རི་དྭགས་སེམས་ཅན་ལྟ་རྟོག་འབད་ཐངས་ཀྱི་སྐོར།

<mediawiki xmlns="http://www.mediawiki.org/xml/export-0.11/" xmlns:xsi="http://www.w3.org/2001/XMLSchema-instance" xsi:schemaLocation="http://www.mediawiki.org/xml/export-0.11/ http://www.mediawiki.org/xml/export-0.11.xsd" version="0.11" xml:lang="dz">
  <siteinfo>
    <sitename>Wikipedia</sitename>
    <dbname>dzwiki</dbname>
    <base>https://dz.wikipedia.org/wiki/%E0%BD%98%E0%BC%8B%E0%BD%A4%E0%BD%BC%E0%BD%82%E0%BC%8D</base>
    <generator>MediaWiki 1.47.0-wmf.15</generator>
    <case>first-letter</case>
    <namespaces>
      <namespace key="-2" case="first-letter">Media</namespace>
      <namespace key="-1" case="first-letter">Special</namespace>
      <namespace key="0" case="first-letter" />
      <namespace key="1" case="first-letter">Talk</namespace>
      <namespace key="2" case="first-letter">User</namespace>
      <namespace key="3" case="first-letter">User talk</namespace>
      <namespace key="4" case="first-letter">Wikipedia</namespace>
      <namespace key="5" case="first-letter">Wikipedia talk</namespace>
      <namespace key="6" case="first-letter">File</namespace>
      <namespace key="7" case="first-letter">File talk</namespace>
      <namespace key="8" case="first-letter">MediaWiki</namespace>
      <namespace key="9" case="first-letter">MediaWiki talk</namespace>
      <namespace key="10" case="first-letter">Template</namespace>
      <namespace key="11" case="first-letter">Template talk</namespace>
      <namespace key="12" case="first-letter">Help</namespace>
      <namespace key="13" case="first-letter">Help talk</namespace>
      <namespace key="14" case="first-letter">Category</namespace>
      <namespace key="15" case="first-letter">Category talk</namespace>
      <namespace key="710" case="first-letter">TimedText</namespace>
      <namespace key="711" case="first-letter">TimedText talk</namespace>
      <namespace key="828" case="first-letter">Module</namespace>
      <namespace key="829" case="first-letter">Module talk</namespace>
      <namespace key="1728" case="first-letter">Event</namespace>
      <namespace key="1729" case="first-letter">Event talk</namespace>
    </namespaces>
  </siteinfo>
  <page>
    <title>རི་དྭགས་སེམས་ཅན་ལྟ་རྟོག་འབད་ཐངས་ཀྱི་སྐོར།</title>
    <ns>0</ns>
    <id>9188</id>
    <revision>
      <id>40095</id>
      <timestamp>2026-08-18T10:59:10Z</timestamp>
      <contributor>
        <username>Kheng Singye Dorji (KSD)</username>
        <id>9274</id>
      </contributor>
      <comment>Created page with &quot;༉ འབྲུག་རྒྱལ་ཁབ་འདི་ འཛམ་གླིང་ནང་མཐའ་འཁོར་གནས་སྟངས་དང་མཐུན་པའི་ རྒྱལ་ཁབ་ཚུ་གི་གྲས་ལས་གཅིག་ཨིན། རྒྱལ་ཁབ་འདི་ནང་ སྐྱེ་ལྡན་རིགས་སྣ་དང་ནགས་ཚལ་མཛེས་ཆ་དང་ལྡནམ་སྦེ་ཡོད་...&quot;</comment>
      <origin>40095</origin>
      <model>wikitext</model>
      <format>text/x-wiki</format>
      <text bytes="30897" sha1="1pc1t63fswlx2gagrra0nl6zenlt6wb" xml:space="preserve">༉ འབྲུག་རྒྱལ་ཁབ་འདི་ འཛམ་གླིང་ནང་མཐའ་འཁོར་གནས་སྟངས་དང་མཐུན་པའི་ རྒྱལ་ཁབ་ཚུ་གི་གྲས་ལས་གཅིག་ཨིན། རྒྱལ་ཁབ་འདི་ནང་ སྐྱེ་ལྡན་རིགས་སྣ་དང་ནགས་ཚལ་མཛེས་ཆ་དང་ལྡནམ་སྦེ་ཡོད་པའི་ཁར་ ཁཝ་གིས་བསྐོར་བའི་གངས་རི་དང་་ གཙང་ཆུ་ཧིང་སང་ས་ དེ་ལས་ ཉམས་སྲུང་འབད་སའི་ས་ཁོངས་ཚུ་ཡོངས་གྲགས་ཅན་ཡོདཔ་ཨིན། འབྲུག་རྒྱལ་ཁབ་ནང་ སའི་རྒྱ་ཚད་བརྒྱ་ཆ་ ༧༠ ལྷགཔ་ཅིག་ ནགས་ཚལ་གྱིས་ཁྱབ་སྟེ་ཡོདཔ་ལས་ རི་དྭགས་སེམས་ཅན་གྱི་རིགས་ལེ་ཤ་ཅིག་ལུ་ འོས་འབབ་དང་ལྡན་པའི་སྡོད་ས་ཚུ་བྱིནམ་ཨིན། འབྲུག་རྒྱལ་ཁབ་འདི་ འཛམ་གླིང་ནང་ སེམས་ཅན་སྟོང་ཉེན་ཅན་འཁྱམ་སའི་ས་གོ་ཅིག་ཡང་ཨིན། འབྲུག་གི་རྩ་ཁྲིམས་ཆེན་མོ་དང་འཁྲིལ་བ་ཅིན་ དུས་ཨ་རྟག་ར་ རྒྱལ་ཁབ་ཀྱི་ས་ཆ་ཉུང་ཤོས་བརྒྱ་ཆ་ ༦༠ དེ་ཅིག་ ནགས་ཚལ་གྱིས་ཁྱབ་སྟེ་བཞག་དགོཔ་སྦེ་ཡོདཔ་ལས་ རྒྱལ་ཁབ་ཀྱིས་ མཐའ་འཁོར་ཉམས་སྲུང་འབད་ནི་ལུ་ ཁས་བླངས་སྒྲིང་སྒྲི་འབད་དེ་ཡོདཔ་ཨིན། 

