བྱང་ཆུབ་སེམས་དཔའི་སྤྱོད་པ་ལ་འཇུག་པ།

<mediawiki xmlns="http://www.mediawiki.org/xml/export-0.11/" xmlns:xsi="http://www.w3.org/2001/XMLSchema-instance" xsi:schemaLocation="http://www.mediawiki.org/xml/export-0.11/ http://www.mediawiki.org/xml/export-0.11.xsd" version="0.11" xml:lang="bo">
  <siteinfo>
    <sitename>Wikipedia</sitename>
    <dbname>bowiki</dbname>
    <base>https://bo.wikipedia.org/wiki/%E0%BD%82%E0%BD%99%E0%BD%BC%E0%BC%8B%E0%BD%84%E0%BD%BC%E0%BD%A6%E0%BC%8D</base>
    <generator>MediaWiki 1.47.0-wmf.15</generator>
    <case>first-letter</case>
    <namespaces>
      <namespace key="-2" case="first-letter">མི་ཌི་ཡ་།</namespace>
      <namespace key="-1" case="first-letter">དམིགས་བསལ།</namespace>
      <namespace key="0" case="first-letter" />
      <namespace key="1" case="first-letter">བགྲོ་གླེང་།</namespace>
      <namespace key="2" case="first-letter">སྤྱོད་མཁན།</namespace>
      <namespace key="3" case="first-letter">སྤྱོད་མཁན་གྱི་ བགྲོ་གླེང་།</namespace>
      <namespace key="4" case="first-letter">Wikipedia</namespace>
      <namespace key="5" case="first-letter">Wikipedia བགྲོ་གླེང་།</namespace>
      <namespace key="6" case="first-letter">ཡིག་ཆ།</namespace>
      <namespace key="7" case="first-letter">ཡིག་ཆའི་ བགྲོ་གླེང་།</namespace>
      <namespace key="8" case="first-letter">མི་ཌི་ཡ་ཝི་ཀི།</namespace>
      <namespace key="9" case="first-letter">མི་ཌི་ཡ་ཝི་ཀིའི་ བགྲོ་གླེང་།</namespace>
      <namespace key="10" case="first-letter">དཔེ་པང་།</namespace>
      <namespace key="11" case="first-letter">དཔེ་པང་གི་ བགྲོ་གླེང་།</namespace>
      <namespace key="12" case="first-letter">རམ་འདེགས།</namespace>
      <namespace key="13" case="first-letter">རམ་འདེགས་ཀྱི་ བགྲོ་གླེང་།</namespace>
      <namespace key="14" case="first-letter">རིགས་དབྱེ།</namespace>
      <namespace key="15" case="first-letter">རིགས་དབྱེའི་ བགྲོ་གླེང་།</namespace>
      <namespace key="710" case="first-letter">TimedText</namespace>
      <namespace key="711" case="first-letter">TimedText talk</namespace>
      <namespace key="828" case="first-letter">Module</namespace>
      <namespace key="829" case="first-letter">Module talk</namespace>
      <namespace key="1728" case="first-letter">Event</namespace>
      <namespace key="1729" case="first-letter">Event talk</namespace>
    </namespaces>
  </siteinfo>
  <page>
    <title>བྱང་ཆུབ་སེམས་དཔའི་སྤྱོད་པ་ལ་འཇུག་པ།</title>
    <ns>0</ns>
    <id>26828</id>
    <revision>
      <id>162623</id>
      <parentid>160160</parentid>
      <timestamp>2026-08-15T07:50:07Z</timestamp>
      <contributor>
        <username>Padma nurbu</username>
        <id>35952</id>
      </contributor>
      <comment>/* ༢. མཛད་པ་པོ་དང་བརྒྱུད་པ། */</comment>
      <origin>162623</origin>
      <model>wikitext</model>
      <format>text/x-wiki</format>
      <text bytes="45491" sha1="kvph0vm4iexz2rqirlikx0q1lucpl1h" xml:space="preserve">{|class=&quot;infobox&quot; style=&quot;width: 22em; text-align: left; font-size: 90%; line-height: 1.5em; border: 1px solid #a2a9b1; background-color: #f8f9fa; border-spacing: 2px; float:right; clear:right;&quot;
|-
! colspan=&quot;2&quot; style=&quot;text-align: center; font-size: 120%; font-weight: bold; background-color: #e3d5b7; padding: 10px;&quot; | བྱང་ཆུབ་སེམས་དཔའི་སྤྱོད་པ་ལ་འཇུག་པ།
|-
| colspan=&quot;2&quot; style=&quot;text-align: center;&quot; | [[File:Shantideva.jpg|200px|]]
[[རྒྱལ་སྲས་ཞི་བ་ལྷ་|རྒྱལ་སྲས་ཞི་བ་ལྷ་ལ་ན་མོ།]]
|-
! colspan=&quot;2&quot; style=&quot;background-color: #f0e6cc; text-align: center;&quot; | མཚན་བྱང་།
