလောင်းဒျာႏရင်ꩻရင်ꩻ၊ &quot;ပွိုးတမုဲင်ꩻ&quot;ကရိုꩻနဝ်ꩻ &quot;ဆရာႏဂုဏ်ႏ၊ ဆရာႏပညာႏ အဝ်ႏက&quot;ရိုꩻဗာႏနုဲင်းနဝ်ꩻ၊ ထာꩻယွုမ်းအံႏ ထာꩻအာႏကွိုꩻလဲ့ ဗိုန်နုဲင်းနီကယွုမ်းအံႏ ဆရာႏဂုဏ်ႏ၊ ဆရာႏပညာႏနဝ်ꩻအတွိုင်ꩻသွူ။
နီကယွုမ်းအံႏ ရတနာႏသိုမ်ပါꩻ ပါတွမ်ႏမွိုးဖါသီးဂုဏ်ႏကေꩻဇူꩻဖုံႏယိုတဲ့ ဝွေꩻသီးဂုဏ်ႏတွမ်ႏ ဝွေꩻသီးဂုဏ်ႏ၊ ဝွေꩻသီးကေꩻဇူꩻတွမ်ႏ ဝွေꩻသီးကေꩻဇူꩻ အဝ်ႏသော့ꩻနဝ်ꩻမꩻ နီနာꩻအာႏကွိုꩻဗာႏ၊ ယွုမ်းအံႏဗာႏနုဲင်းနဝ်ꩻဒျာႏ၊ မွေးသွူ- ဘုရာꩻနဝ်ꩻ လိုꩻပိုနဲ့? လူꩻပိုနဲ့? မိဉ်ႏရီနဝ်ꩻ လိုꩻပိုစဲစ်စဲစ်ဒျာႏ၊ အတိတ်(က်) အခိန်ႏတွင်ꩻ အိန္ဒိယခမ်းကို ညလဲဉ်းနေင်ႏပေါင်ꩻ ၂၅၅၀-လွိုလွိုရပ် အခွိုꩻအနွယ်ႏ-ခွန်ခွိုꩻ၊ အမိဉ်ꩻနဝ်ꩻ ဟဲ့ꩻဖန်&quot;သိဒ္ဓတ္ထ&quot;နဝ်ꩻသွူ။
နီလိုꩻစတဲင် သတ္တလောကသားဖုံႏ အဝ်ႏငွိုးအဝ်ႏခြင်ꩻလွ ထာꩻဒုက္ခ၊ မော့ꩻခွဲးကျုံႏဗာႏ အခိုးအလျား၊ အတရေင်အမျိုꩻမျိုꩻဖုံႏ၊ ကွပ်စွဉ်ႏ &quot;ထာꩻထင်း&quot;ပေႏတမျိုꩻတဲင် ကဖေႏဆပ်လွေꩻဗာႏတွမ်ႏဘဝပေါင်ꩻနဝ်ꩻ တွက်သူႏသေဒွုမ်၊ ဘုရာꩻလောင်ꩻ ကဖြဲ့ꩻပါႏရမီႏခိန်ႏသူꩻကာႏ ကွပ်ထီႏငါႏနီနာꩻသတ္တဝါႏသီး ထာꩻဒုက္ခနဝ်ꩻမꩻ တကွီတဝ်းခန်းဘုရာꩻဆုꩻလဲ့ နိဗ္ဗာန်ႏနဝ်ꩻ အဝ်ႏလꩻနွောင်ꩻလဲဉ်းဒျာႏရင်ꩻသွူ။
ယိုနဝ်ꩻ ကွပ်ထီႏငါႏ သတ္တဝါႏလိုꩻလူꩻဗျဟ္မာႏသီး အကျိုꩻတဲင် လꩻနွောင်ꩻအီလဲဉ်းနိဗ္ဗာန်ႏ၊ လွစ်ထန်ႏနွောင်ꩻအီ ထာꩻဒုက္ခ &quot;လက်မတ်&quot;အဝ်ႏသော့ꩻလဲဉ်းသွူစူကိုလဲ့ ခံႏထူႏတဝ်းတွော့ꩻ ကွီဆုꩻတေား ဖေႏကထွာလꩻဘုရာꩻ၊ မိဉ်ႏခန်းသဗ္ဗညုတဉာဏ်ႏတောႏနဝ်ꩻမꩻ သတ္တဝါႏသီး အီႏနာႏဗာႏတရာꩻထီခွꩻ၊ အီႏအွꩻဗာႏတရာꩻထီနွိုး၊ ဒုက္ခဆွိုးငိမ်ꩻ ဘဝလွစ်ထန်ႏရေꩻ- ရေႏရွယ်ႏဖေႏနီနာꩻနုဲင်းနဝ်ꩻမꩻ ဖြဲ့ꩻသမ်းတငါငါ ပါႏရမီႏ ဗꩻစွဉ်ႏကထွာလꩻဘုရာꩻခိန်ႏနဝ်ꩻသွူ။
တဲႏစွဉ်ႏ ကကွီဆုꩻတောင်ꩻစဘုရာꩻ အွိုႏသျင်ႏသုမေႏဓာဘဝခါကာႏ ကားလားကထွာထွာလꩻဘုရာꩻခိ်နႏ အခါႏလယ်ႏနဝ်ꩻ ဘဝပေါင်ꩻ တွက်သူႏသေတဝ်း၊ တွက်နေး [[ကမ္ဘာႏ]]မိဉ်ႏတဲ့ အဝ်ႏပဉ်လစ်ꩻအသင်္ခေႏပုဲင် ကမ္ဘာႏတသဲဉ်၊ ကလူႏတန်ꩻဒါႏ ရွဉ်ခံꩻဥစ္စာႏ ရတနာႏမျိုꩻမျိုꩻနဝ်ꩻတဲ့ တွက်တနွောင်ꩻတဝ်း၊ နမ်းလောင်းမဲ့နားစူခင်ႏ သွီႏသက်တဲ့ စေႏတနာႏဗွာဖျူႏ လူႏဗာႏကားမုဲင်ꩻဘဝဝပိဉ်သွူ။