རི་དྭགས་སེམས་ཅན་ལྟ་རྟོག་འབད་ནི་འདི་ ཚན་རིག་མཁས་པ་དང་ཉམས་སྲུང་མཁས་མཆོག་ ནགས་ཚལ་འགོ་དཔོན་ དེ་ལས་ ས་གནས་ཀྱི་མི་སྡེ་ཚུ་གིས་ སེམས་ཅན་གྱི་གྱངས་ཁ་ གསོ་བ་དང་གནས་སྟངས་ཚུ་ ཧ་གོ་ཚུགས་པའི་ ལཱ་ཁག་ཆེ་ཤོས་ཅིག་ཨིན། འདི་ནང་ལུ་ དུས་ཚོད་དང་འཁྲིལ་ཏེ་ རི་དྭགས་སེམས་ཅན་ཚུ་ ལྟ་རྟོག་དང་ ཐོ་བཀོད་འབད་ནི་ དེ་ལས་ བརྟག་དཔྱད་འབད་ནི་ཚུ་ཚུདཔ་ཨིན། དེ་བཟུམ་ལྟ་རྟོག་འབད་མི་འདི་གིས་ མཁས་མཆོག་ཚུ་གིས་ སེམས་ཅན་གྱི་གྱངས་ཁ་ ཡར་སེང་མར་ཕབ་ ཡངན་ སེང་ཕབ་མེད་པར་བརྟན་ཏོག་ཏོ་སྦེ་ཡོད་མེད་ཚུ་ ཤེས་ཚུགས་ནི་ཨིན་མས།  

