བུ་སཱན། སཱའུཐ་ཀོ་རི་ཡ། Busan, South Korea

<mediawiki xmlns="http://www.mediawiki.org/xml/export-0.11/" xmlns:xsi="http://www.w3.org/2001/XMLSchema-instance" xsi:schemaLocation="http://www.mediawiki.org/xml/export-0.11/ http://www.mediawiki.org/xml/export-0.11.xsd" version="0.11" xml:lang="dz">
  <siteinfo>
    <sitename>Wikipedia</sitename>
    <dbname>dzwiki</dbname>
    <base>https://dz.wikipedia.org/wiki/%E0%BD%98%E0%BC%8B%E0%BD%A4%E0%BD%BC%E0%BD%82%E0%BC%8D</base>
    <generator>MediaWiki 1.46.0-wmf.24</generator>
    <case>first-letter</case>
    <namespaces>
      <namespace key="-2" case="first-letter">Media</namespace>
      <namespace key="-1" case="first-letter">Special</namespace>
      <namespace key="0" case="first-letter" />
      <namespace key="1" case="first-letter">Talk</namespace>
      <namespace key="2" case="first-letter">User</namespace>
      <namespace key="3" case="first-letter">User talk</namespace>
      <namespace key="4" case="first-letter">Wikipedia</namespace>
      <namespace key="5" case="first-letter">Wikipedia talk</namespace>
      <namespace key="6" case="first-letter">File</namespace>
      <namespace key="7" case="first-letter">File talk</namespace>
      <namespace key="8" case="first-letter">MediaWiki</namespace>
      <namespace key="9" case="first-letter">MediaWiki talk</namespace>
      <namespace key="10" case="first-letter">Template</namespace>
      <namespace key="11" case="first-letter">Template talk</namespace>
      <namespace key="12" case="first-letter">Help</namespace>
      <namespace key="13" case="first-letter">Help talk</namespace>
      <namespace key="14" case="first-letter">Category</namespace>
      <namespace key="15" case="first-letter">Category talk</namespace>
      <namespace key="710" case="first-letter">TimedText</namespace>
      <namespace key="711" case="first-letter">TimedText talk</namespace>
      <namespace key="828" case="first-letter">Module</namespace>
      <namespace key="829" case="first-letter">Module talk</namespace>
      <namespace key="1728" case="first-letter">Event</namespace>
      <namespace key="1729" case="first-letter">Event talk</namespace>
    </namespaces>
  </siteinfo>
  <page>
    <title>བུ་སཱན། སཱའུཐ་ཀོ་རི་ཡ། Busan, South Korea</title>
    <ns>0</ns>
    <id>9015</id>
    <revision>
      <id>39658</id>
      <parentid>39639</parentid>
      <timestamp>2026-04-24T04:07:55Z</timestamp>
      <contributor>
        <username>Kinleyg</username>
        <id>12459</id>
      </contributor>
      <origin>39658</origin>
      <model>wikitext</model>
      <format>text/x-wiki</format>
      <text bytes="13501" sha1="djyabamdxm7svwpylvyqqcf3ozdlvoz" xml:space="preserve">[[File:Busan, South Korea - Night skyline, 2024-09-20.jpg|thumb|387x387px|བུ་སཱན་གྱི་ཁྲོམ་སྡེ།]]
༉ བུ་སཱན་འདི་ གྲུ་ཆགས་ས་སྦོམ་ཤོས་དང་སཱའུཐ་ཀོ་རི་ཡ་གི་ཁྲོམ་ཚོགས་སྦོམ་ཤོས་ཨང་གཉིས་པ་ཨིན། ཁྲོམ་ཚོགས་དེ་གི་མིང་ལུ་ ཧེ་མ་ པུ་སཱན་ཟེར་ཡང་སླབ་སྲོལ་ཡོདཔ་ཨིན། ཁྲོམ་ཚོགས་འདི་ ཀོ་རི་ཡ་གི་ཕྱོགས་གསུམ་ཆུ་གླིང་གི་རྩེ་ལས་ ཤར་ལྷོ་ཁ་ཐུག་ལུ་ཆགས་ཏེ་ཡོདཔ་ཨིན། &lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༥) བུ་སཱན། &lt;nowiki&gt;https://simple.wikipedia.org/wiki/Busan&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་ཚོགས་དེ་ བྱང་དང་ནུབ་ཁ་ཐུག་ལུ་ སཱའུཐ་ཀོ་རི་ཡ་གི་སཱའུཐ་གི་ཡོང་སང་མངའ་སྡེ་ཡོདཔ་དང་  ལྷོ་དང་ཤར་ཁ་ཐུག་ལུ་ ཀོ་རི་ཡ་གི་མཚོའི་མཐུད་ཡུར་ཨིསི་ཊེཊ་འདི་ཡོདཔ་ཨིན། སྤྱི་ལོ་ ༢༠༡༢ གི་མི་རྩིས་དང་འཁྲིལཝ་ད་ བུ་སཱན་ལུ་ མི་རློབས་ ༣,༤༣༩,༠༠༠ ཡོདཔ་སྦེ་ཚུད་དེ་ཡོདཔ་དང་ སྤྱི་ལོ་ ༢༠༢༤ ལུ་ མི་རློབས་ ས་ཡ་ ༣.༣ ལས་ལྷག་སྟེ་ཡོདཔ་སྦེ་བཀོད་དེ་འདུག། ཁྲོམ་ཚོགས་འདི་ཁྲོམ་ཆེན་གྱི་གནས་ཚད་ཁར་ཡོད་པའི་ཁར་ གཞུང་ལྟེ་བའི་དབང་ཚད་ཀྱི་འོག་ལུ་ཐད་ཀར་དུ་ཨིནམ་དང་ བདག་སྐྱོང་གི་གནས་ཚད་ཁར་ མངའ་སྡེ་དང་འདྲ་མཉམ་ཡོདཔ་ཨིན་པས། བུ་སཱན་གི་འོག་ལུ་རྫོང་ཁག་ ༡༥ དང་ཚོ་ཁག་ གཅིག་ཡོདཔ་ཨིན།

ཁྲོམ་འདི་ སྐྱེལ་འདྲེན་དང་གྲུ་ཐོག་འགྲུལ་སྐྱོད་ཀྱི་དོན་ལུ་ གལ་ཆེ་བའི་ས་གནས་ཅིག་ཨིནམ་དང་ ས་གནས་དེ་ཚུ་ནང་གཞན་ཕྱི་རྒྱལ་ཁབ་ཀྱི་ཚོང་འབྲེལ་པ་ཚུ་གིས་ཡང་ཚོང་འབྲེལ་འཐབ་དོ་ཡོདཔ་ཨིན་པས། སྐྱེལ་འདྲེན་གྱི་དོན་ལུ་ གནམ་གྲུ་ཐང་དང་གྲུ་ལམ་ རེལ་ལི་དང་མེ་ཊོ་གི་ལམ་ སྣུམ་འཁོར་གྱི་ལམ་ཚུ་ཡོདཔ་ཨིན། ཁྲོམ་ཚོགས་འདི་ བུ་སཱན་གྲུ་ཆགས་ས་དང་ ཧེ་ཡཱུན་དེ་མཚོ་འགྲམ་ལས་བརྟེན་ཏེ་ གནམ་མེད་ས་མེད་ཡོངས་གྲགས་ཐལ་ཏེ་ཡོདཔ་ཨིན། ཁྲོམ་ཚོགས་འདི་ སཱའུཐ་ཀོ་རི་གི་དོན་ལུ་ དཔལ་འབྱོར་དང་ཤེས་ཡོན་ ལམ་སྲོལ་གྱི་ལྟེ་བ་ཅིག་སྦེ་ཆ་བཞགཔ་མ་ཚད་ རྒྱལ་ཁབ་ནང་གི་གྲུ་ཆགས་ས་གར་དྲགས་ཡོད་པའི་ཁྲོམ་ཚོགས་ཅིག་ཨིནམ་དང་ འཛམ་གླིང་གི་གྲུ་ཆགས་ས་གར་དྲགས་སྦེ་ཡོད་པའི་ཁྲོམ་ཚོགས་ཚུ་ལས་ ཨང་དྲུག་པའི་ནང་ཨིན་པས། &lt;ref name=&quot;:0&quot; /&gt;

སྔོན་མ་ཀོ་རི་ཡ་རྒྱལ་ཁབ་གཉིས་ཀྱི་བར་ན་ཕྱད་མདའ་རྐྱབ་པའི་སྐབས་ སཱའུཐ་ཀོ་རི་ཡ་གི་ཁྲོམ་ཚོགས་གཉིས་ ནོརཐ་ཀོ་རི་ཡ་གིས་བཙན་འཛུལ་མ་འབད་མ་ཚུགསཔ་ཨིན་པས། དེ་གཉིས་ལས་གཅིག་འདི་བུ་སཱན་ཨིནམ་ལས་ བྱུང་རབས་ནང་རྩ་ཅན་ཅིག་སྦེ་རྩིཝ་ཨིན་པས། ཧེ་མ་ བུ་སཱན་ཁྲོམ་ཚོགས་འདི་ཡང་ དུས་ཡུན་ཐུང་ཀུ་ཅིག་གི་རིང་ལུ་ རྒྱལ་ཁབ་ཀྱི་རྒྱལ་ས་སྦེ་སྡོད་ཡོདཔ་ཨིན། 

ཁྲོམ་ཚོགས་ཀྱི་མིང་ལུ་ འགོ་ཐོག་ བུ་སཱན་པོ་ཟེར་བཏགས་ཡོདཔ་ཨིན་པས། དེ་ཡང་ བུ་སཱན་གྲུ་ཆགས་སའི་རྒྱབ་ཁར་ཡོད་པའི་གངས་རི་ལུ་བརྟེན་ཏེ་བཏགས་བཏགསཔ་ཨིན་པས། བུ་ཟེར་མི་འདི་ཁྲོ་ལུ་གོ་ནི་དང་ སཱན་ཟེར་མི་འདི་ གངས་རི་ལུ་གོ་ནི་ཨིན། དེ་ལས་པོ་ཟེར་མི་འདི་ གྲུ་ཆགས་ས་ལུ་གོ་ནི་ཨིན། གྲུ་ཆགས་ས་འདི་ གངས་རི་ཁྲོ་བཟུམ་ཡོད་མིའི་རྩ་བར་ཆགས་ཡོདཔ་ལས་ བུ་སཱན་པོ་ཟེར་བཏགས་བཏགསཔ་ཨིན་པས། དུས་རབས་ ༡༥ ལས་འགོ་བཙུགས་ ད་རེས་ལག་ལན་འཐབ་མིའི་མིང་ བུ་སཱན་ཟེར་མི་འདི་ཁྱབ་ཆེཝ་སྦེ་ར་ལག་ལེན་འཐབ་ནུག། ཀོ་རི་གི་ཁ་ཉག་རྐྱང་ནང་ ག་མ་མོས་ཟེར་སླབ་དོ་ཡོདཔ་ཨིན། དེ་ཡང་ ག་མ་ཟེར་མི་འདི་ཁྲོ་དང་མོས་ཟེར་མི་འདི་ གངས་རི་ལུ་གོ་ཚུགས་ནི་ཨིན་པས། &lt;ref name=&quot;:0&quot; /&gt;

ཁྲོམ་ཚོགས་དེ་ནང་ ཡོངས་གྲགས་ཅན་གྱི་སེན་ཊམ་ཁྲོམ་ཚོགས་ཡོད་མི་དེ་ནང་  པར་རིས་འགྲེམས་སྟོན་ལྟེ་བ་ བུ་སཱན་འཛམ་གླིང་ཚོང་འབྲེལ་ལྟེ་བ་ བརྡ་བརྒྱུད་ལྟེ་བ་ མཛོད་ཁང་ཚུ་ཡོདཔ་ཨིན། མཛོད་ཁང་དེ་ཡང་ གི་ནསི་འཛམ་གླིང་གི་ཐོ་དེབ་དྲག་ཤོས་ནང་ཚུད་ཡོདཔ་ཨིན། ཁྲོམ་ཚོགས་ནང་ གྲུ་བཟོ་སྐྲུན་དང་ སྣུམ་འཁོར་བཟོ་བཅོས་ གློག་འབྲེལ་ཅ་ཆས་ ངར་ལྕགས་དང་ སི་ར་མིག་ རྫས་སྦྱོར་དང་ ཤོག་ཀུ་གི་བཟོ་གྲྭ་འཕྲུལ་ཁང་ཡོདཔ་ཨིན། བུ་སཱན་ལུ་ལམ་སྲོལ་དང་འབྲེལ་བའི་ལྷ་ཁང་དང་གནས་ བྱུང་རབས་ཅན་གྱི་ས་གནས་ཡོདཔ་མ་ཚད་ ཟ་འཐུང་དང་ཐབ་ཆས་ བཀབ་གོ་ལ་ སྡོད་གནས་ ཆང་བཟོ་མི་ མཁོ་ཆེ་བའི་ཅ་ཆས་ཚུ་ཉོ་ནིའི་དོན་ལུ་ སྒྲིང་ཁྱིམ་ཐོག་རིངམོ་འབད་མི་ལས་འགོ་བཙུགས་ ཐོག་ཆུང་ཀུ་དང་ཁྲོམ་ལམ་བདའ་བཙོང་མི་ཚུན་གྱི་ཚོང་ཁྲོམ་ཡོདཔ་ཨིན། དེ་བཟུམ་སྦེ་བཤལ་ནི་དང་ཉིམ་གསོ་ནི་ རྩེདམོ་རྩེ་ནི་ ངལ་སངས་ནིའི་དོན་ལུ་ མཚོ་འགྲམ་ཚུ་ཡོདཔ་ཨིན། བུ་སཱན་ཀ་རིང་དང་ ཀིམ་ཇེ་སཱན་གྱི་པར་རིས་འགྲེམས་སྟོན་ཁང་དེ་ཁར་ཡོདཔ་ཨིན། གམ་ཅིའོན་གཡུས་ཚན་འདི་སྒྲིང་ཁྱིམ་ཐོག་ཉུངམ་སྦེ་ཚོན་མ་འདྲཝ་འདྲཝ་བཏང་སྟེ་དགའ་ཏོག་ཏོ་སྦེ་ཡོདཔ་ཨིན། གཙུག་ལག་མཐོ་རིམ་སློབ་གྲྭ་དང་གཙུག་ལག་སློབ་སྡེ་ སློབ་གྲྭ་ ཕྱི་རྒྱལ་གྱི་དོན་ལུ་སློབ་གྲྭ་ཚུ་ཡང་ལེ་ཤ་ཡོད་པའི་ཁར་ གླིང་ག་མ་འདྲཝ་ཚུ་ས་གནས་སོ་སོ་ལས་ཕར་མཐོང་སར་ཡོདཔ་ཨིན། རྩེདམོ་རྩེ་སའི་རྩེད་ར་དང་རྩེ་ཐང་ཚུ་ཡོདཔ་མ་ཚད་ ས་གནས་ཚུ་ནང་ ལས་རིམ་དང་དུས་སྟོན་མ་འདྲཝ་ཚུ་ཡང་བརྩི་སྲུང་འབད་སྲོལ་ཡོདཔ་ཨིན། ཁྲོམ་ནང་ཧེ་མ་ ༢༠༠༢ ལུ་ཨེ་ཤི་ཡ་གེམསི་ཟེར་བའི་རྩེད་འགྲན་འགོ་འདྲེན་འཐབ་ཡོད་པའི་ཁར་ སྤྱི་ལོ་ ༢༠༡༨ ལུ་གནམ་གདུན་གྱི་ཨོ་ལིམ་པིག་རྩེད་འགྲན་དང་ སྤྱི་ལོ་ ༢༠༢༤ ལུ་ གནམ་བྱཱ་གི་ཨོ་ལིམ་པིག་གི་རྩེད་འགྲན་འགོ་འདྲེན་འཐབ་ཡོདཔ་ཨིན། དེ་བཟུམ་སྦེ་ སྤྱི་ལོ་ ༢༠༠༥ ལུ་ ཨེ་ཤི་ཡ་པེ་སི་ཕིག་གི་དཔལ་འབྱོར་མཉམ་འབྲེལ་གྱི་ཞལ་འཛོམས་ཡང་ བུ་སཱན་ལུ་སྦེ་འགོ་འདྲེན་འཐབ་ཡོདཔ་ཨིན། &lt;ref name=&quot;:0&quot; /&gt;

བུ་སཱན་གྱི་གནམ་གཤིས་ཀྱི་ཐད་ཁར་ རློན་གཤེར་ལྡན་པའི་ཁར་བསིལ་དྲོད་རན་ཏོག་ཏོ་སྦེ་སྡོད་དོ་ཨིནམ་དང་ དྲོད་ཤུགས་མཐོ་དྲགས་དང་དམའ་དྲགས་སྦེ་སྡོད་ནི་འདི་དཀོན་དྲགས་ཅིག་ཨིན་པས། སྤྱི་ཟླ་ ༥ པ་ལས་ ༧ པ་ཚུན་ སོ་ཁའི་ཕྱི་མཚམས་དང་ གནམ་བྱཱ་གི་སྔ་མཚམས་ཨིནམ་ལས་ ས་ཐོག་ཁར་སྡོད་པའི་ས་གནས་ཚུ་དང་ཕྱདཔ་ད་ བུ་སཱན་འདི་རྒྱ་མཚོའི་རྩ་བར་འབདཝ་ལས་བརྟེན་བསིལ་དྲགས་སྦེ་འོང་དོ་ཡོདཔ་ཨིན། དེ་ལས་ སྤྱི་ཟླ་ ༨ པ་དང་ ༩ པ་ གནམ་བྱཱ་གི་ཕྱི་མཚམས་དང་ གནམ་སེར་ཁའི་སྔ་མཚམས་ལུ་ཚ་ཏོག་ཏོ་དང་རློན་གཤེར་ཅན་སྦེ་སྡོད་དོ་ཡོདཔ་ཨིན། དེ་གི་སྐབས་ཆརཔ་ཡང་གནམ་མེད་ས་མེད་རྐྱབ་ནི་འདི་གིས་ རླུང་འཚུབ་དྲག་པོ་ཡང་འཕུ་དོ་ཡོདཔ་ཨིན།  

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་བརྟེན་དཔེ་དེབ།'''</text>
      <sha1>djyabamdxm7svwpylvyqqcf3ozdlvoz</sha1>
    </revision>
  </page>
  <page>
    <title>ཀེན་དོ། ཝེཊ་ནམ། Can Tho, Vietnam</title>
    <ns>0</ns>
    <id>9016</id>
    <revision>
      <id>39659</id>
      <parentid>39640</parentid>
      <timestamp>2026-04-24T04:09:02Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39659</origin>
      <model>wikitext</model>
      <format>text/x-wiki</format>
      <text bytes="9600" sha1="s7gzvksqlz2getqppdludcnvpb2sdxu" xml:space="preserve">[[File:Can Tho, Vietnam, Floating Market, Sale.jpg|thumb|405x405px|ཚོང་འབྲེལ་འཐབ་ས་ཆུའི་ཐོག་ཁ།]]
༉ ཀེན་དོ་འདི་ ཝེཊ་ནམ་རྒྱལ་ཁབ་ཀྱི་ལྷོ་ཁ་ཐུག་གི་ཁྲོམ་ཚོགས་ཅིག་ཨིན། ཁྲོམ་ཚོགས་འདི་ ཧའུ་གཙང་ཆུའི་ལྷོ་ཁ་ཐུག་གི་འགྲམ་གུར་ཆགས་ཡོདཔ་དང་ སྤྱི་ལོ་ ༢༠༢༤ ལུ་མི་རློབས་ ༡,༥༠༧,༡༨༧ ཡོདཔ་སྦེ་བཀོད་དེ་ཡོདཔ་ཨིན་པས། ཁྲོམ་འདི་ ཧོ་ཅི་མིན་ཁྲོམ་ཚོགས་ལས་ ཀི་ལོ་མི་ཊར་ ༡༦༩ དེ་ཅིག་གི་ས་ཁར་ཡོདཔ་ཨིན་པས།&lt;ref&gt;ཝི་ཀི་པི་ཌི་ཡ།(༢༠༢༡) ཀཱན་ཐའོ། &lt;nowiki&gt;https://en.wikipedia.org/wiki/C%E1%BA%A7n_Th%C6%A1&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཁྲོམ་ཚོགས་འདི་ གཞུང་གིས་ཟད་འགྲོ་གནམ་མེད་ས་མེད་བཏང་པའི་ཁྲོམ་ཅིག་འབདཝ་ལས་ རིམ་པ་བཞིན་དུ་ཡར་རྒྱས་གོང་འཕེལ་སོང་བཞིན་ཡོདཔ་ཨིན། ད་རེས་ཁྲོམ་ཚོགས་འདི་ལྷོ་ཕྱོགས་ཝེཊ་ནམ་གྱི་ཁྲོམ་ཚོགས་མཛེས་ཏོག་ཏོ་དང་འཇའ་ཆི་ཆི་ཅིག་ལུ་གྱུར་ཏེ་ཡོདཔ་ཨིན། &lt;ref name=&quot;:0&quot;&gt;འགྱུར་བ་མེད་པའི་ཝེཊ་ནམ་གྱི་མཛེས་སྡུག། (ལོ་མེད།) ཀེན་དོ། &lt;nowiki&gt;https://vietnam.travel/places-to-go/southern-vietnam/can-tho&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ཀེན་དོ་འདི་ ཝེཊ་ནམ་གྱི་ཁྲོམ་ཚོགས་ཨང་བཞི་པ་ཨིནམ་མ་ཚད་ མེ་ཀོང་གཙང་ཆུ་གྱེས་སའི་ཁྲོམ་ཚོགས་ཚུ་གི་གྲས་ལས་ ཁྲོམ་སྦོམ་ཤོས་ཅིག་ཨིན་པས། ཁྲོམ་འདི་གི་སྐྱོན་མིང་ནུབ་ཕྱོགས་ཀྱི་ཁྲོམ་ཆེན་ཟེར་སླབ་ཨིན་པས། ཁྲོམ་འདི་རང་དབང་ཅན་གྱི་ཁྲོམ་སྡེ་ཅིག་ཨིནམ་དང་ དབང་ཚད་ཀྱི་ཐད་ཀར་ རྒྱལ་ཁབ་ཀྱི་མངའ་སྡེ་ཚུ་གི་དབང་ཚད་བཟུམ་སྦེ་ར་ཡོདཔ་ཨིན། ཁྲོམ་ཚོགས་འདི་ རྫོང་ཁག་གནས་ཚད་ཀྱི་ཡན་ལག་ དགུ་ལུ་བགོ་སྟེ་ཡོད་ས་ལས་ ༥ ཁྲོམ་སྡེའི་གནས་ཚད་ཀྱི་རྫོང་ཁག་དང་ ༤ གྲོང་གསེབ་གནས་ཚད་ཀྱི་རྫོང་ཁག་ཨིན་པས། &lt;ref name=&quot;:0&quot; /&gt;

ཀེན་དོ་ལུ་ན་གཞོན་དང་ཤེས་ཡོན་སྦྱང་འདོད་ཡོད་མི་ཚུ་གི་དོན་ལུ་ གཙུག་ལག་སློབ་སྡེ་ཡོདཔ་ཨིན། ཁྲོམ་ཚོགས་དེ་ཁར་མཚོ་གླིང་ཆུང་ཀུ་ཡང་ལེ་ཤ་ར་ཡོདཔ་ཨིན། གྲུ་རྩེདམོ་རྩེ་ས་དང་ ཆུ་བདའ་སྟེ་མི་ཚུ་འར་འུར་ཟང་ཟིང་སྦེ་ཚོང་འབྲེལ་འཐབ་སའི་ཚོང་ཁྲོམ་ཡང་མཐོང་ཚུགས་ནི་ཨིན་པས། ཁྲོམ་ཚོགས་ཀྱི་ས་གནས་ནང་འཁོད་ལས་ཐོན་པའི་བཞེས་སྒོ་དང་ཟས་ དཔེར་ན་རྒྱ་ཐུག་མ་འདྲཝ་ཚུ་ཡང་འཐོབ་ཚུགས་ནི་ཨིན། སྤྱི་ལོ་ ༡༨༧༠ ལུ་བཟོ་ཡོད་པའི་ བིན་ཋུ་ཝི་དང་ཕུའི་ཁྱིམ་རྙིངམ་ཡང་ཁྲོམ་ཚོགས་ཀྱི་ས་གནས་ནང་མཐོང་སར་ཡོདཔ་ཨིན། &lt;ref name=&quot;:0&quot; /&gt;

ཀེན་དོ་ལུ་ཚ་དྲོད་ཡོད་པའི་གནམ་གཤིས་ཡོདཔ་ཨིན། གནམ་བྱཱ་ལུ་ ཆརཔ་གནམ་མེད་ས་མེད་རྐྱབ་དོ་ཡོདཔ་དང་ ལོ་གཅིག་ནང་མང་ཤོས་ར་ ཚ་ཏོག་ཏོ་དང་སྐམ་ཀྲག་ཀྲ་སྦེ་ར་སྡོདཔ་ཨིན་པས། ཟླཝ་བཅུ་གཉིས་ལས་ བསིལ་ཤོས་ར་སྤྱི་ཟླ་ ༡༢ པ་དང་ ༡ པའི་ནང་ཨིནམ་དང་ ཆརཔ་རྐྱབ་པའི་ཟླཝ་དེ་ སྤྱི་ཟླ་ ༧ པ་ལས་ ༡༡ པའི་ནང་ཨིན་པས། སྤྱི་ཟླ་ ༣ པ་ལས་ ༦ པ་ཚུན་ཚོད་ དྲོད་ཆེཝ་སྦེ་སྡོདཔ་ཨིན་པས། &lt;ref name=&quot;:0&quot; /&gt;

འགྲོ་འགྲུལ་གྱི་དོན་ལུ་ སྣུམ་འཁོར་དང་རྐང་འཁོར་ གྲུ་གི་ཞབས་ཏོག་ཚུ་ཡོདཔ་དང་ ཁྲོམ་དང་མངའ་སྡེ་གཞན་ཁ་ལས་ཁྲོམ་ཚོགས་འདི་ནང་འོང་ནིའི་དོན་ལུ་ གནམ་གྲུ་གི་ཞབས་ཏོག་ཡང་ཡོདཔ་ཨིན། ཁྲོམ་ཚོགས་འདི་ལམ་སྲོལ་དང་དཔལ་འབྱོར་ ལྟ་བཤལཔ་ཕྱུག་པའི་ས་ཁོངས་ཅིག་ཨིནམ་མ་ཚད་ ཤིང་འབྲས་ལྡུམ་ར་ལེ་ཤ་ཡོདཔ་དང་ ཆུར་ཐོག་ལོ་ཐོག་འཛུགས་སྐྱོང་ བྱུང་རབས་ཅན་གྱི་ས་གནས་ དུས་སྟོན་མ་འདྲཝ་བརྩི་ས་ དང་ཕུའི་ཁྱིམ་དང་བཞེས་སྒོ་མ་འདྲཝ་ཚུ་མཐོང་སའི་ས་ཁོངས་ཡང་ཡོདཔ་ཨིན། མི་ཚུ་གི་འཚོ་བའི་གནས་སྟངས་འདི་དགའ་ཏོག་ཏོ་ཡོད་པའི་ཁར་ ཆུ་བདའ་ཡོད་པའི་གཡུས་ཚན་ཚུ་ནང་ མགྱོནམ་སྐྱོང་དགའ་སྤྲོད་དང་བཅས་པའི་སྒོ་ལས་ལྷོད་ཆི་ཆི་སྦེ་སྐྱོང་དོ་ཡོདཔ་ཨིན། ས་གནས་ལ་ལུ་ཅིག་ནང་ གྲུ་དང་གྲུ་ཐོག་སྐྱེལ་ལེན་འབད་བའི་ཅ་ཆས་ཚུ་ཡོདཔ་མ་ཚད་ གྲུ་ཐོག་གི་ཚོང་ཁང་དང་ལྡིང་ཁྲོམ་ཡོདཔ་ཨིན། ཆོས་ལུ་དད་པ་དང་དག་སྣང་ཡོད་མི་ཚུ་གི་དོན་ལུ་ ལྷ་ལུ་གསོལཝ་བཏབ་སའི་ལྷ་ཁང་རྙིངམ་ཨོང་པ་གོ་ཌ་བཟུམ་གྱི་ལྷ་ཁང་དང་ཆོས་འབྲེལ་གྱི་བཟོ་བཀོད་ལེ་ཤ་མཇལ་སར་ཡོདཔ་ཨིན། དེ་བཟུམ་སྦེ་མི་ཚུ་རྐང་སྟོང་སྦེ་འགྲོ་འགྲུལ་འབད་ནི་གི་དོན་ལུ་ མི་ཚུ་ལམ་འགྱོ་སའི་ཟམ་ཧ་ལས་སི་སི་ཡང་ཡོདཔ་ཨིན། ལྡུམ་ར་དང་འགྲེམས་སྟོང་ཁང་ དང་ཕུའི་བཙོན་ཁང་ གྲུ་ཐོག་ཚོང་ཁྲོམ་ མཚོ་འགྲམ་ ཟ་ཁང་ སྐྱིད་གནས་ཁང་ ཕྱི་རུའི་ཁྲོམ་ ཚུ་ཡོདཔ་ཨིན། དེ་ལས་ རི་དྭགས་སེམས་ཅན་དང་ཤིང་ཚུ་ཉམས་སྲུང་འབད་ནིའི་དོན་ལུ་ བང་ལང་ཨིསི་ཊོག་ཉེན་སྲུང་ས་ཁོངས་ཡང་ཁྲོམ་ཚོགས་དེ་ནང་ཡོདཔ་ཨིན་པས།

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>s7gzvksqlz2getqppdludcnvpb2sdxu</sha1>
    </revision>
  </page>
  <page>
    <title>ཆེང་ཌུ། རྒྱ་ནག། Chendu, China</title>
    <ns>0</ns>
    <id>9017</id>
    <revision>
      <id>39660</id>
      <parentid>39641</parentid>
      <timestamp>2026-04-24T04:10:06Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39660</origin>
      <model>wikitext</model>
      <format>text/x-wiki</format>
      <text bytes="9688" sha1="nhjks0ei2obd0s0afao0sjbcklebui4" xml:space="preserve">[[File:Niushikou, Jinjiang, Chengdu, Sichuan, China - panoramio (cropped).jpg|thumb|457x457px|ཆེན་ཌུ་ཁྲོམ་སྡེ།]]
༉ ཆེང་ཌུ་འདི་རྒྱ་ནག་རྒྱལ་ཁབ་ཀྱི་ཁྲོམ་ཚོགས་སྦོམ་ཤོས་ཨང་ལྔ་པ་ཨིན་པས། ཁྲོམ་ཚོགས་འདི་ རྒྱ་ནག་གི་ལྷོ་ནུབ་སི་ཅུཝན་མངའ་སྡེ་གི་ལྟེ་བ་ཨིནམ་དང་ ས་བཅུད་ཆེ་བའི་ཆེང་ཌུ་ཐང་གུར་ཆགས་ཡོདཔ་ཨིན། ཁྲོམ་སྡེ་འདི་མངའ་སྡེའི་ཡན་ལག་ཁྲོམ་གྱི་གྲངས་སུ་ཚུདཔ་ཨིན། &lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༣) ཆེང་ཌུ། &lt;nowiki&gt;https://simple.wikipedia.org/wiki/Chengdu&lt;/nowiki&gt; ནང་ལས་ཐོབ་ཡོདཔ་ཨིན།

&lt;/ref&gt;འཛམ་གླིང་ནང་ སོ་ནམ་ཞིང་ལཱ་འབད་མི་གི་མི་རློབས་སྟུག་དྲགས་ཡོད་པའི་གྲས་ལས་ཅིག་ཨིན་པས། &lt;ref name=&quot;:1&quot;&gt;བིརི་ཊ་ནི་ཀ། (༢༠༢༥) ཆེང་ཌུ། &lt;nowiki&gt;https://www.britannica.com/place/Chengdu&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་ཚོགས་དེ་ནང་ སའི་རྒྱ་ཁྱོན་ཀི་ལོ་མི་ཊར་གྲུ་བཞི་ ༡༢.༣ ཡོདཔ་མ་ཚད་ མི་རློབས་ ས་ཡ་ ༡༡ ལས་ལྷག་སྟེ་ཡོདཔ་སྦེ་བཀོད་ཡོདཔ་ཨིན། &lt;ref&gt;ཅཱའེ་ན་ཊ་ཝཱལ་གའེཌ། (༢༠༢༥) ཆེང་ཌུ་ལམ་འགྲུལ་གྱི་ལམ་སྟོན། &lt;nowiki&gt;https://www.travelchinaguide.com/cityguides/chengdu.htm&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ཝི་ཀི་པི་ཌི་ཡ་ (༢༠༢༥) དང་འཁྲིལཝ་ད་ སྤྱི་ལོ་ ༢༠༢༠ གི་མི་རྩིས་ནང་ ཁྲོམ་ཚོགས་ནང་ མི་རློབས་ ༢༠,༩༣༧,༧༥༧ ཡོདཔ་སྦེ་ཐོན་ནུག། དེ་ལས་བརྟེན་ཁྲོམ་འདི་ རྒྱ་ནག་གི་ཁྲོམ་ཚོགས་ལས་ མི་རློབས་ལེ་ཤ་ཡོད་པའི་ཁྲོམ་ཨང་བཞི་པའི་ནང་ཚུདཔ་ཨིན་པས། &lt;ref&gt;ཝི་ཀི་པི་ཌི་ཡ། (༢༠༢༣) ཆེང་ཌུ། &lt;nowiki&gt;https://en.wikipedia.org/wiki/Chengdu&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་ཚོགས་འདི་དངལ་ཕུའི་ཁྲོམ་ཚོགས་འབདཝ་ལས་ ལོ་ངོ་ ༣༡༠༠ གི་བྱུང་རབས་ཡོདཔ་དང་ ས་གནས་ཀྱི་མིང་འདི་ད་ལྟོ་ཡོང་མ་སོར་བར་ ལོ་ངོ་ ༢༠༠༠ དེ་ཅིག་སོང་ཡོདཔ་ཨིན།&lt;ref&gt;ཝི་ཀི་པི་ཌི་ཡ། (༢༠༢༣) ཆེང་ཌུ་མ་འགྱོ་བའི་གོང་ལུ་ཤེས་དགོཔ་བདེན་གཏམ་ ༡༠། &lt;nowiki&gt;https://www.chinahighlights.com/chengdu/chengdu-facts.htm&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

ཁྲོམ་འདི་བརྒྱུད་འབྲེལ་ཁག་ཆེཝ་འཐབ་སའི་ལྟེ་བ་ཅིག་སྦེ་སྡོད་ཡོདཔ་དང་ བཟོ་གྲྭ་འཕྲུལ་ཁང་གི་ལྟེ་བ་ཅིག་ཡང་ཨིན་པས། དེ་བཟུམ་སྦེ་ ལམ་སྲོལ་སྦོམ་ཤོས་ཀྱི་ལྟེ་བ་ལུ་འགྱུར་བཞིན་ཡོདཔ་དང་ ཁྲོམ་ཚོགས་ནང་ སི་ཅུཝན་གཙུག་ལག་སློབ་སྡེ་བརྩིས་ཏེ་ གཞན་མི་གཙུག་ལག་སློབ་སྡེ་ལེ་ཤ་ཡོདཔ་ཨིན་པས། སྨན་དང་ཚན་རིག་ ས་ཁོམས་རིག་པ་ དཔལ་འབྱོར་རིག་པའི་གཙུག་སྡེ་ཚུ་ཡོད་པའི་ཁར་ སྤྱིར་བཏང་གི་མཐོ་རིམ་སློབ་གྲྭ་ འགྲེམས་སྟོང་ཁང་ འཕྲུལ་རིག་གི་སློབ་སྦྱོང་ལྟེ་བ་ཚུ་ཡོདཔ་ཨིན།&lt;ref name=&quot;:1&quot; /&gt;

ཁྲོམ་འདི་ཆེང་ཌུ་ཨ་ཅོ་གདོང་དཀར་སྦོམ་བསྲེ་སྦྱོར་གི་གཞི་རྟེན་ཞིབ་འཚལ་འབད་ས་ཅིག་ཨིན་དགོ་མི་དེ་ཡང་ ཁྲོམ་ཚོགས་དེ་ནང་གི་ནགས་ཚལ་ནང་ ཨ་ཅོ་གདོང་དཀར་སྦོམ་ཡོདཔ་དང་ སེམས་ཅན་འདི་འཛམ་གླིང་གི་ལྟ་བཤལཔ་དང་ཞིབ་འཚོལ་པ་ཚུ་གིས་ ལྟ་སྐོར་འབད་བར་འོང་སའི་གནད་དོན་ཅིག་ལུ་གྱུར་ཡོདཔ་ཨིན་པས། ཁྲོམ་ནང་ལས་ བཞེས་སྒོ་ཚུ་མ་འདྲཝ་དང་ བྲོཝ་ཞིམ་ཚུ་འཐོབ་མི་ལས་བརྟེན་ཏེ་ འཛམ་གླིང་སྤྱི་ཚོགས་ཤེས་ཡོན་དང་ཚནརིག་ལམ་སྲོལ་ཚོགས་སྡེ་གིས་ ཁྲོམ་དེ་ལུ་ ཟས་སྤྱོད་རིག་པའི་ཁྲོམ་ཟེར་ཆ་བཞག་ཡོདཔ་ཨིན། ཆེང་ཌུ་ལུ་རྡིག་ཤོས་ཅིག་འདི་ ཟ་ཁང་ནང་ལས་ བཞེས་སྒོ་རང་གི་སྦེ་བཙོ་སྟེ་ཟ་ནི་འདི་ཨིནམ་དང་ ཇ་རིགས་མ་འདྲཝ་འཐུང་ནི་ དེ་ལས་ བཞེས་སྒོ་ནང་ཐིང་ངེ་དང་ཁ་ཚའི་རྫས་བླུག་ནི་ཚུ་ལས་བརྟེན་ ཡོངས་གྲགས་ཡོདཔ་ཨིན།&lt;ref name=&quot;:0&quot; /&gt; ས་གནས་དེ་ཁ་ར་ རང་བཞིན་ཐོན་སྐྱེད་ཚུ་གིས་ཕྱུག་སྟེ་ཡོདཔ་དང་ ས་གཏེར་དང་ས་བཅུད་ཚུ་ལྡནམ་ལས་ ས་ཞིང་ཚུ་ཡང་སོ་ནམ་ཞིང་ལཱ་གི་དོན་ལུ་བཅུད་དང་ལྡནམ་སྦེ་ཡོདཔ་ཨིན། དེ་ལས་ཁྲོམ་ཁར་ ལྟདམོ་དང་ལས་རིམ་སྣ་ཚོགས་ཚུ་དངོས་མཐོང་སྦེ་ཕུལ་དོ་ཡོདཔ་ལས་ ལྟ་བཤལཔ་དང་ནང་འཁོད་ཀྱི་མི་སེར་གྱི་དོན་ལུ་ སྤྲོ་སང་གི་གཞི་ཅིག་ཨིན་པས། སངས་རྒྱས་ཀྱི་སྐུ་འདྲ་སྦོམ་རྡོ་གིས་སྦེ་བྱག་གུར་བརྐོ་སྟེ་བཟོ་ཡོད་མིའདི་ མཇལ་ནི་ཡོད་པའི་ཁར་ ནང་པ་དང་ཊེ་ཝི་ཟམ་གྱི་ལམ་སྲོལ་ཚུ་མཐོང་ཚུགས་ནི་ཨིན་པས། དེ་བཟུམ་སྦེ་ དང་ཕུའི་ཁྲོམ་རྙིངམ་ནང་ ཧེ་མའི་མཐོང་སྣང་སྤྲོ་བ་ལེན་ཚུགས་ནི་ཨིནམ་མ་ཚད་ དེང་སང་གི་འགྲོ་ལུགས་དང་བསྟུན་པའི་ཁྲོམ་གྱི་གཞི་བཀོད་རིངམོ་དང་སྦོམ་ སྤྲོ་སྣང་ཆེཝ་ ཧ་ལས་སི་སི་ཚུ་ཡང་ཡོདཔ་ཨིན་པས། དེ་ལས་ཚོང་ཉོ་བཙོང་གི་དོན་ལུ་ཁྲོམ་ཆེ་ཆུང་ཚུ་ཡོདཔ་ཨིན། དེ་ལས་ ཁྲོམ་ཚོགས་ནང་གཅིག་གི་གཅིག་གི་བར་འབྲེལ་བ་འཐབ་ནིའི་དོན་ལུ་བརྒྱུད་འབྲེལ་འཐབ་ནིའི་དོན་ལུ་ རེལ་ལི་དང་སྣུམ་འཁོར་ གནམ་གྲུ་ མེ་ཊོ་རེལ་ལི་གི་ཞབས་ཏོག་ཚུ་ཡོདཔ་ཨིན།