ထာꩻသောင်ꩻထာꩻသား ယူးဝါးသေဆင်ကေမျိုꩻ၊ ချင်္သေ့ꩻမျိုꩻ သဲင်ꩻထွာဗာႏဖို၊ &quot;ဘဝ-ဘဝ&quot;ကရိုꩻယို လိုꩻမူꩻဗျဟ္မာႏ သတ္တဝါႏသီး ကားကအဝ်ႏ ပေါႏတလꩻတဝ်းဒွို်နးမဂ်ဖိုလ်ႏနဝ်ꩻ အဝ်ႏကျင်ႏလယ်ႏဗာႏကဒျာႏ စွုမ်ႏဖြာꩻဖြာꩻစွဉ်ႏ၊ ကွပ်ကွီဘုရာꩻဆုꩻတဲင် ဖေႏဗာႏတွမ်ႏသွီႏသက်ဖုံႏနဝ်ꩻ &quot;ဖေႏကထွာဘုရာꩻမꩻ&quot;သꩻဓာတ်နုဲင်းနဝ်ꩻ မိဉ်ႏတအဝ်ႏတဝ်းက မျိုꩻထွာနွောင်ꩻဟောင်း?။
ပေါႏအလူႏခံႏသားအဝ်ႏတဲ့ အခိန်ႏတရွေꩻတဝ်း၊ ခံႏဗာႏဝင်ꩻကျံႏတကုဲင်၊ ယင်ဘဝဝနဝ်ꩻ တွိုႏစွဉ်ႏအသက်အန္တရာယ်ႏအရန်းတဲ့ သꩻတကုဲင်တဝ်းတစိꩻစိꩻ၊ ခွုမ်အီဒျာႏ ခန္တီႏတရာꩻ၊ နီနာꩻမူႏခိုစွုမ်ႏဖြာꩻ ပါꩻမုဲင်ꩻမာꩻနွောင်ꩻဟောင်း?၊ တွမ်ႏရိုꩻမွုန်း ဝင်ꩻအီႏမာꩻသီနီ တခြေ့ဖုံႏ၊ သံꩻဖုံႏ၊ ထာꩻသောင်ꩻထာꩻသားဖုံႏ အဲင်ႏငါမိဉ်ႏတဲ့ နီနာꩻတသယ်ꩻခံႏနွောင်ꩻတဝ်းဖုံႏသွူ။
နဝ်ꩻသွူတကာႏတဝ်း သꩻဓာတ်ဆဲင်ႏရာꩻတဲ့ အကွာႏအာတန်၊ ပညာႏဆဲင်ႏရာꩻတဲ့ ဘုရာꩻလောင်ꩻသူꩻနဝ်ꩻ ဒါႏလွိုသေလွိုကယ်ꩻနီ ကားမုဲင်ꩻမုဲင်ꩻ၊ ကွပ်နဝ်ꩻမꩻ အဝ်ႏထွာအလောင်ꩻဘဝခါကာႏ နမ်းတာႏ၊ နမ်းအကျိုꩻနဝ်ꩻ ခံႏအွဉ်ႏတဝ်းအထျꩻ၊ အွဉ်ႏဖိုတဝ်းအထျꩻ၊ အွဉ်ႏငါရီးဒျာႏ အမျာꩻ၊ စွိုးခွိုꩻဖူးဝေးသီးအကျိုꩻတာႏကွေႏကွေႏ၊ တဲႏစွဉ်ႏကဖြဲ့ꩻစပါႏရမီႏသူꩻကာႏ ရေႏရွယ်ႏဒျာႏ သတ္တဝါႏမူႏခိုဖြားဆားသီးအကျိုꩻဒျာႏရင်ꩻ ကရိုꩻနဝ်ꩻ----
==ဗုဒ္ဓဘာႏသာႏယေန်ႏကေႏမုꩻ==
ကဖေႏခါꩻ ကတူႏစဲဉ်ႏယို မိဉ်သျင်ꩻနယ်စမ်ꩻငါႏ အခရာႏ တစိꩻပေႏငါ၊ ဗုဒ္ဓ၊ ဘာႏသာႏ၊ ယေန်ႏကေႏမုꩻ၊ အဝ်ႏသိုမ်ငွါ၊ ဗုဒ္ဓနဝ်ꩻ ပုဂ္ဂိုလ်ႏနုဲင်းမုဲင်ꩻ? ဗုဒ္ဓနဝ်ꩻ ထီႏသေငါꩻလဲဉ်း သစ္စာႏတရာꩻမꩻ လောကအကို ဝင်ꩻဟဲ့ꩻဖန်&quot;ဗုဒ္ဓ&quot;၊ ဝွေꩻဗွေႏနမ်းတဲ့ အာႏမခံႏချာ၊ ခံႏထူႏချာအမိဉ်ꩻတောႏ'ဗုဒ္ဓ'၊ တနယ်ꩻ- ခွေသီနီနာꩻလောကသားဖုံႏယိုနဝ်ꩻ အုံသော့ꩻဒျာႏ လောကအခါႏကိုတဲင် အုံစဲ့းသော့ꩻဗာႏဒျာႏ ဝွဋ်ဒုက္ခ၊ ကိလေႏသာႏထီအွိုက်ꩻ၊ မိဉ်ႏတဲက်ဗာႏ ငဝ်းပေါင်းရွိုင်ꩻရွိုင်ꩻတဲ့ ဗိုန်နုဲင်းဖိုးပနားပုတ်ꩻနဝ်ꩻအတွိုင်ꩻသွူ။