|-
| style=&quot;font-weight: bold;vertical-align: top;&quot; | རྒྱ་གར་སྐད་དུ།
| བོ་དྷི་ས་ཏྭ་ཙརྱ་ཨ་བ་ཏ་ར།(Bodhisattvacaryāvatāra)
|-
! colspan=&quot;2&quot; style=&quot;background-color: #f0e6cc;&quot; |
|-
| style=&quot;font-weight: bold;vertical-align: top;&quot; | བོད་སྐད་དུ།
| བྱང་ཆུབ་སེམས་དཔའི་སྤྱོད་པ་ལ་འཇུག་པ།
|-
! colspan=&quot;2&quot; style=&quot;background-color: #f0e6cc; text-align: center;&quot; | མཛད་པ་པོ།
|-
| style=&quot;font-weight: bold;vertical-align: top;&quot; | མཚན།
| [[རྒྱལ་སྲས་ཞི་བ་ལྷ་|སློབ་དཔོན་ཞི་བ་ལྷ།]] (Shantideva)
|-
! colspan=&quot;2&quot; style=&quot;background-color: #f0e6cc;&quot; |
|-
| style=&quot;font-weight: bold; vertical-align: top;&quot; | འཁྲུངས་འདས་དུས་རབས།
| དུས་རབས་བརྒྱད་པའི་དུས་འགོ། (སྤྱི་ལོ་ ༦༨༥-༧༦༣ ཙམ།)
|-
! colspan=&quot;2&quot; style=&quot;background-color: #f0e6cc; text-align: center;&quot; | འགྱུར་གྱི་ལོ་རྒྱུས།
|-
| style=&quot;font-weight: bold; vertical-align: top;&quot; | རྒྱ་གར་གྱི་མཁན་པོ།
| 
* སརྦཛྙཱ་དེ་བ། (Sarvajñādeva) - འགྱུར་སྔ་མ།
* དྷརྨ་ཤྲཱི་བྷ་དྲ། (Dharmaśrībhadra) - འགྱུར་བར་མ།
* སུ་མ་ཏི་ཀཱིརྟི། (Sumatikīrti) - འགྱུར་ཕྱི་མ།
|-
! colspan=&quot;2&quot; style=&quot;background-color: #f0e6cc;&quot; |
|-
| style=&quot;font-weight: bold; vertical-align: top;&quot; | བོད་ཀྱི་ལོ་ཙཱ་བ།
| 
* [[བནྡེ་དཔལ་བརྩེགས།]] (དུས་རབས་ ༨-༩) - འགྱུར་སྔ་མ།
* [[ལོ་ཆེན་རིན་ཆེན་བཟང་པོ།]](༩༥༨-༡༠༥༥)[[ཤཱཀྱ་བློ་གྲོས།]] - འགྱུར་བར་མ།
* [[རྔོག་བློ་ལྡན་ཤེས་རབ།]] (༡༠༥༩-༡༡༠༩) - འགྱུར་ཕྱི་མ།
|-
! colspan=&quot;2&quot; style=&quot;background-color: #f0e6cc; text-align: center;&quot; | གཞུང་གི་གནས་ཚུལ།
|-
| style=&quot;font-weight: bold;vertical-align: top;&quot; | བརྗོད་བྱ་གཙོ་བོ།
| [[བྱང་ཆུབ་ཀྱི་སེམས།]] • [[ཕ་རོལ་ཏུ་ཕྱིན་པ་དྲུག]] • [[སྟོང་ཉིད།]] • [[གཞན་ཕན་གྱི་སྤྱོད་པ།]]
|-
! colspan=&quot;2&quot; style=&quot;background-color: #f0e6cc;&quot; |
|-
| style=&quot;font-weight: bold;vertical-align: top;&quot; | ལེའུ་གྲངས།
| ལེའུ་བཅུ།
|-
! colspan=&quot;2&quot; style=&quot;background-color: #f0e6cc;&quot; |
|-
| style=&quot;font-weight: bold;vertical-align: top;&quot; | ཤོ་ལོ་ཀའི་གྲངས།
| ཤོ་ལོ་ཀ་དགུ་བརྒྱ་བཅུ་གསུམ།
|-
! colspan=&quot;2&quot; style=&quot;background-color: #f0e6cc; text-align: center;&quot; | ཁུངས་གཏོགས།
|-
| style=&quot;font-weight: bold;vertical-align: top;&quot; | རིགས།
| [[བསྟན་འགྱུར།]]
|-
! colspan=&quot;2&quot; style=&quot;background-color: #f0e6cc;&quot; |
|-
| style=&quot;font-weight: bold;vertical-align: top;&quot; | སྡེ་ཚན།
| སྡེ་དགེ་བསྟན་འགྱུར། དབུ་མའི་སྐོར། པོད་ 'ལ' པའི་ནང་བཞུགས།
|}
༄༅། །«བྱང་ཆུབ་སེམས་དཔའི་སྤྱོད་པ་ལ་འཇུག་པ་»ཞེས་པ་འདི་ནི་དུས་རབས་བརྒྱད་པའི་ནང་[[རྒྱ་གར།|རྒྱ་གར་འཕགས་པའི་ཡུལ]]་གྱི་[[དཔལ་ནཱ་ལནྡཱ་|དཔལ་ནཱ་ལནྡཱའི]]་པཎྜི་ཏ་ཆེན་པོ་སློབ་དཔོན་[[རྒྱལ་སྲས་ཞི་བ་ལྷ་|ཞི་བ་ལྷ]]ས་མཛད་པའི་ལེའུ་བཅུའི་བདག་ཉིད་ཅན་གྱི་ཐེག་པ་ཆེན་པོའི་བསྟན་བཅོས་གྲགས་ཅན་ཞིག་ཡིན། གཞུང་འདི་ནི་དབུ་མའི་ལྟ་བ་དང་[[སྙིང་རྗེ་ཆེན་པོ་|སྙིང་རྗེ་ཆེན་པོ]]་ཟུང་དུ་འབྲེལ་བའི་མདོ་སྔགས་ཀྱི་ལམ་གྱི་རྩ་བ་ལྟ་བུ་ཡིན་ལ། [[བྱང་ཆུབ་སེམས་དཔའ་|བྱང་ཆུབ་སེམས་དཔའི]]་སྡོམ་པ་བཟུང་བ་ནས་བཟུང་སྟེ། [[ཕ་རོལ་དུ་ཕྱིན་པ་དྲུག་|ཕ་རོལ་ཏུ་ཕྱིན་པ་དྲུག་]]གི་ཉམས་ལེན་ལ་ཇི་ལྟར་འཇུག་ཚུལ་གྱི་རིམ་པ་མཐའ་དག་གསལ་བར་སྟོན་པའི་གདམས་ངག་གི་གཞུང་མཆོག་ཏུ་གྱུར་པ་ཞིག་རེད། གཞུང་འདི་ནི་སངས་རྒྱས་ཀྱི་བཀའ་མདོ་སྡེ་དུ་མ་ནས་བཏུས་ཤིང་། དོན་དུ་འགྲོ་བ་སེམས་ཅན་ཐམས་ཅད་ཀྱི་རྒྱུད་ལ་བྱང་ཆུབ་ཀྱི་སེམས་རིན་པོ་ཆེ་སྐྱེ་བ་དང་། སྐྱེས་པ་མི་ཉམས་པར་གོང་ནས་གོང་དུ་འཕེལ་བར་བྱེད་པའི་ཐབས་སུ་དམིགས་ནས་མཛད་པ་ཞིག་ཡིན། [[བོད་ཡུལ།|བོད]]་ཀྱི་ནང་བསྟན་ཆོས་བརྒྱུད་ཁག་གི་བཤད་གྲྭ་ཁག་དང་། སྒོམ་སྒྲུབ་ཁང་ཁག་གི་བསླབ་གཞི་གཙོ་བོ་ཞིག་ཡིན་ལ། རྒྱལ་སྤྱིའི་ཐོག་ནས་ཀྱང་ནང་པ་དང་ནང་པ་མ་ཡིན་པའི་མཁས་པ་མང་པོ་ཞིག་གིས་དོ་སྣང་དང་ཉམས་ཞིབ་བྱེད་ས་ཞིག་ཆགས་ཡོད།
== ༡. མཚན་དོན། ==