'''རྒྱབ་ཁུངས་དཔེ་དེབ།'''

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''</text>
      <sha1>nhjks0ei2obd0s0afao0sjbcklebui4</sha1>
    </revision>
  </page>
  <page>
    <title>ཌོང་གུའན། རྒྱ་ནག། Dongguan, China</title>
    <ns>0</ns>
    <id>9019</id>
    <revision>
      <id>39661</id>
      <parentid>39643</parentid>
      <timestamp>2026-04-24T04:11:17Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39661</origin>
      <model>wikitext</model>
      <format>text/x-wiki</format>
      <text bytes="8971" sha1="ehzqm81lm9z7v2rhgwebfob2gbv0ruj" xml:space="preserve">[[File:KE YUAN, DONGGUAN, CHINA (93).jpg|thumb|342x342px]]
༉ ཌོང་གུའན་འདི་རྒྱ་ནག་གི་མངའ་སྡེ་གུཝང་ཌོང་གི་ཁྲོམ་ཚོགས་ཅིག་ཨིན། ཁྲོམ་འདི་གཙང་ཆུ་པརལ་ཁ་གྱེས་ས་ལུ་ཡོདཔ་དང་ བྱང་ཁ་ཐུག་ལུ་གུཝང་ཇུ་ བྱང་ཤར་ལུ་ཧུའི་ཇུ་ ལྷོ་ལུ་ཤིན་ཅན་དང་ ནུབ་ལུ་གཙང་ཆུ་པརལ་ཡོདཔ་ཨིན། ཁྲོམ་འདི་བཟོ་གྲྭ་འཕྲུལ་ཁང་ཡོད་པའི་ཁྲོམ་ཅིག་ཨིནམ་དང་ རྒྱ་ནག་གི་ཁྲོམ་ཚོགས་ཚུ་ལས་ ཤིན་ཅན་ ཤང་ཧའེ་དང་སུ་ཙེའུ་ཚུ་གི་ཤུལ་ལས་ར་ཨིན་པས། &lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༣) ཌོང་གུའན། &lt;nowiki&gt;https://simple.wikipedia.org/wiki/Dongguan&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;གུཝང་ཇུ་ལས་ཀི་ལོ་མི་ཊར་ ༥༥ གི་སར་ཡོདཔ་དང་ ཤིན་ཅན་ལས་ཀི་ལོ་མི་ཊར་ ༩༠ དེ་ཅིག་གི་ས་ཁར་ཡོདཔ་ཨིན། ས་གནས་འདི་ རྒྱ་ནག་གི་བྱུང་རབས་ནང་ སྨྱོ་རྫས་ཨོ་པི་ཡཱམ་གྱི་ཕྱད་མདའ་ནང་གལ་ཆེ་ཤོས་ཅིག་སྦེ་ཡོདཔ་ཨིན། ཁྲོམ་ཚོགས་ཀྱི་སའི་རྒྱོན་འདི་ཀི་ལོ་མི་ཊར་གྲུ་བཞི་ ༢༤༦༠.༡ ཡོདཔ་དང་ མཚོའི་རྒྱ་ཁྱོན་ཀི་ལོ་མི་ཊར་གྲུ་བཞི་  ༨༢.༥༧ ཡོདཔ་ཨིན། &lt;ref name=&quot;:1&quot;&gt;ཊ་ཝཱལ་ཅཱའེ་ན་གའེཌ། (༢༠༢༤) ཌོང་གུའན་གྱི་ལམ་འགྲུལ་ལམ་སྟོན། &lt;nowiki&gt;https://www.travelchinaguide.com/cityguides/guangdong/dongguan/&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;ཁྲོམ་འདི་ཤར་ཁ་ཐུག་སྤོ་ཏོ་སྦེ་ཡོདཔ་དང་ ནུབ་ཁ་ཐུག་ཐང་འཚམས་སྦེ་ཡོདཔ་ཨིན། དེ་ལས་མཚོ་འགྲམ་ ཀི་ལོ་མི་ཊར་ ༡༡༥.༩༨ ཡོདཔ་ཨིན།  &lt;ref name=&quot;:0&quot; /&gt;

ཌོང་གུའན་ལུ་ལོ་ངོ་ ༥༠༠༠ གི་ཧེ་མ་ མི་སྡོད་སྡོདཔ་གི་སྒྲུབ་བྱེད་ཡོདཔ་ཨིན་པས། ཨིན་རུང་ཁྲོམ་ཚོགས་སྦེ་ སྤྱི་ལོ་ ༡༩༨༥ ལུ་རྐྱངམ་གཅིག་གྱུར་ཡོདཔ་ཨིན། དེ་ལས་ཚུར་སོ་ནམ་ཞིང་ལཱ་འབད་ས་ལས་ སོ་ནམ་ཐོན་ཁུངས་བཏོན་མིའི་ས་ཁོངས་ལྟེ་བ་ཅིག་ལུ་གྱུར་ཡོདཔ་ཨིན། ཁྲོམ་ཚོགས་འདི་ རྒྱ་ནག་གིས་ཕྱི་རྒྱལ་ཁབ་དང་ཚོང་འབྲེལ་འཐབ་མིའི་ཁྲོམ་ཚོགས་ ཨང་གསུམ་པ་ཨིནམ་དང་ གུཝང་ཌོང་མངའ་སྡེ་གི་ སྐྱེལ་འདྲེལ་གྱི་ལས་སྣ་འབད་དེ་ཡོད་ས་ལས་ གལ་ཆེ་ཤོས་ཅིག་སྦེ་ཡོདཔ་ཨིན། &lt;ref name=&quot;:1&quot; /&gt;ཌོང་གུའན་ལུ་དང་ཕུའི་རྣ་རྒྱུན་གྱི་སྲོལ་ཚུ་ཡོདཔ་དང་ གྲུ་ཐོག་འབྲུག་གི་འགྲན་བསྡུར་ ཀེན་ཊོ་ནིསི་རོལ་གར་ ཧ་ཀ་གི་རང་ལུགས་ཞབས་ཁྲ་དང་ སེང་གེ་གི་འཆམ་ཚུ་སྟོན་སྲོལ་ཡོདཔ་ཨིན། དེ་བཟུམ་སྦེ་རྣ་རྒྱུན་རྐྱངམ་གཅིག་གི་མ་དོ་བར་ དུས་སྟོན་མ་འདྲཝ་ཚུ་ཡང་རྩི་སྲོལ་ཡོདཔ་ལས་ ལྟདམོ་བལྟ་ནིའི་དོན་ལུ་ ས་གོ་དགའ་ཏོག་ཏོ་ཅིག་ཨིན་པས།&lt;ref name=&quot;:2&quot;&gt;ཝི་ཀི་པི་ཌི་ཡ། (༢༠༢༣) ཌོང་གུའན། &lt;nowiki&gt;https://en.wikipedia.org/wiki/Dongguan&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;

ཌོང་གུཝན་ལུ་བསིལ་དྲོད་རན་པའི་རློན་གཤེར་ལྡན་པའི་གནམ་གཤིས་ཡོདཔ་ཨིན། ཆརཔ་ཡང་འབོལ་ཏོག་ཏོ་སྦེ་རྐྱབ་ཏོ་ཡོདཔ་དང་ སྤྱིར་སྙོམས་ལོ་གཅིག་གི་དྲོད་ཚད་འདི་ ཌིག་རི་སེལ་སིཡསི་ ༢༢.༩ དང་ ལོ་བསྟར་ཆརཔ་འབབ་པའི་སྤྱིར་སྙོམས་ཚད་གཞི་འདི་ མི་ལི་མི་ཊར་ ༡༨༩༣ ཨིན་པས། ཁྲོམ་ཚོགས་ཀྱི་མི་ཚུ་ཕྱི་རྒྱལ་དང་གཞན་མི་མངའ་སྡེ་ནང་ལས་ཕར་ཡང་སྡོད་དོ་ཡོད་མི་དེ་ཡང་ ཧོང་ཀོང་དང་ ཏེའི་ཝན་མ་ཀའོ་ལུ་འབུམ་ ༧ དེ་ཅིག་དང་  འབུམ་ ༢ ལྷགཔ་ཅིག་གཞན་མི་རྒྱལ་ཁབ་ཚུ་ནང་སྡོད་ཡོདཔ་ཨིན། &lt;ref name=&quot;:2&quot; /&gt;

ཁྲོམ་དེ་ཁར་ འཛམ་གླིང་ནང་སྦོམ་ཤོས་སྡེབ་སྤུངས་ཚོང་ཁང་ ལྷོ་ཕྱོགས་རྒྱ་ནག་གསར་པའི་སྡེབ་སྤུངས་ཚོང་ཁང་ཡོདཔ་ཨིན། ས་གནས་ནང་གནམ་གྲུ་དང་རེལ་ལི་ མེ་ཊོ་ སྣུམ་འཁོར་གྱི་སྐྱེལ་འདྲེན་ཞབས་ཏོག་ཚུ་འཐོབ་སར་ཡོདཔ་ཨིན། ཁྲོམ་འདི་ཕྱི་རྒྱལ་ཁབ་ཀྱིས་མ་རྩ་གཞི་བཙུགས་འབད་མི་འདི་ རིམ་པ་བཞིན་དུ་གོང་འཕོལ་སོང་བཞིན་ཡོདཔ་ཨིན། དེ་བཟུམ་སྦེ་ ཁྲོམ་ཚོགས་དེ་ནང་ གཙུག་ལག་སློབ་སྡེ་དག་པ་ཅིག་ར་ཡོད་ས་ལས་ གུཝང་ཌོང་ཚན་རིག་དང་འཕྲུལ་གཙུག་ལག་སློབ་སྡེ་ གུཝང་ཌོང་གསོ་བའི་གཙུག་ལག་སློབ་སྡེ་དང་ ཌོང་གུའན་འཕྲུག་རིག་གཙུག་ལ་སློབ་སྡེ་ཡང་གྲས་ཁར་ཡོདཔ་ཨིན། དེ་བཟུམ་སྦེ་ཌོང་གུའན་ཚན་རིག་དང་འཕྲུག་རིག་གི་འགྲེམས་སྟོན་ཁང་ཡང་ཡོདཔ་ཨིན། ཁྲོམ་ཚོགས་ནང་ ལྷ་ཁང་དང་སྐུ་འདྲ་སྦོམ་ཚུ་ཡང་མཇལ་སར་ཡོད་པའི་ཁར་ ཚོང་འབྲེལ་དང་དངུལ་འབྲེལ་ འཕྲུལ་རིག་ གཞུང་གི་གཙུག་སྡེ་ལ་སོགས་པའི་སྒྲིང་ཁྱིམ་བཟོ་བཀོད་མ་འདྲཝ་ རིངམོ་སྦེ་ཡོད་མི་ཚུ་ མཐོང་ཚུགས་ནི་ཨིན།  &lt;ref name=&quot;:2&quot; /&gt;

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>ehzqm81lm9z7v2rhgwebfob2gbv0ruj</sha1>
    </revision>
  </page>
  <page>
    <title>ཕོ་ཤཱན། རྒྱ་ནག། Foshan, China</title>
    <ns>0</ns>
    <id>9020</id>
    <revision>
      <id>39662</id>
      <parentid>39645</parentid>
      <timestamp>2026-04-24T04:12:02Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39662</origin>
      <model>wikitext</model>
      <format>text/x-wiki</format>
      <text bytes="7095" sha1="thhun46si0ejwredmayy2o9mpdc8bax" xml:space="preserve">[[File:Mahavira Hall, Renshou Temple, Foshan, Guangdong, China, picture1.jpg|thumb|357x357px|རེན་ཤཱའུ་ལྷ་ཁང་།]]
༉ ཕོ་ཤཱན་འདི་ གུའང་ཌོང་མངའ་སྡེའི་སྦུག་གི་ཁྲོམ་ཚོགས་ཅིག་ཨིན། ཁྲོམ་ཚོགས་འདི་ གུའང་ཇུ་ལས་ ཀི་ལོ་མི་ཊར་ ༡༦ དེ་ཅིག་གི་ས་ཁར་ཡོདཔ་ཨིནམ་དང་ པརལ་གཙང་ཆུ་གྱེས་སའི་ནུབ་ཕྱོགས་ལུ་ཆགས་ཏེ་ཡོདཔ་ཨིན། པརལ་གཙང་ཆུ་གྱེས་སར་ཆགས་པའི་ནང་ལས་མི་རློབས་མང་ཤོས་ཡོད་སར་ཨིནམ་དང་ ལྷ་ཕྱོགས་རྒྱ་ནག་གི་བྱུང་རབས་ནང་ ཁྲོམ་ལྟེ་བ་ཅིག་ཨིན་པས། ཁྲོམ་ཚོགས་ནང་སྤྱི་ལོ་ ༢༠༢༠ གི་སྙན་ཞུ་དང་འཁྲིལ་ མི་རློབས་ ༩,༤༩༨,༨༦༣ ཡོདཔ་དང་ སའི་རྒྱ་ཁྱོན་ཀི་ལོ་མི་ཊར་གྲུ་བཞི་ ༣,༨༤༨ དེ་ཅིག་ཡོདཔ་ཨིན། ཁྲོམ་ཚོགས་ནང་བདག་སྐྱོང་གི་རྫོང་ཁག་ ལྔ་ཡོདཔ་ཨིན།  &lt;ref&gt;ཝི་ཀི་པི་ཌི་ཡ། (༢༠༢༤) ཕོ་ཤཱན། &lt;nowiki&gt;https://simple.wikipedia.org/wiki/Foshan&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;སྤྱི་ལོ་  ༦༢༨ ལུ་ ཏང་རྒྱལ་བརྒྱུད་(༦༡༨ ལས་ ༩༠༧)ཀྱི་སྐབས་ལུ་ སངས་རྒྱས་ཤཱཀྱ་ཐུབ་པའི་ལི་གི་སྐུ་འདྲ་གསུམ་ གཡུས་མི་ཚུ་གིས་འཚོལ་ཐོབ་ཡོདཔ་ཨིན། &lt;ref&gt;ཝི་ཀི་པི་ཌི་ཡ། (༢༠༢༥) ཕོ་ཤཱན། &lt;nowiki&gt;https://en.wikipedia.org/wiki/Foshan&lt;/nowiki&gt;  ནང་ལས་ཐོབ་ཡོདཔ་ཨིན།&lt;/ref&gt;ད་ལྟོ་ཁྲོམ་ཡོད་སར་སྐུ་འདྲ་འཚོལ་ཐོབ་ལས་ ས་གནས་ཀྱི་མིང་ལུ་ཕོ་ཤཱན་ཟེར་བཏགས་མི་དེ་ཡང་ སངས་རྒྱས་ཀྱི་གངས་རི་ཟེར་བའི་དོན་ཨིན་པས། 

ཕོ་ཤཱན་འདི་ཚོང་འབྲེལ་གྱི་ལྟེ་བ་ཕུན་སུམ་འཚོག་མི་ཅིག་སྦེ་སྡོད་ཡོདཔ་དང་ཚོང་འབྲེལ་མང་ཤོས་ཆུ་ཐོག་འཐབ་ཡོདཔ་ཨིན། ཁྲོམ་འདི་འཐབ་འཛིང་གི་ལུས་རྩལ་གྱི་གཞི་ཁུངས་ཅིག་ཨིནམ་ལས་ ཀོང་ཕུ་ལྷབ་ས་དང་ཀོང་ཕུའི་མཁས་མཆོག་ཚུ་དེ་ཁར་ལས་གླ་ཁར་ལེན་ཚུགས་ནི་ཨིན། ལམ་སྲོལ་ཡང་ལེགས་ཤོམ་ཡོད་པའི་ཁར་ བཞེས་སྒོ་ཟ་འདོད་ཡོད་མི་ཚུ་གི་དོན་ལུ་ ཁྲོམ་ལེགས་ཤོམ་ཅིག་ཨིན་པས། སེང་གེའི་ཞབས་ཁྲ་དང་ གྲུ་ཐོག་འབྲུག་གི་རྩེདམོ་ཚུ་ཡང་རྐྱབ་སྲོལ་འདུག། རང་ལུགས་སྔར་སྲོལ་གྱི་བཟོ་བཀོད་ཚུ་ཡོད་པའི་དང་ཕུའི་ལྷ་ཁང་ཚུ་ཡོདཔ་མ་ཚད་ བཟོ་བཀོད་ཧ་ལས་སི་སི་ཡོད་པའི་ལིག་ན་ཊེན་ཌི་ཡ་ཡང་དེ་ཁར་ཡོདཔ་ཨིན།་དེ་བཟུམ་སྦེ་སའི་རྫམ་བཟོ་ས་དང་ ཁམས་གསོ་ནིའི་ཡུལ་ ལི་ཡང་ལྡུམ་ར་མཛེས་ཏོག་ཏོ་ཚུ་ཡོདཔ་ཨིན། ལག་བཟོའི་བཟོ་གྲྭ་གི་ཐད་ཁར་རྒྱ་ནག་གི་སི་ར་མིག་ལ་སོགས་པ་ཚུ་བཟོ་སྟེ་ གནམ་མེད་ས་མེད་ཕུན་སུམ་ཚོགས་ཏོག་ཏོ་བྱུང་སྟེ་ཡོདཔ་ཨིན་པས།&lt;ref&gt;ཅཱའེ་ན་ཧའེ་ལའེཊ། (ལོ་མེད།) ཕོ་ཤཱན་འགྲུལ་སྐྱོད་ལམ་སྟོན།  &lt;nowiki&gt;https://www.chinahighlights.com/foshan/&lt;/nowiki&gt; ནང་ལས་འཐབ་ཡོདཔ་ཨིན།&lt;/ref&gt; དེ་ལས་ས་གནས་དེ་ཁར་ འཁྲབ་སྟོན་གྱི་དོན་ལུ ཀེན་ཊོ་ནིསི་གི་རོལ་གར་ཡང་ཡོདཔ་ཨིན། དེ་བཞིན་དུ་ ཚོང་ཉོ་བར་འགྱོ་ནི་ཨིན་པ་ཅིན་ ཟུ་མི་བོ་ཚོང་འབྲེལ་གྱི་ཁྲོམ་ལམ་ཟེར་སར་དགའ་ཏོག་ཏོ་དང་གདམ་ཁ་ཆེཝ་སྦེ་ཡོདཔ་ཨིན། དེ་ལས་ སྡེབ་སྤུངས་ཚོང་ཁང་སྦོམ་ཡོད་ས་ལས་རང་གི་མཁོ་འདོད་ལྟར་ ནང་འཁོད་ཀྱི་ལག་བཟོ་དང་ཅ་ཆས་གཞན་ཚུ་ཉོ་འབག་ཚུགས་ནི་ཨིན། དེ་ལས་བཞེས་སྒོ་ཟ་འཐུང་གི་དོན་ལུ་ ཟ་ཁང་ དང་ཇ་ཁང་ འཕྲལ་སྤྱོད་ཟང་ཚུ་ཡང་ཡོདཔ་ཨིན། ཕན་རེལ་ལི་དང་མེ་ ཊོ་ གནམ་གྲུའི་ཐོག་ལས་ཁྲོམ་ཚོགས་དེ་ནང་འགྱོ་ཚུགས་ནི་ཨིན། ཁྲོམ་ཚོགས་ལུ་གནམ་གཤིས་བསིལ་ཏོང་ཏོ་ཡོད་པའི་ཁར་ཆརཔ་འབོལ་དྲགས་སྦེ་རྐྱབ་དོ་ཡོདཔ་ཨིན།

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>thhun46si0ejwredmayy2o9mpdc8bax</sha1>
    </revision>
  </page>
  <page>
    <title>ཧང་ཇུའོ། རྒྱ་ནག། Hangzhou, China</title>
    <ns>0</ns>
    <id>9022</id>
    <revision>
      <id>39663</id>
      <parentid>39647</parentid>
      <timestamp>2026-04-24T04:14:19Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39663</origin>
      <model>wikitext</model>
      <format>text/x-wiki</format>
      <text bytes="11286" sha1="n236aapc6av8he712zcdg6y1s9cp2d2" xml:space="preserve">[[File:Hangzhou China West Lake 3.jpg|thumb|355x355px|ཧང་ཇུའོ་ལུ་ཡོད་པའི་མཚོ་ཆེན།]]
༉ ཧང་ཇུའོ་འདི་ ཤར་ཕྱོགས་རྒྱ་ནག་གི་ཇེ་ཇི་ཡང་མངའ་སྡེ་གི་ལྟེ་བ་ཅིག་ཨིནམ་པས། ཁྲོམ་འིད་རྒྱ་ནག་གི་ཡོངས་གྲགས་ཅན་དང་བྱུང་རབས་ཅན་གྱི་མཛེས་ཆ་དང་ལྡན་པའི་ཁྲོམ་ཚོགས་ཅིག་སྦེ་ཡོདཔ་ཨིན། དེ་བཟུམ་སྦེ་ཡན་ལག་མངའ་སྡེའི་ཁྲོམ་ཚོགས་འདི་ ཧེ་མ་རྒྱ་ནག་གི་རྒྱལ་ས་ལྟེ་བ་བདུན་ཡོད་ས་ལས་ཅིག་སྦེ་སྡོད་ནུག། ཁྲོམ་འདི་ཨི་ཊ་ལི་གི་འགྲོ་འགྲུལ་པ་མར་ཀོ་པོ་ལོ་ཟེར་མི་གིས་ འཛམ་གླིང་ནང་འགྲོ་འགྲུལ་འབད་ནིའི་དོན་ལུ་ དྲག་ཤོས་དང་འབྱོར་ཉམས་ལྡན་པ་ཅིག་ཨིནམ་སྦེ་བཤད་ནུག། དེ་བཟུམ་སྦེ་ཁྲོམ་འདི་ ཞིང་ཁམས་མིའི་ཡུལ་ལུ་ལྷོད་པའི་ས་ཆ་ཨིནམ་སྦེ་ཡང་བཤདཔ་ཨིན་པས།&lt;ref&gt;ཅཱའེ་ན་ཧའེ་ལའེཊ། (ལོ་མེད།) ཧང་ཇུའོ་གི་ལམ་འགྲུལ་ལམ་སྟོན། རྒྱ་ནག། &lt;nowiki&gt;https://www.chinahighlights.com/hangzhou/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཧང་ཇུའོ་འདི་ རྒྱ་ནག་གི་ཤར་ཕྱོགས་ཀྱི་མཚོ་འགྲམ་ལུ་ཆགས་ཏེ་ཡོདཔ་དང་ ཡང་ཙི་གཙང་ཆུ་གི་ལྷོ་ཐ་ཁུག་དང་ ཤང་ཧའེ་ལས་ལྷོ་ཁ་ཐུག་ ཀི་ལོ་མི་ཊར་ ༡༧༠ གི་ས་ཁར་ཆགས་ཏེ་ཡོདཔ་ཨིན། ཁྲོམ་འདི་སྤྱི་ལོ་ ༡༩༣༧ ལས་ ༡༩༤༥ ཚུན་ཚོད་ཇ་པཱན་གྱི་མངའ་འོག་ལུ་སྡོད་ཡོདཔ་ཨིན། ཁྲོམ་སྡེ་དེའི་མི་རློབས་འདི་ ས་ཡ་ ༡༣ དེ་ཅིག་ཡོདཔ་ཨིན་པས། ཁྲོམ་སྡེ་ལུ་ རྫོང་ཁག་བཅུ་ཐམ་དང་ གཡུས་ཚད་གཉིས་ དེ་ལས་ གཡུས་ཚན་གྱི་གནས་ཚད་ཁྱི་ཁྲོམ་ཡོདཔ་ཨིན།&lt;ref&gt;ཝི་ཀི་པི་ཌི་ཡི། (༢༠༢༥) ཧང་ཇུའོ། &lt;nowiki&gt;https://en.wikipedia.org/wiki/Hangzhou#cite_note-11&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

ལྟ་བཤལ་པའི་མིག་གིས་བལྟ་སྟེ་ཚོར་སྣང་མྱོང་སའི་ཡུལ་དྲག་ཤོས་འདི་ ཧང་ཇུའོ་ལུ་ཡོད་པའི་དུབ་ཀྱི་མཚོ་འདི་ཨིན་པས། སྤྱི་ལོ་ ༢༠༡༦ ལུ་ རྒྱལ་ཁབ་ ༢༠ ཀྱིས་གྲལ་གཏོགས་ཡོད་པའི་ཞལ་འཛོམས་ཅིག་ ཁྲོམ་ཚོགས་འདི་ནང་འཚོགས་ཡོདཔ་ཨིན།&lt;ref name=&quot;:0&quot;&gt;ཝི་ཀི་པི་ཌི་ཡི། (༢༠༢༤) ཧང་ཇུའོ། &lt;nowiki&gt;https://simple.wikipedia.org/wiki/Hangzhou&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt; མཐོང་སྣང་ཅན་གྱི་ནུབ་ཀྱི་མཚོ་ལུ་ ལམ་སྲོལ་དང་འབྲེལ་བའི་རྗེས་ཤུལ་དངོས་པོ་ཡོད་པའི་ས་ཁོངས་ ༦༠ དེ་ཅིག་ཡོདཔ་དང་ རང་བཞིན་གྱི་མཛེས་ཆ་གི་དོན་ལུ་སེམས་ཤོར་ས་ཅིག་ཡང་ཨིན་པས། དེ་ལས་མཚོ་ཡོད་ས་ལས་མཐོང་སྣང་མཐོང་ས་ལུ་ལྟཝ་ད་ མཐོང་སྣང་དགའ་ཏོག་ཏོ་ཚུ་མཐོང་ཚུགས་ཏེ་སེམས་ཞི་བདེ་ལུ་བཀོད་པའི་ཁྱད་ཆོས་ཡོདཔ་ལས་ རྒྱ་ནག་གི་མི་ཁུངས་ཚུ་དང་ཕྱིའི་ལྟ་བཤལ་པ་ཚུ་གིས་ལྟ་སྐོར་ལུ་འོང་དོ་ཡོདཔ་ཨིན། ཧང་ཇུའོ་འདི་ཞི་ཇི་ཡང་མངའ་སྡེ་གི་  སྲིད་དོན་དང་ དཔལ་འབྱོར་ ལམ་སྲོལ་ ཤེས་ཡོན་ སྐྱེལ་འདྲེན་དང་ དངུལ་འབྲེལ་གྱི་ལྟེ་བ་ཅིག་སྦེ་རྩི་དོ་ཡོདཔ་མས། སྤྱི་ལོ་ ༢༠༢༢ ཀྱི་ ཨེ་ཤི་ཡ་གི་རྩོདམོ་ཚུ་ཡང་ ས་གནས་དེ་ཁར་འགོ་འདྲེན་འཐབ་ཡོདཔ་ཨིན། &lt;ref name=&quot;:0&quot; /&gt;

ཧང་ཇུའོ་ལུ་ཆུ་རྩ་བའི་ཁྲོམ་ཡོདཔ་དང་ མཚོ་བལྟ་ནིའི་ས་གོ་ གཡུར་ཆེན་ ཌེ་གཱོན་ཇ་འཐོན་སའི་ས་ཁོངས་ སེ་ཤུད་འཐོན་ས་ཚུ་ ཡོདཔ་ཨིན། དེ་ལས་སྡོད་ནིའི་དོན་ལུ་ སྐར་མ་མ་འདྲཝ་འབད་མིའི་སྡོད་ཁང་དང་ཟ་ཁང་ཚུ་ཡོདཔ་ཨིན། སྔོན་དང་ཕུ་གི་བཟོ་བཀོད་གུར་ དེང་སང་གི་བཟོ་བཀོད་ཡོད་པའི་ཁྲོམ་ཅིག་ཨིན་མས། ཁྲོམ་ནང་ ཕར་ཚུར་འགྲོ་འགྲུལ་འབད་ནིའི་དོན་ལུ་ གནམ་གྲུ་དང་ རེལ་ལི་ སྣུམ་འཁོར་གྱི་ཞབས་ཏོག་ཚུ་སྤྱོད་སར་ཡོདཔ་ཨིན། ཨ་ལི་བ་བ་ཟེར་མི་འཛམ་གླིང་ནང་ཡོངས་གྲགས་ཅན་ཡོད་པའི་ཚོང་སྡེ་སྦོམ་ཤོས་འདི་ཡང་ ཧང་ཇུའོ་ལུ་གཞི་བཙུགས་འབད་ཡོདཔ་དང་ ཚོང་འབྲེལ་འདི་ཕུན་སུམ་འཚོག་བཞིན་ཡོདཔ་ཨིན། ཁྲོམ་འདི་ཧེ་མ་ནང་འཁོད་ཚོང་འབྲེལ་འཐབ་ས་ཅིག་སྦེ་སྡོད་ཡོད་རུང་ སྤྱི་ལོ་ ༡༨༩༦ ལས་ཕྱི་རྒྱལ་དང་གཅིག་ཁར་ཚོང་འབྲེལ་འཐབ་ནི་ཡང་འགོ་བཙུགས་ཡོདཔ་ཨིན། དེ་བཟུམ་སྦེ་ཁྲོམ་ནང་བཟོ་གྲྭ་འཕྲུལ་ཁང་ཚུ་ཡང་ཡོདཔ་མ་ཚད་ སྐྱེད་ཚལ་ལྡུམ་ར་ཚུ་རི་དང་ནགས་ཚལ་ནང་ལས་ཡོདཔ་ཨིན་པས། དེ་ལས་ ལས་སྒྲིག་དག་ནི་དང་ཕྱི་མིའི་དབང་པོ་ལུ་ འཇིག་རྟེན་གྱི་ལཱ་ལས་སེམས་སངས་ཐབས་དང་ཞི་བདེ་མྱོང་ཐབས་ལུ་ རི་དང་ནགས་ཚལ་ནང་ལས་ཕར་ཡོད་པའི་ ནང་པའི་ལྷ་ཁང་ མང་རབས་ཅིག་ཡང་ མཇལ་ནིའི་དོན་ལུ་ཁྲོམ་དེ་ནང་ཡོདཔ་ཨིན།&lt;ref&gt;བིརི་ཊ་ནི་ཀ། (༢༠༢༥) ཧང་ཇུའོ། &lt;nowiki&gt;https://www.britannica.com/place/Hangzhou&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

ཧང་ཇུའོ་ལུ་ གནམ་གཤིས་ ཚ་དྲོད་རན་པའི་ཁར་ རློན་གཤེར་ཅན་ཡོདཔ་ཨིན། དེ་ལས་དུས་དང་བསྟུན་ཏེ་ དུས་བཞི་ཡང་ གསལ་རི་རི་སྦེ་ཡོད་མི་དེ་ཡང་ དུས་ཡུན་རིང་བའི་ཁར་ གནམ་མེད་ས་མེད་ཚདཔ་ཚ་སྟེ་ རློན་ཆག་ཆ་ཡོད་པའི་གནམ་བྱཱར་དང་ བསིལ་ཀྲག་ཀྲ་ཡོད་པའི་་ཁར་ས་སྨུག་ཁོག་ཁོ་ དེ་ལས་སྐམ་ཀྲག་ཀྲ་སྦེ་ཡོད་པའི་གནམ་དགུན་འབྱུང་ནི་ཡོདཔ་ཨིན། རེ་ཚེ་སྐབས་གནམ་དགུན་ལུ་ཁཝ་རྐྱབ་ཨིན་པས། ལོ་བསྟར་གྱི་དྲོག་ཤུགས་ཡང་ སྤྱིར་སྙོམས་ལུ་ ཌིག་རི་སེལ་སིཡསི་ ༡༧ ཨིནམ་དང་ ཟླཝ་རེའི་ཉིན་བསྟར་གྱི་དྲོག་ཤུགས་སྤྱིར་སྙོམས་ལུ་ སྤྱི་ཟླ་ ༡ པའི་ནང་ ཌིག་རི་སེལ་སིཡསི་ ༥ ལས་ སྤྱི་ཟླ་ ༧ པའི་ནང་ ༢༩.༣ འཐོན་དོ་ཡོདཔ་ཨིན་པས། དེ་ལས་ ཁྲོམ་ཚོགས་དེའི་ཆར་པའི་ཚད་གཞི་ཡང་ ལོ་བསྟར་བཞིན་དུ་སྤྱིར་སྙོམས་ལུ་ མི་ལི་མི་ཊར་ ༡༤༣༨ འབབ་དོ་ཡོདཔ་ཨིན་པས། &lt;ref&gt;ཝི་ཀི་པི་ཌི་ཡི། (༢༠༢༥) ཧང་ཇུའོ། &lt;nowiki&gt;https://en.wikipedia.org/wiki/Hangzhou#cite_note-11&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>n236aapc6av8he712zcdg6y1s9cp2d2</sha1>
    </revision>
  </page>
  <page>
    <title>ཨིན་ཅིའོན། སཱའུཐ་ཀོ་རི་ཡ། Incheon, South Korea</title>
    <ns>0</ns>
    <id>9023</id>
    <revision>
      <id>39664</id>
      <parentid>39648</parentid>
      <timestamp>2026-04-24T04:15:14Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39664</origin>
      <model>wikitext</model>
      <format>text/x-wiki</format>
      <text bytes="13310" sha1="bq9al0au8xohg2cb8kw1qfi4st7reh2" xml:space="preserve">[[File:Incheon Chinatown South Korea 2013 02.jpg|thumb|393x393px]]
༉ ཨིན་ཅིའོན་འདི་ སཱའུཐ་ཀོ་རི་ཡ་གི་གྲུ་ཆགས་ས་སྦོམ་ཤོས་ཡོད་པའི་ཁྲོམ་ཚོགས་ཅིག་ཨིན། ཁྲོམ་ཚོགས་འདི་རྒྱལ་ཁབ་ཀྱི་ནུབ་བྱང་ལུ་ཡོདཔ་ཨིན། ཁྲོམ་གྱི་ས་མཚམས་ཀྱི་ཤར་ཁ་ཐུག་སོའུལ་དང་གེའོང་ཇི་མངའ་སྡེ་ཡོདཔ་ཨིན། ཁྲོམ་ཚོགས་དེ་ཁར་ ཨིན་ཅིའོན་རྒྱལ་སྤྱི་གནམ་གྲུ་ཐང་ཡོདཔ་དང་ ཐང་དེ་ནང་འཁོད་དང་རྒྱལ་སྤྱི་ཁར་ གནམ་མེད་ས་མེད་ཡོངས་གྲགས་ཅན་ཅིག་ཨིན། ཁྲོམ་ཚོགས་འདི་ རྒྱལ་ཡོངས་ཀྱི་རྒྱལ་ས་ལྟེ་བ་ སོའུལ་གྱི་ལྷོ་ནུབ་ཁ་ཐུག་ ཀི་ལོ་མི་ཊར་ ༤༠ དེ་ཅིག་ གི་ས་ཁར་ཡོདཔ་ཨིན།  ཁྲོམ་ཚོགས་དེ་ ཁྲོམ་ཆེན་གྱི་གནས་ཚད་ལྡན་པའི་ཁར་ གཞུང་ལྟེ་བ་གིས་ཐད་ཀར་དུ་བདག་སྐྱོང་འཐབ་དོ་ཡོདཔ་དང་ བདག་སྐྱོང་གི་དབང་ཚད་ཡང་ མངའ་སྡེའི་བཟུམ་ཅིག་ར་ཡོདཔ་ཨིན།&lt;ref&gt;ཝི་ཀི་པི་ཌི་ཡ། (༢༠༢༤) ཨིན་ཅིའོན། &lt;nowiki&gt;https://simple.wikipedia.org/wiki/Incheon&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཨིན་ཅིའོན་འདི་ འཛམ་གླིང་གི་སྦྲེལ་ཚགས་ཁར་ ༡༢༦ དང་ ༣༧ ཤར་ཁ་ཐུག་དང་ ༣༧ དང་ ༢༨ བྱང་ཁ་ཐུག་ལུ་ཆགས་ཏེ་ཡོདཔ་དང་ རྒྱལ་ཁབ་ཀྱི་ཁྲོམ་ཚོགས་སྦོམ་ཤོས་ཨང་གསུམ་པ་ཨིན་པས། ཁྲོམ་ཚོགས་ཀྱི་འོག་ལུ་རྫོང་ཁག་བཅུ་ཐམ་ཡོདཔ་དང་ དེ་ལས་ཡན་ལག་ཆུང་ཀུ་ གུ་ཟེར་མི་བརྒྱད་དང་ཚོ་ཁག་གཉིས་ལུ་བགོ་སྟེ་ཡོདཔ་ཨིན། ཁྲོམ་འདི་ཧེ་མ་སྤྱི་ལོ་ ༡༣༩༢ ལས་ ༡༩༢༠ ལུ་ཉ་གཟུང་ནི་ཡོད་པའི་གྲུ་ཆགས་ས་ཅིག་སྦེ་སྡོད་ཡོད་ས་ལས་ སྤྱི་ལོ་ ༡༩༡༠ ལས་ ༡༩༤༥ ལུ་རྒྱལ་སྤྱིའི་གྲུ་ཆགས་ས་ཅིག་ལུ་གྱུར་ཡོདཔ་ཨིན། སྤྱི་ལོ་ ༡༨༨༣ ལུ་ ནང་འཁོད་ཀྱི་གྲུ་ཆགས་སའི་ས་ཁོངས་ཁག་ཆེ་དྲགས་ཅིག་ལུ་གྱུར་ཡོདཔ་ཨིན། སྤྱ་ལོ་ ༢༠༠༧ སྤྱི་ཟླ་ ༢ པའི་ཚེས་ ༢༧ ལུ་ ཨིན་ཅིའོན་ཁྲོམ་ཚོགས་འདི་ ཨིང་ལིཤ་གི་ཁྲོམ་ཚོགས་ཟེར་གསལ་བསྒྲགས་འབད་དེ་ ཨིན་ཅིའོན་རིན་མེད་སྟོང་པའི་ཨིང་ལིཤ་ས་ཁོངས་ཀྱི་ལས་རིམ་ཟེར་ལམ་རིམ་ལེ་ཤ་ར་འགོ་འབྱེད་འབད་ཡོདཔ་ཨིན།&lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༥) &lt;nowiki&gt;https://en.wikipedia.org/wiki/Incheon&lt;/nowiki&gt; ཨིན་ཅིའོན། ནང་ལས་ཐོབ་ཡོདཔ་ཨིན། &lt;/ref&gt;