ပနား ကသို့ပုတ်ꩻ ဟမ်ႏဗော့ꩻဗျက်ထီ တနျာႏတဲက်ꩻတဲက်ꩻအကိုသူꩻနဝ်ꩻ အနမ်းတဗော့ꩻလဲ့ꩻမွေးရိုꩻလဲ့ အဗွေႏတသေချာတဝ်းအနမ်း၊ ဝွေꩻသေဒျာႏဗော့ꩻ အခွꩻရျူႏတမျိုꩻလွုမ်ꩻ၊ ခွေသီနီနာꩻ ပုထုဇဉ်ႏလောကသားယို မိဉ်ႏတဲက်တွိုင်ꩻတွမ်ႏ ပနားသို့ပုတ်ꩻနဝ်ꩻနဝ်ꩻ ရကျမ်ꩻငါႏလွဉ်ꩻဟောင်း? နုဲင်းမုဲင်ꩻခန်းတယဝ်းမွိုင်နေား၊ နီကအဝ်ႏသို့ဒါႏ ကိလႏသာႏပုတ်ꩻယိုဖုံႏတဲ့ အတဗော့ꩻလဲ့ꩻ၊ ပသို့ꩻအဲ့ခရာႏတန်ဒျာႏ၊ ကွဲႏတွော့ꩻ နီနာꩻတသေချာတဝ်းသွူ။
ကွပ်နဝ်ꩻမꩻ နီနာꩻယိုနဝ်ꩻ အဝ်ႏဗေင်ႏအွီႏ၊ ဗေင်ႏစဲးသော့ꩻဒျာႏ ကိလေႏသားကိုတဲင် ရိုꩻဗာႏ &quot;မဲ့သေတဝ်းဒွိုန်း'၊ 'ထွိုင်ႏတဝ်းဒွိုန်း'နုဲင်းနဝ်ꩻ၊ ဗုဒ္ဓနဝ်ꩻ ထီႏသေလဲဉ်း အမဲဉ်ႏတရာꩻ (သစ္စာႏ-၄ပါꩻ)တဲင် နီနာꩻအဝ်ႏဗေင်ႏအွီႏထာꩻအခါႏကို ဘုရာꩻနဝ်ꩻ မဲ့သေလဲဉ်း၊ ဗေင်ႏသို့တဝ်းဒွုမ် ကိလေႏသာႏနုဲင်းနီနာꩻ၊ ထွိုင်ႏထိုꩻလꩻလဲဉ်း-အခရာႏအဝ်ႏနုဲင်းနဝ်ꩻ၊ ကွပ်အကျောင်ꩻခရာႏ နုဲင်းကီယိုနီမျိုꩻတွော့ꩻ အလောင်ꩻတောႏ [[သိဒ္ဓတ္ထ]]၊ စွိုးခွိုꩻနွယ်ႏ[[ဂေါတမ]]နဝ်ꩻ အဗွေႏနမ်းတဲ့ လက်ခံႏဗာႏ အမိဉ်ꩻတောႏ'ဗုဒ္ဓ'၊ လိုꩻလူꩻဗျဟ္မာႏသီးဖုံႏတဲ့ ဟဲ့ꩻရောင်လွဝင်ꩻ 'ဗုဒ္ဓ'နဝ်ꩻသွူ။
ဗုဒ္ဓ၊ ဗုဒ္ဓ-ဝင်ꩻကရိုꩻ နီကကိုꩻကွယ်ႏဒါႏ ဘုရာꩻယိုခါခါနဝ်ꩻ လူꩻမွေးတဝ်း၊ လူꩻသီးဖန်ဆင်ꩻ၊ ဗျဟ္မာႏနမ်း မာꩻထွာလွဉ်မွေးတဝ်း၊ မွိုးဖါနီပါꩻ လွူးဖွါꩻလင်ꩻဗိုန်ဗိုန်ဒျာႏနုဲင်းနီနာꩻ၊ လိုꩻပိုတဖြာꩻစဲစ်စဲစ်ဒျာႏ၊ ကကွာႏတွမ်ႏနီနာꩻနဝ်ꩻ ပါႏရမီႏ၊ ကံႏ၊ ဉာဏ်ႏ၊ ဝီရိယ၊ ပယောဂဖုံႏ၊ နေးတွမ်ႏပါႏရမီႏအစိုန်ꩻသတ္တိꩻဟဝ်ဟဝ်တဲင် ဝင်ꩻတမာꩻဗွုန်ႏတဝ်းနဝ်ꩻ မာꩻဗွုန်ႏ၊ မာꩻရုဲင်းရုဲင်းဒျာႏ၊ နေးတွမ်ႏနမ်းဉာဏ်ႏတဲင် ဝင်ꩻတယူႏဗွုန်ႏတဝ်း၊ ဝင်ꩻတဒေါ့ꩻဗွုန်ႏတဝ်း ကိစ္စမျိုꩻတဲ့ ရုဲင်းရုဲင်းထင်ထင် မာꩻနွောင်ꩻ၊ ဒေါ့ꩻနွောင်ꩻစွဉ်ႏသွူ။
ထီႏသညင်ꩻနီနာꩻ သတ္တဝါႏနဝ်ꩻမꩻ ဖြဲ့ꩻလွဉ်ဗာႏ ပါႏရမီႏဒျာႏရင်ꩻရင်ꩻဲင် အခိင်ႏခန်ꩻထွိုင်ႏတွိုႏ၊ တွိုႏဖျော်တခြာ၊ ဖေႏကထွာဘုရာꩻ၊ ကျိုꩻစာꩻယပ်ꩻယပ်ꩻခုဲင်ႏခုဲင်ႏနဝ်ꩻမꩻ သေထွꩻလွဉ်သစ္စာႏတရာ၊ ဟန်ႏသနီꩻ နီနာꩻကသေထွꩻဗာႏ၊ ကကေႏညိုႏဗာႏဘုရာꩻ၊ တရာꩻ၊ သံဃာႏဖုံႏယို ကွပ်ဘုရာꩻပါႏရမီႏအဗိုန်နေနေ၊ ဘုရာꩻနမ်း မိဉ်ႏတထိုမ်ႏယပ်ꩻယပ်ꩻခုဲင်ႏခုဲင်ႏဖေႏတဝ်းနဝ်ꩻ၊ မိဉ်ႏတဟော်ꩻသေꩻခါꩻတဝ်း ဒေႏသနာႏနဝ်ꩻ နီနာꩻမျိုꩻအီႏဟွုန်ဗာႏ ဘုရာꩻတရာꩻသံဃာႏ ရတနာႏသိုမ်ပါꩻခရာႏဟောင်း?