=== '''མཚན་བྱང་།''' ===

* '''རྒྱ་གར་སྐད་དུ།''' བོ་དྷི་ས་ཏྭ་ཙརྱ་ཨ་བ་ཏ་ར། (Bodhisattvacaryāvatāra)
* '''བོད་སྐད་དུ།''' བྱང་ཆུབ་སེམས་དཔའི་སྤྱོད་པ་ལ་འཇུག་པ།

=== '''མཚན་བྱང་གི་གོ་དོན།''' ===

* '''བོ་དྷི་ (བྱང་ཆུབ):''' [[ཉོན་མོངས་པ་|ཉོན་མོངས་པ]]འི་[[སྒྲིབ་པ་]]སྦྱངས་པས་ན་བྱང་བ་དང་། [[ཡེ་ཤེས་]]ཀྱི་ཡོན་ཏན་ཁོང་དུ་ཆུབ་པས་ན་ཆུབ་པ་སྟེ་[[སངས་རྒྱས་]]ཀྱི་གོ་འཕང་།
* '''ས་ཏྭ་ (སེམས་དཔའ):''' སྙིང་སྟོབས་ཆེན་པོ་དང་ལྡན་པའི་སེམས་ཅན།
* '''ཙརྱ་ (སྤྱོད་པ):''' སྦྱིན་པ་དང་ཚུལ་ཁྲིམས་སོགས་ཕ་རོལ་ཏུ་ཕྱིན་པ་དྲུག་གི་ཉམས་ལེན་གྱི་བྱ་བ།
* '''ཨ་བ་ཏ་ར་ (འཇུག་པ):''' ལམ་དེ་དག་ལ་དངོས་སུ་ཞུགས་པའམ་བློ་འཇུག་པའི་དོན།
* མདོར་ན། རྫོགས་པའི་སངས་རྒྱས་ཀྱི་གོ་འཕང་ཐོབ་པར་འདོད་པའི་གང་ཟག་གིས་རྒྱལ་སྲས་ཀྱི་ཉམས་ལེན་རླབས་པོ་ཆེ་རྣམས་ལ་ཇི་ལྟར་བསླབ་ཅིང་འཇུག་པའི་ཚུལ་སྟོན་པའི་བསྟན་བཅོས་ཞེས་པའི་དོན་ནོ།།

== ༢. མཛད་པ་པོ་དང་བརྒྱུད་པ། ==

=== '''མཛད་པ་པོ།''' ===
སློབ་དཔོན་ཤཱན་ཏི་དེ་བའམ་ཞི་བ་ལྷ། (དུས་རབས་བརྒྱད་པ་) ཁོང་ནི་དུས་རབས་བདུན་པ་ཙམ་ལ་རྒྱ་གར་ལྷོ་ཕྱོགས་ཀྱི་རྒྱལ་རིགས་སུ་འཁྲུངས་ཤིང་། རྗེས་སུ་[[ན་ལེནྡྲ་|ནཱ་ལེནྡྲ]]འི་དགོན་པར་རབ་ཏུ་བྱུང་། ཕྱི་ཚུལ་དུ་ཟ་ཉལ་འཁྲུས་གསུམ་ཁོ་ན་མཛད་པར་སྣང་བས་དགེ་འདུན་པ་གཞན་རྣམས་ཀྱིས་ &quot;བུ་སུ་ཀུ་&quot; ཞེས་མཚང་མིང་བཏགས་ཀྱང་། ནང་དོན་དུ་ཏིང་ངེ་འཛིན་གྱི་རྩལ་ཆེན་པོ་རྫོགས་པའི་གྲུབ་ཐོབ་ཅིག་ཡིན། དགེ་འདུན་པ་རྣམས་ཀྱིས་ཁོང་ངོ་ཚ་གཏོང་བའི་ཕྱིར་དུ་ཆོས་འཆད་དགོས་པའི་རེ་བ་བཏོན་པར། ཁོང་གིས་སེང་གེའི་ཁྲི་ལས་«[[སྤྱོད་འཇུག་]]»འདི་ཞལ་ནས་གསུངས་ཤིང་། ཤེས་རབ་ལེའུའི་སྐབས་སུ་སྐུ་མཁའ་ལ་འཕགས་ཏེ་མི་སྣང་བར་གྱུར་པའི་ལོ་རྒྱུས་ཡོད། ཁོང་གིས་མཛད་པའི་བསྟན་བཅོས་གཙོ་བོ་ནི་'''བྱང་ཆུབ་སེམས་དཔའི་སྤྱོད་པ་ལ་འཇུག་པ་'''འདི་ཉིད་དང་། '''[[བསླབ་པ་ཀུན་ལས་བཏུས་པ་|བསླབ་པ་ཀུན་ལས་བཏུས་པ།]]''' '''[[མདོ་ཀུན་ལས་བཏུས་པ་]]'''བཅས་གསུམ་ཡིན་ནོ།།

=== '''འགྱུར་གྱི་ལོ་རྒྱུས།''' ===
གཞུང་འདིའི་མཇུག་བྱང་ལྟར་ན།

* '''སྔ་འགྱུར།''' རྒྱ་གར་གྱི་མཁན་པོ་[https://84000.co/glossary/36672 སརྦ་ཛྙཱ་དེ་བ་] དང་། བོད་ཀྱི་ཞུ་ཆེན་གྱི་ལོ་ཙཱ་བ་[https://treasuryoflives.org/biographies/view/Kawa-Peltsek/P8182 བནྡེ་དཔལ་བརྩེགས]་གཉིས་ཀྱིས་ཁ་ཆེའི་དཔེ་ལས་ཞུས་ཏེ་གཏན་ལ་ཕབ། ལོ་ཙཱ་བ་དཔལ་བརྩེགས་ནི་'''དུས་རབས་བརྒྱད་པ་'''ཙམ་སྟེ་བཙན་པོ་[[ཁྲི་སྲོང་ལྡེ་བཙན།|ཁྲི་སྲོང་ལྡེ་བཙན]]་སྐབས་ཀྱི་[[ལོ་ཙཱ་བ་|ལོ་ཙཱ་བ]]་གྲགས་ཅན་ཞིག་ཡིན།
* '''བར་འགྱུར།''' དེའི་རྗེས་སུ་རྒྱ་གར་གྱི་མཁན་པོ་[https://www.wisdomlib.org/definition/dharmashribhadra དྷརྨ་ཤྲཱི་བྷ་དྲ་] དང་། ཞུ་ཆེན་གྱི་ལོ་ཙཱ་བ་[[:en:Rinchen_Zangpo|བནྡེ་རིན་ཆེན་བཟང་པོ]]་དང་'''ཤཱཀྱ་བློ་གྲོས་'''བཅས་ཀྱིས་ཡུལ་དབུས་ཀྱི་དཔེ་དང་འགྲེལ་པ་དང་མཐུན་པར་བཅོས་ཤིང་བསྒྱུར་ཏེ་གཏན་ལ་ཕབ།
* '''ཕྱི་འགྱུར།''' ཡང་དུས་ཕྱིས་རྒྱ་གར་གྱི་མཁན་པོ་'''སུ་མ་ཏི་ཀཱིརྟི་'''དང་། ཞུ་ཆེན་གྱི་ལོ་ཙཱ་བ་དགེ་སློང་[https://treasuryoflives.org/biographies/view/Ngok-Lots%C4%81wa-Loden-Sherab/TBRC_P2551 བློ་ལྡན་ཤེས་རབ་]ཀྱིས་དག་པར་བཅོས་ཤིང་བསྒྱུར་ཏེ་ལེགས་པར་གཏན་ལ་ཕབ་པ་ཡིན། དགེ་སློང་[[རྔོག་བློ་ལྡན་ཤེས་རབ་|བློ་ལྡན་ཤེས་རབ]]་ནི་'''དུས་རབས་བཅུ་གཅིག་པ་'''ཙམ་ལ་བྱོན་པའི་ལོ་ཙཱ་བ་ཆེན་མོ་ཞིག་ཡིན། དེས་ན་བསྟན་བཅོས་འདི་དུས་རབས་བརྒྱད་པ་ནས་བཟུང་བོད་དུ་བསྒྱུར་བ་དང་ཞུ་དག་ལན་མང་བྱས་ཡོད།    