དུས་དང་མཐུན་པའི་ཁྲོམ་ཚོགས་འདི་ནང་ དེང་སང་གི་བཟོ་བཀོད་ཧ་ལས་སི་སི་ཚུ་དང་ སྔོ་ལྗང་ལྡན་པའི་ས་ཁོངས་ བྱུང་རབས་དང་ལམ་སྲོལ་ལྡན་པའི་ས་གནས་ཚུ་ཡོདཔ་ཨིན། ཁྲོམ་ཚོགས་དེ་ནང་བཤལ་ས་ལེ་ཤ་ཡོད་ས་ལས་ སོང་ཌོང་དང་ཅའེ་ན་ཁྲོམ་འདི་ཧ་ལས་སི་སི་དང་དགའ་ཏོག་ཏོ་ འོས་ཅན་ཅིག་ཨིན་པས། རིག་པ་ཅན་ ཡུན་བརྟན་ཅན་ འཇོན་ཐང་ཅན་ དོན་སྨིན་ཅན་དང་ མཐུད་འབྲེལ་ཆེ་བའི་སོང་ཌོང་ཁྲོམ་ཚོགས་འདི་ མ་འོངས་པའི་དོན་ལུ་བཟོ་ཡོད་པའི་ཁྲོམ་ཚོགས་ཅིག་ཨིན་པས། ཁྲོམ་དེ་ མཚོའི་འོག་ལུ་ཡོད་པའི་ས་གཞི་བཏོན་ཏེ་ སྡོད་བཏུབ་སྦེ་ཟོ་བཟོཝ་ཅིག་ཨིན་པས། དེའི་རྒྱབ་འགལ་སྦེ་ཨིན་མི་ ཅའེ་ན་ཁྲོམ་འདི་ དེང་སང་མེན་པར་ ལམ་སྲོལ་ཕྱུག་པའི་ས་ཁོངས་རྙིངམ་ཅིག་ཨིན་པས། ཁྲོམ་ཚོགས་འདི་སཱའུཐ་ཀོ་རི་གི་ཅའེ་ན་ཁྲོམ་རྙིང་ཤོས་དང་ དང་ཀོ་རི་ཡ་ལུ་ཡོད་པའི་ཅའེ་ན་ཁྲོམ་གཅིགཔོ་འདི་ཨིན་པས། ཁྲོམ་འདི་དུས་རབས་ ༡༩ པའི་ཕྱི་མཚམས་ལུ་གཞི་བཙུགས་འབད་དེ་ ཕྱི་རྒྱལ་ཁབ་ཚུ་དང་གཅིག་ཁར་ ཚོང་འབྲེལ་འཐབ་ནི་འགོ་བཙུགས་ཡོདཔ་ཨིན།&lt;ref&gt;ལོ་རིས་གའོ་ཊི་ཡར། (༢༠༢༤) ཨིན་ཅིའོན། &lt;nowiki&gt;https://koreaexploration.com/en/incheon/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཁྲོམ་ཚོགས་འདི་ ཨེ་ཤི་ཡ་གིས་རྩེདམོ་ཐེངས་ ༡༧ པའི་ཐོག་ལས་ཡོངས་གྲགས་ཐོན་ཡོདཔ་དང་ རྒྱལ་སྤྱི་གནམ་གྲུ་ཐང་ གྲུ་ཆགས་ས་ སོང་ཌོ་རྒྱལ་སྤྱི་ཁྲོམ་ཚོགས་ ཨིན་ཅིའོན་ས་འོག་གི་ལམ་ མཱུན་ཧག་འཛམ་གླིང་རྐང་རྩེའི་རྩེད་ར་ཚུ་ལས་བརྟེན་ རྒྱལ་སྤྱི་གི་གནས་ཚད་ལུ་ ཡོངས་གྲགས་ཐལ་ཡོདཔ་ཨིན། དེ་ལས་ཁྲོམ་དེ་ནང་ མཚོ་གླིང་ཡང་ཡོདཔ་མ་ཚད་ བཤལ་ས་དང་ཟ་འཐུང་ཉོ་ས་ མཁོ་ཆེཝ་དང་མཁོ་འདོད་ཅན་གྱི་ཅ་དངོས་ཚུ་གྲུབ་ཐབས་ཀྱི་དོན་ལུ་ ཐོག་ཚད་རིངམོ་སྦེ་ཡོད་པའི་སྒྲིང་ཁྱིམ་ལས་ཐོག་ཐུང་ཀུ་ཡོད་པའི་ཚོང་ཁྲོམ་ཚུ་ཡོདཔ་ཨིན། དེ་གི་མ་ཚད་ ཁྲོམ་ལམ་བདའ་བཤལ་འགྱོ་བ་ཅིན་ ལམ་བདའ་ཡོད་པའི་བཞེས་སྒོ་ཚུ་འཐོབ་པའི་ཁར་ མཚོ་ནང་ལས་བཏོན་པའི་བཞེས་སྒོ་ཚུ་ལོངས་སྤྱོད་ཚུགས་ནི་ཨིན། དེ་བཟུམ་སྦེ་ ཁྲོམ་ཚོགས་ནང་ ལས་རིམ་དང་འགྲེམས་སྟོན་ པར་རིས་གསལ་སྟོན་ལས་རིམ་ཚུ་ལས་ ལམ་ལུགས་སྲོལ་ཚུ་གསལ་སྟོན་འབད་དོ་ཡོདཔ་ཨིན། ཁྲོམ་ཚོགས་འདི་ནང་ རང་བཞིན་གནས་སྟངས་མཛེས་ཏོག་ཏོང་དང་ཞི་བདེ་ཅནམ་འདི་ནང་ བཤལ་ནི་དང་ངལ་འཚོ་སྟེ་ ལུས་སེམས་བདེ་བའི་ངང་ལུ་ སྡོད་ནིའི་གོ་སྐབས་ཡང་ཡོདཔ་ཨིན་པས།&lt;ref&gt;ལོ་རིས་གའོ་ཊི་ཡར། (༢༠༢༤) ཨིན་ཅིའོན། &lt;nowiki&gt;https://koreaexploration.com/en/incheon/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཁྲོམ་ཚོགས་འདི་ གཞི་མ་འདྲཝ་མ་འདྲཝ་ཚུ་བཟོ་སྐྲུན་འབད་སའི་ བཟོ་གྲྭ་འཕྲུལ་ཁང་ཡོད་པའི་ཁྲོམ་ཅིག་ཨིནམ་མ་ཚད་ རིག་པ་དང་ཉམས་མྱོང་སྤེལ་ཐབས་དང་སྦྱང་ཐབས་ཀྱི་དོན་ལུ་ གཙུག་ལག་སློབ་སྡེ་དང་མཐོ་རིམ་སློབ་གྲྭ་ལེ་ཤ་ཡོདཔ་ཨིན། མཚོ་མཐའམ་བདའ་སྟེ་ལྟ་བཤལ་པ་ཚུ་གི་དོན་ལུ་ ཡིད་དབང་འཕྲོག་པའི་སྐྱིད་གནས་ཁང་དང་ མཚོ་གླིང་ཚུ་ཡོདཔ་ཨིན། རྩེད་ར་དང་རྩེདམོ་རྩེ་སའི་གཞི་སྟེགས་ཚུ་ཡང་ཡོདཔ་ཨིན། ལྟདམོ་བལྟ་སའི་ཀ་རིང་དང་གླིང་ག་མ་འདྲཝ་ཚུ་ཡོདཔ་མ་ཚད་ རྒྱལ་སྤྱིའི་ཚོང་ཁྲོམ་སྦོམ་ཡང་ཡོདཔ་ཨིན། ནང་པའི་ལྷ་ཁང་རྙིངམ་ཡང་མཇལ་ཚུགས་པའི་ཁར་ ཟམ་སྦོམ་ཧ་ལས་སི་སི་ཡང་མཐོང་སར་ཡོདཔ་ཨིན། &lt;ref&gt;བརཊ་མིའུ་ཝེ་སེན། (༢༠༢༡) ཨིན་ཅིའོན་ལུ་འབད་དགོཔ་དྲག་ཤོས་ ༡༥། &lt;nowiki&gt;https://www.thecrazytourist.com/15-best-things-to-do-in-incheon-south-korea/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

ཨིན་ཅིའོན་ལུ་རློན་གཤེར་ཅན་གྱི་ཚ་དྲོད་ལྡན་པའི་གནམ་གཤིས་ཡོདཔ་ཨིན། སཱའུཐ་ཀོ་རི་གི་གཞན་མི་ཁྲོམ་ཆེན་བཟུམ་སྦེ་ ཨིན་ཅིའོན་ལུ་ མཚོ་གླིང་ལས་བརྟེན་པའི་དྲོད་གྱིས་བྱེམ་ཕོག་སྟེ་ཡོདཔ་ཨིན། རྒྱལ་ཁབ་ཀྱི་ས་གནས་གཞན་དང་ཕྱདཔ་ད་ ཚ་མ་དྲགས་གྱང་མ་དྲགས་པར་ ཀྲིག་ཀྲི་སྦེ་ཡོདཔ་ཨིན། ཁྲོམ་ཚོགས་ཀྱི་ས་ཁོངས་ ༨ བསིལ་ཏོང་ཏོ་དང་ ༡༠ ཚ་ཏོག་ཏོ་ ༩ རློནམ་ ༩ སྐམ་ཀྲག་ཀྲ་སྦེ་ཡོདཔ་ཨིན། དེ་ལས་ གནམ་དུས་བཞི་དུས་དང་བསྟུན་ གསལ་རི་རི་སྦེ་ཡོདཔ་ཨིན། ཁྲོམ་ཚོགས་དེ་ནང་གནམ་དགུན་ལུ་ནུབ་བྱང་གི་རླུང་མ་འཕུར་དོ་ཡོདཔ་དང་ གནམ་བྱཱར་ལྷོ་ནུབ་ཀྱི་རླུང་མ་འཕུཝ་ཨིན་པས། &lt;ref name=&quot;:0&quot; /&gt;

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>bq9al0au8xohg2cb8kw1qfi4st7reh2</sha1>
    </revision>
  </page>
  <page>
    <title>ཇི་ནཱན། རྒྱ་ནག། Jinan, China</title>
    <ns>0</ns>
    <id>9024</id>
    <revision>
      <id>39665</id>
      <parentid>39649</parentid>
      <timestamp>2026-04-24T04:16:21Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39665</origin>
      <model>wikitext</model>
      <format>text/x-wiki</format>
      <text bytes="8862" sha1="dsmmukt3qibw0hnayu2ipdu71daqq1z" xml:space="preserve">[[File:China Jinan 5207307.jpg|thumb|345x345px|ཇི་ནཱན་ལུ་ཡོད་པའི་སངས་རྒྱས་སྟོང་གི་གངས།]]
༉ ཇི་ནཱན་འདི་ཤར་ཕྱོགས་རྒྱ་ནག་གི་ཁྲོམ་ཚོགས་ཅིག་ཨིནམ་དང་ རྒྱ་ནག་གི་མངའ་སྡེ་ ཤང་ཌོང་གི་ལྟེ་བ་ཅིག་ཨིན། ཁྲོམ་ཚོགས་འདི་གི་མངའ་འོག་ལུ་རྫོང་ཁག་དྲུག་དང་ཚོ་ཁག་གསུམ་ཡོདཔ་ཨིན། ཇི་ནཱན་འདི་ཧེ་མ་ བདག་སྐྱོང་གི་ལྟེ་བ་ཁག་ཆེཝ་ཅིག་ཨིནམ་དང་ ཆོས་ཕྱོགས་ཀྱི་ལྟེ་བ་ཅིག་སྦེ་ཡང་སྡོད་ཡོདཔ་ཨིན་པས། ཁྲོམ་ཚོགས་ཀྱི་ཉེ་འདབས་ཀྱི་ལྷོ་ཁ་ཐུག་ཡོད་པའི་ཏའེ་གངས་རི་འདི་ རྒྱ་ནག་གི་རི་རྩ་ཅན་ཨིན་པས། དུས་རབས་ ༤ པ་ལས་ ༧ པའི་ནང་ ནང་པའི་ལྷ་ཁང་མང་རབས་ཅིག་ཇི་ནཱན་གྱི་ལྷོ་ལུ་ཡོད་པའི་རི་གུར་ཆགས་ཡོདཔ་ཨིན།&lt;ref&gt;བིརི་ཊ་ནི་ཀ། (༢༠༢༥) ཇི་ནཱན། &lt;nowiki&gt;https://www.britannica.com/place/Jinan&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཁྲོམ་ཚོགས་ཀྱི་མིང་ལུ་ ཀུ་ཝན་ཆེང་དང་ཀུའི་ཇུའོ་ ལུ་ཡོ་འི་ཟེར་ཡང་སླབ་སྲོལ་ཡོདཔ་ཨིན་པས། འཛམ་གླིང་གི་གནས་ཚད་དང་འཁྲིལཝ་ད་ ཇི་ནཱན་འདི་ཁྲོམ་ཚོགས་སྦོམ་ཅིག་ཨིནམ་དང་ སྤྱི་ལོ་ ༢༠༢༠ ལུ་ཁྲོམ་ཚོགས་ཀྱི་མི་རློབས་ ས་ཡ་ ༩.༢ ཡོདཔ་སྦེ་བཀོད་ཡོདཔ་དང་ ཤང་ཌོང་གི་མངའ་སྡེའི་ཁྲོམ་ཚོགས་ཚུ་ནང་ མི་རློབས་ལེ་ཤ་ཡོད་ས་ལས་ཨང་གཉིས་པའི་ནང་ཚུདཔ་ཨིན་པས། སྤྱི་ལོ་ ༢༠༢༢ ལུ་ཁྲོམ་ཁར་སྡོད་མིའི་མི་རློབས་འདི་ས་ཡ་ ༢༠ ཡོདཔ་སྦེ་བཀོད་ནུག། ཁྲོམ་ཚོགས་འདི་མངའ་སྡེའི་ཡན་ལག་གྱི་བདག་སྐྱོང་གི་གནས་ཚད་ཁར་ སྤྱི་ལོ་ ༡༩༩༤ ལས་ར་སྡོད་ཡོདཔ་ཨིན། &lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༥) ཇི་ནཱན། &lt;nowiki&gt;https://en.wikipedia.org/wiki/Jinan&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

ཁྲོམ་ཚོགས་འདི་སྲིད་དོན་དང་དཔལ་འབྱོར་ ཚན་རིག་ ཤེས་ཡོན་ ལམ་སྲོལ་གྱི་ལྟེ་བ་ཅིག་ཨིན་པས། &lt;ref&gt;ཇི་ནཱན། (༢༠༢༣) སྤྱིར་བཏང་ལོ་རྒྱུས། &lt;nowiki&gt;http://english.jinan.gov.cn/col/col29554/index.html&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;ཁྲོམ་ཚོགས་ནང་ཤེས་ཡོན་སྦྱང་སའི་གཙུག་སྡེ་དང་སློབ་གྲྭ་ལེ་ཤ་ཡོདཔ་མ་ཚད་ རྫས་སྦྱོར་དང་ འཕྲུལ་ཆས་དང་སྣུམ་འཁོར་ལ་སོགས་པའི་བཟོ་གྲྭ་འཕྲུལ་ཁང་ཡང་ཡོདཔ་ཨིན། ཤེས་ཡོན་གཙུག་སྡེ་གི་མ་དོ་བར་ ཞིབ་འཚོལ་གྱི་གཙུག་སྡེ་ཡང་ འཛམ་གླིང་ནང་མིང་གཏམ་ཡོད་མི་ཚུ་ཡོདཔ་ཨིན། ཁྲོམ་ཚོགས་ནང་ལས་ཕར་ གནམ་དུས་བཞི་སོ་སོ་དང་གསལ་རི་རི་སྦེ་ཡོདཔ་མི་དེ་ཡང་ གནམ་སོ་ཁ་སྐམ་ཀྲག་ཀྲ་དང་ གནམ་བྱཱ་ལུ་ཚདཔ་ཚ་བའི་ཁར་རློན་གཤེར་ཅན་སྦེ་ཡོདཔ་ཨིན། དེ་ལས་ སེར་ཁ་སྐམ་ཀྲོག་ཀྲོ་དང་ གནམ་དགུན་གྱི་ཚེ་ལུ་ སྐམ་ཀྲག་ཀྲ་ བསིལ་ཏོང་ཏོ་སྦེ་སྡོད་དོ་ཨིན་པས། ཁྲོམ་ཚོགས་ནང་ འགྲེམས་སྟོན་ཁང་དང་ དཔེ་མཛོད་ཁང་ གླིང་ག་ ཁྲོམ་ པར་འགྲེམས་སྟོན་ཁང་དང་ ལྷ་ཁང་ཚུ་ཡོདཔ་ཨིན། ས་གནས་མ་འདྲཝ་ཚུ་དང་མངའ་སྡེ་གཞན་ནང་འགྲོ་འགྲུལ་འབད་ནིའི་དོན་ལུ་ ཇི་ནཱན་ལུ་གནམ་གྲུ་དང་གྲུ་ རེལ་ལི་ མེ་ཊོ་རེལ་ལི་ བཱསི་ སྣུམ་འཁོར་གྱི་ཞབས་ཏོག་ཚུ་སྤྱོད་སར་ཡོདཔ་ཨིན། དེ་ལས་ སྡོད་སའི་ཟ་ཁང་དང་མགྱོན་ཁྱིམ་ སྐྱིད་གནས་ཁང་ཚུ་ཡང་ཡོདཔ་ཨིན། &lt;ref&gt;ཝི་ཀི་ཝོ་ཡཇ། (ལོ་མེད།) ཇི་ནཱན། &lt;nowiki&gt;https://en.wikivoyage.org/wiki/Jinan&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ས་གནས་དེ་ཁར་ཡོངས་གྲགས་ཅན་གྱི་ཆུ་མིག་ ༧༢ ཡོདཔ་ལས་ ཆུ་མིག་གི་ཁྲོམ་ཟེར་ཡང་སླབ་སྲོལ་ཡོདཔ་ཨིན། ཆུ་མིག་ཚུ་གསལ་ཏོག་ཏོ་ ཞིམ་ཏོང་ཏོ་ དང་དྭངས་འཕྲོས་འཕྲོས་ཡོདཔ་ཨིན། ཡོངས་གྲགས་ཅན་གྱི་ཡིད་འཕྲོག་པའི་ཆུ་མིག་ལེ་ཤ་ཡོད་ས་ལས་གཅིག་འདི་ བའུ་ཏུ་ཆུ་མིག་འདི་ཨིན་པས། དེ་ལས་མཚོ་ཡང་མིག་གིས་མཐོང་སར་ཡོདཔ་ཨིན། དེ་བཟུམ་སྦེ་ཇི་ནཱན་ལུ་ རང་བཞིན་གྱི་ཐོན་ཁུངས་ ས་གཏེར་དང་རྡོ་གཏེར་གྱི་རིགས་མ་འདྲཝ་ཚུ་ཡང་འཐོན་དོ་ཡོདཔ་ཨིན། དེ་དང་འདྲཝ་སྦེ་ནགས་ཚལ་དང་ནགས་ཚལ་གྱི་ཐོན་ཁུངས་དང་ ནང་ཚལ་ལས་བརྟེན་བཟོ་བའི་མཁོ་ཆས་ཚུ་ཡང་འཐོབ་ཨིན། རྒྱ་ནག་ལུ་ཆོས་ལུགས་ཀྱི་རང་དབང་ཡོདཔ་བཞིན་དུ་ ཆོས་ལུགས་མ་འདྲཝ་ནང་པ་ ཊ་ཝི་ཟམ་ ཡེ་ཤུའི་ཆོས་ལུགས་དང་ ཁ་ཆེའི་ཆོས་ལུགས་ཚུ་ཡོདཔ་དང་ ཆོས་ལུགས་སོ་སོའི་ གསོལཝ་བཏབ་ས་དང་འཛོམ་སའི་ས་ཁོངས་སོ་སོ་ཡོདཔ་ཨིན། རྩེདམོ་རྩེ་སའི་རྩེད་ཐང་དང་རྩེད་ར་སྦོམ་ཚུ་ཡང་ཡོདཔ་ཨིན། &lt;ref name=&quot;:0&quot; /&gt;

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>dsmmukt3qibw0hnayu2ipdu71daqq1z</sha1>
    </revision>
  </page>
  <page>
    <title>ཇོ་ཧོར་བྷ་རུ། མ་ལེ་ཤི་ཡ། Johor bahru, Malaysia</title>
    <ns>0</ns>
    <id>9025</id>
    <revision>
      <id>39666</id>
      <parentid>39650</parentid>
      <timestamp>2026-04-24T04:18:49Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39666</origin>
      <model>wikitext</model>
      <format>text/x-wiki</format>
      <text bytes="12713" sha1="oe1z821d6sf178ppe2gafbrucrjgxm9" xml:space="preserve">[[File:Johor Bahru city in 2015.jpg|thumb|362x362px|ཇོ་ཧོར་བྷ་རུ་ཁྲོམ་ཚོགས།]]
ཇོ་ཧོར་བྷ་རུ་འདི་ མ་ལེ་ཤི་ཡ་གི་མངའ་སྡེ་ཇོ་ཧོར་ཟེར་མི་གི་ཁྲོམ་ཚོགས་ལྟེ་བ་ཅིག་ཨིན། དེ་བཟུམ་སྦེ་ཇོ་ཧོར་མངའ་སྡེ་གི་འོག་ལུ་ཡོད་པའི་རྫོང་ཁག་ཇོ་ཧོར་བྷ་རུ་ཟེར་མི་གི་ཁྲོམ་ལྟེ་བ་ཅིག་ཡང་ཨིན་པས། ཇོ་ཧོར་རྫོང་ཁག་འདི་ རྒྱལ་ཁབ་ནང་ལས་སྦོམ་ཤོས་ཨིང་གཉིས་པ་ཨིན་པས།&lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༥) ཇོ་ཧོར་བྷ་རུ། &lt;nowiki&gt;https://en.wikipedia.org/wiki/Johor_Bahru&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཇོ་ཧོར་བྷ་རུ་ཁྲོམ་ཚོགས་འདི་དངུལ་འབྲེལ་གྱི་ལྟེ་བ་ཅིག་ཡང་ཨིནམ་མ་ཚད་ ཚོང་འབྲེལ་འཐབ་སའི་ལྟེ་བ་ཅིག་ཨིན་པས། ཁྲོམ་ཚོགས་འདི་རྒྱལ་ཁབ་ཀྱི་ཁྲོམ་ཚོགས་ཚུ་ལས་ཨང་གཉིས་པ་ཨིནམ་དང་ གནམ་མེད་ས་མེད་མགྱོགས་དྲགས་སྦེ་ཡར་རྒྱས་འགྱོ་བའི་ཁྲོམ་ཅིག་སྦེ་རྩིལ་ཨིན་པས། ཁྲོམ་ཚོགས་དང་པ་འདི་ རྒྱལ་ཁབ་ཀྱི་རྒྱལ་ས་ལྟེ་བ་ ཀོོ་ལ་ལམ་པུར་འདི་ཨིན་པས། ཁྲོམ་ཚོགས་ཀྱི་མཐའ་འཁོར་ལུ་ མི་ཚུ་སྡོད་སའི་སྡོད་གནས་དང་ཁྲོམ་ཆུང་ཀུ་ཡོདཔ་དང་ བཟོ་གྲྭའི་ས་ཁོངས་ ཆུ་འགྲམ་ས་ཁོངས་ཚུ་ཡོདཔ་ཨིན་པས། ཇོ་ཧོར་བྷ་རུ་དང་ཨིསི་ཀཱན་དར་པུ་ཏ་རི་ པ་སིར་གུ་དང་ དེ་ལས་ཀུ་ཀུབ་ ཀུ་ལའེ་ པེ་ཀཱན་ན་ནསི་ སེ་ནའེ་ཁྲོམ་ཚུ་བསྡོམས་ཏེ་ ས་ཁོངས་སྦོམ་ཨིསི་ཀཱན་དར་མ་ལེ་ཤི་ཡ་ཟེར་མི་འདི་བཟོཝ་ཨིན་པས། སྐུ་འཁོར་གྱི་གཡུས་ཚན་ པ་སིར་པེ་ལང་གི་ཟེར་མི་འདི་ཡང་ ཇོ་ཧོར་བྷ་རུ་ལུ་ཆགས་ཏེ་ཡོདཔ་ཨིན་པས།&lt;ref&gt;ཝི་ཀི་པི་ཌི་ཡ། (༢༠༢༥) ཇོ་ཧོར་བྷ་རུ། &lt;nowiki&gt;https://en.wikipedia.org/wiki/Johor_Bahru&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; སྐུ་འཁོར་གྱི་ཕོ་བྲང་ཨིསི་ཏ་ན་སྦེ་སར་ཟེར་མི་ཡང་ཇོ་ཧོར་བྷ་རུ་ལུ་ཡོདཔ་ཨིན། ཁྲོམ་ཚོགས་འདི་ཇོ་ཧོར་གྱི་དབུ་ཁྲིདཔ་ཏེ་མེང་གོང་ཨི་བྲ་ཧིམ་ཟེར་མི་གིས་གཞི་བཙུགས་འབད་འབདཝ་ཨིནམ་དང་ སྔོན་མ་ས་གནས་ཀྱི་མིང་ལུ་ ཏ་ཇུང་པུ་ཊིརི་ཟེར་སླབ་དོ་ཡོདཔ་དང་ ཤུལ་ལས་ ༡༨༦༦ ལུ་ ཇོ་ཧོར་བྷ་རུ་ཟེར་སོར་ནུག། བྷ་རུ་ཟེར་མི་འདི་གསརཔ་ཟེར་བའི་དོན་ཨིནམ་དང་ ཇོ་ཧོར་བྷ་རུ་ཟེར་བའི་གོ་དོན་འདི་ཡང་ ས་གནས་ཇོ་ཧོར་གསརཔ་ཟེར་བའི་གོ་དོན་ཨིན་པས།

སྤྱི་ལོ་ ༢༠༢༠ ལུ་ཁྲོམ་དེ་ནང་ སྡོད་མི་རློབས་ ༨,༦༠,༠༠༠ ཡོདཔ་སྦེ་བཀོད་དེ་འདུག། ཨིན་རུང་ཝི་ཀི་པི་ཌི་ཡང་ (༢༠༢༥) དང་འཁྲིལཝ་ད་ སའི་རྒྱ་ཁྱོན་ ༣༩༡.༢༥ ཀི་ལོ་མི་ཊར་གྲུ་བཞི་ཡོད་པའི་ ཇོ་ཧོར་བྷ་རུ་འདི་ནང་ མི་རློབས་ ༨༥༨༡༡༨ ཡོདཔ་སྦེ་བཀོད་དེ་ཡོདཔ་ཨིན། དེ་ཡང་མི་རློབས་ཀྱི་ཐད་ཁར་ རྒྱལ་ཁབ་ཀྱི་ཁྲོམ་ལྟེ་བ་སྦོམ་ཤོས་ཨིནམ་སྦེ་རྩི་དོ་ཡོདཔ་ཨིན། ཁྲོམ་འདི་རྒྱལ་ཁབ་ཀྱི་ཁྲོམ་གཞན་དང་ཕྱདཔ་ད་ ས་ཁོངས་གནམ་མེད་ས་མེད་སྦོམ་ཡོདཔ་ལས་ གཞན་མི་ཁྲོམ་བཟུམ་སྦེ་ མི་རློབས་ཀྱིས་ལྟེམ་ལྟེ་སྦེ་གང་སྟེ་མེད་པར་ ཡུདཔ་ཅིག་ཡངས་འཕྲོས་འཕྲོས་དང་སྲབ་དྲགས་འཚམས་སྦེ་ཡོདཔ་ཨིན་པས། འཛམ་གླིང་གི་གློག་འཕྲུལ་དྲག་ཤོས་གི་བཟོ་སྐྲུན་པ་ཚུ་གི་ འཕྲུལ་ཁང་ཅིག་འདི་ ཁྲོམ་ཚོགས་དེ་ཁར་ཡོདཔ་ཨིན་པས། &lt;ref&gt;ཝི་ཀི་ཝོ་ཡེཆ། (ལོ་མེད) ཇོ་ཧོར་བྷ་རུ། &lt;nowiki&gt;https://en.wikivoyage.org/wiki/Johor_Bahru&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

ཁྲོམ་ཚོགས་འདི་སིང་ག་པུར་གི་རྩ་བར་འབད་ནི་འདི་གིས་ སིང་ག་པུར་གྱི་ལྟ་བཤལཔ་ཚུ་གིས་འཕྲལ་ར་ར་བཤལ་ཏེ་འོང་དོ་ཡོདཔ་ཨིན། སིང་ག་པུར་དང་གཅིག་ཁར་ཟམ་གཉིས་ཀྱིས་སོ་སོ་ཕྱེས་ཏེ་ཡོདཔ་ཨིན། དེ་མ་ཚད་འཛམ་གླིང་རྒྱལ་ཁབ་གཞན་གྱི་ལྟ་བཤལཔ་ཚུ་ཡང་འོང་སའི་ས་གནས་ཅིག་ཨིན། ཚོང་ཁང་སྦོམ་དང་སྣ་ཚོགས་ཚོང་ཁང་ ཟ་ཁང་ འཕྲལ་སྤྱོད་ཟ་ཁང་ ས་གནས་ཀྱི་བཞེས་སྒོ་ ཨེ་ཤི་ཡ་དང་ཕྱི་གླིངཔ་ཚུ་གི་བཞེས་སྒོ་ཚུ་འཐོབ་སའི་ཁྲོམ་ཚོགས་འབདཝ་ལས་ ལྟ་བཤལཔ་འོང་པའི་ཁར་ རེས་གཟའ་ཉིམ་དང་ཟླཝ་ དེ་ལས་གཞུང་གི་ངལ་གསོ་ཚུ་ནང་ ས་མཚམས་སྒོ་ར་ཁར་མི་གྱལ་བཙར་མ་ཚར་བར་སྡོད་དོ་ཡོདཔ་ཨིན་པས། དེ་བཟུམ་སྦེ་མཉེ་འཕུར་དང་ཧུམ་འཕུར་འབད་ས་དང་ སྐྱིད་གནས་ཁང་ ཟ་སྤྱོད་ཁང་ ཀ་རཝ་ཀེ་ ཕྱི་རུའི་ཚོང་ཁྲོམ་ སྤྲོ་སྟོན་གྱི་ལས་རིམ་ཚུ་ཡོདཔ་ཨིན། དེ་བཟུམ་སྦེ་ རྩེདམོ་རྩེ་ས་ཡང་ཡོདཔ་མ་ཚད་ འགྲོམས་སྟོན་ཁང་ཡང་ཡོདཔ་ཨིན། སིང་ག་པུར་ལུ་ལཱ་འབད་མི་མ་ལེ་ཤི་ཡ་གི་མི་ཁུངས་ཚུ་གིས་ སྡོད་ས་ཡང་ས་གནས་དེ་ཁར་འཚོལ་ཏེ་སྡོད་མི་དེ་ཡང་ མ་ལེ་ཤི་ཡ་ལུ་ཕར་དང་ཕྱདཔ་ད་ འཚོ་བའི་གནས་ཚད་འདི་དམའ་སུ་དང་ཉུངམ་སྦེ་ཡོདཔ་ལས་བརྟེན་ཏེ་ཨིན། དེ་འབདཝ་ལས་ས་མཚམས་བདའ་རྒྱུན་འགྲུལ་འཐབ་འཐབ་ས་ར་སྡོད་དོ་ཡོདཔ་ཨིན། ཇོ་ཧོར་བྷ་རུ་ལུ་ མ་ལེ་ཤི་ཡ་གི་མི་ངོ་མ་དང་ རྒྱ་མི་ རྒྱ་གར་གི་ལམ་སྲོལ་ཚུ་ཡོདཔ་དང་ མི་རིགས་དང་ཆོས་ལུགས་མ་འདྲཝ་ལ་ཤ་ཡོད་རུང་ ཞི་བདེ་དང་བརྩི་མཐོང་དང་ལྡནམ་སྦེ་སྡོདཔ་ཨིན་པས། ས་གནས་དེ་ཁར་ཡེ་ཤུ་པའི་ལྷ་ཁང་ ཁ་ཆེའི་ལྷ་ཁང་ དེ་ལས་ཧིན་དྷུ་གི་ལྷ་ཁང་ཚུ་ཡང་མཐོང་ཚུགས་ནི་ཨིན། &lt;ref name=&quot;:0&quot; /&gt;

མ་ལེ་ཤི་ཡ་གི་ས་ཁོངས་གཞན་ཚུ་བཟུམ་སྦེ་ ཇོ་ཧོར་བྷ་རུ་ལུ་ཡང་ འཛམ་གླིང་ལྷོ་བྱང་གི་སྦུག་མཚམས་ཀྱི་གནམ་གཤིས་གནས་སྟངས་ལྟར་དུ་ ལོ་གཅིག་ར་ཚ་དྲོད་གཅིག་མཚུངས་སྦེ་སྡོདཔ་ཨིན་པས། རྫོང་ཁག་འདི་ཆརཔ་ཡང་རྐྱབ་དོ་ཡོད་པའི་ཁར་ རློན་ཆག་ཆ་སྦེ་སྡོདཔ་ཨིན་པས། མ་གཞི་ལོ་གཅིག་ར་གནམ་གཤིས་འདི་འདྲ་སུ་ཅིག་དང་གཅིག་སྦེ་སྡོད་རུང་ གནམ་དུས་དང་ལྷོའི་རླུང་མ་དང་བསྟུན་འགྱུར་བ་དུམ་གྲ་རེ་འོངམ་ཨིན་པས། ཉིན་མ་ཆརཔ་རྐྱབ་དོ་ཡོདཔ་ལས་ ཉི་གདུགས་ཚུ་འབག་དགོཔ་གལ་ཆེཝ་ཨིན་པས།  རང་བཞིན་གནས་སྟངས་དང་མཐུན་པའི་སྐྱེས་ཚད་གླིང་ག་དང་སེམས་ཅན་གླིང་ག་ ཆུའི་གླིང་ག་ སྤྲོ་སྣང་ཅན་གྱི་གླིང་ག་ཚུ་ཡང་ཡོདཔ་ཨིན། ཁྲོམ་འདི་ མཁའ་འགྲུལ་དང་ཆུ་འགྲུལ་ ས་ཐོག་ལས་འགྲུལ་སྐྱོད་འབད་དེ་ལྷོད་ཚུགས་པའི་ཁྲོམ་ཚོགས་ཅིག་ཨིན་པས། གློག་བརྙན་ཁང་ཡང་ཡོདཔ་ཨིན། དེ་བཟུམ་སྦེ་རྫོང་ཁག་ནང་འཁོད་དང་གཞན་ཁར་འགྱོ་ནིའི་དོན་ལུ་བརྡོ་དོན་དང་བརྒྱུད་འབྲེལ་གྱི་ཞབས་ཏོག་ཚུ་ཡོདཔ་ཨིན་པས།

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>oe1z821d6sf178ppe2gafbrucrjgxm9</sha1>
    </revision>
  </page>
  <page>
    <title>མཱན་ཌ་ལེ། མ་ལེ་ཤི་ཡ། Mandalay, Mynmar</title>
    <ns>0</ns>
    <id>9026</id>
    <revision>
      <id>39667</id>
      <parentid>39652</parentid>
      <timestamp>2026-04-24T04:19:59Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39667</origin>
      <model>wikitext</model>
      <format>text/x-wiki</format>
      <text bytes="9523" sha1="qigjuvcr7vgas35up6cxats0mqz68p7" xml:space="preserve">[[File:Mandalay Palace, Myanmar.jpg|thumb|349x349px|མཱན་ཌ་ལེ་རྒྱལ་པོའི་ཕོ་བྲང།]]
༉ མཱན་ཌ་ལེ་འདི་མི་ཡཱན་མར་གྱི་ཁྲོམ་ཅིག་ཨིན། ཁྲོམ་འདི་ རྒྱལ་ཁབ་ཀྱི་ཁྲོམ་དང་པ་སྦེ་རྩི་མི་ ཡང་གཱུན་ལས་ཀི་ལོ་མི་ཊར་ ༧༡༦ གི་ས་ཁར་ཡོདཔ་ཨིན། ས་གནས་འདི་ ཨི་ར་ཝ་དི་གཙང་ཆུའི་ཤར་ཕྱོགས་ཁ་ཐུག་ལུ་ཆགས་ཏེ་ཡོདཔ་ཨིན། སྤྱི་ལོ་ ༢༠༡༤ གི་ལོ་ལུ་ ས་གནས་དེ་ཁར་སྡོད་མི་མི་རློབས་ ༡,༢༢༥,༥༥༣ ཡོདཔ་སྦེ་བཀོད་ཡོདཔ་དང་ འཛམ་གླིང་སྤྱི་ཚོགས་ཀྱིས་བཤད་མི་ནང་ སྤྱི་ལོ་ ༢༠༢༥ ནང་ལུ་མི་རློབས་ས་ཡ་གཅིག་དང་ཕྱེད་དེ་ཅིག་ལུ་ཡར་སེང་འགྱོ་འོང་ཟེར་སྔོན་དཔག་འབད་ནུག། ས་གནས་འདི་འཛམ་གླིང་གི་སྦྲེལ་ཚག་ &lt;sup&gt; &lt;/sup&gt;༢༡.༩༨ བྱང་ཁ་ཐུག་དང་ ༩༦.༠༨ ཤར་ཁ་ཐུག་ལུ་ཡོདཔ་མ་ཚད་ ཁྲོམ་འདི་ རྒྱ་མཚོའི་མཐོ་ཚད་ལས་ མི་ཊར་ ༧༩ ཡོདཔ་ཨིན། &lt;ref&gt;ཝི་ཀི་པི་ཌི་ཡ། (༢༠༢༤) མཱན་ཌ་ལེ། &lt;nowiki&gt;https://simple.wikipedia.org/wiki/Mandalay&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་འདི་ཡང་རྒྱལ་ཁབ་ཀྱི་ཁྲོམ་གྱི་གྲས་ལས་ ཨང་གཉིས་པའི་ནང་ཨིན་པས། ས་གནས་འདི་ སྤྱི་ལོ་ ༡༨༦༠ ལས་ ༡༨༨༥ ཚུན་ཚོད་ལུ་ སྐུ་འཁོར་གྱི་རྒྱལ་ས་ལྟེ་བ་ཅིག་སྦེ་སྡོད་ནུག། 