နမ်းအင်္ဂါႏပေႏတန်၊ တခြိုꩻဥစ္စာႏဖုံႏ လူႏဗာႏကားမုဲင်ꩻမုဲင်ꩻ တွက်လဲင်ꩻတဒါႏဒွုမ်၊ တွက်နေးကမ္ဘာႏမိဉ်ႏတဲ့ အဝ်ႏပိဉ်လိစ်ꩻသင်္ခေႏပုဲင် ကမ္ဘာႏတသဲဉ်၊ ဘဝပေါင်ꩻနဝ်ꩻ တွက်တနွောင်ꩻတဝ်း၊ အာမွေးငါႏ မရေႏမရာႏ၊ သစ္စာႏတရာꩻနဝ်ꩻ အဝ်ႏဒျာႏအွိုးအစကာႏ၊ ကွဲႏတွော့ꩻ နုဲင်းတဲမ်းလိတ်သား ကတဲမ်းနယ်အစနဝ်ꩻအတွိုင်ꩻ ခွေသီနီနာꩻယို မောဟတခြို့ဗိဉ်ႏ ခေ့ꩻကရိစ်ꩻတဲင် ပါꩻမုဲင်ꩻငါတဲ့ တဗွောင်နွောင်ꩻတဝ်းဒျာႏ၊ ဘုရာꩻအလောင်ꩻ သိဒ္ဓတ္ထနဝ်ꩻ နေးတွမ်ႏပါႏရမီႏဉာဏ်ႏကံႏဉာဏ်ႏတွော့ꩻ ထီႏဖြောင်ထွꩻ၊ သေငါꩻလꩻ သစ္စာႏတရာꩻလိစ်ꩻပါꩻနဝ်ꩻသွူ။
နီဗွေႏဘုရာꩻလောင်ꩻ ပါႏရမီႏဉာဏ်ႏနဝ်ꩻ တောႏတောႏလွုမ်ꩻမွေးတဝ်း၊ အဆုဲင်ꩻတမျိုꩻနဝ်ꩻ နီနာꩻယို အဝ်ႏဗေင်ႏအွီႏဒျာႏထာꩻ ကိလေႏသာႏကိုတဲင် မဲ့သေတဝ်းဖုံႏ၊ သေထွိုင်ႏတဝ်းဒွိုန်းဖုံႏ၊ ဘုရာꩻနဝ်ꩻ ဗေင်ႏသော့ꩻဗာႏတဝ်းဒွုမ်၊ မဲ့သေထွူလဲဉ်းတွော့ꩻ သေထွိုင်ႏလဲဉ်း၊ ကွပ်နဝ်ꩻမꩻ လောကသိုမ်ပါꩻအကို ရိုႏသေႏဝုဲင်ႏထွိုက်လွဗာႏ နီဗွေႏဘုရာꩻ၊ ကားလားဘုရာꩻကပွင်ꩻနဝ်ꩻ ပုဂ္ဂိုလ်ႏအလောင်ႏလင်ဖုံႏ ယင်ဖြာꩻဖြာꩻနဝ်ꩻ ကေႏညာႏချာစွဉ်ႏအနမ်း ရိုꩻ&quot;ဘုရာꩻ&quot;တဲ့၊ ကွဲႏတွော့ꩻ အတညတဝ်း ပါꩻသေထွꩻအကျောင်ꩻခရာႏတဲင် ထွာတေားဒျာႏ ဘုရာꩻမိဉ်ကုဲင်စားသွူ။
တွိုႏနီဗွေႏဘုရာꩻယိုနဝ်ꩻ လိုꩻခမ်းလူꩻခမ်းလွုမ်ꩻတကာႏတဝ်း ဖျော်တွိုႏပါစွဉ်ႏ ဗျဟ္မာႏခမ်းကီသူꩻ အံႏဖြာႏတဝ်းအုံတလꩻဒွုမ်၊ ဝုဲင်ႏတဝ်းအုံတလꩻဒွုမ်၊ လဲင်ꩻဝုဲင်ႏပူႏဇောႏရောင်လွဗာႏ နီဗွေႏဘုရာꩻ ပငါပရာꩻ၊ &quot;ဗုဒ္ဓ&quot;ကရိုꩻဒါႏ မိဉ်ꩻတငွါယိုနဝ်ꩻ ထွိုက်တန်ႏဒျာႏကွို့ꩻ နီဗွေႏဘုရာꩻတဆူႏလွုမ်ꩻ၊ ဖေႏကထွာလꩻဘုရာꩻအတွက် ကထေဗာႏပါႏရမီႏဆီပါꩻ၊ စရိယသိုမ်ပါꩻ၊ စာႏဂငတ်ꩻပါꩻကစဒါႏ အနီꩻအရင်ꩻယို နီနာꩻလိုꩻခေတ်ယိုခါ ပါꩻမုဲင်ꩻစိဉ်ꩻစာꩻဗွုန်ႏဟောင်း?။
ဝင်ꩻမိဉ်ႏလွဉ်ကွီလူႏခံႏ နီမဲ့တပင်နဝ်ꩻ နီနာꩻလိုꩻကေားလူႏဗွုန်ႏသား အဝ်ႏမုဲင်ꩻကို? လယ်ႏထိုမ်ႏရီစမ်ꩻမွိုင်၊ ယိုဖုံႏနဝ်ꩻ ဗွေႏဘုရာꩻကထေဗာႏ အနီꩻအရင်ꩻဖုံႏ၊ သက်သေႏသက်ကန်ႏ ဟော်ꩻသေꩻဖေႏဒျာႏ တဖူꩻစဲဉ်ႏ ခွေါင်ခွေါင်ခံႏခံႏအဝ်ႏဒျာႏ၊ ဘာႏသာႏလင်သားဖုံႏ အဘုရာꩻသူꩻ ဖြဲ့ꩻပါႏရမီႏတအဲဉ်ထဝ်း၊ အတဖူꩻစဲဉ်ႏ တအဲဉ်ထဝ်း၊ ဒေါ့ꩻဗာႏငဝ်းလို့လို့နဝ်ꩻ ထွာဘုရာꩻလꩻဒျာႏဝွေꩻသီးတဖြာꩻလွုမ်ꩻထဲင်းသွူ။