शान्तिदेवको जन्म प्राचीन भारतको सौराष्ट्र क्षेत्र (हालको गुजरात) मा राजपरिवारमा भएको थियो। उनका बुबा राजा कल्याणवर्मन वा मञ्जुश्रीवर्मन थिए। जन्मदेखि नै उनीमा आध्यात्मिक संकेतहरू देखिन्थ्यो। केही कथाअनुसार उनको आमालाई वज्रयोगिनीको अवतार मानिन्थ्यो।
राजकुमार शान्तिवर्मनको रूपमा हुर्केका उनी सिंहासन ग्रहण गर्न तयार थिए। तर रातको सपनामा वा मञ्जुश्री बोधिसत्वको दर्शनबाट प्रभावित भएर उनले राज्य त्याग्ने निर्णय गरे। उनी घरबाट भागेर जङ्गलतिर गए। त्यहाँ उनले विभिन्न गुरुहरूबाट शिक्षा लिए, गैर-बौद्ध दर्शन पनि अध्ययन गरे र गहन ध्यान साधना गरे। यस अवधिमा उनले उच्च समाधि अवस्था प्राप्त गरे।
पछि उनी मगध र बंगाल हुँदै नालन्दा महाविहार पुगे। त्यहाँ उनलाई भिक्षुको दीक्षा दिइयो। नालन्दामा उनी भूसुकु (आलसी वा खान्छु, सुत्छु र ध्यान गर्छु) उपनामले चिनिन थाले। उनका सहपाठीहरूले उनलाई आलसी र कम ज्ञान भएको ठानेका थिए किनकि उनी धेरैजसो मौन रहन्थे र औपचारिक बहसमा भाग लिँदैनथे। यो भ्रमले उनको जीवनको एउटा महत्वपूर्ण मोड ल्यायो।  नालन्दाको प्रसिद्ध घटना र आध्यात्मिक महिमा
नालन्दाका भिक्षुहरूले शान्तिदेवलाई परीक्षण गर्न एउटा सभा आयोजना गरे। उनीहरूलाई लाग्थ्यो उनी प्रवचन दिन सक्दैनन्। तर शान्तिदेवले बोधिचर्यावतार नामक आफ्नो रचना सुनाउन थाले। यो काव्यात्मक ग्रन्थ सुन्दै जाँदा सबै आश्चर्यचकित भए। विशेष गरी नवौं अध्याय (शून्यता वा emptiness) को श्लोकहरूमा पुग्दा शान्तिदेव बिस्तारै आकाशमा उचालिए र अदृश्य भए। उनीहरूले उनको कमरामा मात्र छोडिएको कटार र रचनाहरू फेला पारे। यो चमत्कारिक घटनाले उनको महानता प्रमाणित गर्‍यो र नालन्दाको इतिहासमा अमिट छाप छोड्यो।

== ༣. རྒྱབ་ལྗོངས་དང་མཛད་པའི་དགོས་པ། ==
སློབ་དཔོན་ཉིད་ཀྱིས་གཞུང་གི་འགོར། &quot;སྔོན་ཆད་མ་བྱུང་བ་ཡང་འདིར་བརྗོད་མེད། །སྡེབ་སྦྱོར་མཁས་པའང་བདག་ལ་ཡོད་མིན་ཏེ། །དེ་ཕྱིར་གཞན་དོན་བསམ་པའང་བདག་ལ་མེད། །རང་གི་ཡིད་ལ་བསྒོམ་ཕྱིར་ངས་འདི་བརྩམས། །&quot; ཞེས་གསུངས་པ་ལྟར། ཐོག་མར་རང་ཉིད་ཀྱི་ཐུགས་རྒྱུད་ལ་བསྒོམ་པའི་ཕྱིར་དང་། ཞར་ལ་སྐལ་བ་མཉམ་པ་གཞན་ལ་ཕན་པའི་ཆེད་དུ་མཛད་པ་ཡིན། དམིགས་ཡུལ་གཙོ་བོ་ནི་ཐེག་པ་ཆེན་པོའི་ལམ་གྱི་སྙིང་པོ་བྱང་ཆུབ་ཀྱི་སེམས་རིན་པོ་ཆེ་དེ་མ་སྐྱེས་པ་བསྐྱེད་པ་དང་། སྐྱེས་པ་མི་ཉམས་པར་གོང་དུ་སྤེལ་བའི་ཐབས་ཚུལ་རྣམས་ཚིགས་སུ་བཅད་པའི་ལམ་ནས་གསལ་བར་སྟོན་རྒྱུ་དེ་ཡིན།

== ༤. གཞུང་ཚད་དང་བརྗོད་དོན། ==
བྱང་ཆུབ་སེམས་དཔའི་སྤྱོད་པ་ལ་འཇུག་པ་འདི་ལ་གཞུང་ཚད་ལེའུ་བཅུ་ཡོད་ཅིང་། བོད་འགྱུར་གྱི་པར་མ་དང་འགྲེལ་པ་ཁག་མི་འདྲ་བ་ཅུང་ཟད་རེ་ཡོད་པ་དེའི་དབང་གིས་ཤོ་ལོ་ཀའི་གྲངས་ལ་འགྱུར་བ་ཕྲན་བུ་ཡོད་མོད། ཡོངས་གྲགས་སུ་བསྟན་བཅོས་འདི་ལ་'''ཤོ་ལོ་ཀ་ ༩༡༣ (དགུ་བརྒྱ་བཅུ་གསུམ་)''' ཡོད་པར་བཞེད་དོ། །དེ་དག་གི་བརྗོད་དོན་གཙོ་བོ་རྣམས་གཤམ་གསལ་ལྟར་ལགས།