སླབ་སྲོལ་ལས་མིང་མཱན་ཌ་ལེ་ཟེར་མི་འདི་ ཉེ་འདབས་ལུ་ཡོད་པའི་སྤོ་ཏོ་ མཱན་ཌ་ལེ་ཟེར་མི་ལས་ལྟ་འདྲངས་འདྲངསམ་སྦེ འདུག་ཟེར་ཨིནམ་དང་ མཱན་ཌ་ལེ་ཟེར་མི་འདི་ པ་ལི་གི་སྐད་ཡིག་ནང་ལས་ཨིནམ་པས། མཱན་ཌ་ལེ་ཟེར་མི་འདི་པ་ལི་གི་ནང་ལུ་ མཱན་ཌ་ལ་ཟེར་མི་ལས་བྱུང་བྱུངམ་ཨིནམ་བཟུམ་སྦེ་བཤདཔ་ཨིན་པས། དེ་བཟུམ་སྦེ་ལ་ལུ་ཅིག་གིས་བཤད་མི་ནང་ མིང་འདི་ གངས་རི་མཱན་ཌ་ར་ཟེར་བའི་ཧིན་དུ་གི་གྲུང་གཏམ་ལས་ བཏགས་བཏགསཔ་ཨིནམ་སྦེ་ཡང་བཤད་སྲོལ་འདུག། ཁྲོམ་འདི་ ༡༨༥༧ ལུ་མིན་ཌོན་གྱིས་ ཨར་མ་ར་པུ་ར་འདི་རྒྱལ་ས་ལྟེ་བ་ཨིན་མི་འདི་ ཚབ་བཙུགས་འབད་ནི་འི་དོན་ལུ་ གཞི་བཙུགས་འབད་ཡོདཔ་ཨིན། མི་ཡཱན་མར་འདི་བིརི་ཊིཤ་ལ་མ་ཤོར་ཚུན་ཚོད་ རྒྱལ་ཁབ་ཀྱི་རྒྱལ་ས་ལྟེ་བ་ཅིག་སྦེ་ཡོདཔ་ཨིན།&lt;ref&gt;བིརི་ཊ་ནི་ཀ། (༢༠༢༥) མཱན་ད་ལེ། &lt;nowiki&gt;https://www.britannica.com/place/Mandalay-Myanmar&lt;/nowiki&gt; ནང་ལས་འཐོ་ཡོདཔ་ཨིན།&lt;/ref&gt;

ཁྲོམ་འདི་ལམ་སྲོལ་གྱི་ལྟེ་བ་ཅིག་ཨིནམ་དང་ དེང་སང་དང་སྔར་སྲོལ་གྱི་ལུགས་སྲོལ་ཚུ་སླ་བསྲེ་རྐྱབ་སྟེ་མཐོང་ནི་ཡོད་པའི་ཁར་ རང་བཞིན་གྱི་མཐོང་སྣང་ཚུ་དགའ་ཏོག་ཏོ་དང་བག་ཕེབ་ཏོ་ཏོ་ཡོདཔ་ཨིན། &lt;ref&gt;མི་ཡཱན་མར། (༢༠༢༥) མཱན་ཌེ་ལ། &lt;nowiki&gt;https://myanmar.com/mandlay/&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;ཁྲོམ་དེ་ནང་ ལྷ་ཁང་དང་བྱུང་རབས་ཅན་གྱི་ཆགས་ཚུལ་ཚུ་ལེ་ཤ་ར་ཡོདཔ་ཨིན། དེ་ཡང་ མཱན་ཌེ་ལ་ཕོ་བྲང་དང་ཨ་ཏུ་མ་ཤི་ནང་པའི་ལྷ་ཁང་། ནང་པ་ཚུ་གི་དོན་ལུ་རྩ་ཅན་གྱི་སྤོ་ཏོ་ མཱན་ཌེ་ལ་སྤོ་ཏོ་ཡང་དེ་ཁར་ཡོདཔ་ཨིན། ཀུ་ཐོཝ་ཌཝ་སྙོམས་འཇུག་ཅན་གྱི་ལྷ་ཁང་ མ་ཧཱ་མུ་ན་ཡ་ནང་པའི་ལྷ་ཁང་ སེམས་ཅན་གྱི་གླིང་ག་དང་སྐྱེད་ཚལ་ལྡུམ་ར་ཚུ་ཡང་ཡོདཔ་ཨིན། དེ་བཟུམ་སྦེ་ས་གནས་དེ་ཁར་ མི་ཚུ་གིས་ལག་རྩལ་དང་རིག་རྩལ་ཚུ་གསལ་སྟོན་འབད་སར་དང་ལག་ལེན་འཐབ་སར་ཡང་མཐོང་ཚུགས་ནི་ཨིན། སེར་གྱི་འདབ་མ་བཟོ་ནི་དང་ ཁྲ་སྣ་ཚོགས་བཟོ་ཚུགས་པའི་ ཐགས་རིགས་འཐག་ནི་ པ་ཏྲ་བརྐོ་ནི་ཚུ་ཁྲོམ་དེ་ནང་ མཐོང་སར་ཡོདཔ་ཨིན། ཁྲོམ་དེ་ཁར་ལས་ གྲུ་དང་གནམ་གྲུ་ སྣུམ་འཁོར་ རེལ་ལི་ རྐང་འཁོར་ཚུ་ནང་འགྲོ་འགྲུལ་འབད་ཚུགསཔ་མ་ཚད་ ཟ་འཐུང་གི་རིགས་དང་ གཞན་བཙོང་ནིའི་རིགས་ མ་འདྲཝ་ཚུ་ཚོང་ཁང་དང་ལམ་ཁར་ལས་ཕར་ལས་ འཐོབ་དོ་ཡོདཔ་ཨིན།&lt;ref&gt;གོ་མི་ཡཱན་མར། (ལོ་མེད།) མཱན་ཌེ་ལ། &lt;nowiki&gt;https://www.go-myanmar.com/mandalay/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

མཱན་ཌ་ལེ་ལུ་ ས་དྲོད་ས་ཨིནམ་དང་ རློནམ་དང་སྐམ་སའི་གནམ་གཤིས་ཡོདཔ་ཨིན། ཆརཔ་རྐྱབ་པའི་དུས་ཚོད་ཁར་རློནམ་ཨིན་མི་འདི་སྤྱི་ཟླ་ ༥ པ་ལས་ ༡༠ ཚུན་ཚོད་དང་ སྐམ་གྱི་དུས་ཚོད་ནང་ ཆརཔ་དུམ་གྲ་རེ་རྐྱངམ་གཅིག་རྐྱབ་དོ་ཡོད་མི་དེ་ཡང་ སྤྱི་ཟླ་ ༡༡ པ་ལས་ ༤ པའི་ནང་ཨིན་པས། གནམ་བསིལ་ཆེ་ཤོས་འདི་ར་ སྤྱི་ཟླ་ ༡ པའི་ནང་ཨིན་པས། སྤྱིར་སྙོམས་ཚ་དྲོད་འདི་ཌིག་རི་སེལ་སིཡསི་ ༢༡ ཨིནམ་དང་ གནམ་དྲོད་མཐོ་ཤོས་འདི་ར་ སྤྱི་ཟླ་ ༤ པའི་ཕོགཔ་ཨིན་པས། སྤྱི་ཟླ་ ༤ པའི་ནང་ སྤྱིར་སྙོམས་དྲོད་ཚད་འདི་ ཌིག་རི་སེལ་སིཡསི་ ༣༡ ཨིན་པས། གནམ་མེད་ས་མེད་ཚདཔ་ཚ་བའི་དུས་ཚོད་ཁར་ དྲོད་ཤུགས་ ཌིག་རི་སེལ་སིཡསི་ ༣༥ ལས་ ༤༠ ཚུན་ཚོད་འོང་དོ་ཡོདཔ་ཨིན་པས། ཁྲོམ་འདི་ལྟ་བཤལཔ་གིས་དོན་ལུ་ འོང་སའི་ཡུལ་ཅིག་ཨིན་པས།

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>qigjuvcr7vgas35up6cxats0mqz68p7</sha1>
    </revision>
  </page>
  <page>
    <title>ནཱན་ཇིང་། རྒྱ་ནག། Najing, China</title>
    <ns>0</ns>
    <id>9027</id>
    <revision>
      <id>39668</id>
      <parentid>39653</parentid>
      <timestamp>2026-04-24T04:26:38Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39668</origin>
      <model>wikitext</model>
      <format>text/x-wiki</format>
      <text bytes="12107" sha1="pv7gwc9acmaeb1rrhnrmgraw987grb6" xml:space="preserve">[[File:Kindergarten Attached to east Beijing RD Primary School.JPG|thumb|345x345px|ནཱ་ཇིང་ལུ་ཡོད་པའི་སློབ་གྲྭ་ཆུ་བ་ཅིག།]]
༉ རྒྱ་ནག་གི་ས་གནས་ནཱན་ཇིང་འདི་ ཤར་ཕྱོགས་རྒྱ་ནག་གི་ཁྲོམ་ཚོགས་སྦོམ་ཅིག་ཨིན། ཁྲོམ་འདི་ཇི་ཡང་སུ་མངའ་སྡེ་གི་འོག་ལུ་ཚུད་དོ་ཡོདཔ་དང་ ཡང་ཙི་གཙང་ཆུའི་ལྷོ་ཁ་ཐུག་གི་འགྲམ་གུར་ཆགས་ཏེ་ཡོདཔ་དང་ ཤང་ཧའེ་ལས་ཡུདཔ་ཅིག་ཀི་ལོ་མི་ཊར་ ༣༠༠ གི་ས་ཁར་ཆགས་ཏེ་ཡོདཔ་ཨིན། ཁྲོམ་ཚོགས་དེ་གི་བདག་སྐྱོང་གི་སའི་རྒྱ་ཁྱོན་ཀི་ལོ་མི་ཊར་གྲུ་བཞི་ ༦༦༠༠ ཡོདཔ་དང་ སྤྱི་ལོ་ ༢༠༢༡ ལུ་ཐོ་བཀོད་འབད་མི་ལྟར་དུ་འབད་བ་ཅིན་ དེ་ནང་མི་རློབས་ ༩,༤༢༣,༤༠༠ ཡོདཔ་སྦེ་ཨིན་པས།&lt;ref&gt;ཝི་ཀི་པི་ཌི་ཡ། (༢༠༢༥) ནཱན་ཇིང་། &lt;nowiki&gt;https://en.wikipedia.org/wiki/Nanjing&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; མི་རློབས་ ས་ཡ་དགུ་ལྷགཔ་ཅིག་ཡོདཔ་ལས་བརྟེན་ཏེ་ འཛམ་གླིང་ནང་མི་རློབས་མང་བའི་ཁྲོམ་ཚོགས་ཨང་ ༢༩ པའི་ནང་ཚུད་དེ་ཡོདཔ་ཨིན་པས། ནཱན་ཇིང་ཟེར་བའི་མིང་འདི་ ལྷོ་ཕྱོགས་ལྟེ་བ་ཟེར་བའི་གོ་དོན་ཨིནམ་དང་མིང་འདི་ སྤྱི་ལོ་ ༡༤༠༣ མིང་རྒྱལ་བརྒྱུད་ཀྱི་སྐྱོང་པའི་པའི་སྐབས་ བཏགས་བཏགསཔ་ཨིན་པས།&lt;ref name=&quot;:0&quot;&gt;པིང་ཅིའེ་ཀུའོ་དང་ཇེང་ཇུང་གུ། (༢༠༢༥) ནཱན་ཇིང་། &lt;nowiki&gt;https://www.britannica.com/place/Nanjing-China&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཇི་ཡང་སུ་མངའ་སྡེའི་འོག་གི་ཡན་ལག་ཁྲོམ་ཅིག་སྦེ་ ནཱན་ཇིང་གི་འོག་ལུ་ རྫོང་ཁག་ ༡༡ ཡོདཔ་ཨིན། ཁྲོམ་ཚོགས་དེ་མངའ་སྡེའི་ཡན་ལག་ཁྲོམ་ཚོགས་ཀྱི་གྲས་ཁར་ཨིན་པས།&lt;ref name=&quot;:1&quot;&gt;ཝི་ཀི་པི་ཌི་ཡ། (༢༠༢༥) ནཱན་ཇིང་། &lt;nowiki&gt;https://simple.wikipedia.org/wiki/Nanjing&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ས་ཕྱོགས་དེ་ནང་ ཧེ་མ་རྒྱལ་བརྒྱུད་མང་ཤོས་ཀྱི་ལྟེ་བ་ཅིག་སྦེ་སྡོད་ས་ལས་ དམིགས་བསལ་དུ་ ད་རེས་ཀྱི་གཞུང་སྦེ་མེན་པར་ མིང་རྒྱུད་བརྒྱུད་ཀྱི་སྐབས་དང་རྒྱ་ནག་རྒྱལ་ཁབ་འདི་བཙག་འཐུའི་གཞུང་ལྡན་རྒྱལ་ཁབ་སྦེ་སྡོད་པའི་རིང་ལུ་ལྟེ་བ་ཅིག་སྦེ་སྡོད་ནུག། དང་ཕུ་ལོ་ངོ་ ༥༠༠ གི་རིང་ རྒྱལ་བརྒྱུད་བསྡོམས་དྲུག་གི་རྒྱལ་ས་ལྟེ་བ་སྦེ་སྡོད་ཡོདཔ་དང་ དེ་བསྒང་ཡོད་པའི་ལམ་སྲོལ་གྱི་ཅ་དངོས་ཚུ་ད་རེས་ནངས་པ་ཡང་མཐོང་སར་ཡོདཔ་ཨིན།

ནཱན་ཇིང་འདི་ལམ་སྲོལ་དང་ དཔལ་འབྱོར་གྱི་ལྟེ་བ་ཅིག་ཨིནམ་དང་ བྱུང་རབས་དང་ལམ་སྲོལ་དང་འབྲེལ་བའི་ས་ཁོངས་ མཛེས་ཆ་ལྡན་པའི་རང་བཞིན་གྱི་གཞི་བཀོད་ཚུ་གིས་ཕྱུག་སྟེ་ཡོདཔ་ཨིན། དེ་བཟུམ་སྦེ་ཡང་ཙེ་གཙང་ཆུའི་ཟུར་ཁར་ཐབས་བྱུས་ཅན་སྦེ་ཆགས་མི་ལས་བརྟེན་ བྱུང་རབས་ཅན་གྱི་གྲུ་ཆགས་ས་ལེ་ཤ་ར་ཡོདཔ་ཨིན། ཁྲོམ་ནང་ལས་འགྱོ་མི་ཀིན་ཧུ་ཝའེ་གཙང་ཆུ་འདི་ ཁྲོམ་གྱི་ཆུ་ཨམ་སྦེ་རྩི་དོ་ཡོདཔ་དང་ དེ་ཁར་མི་ཚུ་གནམ་མེད་ས་མེད་གར་དྲགས་སྦེ་སྡོད་དོ་ཡོདཔ་དང་ ལྟ་བཤལ་པའི་དོན་ལུ་ ལྟ་སྐོར་འབད་ནིའི་པའི་གཞི་ཅིག་ཨིན་པས། ཆུའི་དེའི་གཡས་གཡོན་ལུ་ ཟ་ཁང་དང་ཆང་ཁག་གིས་གང་སྟེ་ཡོདཔ་དང་ཞབས་ཁྲ་འཐེན་མི་ཚུ་གིས་ཞབས་ཁྲ་ཚུ་འཐེན་དོ་ཨིན་པས། དེ་ལས་གྲུ་གཏང་ནི་དང་བཞོན་འགྱོ་ནིའི་མཐུན་རྐྱེན་ཚུ་ཡོདཔ་ཨིན། ས་ཁོངས་ནང་ཡིད་འཕྲོག་པའི་ཡུལ་ལེ་ཤ་ཡོདཔ་ཨིན། དེ་ཡང་ ཁྲོམ་གྱི་གྱང་དང་ རྒྱ་ནག་གི་རྒྱལ་སྒོ་ཚུ་མཐོང་སའི་ཡུལ་ལུ་ཡོདཔ་ཨིན། &lt;ref name=&quot;:1&quot; /&gt;དེ་བཟུམ་སྦེ་ སྔོ་ལྗངས་ལྡན་པའི་དངུལ་འབྲེལ་ལྟེ་བ་དང་ཇི་མིང་ལྷ་ཁང་། ཧོང་ཤཱན་སེམས་ཅན་གླིང་ག། ནཱན་ཇིང་སྡེབ་གསད་ཀྱི་འགྲེམས་སྟོན་ཁང་།  ནཱན་ཇིང་གི་འགྲེམས་སྟོན་ཁང་། སྲིད་འཛིན་གྱི་ཕོ་བྲང་། རི་རྒྱ་སྨུག།  རྒྱ་ནག་གི་དམངས་གཙོའི་ཡབ་རྗེ་དམ་པ་ སཱན་ཡ་ཙན་གྱི་པུར་ཁང་། ཀོན་ཕུ་ཤིཡསི་གི་ལྷ་ཁང་། ཞུ་ཝན་འུ་མཚོ། ཡང་ཙེ་གཙང་ཆུའི་ཟམ། ཡུ་ཧུ་ཏའེ་གླིང་ག་ཚུ་ ལྟ་སྐོར་དང་སྤྱོ་འཁྱམ་ནིའི་དོན་ལུ་ སེམས་དང་ལྡན་ཏོག་ཏོ་སྦེ་ཡོདཔ་ཨིན། ས་གནས་དེ་ནང་ སྔོན་དང་ཕུའི་གཞི་བཀོད་དང་བསྟུན་བཟོ་སྐྲུན་འབད་ཡོད་པའི་ཁྱིམ་དང་ཚོང་ཁང་ ཆང་ཁང་ ཟ་ཁང་ཚུ་ཡོདཔ་ཨིན། དེ་ལས་ནང་འཁོད་ལས་འཐོན་པའི་དྲན་ཆས་དང་ཐོན་སྐྱེད་ཚུ་ཡང་བཙང་སར་ཡོདཔ་ཨིན།་

དེ་མ་ཚད་ས་གནས་དེ་ཁར་ ནཱན་ཇིང་གཙུག་ལག་སློབ་སྡེ་དང་ ནཱན་ཇིང་ཕྱི་རྒྱལ་སྐད་ཡིག་གི་སློབ་གྲྭ། ཧེ་ཧའེ་གཙུག་ལག་སློབ་སྡེ། ཤར་ལྷོ་གཙུག་ལག་སློབ་སྡེ་ཚུ་ཡོདཔ་ཨིན། ཕར་ཚུར་འགྲོ་འགྲུལ་འབད་ནིའི་དོན་ལུ་ རེལ་ལི་དང་བཱསི་ གློག་འཁོར་གྱི་ཞབས་ཏོག་ཚུ་འཐོབ་སར་འདུག། ས་གནས་དེའི་གནམ་གཤིས་འདི་ རློན་གཤེར་ལྡན་པའི་ཁར་ དུས་བཞི་གསལ་རི་རི་སྦེ་ཡོདཔ་ཨིན། ས་གནས་དེ་ཁར་ ལོ་གཅིག་གི་སྤྱིར་སྙམས་ཀྱི་དྲོད་ཤུགས་ཉུང་ཤོས་ར་སྤྱི་ཟླ་ ༡ པའི་ནང་ཨིནམ་དང་ དེ་ཡང་ཌིག་རི་སེལ་སིཡསི་ ཀླད་མན་ ༡ འོང་དོ་ཡོདཔ་དང་ སྤྱིར་སྙོམས་ཀྱི་མཐོ་བའི་དྲོད་ཤུགས་འདི་ སྤྱི་ཟླ་ ༧ པ་དང་ ༨ པའི་ནང་ཨིན་མི་འདི་ དྲོག་ཤུགས་ཌིག་རི་སེལ་སིཡསི་ ༣༢ འོང་དོ་ཡོདཔ་ཨིན་པས། དེ་བཟུམ་སྦེ་ལོ་བསྟར་ཆརཔ་རྐྱབ་པའི་ཚད་གཞི་དེ་ཡང་ སྤྱིར་སྙམས་ལུ་ མི་ལི་མི་ཊར་ ༡༠༦༢ རེ་རྐྱབ་དོ་ཡོདཔ་ཨིན། གནམ་བྱཱར་རློན་ཆག་ཆག་སྦེ་དྲོད་གནམ་མེད་ས་མེད་འོང་དོ་ཡོདཔ་འི་ཁར་ གནམ་དགུན་ལུ་ གྱང་བའི་ཁར་ རློནམ་འཚམས་སྦེ་སྡོད་དོ་ཡོདཔ་མས།&lt;ref&gt;ཅཱའེ་ན་ཧའེ་ལའེཊ། (ལོ་མེད།) ནཱན་ཇིང་གི་བདེན་པ། ohttps://www.chinahighlights.com/nanjing/nanjing-facts.htm ནང་ལས་ཐོབ་ཡོདཔ་ཨིན།&lt;/ref&gt; གནམ་སེར་ཁ་དང་སོ་ཁ་ལུ་ བསིལ་དྲོད་རན་ཏོག་ཏོ་སྦེ་མཛེས་ཏོག་ཏོ་སྦེ་སྡོདཔ་ཨིན་པས། གནམ་བྱཱར་གྱི་དུས་ཡུན་དེ་ཡང་ སྤྱི་ཟླ་ ༧ པ་ལས་ ༩ པ་ཚུན་ཚོད་ཨིནམ་དང་ གནམ་སེར་ཁ་འདི་ ༡༠ པ་ལས་ ༡༢ པ་ཚུན་ཚོད་དང་ དགུན་འདི་ ༡༢ པ་ལས་ ༣ པ་ཚུན་ཨིནམ་དང་ དེ་ལས་ གནམ་སོ་ཁ་འདི་ སྤྱི་ཟླ་ ༤ པ་ལས་ ༦ པ་ཚུན་ཚོད་ཀྱི་རིང་ལུ་འབྱུང་དོ་ཡོདཔ་ཨིན་པས།&lt;ref name=&quot;:0&quot; /&gt;

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>pv7gwc9acmaeb1rrhnrmgraw987grb6</sha1>
    </revision>
  </page>
  <page>
    <title>Template:POTW/༢༠༢༦/༡༧</title>
    <ns>10</ns>
    <id>9028</id>
    <revision>
      <id>39654</id>
      <timestamp>2026-04-23T14:53:17Z</timestamp>
      <contributor>
        <username>Kelly zhrm</username>
        <id>11669</id>
      </contributor>
      <comment>Created page with &quot;&lt;noinclude&gt; {{Picture order |༡=[[Template:POTW/༢༠༢༦/༡༦|༡༦]] |༢=[[Template:POTW/༢༠༢༦/༡༨|༡༨]] }} &lt;/noinclude&gt;  {{POTD default |image=Cat close-up 2004 b.jpg |note=[[བྱི་ལི]]་ཅིག། }}&quot;</comment>
      <origin>39654</origin>
      <model>wikitext</model>
      <format>text/x-wiki</format>
      <text bytes="237" sha1="2v4c5nhbn8rf26n57holuznjihw834v" xml:space="preserve">&lt;noinclude&gt;
{{Picture order
|༡=[[Template:POTW/༢༠༢༦/༡༦|༡༦]]
|༢=[[Template:POTW/༢༠༢༦/༡༨|༡༨]]
}} &lt;/noinclude&gt;

{{POTD default
|image=Cat close-up 2004 b.jpg
|note=[[བྱི་ལི]]་ཅིག།
}}</text>
      <sha1>2v4c5nhbn8rf26n57holuznjihw834v</sha1>
    </revision>
  </page>
  <page>
    <title>པེ་ཏ་ལིང་ཇ་ཡ། མ་ལེ་ཤི་ཡི། Petaling Jaya, Malaysia</title>
    <ns>0</ns>
    <id>9029</id>
    <revision>
      <id>39655</id>
      <timestamp>2026-04-24T03:37:20Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>Pitaling Jaya, Malaysia</comment>
      <origin>39655</origin>
      <model>wikitext</model>
      <format>text/x-wiki</format>
      <text bytes="9735" sha1="i97de5bcp23hmgxst8ndrhu3mf6u59w" xml:space="preserve">[[File:Petaling Jaya Stadium (220708).jpg|thumb|312x312px|པི་ཏ་ལིང་ཇ་ཡ་ལུ་ཡོད་པའི་རྩིས་སྟོན་ཁང་།]]
༉ པེ་ཏ་ལིང་ཇ་ཡ་འདི་ མ་ལེ་ཤི་ཡ་གི་མངའ་སྡེ་སེ་ལེང་གོར་གི་ཁྲོམ་ཅིག་ཨིན། ཁྲོམ་འདི་སེ་ལེང་གོར་གྱི་འོག་གི་རྫོང་ཁག་པེ་ཏ་ལིང་གི་ནང་ཚུདཔ་ཨིན་པས། ཁྲོམ་འདི་བིརི་ཊིཤ་གིས་ ༡༩༥༠ ང་གྲངས་ནང་བཟོ་སྐྲུན་འབད་ཡོདཔ་དང་ དེ་ཡང་ ཀོོ་ལ་ལམ་པུར་ལུ་མི་རློབས་ཚད་ལས་བརྒལ་འགྱོ་མི་འདི་བཀག་ཐབས་ལུ་ཨིན་པས།&lt;ref&gt;ཝི་ཀི་པི་ཌི་ཡ། (༢༠༢༣) པེ་ཏ་ལིང་ཇ་ཡ། &lt;nowiki&gt;https://simple.wikipedia.org/wiki/Petaling_Jaya&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt; ཁྲོམ་འདི་འགོ་ཐོག་པེ་ཏ་ལིང་ཇ་ཡ་ལས་ ཀི་ལོ་མི་ཊར་ ༡༠ དེ་ཅིག་ཡོད་པའི་ རྒྱལ་ཁབ་ཀྱི་རྒྱལ་ས་ཀོོ་ལ་ལམ་པུར་གི་ཡན་ལག་གི་ཁྲོམ་ཅིག་སྦེ་ཆགས་ཆགསཔ་ཨིན་པས། དེ་ཡང་མི་ཉམས་ཆུང་ཚུ་གི་ཁང་གླ་ཕོག་མ་དགོ་པར་ སྦ་སྒོར་དང་ཁྱིམ་ཆུང་ཀུ་བཟོ་སྟེ་ཀོོ་ལ་ལམ་པུར་གྱི་ཁྲོམ་གྱི་མཐའ་མར་ གཞིས་ཆགས་ཏེ་སྡོད་པའི་ཚེ་ མི་རློབས་ཡར་འཕར་འགྱོ་མི་ལས་བརྟེན་མ་ཤོང་པར་ པེ་ཏ་ལི་ཇ་ཡ་འདི་་ཡན་ལག་གྱི་ཁྲོམ་ཆགས་དགོཔ་ཐོན་ནུག། ཇ་ཡ་ཟེར་མི་འདི་མཐར་འཁྱོལ་མི་དེ་ལུ་གོ་ནི་ཨིན་པས། &lt;ref&gt;པེ་ཏ་ལིང་ཇ་ཡ་ལྷབ་སྦྱང་གི་ཁྲོམ་ཚོགས། (༢༠༢༢) པེ་ཏ་ལིང་ཇ་ཡ་གི་སྐོར། &lt;nowiki&gt;https://pjlearningcity.my/petaling-jaya/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་དེ་ནང་ ༢༠༡༤ ལུ་ མི་རློབས་ ༦༡༣,༩༧༧ ཡོདཔ་དང་ ས་ཆའི་རྒྱ་ཁྱོན་འདི་ གྲུ་བཞི་ཀི་ལོ་མི་ཊར་ ༥༡.༤ ཨིན་པས། 

པེ་ཏ་ལིང་ཇ་ཡ་འདི་ཁྲོམ་ཅིག་སྦེ་ སྤྱི་ལོ་ ༢༠༠༦ ཟླཝ་ ༦ པའི་ཚེས་ ༢༠ ལུ་ཁྲོམ་ཚོགས་ཅིག་སྦེ་ཆ་འཇོག་གནང་ཡོདཔ་ཨིན། ཁྲོམ་འདི་ལུ་སའི་རྒྱ་ཁྱོན་གྲུ་བཞི་ཀི་ལོ་མི་ཊར་ ༩༧.༢ ཡོདཔ་ཨིན། པེ་ཏ་ལིང་གི་ཤར་ཁ་ཐུག་ལུ་ཀོོ་ལ་ལམ་པུར་གྱི་བསྐོར་ཏེ་ཡོདཔ་དང་ བྱང་ལུ་སུང་གའེ་བུ་ལོ་དང་ ནུབ་ཁ་ཐུག་ལུ་ སེ་ལེང་གོར་གི་ལྟེ་བ་ཤ་ཨ་ལམ་དང་ སུ་བང་ཇ་ཡ་གིས་བསྐོར་ཏེ་ཡོདཔ་དང་ དེ་ལས་ ལྷོ་ཕྱོགས་ལུ་བཱན་བར་ཀིན་ར་ར་(པུ་ཆོང་)ཡོདཔ་ཨིན།&lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༥) པེ་ཏ་གླིང་ཇ་ཡ། &lt;nowiki&gt;https://en.wikipedia.org/wiki/Petaling_Jaya&lt;/nowiki&gt;  ནང་ལས་ཐོབ་ཡོདཔ་ཨིན།&lt;/ref&gt; ཁྲོམ་འདི་ཡར་རྒྱས་འགྱོ་བའི་བསྒང་གི་ཁྲོམ་དང་ཕུན་སུམ་ཚོགས་པའི་ཁྲོམ་སྡེ་ཅིག་ཨིན་པས། 

ཁྲོམ་འདི་རློན་གཤེར་ཅན་གྱི་ས་གོ་ཅིག་ཨིན། ས་གནས་འདི་ཚ་དྲོད་ཡོད་པའི་ཁར་ དྲོད་ཤུགས་ཀྱི་ཚད་ མཐོ་ཤོས་ ཌིག་རི་སེལ་སིཡསི་ ༣༠ ཨིན་པས། དེ་བཟུམ་སྦེ་ལོ་གཅིག་ར་ཆརཔ་རྐྱབ་དོ་ཡོདཔ་དང་ ལོ་བསྟར་ཆར་པའི་སྤྱིར་སྙོམས་ཚད་གཞི་ མི་ལི་མི་ཊར་ ༣༣༠༠ ཨིན་པས། མ་གཞི་ས་ཁོངས་ནང་ སྐམ་ཀྲག་ཀྲ་སྡོད་པའི་གནམ་དུས་མེད་རུང་ གཞན་མི་སྤྱི་ཟླ་དང་ཕྱདཔ་ད་ སྤྱི་ཟླ་ ༦ པ་དང་ ༧ པ་འདི་སྐམ་ཤོས་ཅིག་ཨིན་པས། དེ་ལས་ གློག་ཆར་དང་ཆར་རླུང་ཚུ་ཤུགས་སྦེ་ར་འོང་དགོ་ཡོདཔ་དང་ འཛམ་གླིང་ནང་ཚུདཔ་པའི་མཐོ་དྲགས་སྦེ་གློག་འཁྱུག་པའི་ས་གོ་ཅིག་ཨིན་པས། ཨིན་རུང་ གནམ་གཤིས་འགྱུར་བགྲོད་དང་ཚ་དྲོད་ཡར་སེང་ལས་བརྟེན་ ཆརཔ་དཀོན་པའི་དུས་ཚོད་ཡང་ཤར་དོ་ཡོདཔ་པའི་ཁར་ ཉེ་འདབས་ཁྲོམ་དང་རྫོང་ཁག་ཚུ་ལས་ ཆུ་ཚུ་བཀྲམ་སྤེལ་འབད་དགོ་པའི་དུས་ཚོད་ཡང་འབྱུང་དོ་ཡོདཔ་ཨིན། &lt;ref name=&quot;:0&quot; /&gt;

ཁྲོམ་གྱི་དབུ་ཁྲིད་སྦེ་བདག་སྐྱོང་གི་ནང་ལུ་ ཁྲོམ་དཔོན་ཡོདཔ་ཨིན། ད་ལྟོ་ཚུན་ཁྲོམ་དཔོན་ཚར་དྲུག་སོར་ཡོདཔ་ཨིན། ཁྲོམ་ཚོགས་ནང་ཚོང་སྣ་ཚོགས་ཚུ་ཡོདཔ་ཨིན། རེལ་དང་སྣུམ་འཁོར་གྱི་རྒྱུན་འགྲུལ་འཐབ་ས་ཡང་ཡོདཔ་ཨིན། དེ་བཟུམ་སྦེ་སློབ་གྲྭ་དང་མཐོ་རིམ་སློབ་གྲྭ་ གཙུག་ལག་སློབ་སྡེ་ཚུ་ཡང་ཡོདཔ་ཨིན། རྩེད་རིགས་ཚུ་རྩེ་ནི་གི་དོན་ལུ་ མི་ངོམ་སྟོང་ཕྲག་སྦེ་ཤོང་པའི་པེ་ཏ་ལིང་ཇ་ཡ་རྩེད་ར་ཟེར་མི་འདི་ཡོདཔ་ཨིན། མ་ལེ་ཤི་ཡ་གི་རྐང་རྩེད་ཚོགས་པའི་ལྟེ་བ་ཡང་ ཁྲོམ་དེ་ཁར་ཆགས་ཡོདཔ་ཨིན། དེ་བཟུམ་སྦེ་གསར་ཤོག་དང་གནས་ཚུལ་ཁང་གི་ལྟེ་བ་ཡང་དེ་ཁར་ཡོདཔ་ཨིན། དེ་དང་འདྲཝ་སྦེ་ཆོས་ལུགས་སོ་སོ་དཔེར་ན་ ཁ་ཆེ་ ཡེ་ཤུ་པའི་ཆོས་ལུགས་ ནང་པ་དང་ སི་ཀི་ཟམ་ཚུ་གི་གསོལཝ་བཏབ་སའི་ལྷ་ཁང་དང་འཛོམས་འདུ་ཁང་ཚུ་ཡང་ཡོདཔ་ཨིན། ཁྲོམ་འདི་ལམ་སྲོལ་གྱི་ཕྱུག་པའི་ཁྲོམ་ཅིག་ཨིནམ་དང་ སྒྲིང་ཁྱིམ་དང་གཞི་བཀོད་མཐོ་དྲགས་དང་ཁྱད་འཕགས་ཅན་ཚུ་མཐོང་སར་ཡོདཔ་ཨིན། སྔར་གྱི་ལམ་སྲོལ་དང་དེང་སང་གི་ལམ་སྲོལ་ཚུ་སླ་བསྲེ་རྐྱབ་སྟེ་ལག་ལེན་འཐབ་སྲོལ་མཐུང་ཚུགས་ནི་ཨིན་པས། དེ་ལས་ཁྲོམ་ཁར་ ནགས་ཚལ་གླིང་ག་དང་མཚོའི་གླིང་ག་ཚུ་ཡང་ཡོདཔ་ཨིན། ཁྲོམ་འདི་ཡར་རྒྱས་འགྱོ་བའི་བསྒང་གི་ཁྲོམ་དང་ཕུན་སུམ་ཚོགས་པའི་ཁྲོམ་སྡེ་ཅིག་ཨིན་པས།&lt;ref&gt;ཨེ་ཤི་ཡ་ཀིང་ཊ་ཝཱལ། (༢༠༢༥) པེ་ཏ་གླིང་ཇ་ཡ། &lt;nowiki&gt;https://www.asiakingtravel.com/attraction/petaling-jaya&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;</text>
      <sha1>i97de5bcp23hmgxst8ndrhu3mf6u59w</sha1>
    </revision>
    <revision>
      <id>39669</id>
      <parentid>39655</parentid>
      <timestamp>2026-04-24T04:27:29Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39669</origin>
      <model>wikitext</model>
      <format>text/x-wiki</format>
      <text bytes="10114" sha1="b5o7vcjyfiiaeyva2slu49y2rh459ce" xml:space="preserve">[[File:Petaling Jaya Stadium (220708).jpg|thumb|312x312px|པི་ཏ་ལིང་ཇ་ཡ་ལུ་ཡོད་པའི་རྩིས་སྟོན་ཁང་།]]
༉ པེ་ཏ་ལིང་ཇ་ཡ་འདི་ མ་ལེ་ཤི་ཡ་གི་མངའ་སྡེ་སེ་ལེང་གོར་གི་ཁྲོམ་ཅིག་ཨིན། ཁྲོམ་འདི་སེ་ལེང་གོར་གྱི་འོག་གི་རྫོང་ཁག་པེ་ཏ་ལིང་གི་ནང་ཚུདཔ་ཨིན་པས། ཁྲོམ་འདི་བིརི་ཊིཤ་གིས་ ༡༩༥༠ ང་གྲངས་ནང་བཟོ་སྐྲུན་འབད་ཡོདཔ་དང་ དེ་ཡང་ ཀོོ་ལ་ལམ་པུར་ལུ་མི་རློབས་ཚད་ལས་བརྒལ་འགྱོ་མི་འདི་བཀག་ཐབས་ལུ་ཨིན་པས།&lt;ref&gt;ཝི་ཀི་པི་ཌི་ཡ། (༢༠༢༣) པེ་ཏ་ལིང་ཇ་ཡ། &lt;nowiki&gt;https://simple.wikipedia.org/wiki/Petaling_Jaya&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt; ཁྲོམ་འདི་འགོ་ཐོག་པེ་ཏ་ལིང་ཇ་ཡ་ལས་ ཀི་ལོ་མི་ཊར་ ༡༠ དེ་ཅིག་ཡོད་པའི་ རྒྱལ་ཁབ་ཀྱི་རྒྱལ་ས་ཀོོ་ལ་ལམ་པུར་གི་ཡན་ལག་གི་ཁྲོམ་ཅིག་སྦེ་ཆགས་ཆགསཔ་ཨིན་པས། དེ་ཡང་མི་ཉམས་ཆུང་ཚུ་གི་ཁང་གླ་ཕོག་མ་དགོ་པར་ སྦ་སྒོར་དང་ཁྱིམ་ཆུང་ཀུ་བཟོ་སྟེ་ཀོོ་ལ་ལམ་པུར་གྱི་ཁྲོམ་གྱི་མཐའ་མར་ གཞིས་ཆགས་ཏེ་སྡོད་པའི་ཚེ་ མི་རློབས་ཡར་འཕར་འགྱོ་མི་ལས་བརྟེན་མ་ཤོང་པར་ པེ་ཏ་ལི་ཇ་ཡ་འདི་་ཡན་ལག་གྱི་ཁྲོམ་ཆགས་དགོཔ་ཐོན་ནུག། ཇ་ཡ་ཟེར་མི་འདི་མཐར་འཁྱོལ་མི་དེ་ལུ་གོ་ནི་ཨིན་པས། &lt;ref&gt;པེ་ཏ་ལིང་ཇ་ཡ་ལྷབ་སྦྱང་གི་ཁྲོམ་ཚོགས། (༢༠༢༢) པེ་ཏ་ལིང་ཇ་ཡ་གི་སྐོར། &lt;nowiki&gt;https://pjlearningcity.my/petaling-jaya/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་དེ་ནང་ ༢༠༡༤ ལུ་ མི་རློབས་ ༦༡༣,༩༧༧ ཡོདཔ་དང་ ས་ཆའི་རྒྱ་ཁྱོན་འདི་ གྲུ་བཞི་ཀི་ལོ་མི་ཊར་ ༥༡.༤ ཨིན་པས། 