နီဗွေႏဘုရာꩻနဝ်ꩻ နီမိဉ်လꩻ တရာꩻအရန်းမုဲင်ꩻ? မိဉ်ထွာတပဲ့ꩻတပန်ꩻ အမျိုꩻမုဲင်ꩻ? မာꩻဗာႏနုဲင်းမုဲင်ꩻ? အနယ်ꩻအဝ်ႏသေꩻခါꩻလို့၊ နီဗွေႏဘုရာꩻနဝ်ꩻ ဟဝ်နမ်းတာႏလွုမ်ꩻ တမွေးတဝ်း၊ ဘာႏသာႏလင်သားဘုရာꩻသူꩻနဝ်ꩻ ငမ်းဒျာႏဝင်ꩻထွာနုဲင်းဘုရာꩻပုံႏတန်၊ ဒေါ့ꩻဝင်ꩻဘုရာꩻအပဲစ်၊ စဲစ်ဝင်ꩻဘုရာꩻအမာႏ တမွေးတဝ်း၊ အဝ်ႏအဝ်ႏအတွိုင်ꩻ၊ မဲဉ်ႏလဲ့ ကမဲဉ်ႏအတွိုင်ꩻ ဟော်ꩻလိတ်သား ဖေႏသဘော်ꩻကဗွောင်တွော့ꩻ တဲမ်းနယ်ဗာႏနုဲင်းယိုဒျာႏသွူ။
ဒုတိယငဝ်းတငွါ &quot;ဘာႏသာႏ&quot;ခရာႏနဝ်ꩻ မိဉ်ႏသျင်ꩻနယ်ဗာႏလဲ့ &quot;ဘာႏသာႏ&quot;ကရိုꩻနဝ်ꩻ အထျꩻအထောင်ꩻ အဝ်ႏဘာသ-ပါဠိငဝ်းထွာလွဉ်၊ အခရာႏနဝ်ꩻ နီကဒေါ့ꩻနီကရွစ်ဒါႏငဝ်းယို ဟဲ့ꩻ&quot;ဘာႏသာႏ&quot;ကွေႏကွေႏ တဲမ်းလိတ်သားယို ယူႏနုဲင်းနဝ်ꩻ၊ ပညာႏသျင်ႏသီး အလောင်ႏအလင်ဝါႏဒဖုံႏတဲ့ အဝ်ႏဒွိုန်းကဒျာႏအမျိုꩻမျိုꩻ၊ ယိုနဝ်ꩻ ထွာဒျာႏတဲမ်းလိတ်သား ကယူႏဖြောင်ပေႏလွုမ်ꩻ၊ အချုက်နဝ်ꩻ ငဝ်းငွါယို ဟဲ့ꩻ&quot;ဘာႏသာႏ&quot;နဝ်ꩻသွူ။
ယိုကိုခြာနဝ်ꩻ ထူႏနီလိꩻသာမညငဝ်းတဲးတဲ့ လꩻတဝ်း၊ ပွိုးတမုဲင်ꩻ? ဘာႏသာႏငဝ်းငွါနဝ်ꩻဆꩻငါ ကအဝ်ႏကပ်ဒါႏ လိတ်ဖြုံႏနဝ်ꩻ လိတ်ဖြုံႏနုဲင်းမုဲင်ꩻ? အဝ်ႏကပ်ဒျာႏ တွမ်ႏဗုဒ္ဓ၊ ဗုဒ္ဓတွမ်ႏဘာႏသာႏ အွဉ်ႏတွယ်ꩻလို့ဝင်ꩻတွော့ꩻ ထွာယင်း &quot;ဗုဒ္ဓဘာႏသာႏ&quot;နုဲင်းနဝ်ꩻ၊ ဗုဒ္ဓအခရာႏ နုဲင်းအွိုးအစနဝ်ꩻအလꩻ အွဉ်ႏတွယ်ꩻတွမ်ႏ ဘာႏသာႏနဝ်ꩻမꩻ သေထွꩻအဓိပ္ပါယ်ႏနဝ်ꩻသွူ။
မွေးသွူ၊ သစ္စာႏလိစ်ꩻပါꩻ၊ ထီႏသေငါꩻဒါႏ၊ ဟော်ꩻကျာꩻဖေႏဒါႏ နီဗွေႏဘုရာꩻအငဝ်းငွါ (အဆုံꩻမꩻ)ဖုံႏနဝ်ꩻ ဟဲ့ꩻ&quot;ဗုဒ္ဓဘာႏသာႏ&quot;၊ တနယ်ꩻ- အဝ်ႏကိလေႏသာႏ ခင်ႏလမ်းဗေင်ႏကို မဲ့သေလဲဉ်းတွော့ꩻ ထွိုင်ႏထိုꩻလꩻ၊ လွစ်ထိုꩻလꩻလဲည်း ဘုရာꩻငဝ်းငွါ(အဆုံꩻမꩻ)နဝ်ꩻ ဟဲ့ꩻ&quot;ဗုဒ္ဓဘာႏသာႏ&quot;နုဲင်းနဝ်ꩻ၊ ကွပ်နဝ်ꩻမꩻ ဘာႏသာႏနဝ်ꩻ ဆဲင်ႏနွောင်ꩻဒျာႏက ဘာႏသာႏလင်ယင်၊ နီနာꩻလိုꩻသာမညယင်၊ ကွဲႏတွော့ꩻ ဗုဒ္ဓနဝ်ꩻ အွဉ်ႏဆဲင်ႏတွမ်ႏဘာႏသာႏလင်၊ နီလိုꩻသာမညဖုံႏနဝ်ꩻ တလꩻတဝ်းသွူ။