=== '''༡. [[oldwikisource:སྤྱོད་འཇུག/1|ལེའུ་དང་པོ། བྱང་ཆུབ་སེམས་ཀྱི་ཕན་ཡོན་བཤད་པ།]]''' ===
ལེའུ་འདིའི་ནང་དུ་ཐོག་མར་དལ་འབྱོར་གྱི་མི་ལུས་རིན་པོ་ཆེ་འདི་རྙེད་པར་ཤིན་ཏུ་དཀའ་བ་དང་། རྙེད་པའི་དུས་སུ་དོན་ཆེན་པོ་བསྒྲུབ་དགོས་པར་བསྟན་ཡོད། དགེ་བ་གཞན་རྣམས་ནི་ཆུ་ཤིང་བཞིན་དུ་འབྲས་བུ་བྱུང་ནས་ཟད་པར་འགྱུར་མོད། བྱང་ཆུབ་ཀྱི་སེམས་ནི་དཔག་བསམ་གྱི་ཤིང་བཞིན་དུ་འབྲས་བུ་མི་ཟད་ཅིང་གོང་ནས་གོང་དུ་འཕེལ་བའི་ཕན་ཡོན་བསྟན་པ། བྱང་ཆུབ་ཀྱི་སེམས་དེ་ལ་[[སྨོན་པའི་སེམས་|སྨོན་པ]]་དང་[[འཇུག་པའི་སེམས་|འཇུག་པའི་སེམས]]་གཉིས་སུ་དབྱེ་ཚུལ་དང་། སེམས་དེ་སྐྱེས་མ་ཐག་ཏུ་སངས་རྒྱས་ཀྱི་སྲས་སུ་འགྱུར་ཞིང་། སྡིག་པ་སྟོབས་ཆེན་རྣམས་ཀྱང་སྐད་ཅིག་གིས་ཟིལ་གྱིས་གནོན་ནུས་པ་སོགས་ཕན་ཡོན་བསམ་གྱིས་མི་ཁྱབ་པ་གསུངས་ཡོད།

=== '''༢. [[oldwikisource:སྤྱོད་འཇུག/2|ལེའུ་གཉིས་པ། སྡིག་པ་བཤགས་པ།]]''' ===
རིན་པོ་ཆེའི་སེམས་དེ་རྒྱུད་ལ་བཟུང་བའི་སྔོན་འགྲོར། [[དཀོན་མཆོག་གསུམ།|དཀོན་མཆོག་གསུམ་]]ལ་མཆོད་པ་རྒྱ་ཆེན་པོ་འབུལ་བ་དང་། སྐྱབས་སུ་འགྲོ་བའི་རིམ་པ་བསྟན་ཡོད། དེ་ནས་རང་གིས་ཐོག་མེད་ནས་བསགས་པའི་སྡིག་པ་རྣམས་བཤགས་པར་བྱེད་པ་ལ། འཆི་བདག་གིས་ནམ་འཁྲིད་ངེས་པ་མེད་པའི་འཇིགས་པ་དྲན་པ་དང་། གཤིན་རྗེའི་འཇིགས་སྐྲག་ལས་སྐྱོབ་པའི་མགོན་པོ་བྱང་ཆུབ་སེམས་དཔའ་རྣམས་ལ་སྐྱབས་སུ་སོང་ནས། སྔར་བྱས་ཀྱི་སྡིག་པ་ལ་འགྱོད་པ་དྲག་པོ་དང་། ཕྱིན་ཆད་མི་བྱེད་པའི་སྡོམ་སེམས་ཀྱི་སྒོ་ནས་སྡིག་པ་སྦྱོང་བའི་ཐབས་རྣམས་ཞིབ་ཏུ་བསྟན་ཡོད།

=== '''༣. [[oldwikisource:སྤྱོད་འཇུག/3|ལེའུ་གསུམ་པ། བྱང་ཆུབ་ཀྱི་སེམས་ཡོངས་སུ་བཟུང་བ།]]''' ===
སྡིག་པ་བཤགས་པའི་མཇུག་ཏུ། སེམས་ཅན་གཞན་གྱིས་བསགས་པའི་དགེ་བ་རྣམས་ལ་ཕྲག་དོག་མེད་པར་རྗེས་སུ་ཡི་རང་བ་དང་། ཕྱོགས་བཅུའི་སངས་རྒྱས་རྣམས་ལ་ཆོས་ཀྱི་འཁོར་ལོ་བསྐོར་བར་བསྐུལ་བ། མྱ་ངན་ལས་མི་འདའ་བར་གསོལ་བ་འདེབས་པ། དགེ་རྩ་རྣམས་སེམས་ཅན་གྱི་དོན་དུ་བསྔོ་བ་བཅས་བསྟན། དེ་ནས་རང་གི་ལུས་དང་ལོངས་སྤྱོད་དགེ་རྩ་རྣམས་སེམས་ཅན་ལ་གཏོང་བའི་བློ་སྦྱོང་བ་དང་། མཐར་རང་ཉིད་རྒྱལ་བའི་རིགས་སུ་སྐྱེས་པར་སྤྲོ་བ་བསྐྱེད་དེ་སྨོན་འཇུག་གི་སེམས་དངོས་སུ་བཟུང་བའི་ཆོ་ག་རྣམས་གསུངས་ཡོད།

=== '''༤. [[oldwikisource:སྤྱོད་འཇུག/4|ལེའུ་བཞི་པ། བག་ཡོད་བསྟན་པ།]]''' ===
དེ་ལྟར་དམ་བཅས་པའི་སེམས་དེ་མི་ཉམས་པར་བྱེད་པ་ལ། བག་ཡོད་པ་བསྟེན་དགོས་པར་གདམས་པ། གལ་ཏེ་དམ་བཅའ་དེ་ལས་ཉམས་ན་ངན་སོང་དུ་ལྟུང་བའི་ཉེས་དམིགས་དང་། ཉོན་མོངས་པ་རྣམས་ནི་དགྲ་བོ་ངོ་མ་ཡིན་པས་དེ་དག་དང་གཡུལ་སྤྲོད་དགོས་པ། ཉོན་མོངས་པ་སྤངས་ཀྱང་ཡུལ་གཞན་དུ་འགྲོ་ས་མེད་པར་ཡེ་ཤེས་ཀྱི་མིག་གིས་བལྟས་ན་རྩ་བ་ནས་སྤོང་ནུས་ཚུལ་སོགས་བསྟན་ནས། སེམས་ཀྱི་དམ་བཅའ་ལ་བག་ཡོད་པར་བྱེད་པའི་ཚུལ་བསྟན་ཡོད།