པེ་ཏ་ལིང་ཇ་ཡ་འདི་ཁྲོམ་ཅིག་སྦེ་ སྤྱི་ལོ་ ༢༠༠༦ ཟླཝ་ ༦ པའི་ཚེས་ ༢༠ ལུ་ཁྲོམ་ཚོགས་ཅིག་སྦེ་ཆ་འཇོག་གནང་ཡོདཔ་ཨིན། ཁྲོམ་འདི་ལུ་སའི་རྒྱ་ཁྱོན་གྲུ་བཞི་ཀི་ལོ་མི་ཊར་ ༩༧.༢ ཡོདཔ་ཨིན། པེ་ཏ་ལིང་གི་ཤར་ཁ་ཐུག་ལུ་ཀོོ་ལ་ལམ་པུར་གྱི་བསྐོར་ཏེ་ཡོདཔ་དང་ བྱང་ལུ་སུང་གའེ་བུ་ལོ་དང་ ནུབ་ཁ་ཐུག་ལུ་ སེ་ལེང་གོར་གི་ལྟེ་བ་ཤ་ཨ་ལམ་དང་ སུ་བང་ཇ་ཡ་གིས་བསྐོར་ཏེ་ཡོདཔ་དང་ དེ་ལས་ ལྷོ་ཕྱོགས་ལུ་བཱན་བར་ཀིན་ར་ར་(པུ་ཆོང་)ཡོདཔ་ཨིན།&lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༥) པེ་ཏ་གླིང་ཇ་ཡ། &lt;nowiki&gt;https://en.wikipedia.org/wiki/Petaling_Jaya&lt;/nowiki&gt;  ནང་ལས་ཐོབ་ཡོདཔ་ཨིན།&lt;/ref&gt; ཁྲོམ་འདི་ཡར་རྒྱས་འགྱོ་བའི་བསྒང་གི་ཁྲོམ་དང་ཕུན་སུམ་ཚོགས་པའི་ཁྲོམ་སྡེ་ཅིག་ཨིན་པས། 

ཁྲོམ་འདི་རློན་གཤེར་ཅན་གྱི་ས་གོ་ཅིག་ཨིན། ས་གནས་འདི་ཚ་དྲོད་ཡོད་པའི་ཁར་ དྲོད་ཤུགས་ཀྱི་ཚད་ མཐོ་ཤོས་ ཌིག་རི་སེལ་སིཡསི་ ༣༠ ཨིན་པས། དེ་བཟུམ་སྦེ་ལོ་གཅིག་ར་ཆརཔ་རྐྱབ་དོ་ཡོདཔ་དང་ ལོ་བསྟར་ཆར་པའི་སྤྱིར་སྙོམས་ཚད་གཞི་ མི་ལི་མི་ཊར་ ༣༣༠༠ ཨིན་པས། མ་གཞི་ས་ཁོངས་ནང་ སྐམ་ཀྲག་ཀྲ་སྡོད་པའི་གནམ་དུས་མེད་རུང་ གཞན་མི་སྤྱི་ཟླ་དང་ཕྱདཔ་ད་ སྤྱི་ཟླ་ ༦ པ་དང་ ༧ པ་འདི་སྐམ་ཤོས་ཅིག་ཨིན་པས། དེ་ལས་ གློག་ཆར་དང་ཆར་རླུང་ཚུ་ཤུགས་སྦེ་ར་འོང་དགོ་ཡོདཔ་དང་ འཛམ་གླིང་ནང་ཚུདཔ་པའི་མཐོ་དྲགས་སྦེ་གློག་འཁྱུག་པའི་ས་གོ་ཅིག་ཨིན་པས། ཨིན་རུང་ གནམ་གཤིས་འགྱུར་བགྲོད་དང་ཚ་དྲོད་ཡར་སེང་ལས་བརྟེན་ ཆརཔ་དཀོན་པའི་དུས་ཚོད་ཡང་ཤར་དོ་ཡོདཔ་པའི་ཁར་ ཉེ་འདབས་ཁྲོམ་དང་རྫོང་ཁག་ཚུ་ལས་ ཆུ་ཚུ་བཀྲམ་སྤེལ་འབད་དགོ་པའི་དུས་ཚོད་ཡང་འབྱུང་དོ་ཡོདཔ་ཨིན། &lt;ref name=&quot;:0&quot; /&gt;

ཁྲོམ་གྱི་དབུ་ཁྲིད་སྦེ་བདག་སྐྱོང་གི་ནང་ལུ་ ཁྲོམ་དཔོན་ཡོདཔ་ཨིན། ད་ལྟོ་ཚུན་ཁྲོམ་དཔོན་ཚར་དྲུག་སོར་ཡོདཔ་ཨིན། ཁྲོམ་ཚོགས་ནང་ཚོང་སྣ་ཚོགས་ཚུ་ཡོདཔ་ཨིན། རེལ་དང་སྣུམ་འཁོར་གྱི་རྒྱུན་འགྲུལ་འཐབ་ས་ཡང་ཡོདཔ་ཨིན། དེ་བཟུམ་སྦེ་སློབ་གྲྭ་དང་མཐོ་རིམ་སློབ་གྲྭ་ གཙུག་ལག་སློབ་སྡེ་ཚུ་ཡང་ཡོདཔ་ཨིན། རྩེད་རིགས་ཚུ་རྩེ་ནི་གི་དོན་ལུ་ མི་ངོམ་སྟོང་ཕྲག་སྦེ་ཤོང་པའི་པེ་ཏ་ལིང་ཇ་ཡ་རྩེད་ར་ཟེར་མི་འདི་ཡོདཔ་ཨིན། མ་ལེ་ཤི་ཡ་གི་རྐང་རྩེད་ཚོགས་པའི་ལྟེ་བ་ཡང་ ཁྲོམ་དེ་ཁར་ཆགས་ཡོདཔ་ཨིན། དེ་བཟུམ་སྦེ་གསར་ཤོག་དང་གནས་ཚུལ་ཁང་གི་ལྟེ་བ་ཡང་དེ་ཁར་ཡོདཔ་ཨིན། དེ་དང་འདྲཝ་སྦེ་ཆོས་ལུགས་སོ་སོ་དཔེར་ན་ ཁ་ཆེ་ ཡེ་ཤུ་པའི་ཆོས་ལུགས་ ནང་པ་དང་ སི་ཀི་ཟམ་ཚུ་གི་གསོལཝ་བཏབ་སའི་ལྷ་ཁང་དང་འཛོམས་འདུ་ཁང་ཚུ་ཡང་ཡོདཔ་ཨིན། ཁྲོམ་འདི་ལམ་སྲོལ་གྱི་ཕྱུག་པའི་ཁྲོམ་ཅིག་ཨིནམ་དང་ སྒྲིང་ཁྱིམ་དང་གཞི་བཀོད་མཐོ་དྲགས་དང་ཁྱད་འཕགས་ཅན་ཚུ་མཐོང་སར་ཡོདཔ་ཨིན། སྔར་གྱི་ལམ་སྲོལ་དང་དེང་སང་གི་ལམ་སྲོལ་ཚུ་སླ་བསྲེ་རྐྱབ་སྟེ་ལག་ལེན་འཐབ་སྲོལ་མཐུང་ཚུགས་ནི་ཨིན་པས། དེ་ལས་ཁྲོམ་ཁར་ ནགས་ཚལ་གླིང་ག་དང་མཚོའི་གླིང་ག་ཚུ་ཡང་ཡོདཔ་ཨིན། ཁྲོམ་འདི་ཡར་རྒྱས་འགྱོ་བའི་བསྒང་གི་ཁྲོམ་དང་ཕུན་སུམ་ཚོགས་པའི་ཁྲོམ་སྡེ་ཅིག་ཨིན་པས།&lt;ref&gt;ཨེ་ཤི་ཡ་ཀིང་ཊ་ཝཱལ། (༢༠༢༥) པེ་ཏ་གླིང་ཇ་ཡ། &lt;nowiki&gt;https://www.asiakingtravel.com/attraction/petaling-jaya&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>b5o7vcjyfiiaeyva2slu49y2rh459ce</sha1>
    </revision>
  </page>
  <page>
    <title>ཆིང་དོཝ། རྒྱ་ནག། Qingdao, China</title>
    <ns>0</ns>
    <id>9030</id>
    <revision>
      <id>39656</id>
      <timestamp>2026-04-24T03:52:19Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>Qingdao, China</comment>
      <origin>39656</origin>
      <model>wikitext</model>
      <format>text/x-wiki</format>
      <text bytes="11087" sha1="qteoxi25uswhrxrb361wtq75okae6vp" xml:space="preserve">[[File:St Michaels Cathedral West Front.png|thumb|364x364px|ཆིང་དོཝ་ལུ་ཡོད་པའི་ཡི་ཤུ་པའི་ལྷ་ཁང་།]]
༉ ཆིང་དོཝ་འདི་རྒྱ་ནག་གི་མངའ་སྡེ་ཤང་ཌོང་གི་ཁྲོམ་ཚོགས་ཅིག་ཨིན། ཁྲོམ་ཚོགས་ཀྱི་མིང་གཞན་ལུ་ ཙིང་ཊ་བོ་ཟེར་ཡང་སླབ་སྲོལ་ཡོདཔ་དང་ ཁྲོམ་ཚོགས་འདི་ཤང་ཌང་གི་ཤར་ཁ་ཐུག་གི་ཆུའི་མཐའ་མར་ཆགས་ཡོདཔ་དང་ མངའ་སྡེ་ནང་ ཁག་ཆེ་བའི་གྲུ་ཆགས་ས་ཅིག་ཨིན་པས། ཁྲོམ་ཚོགས་དེ་ ཤང་ཌོང་གི་ཕྱོགས་གསུམ་ཆུ་གླིང་གི་ལྷོ་ཁ་ཐུག་གི་ཆུ་འགྲམ་ལུ་ ཇི་ཡ་ཇུ་མཚོ་ཁུག་འགོ་བཙུགས་སར་ཆགས་ཏེ་ཡོདཔ་ཨིན། མཚོ་ཁུག་འདི་གནམ་དགུན་གནམ་མེད་ས་མེད་ཤུགས་སྦེ་བསིལ་ལང་པའི་སྐབས་ འཁྱེག་ལུ་ཆགས་དོ་ཡོད་རུང་ གྲུ་སྦོམ་ཚུ་གི་དོན་ལུ་ས་གོ་འདི་ ལག་ལེན་འཐབ་སྟེ་ར་ལུས་དོ་ཡོདཔ་ཨིན། ཁྲོམ་ཚོགས་ཀྱི་སའི་རྒྱ་ཁྱོན་ཡང་གྲུ་བཞི་ཀི་ལོ་མི་ཊར་ ༡༡,༢༨༢ ཡོདཔ་ཨིན།&lt;ref name=&quot;:0&quot;&gt;ཊ་ཝཱ་གའེཌ་ཅཱའེ་ན། (ལོ་མེད།) ཀིང་དཝ་འགྲོ་འགྲུལ་ལམ་སྟོན། &lt;nowiki&gt;https://www.travelchinaguide.com/cityguides/shandong/qingdao/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ས་ཁོངས་འདི་ཧེ་མ་སྤྱི་ལོ་ ༡༨༩༨ ལས་ ༡༩༡༤ ཚུན་ཚོད་ ཇཱར་མ་ནི་རྒྱལ་ཁབ་ཀྱི་མངའ་འོག་ཁྱབ་ཁོངས་ཅིག་སྦེ་སྡོད་ཡོདཔ་ཨིན།&lt;ref name=&quot;:1&quot;&gt;ཝི་ཀི་པི་ཌི་ཡ། (༢༠༢༣) ཆིང་དོཝ། &lt;nowiki&gt;https://simple.wikipedia.org/wiki/Qingdao&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཁྲོམ་ཚོགས་འདི་རྒྱ་མི་ལ་ལུ་ཅིག་གིས་དོན་ལུ་ ཧིང་སང་ས་དང་ མཛེས་ཏོག་ཏོ་ཡོད་པའི་ཁྲོམ་ཚོགས་ཅིག་སྦེ་ཆ་བཞགཔ་ཨིན་པས། ཆིང་དོཝ་ཟེར་བའི་དོན་དག་དེ་ཡང་ མཚོ་གླིང་ཧོནམོ་ཡང་ཅིན་ལྕང་ཁ་ཟེར་བའི་དོན་ཨིན་པས། ཁྲོམ་འདི་ སྤྱི་ལོ་ ༢༠༡༢ ལུ་ རྒྱ་ནག་རྒྱལ་ཁབ་ནང་སྡོད་དགོ་མནོ་སི་སི་གི་ཁྲོམ་ཚོགས་ཀྱི་གྲས་ལས་ཅིག་ཨིནམ་སྦེ་ངོས་འཛིན་བྱུང་ཡོདཔ་ཨིན། ཁྲོམ་དེ་གི་མངའ་འོག་ལུ་ རྫོང་ཁག་བདུན་དང་ཚོ་ཁག་གི་གནས་ཚད་གྱི་ཁྲོམ་ཚོགས་གསུམ་ཡོདཔ་ཨིན། &lt;ref&gt;ཝི་ཀི་པི་ཌི་ཡ། (༢༠༢༥) &lt;nowiki&gt;https://en.wikipedia.org/wiki/Qingdao&lt;/nowiki&gt; ཆིང་དོཝ།  ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་འདི་ལྟ་བཤལ་པ་ཚུ་གིས་ འགྲོ་འགྲུལ་འབད་སའི་ས་ཁོངས་ཅིག་ལུ་གྱུར་ཡོདཔ་མ་ཚད་ དཔལ་འབྱོར་གྱི་གཞུང་ཅིག་ཡང་ཨིནམ་ལས་ མ་རྩ་གཞི་བཙུགས་འབད་མིའི་ཚོང་སྡེ་ལེ་ཤ་ར་ཡོདཔ་ཨིན། ས་གནས་དེ་ཧེ་མ་ཉ་གཟུང་སའི་གཡུས་ཚན་ཆུང་ཀུ་ཅིག་སྦེ་སྡོད་ས་ལས་ རིམ་པ་བཞིན་དུ་ གོང་འཕེལ་ཐལ་ཏེ་ ད་རེས་ཁྲོམ་ཚོགས་སྦོམ་ཤོས་ཅིག་ལུ་གྱུར་ཡོདཔ་ཨིན། རྒྱལ་ཁབ་འདི་ཧེ་མ་ཇཱར་མ་ནི་གིས་དབངམ་ལས་ ཡུ་རོབ་ཀྱི་བཟོ་བཀོད་ཚུ་ཡང་མཐོང་སར་ཡོདཔ་ཨིན།&lt;ref name=&quot;:0&quot; /&gt;

ཁྲོམ་དེ་ནང་ རྒྱལ་ཁབ་ཀྱི་ཆང་བཟོ་ཁང་ ཨང་གཉིས་པ་ ཙིང་ཊའོ་ཆང་བཟོ་ཁང་ཡོདཔ་ཨིན། &lt;ref name=&quot;:1&quot; /&gt;ས་ཁོངས་ནང་འགྲོ་འགྲུལ་གྱི་དོན་ལུ་ གནམ་གྲུ་དང་གྲུ་ རེལ་ལི་དང་བཱསི་དང་སྣུམ་འཁོར་གྱི་ཞབས་ཏོག་ཚུ་འཐོབ་ཚུགས་ནི་ཨིན་པས། ཆིང་དོཝ་ལུ་ཇན་ཀི་བོ་གི་ཀཝ་སྦོམ་ཡོདཔ་ཨིན། ཀཝ་དེ་ཡོད་པའི་སྒྲིང་ཁྱིམ་ནང་ ཆུར་གནས་སྲོག་ཆགས་ཁང་དང་དངོས་པོ་མ་འདྲཝ་ཚུ་བཙོང་སའི་ཁང་མིག་ཚུ་ཡོདཔ་ཨིན། དེ་ལས་ ལྷངམ་རྐྱབ་མི་དང་རྒྱན་རྩེདཔ་ཚུ་ཡང་དེ་ཁར་འོང་དོ་ཡོདཔ་ཨིན། དེ་བཟུམ་སྦེ་ ཁྲོམ་ཚོགས་ནང་ ཡེ་ཤུའི་ཀེ་ཐོ་ལིག་དང་པོརོ་ཊེསི་ཊེནཊ་གི་ལྷ་ཁང་ཡང་ཡོདཔ་ཨིན། དེ་བཟུམ་སྦེ་ནང་པ་ཊ་ཝི་ཟམ་གི་ལྷ་ཁང་ཡང་ཡོདཔ་ཨིན། ཁྲོམ་ཚོགས་ནང་ རང་བཞིན་གནས་སྟངས་དགའ་བའི་ཁར་ གངས་རི་དང་མཚོ་ཚུ་ཡོདཔ་མ་ཚད་ གླིང་ག་དང་སྐྱེད་ཚལ་སྡུམ་ར་ཚུ་མཛེས་ཏོག་ཏོ་སྦེ་ཡོདཔ་ཨིན། མཚོ་ལེ་ཤ་ཡོདཔ་ལས་ མཚོ་འགྲམ་དགའ་ཏོག་ཏོ་ཚུ་ནང་རྩེདམོ་རྩེ་བར་དང་ཉིམ་གསོ་བར་འགྱོ་ནིའི་གོ་སྐབས་ཡང་འདུག། དེ་ལས་གནད་དོན་མ་འདྲཝ་ཐོག་གི་འགྲེམས་སྟོན་ཁང་ མ་འདྲཝ་ཚུ་ཡང་མིག་གིས་ལྟདམོ་ཅིག་སྦེ་ཡོདཔ་ཨིན། དེ་བཞིན་དུ་ ཁྲོམ་ཚོགས་ནང་ གྲུ་རྩེདམོ་རྩེ་ས་དང་གཏང་ས་ཚུ་ཡོདཔ་མ་ཚད་ ཐོག་རིངམོ་ལས་ཁྲོམ་བལྟ་སའི་གཞི་བཀོད་ཡོད་མི་དེ་གི་ནང་འཁོད་ལུ་ཟ་འཐུང་ཚུ་འཐོབ་སར་ཡོདཔ་ཨིན། ཁྲོམ་ཁར་རང་སོའི་མཁོ་འདོད་ལྟར་དུ་ ཟ་འཐུང་ལས་འགོ་བཙུགས་ དོརམ་ཁེན་ཇ་ ལྷམ་ཨོམ་སོ་ ཐབ་ཆས་ ཁྱིམ་ཆས་ ནང་ཆོས་ གློག་ཆས་ ཉེ་བར་མཁོ་བའི་ཉིན་བསྟར་ལག་ལེན་འཐབ་པའི་དངོས་པོ་ཚུ་ཡང་འཐོབ་ཚུགས་ནི་ཨིན་པས། རང་སོའི་འདོད་པ་འཇོམས་ནིའི་དོན་ལུ་ ཟ་ཁང་དང་སྤྲོ་ཁང་ཚུ་ཡང་ལག་ལེན་འཐབ་ནིའི་དོན་ལུ་ཡོདཔ་ཨིན།

ཆིང་དོཝ་འདི་ མཚོ་མཐའི་ཁྲོམ་ཅིག་འབདཝ་ལས་ མཚོ་ནང་གི་འབུཔ་སེམས་ཅན་ཚུ་ཡང་བཞེས་སྒོ་སྦེ་འཐོབ་དོ་ཡོདཔ་ཨིན། དེ་ལས་ཆུའི་གཤམ་ལུ་སོང་སྟེ་སྲོག་ཆགས་ཚུ་མཐོང་ས་ཡང་ཡོདཔ་ཨིན། སྤྱི་ལོ་ ༢༠༠༨ ལུ་བཟོ་སྐྲུན་འབད་བའི་ ཆིང་དོཝ་ཨོ་ལིམ་པིག་གི་གྲུ་གཏང་ས་ཡང་དེ་ཁར་ཡོདཔ་ཨིན། &lt;ref name=&quot;:2&quot;&gt;ད་གའེ། (ལོ་མེད) ཆིང་དོཝ་ལུ་འབད་དགོ་པའི་དྲག་ཤོས་ ༢༥། &lt;nowiki&gt;https://thegoguy.com/best-things-to-do-in-qingdao-china/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ལྟ་བཤལ་པ་ཚུ་སྡོད་ནིའི་མཐུན་རྐྱེན་ཕུན་སུམ་ཚོགས་པའི་ ཟ་ཁང་དང་སྐྱིད་གནས་ཁང་ཚུ་ཡང་ལེ་ཤ་ར་ཡོདཔ་ཨིན། ས་ཁོངས་ནང་ ལམ་སྲོལ་གྱི་གཞི་བཀོད་ཡོད་པའི་ཁར་ དེང་སང་གི་བཟོ་བཀོད་ཡོང་མཐོང་ཚུགས་ནི་ཨིན་པས། ཆིང་དོཝ་ལུ་རླུང་ཆར་གིས་དབང་བའི་ གནམ་གཤིས་ཚད་དང་ལྡནམ་སྦེ་ཡོདཔ་དང་ དུས་བཞི་གསལ་རི་རི་སྦེ་ཡོདཔ་ཨིན། ས་གནས་ཚུ་ནང་ རེ་ཚེ་དྲོད་དང་རློན་གཤེར་ལྡན་པའི་ཁར་ རེ་ཅིག་སྐབས་ བསིལ་དྲོད་ལྡན་ཏེ་སྐམ་ཀྲག་ཀྲ་སྦེ་ཡང་སྡོདཔ་ཨིན་པས། &lt;ref name=&quot;:2&quot; /&gt; </text>
      <sha1>qteoxi25uswhrxrb361wtq75okae6vp</sha1>
    </revision>
    <revision>
      <id>39670</id>
      <parentid>39656</parentid>
      <timestamp>2026-04-24T04:28:55Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39670</origin>
      <model>wikitext</model>
      <format>text/x-wiki</format>
      <text bytes="11466" sha1="j2yb1360v2v2v3h7b29arbcjja8txd5" xml:space="preserve">[[File:St Michaels Cathedral West Front.png|thumb|364x364px|ཆིང་དོཝ་ལུ་ཡོད་པའི་ཡི་ཤུ་པའི་ལྷ་ཁང་།]]
༉ ཆིང་དོཝ་འདི་རྒྱ་ནག་གི་མངའ་སྡེ་ཤང་ཌོང་གི་ཁྲོམ་ཚོགས་ཅིག་ཨིན། ཁྲོམ་ཚོགས་ཀྱི་མིང་གཞན་ལུ་ ཙིང་ཊ་བོ་ཟེར་ཡང་སླབ་སྲོལ་ཡོདཔ་དང་ ཁྲོམ་ཚོགས་འདི་ཤང་ཌང་གི་ཤར་ཁ་ཐུག་གི་ཆུའི་མཐའ་མར་ཆགས་ཡོདཔ་དང་ མངའ་སྡེ་ནང་ ཁག་ཆེ་བའི་གྲུ་ཆགས་ས་ཅིག་ཨིན་པས། ཁྲོམ་ཚོགས་དེ་ ཤང་ཌོང་གི་ཕྱོགས་གསུམ་ཆུ་གླིང་གི་ལྷོ་ཁ་ཐུག་གི་ཆུ་འགྲམ་ལུ་ ཇི་ཡ་ཇུ་མཚོ་ཁུག་འགོ་བཙུགས་སར་ཆགས་ཏེ་ཡོདཔ་ཨིན། མཚོ་ཁུག་འདི་གནམ་དགུན་གནམ་མེད་ས་མེད་ཤུགས་སྦེ་བསིལ་ལང་པའི་སྐབས་ འཁྱེག་ལུ་ཆགས་དོ་ཡོད་རུང་ གྲུ་སྦོམ་ཚུ་གི་དོན་ལུ་ས་གོ་འདི་ ལག་ལེན་འཐབ་སྟེ་ར་ལུས་དོ་ཡོདཔ་ཨིན། ཁྲོམ་ཚོགས་ཀྱི་སའི་རྒྱ་ཁྱོན་ཡང་གྲུ་བཞི་ཀི་ལོ་མི་ཊར་ ༡༡,༢༨༢ ཡོདཔ་ཨིན།&lt;ref name=&quot;:0&quot;&gt;ཊ་ཝཱ་གའེཌ་ཅཱའེ་ན། (ལོ་མེད།) ཀིང་དཝ་འགྲོ་འགྲུལ་ལམ་སྟོན། &lt;nowiki&gt;https://www.travelchinaguide.com/cityguides/shandong/qingdao/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ས་ཁོངས་འདི་ཧེ་མ་སྤྱི་ལོ་ ༡༨༩༨ ལས་ ༡༩༡༤ ཚུན་ཚོད་ ཇཱར་མ་ནི་རྒྱལ་ཁབ་ཀྱི་མངའ་འོག་ཁྱབ་ཁོངས་ཅིག་སྦེ་སྡོད་ཡོདཔ་ཨིན།&lt;ref name=&quot;:1&quot;&gt;ཝི་ཀི་པི་ཌི་ཡ། (༢༠༢༣) ཆིང་དོཝ། &lt;nowiki&gt;https://simple.wikipedia.org/wiki/Qingdao&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཁྲོམ་ཚོགས་འདི་རྒྱ་མི་ལ་ལུ་ཅིག་གིས་དོན་ལུ་ ཧིང་སང་ས་དང་ མཛེས་ཏོག་ཏོ་ཡོད་པའི་ཁྲོམ་ཚོགས་ཅིག་སྦེ་ཆ་བཞགཔ་ཨིན་པས། ཆིང་དོཝ་ཟེར་བའི་དོན་དག་དེ་ཡང་ མཚོ་གླིང་ཧོནམོ་ཡང་ཅིན་ལྕང་ཁ་ཟེར་བའི་དོན་ཨིན་པས། ཁྲོམ་འདི་ སྤྱི་ལོ་ ༢༠༡༢ ལུ་ རྒྱ་ནག་རྒྱལ་ཁབ་ནང་སྡོད་དགོ་མནོ་སི་སི་གི་ཁྲོམ་ཚོགས་ཀྱི་གྲས་ལས་ཅིག་ཨིནམ་སྦེ་ངོས་འཛིན་བྱུང་ཡོདཔ་ཨིན། ཁྲོམ་དེ་གི་མངའ་འོག་ལུ་ རྫོང་ཁག་བདུན་དང་ཚོ་ཁག་གི་གནས་ཚད་གྱི་ཁྲོམ་ཚོགས་གསུམ་ཡོདཔ་ཨིན། &lt;ref&gt;ཝི་ཀི་པི་ཌི་ཡ། (༢༠༢༥) &lt;nowiki&gt;https://en.wikipedia.org/wiki/Qingdao&lt;/nowiki&gt; ཆིང་དོཝ།  ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་འདི་ལྟ་བཤལ་པ་ཚུ་གིས་ འགྲོ་འགྲུལ་འབད་སའི་ས་ཁོངས་ཅིག་ལུ་གྱུར་ཡོདཔ་མ་ཚད་ དཔལ་འབྱོར་གྱི་གཞུང་ཅིག་ཡང་ཨིནམ་ལས་ མ་རྩ་གཞི་བཙུགས་འབད་མིའི་ཚོང་སྡེ་ལེ་ཤ་ར་ཡོདཔ་ཨིན། ས་གནས་དེ་ཧེ་མ་ཉ་གཟུང་སའི་གཡུས་ཚན་ཆུང་ཀུ་ཅིག་སྦེ་སྡོད་ས་ལས་ རིམ་པ་བཞིན་དུ་ གོང་འཕེལ་ཐལ་ཏེ་ ད་རེས་ཁྲོམ་ཚོགས་སྦོམ་ཤོས་ཅིག་ལུ་གྱུར་ཡོདཔ་ཨིན། རྒྱལ་ཁབ་འདི་ཧེ་མ་ཇཱར་མ་ནི་གིས་དབངམ་ལས་ ཡུ་རོབ་ཀྱི་བཟོ་བཀོད་ཚུ་ཡང་མཐོང་སར་ཡོདཔ་ཨིན།&lt;ref name=&quot;:0&quot; /&gt;

ཁྲོམ་དེ་ནང་ རྒྱལ་ཁབ་ཀྱི་ཆང་བཟོ་ཁང་ ཨང་གཉིས་པ་ ཙིང་ཊའོ་ཆང་བཟོ་ཁང་ཡོདཔ་ཨིན། &lt;ref name=&quot;:1&quot; /&gt;ས་ཁོངས་ནང་འགྲོ་འགྲུལ་གྱི་དོན་ལུ་ གནམ་གྲུ་དང་གྲུ་ རེལ་ལི་དང་བཱསི་དང་སྣུམ་འཁོར་གྱི་ཞབས་ཏོག་ཚུ་འཐོབ་ཚུགས་ནི་ཨིན་པས། ཆིང་དོཝ་ལུ་ཇན་ཀི་བོ་གི་ཀཝ་སྦོམ་ཡོདཔ་ཨིན། ཀཝ་དེ་ཡོད་པའི་སྒྲིང་ཁྱིམ་ནང་ ཆུར་གནས་སྲོག་ཆགས་ཁང་དང་དངོས་པོ་མ་འདྲཝ་ཚུ་བཙོང་སའི་ཁང་མིག་ཚུ་ཡོདཔ་ཨིན། དེ་ལས་ ལྷངམ་རྐྱབ་མི་དང་རྒྱན་རྩེདཔ་ཚུ་ཡང་དེ་ཁར་འོང་དོ་ཡོདཔ་ཨིན། དེ་བཟུམ་སྦེ་ ཁྲོམ་ཚོགས་ནང་ ཡེ་ཤུའི་ཀེ་ཐོ་ལིག་དང་པོརོ་ཊེསི་ཊེནཊ་གི་ལྷ་ཁང་ཡང་ཡོདཔ་ཨིན། དེ་བཟུམ་སྦེ་ནང་པ་ཊ་ཝི་ཟམ་གི་ལྷ་ཁང་ཡང་ཡོདཔ་ཨིན། ཁྲོམ་ཚོགས་ནང་ རང་བཞིན་གནས་སྟངས་དགའ་བའི་ཁར་ གངས་རི་དང་མཚོ་ཚུ་ཡོདཔ་མ་ཚད་ གླིང་ག་དང་སྐྱེད་ཚལ་སྡུམ་ར་ཚུ་མཛེས་ཏོག་ཏོ་སྦེ་ཡོདཔ་ཨིན། མཚོ་ལེ་ཤ་ཡོདཔ་ལས་ མཚོ་འགྲམ་དགའ་ཏོག་ཏོ་ཚུ་ནང་རྩེདམོ་རྩེ་བར་དང་ཉིམ་གསོ་བར་འགྱོ་ནིའི་གོ་སྐབས་ཡང་འདུག། དེ་ལས་གནད་དོན་མ་འདྲཝ་ཐོག་གི་འགྲེམས་སྟོན་ཁང་ མ་འདྲཝ་ཚུ་ཡང་མིག་གིས་ལྟདམོ་ཅིག་སྦེ་ཡོདཔ་ཨིན། དེ་བཞིན་དུ་ ཁྲོམ་ཚོགས་ནང་ གྲུ་རྩེདམོ་རྩེ་ས་དང་གཏང་ས་ཚུ་ཡོདཔ་མ་ཚད་ ཐོག་རིངམོ་ལས་ཁྲོམ་བལྟ་སའི་གཞི་བཀོད་ཡོད་མི་དེ་གི་ནང་འཁོད་ལུ་ཟ་འཐུང་ཚུ་འཐོབ་སར་ཡོདཔ་ཨིན། ཁྲོམ་ཁར་རང་སོའི་མཁོ་འདོད་ལྟར་དུ་ ཟ་འཐུང་ལས་འགོ་བཙུགས་ དོརམ་ཁེན་ཇ་ ལྷམ་ཨོམ་སོ་ ཐབ་ཆས་ ཁྱིམ་ཆས་ ནང་ཆོས་ གློག་ཆས་ ཉེ་བར་མཁོ་བའི་ཉིན་བསྟར་ལག་ལེན་འཐབ་པའི་དངོས་པོ་ཚུ་ཡང་འཐོབ་ཚུགས་ནི་ཨིན་པས། རང་སོའི་འདོད་པ་འཇོམས་ནིའི་དོན་ལུ་ ཟ་ཁང་དང་སྤྲོ་ཁང་ཚུ་ཡང་ལག་ལེན་འཐབ་ནིའི་དོན་ལུ་ཡོདཔ་ཨིན།

ཆིང་དོཝ་འདི་ མཚོ་མཐའི་ཁྲོམ་ཅིག་འབདཝ་ལས་ མཚོ་ནང་གི་འབུཔ་སེམས་ཅན་ཚུ་ཡང་བཞེས་སྒོ་སྦེ་འཐོབ་དོ་ཡོདཔ་ཨིན། དེ་ལས་ཆུའི་གཤམ་ལུ་སོང་སྟེ་སྲོག་ཆགས་ཚུ་མཐོང་ས་ཡང་ཡོདཔ་ཨིན། སྤྱི་ལོ་ ༢༠༠༨ ལུ་བཟོ་སྐྲུན་འབད་བའི་ ཆིང་དོཝ་ཨོ་ལིམ་པིག་གི་གྲུ་གཏང་ས་ཡང་དེ་ཁར་ཡོདཔ་ཨིན། &lt;ref name=&quot;:2&quot;&gt;ད་གའེ། (ལོ་མེད) ཆིང་དོཝ་ལུ་འབད་དགོ་པའི་དྲག་ཤོས་ ༢༥། &lt;nowiki&gt;https://thegoguy.com/best-things-to-do-in-qingdao-china/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ལྟ་བཤལ་པ་ཚུ་སྡོད་ནིའི་མཐུན་རྐྱེན་ཕུན་སུམ་ཚོགས་པའི་ ཟ་ཁང་དང་སྐྱིད་གནས་ཁང་ཚུ་ཡང་ལེ་ཤ་ར་ཡོདཔ་ཨིན། ས་ཁོངས་ནང་ ལམ་སྲོལ་གྱི་གཞི་བཀོད་ཡོད་པའི་ཁར་ དེང་སང་གི་བཟོ་བཀོད་ཡོང་མཐོང་ཚུགས་ནི་ཨིན་པས། ཆིང་དོཝ་ལུ་རླུང་ཆར་གིས་དབང་བའི་ གནམ་གཤིས་ཚད་དང་ལྡནམ་སྦེ་ཡོདཔ་དང་ དུས་བཞི་གསལ་རི་རི་སྦེ་ཡོདཔ་ཨིན། ས་གནས་ཚུ་ནང་ རེ་ཚེ་དྲོད་དང་རློན་གཤེར་ལྡན་པའི་ཁར་ རེ་ཅིག་སྐབས་ བསིལ་དྲོད་ལྡན་ཏེ་སྐམ་ཀྲག་ཀྲ་སྦེ་ཡང་སྡོདཔ་ཨིན་པས། &lt;ref name=&quot;:2&quot; /&gt; 

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>j2yb1360v2v2v3h7b29arbcjja8txd5</sha1>
    </revision>
  </page>
  <page>
    <title>ཤ་ཨ་ལམ། མ་ལེ་ཤི་ཡ། Sha alam, Malaysia</title>
    <ns>0</ns>
    <id>9031</id>
    <revision>
      <id>39657</id>
      <timestamp>2026-04-24T04:05:03Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>Sha alam, Malaysia</comment>
      <origin>39657</origin>
      <model>wikitext</model>
      <format>text/x-wiki</format>
      <text bytes="9668" sha1="44m7tjbi2h3y4hved69osjf4243kfo0" xml:space="preserve">[[File:Shah Alam City Council.JPG|thumb|323x323px|ཤ་ཨ་ལམ་གྱི་གྲོམ་སྡེ་ཡིག་ཚང་།]]
༉ ཤ་ཨ་ལམ་འདི་མ་ལེ་ཤི་ཡ་གི་མངའ་སྡེ་སེ་ལེང་གོར་གྱི་མངའ་སྡེའི་ལྟེ་བ་ཅིག་ཨིན། ཤ་ཨ་ལམ་འདི་ པེ་ཏ་ལིང་གི་རྫོང་ཁག་ནང་ཁྱབ་ཆེཝ་སྦེ་ཆགས་ཏེ་ཡོདཔ་དང་ ཁྱབ་ཆུང་སུ་ཅིག་ ཀལང་རྫོང་ནང་ལུ་སྦེ་ཡང་ཆགས་ཏེ་ཡོདཔ་ཨིན། སྤྱི་ལོ་ ༡༩༥༧ ལུ་བིརི་ཊིཤ་ལས་རང་དབང་ཐོབ་ཞིནམ་ལས་ཚུར་ ཤ་ཨ་ལམ་འདི་མ་ལེ་ཤི་ཡ་གིས་ འཆར་གཞི་བརྩམས་ཏེ་གྲུབ་པའི་་འགོ་ཐོག་གི་ཚུལ་མཐུན་གྱི་ཁྲོམ་ཅིག་ཨིན། &lt;ref name=&quot;:0&quot;&gt;ཇེཕ། (༢༠༢༢) ཤ་ཨ་ལམ་ལུ་འབད་དགོཔ་ ༡༤། &lt;nowiki&gt;https://travelmagma.com/things-to-do-in-shah-alam/&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;ཤ་ཨ་ལམ་འདི་ སྤྱི་ལོ་ ༡༩༦༣ ལུ་ སེ་ལེང་གོར་གྱི་བདག་སྐྱོང་གི་ས་གོ་ལྟེ་བ་གསརཔ་སྦེ་འགོ་བཙུགས་ཡོདཔ་ཨིན།  སྤྱི་ལོ་ ༡༩༧༤ ལུ་ཀོོ་ལ་ལམ་པུར་འདི་དབུས་གཞུང་གི་ས་ཁོངས་ཅིག་སྦེ་གྱུར་ཞིནམ་ལས་ཚུར་ ཤ་ཨ་ལམ་གྱི་ཁྲོམ་ཚོགས་འདི་ སྤྱི་ལོ་ ༡༩༧༨ སྤྱི་ཟལ་ ༡༢ པའི་ཚེས་ ༧ ལུ་ཤ་ཨ་ལམ་གྱི་ཁ་ཆེའི་དབུ་ཁྲིད་ཀྱི་གནང་བ་དང་འཁྲིལ་ཏེ་ སེ་ལེང་གོར་གྱི་ལྟེ་བ་སྦེ་ཆ་འཇོག་གྲུབ་གནང་ནུག། ཁྲོམ་དེ་གི་འགོ་ཐོག་གི་སའི་རྒྱ་ཁྱོན་འདི་ ཀི་ལོ་མི་ཊར་གྲུ་བཞི་ ༤༡.༦༨ ཨིནམ་དང་ དེ་ཡང་ཁྲོམ་སྡེའི་ཚོགས་སྡེ་གིས་སྐྱོང་གནང་ཡོདཔ་ཨིན། ཤ་ཨམ་འདི་ ཁྲོམ་ཚོགས་སྦེ་ སྤྱི་ལོ་ ༢༠༡༠ སྤྱི་ཟླ་ ༡༠ པའི་ཚེས་ ༡༠ ལུ་ ཁྲོམ་དཔོན་ ད་ཏོ་ཧ་ཇི་ཨ་བུ་སུ་ཇག་ཧ་ཇི་མ་ཧུད་གིས་ ཆ་འཇོག་གནང་ཡོདཔ་ཨིན། &lt;ref name=&quot;:1&quot;&gt;པི་ཀི་པི་ཌི་ཡ།  (༢༠༢༢) ཤ་ཨ་ལམ།  &lt;nowiki&gt;https://en.wikipedia.org/wiki/Shah_Alam&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;