ခေတ်ယိုခါ ခရစ်ယာန်ႏဘာႏသာႏ၊ ဟိန္ဒူဘာႏသာႏ၊ အစ္စလာမ်ဘာႏသာႏဖုံႏ ပါတွမ်ႏနီဗုဒ္ဓဘာႏသာႏနဝ်ꩻ အဝ်ႏ[[ဘာႏသာႏ]]တန်လိစ်ꩻမျိုꩻ ရိုꩻနုဲင်းနဝ်ꩻဖုံႏ၊ ဝွေꩻသီး ဘာႏသာႏအွဉ်ငါသား အသွဉ်သင် အဆုံꩻမꩻပေႏတဲးတဲ့ အဝ်ႏဒါႏဒျာႏနေနေ၊ နဝ်ꩻမꩻ ဟဲ့ꩻ&quot;ခရစ်ယာန်ႏဘာႏသာႏ&quot;နုဲင်းနဝ်ꩻတဲ့ တဗာႏခုဲင်ႏတဝ်း၊ ကွဲႏတွော့ꩻ- အွဉ်ႏတွယ်ꩻတေား တွမ်ႏသာႏသနာႏတဲင် ဝွေꩻသီးကသုံꩻဒါႏ &quot;ခရိစ်ယာန်ႏသာႏသနာႏ&quot;နဝ်ꩻ ထွိုက်တန်ႏတဝ်း၊ &quot;သာႏသနာႏ&quot;ကရိုꩻနဝ်ꩻ အဝ်ႏဒျာႏဗုဒ္ဓဘာႏသာႏကိုလွဉ်သွူ။
အမဲဉ်ႏတဗာႏ သာႏသနာႏနဝ်ꩻ ဝွေꩻသီးလိုႏသုံꩻအီတဝ်း၊ လိုႏအံႏစေꩻတဝ်း နီဗုဒ္ဓဒေႏသနာႏတောႏ၊ သာႏသနာႏငဝ်းအကို ဗွောင်နယ် အဆုံꩻမꩻအသွဉ်သင်ဒျာႏရိုꩻလဲ့ မိဉ်ႏထိုမ်ႏထွားမွေး အကဲဉ်အယာႏ (အနှစ်သာရ)နဝ်ꩻ အဝ်ႏဒျာႏ သီႏလသာႏသနာႏ၊ သမာႏဓိသာႏသနာႏ၊ ပညာႏသာႏသနာႏ၊ တနယ်ꩻ-ပရိယတ္တိသာႏသနာႏ၊ ပဋိပတ္တိသာႏသနာႏ၊ ပဋိဝေဓသာႏသနာႏ-ဖုံႏလွုမ်ꩻ၊ နီဗွေႏဘုရာꩻ ကသွဉ်သင်ဆုံꩻမꩻဒါႏ ဗုဒ္ဓဘာႏသာႏခွိုꩻနွယ်ႏနဝ်ꩻ ငဝ်းတငွါစီႏတငွါစီႏအကို သီႏလ၊ သမာႏဓိ၊ ပညာႏ သိက္ခာႏသိုမ်ပါꩻ အဝ်ႏပါစွုမ်ႏငွါငွါနဝ်ꩻသွူ။
ငဝ္းအကျိုꩻတအဲဉ်ထဝ်းနဝ်ꩻ လဝ်းနေးခန်းတဲ့ နီဗွေႏဘုရာꩻတဟော်ꩻတဝ်း၊ ဝွေꩻသီးဘာႏသာႏခွိုꩻ အွဉ်ငါသားဖုံႏသူꩻ သီႏလ၊ သမာႏဓိ၊ ပညာႏ သမ်းတပါတဝ်း၊ ပရိယတ္တိအဝ်ႏမုဲင်ꩻ? ပဋိပတ္တိလွစ်ဟွုန်ဖို၊ ပဋိဝေဓထဲင်းနဝ်ꩻ အလွီးနေးငါ မျိုꩻနွုမ်ꩻစမ်ꩻဗာႏနဲ့၊ ထီႏဖွီဝင်ꩻခေါင်းသားတမွေးတဝ်း၊ သီႏလစတဲင်နုဲင်းနဝ်ꩻ မိဉ်ႏအဲဉ်ထဝ်းနဝ်ꩻ သာႏသနာႏငဝ်းနဝ်ꩻတငွါ ထွိုက်တန်ႏတဝ်း တွမ်ႏဝွေꩻသီး မိဉ်ႏရိုꩻနုဲင်းနဝ်ꩻနဝ်ꩻ ငဝ်းကျမ်ꩻလွဉ်ꩻငါႏဟောင်း?။
ယူႏခံႏစံꩻဒျာႏသွော့ ပငါပရာꩻ၊ ဘာႏသာႏနဝ်ꩻတဲ့ ပါဠိငဝ်းဒျာႏ၊ ကွဲႏတွော့ꩻ သီႏလဘာႏသာႏ၊ သမာႏဓိဘာႏသာႏ-စတဲင်နုဲင်းနဝ်ꩻ တအဲဉ်ထဝ်းတွော့ꩻ ရိုꩻခန်းအမျာꩻသုံꩻ ဝေါဟာရတမျိုꩻအနေႏတဲင် တွေꩻသီးကသုံꩻ၊ နီနာꩻကရိုꩻဒါႏ&quot;ခရိစ်ယာန်ႏဘာႏသာႏ&quot;နဝ်ꩻ ပေါင်းထွိုက်တန်ႏနွောင်ꩻဝွေꩻသီး၊ မိဉ်ႏထွာ &quot;ခရိစ်ယာန်ႏသာႏသနာႏ&quot;ငဝ်းနဝ်ꩻအကို သာႏသနာႏတငွါနဝ်ꩻ ထွိုက်တဝ်းဝွေꩻသီး တဲမ်းလိတ်သားယို ယူႏနုဲင်းနဝ်ꩻ၊ ယိုနဝ်ꩻတဲးတဲ့ တဲမ်းလိတ်သားတဖြာꩻအနေႏလွုမ်ꩻ၊ အမဲဉ်ႏအမာႏ ဟော်ꩻထွားချင်းယူႏစမ်ꩻဒျာႏသွော့။