=== '''༥. [[oldwikisource:སྤྱོད་འཇུག/5|ལེའུ་ལྔ་པ། ཤེས་བཞིན་བསྲུང་བ།]]''' ===
བསླབ་པ་སྲུང་བ་ལ་སེམས་བསྲུང་དགོས་ཤིང་། སེམས་མ་བསྲུངས་ན་བསླབ་པ་སྲུང་མི་ནུས་པར་བསྟན། སེམས་བསྲུང་བའི་ཐབས་སུ་དྲན་པ་དང་ཤེས་བཞིན་བསྟེན་དགོས་པ། སེམས་ཀྱི་གནས་སྟངས་ལ་རྒྱུན་དུ་བརྟག་དགོས་པ། ལུས་ཀྱི་སྤྱོད་ལམ་འགྲོ་འདུག་དང་། སྨྲ་བརྗོད། མིག་གི་ལྟ་སྟངས། ཟས་ཀྱི་སྤྱོད་ལམ་སོགས་འཚོ་བའི་ཁྲོད་ཀྱི་བྱ་བ་ཕྲ་མོ་ཚུན་ཆད་དོན་དང་ལྡན་པར་བྱེད་ཚུལ། དགེ་བའི་བཤེས་གཉེན་བསྟེན་ཚུལ་དང་[[མདོ་སྡེ་|མདོ་སྡེ]]་བཀླག་དགོས་ཚུལ་སོགས་སྤྱོད་པ་ཉམས་ལེན་གྱི་གནད་རྣམས་ཞིབ་ཏུ་གསུངས་ཡོད།

=== '''༦. [[oldwikisource:སྤྱོད་འཇུག/6|ལེའུ་དྲུག་པ། བཟོད་པ་བསྟན་པ།]]''' ===
[[ཞེ་སྡང་]]གིས་བསྐལ་པ་སྟོང་དུ་བསགས་པའི་དགེ་བ་འཇོམས་པར་བྱེད་པས་དེ་ལས་ལྷག་པའི་སྡིག་པ་མེད་པར་བསྟན་པ། མི་འདོད་པ་དང་འདོད་པ་བགེགས་བྱེད་པ་ལས་ཡིད་མི་བདེ་འབྱུང་ཞིང་དེ་ལས་ཞེ་སྡང་སྐྱེ་བས། ཡིད་མི་བདེ་བ་དེ་སྤོང་དགོས་པ། གནོད་བྱེད་རྣམས་རང་དབང་མེད་པར་རྐྱེན་གཞན་གྱིས་བསྐུལ་ནས་འབྱུང་བ་ཤེས་པར་བྱས་ཏེ་བཟོད་པ་བསྒོམ་པ། སེམས་ཅན་རྣམས་ནི་སངས་རྒྱས་ཀྱི་ཆོས་འགྲུབ་པའི་ཞིང་ས་ཡིན་པས་དེ་དག་ལ་བཟོད་པ་བསྒོམ་པ་ནི་སངས་རྒྱས་མཆོད་པ་དང་མཚུངས་པར་བསྟན་པ། བདག་ལ་བསྟོད་སྨད་བྱེད་པ་ལ་བཟོད་པ་བསྒོམ་ཚུལ་བཅས་རྒྱས་པར་བསྟན་ཡོད།

=== '''༧. [[oldwikisource:སྤྱོད་འཇུག/7|ལེའུ་བདུན་པ། བརྩོན་འགྲུས་བསྟན་པ།]]''' ===
བཟོད་པ་དང་ལྡན་པས་བྱང་ཆུབ་སྒྲུབ་པའི་གྲོགས་སུ་བརྩོན་འགྲུས་བརྩམ་དགོས་པར་བསྟན། [[ལེ་ལོ་]]དང་། བྱ་བ་ངན་ཞེན། བདག་ཉིད་བརྙས་པ་སྟེ་སྒྱིད་ལུག་པ་བཅས་ནི་བརྩོན་འགྲུས་ཀྱི་མི་མཐུན་ཕྱོགས་ཡིན་པས་དེ་དག་སྤོང་དགོས་ཚུལ། མོས་པ་དང་། བརྟན་པ། དགའ་བ། དོར་བ་བཅས་ཀྱི་དཔུང་བཞི་དང་ལྡན་པའི་སྒོ་ནས་བརྩོན་འགྲུས་བསྐྱེད་པ། ལས་ཀྱི་ང་རྒྱལ་དང་། ནུས་པའི་ང་རྒྱལ། ཉོན་མོངས་པའི་ང་རྒྱལ་བཅས་སྤངས་ནས་སྙིང་སྟོབས་བསྐྱེད་དེ་དགེ་བ་ལ་སྤྲོ་བ་བསྒོམ་ཚུལ་བསྟན་ཡོད།

=== '''༨. [[oldwikisource:སྤྱོད་འཇུག/8|ལེའུ་བརྒྱད་པ། བསམ་གཏན་བསྟན་པ།]]''' ===
བརྩོན་འགྲུས་ལ་བརྟེན་ནས་སེམས་ཏིང་ངེ་འཛིན་ལ་གནས་དགོས་པར་བསྟན། འཇིག་རྟེན་གྱི་གཡེང་བ་སྤངས་ཏེ་ལུས་སེམས་དབེན་པ་བསྟེན་དགོས་པ། འདོད་པ་དང་རྙེད་བཀུར་ལ་ཆགས་པའི་ཉེས་དམིགས་བསམ་པ། [[དུར་ཁྲོད་|དུར་ཁྲོད]]་སོགས་སུ་མི་གཙང་བའི་ལུས་ལ་བལྟས་ནས་ཆགས་པ་སྤོང་ཚུལ། བྱང་ཆུབ་ཀྱི་སེམས་སྒོམ་པའི་གནད་དམ་པ་བདག་དང་གཞན་དུ་མཉམ་པ་དང་། བདག་གཞན་བརྗེ་བའི་ཚུལ་རྒྱ་ཆེར་བསྟན་པ། རང་དོན་གཅེས་འཛིན་ནི་རྒུད་པ་ཀུན་གྱི་རྩ་བ་དང་། གཞན་ཕན་གྱི་བློ་ནི་ཕུན་ཚོགས་ཀུན་གྱི་འབྱུང་གནས་སུ་གཏན་ལ་ཕབ་སྟེ་བསམ་གཏན་གྱི་ཉམས་ལེན་གསུངས་ཡོད།