ལུང་པ་འདི་ ལོ་ངོ་བཅུ་ཕྲག་གི་རིང་ ཏ་ལའི་ཤིང་གི་མར་ཁུ་དང་ འགྱིབ་ཤིང་འཐོན་སའི་ཡུལ་ཅིག་སྦེ་ཡོདཔ་ཨིན། ས་གནས་ཀྱི་མིང་ལུ་ཤ་ཨ་ལམ་ཟེར་བཏགས་དགོ་མི་འདི་ དེ་བསྒང་སེ་ལེང་གོར་དབུ་ཁྲིད་ ཁེ་ཆེའི་ས་གནས་ཀྱི་དབུ་ཁྲིད་ ས་ལ་ཧུ་ཌི་ཨབ་དཱུལ་ཨ་ཟིཟ་ཤ་གིས་ ཁོ་རའི་ཡབ་བཤགས་མི་ ཁ་ཆེའི་དབུ་ཁྲིད་ཨ་ལམ་ཤ་ལུ་ གུས་བཏུད་ཀྱི་ཚུལ་སྦེ་ ཁོ་གི་མཚན་ལས་ལྟ་འདྲངས་ཏེ་བཏགས་ཡོདཔ་ཨིན། ཁྲོམ་འདི་ ཀོོ་ལ་ལམ་པུར་ལས་ཀི་ལོ་མི་ཊར་ ༢༥ གི་ས་ཁར་ཆགས་ཏེ་ཡོདཔ་ཨིནམ་དང་ འགྲོ་འགྲུལ་འབད་ཅིན་ སྐར་མ་ ༢༠ དེ་ཅིག་ནང་ལྷོད་ཚུགས་དོ་ཡོདཔ་ཨིན།  &lt;ref name=&quot;:0&quot; /&gt;

སེ་ལེང་གོར་གྱི་སྦུག་ལུ་ར་ཡོད་པའི་ཤ་ཨམ་འདི་ ཧ་ལས་སི་སི་དང་དགའ་ཉམས་ཆེ་བའི་ཁྲོམ་ཅིག་ཨིན། ལུང་པའི་ནང་ དེང་སང་དང་དང་ཕུའི་ལམ་སྲོལ་ཚུ་སླ་བསྲེ་རྐྱབ་པའི་ཚོར་བ་དང་ཉམས་མྱོང་ཚུ་སྐོར་སོར་ཡི་ར་ལེན་ཚུགས་ནི་ཨིན་པས། ཁྲོམ་ནང་ ཧ་ལས་སི་སི་གི་གཞི་བཀོད་མ་འདྲཝ་རྣམ་པ་སྣ་ཚོགས་སྦེ་མཐོང་ནི་ཡོདཔ་ཨིན། གཞི་བཀོད་ཡ་མཚན་ཆེ་ཏོག་ཏོ་ཅིག་འདི་ ཁེ་ཆེའི་དབུ་ཁྲིད་ སུ་ལ་ཧུ་ཌིན་ཨབ་དཱུལ་ཨ་ཟིཟ་གི་ཁ་ཆེའི་ལྷ་ཁང་འདི་ཨིན། དེ་བཟུམ་སྦེ་ མ་ལེ་ཤི་ཡ་གི་སའི་ཆགས་ལུགས་མ་འདྲཝ་མ་འདྲཝ་ཚུ་ལྟ་ཚུགས་པའི་ཁར་ ཆགས་ཐངས་མ་འདྲཝ་ལས་བཟོ་སྐྲུན་འབད་བའི་ སེམས་གཡེང་སའི་གཞི་མ་འདྲཝ་ཚུ་ཚུ་མཐོང་ཚུགས་ནི་ཨིན་པས། མཚོ་ཡོད་པའི་ལྡུམ་ར་ དང་ ཆུ་རྩེད་རྩེ་སའི་ས་ཁོངས་ པར་རིས་འགྲོམས་སྟོན་ཁང་ ཚོང་དང་ཅ་ཆས་ཀྱི་མཛོད་ཁང་རྣམ་པ་ས་སྣ་ཚོགས་ ཁ་བའི་རྩེདམོ་རྩེ་སའི་ས་ཁོངས་ ཟ་འཐུང་ཡོད་པའི་ཟ་ཁང་ ཚོན་ཁྲ་སྣ་ཚོགས་སྟོན་པའི་འཕྲུལ་རིག་གི་པར་སྟོན་སའི་ས་ཁོངས་ མཐའ་རྫིང་ རྒྱལ་ཡོངས་སྐྱེ་ལྡན་སྐྱེད་ཚལ་ ཁ་ཆེའི་དབུ་ཁྲིད་སཱུལ་ཏཱན་ཨ་ལམ་ཤ་གི་ལྷ་ཁང་ ཤ་ཨ་ལམ་གྱི་རྩེད་ར་ ནུབ་བོའི་ཚོང་ལམ་ སྤྲོང་སང་དང་ སེམས་ཅན་གུར་བཞོན་ནི་ལ་སོགས་པའི་མཐུན་རྐྱེན་ཚུ་ ཚང་སྟེ་ཡོདཔ་ཨིན།&lt;ref&gt;ཝཱན་ཌར་ལོག། (ལོ་མེད།) ཤ་ལམ་གྱི་འབད་དགོཔ་དང་ཡིད་འཕྲོག་པའི་ཡུལ་ ༤༣། &lt;nowiki&gt;https://wanderlog.com/list/geoCategory/1586748/top-things-to-do-and-attractions-in-shah-alam&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;

མ་ལེ་ཤི་ཡ་གི་ཕྱོགས་གསུམ་ཆུ་གླིང་གི་ཁྲོམ་ཚོགས་གཞན་མི་ཚུ་བཟུམ་སྦེ་ར་ ཤ་ཨ་ལམ་ལུ་ཡང་ ཚ་དྲོད་ལྡན་པའི་ཆརཔ་ཡོད་པའི་གནམ་གཤིས་ཚོར་དོ་ཡོདཔ་ཨིན། དྲོད་ཤུགས་ཀྱི་ཐད་ཁར་ ཡུདཔ་ཅིག་ལོ་གཅིག་ར་ ཅོག་འཐདཔ་འཚམས་སྦེ་ར་སྡོད་དོ་ཡོདཔ་དང་ དྲོག་ཤུགས་ཀྱི་སྤྱིར་སྙམས་ཀྱི་ཚད་གཞི་འདི་ མཐོ་ཤོས་ཌིག་རི་སེལ་སིཡསི་ ༣༡.༩ དང་དམའ་ཤོས་ ༢༣.༢  ཨིན་པས། ཁྲོམ་ཚོགས་འདི་གི་དྲོད་དྲོ་ཤོས་ར་ སྤྱི་ཟླ་ ༣ པའི་ནང་ཨིནམ་དང་ ཆརཔ་མང་ཤོས་དང་ཤུགས་སྦེ་རྐྱབ་པའི་དུས་ཚོད་འདི་ སྤྱི་ཟླ་ ༡༡ པའི་ནང་ཕོགཔ་དགོ་མི་དེ་ཡང་ བྱང་ཤར་གྱི་རླུང་ཆར་འདི་སྤྱི་ཟླ་ ༡༠ ལས་ ༣ པའི་ནང་འཁོད་ལུ་འོང་མི་དང་འབྲེལ་ཏེ་ཨིན་པས། ལུང་པ་དེ་ནང་ རློན་གཤེར་འདི་ ཀྲིག་ཀྲི་ཅིག་ཡོདཔ་ཨིན་མས།&lt;ref name=&quot;:1&quot; /&gt;

'''རྒྱབ་ཁུངས་དཔེ་དེབ།'''</text>
      <sha1>44m7tjbi2h3y4hved69osjf4243kfo0</sha1>
    </revision>
    <revision>
      <id>39671</id>
      <parentid>39657</parentid>
      <timestamp>2026-04-24T04:29:53Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39671</origin>
      <model>wikitext</model>
      <format>text/x-wiki</format>
      <text bytes="9985" sha1="5lph637tmycvio5b22x0v9vfg9aokd1" xml:space="preserve">[[File:Shah Alam City Council.JPG|thumb|323x323px|ཤ་ཨ་ལམ་གྱི་གྲོམ་སྡེ་ཡིག་ཚང་།]]
༉ ཤ་ཨ་ལམ་འདི་མ་ལེ་ཤི་ཡ་གི་མངའ་སྡེ་སེ་ལེང་གོར་གྱི་མངའ་སྡེའི་ལྟེ་བ་ཅིག་ཨིན། ཤ་ཨ་ལམ་འདི་ པེ་ཏ་ལིང་གི་རྫོང་ཁག་ནང་ཁྱབ་ཆེཝ་སྦེ་ཆགས་ཏེ་ཡོདཔ་དང་ ཁྱབ་ཆུང་སུ་ཅིག་ ཀལང་རྫོང་ནང་ལུ་སྦེ་ཡང་ཆགས་ཏེ་ཡོདཔ་ཨིན། སྤྱི་ལོ་ ༡༩༥༧ ལུ་བིརི་ཊིཤ་ལས་རང་དབང་ཐོབ་ཞིནམ་ལས་ཚུར་ ཤ་ཨ་ལམ་འདི་མ་ལེ་ཤི་ཡ་གིས་ འཆར་གཞི་བརྩམས་ཏེ་གྲུབ་པའི་་འགོ་ཐོག་གི་ཚུལ་མཐུན་གྱི་ཁྲོམ་ཅིག་ཨིན། &lt;ref name=&quot;:0&quot;&gt;ཇེཕ། (༢༠༢༢) ཤ་ཨ་ལམ་ལུ་འབད་དགོཔ་ ༡༤། &lt;nowiki&gt;https://travelmagma.com/things-to-do-in-shah-alam/&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;ཤ་ཨ་ལམ་འདི་ སྤྱི་ལོ་ ༡༩༦༣ ལུ་ སེ་ལེང་གོར་གྱི་བདག་སྐྱོང་གི་ས་གོ་ལྟེ་བ་གསརཔ་སྦེ་འགོ་བཙུགས་ཡོདཔ་ཨིན།  སྤྱི་ལོ་ ༡༩༧༤ ལུ་ཀོོ་ལ་ལམ་པུར་འདི་དབུས་གཞུང་གི་ས་ཁོངས་ཅིག་སྦེ་གྱུར་ཞིནམ་ལས་ཚུར་ ཤ་ཨ་ལམ་གྱི་ཁྲོམ་ཚོགས་འདི་ སྤྱི་ལོ་ ༡༩༧༨ སྤྱི་ཟལ་ ༡༢ པའི་ཚེས་ ༧ ལུ་ཤ་ཨ་ལམ་གྱི་ཁ་ཆེའི་དབུ་ཁྲིད་ཀྱི་གནང་བ་དང་འཁྲིལ་ཏེ་ སེ་ལེང་གོར་གྱི་ལྟེ་བ་སྦེ་ཆ་འཇོག་གྲུབ་གནང་ནུག། ཁྲོམ་དེ་གི་འགོ་ཐོག་གི་སའི་རྒྱ་ཁྱོན་འདི་ ཀི་ལོ་མི་ཊར་གྲུ་བཞི་ ༤༡.༦༨ ཨིནམ་དང་ དེ་ཡང་ཁྲོམ་སྡེའི་ཚོགས་སྡེ་གིས་སྐྱོང་གནང་ཡོདཔ་ཨིན། ཤ་ཨམ་འདི་ ཁྲོམ་ཚོགས་སྦེ་ སྤྱི་ལོ་ ༢༠༡༠ སྤྱི་ཟླ་ ༡༠ པའི་ཚེས་ ༡༠ ལུ་ ཁྲོམ་དཔོན་ ད་ཏོ་ཧ་ཇི་ཨ་བུ་སུ་ཇག་ཧ་ཇི་མ་ཧུད་གིས་ ཆ་འཇོག་གནང་ཡོདཔ་ཨིན། &lt;ref name=&quot;:1&quot;&gt;པི་ཀི་པི་ཌི་ཡ།  (༢༠༢༢) ཤ་ཨ་ལམ།  &lt;nowiki&gt;https://en.wikipedia.org/wiki/Shah_Alam&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;

ལུང་པ་འདི་ ལོ་ངོ་བཅུ་ཕྲག་གི་རིང་ ཏ་ལའི་ཤིང་གི་མར་ཁུ་དང་ འགྱིབ་ཤིང་འཐོན་སའི་ཡུལ་ཅིག་སྦེ་ཡོདཔ་ཨིན། ས་གནས་ཀྱི་མིང་ལུ་ཤ་ཨ་ལམ་ཟེར་བཏགས་དགོ་མི་འདི་ དེ་བསྒང་སེ་ལེང་གོར་དབུ་ཁྲིད་ ཁེ་ཆེའི་ས་གནས་ཀྱི་དབུ་ཁྲིད་ ས་ལ་ཧུ་ཌི་ཨབ་དཱུལ་ཨ་ཟིཟ་ཤ་གིས་ ཁོ་རའི་ཡབ་བཤགས་མི་ ཁ་ཆེའི་དབུ་ཁྲིད་ཨ་ལམ་ཤ་ལུ་ གུས་བཏུད་ཀྱི་ཚུལ་སྦེ་ ཁོ་གི་མཚན་ལས་ལྟ་འདྲངས་ཏེ་བཏགས་ཡོདཔ་ཨིན། ཁྲོམ་འདི་ ཀོོ་ལ་ལམ་པུར་ལས་ཀི་ལོ་མི་ཊར་ ༢༥ གི་ས་ཁར་ཆགས་ཏེ་ཡོདཔ་ཨིནམ་དང་ འགྲོ་འགྲུལ་འབད་ཅིན་ སྐར་མ་ ༢༠ དེ་ཅིག་ནང་ལྷོད་ཚུགས་དོ་ཡོདཔ་ཨིན།  &lt;ref name=&quot;:0&quot; /&gt;

སེ་ལེང་གོར་གྱི་སྦུག་ལུ་ར་ཡོད་པའི་ཤ་ཨམ་འདི་ ཧ་ལས་སི་སི་དང་དགའ་ཉམས་ཆེ་བའི་ཁྲོམ་ཅིག་ཨིན། ལུང་པའི་ནང་ དེང་སང་དང་དང་ཕུའི་ལམ་སྲོལ་ཚུ་སླ་བསྲེ་རྐྱབ་པའི་ཚོར་བ་དང་ཉམས་མྱོང་ཚུ་སྐོར་སོར་ཡི་ར་ལེན་ཚུགས་ནི་ཨིན་པས། ཁྲོམ་ནང་ ཧ་ལས་སི་སི་གི་གཞི་བཀོད་མ་འདྲཝ་རྣམ་པ་སྣ་ཚོགས་སྦེ་མཐོང་ནི་ཡོདཔ་ཨིན། གཞི་བཀོད་ཡ་མཚན་ཆེ་ཏོག་ཏོ་ཅིག་འདི་ ཁེ་ཆེའི་དབུ་ཁྲིད་ སུ་ལ་ཧུ་ཌིན་ཨབ་དཱུལ་ཨ་ཟིཟ་གི་ཁ་ཆེའི་ལྷ་ཁང་འདི་ཨིན། དེ་བཟུམ་སྦེ་ མ་ལེ་ཤི་ཡ་གི་སའི་ཆགས་ལུགས་མ་འདྲཝ་མ་འདྲཝ་ཚུ་ལྟ་ཚུགས་པའི་ཁར་ ཆགས་ཐངས་མ་འདྲཝ་ལས་བཟོ་སྐྲུན་འབད་བའི་ སེམས་གཡེང་སའི་གཞི་མ་འདྲཝ་ཚུ་ཚུ་མཐོང་ཚུགས་ནི་ཨིན་པས། མཚོ་ཡོད་པའི་ལྡུམ་ར་ དང་ ཆུ་རྩེད་རྩེ་སའི་ས་ཁོངས་ པར་རིས་འགྲོམས་སྟོན་ཁང་ ཚོང་དང་ཅ་ཆས་ཀྱི་མཛོད་ཁང་རྣམ་པ་ས་སྣ་ཚོགས་ ཁ་བའི་རྩེདམོ་རྩེ་སའི་ས་ཁོངས་ ཟ་འཐུང་ཡོད་པའི་ཟ་ཁང་ ཚོན་ཁྲ་སྣ་ཚོགས་སྟོན་པའི་འཕྲུལ་རིག་གི་པར་སྟོན་སའི་ས་ཁོངས་ མཐའ་རྫིང་ རྒྱལ་ཡོངས་སྐྱེ་ལྡན་སྐྱེད་ཚལ་ ཁ་ཆེའི་དབུ་ཁྲིད་སཱུལ་ཏཱན་ཨ་ལམ་ཤ་གི་ལྷ་ཁང་ ཤ་ཨ་ལམ་གྱི་རྩེད་ར་ ནུབ་བོའི་ཚོང་ལམ་ སྤྲོང་སང་དང་ སེམས་ཅན་གུར་བཞོན་ནི་ལ་སོགས་པའི་མཐུན་རྐྱེན་ཚུ་ ཚང་སྟེ་ཡོདཔ་ཨིན།&lt;ref&gt;ཝཱན་ཌར་ལོག། (ལོ་མེད།) ཤ་ལམ་གྱི་འབད་དགོཔ་དང་ཡིད་འཕྲོག་པའི་ཡུལ་ ༤༣། &lt;nowiki&gt;https://wanderlog.com/list/geoCategory/1586748/top-things-to-do-and-attractions-in-shah-alam&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;

མ་ལེ་ཤི་ཡ་གི་ཕྱོགས་གསུམ་ཆུ་གླིང་གི་ཁྲོམ་ཚོགས་གཞན་མི་ཚུ་བཟུམ་སྦེ་ར་ ཤ་ཨ་ལམ་ལུ་ཡང་ ཚ་དྲོད་ལྡན་པའི་ཆརཔ་ཡོད་པའི་གནམ་གཤིས་ཚོར་དོ་ཡོདཔ་ཨིན། དྲོད་ཤུགས་ཀྱི་ཐད་ཁར་ ཡུདཔ་ཅིག་ལོ་གཅིག་ར་ ཅོག་འཐདཔ་འཚམས་སྦེ་ར་སྡོད་དོ་ཡོདཔ་དང་ དྲོག་ཤུགས་ཀྱི་སྤྱིར་སྙམས་ཀྱི་ཚད་གཞི་འདི་ མཐོ་ཤོས་ཌིག་རི་སེལ་སིཡསི་ ༣༡.༩ དང་དམའ་ཤོས་ ༢༣.༢  ཨིན་པས། ཁྲོམ་ཚོགས་འདི་གི་དྲོད་དྲོ་ཤོས་ར་ སྤྱི་ཟླ་ ༣ པའི་ནང་ཨིནམ་དང་ ཆརཔ་མང་ཤོས་དང་ཤུགས་སྦེ་རྐྱབ་པའི་དུས་ཚོད་འདི་ སྤྱི་ཟླ་ ༡༡ པའི་ནང་ཕོགཔ་དགོ་མི་དེ་ཡང་ བྱང་ཤར་གྱི་རླུང་ཆར་འདི་སྤྱི་ཟླ་ ༡༠ ལས་ ༣ པའི་ནང་འཁོད་ལུ་འོང་མི་དང་འབྲེལ་ཏེ་ཨིན་པས། ལུང་པ་དེ་ནང་ རློན་གཤེར་འདི་ ཀྲིག་ཀྲི་ཅིག་ཡོདཔ་ཨིན་མས།&lt;ref name=&quot;:1&quot; /&gt;

'''༼རྩོམ་ཡིག་འདི་སྲོལ་འཛིན་དང་རྫོང་ཁ་གོང་འཕེལ་ལས་ཁུངས་ཀྱི་སྐད་ཡིག་ཞིབ་འཚོལ་དང་ལས་རིམ་སྡེ་ཚན་གྱི་ཞལ་འདེབས།༽'''

'''རྒྱབ་ཁུངས་དཔེ་དེབ།'''</text>
      <sha1>5lph637tmycvio5b22x0v9vfg9aokd1</sha1>
    </revision>
  </page>
  <page>
    <title>ཤང་ཧའེ། རྒྱ་ནག། Shanghai, China</title>
    <ns>0</ns>
    <id>9032</id>
    <revision>
      <id>39672</id>
      <timestamp>2026-04-24T04:41:23Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>Created page with &quot;༉ ཤང་ཧའེ་འདི་རྒྱ་ནག་གི་ཁྲོམ་སྦོམ་ཤོས་ཅིག་ཨིནམ་མ་ཚད་ འཛམ་གླིང་གི་ཁྲོམ་ཚོགས་སྦོམ་ཤོས་ཀྱི་གྲས་ཁར་ཡང་ཚུདཔ་ཨིན། ཤང་ཧའེ་འདི་སའི་རྒྱ་ཁྱོན་གྱི་ཐད་ལས་ རྒྱ་ནག་རྒྱལ་ཁབ་ཀྱི་...&quot;</comment>
      <origin>39672</origin>
      <model>wikitext</model>
      <format>text/x-wiki</format>
      <text bytes="7658" sha1="qyjma7workmspbg2bzjiixwra6bfyuj" xml:space="preserve">༉ ཤང་ཧའེ་འདི་རྒྱ་ནག་གི་ཁྲོམ་སྦོམ་ཤོས་ཅིག་ཨིནམ་མ་ཚད་ འཛམ་གླིང་གི་ཁྲོམ་ཚོགས་སྦོམ་ཤོས་ཀྱི་གྲས་ཁར་ཡང་ཚུདཔ་ཨིན། ཤང་ཧའེ་འདི་སའི་རྒྱ་ཁྱོན་གྱི་ཐད་ལས་ རྒྱ་ནག་རྒྱལ་ཁབ་ཀྱི་ཁྲོམ་སྦོམ་ཤོས་ཅིག་མེན་རུང་ མི་རློབས་ཀྱི་ཐད་ལས་སྦོམ་ཤོས་ཅིག་སྦེ་ཚུདཔ་ཨིན་པས། དེ་ཡང་ སྤྱི་ལོ་ ༢༠༡༧ ལུ་ ཤང་ཧའེ་ལུ་མི་རློབས་ ༢༤,༠༠༠,༠༠༠ ཡོདཔ་སྦེ་བཀོད་ནུག།&lt;ref name=&quot;:0&quot;&gt;པི་ཀི་པི་ཌི་ཡི། (༢༠༢༥) ཤང་ཧའེ། &lt;nowiki&gt;https://simple.wikipedia.org/wiki/Shanghai&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; དེ་བཟུམ་སྦེ་ སྤྱི་ལོ་ ༢༠༢༢ ལུ་མི་རློབས་ ས་ཡ་ ༢༤.༧༥ ཡོདཔ་སྦེ་བཀོད་ཡོདཔ་དང་ སྤྱི་ལོ་ ༢༠༢༣ ལུ་ཁྲོམ་དེ་གི་ཁྱིམ་ནང་སྡོད་མིའི་གྱངས་ཁ་འདི་ ས་ཡ་ ༢༤.༨༧༤༥ ཡོདཔ་སྦེ་བཀོད་དེ་འདུག། ཁྲོམ་འདི་བྷེ་ཇིང་དང་ ཏིཡ་ཇིན་ ཆོང་ཀིང་བཟུམ་སྦེ་དམིགས་བསལ་གྱི་ས་ཁོངས་ཅིག་ཨིན་པས། 

ཤང་ཧའེ་ཟེར་མི་གི་དོན་དག་ཡང་རྒྱ་མི་གི་ཁ་ནང་ལས་ མཚོའི་གུར་ཟེར་བའི་དོན་ཨིནམ་དང་ ཤང་ཧའེ་འདི་ རྒྱ་ནག་གྱི་ཤར་གྱི་མཚོ་གི་སྦོ་ལོགས་ཁར་ཆགས་ཏེ་ཡོདཔ་སྦེ་ཨིན། &lt;ref name=&quot;:0&quot; /&gt;ཁྲོམ་འདི་ ཀི་ལོ་མི་ཊར་གྲུ་བཞི་ ༦༡༠ ཡོདཔ་ཨིན། ཁྲོམ་འདི་གི་གྲུ་ཆགས་ས་འདི་འཛམ་གླིང་ནང་སྦོམ་ཤོས་ཅིག་ཨིན་པས། དེ་ཡང་ རྒྱ་ནག་གི་ཁྲོམ་ཚུ་ལས་ གྲུ་ཆགས་ས་ནུབ་ཕྱོགས་ཕྱི་རྒྱལ་ཁབ་ཚུ་ལུ་སྒོ་ཕྱེས་མིའི་གྲུ་བཞག་ས་འགོ་ཐོག་གི་ཅིག་ཨིནམ་དང་ མཐར་འཁྱོལ་ཅན་ཅིག་སྦེ་བྱུང་ཡོདཔ་ཨིན། ཁྲོམ་ཚོགས་འདི་ འཛམ་གླིང་གི་དངུལ་འབྲེལ་དང་ཚོང་འབྲེལ་ དཔལ་འབྱོར་ ཞིབ་འཚོལ་ ཚན་རིག་དང་འཕྲུལ་རིག་ བཟོ་སྐྲུན་ སྐྱེལ་འདྲེན་ ལྟ་བཤལ་དང་ལམ་སྲོལ་ཚུ་གི་ལྟེ་བ་ཅིག་ཨིན། འགོ་ཐོག་ཁྲོམ་འདི་ཉ་གཟུང་སའི་གཡུས་ཚན་དང་ ཚོང་འབྲེལ་འཐབ་ས་ཅིག་སེ་སྡོད་ཡོདཔ་དང་ དུས་རབས་ ༡༩ པའི་ནང་ལས་ ནང་འཁོད་དང་ཕྱི་རྒྱལ་གྱི་ཚོང་འབྲེལ་ལས་བརྟེན་ ཡར་རྒྱས་བཏགས་ཡོདཔ་ཨིན།

ཤང་ཧའེ་ལུ་ཡ་མཚན་ཆེ་བའི་གླིང་ག་མ་འདྲཝ་ཚུ་ཡོདཔ་མ་ཚད་ ཚོང་འབྲེལ་ལྟེ་བ་ ལམ་སྲོལ་དང་འབྲེལ་བའི་ས་ཁོངས་ ལྡུམ་ར་ འགྲོམས་སྟོན་ཁང་ ལྷ་ཁང་དང་ ཀ་རིང་ རང་བཞིན་གནས་སྟངས་ཚུ་ལེགས་ཤོམ་ཡོདཔ་ཨིན། ཁྲོམ་འདི་ནང་སྔར་སྲོལ་གྱི་ལམ་སྲོལ་དང་བཟོ་བཀོད་ཚུ་ཡོདཔ་མ་ཚད་ ཧེ་མ་ཕྱི་གླིངཔ་གི་འོག་ལུ་མངའ་འོག་རྒྱལ་ཁབ་སྦེ་ཚུད་དེ་ཡོདཔ་ལས་ ནུབ་ཕྱོགས་ཕྱི་རྒྱལ་གྱི་ལུགས་སྲོལ་ཐོག་ལུ་ཡོད་པའི་གཞི་བཀོད་དང་ལམ་ལུགས་ཚུ་ཡང་མཐོང་སར་ཡོདཔ་ཨིན་པས། འགྲོམས་སྟོན་ཁང་ཡོད་མི་ལས་ཧ་ལས་སི་སི་གི་ཁྱད་རྣམ་དང་ཅ་དངོས་ཚུ་མཐོང་ཚུགསཔ་ཨིན། ཁྲོམ་འདི་ཡར་རྒྱས་འགྱོ་ཚར་ཚརཝ་འབདཝ་ལས་ ལམ་འགྲུལ་འབད་ནིའི་དོན་ལུ་མཁའ་འགྲུལ་དང་རེལ་ལི་ ས་ཐོག་གི་སྣུམ་འཁོར་གྱི་ཞབས་ཏོག་ཚུ་ཡོདཔ་ཨིན། དེ་བཟུམ་སྦེ་ཚོང་ཉོ་བཙོང་འབད་སའི་ཁྲོམ་དང་ཚོང་ཁང་ཆུང་བ་ལས་སྦོམ་ཚུ་ཡོདཔ་མ་ཚད་ ཟ་འཐུང་གི་དོན་ལུ་ཟ་ཁང་ཆང་ཁང་ སྡོད་ནིའི་དོན་ལུ་བཞུགས་གནས་ཁང་ཚུ་ཡོདཔ་ཨིན། ཆུའི་མཐའ་མར་ཟམ་ཆུང་ཀུ་དང་ཕར་ཚུར་འགྱོ་ས་དང་བཤས་ས་ཡོད་པའི་ཆུའི་ཁྲོམ་དག་པ་ཅིག་ཡང་ཡོདཔ་ཨིན། 

ཤང་ཧའེ་ལུ་རློན་གཤེར་ལྡན་པའི་ཚ་དྲོད་རན་ཏོག་ཏོ་ཡོདཔ་མ་ཚད་ དུས་བཞི་ཡང་འབྱུང་དོ་ཡོདཔ་ཨིན། སྤྱི་ཟླ་ ༡ པ་འདི་ ཟླཝ་བསིལ་ཆེ་ཤོས་ཅིག་ཨིནམ་དང་ དྲོད་ཤུགས་ ཌི་རི་སེལ་སིཡསི་ ༣ ལུ་ལྷོད་དོ་ཡོདཔ་དང་ དྲོ་ཤོས་ར་སྤྱི་ཟླ་ ༧ པའི་ནང་ཨིན་མི་དེ་ཡང་ དྲོད་ཤུགས་ ཌིག་རི་སེལ་སིཡསི་ ༢༧ ལུ་ལྷོད་དོ་ཡོདཔ་ཨིན་པས། དེ་ལས་ ས་གནས་ཀྱི་ལོ་བསྟར་ཆརཔ་རྐྱབ་པའི་སྤྱིར་སྙོམས་ཚད་གཞི་ཡང་ མི་ལི་མི་ཊར་ ༡༡༠༠ ཨིནམ་དང་ དེའི་ནང་ལས་བརྒྱ་ཆ་ ༤༠ དེ་ཅིག་གནམ་བྱཱ་གི་ཆརཔ་འདི་ཨིན་པས།</text>
      <sha1>qyjma7workmspbg2bzjiixwra6bfyuj</sha1>
    </revision>
  </page>
  <page>
    <title>ཤེན་ཡང་། རྒྱ་ནག། Shenyang, China</title>
    <ns>0</ns>
    <id>9033</id>
    <revision>
      <id>39673</id>
      <timestamp>2026-04-24T05:36:17Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>Shenyang, China</comment>
      <origin>39673</origin>
      <model>wikitext</model>
      <format>text/x-wiki</format>
      <text bytes="8040" sha1="tncjeaitxdeav7hvhvslmpfottyegyz" xml:space="preserve">[[File:Shenyang-location-MAP-in-Liaoning-Province-China.jpg|thumb|276x276px|ཤེན་ཡང་གི་ས་ཁྲ།]]
ཤེན་ཡང་དང་རེ་ཚེ་མུག་དེན་ཟེར་མི་འདི་ རྒྱ་ནག་བྱང་ཤར་གི་ལ་ཡོ་ནིང་མངའ་སྡེའི་ལྟེ་བ་ཅིག་ཨིནམ་མ་ཚད་ ཁྲོམ་ཚོགས་སྦོམ་ཤོས་ཅིག་སྦེ་རྩིཝ་ཨིན་པས། ཤེན་ཡང་འདི་ འགོ་ཐོག་མཱན་ཅུ་གི་མི་ཚུ་གིས་རྒྱལ་ས་ལྟེ་བ་སྦེ་ལག་ལེན་འཐབ་སྟེ་སྡོད་ནུག། ད་རེས་རྒྱ་ནག་གི་བྱང་ཤར་ནང་ ཁྲོམ་ཚོགས་སྦོམ་ཤོས་ཅིག་སྦེ་གྱུར་ཡོདཔ་ཨིན། &lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༤) ཤེན་ཡང་། &lt;nowiki&gt;https://simple.wikipedia.org/wiki/Shenyang&lt;/nowiki&gt; ནང་ལས་འཐོབ་ཡོདཔ་ཨིན།&lt;/ref&gt;ཁྲོམ་ཚོགས་འདི་ བྱང་ཕྱོགས་རྒྱ་ནག་གི་ཁྲོམ་ཚོགས་ནང་ལས་མི་རློབས་སྦོམ་ཡོད་པའི་ཁྲོམ་ཅིག་ཨིན། ཁྲོམ་ཚོགས་ནང་སྔོན་དང་ཕུའི་ལམ་སྲོལ་དང་འབྲེལ་བའི་བྱུང་རབས་ཡོད་པའི་ཁར་ ད་རེས་རྒྱ་ནག་དེམ་ཅིག་ཐལ་མིའི་ དེང་སང་གི་ལོ་རྒྱུས་ཚུ་ཡང་ཡོདཔ་ཨིན། ཤེན་ཡང་འདི་ རང་བཞིན་གནས་སྟངས་ཉམས་སྲུང་ཁྲོམ་ཚོགས་ཀྱི་དཔེ་རིས་ཅིག་སྦེ་མིང་གཏམ་ཐོབ་ཡོདཔ་ཨིན། དེ་བཟུམ་སྦེ་ རྒྱལ་ཡོངས་ནགས་ཚལ་གྱི་ཁྲོམ་ཚོགས་སྦེ་ཡང་མིང་གཏམ་ཡོད་པའི་ཁར་ ལོ་ངོ་གཉིས་ཀྱི་རིང་ལུ་ རྒྱ་ནག་གི་ཁྲོམ་ཚོགས་བཅུ་ཐམ་གྱི་གྲས་ལས་ཅིག་ཨིན་པས། ཁྲོམ་ནང་སྤྱི་ལོ་ ༢༠༢༠ ལུ་ མི་རློབས་ ༩༠༧༠༠༩༣ ཡོདཔ་སྦེ་བཀོད་ནུག། &lt;ref name=&quot;:1&quot;&gt;ཝི་ཀི་པི་ཌི་ཡ། (༢༠༢༥) ཤེན་ཡང་། &lt;nowiki&gt;https://en.wikipedia.org/wiki/Shenyang&lt;/nowiki&gt; ནང་ལས་འཐོབ་ཡོདཔ་ཨིན།&lt;/ref&gt;

ཁྲོམ་ཚོགས་ཀྱི་མིང་དེ་སྦེ་བཞག་དགོ་མི་དེ་ཡང་ ཤེན་གཙང་ཆུའི་བྱང་ཁ་ཐུག་ལུ་ཆགས་ཡོད་པའི་ཁྲོམ་ཚོགས་ཟེར་བའི་དོན་ཨིན་པས། ཁྲོམ་གྱི་ལྷོ་ཁ་ཐུག་ལུ་ཡོད་པའི་ཧན་གཙང་ཆུ་ལུ་ ཧེ་མ་ཤེན་གཙང་ཆུ་ཟེར་སླབ་དོ་ཡོདཔ་ཨིན། ས་གནས་དེ་ཁར་ མི་ཚུ་གིས་ ཧེ་མ་སྡོད་ནུག་ཟེར་ཨིན་པས། &lt;ref name=&quot;:0&quot; /&gt;ཤེན་ཡང་གི་ས་ཁོངས་འདི་ ཇ་པཱན་དང་ རཱ་ཤི་ཡ་ ཀོ་རི་ཡ་དངག་གཅིག་ཁར་ཚོང་འབྲེལ་འཐབ་སའི་གཞུང་བཟུམ་ཅིག་ཨིནམ་དང་ ས་ཁོངས་འདི་སྐྱེལ་འདྲེན་གྱི་ལྟེ་བ་ཅིག་ཨིན་པས། དེ་བཟུམ་སྦེ་བྱང་ཤར་རྒྱ་ནག་གི་དོན་ལུ་རེལ་ལི་ལམ་གྱི་གཞུང་བཟུམ་ཅིག་ཨིན་པས། རེལ་ལི་ལམ་བརྒྱད་ཡོད་མི་གིས་ ཤེན་ཡང་དང་ བྷེ་ཇིང་ ད་ལིཡན་ ཅང་ཅཱུན་ ཧར་བིན་དང་ཕུ་ཤཱན་ཚུ་མཐུན་འབྲེལ་འབདཝ་ཨིན། &lt;ref name=&quot;:0&quot; /&gt;

རང་གི་སེམས་གཡེང་ས་དང་དགའ་སྤྲོའི་དོན་ལུ་ ཁྲོམ་ཚོགས་དེ་ནང་ འགྲེམས་སྟོན་ཁང་དང་ གླིང་ག་ཚུ་ཡོདཔ་ཨིན། དེ་བཟུམ་སྦེ་གསོལཝ་བཏབ་ནིའི་དོན་ལུ་ ཡེ་ཤུའི་ལྷ་ཁང་ཡང་ཡོད་པཨིན། ཁྲོམ་ཚོགས་ནང་བཟོ་གྲྭ་འཕྲུལ་ཁང་ཡོད་པའིི་ཚོང་སྡེ་ལེ་ཤ་ར་ཡོདཔ་ཨིན། ས་ཁོངས་ནང་རྐང་རྩེད་འདི་གནམ་མེད་ས་མེད་ཡོངས་གྲགས་ཡོདཔ་བཞིན་དུ་ རྩེ་སའི་ས་ཁོངས་ཡང་ཡོདཔ་ཨིན། དེ་བཟུམ་སྦེ་ཤེས་ཡོན་སྦྱང་ནིའི་དོན་ལུ་ ཆེ་རིམ་དང་མཐོ་རིམ་སློབ་གྲྭ་ཚུ་ཡང་མཐོང་སར་ཡོདཔ་ཨིན་པས། དེ་ལས་བཟོ་བཀོད་དང་ལྟཝ་ད་གནམ་མེད་ས་མེད་སྦོམ་དང་རིངམ་ མ་འདྲཝ་སྦེ་ཡོད་པའི་སྒྲིང་ཁྱིམ་ཚུ་མཐོངམ་ཨིན། ས་གནས་ཁར་ཚོང་ཉོ་སའི་ཚོང་ཁང་སྣ་ཚོགས་དང་ སྦོམ་ཚུ་ཡོདཔ་མ་ཚད་ ཁྲོམ་ལམ་བདའ་སྟེ་ཟ་ནིའི་ཟས་དང་བཞེས་སྒོ་ཚུ་འཐོབ་སར་ཡོདཔ་ཨིན། དེ་ལས་བཤལ་ནིའི་ས་གོ་མ་འདྲཝ་ཚུ་ཡོད་ས་ལས་གཅིག་ཀོ་རི་གི་ཁྲོམ་འདི་ཨིན་པས།&lt;ref&gt;ཅའེ་ན་ཧའེ་ལའེཊ། (ལོ་མེད།) ཤེན་ཡང་ལམ་འགྲུལ་ལམ་སྟོན། &lt;nowiki&gt;https://www.chinahighlights.com/shenyang/&lt;/nowiki&gt; ནང་ལས་འཐོབ་ཡོདཔ་ཨིན།&lt;/ref&gt;