တတိယငဝ်းတငွါနဝ်ꩻ &quot;ယေန်ႏကေႏမုꩻ&quot;၊ ယိုတငွါနဝ်ꩻ ခွယ်ꩻထန်ႏလုဲင်ႏသိုမ်စား၊ သိုမ်စားကရိုꩻနဝ်ꩻ-
(၁) နမ်းယေန်ႏကေႏ (၂) ဖြောင်းယေန်ႏကေႏ (၃) သꩻယေန်ႏကေႏ။
မိဉ်ႏဒေါ့ꩻဗာႏငဝ်းပေါင်းထိုထိုတဲ့ နီနာꩻနမ်းတွမ်ႏဖြောင်း ဖေႏကယေန်ႏကေႏနဝ်ꩻ သီႏလမယ်ꩻမꩻ၊ တိဉ်ႏခွေါင်မꩻ၊ ကံခြေင်းခြေင်းမꩻ ရိုꩻဗာႏအီႏယေန်ႏကေႏနွောင်ꩻလꩻ၊ သꩻဖေႏကယေန်ႏကေႏနဝ်ꩻ ပွာꩻမျာꩻအားထုတ်ဗာႏမွေးမွေး သမထ၊ [[ဝိပဿနာႏ]]မꩻ၊ ထောင်ထွားလွဉ်ꩻနွောင်ꩻမွေးမွေးမꩻ အီႏယေန်ႏကေႏယင်၊ သီႏလဖုံႏ ကထိင်ꩻခါꩻ နမ်းတွမ်ႏဖြောင်းယိုနဝ်ꩻ မိဉ်ႏအွဉ်ႏလင်ꩻဖွိုႏပသာႏငဝ်းတဲ့ သျောင်ႏညာꩻညာꩻ ကာယဒုစရဲက်(၃)ပါꩻမꩻ ဟဲ့ꩻဗာႏ &quot;နမ်းယေန်ႏကေႏ&quot;တဲ့။
ကျင်ꩻသုံꩻမွုန်း ဝစီꩻဒုစရဲက်(၄)ပါꩻမꩻ အီႏဟဲ့ꩻဗာႏ &quot;ဖြောင်းယေန်ႏကေႏ&quot;၊ မာꩻမွုန်းယူႏမွုန်းတဝ်း မနောဒုစရဲက်(၃)ပါꩻမꩻ ဟဲ့ꩻဗာႏ&quot;သꩻယေန်ႏကေႏ&quot;၊ ဒုစရဲက်ခရာႏနဝ်ꩻ သျင်ꩻနယ်တဝ်းဒွုမ်၊ ဖေႏကသျောင်ႏနွဗာင်ꩻ ဒုစရဲက်ဆီပါꩻနဝ်ꩻ အထျꩻအဝ်ႏယင်း မေတ္တာႏ၊ ကရုဏာႏ၊ မုဒိတာႏ၊ ဥပေက္ခာႏ ဗျဟ္မစိုရ်ႏတရာꩻ(၄)ပါꩻ၊ ဖေႏနေးနမ်းဖြောင်းသီး ကယေန်ႏကေႏနဝ်ꩻ အထျꩻအဝ်ႏသꩻတဲင် သꩻဖေႏနေးကပနဲဉ်ႏနဝ်ꩻ နာႏကုဲင်းကုဲင်းဗာႏတရာꩻ၊ ဟော်ꩻခွိုꩻခွိုꩻဗာႏလိတ်ဖုံႏ၊ မာꩻခွိုꩻခွိုꩻဒါႏန-စတဲင်ကုသိုလ်ႏနဝ်ꩻ သꩻပနဲဉ်ႏလွဉ်အီ လဲင်ႏစိꩻစိꩻနဝ်ꩻသွူ။
ယိုနဝ်ꩻ ထွာတဖူꩻစဲဉ်ႏ အွဉ်ႏယိုꩻလင်ꩻလဖေႏနေး အရန်းရန်းစား၊ မိဉ်ႏအားထုတ်နွောင်ꩻနေးစွဉ်ႏ သမထ၊ ဝိပဿနာႏအရန်းနဝ်ꩻ ဒေါ့ꩻခရာႏလိုႏဒွုမ်၊ သꩻကို ထာꩻသေတရာꩻ မိဉ်ႏအဝ်ႏသော့ꩻအာအာမꩻ နမ်းအုံအဝ်ႏ ဖြောင်းအဒေါ့ꩻဖြဝ်ႏလဲ့ ပနဲဉ်ႏလွဉ်၊ ဖျင်နွောင်ꩻအီ လဲင်ႏစိꩻစိꩻတဲင် ထွာလꩻလိုꩻယေန်ႏကေႏတဖြာꩻ၊ အယိုꩻသွတ်ꩻနဝ်ꩻ မိဉ်ႏထီႏ &quot;လိုꩻကတန်လဲဉ်းနီတဲ့ မတ်ဝေး၊ မိဉ်ႏပေႏလဲဉ်းနီတဲ့ မတ်ဖူး၊ မိဉ်ႏတတွာနီတဲ့ မတ်သွꩻ&quot;ဝင်ꩻကရိုꩻငဝ်းနဝ်ꩻအတွိုင်ꩻ မွိုးဖါဆရာႏသီးအရွယ်ႏ၊ မွိုးဖြားဖါဖြားသီးထျꩻ လွေꩻယေန်ႏယေန်ႏဗာႏနဝ်ꩻသွူ။