=== '''༩. [[oldwikisource:སྤྱོད་འཇུག/9|ལེའུ་དགུ་པ། ཤེས་རབ་ཀྱི་ཕ་རོལ་ཏུ་ཕྱིན་པ།]]''' ===
ཡན་ལག་དེ་དག་ཐམས་ཅད་ཤེས་རབ་ཀྱི་ཆེད་དུ་གསུངས་པར་བསྟན། [[ཀུན་རྫོབ་བདེན་པ་|ཀུན་རྫོབ]]་དང་[[དོན་དམ་|དོན་དམ་པའི་བདེན་པ]]་གཉིས་ཀྱི་རྣམ་གཞག་དང་། དོན་དམ་བློའི་སྤྱོད་ཡུལ་ལས་འདས་པར་བསྟན་པ། [[སེམས་ཙམ་པ་|སེམས་ཙམ་པ]]་དང་[[མུ་སྟེགས་པ་|མུ་སྟེགས་པ]]་སོགས་ཀྱི་ལྟ་བ་ལ་དགག་པ་མཛད་དེ་ཐལ་འགྱུར་བའི་ལྟ་བ་རྩལ་དུ་བཏོན་པ། གང་ཟག་གི་བདག་མེད་དང་ཆོས་ཀྱི་བདག་མེད་རིགས་པ་དུ་མས་གཏན་ལ་ཕབ་པ། [[སྟོང་པ་ཉིད་|སྟོང་པ་ཉིད]]་རྟོགས་པའི་ཤེས་རབ་ཀྱིས་ཉོན་མོངས་པ་དང་ཤེས་བྱའི་སྒྲིབ་པ་སྤོང་ཚུལ་བཅས་ཟབ་མོ་དབུ་མའི་ལྟ་བ་རྒྱས་པར་བསྟན་ཡོད།

=== '''༡༠. [[oldwikisource:སྤྱོད་འཇུག/10|ལེའུ་བཅུ་པ། བསྔོ་བ།]]''' ===
གཞུང་འདི་བརྩམས་པ་ལས་བྱུང་བའི་དགེ་བའི་རྩ་བ་རྣམས། ཕྱོགས་བཅུའི་འགྲོ་བ་ཀུན་གྱི་དོན་དུ་བསྔོ་བར་མཛད་པ། [[དམྱལ་བ་|དམྱལ་བ]]་དང་། [[ཡི་དྭགས་|ཡི་དྭགས]]། [[དུད་འགྲོ]]་སོགས་ངན་སོང་གི་སྡུག་བསྔལ་ཞི་བ་དང་། ནད་པ་དང་། དབུལ་ཕོངས། འཇིགས་པ་དང་བཅས་པ་རྣམས་དེ་དག་ལས་གྲོལ་བའི་སྨོན་ལམ་མཛད་པ། དགེ་སློང་རྣམས་ཚུལ་ཁྲིམས་དང་ལྡན་ཞིང་བསྟན་པ་རྒྱས་པ། སེམས་ཅན་ཐམས་ཅད་བྱང་ཆུབ་ཀྱི་སེམས་དང་མི་འབྲལ་བར་སངས་རྒྱས་ཀྱི་གོ་འཕང་ཐོབ་པའི་ཆེད་དུ་སྨོན་ལམ་རྒྱ་ཆེར་མཛད་དེ་མཇུག་རྫོགས་པར་གནང་ཡོད།

== ༥. ལྟ་གྲུབ་གཙོ་བོ། ==

* '''བྱང་ཆུབ་ཀྱི་སེམས།''' གཞུང་འདིའི་སྙིང་པོ་ནི་གཞན་དོན་དུ་རྫོགས་པའི་བྱང་ཆུབ་ཐོབ་པར་འདོད་པའི་བློ་སྟེ། སྨོན་པ་དང་འཇུག་པའི་[[སེམས་བསྐྱེད་]]གཉིས་སུ་དབྱེ་ནས་ཉམས་སུ་ལེན་ཚུལ་སྟོན་པ་དེ་ཡིན།
* '''བདག་གཞན་མཉམ་བརྗེ།''' ལེའུ་བརྒྱད་པའི་ནང་དུ་གསུངས་པའི་བདག་གཅེས་འཛིན་གྱི་སྐྱོན་དང་། གཞན་གཅེས་འཛིན་གྱི་ཡོན་ཏན་བསམ་ནས། རང་གི་བདེ་བ་གཞན་ལ་གཏོང་བ་དང་གཞན་གྱི་སྡུག་བསྔལ་རང་གིས་ལེན་པའི་བློ་སྦྱོང་གི་རིམ་པ་འདི་ནི་ཐེག་ཆེན་གྱི་ལྟ་གྲུབ་ཟབ་ཤོས་ཤིག་ཡིན།
* '''སྟོང་པ་ཉིད།''' ལེའུ་དགུ་པར་ཐལ་འགྱུར་བའི་ལུགས་ཀྱི་ཟབ་མོ་སྟོང་པ་ཉིད་ཀྱི་ལྟ་བ་རྩལ་དུ་བཏོན་ནས་གསུངས་ཤིང་། ཆོས་ཐམས་ཅད་རང་བཞིན་གྱིས་མ་གྲུབ་པར་རྟེན་ཅིང་འབྲེལ་བར་འབྱུང་བ་ཙམ་དུ་སྟོན་པ་ནི་གཞུང་འདིའི་མཐར་ཐུག་གི་ལྟ་བ་ཡིན།

== ༦. གལ་གནད་དང་ཤུགས་རྐྱེན། ==
«སྤྱོད་འཇུག་»ནི་[[བོད་བརྒྱུད་ནང་བསྟན།|བོད་བརྒྱུད་ནང་བསྟན]]་གྱི་གྲུབ་མཐའ་རིས་སུ་མ་ཆད་པ་ཀུན་གྱིས་ཐོས་བསམ་སྒོམ་གསུམ་བྱེད་སའི་གཞུང་ལུགས་གལ་ཆེ་ཤོས་ཤིག་ཡིན། ལྷག་པར་དུ་བློ་སྦྱོང་གི་གདམས་པ་རྣམས་ཀྱི་ཁུངས་གཏུགས་ས་གཙོ་བོ་ཞིག་ཡིན་ལ། དེང་གི་དུས་སུ་༸[[གོང་ས་མཆོག|གོང་ས་སྐྱབས་མགོན་ཆེན་པོ་མཆོག]]་གིས་དུས་རྟག་ཏུ་གཞུང་འདིའི་ལུང་འདྲེན་མཛད་ཅིང་། སེམས་བཟང་པོ་དང་ཞི་བདེ་སྐྲུན་པའི་སློབ་གསོ་གལ་ཆེན་དུ་བརྩི་བཞིན་ཡོད།

== ༧. ཟུར་ལྟའི་ནང་དོན། ==

* ཞི་བ་ལྷ།
* དབུ་མ་འཇུག་པ།
* བློ་སྦྱོང་།
* ཕ་རོལ་ཏུ་ཕྱིན་པ་དྲུག
* བྱང་ཆུབ་ཀྱི་སེམས།