ཤེན་ཡང་ལུ་ ཆར་རླུང་གིས་དཀྲོགས་ཏེ་ གནམ་བྱཱ་ལུ་གནམ་མེད་ས་མེད་ཚདཔ་ཚ་བའི་ཁར་ རློན་གཤེར་ཅན་སྦཻ་སྡོད་དགོ་པར་ཐེ་ཚོམ་མེདཔ་དང་ གནམ་དགུན་ལུ་གྱང་པའི་ཁར་ བསིལ་ཀྲག་ཀྲ་ཐར་དོ་ཡོདཔ་ཨིན། དེ་བཟུམ་སྦེ་ དུས་བཞི་གསལ་རི་རི་སྦེ་སོ་སོ་སྦེ་མཐོང་སར་ཡོདཔ་ཨིན། ལོ་བསྟར་ཆར་པའི་གནས་ཚད་ལས་ཕྱེད་ཀ་དེ་ཅིག་ར་སྤྱི་ཟླ་ ༦ པ་དང་ ༨ པའི་ནང་ཚུདཔ་ཨིན་པས། ས་གནས་ནང་མཁའ་འགྲུལ་དང་རེལ་ལི་ སྣུམ་འཁོར་ཚུ་གི་ཞབས་ཏོག་ཡོདཔ་ཨིན། &lt;ref name=&quot;:1&quot; /&gt;</text>
      <sha1>tncjeaitxdeav7hvhvslmpfottyegyz</sha1>
    </revision>
    <revision>
      <id>39674</id>
      <parentid>39673</parentid>
      <timestamp>2026-04-24T05:36:50Z</timestamp>
      <contributor>
        <username>Kinleyg</username>
        <id>12459</id>
      </contributor>
      <minor />
      <origin>39674</origin>
      <model>wikitext</model>
      <format>text/x-wiki</format>
      <text bytes="8102" sha1="jlb3lo44o827rzvr8p5h851xnorpzn2" xml:space="preserve">[[File:Shenyang-location-MAP-in-Liaoning-Province-China.jpg|thumb|276x276px|ཤེན་ཡང་གི་ས་ཁྲ།]]
ཤེན་ཡང་དང་རེ་ཚེ་མུག་དེན་ཟེར་མི་འདི་ རྒྱ་ནག་བྱང་ཤར་གི་ལ་ཡོ་ནིང་མངའ་སྡེའི་ལྟེ་བ་ཅིག་ཨིནམ་མ་ཚད་ ཁྲོམ་ཚོགས་སྦོམ་ཤོས་ཅིག་སྦེ་རྩིཝ་ཨིན་པས། ཤེན་ཡང་འདི་ འགོ་ཐོག་མཱན་ཅུ་གི་མི་ཚུ་གིས་རྒྱལ་ས་ལྟེ་བ་སྦེ་ལག་ལེན་འཐབ་སྟེ་སྡོད་ནུག། ད་རེས་རྒྱ་ནག་གི་བྱང་ཤར་ནང་ ཁྲོམ་ཚོགས་སྦོམ་ཤོས་ཅིག་སྦེ་གྱུར་ཡོདཔ་ཨིན། &lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༤) ཤེན་ཡང་། &lt;nowiki&gt;https://simple.wikipedia.org/wiki/Shenyang&lt;/nowiki&gt; ནང་ལས་འཐོབ་ཡོདཔ་ཨིན།&lt;/ref&gt;ཁྲོམ་ཚོགས་འདི་ བྱང་ཕྱོགས་རྒྱ་ནག་གི་ཁྲོམ་ཚོགས་ནང་ལས་མི་རློབས་སྦོམ་ཡོད་པའི་ཁྲོམ་ཅིག་ཨིན། ཁྲོམ་ཚོགས་ནང་སྔོན་དང་ཕུའི་ལམ་སྲོལ་དང་འབྲེལ་བའི་བྱུང་རབས་ཡོད་པའི་ཁར་ ད་རེས་རྒྱ་ནག་དེམ་ཅིག་ཐལ་མིའི་ དེང་སང་གི་ལོ་རྒྱུས་ཚུ་ཡང་ཡོདཔ་ཨིན། ཤེན་ཡང་འདི་ རང་བཞིན་གནས་སྟངས་ཉམས་སྲུང་ཁྲོམ་ཚོགས་ཀྱི་དཔེ་རིས་ཅིག་སྦེ་མིང་གཏམ་ཐོབ་ཡོདཔ་ཨིན། དེ་བཟུམ་སྦེ་ རྒྱལ་ཡོངས་ནགས་ཚལ་གྱི་ཁྲོམ་ཚོགས་སྦེ་ཡང་མིང་གཏམ་ཡོད་པའི་ཁར་ ལོ་ངོ་གཉིས་ཀྱི་རིང་ལུ་ རྒྱ་ནག་གི་ཁྲོམ་ཚོགས་བཅུ་ཐམ་གྱི་གྲས་ལས་ཅིག་ཨིན་པས། ཁྲོམ་ནང་སྤྱི་ལོ་ ༢༠༢༠ ལུ་ མི་རློབས་ ༩༠༧༠༠༩༣ ཡོདཔ་སྦེ་བཀོད་ནུག། &lt;ref name=&quot;:1&quot;&gt;ཝི་ཀི་པི་ཌི་ཡ། (༢༠༢༥) ཤེན་ཡང་། &lt;nowiki&gt;https://en.wikipedia.org/wiki/Shenyang&lt;/nowiki&gt; ནང་ལས་འཐོབ་ཡོདཔ་ཨིན།&lt;/ref&gt;

ཁྲོམ་ཚོགས་ཀྱི་མིང་དེ་སྦེ་བཞག་དགོ་མི་དེ་ཡང་ ཤེན་གཙང་ཆུའི་བྱང་ཁ་ཐུག་ལུ་ཆགས་ཡོད་པའི་ཁྲོམ་ཚོགས་ཟེར་བའི་དོན་ཨིན་པས། ཁྲོམ་གྱི་ལྷོ་ཁ་ཐུག་ལུ་ཡོད་པའི་ཧན་གཙང་ཆུ་ལུ་ ཧེ་མ་ཤེན་གཙང་ཆུ་ཟེར་སླབ་དོ་ཡོདཔ་ཨིན། ས་གནས་དེ་ཁར་ མི་ཚུ་གིས་ ཧེ་མ་སྡོད་ནུག་ཟེར་ཨིན་པས། &lt;ref name=&quot;:0&quot; /&gt;ཤེན་ཡང་གི་ས་ཁོངས་འདི་ ཇ་པཱན་དང་ རཱ་ཤི་ཡ་ ཀོ་རི་ཡ་དངག་གཅིག་ཁར་ཚོང་འབྲེལ་འཐབ་སའི་གཞུང་བཟུམ་ཅིག་ཨིནམ་དང་ ས་ཁོངས་འདི་སྐྱེལ་འདྲེན་གྱི་ལྟེ་བ་ཅིག་ཨིན་པས། དེ་བཟུམ་སྦེ་བྱང་ཤར་རྒྱ་ནག་གི་དོན་ལུ་རེལ་ལི་ལམ་གྱི་གཞུང་བཟུམ་ཅིག་ཨིན་པས། རེལ་ལི་ལམ་བརྒྱད་ཡོད་མི་གིས་ ཤེན་ཡང་དང་ བྷེ་ཇིང་ ད་ལིཡན་ ཅང་ཅཱུན་ ཧར་བིན་དང་ཕུ་ཤཱན་ཚུ་མཐུན་འབྲེལ་འབདཝ་ཨིན། &lt;ref name=&quot;:0&quot; /&gt;

རང་གི་སེམས་གཡེང་ས་དང་དགའ་སྤྲོའི་དོན་ལུ་ ཁྲོམ་ཚོགས་དེ་ནང་ འགྲེམས་སྟོན་ཁང་དང་ གླིང་ག་ཚུ་ཡོདཔ་ཨིན། དེ་བཟུམ་སྦེ་གསོལཝ་བཏབ་ནིའི་དོན་ལུ་ ཡེ་ཤུའི་ལྷ་ཁང་ཡང་ཡོད་པཨིན། ཁྲོམ་ཚོགས་ནང་བཟོ་གྲྭ་འཕྲུལ་ཁང་ཡོད་པའིི་ཚོང་སྡེ་ལེ་ཤ་ར་ཡོདཔ་ཨིན། ས་ཁོངས་ནང་རྐང་རྩེད་འདི་གནམ་མེད་ས་མེད་ཡོངས་གྲགས་ཡོདཔ་བཞིན་དུ་ རྩེ་སའི་ས་ཁོངས་ཡང་ཡོདཔ་ཨིན། དེ་བཟུམ་སྦེ་ཤེས་ཡོན་སྦྱང་ནིའི་དོན་ལུ་ ཆེ་རིམ་དང་མཐོ་རིམ་སློབ་གྲྭ་ཚུ་ཡང་མཐོང་སར་ཡོདཔ་ཨིན་པས། དེ་ལས་བཟོ་བཀོད་དང་ལྟཝ་ད་གནམ་མེད་ས་མེད་སྦོམ་དང་རིངམ་ མ་འདྲཝ་སྦེ་ཡོད་པའི་སྒྲིང་ཁྱིམ་ཚུ་མཐོངམ་ཨིན། ས་གནས་ཁར་ཚོང་ཉོ་སའི་ཚོང་ཁང་སྣ་ཚོགས་དང་ སྦོམ་ཚུ་ཡོདཔ་མ་ཚད་ ཁྲོམ་ལམ་བདའ་སྟེ་ཟ་ནིའི་ཟས་དང་བཞེས་སྒོ་ཚུ་འཐོབ་སར་ཡོདཔ་ཨིན། དེ་ལས་བཤལ་ནིའི་ས་གོ་མ་འདྲཝ་ཚུ་ཡོད་ས་ལས་གཅིག་ཀོ་རི་གི་ཁྲོམ་འདི་ཨིན་པས།&lt;ref&gt;ཅའེ་ན་ཧའེ་ལའེཊ། (ལོ་མེད།) ཤེན་ཡང་ལམ་འགྲུལ་ལམ་སྟོན། &lt;nowiki&gt;https://www.chinahighlights.com/shenyang/&lt;/nowiki&gt; ནང་ལས་འཐོབ་ཡོདཔ་ཨིན།&lt;/ref&gt;

ཤེན་ཡང་ལུ་ ཆར་རླུང་གིས་དཀྲོགས་ཏེ་ གནམ་བྱཱ་ལུ་གནམ་མེད་ས་མེད་ཚདཔ་ཚ་བའི་ཁར་ རློན་གཤེར་ཅན་སྦཻ་སྡོད་དགོ་པར་ཐེ་ཚོམ་མེདཔ་དང་ གནམ་དགུན་ལུ་གྱང་པའི་ཁར་ བསིལ་ཀྲག་ཀྲ་ཐར་དོ་ཡོདཔ་ཨིན། དེ་བཟུམ་སྦེ་ དུས་བཞི་གསལ་རི་རི་སྦེ་སོ་སོ་སྦེ་མཐོང་སར་ཡོདཔ་ཨིན། ལོ་བསྟར་ཆར་པའི་གནས་ཚད་ལས་ཕྱེད་ཀ་དེ་ཅིག་ར་སྤྱི་ཟླ་ ༦ པ་དང་ ༨ པའི་ནང་ཚུདཔ་ཨིན་པས། ས་གནས་ནང་མཁའ་འགྲུལ་དང་རེལ་ལི་ སྣུམ་འཁོར་ཚུ་གི་ཞབས་ཏོག་ཡོདཔ་ཨིན། &lt;ref name=&quot;:1&quot; /&gt;

'''རྒྱབ་ཁུངས་དཔེ་དེབ།'''</text>
      <sha1>jlb3lo44o827rzvr8p5h851xnorpzn2</sha1>
    </revision>
  </page>
  <page>
    <title>ཤིན་ཅན། རྒྱ་ནག། Shinzhen, China</title>
    <ns>0</ns>
    <id>9034</id>
    <revision>
      <id>39675</id>
      <timestamp>2026-04-24T06:19:40Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>Shenzhen, China</comment>
      <origin>39675</origin>
      <model>wikitext</model>
      <format>text/x-wiki</format>
      <text bytes="9878" sha1="5fd7c4u3zmjyaagjdyo2jcacaekz1b7" xml:space="preserve">[[File:Shenzhen-location-MAP-in-Guangdong-Province-China.jpg|thumb|299x299px|ཤིན་ཅན།]]
ཤིན་ཅན་འདི་ རྒྱ་གན་གྱི་གུང་དོང་མངའ་སྡེའི་ཁྲོམ་ཚོགས་སྦོམ་ཅིག་ཨིན། ཁྲོམ་ཚོགས་འདི་ ཧོང་ཁོང་གི་བྱང་ཁ་ཐུག་ལུ་ཡོདཔ་དང་ ས་ཆའི་རྒྱ་ཁྱོན་ ཀི་ལོ་མི་ཊར་གྲུ་བཞི་ ༡༩༩༧.༤༧ ཡོདཔ་དང་ མཚོའི་རྒྱ་ཁྱོན་ ཀི་ལོ་མི་ཊར་གྲུ་བཞི་ ༡༡༤༥ ཡོདཔ་ཨིན། ཁྲོམ་འདི་ ཧོང་ཀོང་ལས་ ཀི་ལོ་མི་ཊར་ ༤༡ གི་ས་ཁར་ཡོདཔ་ཨིན།&lt;ref&gt;ཅཱའེ་ན་གི་ལམ་འགྲུལ་ལམ་སྟོན། (༢༠༢༤) ཤིན་ཅན་གྱི་ལམ་འགྲུལ་ལམ་སྟོན། &lt;nowiki&gt;https://www.travelchinaguide.com/cityguides/guangdong/shenzhen/&lt;/nowiki&gt; ནང་ལས་འཐོབ་ཡོདཔ་ཨིན། &lt;/ref&gt; ཧེ་མ་ ཤིན་ཅན་འདི་ ཉ་གཟུང་སའི་གཡུས་ཚན་ཅིག་སྦེ་ མི་རློབས་ ༣༠༠༠༠ དེ་ཅིག་སྡོད་ཡོད་པའི་ཁྲོམ་ཅིག་ཨིན་རུང་ སྤྱི་ལོ་ ༢༠༢༠ ནང་རྫོང་ཁག་བཅུ་ཐམ་ནང་ མི་རློབས་ ས་ཡ་ ༡༧.༥ ལུ་ལྷོད་ནུག། སྤྱི་ལོ་ ༡༩༧༩ ནང་ དེང་ཞི་ཡའོ་པིང་གི་དབུ་ཁྲིད་ཀྱི་འོག་ལུ་ ཤིན་ཅན་འདི་ དམིགས་བསལ་དཔལ་འབྱོར་གྱི་ས་ཁོངས་ཅིག་ལུ་གྱུར་ཡོདཔ་ཨིན། དེ་ལས་འགོ་བཙུགས་ཏེ་ རྒྱུ་དབང་རིང་ལུགས་འདི་ཡང་འགོ་ཐོག་གཞི་བཙུགས་འབད་ཡོདཔ་ཨིན། &lt;ref name=&quot;:0&quot;&gt;ལིའོ། (༢༠༢༥) ཤིན་ཅན། &lt;nowiki&gt;https://www.britannica.com/place/Shenzhen&lt;/nowiki&gt; ནང་ལས་འཐོབ་ཡོདཔ་ཨིན།&lt;/ref&gt;སྤྱི་ལོ་ ༡༩༨༠ ལས་ཁྲོམ་ཚོགས་འདི་ ཧ་ལས་སི་སི་སྦེ་ཡར་རྒྱས་སོང་ཡོདཔ་དང་ དེའི་ནང་ལུ་ནང་འཁོད་དང་ཕྱི་རྒྱལ་གྱི་མ་རྩ་ཚུ་གཞི་བཙུགས་འབད་དེ་ཡོདཔ་ཨིན། ཁྲོམ་འདི་ད་རེས་མི་རློབས་མང་བའི་ཁྲོམ་ཚོགས་ཨང་གསུམ་པ་ཨིནམ་དང་ ཨང་དང་པ་དང་གཉིས་པ་འདི་ཤང་ཧའེ་དང་བྷེ་ཇིང་ཨིན་པས།  &lt;ref name=&quot;:1&quot;&gt;ཝི་ཀི་པི་ཌི་ཡ། (༢༠༢༥) ཤིན་ཅན། &lt;nowiki&gt;https://en.wikipedia.org/wiki/Shenzhen&lt;/nowiki&gt; ནང་ལས་འཐོབ་ཡོདཔ་ཨིན།&lt;/ref&gt;
[[File:Shenzhen Civic Center-20110101-RM-124837.jpg|thumb|297x297px]]
ཤིན་ཅན་ཁྲོམ་ཚོགས་འདི་ རིམ་པ་བཞིན་དུ་གོམ་པ་མདུན་དུ་སྤོ་སྟེ་ཡོདཔ་དང་ ཧོང་ཀོང་དང་དཔལ་འབྱོར་གྱི་འབྲེལ་བ་སྦོམ་ར་ཡོདཔ་ཨིན། དེ་བཟུམ་སྦེ་ པརལ་གཙང་ཆུའི་གྱེས་འགྱོ་སར་ ཚོང་འབྲེལ་འཐབ་མིའི་གནས་གཙོ་བོ་ལེ་ཤ་ཡོད་མི་ལས་ཅིག་ཨིན། བཟོ་སྦྱོར་དང་བཟོ་སྐྲུན་འབད་མི་ཚོང་སྡེ་ཚུ་ཡང་ཁྲོམ་ཚོགས་དེ་ནང་ཡོདཔ་ཨིན་པས། དམིགས་བསལ་དཔལ་འབྱོར་གྱི་ས་ཁོངས་ནང་སྡོད་མི་ཚུ་གི་འཚོ་བའི་གནས་ཚད་འདི་ སྤྱིར་བཏང་གི་ས་གནས་ཚུ་དང་ཕྱདཔ་ད་ མཐོ་དྲགས་སྦེ་ཨིནམ་དང་ ལཱ་འབད་བ་ཅིན་ གླ་ཆ་ཡང་མཐོ་དྲགས་སྦེ་འཐོབ་ནི་ཨིན་པས། དེ་འབདཝ་ལས་ མངའ་སྡེ་གཞན་ཁ་གི་ལཱཔ་དང་ཁྱད་རིག་ཅན་གྱི་མི་ངོམ་ཚུ་གིས་ ས་གནས་དེ་ཁར་ལཱ་འབད་བར་འོང་དོ་ཡོདཔ་ཨིན། དེ་ཡང་ གློག་རྫས་རིག་པ་དང་སྨན། རྫས་སྦྱོར། ཐགས་རིགས། བཟོ་སྐྲུན་གྱི་རྒྱུ་ཆ། བཞེས་སྒོ་བཟོ་སྦྱོར་ལ་སོགས་པའི་བཟོ་གྲྭ་འཕྲུལ་ཁང་ནང་ལཱ་འབད་དོ་ཡོདཔ་ཨིན།&lt;ref name=&quot;:0&quot; /&gt;

ཁྲོམ་ཚོགས་འདི་འཛམ་གླིང་སྤྱི་ཚགས་ཤེས་ཡོན་ཚན་རིག་ལམ་སྲོལ་ཚོགས་སྡེ་ལས་ གསོལ་ར་དང་ངོས་ལེན་འཐོབ་པའི་ཁྲོམ་ཅིག་ཡང་ཨིན་པས། ཁྲོམ་ཚོགས་དེ་ནང་ ལམ་སྲོལ་དང་འབྲེལ་བའི་གླིང་ག། གཞི་བཀོད་མ་འདྲཝ་དང་ཧ་ལས་སི་སི། སྒྲིང་ཁྱིམ་གནམ་མེད་ས་མེད་རིངམོ་དང་རྣམ་པ་སྣ་ཚོགས་འབད་མི། མཐོང་སྣང་ཆེ་བའི་བཟོ་བཀོད་དང་ས་ཆ་བལྟ་ས། མཚོ་དང་ཆུ་དང་འབྲེལ་བའི་རྩེདམོ་དང་གླིང་ག། གླིང་ག། ཚོང་འབྲེལ་ལྟེ་བ། འགྲེམས་སྟོན་ཁང་། མཚོ་དང་ཆུའི་འགྲམ། བགོ་བཤའ་གི་ཚོང་ཁང་། སྙན་ཆ་ཁང་དང་ བཙན་རྫོང་ལ་སོགས་པའི་མཐུན་རྐྱེན་གཞན་ཚུ་ཡོདཔ་ཨིན་པས། ཁྲོམ་ཚོགས་ནང་ ཚོང་སྡེ་ལེ་ཤ་ཡོད་པའི་ཁར་ ཚོང་ལཱ་འགོ་བཙུགས་པའི་ལྟེ་བ་ཚུ་ཡང་ཡོདཔ་ཨིན། &lt;ref&gt;ཝི་ཀི་པི་ཌི་ཡ། (༢༠༢༥) ཤིན་ཅན། &lt;nowiki&gt;https://simple.wikipedia.org/wiki/Shenzhen&lt;/nowiki&gt; ནང་ལས་འཐོབ་ཡོདཔ་ཨིན།&lt;/ref&gt;

བརྒྱུད་འབྲེལ་གྱི་ཐད་ཁར་ གནམ་གྲུ་དང་གྲུ་ རེལ་ལི་གི་ཞབས་ཏོག་ཚུ་ཡང་ཡོདཔ་ཨིན། གནམ་གཤིས་ཀྱི་ཐད་ཁར་་ ཚ་དྲོད་ཀྲིག་ཀྲི་ཅིག་ཡོད་པའི་ས་ཁོངས་ཅིག་ཨིན་པས། གནམ་དགུན་འདི་ བསིལ་ཉམས་ལྡན་པའི་ཁར་སྐམ་ཀྲག་ཀྲ་སྦེ་སྡོདཔ་ཨིན་པས། ཨིན་རུང་ སད་དང་བ་མོ་ཆགས་སརམཐོང་ནི་འདི་དཀོན་དྲགས་ཅིག་ཨིན་པས། གནམ་དགུན་མང་ཤོས་ར་ སྐམ་དྲགས་ཨིན་རུང་ རིམ་པ་བཞིན་དུ་རློན་གཤེར་ཅན་ལུ་འགྱུརཝ་ཨིན་པས། ཨིན་རུང་གནམ་དགུན་དང་སོ་ཁ་ལུ་ ས་སྨུག་སྤུར་སར་མཐོང་དོ་ཡོདཔ་ཨིན། སོ་ཁའི་འགོ་ཐོག་ལུ་ ས་སྨུག་ཁོག་ཁོ་འོང་དོ་ཨིན་རུང་ རིམ་པ་བཞིན་དུ་རློན་གཤེར་དང་ཆརཔ་ཡར་སེང་སོང་སྟེ་ སྤྱི་ཟླ་ ༤ པ་ལས་ ༩ པའི་སྔ་ཆ་དང་ ༡༠ པའི་ཕྱི་ཆ་ཚུན་ཆརཔ་རྐྱབ་དོ་ཡོདཔ་ཨིན། དེའི་ནང་དོན་ཉིད་ལས་ ཆརཔ་འདི་གནམ་བྱཱ་ལུ་རྒྱསཔ་ཨིནམ་དང་ མི་ཚུ་གིས་རློན་གཤེས་དང་ཚ་དྲོད་ཡོདཔ་ཚོར་ཚུགས་ནི་ཨིན་པས། ཨིན་རུང་ས་ཁོངས་འདི་ འདྲེ་ཆར་གྱི་ཉེན་ཁ་ཡོདཔ་ཨིན་པས། སེར་ཁའི་ཕྱི་ཆ་འདི་སྐམ་སུ་སྦེ་སྡོདཔ་ཨིན་པས། ལོ་བསྟར་ཆར་པའི་ཚད་གཞི་འདི་ཡང་ མི་ལི་མི་ཊར་ ༡༩༣༣ ཨིན་པས།&lt;ref name=&quot;:1&quot; /&gt;</text>
      <sha1>5fd7c4u3zmjyaagjdyo2jcacaekz1b7</sha1>
    </revision>
  </page>
  <page>
    <title>སུ་བང་ཇ་ཡ། མ་ལེ་ཤི་ཡ། Subang, Malaysia</title>
    <ns>0</ns>
    <id>9035</id>
    <revision>
      <id>39676</id>
      <timestamp>2026-04-24T08:49:50Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>Created page with &quot;[[File:Subang Jaya Municipal Council.JPG|thumb|353x353px|སུ་བང་ཇ་ཡ་ཁྲོམ་སྡེ་ཡིག་ཚང་།]] ༉ སུ་བང་ཇ་ཡ་འདི་ སེ་ལེང་གོར་མངའ་སྡེའི་འོག་གི་ པེ་ཏ་ལིང་རྫོང་ཁག་གི་ཁྲོམ་ཚོགས་ཅིག་ཨིན། ཁྲོམ་ཚོགས་འདི་ པེ་ཏ་ལིང་རྫོང་...&quot;</comment>
      <origin>39676</origin>
      <model>wikitext</model>
      <format>text/x-wiki</format>
      <text bytes="6584" sha1="kbu85n0y7p268zconxwynp3bqz55flb" xml:space="preserve">[[File:Subang Jaya Municipal Council.JPG|thumb|353x353px|སུ་བང་ཇ་ཡ་ཁྲོམ་སྡེ་ཡིག་ཚང་།]]
༉ སུ་བང་ཇ་ཡ་འདི་ སེ་ལེང་གོར་མངའ་སྡེའི་འོག་གི་ པེ་ཏ་ལིང་རྫོང་ཁག་གི་ཁྲོམ་ཚོགས་ཅིག་ཨིན། ཁྲོམ་ཚོགས་འདི་ པེ་ཏ་ལིང་རྫོང་ཁག་གི་ཁྲོམ་ཚོགས་སྦོམ་ཤོས་ཨང་གསུམ་པ་ཨིན་པས། མ་ལེ་ཤི་ཡ་རྒྱལ་ཁབ་ནང་འཁོད་ཀྱི་ཡོངས་གྲགས་ཅན་གྱི་ཁྲོམ་ཨང་ལྔ་པ་ཨིན་པས། དེ་ཡང་ ཀལང་ལུང་གཤོང་ནང་ལས་ པེ་ཏ་ལིང་ཇ་ཡ་དང་ཤ་ཨ་ལམ་གྱི་ཤུལ་ལུ་ཨིན་པས། &lt;ref&gt;ཝི་ཀི་པི་ཌི་ཡ། (༢༠༢༥) སུ་བང་ཇ་ཡ། &lt;nowiki&gt;https://simple.wikipedia.org/wiki/Subang_Jaya&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;ས་གནས་འདི་ཧེ་མ་ སྤྱི་ལོ་ ༡༩༩༧ ལུ་ཁྲོམ་སྡེའི་གནས་ཚད་ནང་ཚུད་སོ་ནུག། &lt;ref name=&quot;:0&quot;&gt;ལོ་ཡཊ་ནེཊ། (༢༠༡༤) སུ་བང་ཇ་ཡ། &lt;nowiki&gt;https://forum.lowyat.net/topic/3343583/all&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;ཁྲོམ་འདི་ཁྲོམ་ཨིན་པའི་ཆ་གནས་འདི་ སྤྱི་ལོ ༢༠༢༠ ཟླ་ ༡༠ པའི་ཚེས་ ༢༠ ལུ་འབད་ནུག། ཁྲོམ་འདི་ཀོོ་ལ་ལམ་པུར་ལས་ ནུབ་ཁ་ཐུག་ལུ་ཀི་ལོ་མི་ཊར་ ༢༠ ལུ་ཡོདཔ་ཨིན། 

ཁྲོམ་འདི་སུ་བང་ཇ་ཡ་ཁྲོམ་སྡེ་ཚོགས་སྡེ་གིས་སྐྱོང་དོ་ཡོདཔ་དང་ ཚོགས་སྡེ་གིས་པེ་ཏ་ལིང་རྫོང་ཁག་གི་པེ་ཏ་ལིང་ཇ་ཡ་ ཤ་ཨ་ལམ་ པུ་ཆོང་ སེ་རི་ཀེམ་བང་གཱན་ཡང་དབང་སྟེ་སྐྱོངམ་ཨིན་པས། ས་གནས་འདི་བཟོ་གྲྭ་འཕྲུལ་ཁང་ཉུངམ་སྦེ་ཡོདཔ་པའི་ས་གནས་ཅིག་ཨིན་པས།&lt;ref name=&quot;:0&quot; /&gt;

ཁྲོམ་འདི་ཟང་ཟིང་འར་འུར་ཡོད་པའི་ཁར་ དེ་ནང་སྔར་སྲོལ་བྱུང་རབས་དང་ལམ་སྲོལ་ཡོད་པའི་ཁར་ དེང་སང་གི་བཟོ་བཀོད་་ཚུ་མཐོང་ཚུགས་ནི་ཨིན་པས། དེ་ལས་བརྟེན་ས་གོ་འདི་ལྟ་བཤལཔ་གི་དོན་ལུ་ ལེགས་ཤོམ་འགྱོ་དོ་ཡོདཔ་ཨིན་པས། ལྟ་སྐོར་ནང་འོང་མི་ཚུགས་གིས་ བྱུང་རབས་ལས་འགོ་བཙུགས་ དེང་སང་གི་ཡིད་འཕྲོག་མི་དང་ངལ་གསོ་བཅུག་མི་ ཐབས་ལམ་ཚུ་ལོངས་སྤྱོད་ཚུགས་པའི་གོ་སྐབས་ཡོདཔ་ཨིན།&lt;ref&gt;ཌེ་ཝིཌ་ཀོརོངག། (༢༠༢༣) སུ་བང་ཇ་ཡ། &lt;nowiki&gt;https://travelodium.com/things-to-do-in-subang-jaya-malaysia/&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;

དེ་བཟུམ་སྦེ་ རྒྱལ་སྤྱིའི་གནས་ཚད་ཁར་ ཁྲོམ་ཚོགས་དེ་ནང་ ཤེས་ཡོན་གྱི་སློབ་གྲྭ་དང་མཐོ་རིམ་སློབ་གྲྭ་ གཙུག་ལག་སློབ་སྡེ་ཚུ་ལེ་ཤ་ར་ཡོདཔ་ཨིན། སྤྲོ་ཉམས་ཆེ་བའི་ཁྲོམ་ཆེན་འདི་ནང་ སིལ་ཚོང་མཛོད་ཁང་དང་ ཟ་འཐུང་གི་ཚོང་ཁང་ ཕྱི་རྒྱལ་གྱི་ལྟ་བཤལཔ་ཚུ་གིས་ལྟ་སྐོར་འབད་སའི་ས་གོ་དང་ཡུལ་ཚུ་སྤྲོ་ཏོག་ཏོ་དང་ངོ་མཚར་ཆེ་ཏོག་ཏོ་ཚུ་ཡོདཔ་ཨིན། ཁྲོམ་ནང་ཕར་ཚུར་འགྲོ་འགྲུལ་འབད་ནི་དང་རྒྱུན་འགྲུལ་འཐབ་ནི་གི་དོན་ལུ་ རེལ་ལི་དང་བཱསི་ གླ་འཁོར་ཚུ་གི་སྦེ་མཐུད་སྦྲེལ་འབད་དེ་ཡོདཔ་ཨིན།&lt;ref&gt;ཧོ་ལི་ཌི་ཕའེ། (ལོ་མེད།) སུ་བང་ཇ་ཡ། &lt;nowiki&gt;https://www.holidify.com/places/subang-jaya&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

སྤྱི་ལོ་ ༡༩༩༨ ལུ་སུ་བང་ཇ་ཡ་གི་མི་རློབས་འདི་ ༥༥༠༠༠ ལས་ ༧༠༠༠༠ ཚུན་ཡོདཔ་སྦེ་ཚོད་དཔག་འབད་ཡོདཔ་ཨིནམ་དང་ སྤྱི་ལོ་ ༢༠༡༥ ལུ་ ༦༤༢༡༠༠ སྡོད་ཡོདཔ་སྦེ་བཀོད་དེ་འདུག། དེ་བཟུམ་སྦེ་ར་སུ་བང་ཇ་ཡ་ཁྲོམ་ཚོགས་ནང་ སྤྱི་ལོ་ ༢༠༢༠ ལུ་མི་རློབས་ ༩༦༨༩༣༠ ཡོདཔ་སྦེ་བཀོད་ཡོདཔ་དང་ མི་རློབས་ཀྱི་ཐད་ཁར་ མ་ལེ་ཤི་ཡ་གི་ཁྲོམ་ཚོགས་ཨང་དྲུག་པ་སྦ་ཚུད་ཡོདཔ་ཨིན།&lt;ref&gt;ལོ་ཡཊ་ནེཊ། (༢༠༢༥) སུ་བང་ཇ་ཡ། &lt;nowiki&gt;https://en.wikipedia.org/wiki/Subang_Jaya&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;</text>
      <sha1>kbu85n0y7p268zconxwynp3bqz55flb</sha1>
    </revision>
  </page>
  <page>
    <title>སུ་ཙེའུ། རྒྱ་ནག།</title>
    <ns>0</ns>
    <id>9036</id>
    <revision>
      <id>39677</id>
      <timestamp>2026-04-24T08:59:28Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>Suzhou, China</comment>
      <origin>39677</origin>
      <model>wikitext</model>
      <format>text/x-wiki</format>
      <text bytes="7315" sha1="j9mlhlyv6nu7g0hwdxrde9qjei396xh" xml:space="preserve">[[File:Suzhou-location-in-China edcp location map.jpg|thumb|273x273px|[[File:Jinji Lake Suzhou November 2017 001.jpg|thumb|263x263px]]]]
༉ སུ་ཙེའུ་འདི་ཤར་ཕྱོགས་རྒྱ་ནག་གི་ མངའ་སྡེ་ཇིན་སུ་གི་ཤར་ལྷོ་གི་ ཁྲོམ་ཚོགས་སྦོམ་ཅིག་ཨིན། ཁྲོམ་འདི་ཤང་ཧའེ་གི་ནུབ་བྱང་ལུ་ཀི་ལོ་མི་ཊར་ ༡༠༠ གི་ས་ཁར་ཆགས་ཏེ་ཡོདཔ་ཨིན། མངའ་སྡེའི་ཡན་ལག་གི་སའི་རྒྱ་ཁྱོན་འདི་ ཀི་ལོ་་མི་ཊར་གྲུ་བཞི་ ༨,༤༠༠ ཡོདཔ་ཨིན། &lt;ref&gt;ཝི་ཀི་པི་ཌི་ཡ། (༢༠༢༥) སུ་ཙེའུ། &lt;nowiki&gt;https://simple.wikipedia.org/wiki/Suzhou&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་འདི་མངའ་སྡེའི་ནང་ ཁྲོམ་ཚོགས་སྦོམ་ཤོས་ཨང་གཉིས་པ་ཨིནམ་དང་ ཨང་དང་པ་འདི་ནཱན་ཇིང་འདི་ཨིན་པས། སུ་ཙེའུ་འདི་ཡང་ཙེ་གཙང་ཆུ་གྱེས་སའི་ས་ཁོངས་ལས་ཕར་ཆགས་ཡོད་མི་དེ་ཡང་ ཡང་ཙེ་གི་མཇུག་ཁ་ཐུག་དང་ཏའེ་མཚོ་གི་འགྲམ་ལུ་ཆགས་ཡོདཔ་ཨིན།&lt;ref&gt;བིརི་ཊ་ནི་ཀ། (༢༠༢༥) སུ་ཙེའུ། &lt;nowiki&gt;https://www.britannica.com/place/Suzhou&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; ཁྲོམ་འདི་མངའ་སྡེའི་ཡན་ལག་ཅིག་ཨིནམ་དང་ མངའ་སྡེའི་ཡན་ལག་འདི་ བདག་སྐྱོང་གི་གནས་རིམ་གཉིས་པ་ཨིན་པས། ཁྲོམ་ཙང་ཙ་ཡོད་མི་ཁྲོམ་ངོ་མའི་ནང་མི་རློབས་ ས་ཡ་ ༤.༣༣ ཡོདཔ་དང་ སྤྱི་ལོ་ ༢༠༡༥ ལུ་ ཡན་ལག་མངའ་སྡེའི་མི་རློབས་ཡོངས་བསྡོམས་ ༡༠,༦༥༨,༠༠༠ ཡོདཔ་སྦེ་ཨིན་པས། གནམ་རིམ་གཉིས་པ་དེ་ནང་ ཚོ་ཁག་ ༡༡ ཡོདཔ་ཨིན་པས། ཁྲོམ་འདི་ དང་ཕུའི་མངའ་སྡེའི་ལྟེ་བ་ཅིག་ཨིནམ་དང་ སྤྱི་ལོ་མ་ཐོན་པའི་སྔོན་ལོ་ ༥༡༤ ལུ་འུ་མངའ་སྡེའི་རྒྱལཔོ་ ཧེར་ལི་བོ་གིས་གཞི་བཙུགས་གནང་ཡོདཔ་ཨིན། རྒྱལཔོ་དང་རྒྱལ་ཆེན་ཚུ་གིས་ གནམ་བྱཱར་ ངལ་སང་སའི་ལྟེ་བ་དང་ཚོང་འབྲེལ་ཡོད་སའི་ ས་ཁོངས་ཅིག་སྦེ་སྡོད་ཡོདཔ་ཨིན།&lt;ref name=&quot;:0&quot;&gt;ཅཱའེ་ན་ཧའེ་ལའེཊ། (ལོ་མེད།) སུ་ཙེའུ་ལམ་འགྲུལ་ལམ་སྟོན། &lt;nowiki&gt;https://www.chinahighlights.com/suzhou/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