အုံအဝ်ႏယေန်ႏယေန်ႏ၊ အံႏအွꩻယေန်ႏယေန်ႏ၊ ဒေါ့ꩻဖြဝ်ႏယေန်ႏယေန်ႏ၊ ထွာယေန်ႏကေႏမုꩻ အရန်းယိုꩻစား-ရိုꩻဗာႏနုဲင်းနဝ်ꩻ၊ အဝ်ႏကုဲင်သꩻနဝ်ꩻတဲး အနန်ꩻယေန်ႏတန်တဲင် ယေန်ႏကေႏနွောင်ꩻငါ နမ်းတွမ်ႏဖြောင်းငါတဲ့ ဘဝတန်ႏဖိုꩻ၊ လိုꩻမျိုꩻစွိုးခွိုꩻသိက္ခာႏ အဝ်ႏငါႏလဲဉ်း မရေႏမရာႏ၊ ခေတ်လဲင်ႏခါနဝ်ꩻ နီနာꩻမိဉ်ꩻသွူ[[ဗုဒ္ဓဘာႏသာႏ]]လဲ့ လိုꩻနဝ်ꩻ ဟမ်းပေါင်းရွိုင်ꩻနေက၊ ထွားစမ်ꩻမွိုင် အအုံအဝ်ႏ၊ အအံႏအွꩻ၊ အကွဉ်ကꩻ၊ အဒေါ့ꩻဖြဝ်ႏဖုံႏနဝ်ꩻ သေထွꩻနွောင်ꩻဒျာႏနဝ်ꩻသွူ။
လို့လို့တဲး တရိုꩻတဝ်း၊ ကဲဉ်းအာအာ ဒေါ့ꩻထာꩻဖုံႏတဲ့ ငဝ်းဟဝ်ငွါဒါႏနဝ်ꩻ ဟွုန်ဗာႏကြွို့ꩻတဝ်းထဲင်း၊ ဟွုန်အာဒျာႏ ခွန်းလို့ဝင်ꩻ၊ ထွမ်လို့ဝင်ꩻဖုံႏ၊ ဒေါ့ꩻအာဒျာႏ ဝင်ꩻမိဉ်ꩻဝင်ꩻပုံႏဖုံႏ၊ အဗွေႏနဝ်ꩻ ရိုꩻဒျာႏအနမ်းဟဝ်ကွေႏကွေႏ၊ ဝင်ꩻအသောင်အရင်ꩻ ကနာႏနဝ်ꩻ အီႏထွာနုဲင်းမုဲင်ꩻ? ဟဝ်ယူႏစမ်ꩻငါႏ၊ ကွပ်အကွဲးရွိုင်ꩻရွိုင်ꩻလွဉ်နဝ်ꩻမꩻ လွေꩻသဲင်ꩻကွဉ်ကꩻဖုံႏ ကွဲးညညနဝ်ꩻ သွဉ်ဗာႏနေးမꩻ အီႏယေန်ႏကေႏ၊ ယင်ဟန်ႏနဝ်ꩻ သွဉ်ဖေႏနေးသွူတဲ့ သတိꩻတလꩻတဝ်းဒွိုန်းလဲ့ အဝ်ႏဒျာႏနဝ်ꩻသွူ။
ဒေါ့ꩻငဝ်းတဲ့ အမျိုꩻတဒေါ့ꩻတဝ်းနဝ်ꩻ ဒေါ့ꩻ၊ အမျိုꩻကလိုႏဒေါ့ꩻနဝ်ꩻ ဒေါ့ꩻတဝ်း၊ မိဉ်ႏတွိုႏအရေꩻ အာႏကွိုꩻတယ်ꩻတယ်ꩻ သမ်းလꩻတဝ်း၊ ယံဗော့ꩻထာꩻ လမ်းကိုစားလွုမ်ꩻလဲ့ အဝ်ႏအာတန်၊ သꩻဖေႏကယေန်ႏကေႏ အွဉ်ႏနာႏတရာꩻနဝ်ꩻ တခေင်ꩻတေားဒျာႏထာꩻ ငဲက်ငဲက်၊ မာꩻနုဲင်းမုဲင်ꩻ အီႏယေန်ႏကေႏနွောင်ꩻ? ကထွာမွိုးဖါ ယေန်ႏကေႏနေနေမꩻ ပိုဖုံႏ ယေန်ႏကေႏနွောင်ꩻအီ၊ ဆရာႏယေန်ႏကေႏနဝ်ꩻမꩻ တပဲ့ꩻယေန်ႏကေႏနုဲင်း၊ မိဉ်ႏယေန်ႏကေႏလို့ အဖဲ့ꩻဖဲ့ꩻအခဝ်ခဝ်နဝ်ꩻတဲး ဘဝတန်ႏဖိုꩻ ထင်ႏလွဉ်၊ နဝ်ꩻမꩻ လိုႏရီချာနမ်း ပငါပရာနုဲင်းယို? &quot;မိဉ်လꩻတန်ႏဖိုꩻထင်ႏနဲ့? မိဉ်လꩻတန်ႏဖိုꩻလင်နဲ့?&quot;ကရိုꩻနဝ်ꩻ-&lt;ref&gt;မျိုꩻစဲစ်ခွန်(နဝ်)&lt;/ref&gt;&lt;ref&gt;သထုံႏပေႏ&lt;/ref&gt;</text>
      <sha1>k0umo30g3j9lxi28wjcjjhbiof0919f</sha1>
    </revision>
  </page>
</mediawiki>