== ༨. རྩ་འགྲེལ། ==
གཞུང་འདི་ནི་ཐེག་པ་ཆེན་པོའི་ལམ་གྱི་རིམ་པ་སྟོན་པའི་'''རྩ་བའི་གཞུང་'''ཞིག་ཡིན། འདི་ལ་རྒྱ་བོད་ཀྱི་མཁས་པ་དུ་མས་མཛད་པའི་འགྲེལ་པ་གྲགས་ཅན་མང་པོ་ཡོད། བསྟན་འགྱུར་སྣར་ཐང་དཔར་མོའི་མདོ་ཕྱོགས་ལེ་ཚན་﹙པ﹚པའི་ནང་ཡོད་ཅིང་། དེའི་འགྲེལ་པ་ལ་རྒྱ་གར་གྱི་མང་པོས་མཛད་པའི་ནང་ནས་ཁག་བཅུ་ཙམ་གོང་གསལ་བསྟན་འགྱུར་སྣར་ཐང་དཔར་མའི་མདོ་ཕྱོགས་ལེ་ཚན﹙ཤ﹚པའི་ནང་ཡོད། སྡེ་དགེ་བསྟན་འགྱུར་གྱི་པོད་ ༡༠༥ ཤོག་གྲངས་ ༣ པ་ནས་ཤོག་གྲངས་ ༨༡ བར་དུ་བཞུགས།

* རྒྱ་གར་གྱི་འགྲེལ་པ། སློབ་དཔོན་ཤེས་རབ་འབྱུང་གནས་ཀྱིས་མཛད་པའི་«སྤྱོད་འཇུག་དཀའ་འགྲེལ་»སོགས་ཡོད།
* བོད་ཀྱི་འགྲེལ་པ། རྒྱལ་སྲས་ཐོགས་མེད་བཟང་པོས་མཛད་པའི་«སྤྱོད་འཇུག་གི་འགྲེལ་པ་ལེགས་པར་བཤད་པའི་རྒྱ་མཚོ་»དང་། [[རྙིང་མ་པ།|སྔ་འགྱུར་རྙིང་མའི]]་མཁན་པོ་ཀུན་བཟང་དཔལ་ལྡན་གྱི་«སྤྱོད་འཇུག་འགྲེལ་པ་འཇམ་དབྱངས་བླ་མའི་ཞལ་ལུང་»། [[རྗེ་ཙོང་ཁ་པ་བློ་བཟང་གྲགས་པ་|རྗེ་ཙོང་ཁ་པའི]]་སྲས་ཀྱི་ཐུ་བོ་[[རྒྱལ་ཚབ་དར་མ་རིན་ཆེན།|རྒྱལ་ཚབ་དར་མ་རིན་ཆེན]]་གྱིས་མཛད་པའི་«སྤྱོད་འཇུག་རྣམ་བཤད་རྒྱལ་སྲས་འཇུག་ངོགས་»སོགས་ཤིན་ཏུ་མང་།

== ༩. དཔྱད་གཞིའི་ཡིག་ཆ། ==

=== ༡. '''ནང་ཁུལ་གྱི་དཔྱད་གཞིའི་ཡིག་ཆ།''' ===

* ཝི་ཀི་མ་ཡིག: [[oldwikisource:སྤྱོད་འཇུག|བྱང་ཆུབ་སེམས་དཔའི་སྤྱོད་པ་ལ་འཇུག་པ་ཞེས་བྱ་བ་བཞུགས་སོ།།]]

=== ༢. '''ཕྱི་ཕྱོགས་ཀྱི་དཔྱད་གཞིའི་ཡིག་ཆ།''' ===

* ནང་བསྟན་དཔེ་ཚོགས་ལྟེ་གནས། (BDRC): [https://library.bdrc.io/show/bdr:MW23703_3871?s=%2Fshow%2Fbdr%3AP6161%3Fpage%253D2 བྱང་ཆུབ་སེམས་དཔའི་སྤྱོད་པ་ལ་འཇུག་པ་ཞེས་བྱ་བ་བཞུགས་སོ། །] (MW23703_3871)

=== ༣. གཞུང་འདི་དང་འབྲེལ་ཡོད་དྲ་ཐག་ཁག ===

* [[oldwikisource:སྤྱོད་འཇུག་དཔེ་བསྡུར་མ་|སྤྱོད་འཇུག་དཔེ་བསྡུར་མ། - ཝེ་ཁེ་རིག་མཛོད། ༼བོད་ཡིག༽]]
* [[:en:Bodhisattvacaryāvatāra|Bodhisattvacaryavatara - Wikipedia (English)]]
* [[:en:Shantideva|Shantideva's biography - Treasury of Lives (English)]]
* [http://purl.bdrc.io/resource/WA3JT13379 སྤྱོད་འཇུག་གི་ཚིག་འགྲེལ་གཅེས་བཏུས།]
* [http://purl.bdrc.io/resource/WA1KG22345 སྤྱོད་འཇུག་ཟིན་བྲིས་དང་ཚིག་འགྲེལ་འཇམ་དབྱངས་བླ་མའི་ཞལ་ལུང་བདུད་རྩིའི་ཐིག་པ།]
* [http://purl.bdrc.io/resource/WA1KG12679 བྱང་ཆུབ་སེམས་དཔའི་སྤྱོད་པ་ལ་འཇུག་པ་ཞེས་བྱ་བའི་མཆན་འགྲེལ།]
* [http://purl.bdrc.io/resource/WA1KG12679 སྤྱོད་འཇུག་གི་འབྲུ་འགྲེལ་དབུ་མའི་ལམ་གྱི་སྒྲོན་མ།]
* [http://purl.bdrc.io/resource/P65 སྤྱོད་འཇུག་རྣམ་བཤད་རྒྱལ་སྲས་འཇུག་ངོགས།]
* [http://purl.bdrc.io/resource/WA0XL6BA50B1F90E8 བྱང་ཆུབ་སེམས་དཔའི་སྤྱོད་པ་ལ་འཇུག་པའི་འགྲེལ་པ།]
* [http://purl.bdrc.io/resource/WA0XL6A3765E4FDC4 སྤྱོད་འཇུག་འགྲེལ་པ་རབ་ཏུ་གསལ་བ།]
* [http://purl.bdrc.io/resource/MW4CZ295080 སྤྱོད་འཇུག་འགྲེལ་པ་མཚུངས་མེད་བླ་མའི་ཞལ་རྒྱུན།]
* [http://purl.bdrc.io/resource/WA0XLBD800F29DAEE སྤྱོད་འཇུག་འགྲེལ་པ་ངེས་ལེགས་མཛོད།]
* [http://purl.bdrc.io/resource/WA1AC379 བྱང་ཆུབ་སེམས་དཔའི་སྤྱོད་པ་ལ་འཇུག་པའི་རྣམ་པར་བཤད་པ་གཞུང་དོན་སྣང་བ།]
* [http://purl.bdrc.io/resource/WA0XLECA1AA154C81 བྱང་ཆུབ་སེམས་དཔའི་སྤྱོད་པ་ལ་འཇུག་པའི་རྣམ་པར་བཤད་པ་ཐེག་ཆེན་ཆོས་ཀྱི་རྒྱ་མཚོ་ཟབ་རྒྱས་མཐའ་ཡས་པའི་སྙིང་པོ།]</text>
      <sha1>kvph0vm4iexz2rqirlikx0q1lucpl1h</sha1>
    </revision>
  </page>
</mediawiki>