སུ་ཙེའུ་ཁྲོམ་ཚོགས་འདི་ཡ་མཚན་ཆེ་བའི་ཁྲོམ་ཚོགས་ཅིག་ཨིན་མི་དེ་ཡང་ ཁྲོམ་ཁར་འཆར་གཞི་སྤུས་དག་དང་ལེགས་ལོམ་སྦེ་བརྩམས་བརྩམས་ཏེ་བཟོ་བཀོད་ལེགས་ཤོམ་སྦེ་བཟོ་བའི་ གཡུར་ཆེན་ཚུ་ཡོདཔ་ཨིན་པས། དེ་བཟུམ་སྦེ་ཟམ་དང་ ལྷ་ཁང་དང་སྔར་སྲོལ་གྱི་ལྡུམ་ར་མཛེས་ཆ་དང་ལྡན་མི་དང་དགའ་ཏོག་ཏོ་ཡོད་མི་ཚུ་ཡོདཔ་ཨིན། ལྡུམ་ར་ཚུ་ལོ་ངོ་བརྒྱ་གི་ཧེ་མ་ ཕྱུགཔ་དང་དཔོན་ཚུ་གིས་བཟོ་སྟེ་དབང་ཡོདཔ་ཨིན། ཁྲོམ་ཚོགས་འདི་སེ་ཤུད་བཏོན་མི་དང་བཟོ་སྐྲུན་འབད་མིའི་ལྟེ་བ་ཅིག་ཨིན་པས། ཁྲོམ་འདི་འཛམ་གླིང་སྤྱི་ཚོགས་ཤེས་ཡོན་ཚན་རིག་དང་ལམ་སྲོལ་ལས་སྡེའི་ཐོ་ནང་ འཛམ་གླིང་གི་སྔར་ཁྱུན་ས་ཁོངས་ཅིག་སྦེ་ཚུད་དེ་ཡོདཔ་ཨིན། &lt;ref&gt;ཝི་ཀི་པི་ཌི་ཡ། (༢༠༢༥) སུ་ཙེའུ། &lt;nowiki&gt;https://en.wikipedia.org/wiki/Suzhou&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;དེ་ལས་ས་ཁོངས་ཚུ་ནང་ མཚོ་དང་ གཙང་ཆུ་ རྫིང་ མཚོའི་ཤར་ཕྱོགས་ཀྱི་འགྲམ་ལུ་ མཐོང་སྣང་ཆེཝ་དང་མཛེས་པའི་སྤོ་ཏོ་ཚུ་ཡང་མཐོང་སར་ཡོདཔ་ཨིན། དེ་མ་ཚད་ ཁྲོམ་འདི་ འཛམ་གླིང་ནང་གི་སྒྲིང་ཁྱིམ་རིང་ཤོས་ཀྱི་གྲས་ལས་ཅིག་ཨིན་མི་ ཐོག་ ༩༥ འབད་མི་ སུ་ཙེའི་རྒྱལ་སྤྱི་དངུལ་འབྲེལ་གྲུ་བཞི་དེ་ཡོདཔ་ཨིན། དེ་ལས་ས་ཁོངས་ནང་ ཐོན་ཁུངས་ཆེ་བའི་སོ་ནམ་ཞིང་ལཱ་འབད་མི་ཡང་ཡོདཔ་དང་ ལྟེ་བ་ཅིག་སྦེ་རྩི་དོ་ཡོདཔ་ཨིན། རྒྱ་མི་གི་དཔེ་གཏམ་ནང་ལས་ ལྷའི་ཡུལ་ལུ་ཞིང་ཁམས་དང་ འཛམ་བུ་གླིང་ནང་ཧང་ཇུའོ་དང་སུ་ཙེའུ་ཡོད་ཟེར་སླབ་སྲོལ་ཡོདཔ་ཨིན་པས། སྔ་རབས་ཁྱུན་བཟང་གི་ལྡུམ་ར་དང་ སྔར་སྲོལ་གྱི་ཆུ་མཐའི་བཟོ་བཀོད་དང་ སྔར་སྲོལ་གྱི་རོལ་གར་ཚུ་ཡོངས་གྲགས་ཡོདཔ་ཨིན། ཁྲོམ་འདི་ཆུའི་ཁྲོམ་ཟེར་བཤད་དོ་ཡོདཔ་ཨིན། &lt;ref name=&quot;:0&quot; /&gt;</text>
      <sha1>j9mlhlyv6nu7g0hwdxrde9qjei396xh</sha1>
    </revision>
  </page>
  <page>
    <title>ཏིཡན་ཇིན། རྒྱ་ནག། Tianjin, China</title>
    <ns>0</ns>
    <id>9037</id>
    <revision>
      <id>39678</id>
      <timestamp>2026-04-24T09:12:30Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>Tianjin, China</comment>
      <origin>39678</origin>
      <model>wikitext</model>
      <format>text/x-wiki</format>
      <text bytes="11869" sha1="1nksnwqg08vvmya2ujy8o1738hf0t7c" xml:space="preserve">[[File:Tianjin-location-MAP-Municipality-in-China.jpg|thumb|293x293px|ཏིཡན་ཇིན་གྱི་ས་ཁྲ།]]
༉ ཏིཡན་ཇིན་འདི་རྒྱ་ནག་གི་བྱུང་ཕོགས་ཀྱི་ མངའ་སྡེ་དང་ཁྲོམ་ཚོགས་ཅིག་ཨིན། མངའ་སྡེ་འདི་ ཧེ་བེའི་མངའ་སྡེ་གི་ཤར་ཁ་ཐུག་དང་ བྱང་ཕྱོགས་རྒྱ་ནག་གྱི་ཐང་ལས་བྱང་ཤར་གྱི་གི་ཁུག་ཁ་ཐུག་ལུ་ཡོདཔ་ཨིན། ཁྲོམ་ཚོགས་དེ་ ཤང་ཧེའེ་དང་བྷེ་ཇིང་གི་ཤུལ་ལུ་ རྒྱ་ནག་གི་ཁྲོམ་སྡེ་ཨང་གསུམ་པ་ཅིག་ཨིན་པས། ཁྲོམ་ཚོགས་འདི་བཟོ་སྐྲུན་ཀྱི་ལྟེ་བ་ཁག་ཆེ་ཤོས་ཅིག་ཨིནམ་མ་ཚད་་ བྱང་ཕྱོགས་རྒྱ་ནག་གྱི་གྲུ་ཆགས་ས་ཨང་དང་པ་ཅིག་ཨིན་པས། ཏིཡན་ཇིན་གྱི་ཁྲོམ་སྡེ་ལུ་ སཁའི་རྒྱ་ཁྱོན་ ཀི་ལོ་མི་ཊར་གྲུ་བཞི་ ༡༡༧༦༠ ཡོདཔ་ཨིན།&lt;ref name=&quot;:0&quot;&gt;བ་རུཆ་བོག་སར། (༢༠༢༥) ཏིཡན་ཇིན། &lt;nowiki&gt;https://www.britannica.com/place/Tianjin-China&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;
[[File:Tianjin Eye and Tianjin.jpg|thumb|293x293px|ཏིཡན་ཇིན་ཁྲོམ་ཚོགས།]]
ཏིཡན་ཇིན་ཟེར་མི་གི་གོ་དོན་འདི་ རྒྱལ་ཆེན་གྱི་གྲུ་ཆགས་ས་ཟེར་བའི་དོན་ཨིནམ་དང་ རྒྱལ་ཡོངས་ཀྱི་ཁྲོམ་ཚོགས་དགུ་ཡོད་ས་ལས་གཅིག་ཨིན། སྤྱི་ལོ་ ༢༠༢༠ ལུ་ མངའ་སྡེའི་ཁྲོམ་ཚོགས་ནང་ མི་རློབས་ ༡༣,༨༦༦,༠༠༩ ཡོདཔ་སྦེ་བཀོད་དེ་འདུག། རྒྱལ་ཁམས་ཀྱི་ཚོགས་སྡེ་གིས་ཐད་ཁར་བདག་སྐྱོང་འབད་མིའི་ཁྲོམ་སྡེ་ བཞི་ཡོད་ས་ལས་ཅིག་ཨིན། གཞན་མི་གསུམ་པོ་དེ་ཡང་  བྷེ་ཇིང་དང་ ཤང་ཧའེ་ ཆོང་ཀིང་ཨིན་པས། ཁྲོམ་ཚོགས་ཀྱི་ས་མཚམས་ཁར་ ཧེ་བེའེ་མངའ་སྡེ་དང་ བྷེ་ཉིང་གི་ཁྲོམ་ཚོགས་ཡོདཔ་ཨིན་པས། དེ་བཟུམ་སྦེ་ ཤར་ལུ་ བོ་ཧེའེ་མཚོ་ཁུག་གི་མཐའ་བསྐོར་ཏེ་ཡོདཔ་ཨིན།&lt;ref name=&quot;:1&quot;&gt;ཝི་ཀི་པི་ཌི་ཡ། (༢༠༢༥) ཏིཡན་ཇིན། &lt;nowiki&gt;https://en.wikipedia.org/wiki/Tianjin&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt; མངའ་སྡེ་འདི་ གཡུན་ཚན་ཡང་ཅིན་རྫོང་ཁག་ ༡༦ ལུ་བགོ་སྟེ་ཡོདཔ་ཨིན། ཁྲོམ་གྱི་མི་རློབས་འབད་བ་ཅིན་ རྒྱ་ནག་ལས་ཨང་བདུན་པ་ནང་ཨིནམ་དང་ བདག་སྐྱོང་གི་ས་ཁོངས་ཀྱི་མི་རློབས་དང་འཁྲིལ་བ་ཅིན་ རྒྱ་ནག་ལས་ཨང་ལྔ་པའི་ནང་ཨིན་པས། རྩིགཔ་བསྒོར་ཏེ་ཡོད་པའི་ཁྲོམ་ཚོགས་འདི་ སྤྱི་ལོ་ ༡༤༠༤ ལུ་བཟོ་སྐྲུན་འབད་ཡོདཔ་ཨིན། སྤྱ་ལོ་ ༡༨༦༠ ལས་ ཆིངས་ཡིག་གི་གྲུ་ཆགས་ས་ཅིག་འབད་ཞིནམ་ལས་ ཏིཡན་ཇིན་འདི་ གྲུ་ཆགས་ས་དང་བྷེ་ཇིང་འགྱོ་སའི་ལམ་བཟུམ་ཅིག་ཨིན་པས།&lt;ref name=&quot;:1&quot; /&gt; ཁྲོམ་ཚོགས་འདི་ཞིབ་འཚོལ་གྱི་གྲུབ་འབྲས་བཏོན་པའི་ འཛམ་གླིང་གི་ཁྲོམ་ཚོགས་ ཨིང་ཁལ་གཅིག་པ་ནང་ཨིན་པས། མངའ་སྡེ་འདི་ཧེ་མ་དུས་རབས་ ༡༩ པའི་ནང་ ཐེངས་ཅིག་བིརི་ཊིཤ་གི་དབང་བའི་ས་ཆ་ཅིག་སྦེ་སྡོད་ཡོདཔ་ཨིན་པས། ཡུ་རོབ་ཀྱི་ཁྱིམ་གྱི་བཟོ་བཀོད་ཚུ་དང་ཁྲོམ་ལམ་དྲག་ཤོས་ལྔ་ལུ་ཡོདཔ་དང་ ཨི་ཊ་ལི་གི་ཁྲོམ་ལམ་ཚུ་ཡང་ ཨི་ཊ་ལི་གི་ལུགས་སྲོལ་སྦེ་ གཞི་བཀོད་ཚུ་མཐོང་ཚུགས་ནི་ཨིན་པས། དེ་འབདཝ་ལས་ མངའ་སྡེ་འདི་སྔར་སྲོལ་དང་དེང་སང་འདྲེས་མ་སྦེ་ཡོད་པའི་མངའ་སྡེ་དང་ཁྲོམ་ཚོགས་ཅིག་ཨིན་པས།&lt;ref&gt;ཅཱའེ་ན་ཧའེ་ལའེཊ། (ལོ་མེད།)ཏིཡན་ཇིན་ལུ་འབད་དགོ་པའི་དྲག་ཤོས། &lt;nowiki&gt;https://www.chinahighlights.com/tianjin/top-things-to-do.htm&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

ཁྲོམ་ཚོགས་ནང་ ཆེ་རིམ་ཤེས་ཡོན་གྱི་གཙུག་སྡེ་ཚུ་ཡང་ཡོདཔ་ཨིནམ་མ་ཚད་ མཐོ་རིམ་སློབ་གྲྭ་དང་གཙུག་ལག་སློབ་སྡེ་ཚུ་ཡོདཔ་ཨིན། སྐྱེལ་འདྲེན་དང་ཚོང་འབྲེལ་གྱི་ལྟེ་བ་ཅིག་སྦེ་ ཡུའན་བརྒྱུན་འཛིན་ (༡༢༠༦ ལས་ ༡༣༦༨) གི་སྐབས་ལས་ར་སྡོད་ཡོདཔ་ཨིན་པས། དུས་རབས་ ༡༩ པ་ ཡུ་རོབ་ཀྱི་མངའ་ཁོངས་འོག་ལུ་བཙུགས་མི་ཚུ་མ་ལྷོད་པའི་ཧེ་མ་ལས་མངའ་སྡེ་འདི་ ཡོངས་གྲགས་ཅིག་སྦེ་སྡོད་ཡོདཔ་ཨིན་པས།&lt;ref name=&quot;:0&quot; /&gt; བྱུང་རབས་ཅན་གྱི་རྗེས་ཤུལ་དངོས་པོ་དང་ རང་བཞིན་གྱི་མཐོང་སྣང་ ལྷ་ཁང་ཡེ་ཤུའི་ལྷ ཁང་ འཛོམས་འདུ་ཁང་དང་ རྒྱ་ནག་གྱི་རྩ་སྒྱུར་གྱི་ས་ཁོངས་ཚུ་མཐོང་སར་ཡོདཔ་དང་ ལྷ་བཤལཔ་ཚུ་གི་དོན་ལུ་འོང་དགོ་མནོ་སི་སི་བཟོ་སའི་གཞི་ཅིག་ཨིན་པས། རྒྱ་ནག་གི་འཕྲུལ་དང་ཐགས་རིག་བཟོ་གྲྭ་ཚུ་འབྱུང་སའི་གཞི་ཡང་མངའ་སྡེ་དེ་ཁར་ལས་ཨིན་པས།.&lt;ref&gt;ཝི་ཀི་པི་ཌི་ཡ། (༢༠༢༥) ཏིཡན་ཆིན། &lt;nowiki&gt;https://simple.wikipedia.org/wiki/Tianjin&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;

ལག་བཟོ་གྱི་ཐོན་ཁུངས་དང་ ཊེ་རི་ཀོ་ཊཱ་ ལགཔ་གིས་ཚོན་བཏང་བའི་ ཨེན་ཏ་་།དང་ རྒྱ་མཚོའི་བཞེས་སྒོ་ཚུ་འཐོབ་ནི་ཡོད་པའི་ཁྲོམ་ཚོགས་ཅིག་ཨིན། ཁྲོམ་ཚོགས་ནང་སྒྲིང་ཁྱིམ་རིངམོ་དང་འཇའ་ཆི་ཆི་ ཧ་ལས་སི་སི་སྦེ་ཡོད་པའི་ཕྱི་རྒྱལ་གྱ་གཞི་བཀོད་ཅནམ་དང་ རྒྱ་ནག་གྱི་ནང་འཁོད་ཀྱི་བཟོ་བཀོད་ཡོད་མི་ཚུ་ཡོདཔ་དང་ ཚོང་ཉོ་ནི་དང་བཙོང་ནི་ རྩེདམོ་རྩེ་ནི་ བཤལ་འགྱོ་ནི་དང་ཞག་སྡོད་ནི་ འགྲེམས་སྟོན་ཁང་ བཞེས་སྒོ་ལྷམ་པ་མ་འདྲཝ་ཚུ་ཟ་ནི་ལ་སོགས་པའི་ མཐུན་རྐྱེན་མང་རབས་ཅིག་ཡོདཔ་ཨིན།&lt;ref name=&quot;:0&quot; /&gt;

མཚོའི་མཐའ་མར་ཡོད་དེ་འབད་རུང་  ཉིན་བསྟར་དང་ནམ་དུས་ཀྱི་འགྱུར་འགྲོས་དང་བསྟུན་དེ་གནམ་གཤིས་འགྱུར་དོ་ཡོདཔ་ཨིན་པས། སྤྱི་ཟླ་ ༡༠ ལས་ ༡༢ པ་ཚུན་གནམ་ཨིནམ་དང་ དགུན་བསིལ་ཏོང་ཏོ་སྦེ་སྡོད་དོ་ཡོད་རུང་ སྤྱི་ཟླ་ ༥ པ་ལས་ ༩ པ་ཚུན་གནམ་བྱཱ་ཨིནམ་དང་གནམ་ཚ་དྲོད་ཡོདཔ་སེ་སྡོད་པའི་ཁར་ ཆརཔ་ཡང་འབབ་དོ་ཡོདཔ་ཨིན། གནམ་དགུན་ལུ་ཆརཔ་ཉུང་སུ་ཅིག་ལས་མེདཔ་དང་ རླུང་མ་དང་མཐའ་འཁོར་ཚུ་སྐམ་ཀྲག་ཀྲ་སྦེ་སྡོདཔ་ཨིན་པས། དགུན་གྱི་རློན་གཤེར་འདི་ སྤྱིར་སྙོམས་ལུ་ བརྒྱ་ཆ་ ༥༠ འོངམ་ཨིན་པས། གནམ་བྱཱ་ལུ་ སྤྱིར་སྙམས་རློན་གཤེར་གྱི་ཚད་ བརྒྱ་ཆ་ ༧༠ ལས་ལྷག་སྟེ་འཐོབ་དོ་ཡོདཔ་ཨིན། ལོ་བསྟར་གྱི་སྤྱིར་སྙོམས་དྲོད་ཤུགས་འདི་ཌིག་རི་སེལ་སིཡསི་ ༥༦ ཨིན་པས། སྤྱི་ཟླ་ ༡ པའི་སྤྱིར་སྙོམས་དྲོད་ཤུགས་ཀྱི་ཚད་འདི་ ཌིག་རི་སེལ་སིཡསི་ ༢༥ དང་ སྤྱི་ཟླ་ ༧ པ་ལུ་ ༨༡ ཨིན་པས། དགུན་ལུ་རླུང་ཆར་ཚུ་འོང་དོ་ཡོད་རུང་ རླུང་འཚུབ་དྲོག་པོ་འདི་དཀོན་དྲགས་ཅི་ཨིན་སཔ།&lt;ref name=&quot;:0&quot; /&gt;

'''རྒྱབ་ཁུངས་དཔེ་དེབ།'''</text>
      <sha1>1nksnwqg08vvmya2ujy8o1738hf0t7c</sha1>
    </revision>
  </page>
  <page>
    <title>འུ་ཧཱན། རྒྱ་ནག། Wuhan, China.</title>
    <ns>0</ns>
    <id>9038</id>
    <revision>
      <id>39679</id>
      <timestamp>2026-04-24T09:26:16Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>wuhan, China</comment>
      <origin>39679</origin>
      <model>wikitext</model>
      <format>text/x-wiki</format>
      <text bytes="10277" sha1="sa747lajy84ollhlmsnuq49ico0n6ho" xml:space="preserve">[[File:Wuhan-location-MAP-in-Hubei-Province-in-China.jpg|thumb|293x293px|འུ་ཧཱན་གྱི་ས་ཁྲ།]]
༉ འུ་ཧཱན་འདི་རྒྱ་ནག་གི་ཧུ་བེའི་མངའ་སྡེའི་ ལྟེ་བ་ཨིནམ་དང་ དབུས་ཕྱོགས་རྒྱ་ནག་གི་མི་རློབས་མཐོ་ཤོས་ཡོད་པའི་ ས་ཁོངས་ཅིག་སྦེ་ཆ་བཞགཔ་ཨིན་པས། &lt;ref&gt;ཝི་ཀི་པི་ཌི་ཡ། (༢༠༢༤) འུ་ཧཱན། &lt;nowiki&gt;https://simple.wikipedia.org/wiki/Wuhan&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ས་ཁོངས་འདི་ཇི་ཡང་ཧང་རྒྱ་ཐང་ལས་ ཤར་ཁ་ཐུག་ལུ་ཡོདཔ་དང་ ཡང་ཙེ་དང་ ཧཱན་གཙང་ཆུ་གཉིས་འཛོམས་སར་ཆགས་ཡོདཔ་ཨིན། &lt;ref name=&quot;:0&quot;&gt;ཝི་ཀི་པི་ཌི་ཡ། (༢༠༢༥) འུ་ཧཱན། &lt;nowiki&gt;https://en.wikipedia.org/wiki/Wuhan&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;འུ་ཧཱན་གྱི་སའི་རྒྱ་ཁྱོན་འདི་ ཀི་ལོ་མི་ཊར་གྲུ་བཞི་ ༨,༥༦༩.༡༥ ཡོདཔ་ཨིན། &lt;ref&gt;ཨེན་ཐོ་ནི། (༢༠༢༥) འུ་ཧཱན། &lt;nowiki&gt;https://www.thechinajourney.com/wuhan/&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;རྩ་བར་ཡོད་པའི་ཁྲོམ་ཚོགས་གསུམ་ཡང་ འུ་ཆང་ ཧན་ཀུ་དང་ཧཱན་ཡེང་ཚུ་ཨིནམ་དང་ དེ་ཚུ་གི་དོན་ལུ་ འུ་ཧཱན་འདི་ སྐྱེལ་འདྲེན་གྱི་ལྟེ་བ་ཅིག་ཨིན་པས། &lt;ref&gt;བིརི་ཊ་ནི་ཀ། (༢༠༢༥) འུ་ཧཱན། &lt;nowiki&gt;https://www.britannica.com/place/Wuhan&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;འུ་ཧཱན་ལུ་ རེལ་ལི་ལམ་ལེ་ཤ་ཡོད་པའི་ཁར་ སྣུམ་འཁོར་འགྲོ་འགྲུལ་གྱི་དོན་ལུ་འཁོར་ལམ་ རེལ་ལི་མེ་ཊོ་གི་ལམ་ཚུ་ཡོདཔ་དང་ དེ་ཚུ་ཉ་འདབས་ཀྱི་ཁྲོམ་དང་གཅིག་ཁར་མཐུན་འབྲེལ་འབད་དེ་ཡོདཔ་ཨིན། སྐྱེལ་འདྲེན་དང་འགྲོ་འགྲུལ་ལུ་ཉེ་བར་མཁོ་བའི་ཁྲོམ་ཅིག་འབད་ནི་འདི་གིས་ས་གནས་འདི་ རྒྱ་ནག་གི་ཤི་ཀ་གོ་ཟེར་རྩི་དོ་ཡོདཔ་ཨིན། དེ་ལས་རྒྱ་ནག་གི་མངའ་སྡེ་གཞན་ཁར་འགྱོ་ནི་དང་ཕྱི་རྒྱལ་ལུ་འགྱོ་ནིའི་གནམ་གྲུ་ཐང་དང་མཁའ་འགྲུལ་གྱི་ཞབས་ཏོག་ཡང་ཡོདཔ་ཨིན། དེ་བཟུམ་སྦེ་དབུས་ཕྱོགས་རྒྱ་ནག་གི་ སྲིད་དོན་དང་དཔལ་འབྱོར་ དངུལ་འབྲེལ་ ལམ་སྲོལ་ ཤེས་ཡོན་གྱི་ལྟེ་བ་ཅིག་ཡང་ཨིན་པས། ཁྲོམ་འདི་ ཧུ་བེའི་མངའ་སྡེ་གི་མི་རློབས་མཐོ་ཤོས་ཡོད་མི་ཅིག་ཨིན་པའི་ཁར་ རྒྱ་ནག་གི་མི་རློབས་མཐོ་ཤོས་ཡོད་མི་ཨང་བརྒྱད་པའི་ནང་ཨིན་པས། དེ་བཟུམ་སྦེ་ རྒྱལ་ཡོངས་ཀྱི་ཁྲོམ་ཚོགས་ལྟེ་བ་དགུ་ཡོད་ས་ལས་ཅིག་ཨིནམ་དང་ རྒྱ་ནག་རྒྱལ་ཁབ་ནང་སྡོད་དགོ་མནོ་སི་སི་གི་ཁྲོམ་ཚོགས་ཨང་གཉིས་པ་ཨིན་པས།&lt;ref name=&quot;:0&quot; /&gt;
[[File:Wuhan (94502).jpg|thumb|287x287px]]
ཁྲོམ་དེ་གི་མིང་འདི་འགོ་ཐོག་ ༡༩༢༧ ལུ་བོ་ཡོདཔ་དང་ དེའི་གོ་དོན་ཡང་ ཉ་འདབས་ཀྱི་ཁྲོམ་འུ་ཆང་དང་ཧཱན་ཀུ་ལས་ལས་རིགས་བགྲེས་ཏེ་བཏགས་བཏགསཔ་ཨིན་པས།&lt;ref&gt;ཅཱའེ་ན་ཧའེ་ལའེཊ། (ལོ་མེད།) འུ་ཧཱན་གྱི་བདེན་པ། &lt;nowiki&gt;https://www.chinahighlights.com/wuhan/wuhan-facts.htm&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt; ཁྲོམ་གྱི་མི་རློབས་འདི་སྤྱི་ལོ་ ༢༠༢༣ ལུ་ས་ཡ་ ༡༣.༧༧ ཡོདཔ་སྦེ་བཀོད་ཡོདཔ་ཨིན། ཁྲོམ་འདི་ལུ་མིང་གཞན་ཇི་ཡང་ཅན་ཟེར་བོ་སྲོལ་ཡོད་མི་དེ་ཡང་ གཙང་ཆུའི་ཁྲོམ་ཟེར་བའི་དོན་ཨིན་པས། ཁྲོམ་དེ་ལུ་རྫོང་ཁག་གསུམ་ཡོདཔ་མས། འཛམ་གླིང་ནང་དུག་ཅན་དང་ཁྱབ་སྤེལ་ཆེ་བའི་ནད་གཞི་ཀོ་ཝིཌ་ ༡༩ འདི་ཡང་ འུ་ཧཱན་ལས་ཐོན་ཡོདཔ་ཨིན། ས་ཁོངས་འདི་རྒྱལ་ཁབ་ཀྱི་སྦུག་ན་འབདཝ་ལས་ ཡུདཔ་ཅིག་རྒྱ་ནག་གི་ས་ཁོངས་ག་ཏེ་ལས་ཡང་འཛུལ་བཏུབ་ཨིན། &lt;ref name=&quot;:1&quot;&gt;མག་ད་སོ་ཡར། (༢༠༢༤) འུ་ཧཱན། &lt;nowiki&gt;https://www.babagoeschina.com/things-to-do-in-wuhan/&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt;

ས་ཁོངས་འདི་གཙང་ཆུའི་མཐའ་མར་འབདཝ་ལས་ གཙང་ཆུའི་མཐོང་སྣང་ཉིན་མཚན་གཉིས་ཆ་ར་ལུ་ཆེ་བའི་ཁར་ ཉོ་བཙོང་དང་ཚོང་འབྲེལ་འཐབ་ནིའི་དོན་ལུ་ ཚོང་ཁང་དང་ཚོང་ཁྲོམ་ སྒྲིང་ཁྱིམ་ཐུང་ཀུ་ལས་རིངམོ་འབད་མི་ཚུ་ཡོདཔ་ཨིན། དེ་བཟུམ་སྦེ་ཟ་འཐུང་གི་དོན་ལུ་ཟ་ཁང་དང་འཕྲལ་སྤྱོད་ཟ་ཁང་ཚུ་ཡོདཔ་ཨིན། དེ་ལས་ ཟ་འཐུང་ཚུ་ཁྲོམ་ལམ་བདའ་འབྱོརཔ་འབྱོརཔ་སྦེ་ཡོདཔ་ལས་ རང་གི་གདམ་ཁ་དང་བསྟུན་ལོངས་སྤྱོད་ནིའི་གོ་སྐབས་ལྡན་པའི་ཁར་ ཟ་འཐུང་ཡང་འུ་ཧཱན་ནང་འཁོད་ཀྱི་རྐྱངམ་གཅིག་གི་མ་དོ་བར་རྒྱ་ནག་གི་ས་ཁོངས་གཞན་གྱི་གདམ་ཁ་ཡང་ཡོདཔ་མ་ཚད་ རྒྱལ་སྤྱིའི་ཟ་འཐུང་ཚུ་གི་གོ་སྐབས་ཡང་སྤྱོད་ཚུགས་ནི་ཨིན་པས། དེ་མ་ཚད་ གནམ་ནུབ་མོ་སེམས་བག་ཕེབས་ནི་དང་དགའ་སྤྲོ་བསྒྱུར་ནིའི་དོན་ལུ་ ནུབ་མོ་བཤལ་ས་ཚུ་ཡང་ཡོདཔ་ཨིན། དེ་བཟུམ་མཚོ་ཡང་ཡོདཔ་ལས་ རང་བཞིན་གནས་སྟངས་ལུ་དགའ་མི་དང་ ཁྲོམ་གྱི་སྐད་དང་འུར་ཟིང་ལས་ཐག་རིང་སར་སྡོད་མི་ཚུ་གི་དོན་ལུ་ རང་བཞིན་གནས་སྟངས་ཀྱི་འདོད་ཡོན་ཧིང་སང་ས་དང་བཙག་ཏོག་ཏོ་ཚུ་སྤྱོད་ནིའི་གོ་སྐབས་ཡོདཔ་ཨིན། &lt;ref name=&quot;:1&quot; /&gt;འགྲེམས་སྟོན་ཁང་དང་ལྷ་ཁང་ཚུ་ཡང་མཐོང་སར་ཡོདཔ་ཨིན། དེ་ལས་ཡེ་ལོ་ཀེརེན་ཀ་རིང་གུར་འཛེགས་ཏེ་ ཁྲོམ་དང་གཙང་ཆུའི་མཐོང་ནང་ཚུ་མཐོང་གསལ་ཆེ་ཏོག་ཏོ་སྦེ་མཐོངམ་ཨིན་པས། དེ་ལས་ཚདཔ་ཚ་བ་ཅིན་ ཁྱིམ་ནང་འཁོད་རྩེདམོ་རྩེ་ས་ཚུ་ཡོདཔ་དང་ཁྲོམ་ནང་ཤིང་ཚུ་བཙུགས་ཏེ་ཡོདཔ་ཨིན། ཁྲོམ་འདི་གནམ་བྱཱ་ལུ་གནམ་མེད་ས་མེད་ཚདཔ་ཚཝ་ལས་ དེ་སྐབས་མི་ཚུ་གིས་ཕྱི་རུ་བསིལ་ཏོང་ཏོ་འགྱོཝ་ད་རྐྱངམ་གཅིག་ཕྱི་ཁར་ཐོན་ཞིནམ་ལས་ལཱ་ཚུ་འབད་དོ་ཡོདཔ་ལས་ནུབ་མོ་གར་དྲགས་འཚམས་སྡོདཔ་ཨིན་པས། &lt;ref name=&quot;:1&quot; /&gt;

'''རྒྱབ་གཏེན་དཔེ་དེབ།'''</text>
      <sha1>sa747lajy84ollhlmsnuq49ico0n6ho</sha1>
    </revision>
  </page>
  <page>
    <title>ཞི་ཨཱན། རྒྱ་ནག། Xian, China</title>
    <ns>0</ns>
    <id>9039</id>
    <revision>
      <id>39680</id>
      <timestamp>2026-04-24T09:34:11Z</timestamp>
      <contributor>
        <username>Kinleyg</username>
        <id>12459</id>
      </contributor>
      <comment>Created page with &quot;[[File:Xian-location-MAP-in-Shaanxi-Province-in-China.jpg|thumb|281x281px]] ༉ ཞི་ཨཱན་འདི་ ཤཱན་ཞི་མངའ་སྡེའི་ཁྲོམ་ཚོགས་ཀྱི་ལྟེ་བ་ཅིག་ཨིན། ཁྲོམ་དེ་ནུབ་བྱང་གི་དབུས་ཕྱོགས་ལུ་ཆགས་ཏེ་ཡོདཔ་ཨིན། ཁྲོམ་སྦོམ་དེ་སྤྱི་ལོ ༢༠༡༡ ལ...&quot;</comment>
      <origin>39680</origin>
      <model>wikitext</model>
      <format>text/x-wiki</format>
      <text bytes="6649" sha1="j5wvy6zju49rcwuxc1pgkbx4y2ds91s" xml:space="preserve">[[File:Xian-location-MAP-in-Shaanxi-Province-in-China.jpg|thumb|281x281px]]
༉ ཞི་ཨཱན་འདི་ ཤཱན་ཞི་མངའ་སྡེའི་ཁྲོམ་ཚོགས་ཀྱི་ལྟེ་བ་ཅིག་ཨིན། ཁྲོམ་དེ་ནུབ་བྱང་གི་དབུས་ཕྱོགས་ལུ་ཆགས་ཏེ་ཡོདཔ་ཨིན། ཁྲོམ་སྦོམ་དེ་སྤྱི་ལོ ༢༠༡༡ ལུ་མི་རློབས་ ས་ཡ་དྲུག་ཡོདཔ་སྦེ་བཀོད་ཡོདཔ་ཨིན། སྤྱི་ལོ་ ༢༠༢༠ གི་སྙན་ཞུ་དང་འཁྲིལཝ་ད་ ཁྲོམ་བརྩིས་ཏེ་ མི་རློབས་ས་ཡ་  ༡༢.༩༥ ཡོདཔ་སྦེ་ཨིན་པས། &lt;ref&gt;ཝི་ཀི་པི་ཌི་ཡ། (༢༠༢༣) ཞི་ཨཱན། &lt;nowiki&gt;https://en.wikipedia.org/wiki/Xi%27an&lt;/nowiki&gt;  ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་ཚོགས་འདི་ཊེ་རི་ཀོ་ཊ་དམག་མི་ཚུ་ཡོད་སའི་ཡོངས་གྲགས་ཅན་གི་ཁྲོམ་ཚོགས་ཅིག་ཨིན་པས། དེ་ཡང་ རྒྱ་ནག་གི་རྒྱལ་ཆེན་དང་པ་ ཀུའིན་ཤི་ཧུཝང་གི་པུར་ཁང་ནང་ཡོདཔ་ཨིན། ཞི་ཨཱན་ཟེར་བའི་མིང་གི་དོན་དག་འདི་ ནུབ་ཕྱོགས་ཀྱི་ཕོ་བྲང་ཟེར་བའི་དོན་ཨིན་པས། དང་ཕུ་མིང་རྒྱལ་ཁམས་སྡོད་པའི་སྐབས་ རྒྱལ་ཁམས་དེའི་ནུབ་ཕྱོགས་ལུ་ཡོད་མི་ལས་བརྟེན་ མིང་དེ་སྦེ་བཏགས་བཏགསཔ་ཨིན་པས། ཁྲོམ་སྡེ་འདི་ལུ་ རྫོང་ཁག་ ༡༠ དང་ཚོ་ཁག་ ༣ ནང་བགོ་ཡོདཔ་ཨིན། &lt;ref&gt;ཝི་ཀི་པི་ཌི་ཡ། (༢༠༢༣) ཞི་ཨཱན། &lt;nowiki&gt;https://simple.wikipedia.org/wiki/Xi%27an&lt;/nowiki&gt; ནང་ལས་ཐོབ་ཡོདཔ་ཨིན།&lt;/ref&gt;ཁྲོམ་ཚོགས་ཡོད་སར་ སྔོན་དང་ཕུའི་རྒྱ་རྒྱ་ནག་གི་མི་ཚུ་གིས་ གཙང་ཆུ་སེརཔོ་གི་ལུང་གཤོང་ལུ་མི་རབས་ཆགས་སའི་འབྱུང་ཁུངས་ཅིག་སྦེ་རྩི་དོ་ཡོདཔ་ཨིན། &lt;ref name=&quot;:0&quot;&gt;ཊེ་ཝཱལ་ཅཱའེ་ན་གའེཌ། ཞི་ཨཱན་ལུ་འགྲོ་འགྲུལ་གྱི་ལམ་སྟོན། (༢༠༢༣) ཞི་ཨཱན། &lt;nowiki&gt;https://www.travelchinaguide.com/cityguides/xian.htm&lt;/nowiki&gt;  ནང་ལས་ཐོབ་ཡོདཔ་ཨིན།&lt;/ref&gt;

སྤྱི་ལོ་ ༡༩༩༠ གོ་གྲངས་ལུ་ རྒྱ་ནག་གི་ནུབ་ཕྱོགས་ཡར་རྒྱས་ཀྱི་ལས་རིམ་གྱི་དོན་ལུ་དྲག་ཤོས་ཅིག་སྦེ་འབད་མིའི་ཁྲོམ་ཅིག་ཨིན་པས། དེ་འབདཝ་ལས་ ནུབ་བྱང་དབུས་ཀྱི་དཔལ་འབྱོར་དང་ ལམ་སྲོལ་ ཤེས་ཡོན་གཙུག་སྡེ་ཚུ་གི་ལྟེ་བ་ཅིག་སྦེ་ཡོདཔ་ཨིན། དེ་ཡང་ ཆེ་རིམ་ཤེས་ཡོན་གྱི་ལྟེབ་ཅིག་ཨིནམ་དང་ གཙུག་ལག་སློབ་སྡེ་དང་མཐོ་རིམ་སློབ་གྲྭ ༦༠ དེ་ཅིག་ཡོདཔ་ཨིན་པས། &lt;ref&gt;བིརི་ཊ་ནི་ཀ། (ལོ་མེད།) ཞི་ཨཱན། &lt;nowiki&gt;https://www.britannica.com/place/Xian-China&lt;/nowiki&gt; ནང་ལས་འཐབ་ཡོདཔ་ཨིན།་&lt;/ref&gt;དེ་བཟུམ་སྦེ་ ཁྲོམ་ནང་མཁའ་འགྲུལ་དང་གྲུ་ དེ་ལས་སྐྱེལ་འདྲེན་བཱསི་གི་འགྲུལ་སྐྱོད་ཀྱི་ཞབས་ཏོག་ཡོདཔ་ཨིན། ཁྲོམ་ཁར་ཕྱི་རུ་བེལ་ཀ་རིང་གི་མཐའ་རི་སྐོར་ཆ་ལུ་ མཐོང་སྣང་དང་ལས་རིམ་སྣ་ཚོགས་ཚུ་སྟོན་སར་ མཐོང་ཚུགས་ནི་ཨིནམ་དང་ དེང་སང་གི་སྤྲོ་སྟོན་ཁང་ཚུ་ཡང་ཡོདཔ་ཨིན། དེ་ལས་ཉོ་ཚོང་རྐྱབ་ནི་གི་ཁྲོམ་དང་ཚོང་ཁང་སྦོམ་ཚུ་ཡང་ཡོདཔ་ཨིན། དེ་བཟུམ་སྦེ་ནང་འཁོད་ལས་འཐོན་པའི་བཞེས་སྒོ་ཚུ་ཡང་འཐོབ་ཚུགས་ནི་ཨིནམ་མ་ཚད་ ཕྱི་རྒྱལ་གྱི་བཞེས་སྒོ་ཚུ་ཡང་འཐོབ་དོ་ཡོདཔ་ཨིན་པས།&lt;ref name=&quot;:0&quot; /&gt;

ཁྲོམ་ཚོགས་འདི་འཛམ་གླིང་གི་ལྟ་བཤལ་འོང་སའི་ས་གནས་ཡོངས་གྲགས་ཅན་ཅིག་ཨིན་པས། ཁྲོམ་གྱི་ཡིད་འཕྲོག་པའི་གཞི་ཡང་ སྔར་སྲོལ་གྱི་བྱུང་རབས་དང་དངོས་ཅན་གྱི་ལམ་སྲོལ་དང་ཅ་དོངས་ འགྲེམས་སྟོན་ཁང་ འཁྲབ་སྟོན་ལས་རིམ་ རི་དང་འབབ་ཆུ་ཚུ་ཨིན་པས། &lt;ref&gt;ཅཱའེ་ན་ཧའེ་ལའེཊསི། (ལོ་མེད།) ཟ་ཡཱན་ལུ་འགྱོ་མ་མྱོངམི་ཚུ་གི་དོན་ལུ་ཤེས་དགོཔ་ ༨ ། &lt;nowiki&gt;https://www.chinahighlights.com/xian/xian-facts.htm&lt;/nowiki&gt; ནང་ལས་ཐོབ་ཡོདཔ་ཨིན། &lt;/ref&gt; 

'''རྒྱབ་གཏེན་དཔེ་དེབ།'''</text>
      <sha1>j5wvy6zju49rcwuxc1pgkbx4y2ds91s</sha1>
    </revision>
  </page>
</mediawiki>