=== '''རི་དྭགས་ལྟ་རྟོག་ཟེར་མི་འདི་ག་ཅི་སྨོ?''' ===
རི་དྭགས་ལྟ་རྟོག་ཟེར་མི་འདི་ རི་དྭགས་སེམས་ཅན་དང་ ཁོང་གི་སྡོད་སའི་ས་གོ་ཚུ་གི་སྐོར་ལས་ དུས་ཡུན་རིངམོ་གི་རིང་ལུ་ བརྡ་དོན་བསྡུ་ལེན་འབད་ནི་གི་ལམ་ལུགས་ཀྱི་བྱ་རིམ་ཅིག་ལུ་སླབ་ཨིན། དེ་ཡང་ སེམས་ཅན་ཚུ་གྱངས་ཁ་རྐྱབ་ནི། ཁོང་གི་འགྲོ་འགྲུལ་ཚུ་བརྟག་ཞིབ་འབད་ནི། བྱ་སྤྱོད་ཚུ་བརྟག་ཞིབ་འབད་ནི། ཕྱུ་གུ་མཚར་ནི་གི་དཔེ་རིས་ཚུ་ཐོ་བཀོད་འབད་ནི་དང་ དེཁོང་གི་ མི་ཚེ་གནས་ཐབས་ལུ་ཉེན་ཁ་ཡོད་མི་ཚུ་ ངོས་འཛིན་འབད་ནི་ཚུ་ཨིན། རི་དྭགས་སེམས་ཅན་ཚུ་ ལྟ་རྟོག་འབད་དགོ་པའི་དམིགས་ཡུལ་ངོ་མ་ར་ རི་དྭགས་སེམས་ཅན་གྱི་གྱངས་ཁ་དང་ སྐྱེ་ལྡན་གནས་སྟངས་ཀྱི་འགྱུར་བ་ཚུ་ ཧ་གོ་ཐབས་ལུ་ཨིན། 

=== '''རི་དྭགས་སེམས་ཅན་ལྟ་རྟོག་འབད་དགོ་པའི་གལ་གནད།''' ===
ང་བཅས་འབྲུག་རྒྱལ་ཁབ་ནང་ རི་དྭགས་སེམས་ཅན་ཚུ་ ལྟ་རྟོག་འབད་ནི་འདི་ གནམ་མེད་ས་མེད་ཁག་ཆེ་ཤོས་ཅིག་ཨིན། དེ་ཡང་ ག་ཅི་སྦེ་ཟེར་བ་ཅིན་ འབྲུག་རྒྱལ་ཁབ་ནང་ སྐྱེ་ལྡན་གནས་སྟངས་རིམ་ལུགས་མ་འདྲཝ་ཡོད་ནི་དེ་གིས་ཨིན་པས། སྐྱེ་ལྡན་གནས་སྟངས་རིམ་ལུགས་འདི་གིས་ གཞན་དང་མ་འདྲ་བའི་རིགས་སྣ་དང་ ཉམས་ཉེན་ཅན་གྱི་རིགས་སྣ་ལེ་ཤ་ཅིག་ལུ་རྒྱབ་སྐྱོར་འབདཝ་ཨིན།

'''རི་དྭགས་ལྟ་རྟོག་འབད་དགོ་པའི་གལ་གནད་་ཚུ་ཡང་།'''

༡. རབས་ཆད་ནི་ཉེན་ཁ་ཡོད་མི་ གངས་གཟིག།སྟག།  ཨ་ཅོ་གདོང་དཀར་དང་ ཁྲུང་ཁྲུང་སྐེ་ནག་བཟུམ་གྱི་རིགས་སྣ་ཚུ་ ཉམས་སྲུང་འབད་ནི།

༢. རི་དྭགས་ཀྱི་གྲངས་རློབས་ནང་ འགྱུར་བ་བརྟག་དཔྱད་འབད་ནི།

༣. ཁྲིམས་འགལ་ཐོག་ལས་ཤ་བདའ་ནི་དང་ རི་དྭགས་སེམས་ཅན་གྱི་ཚོང་འབྲེལ་ཚུ་ བཀག་ཐབས་འབད་ནི།

༤. ནགས་ཚལ་དང་རང་བཞིན་གནས་སྟངས་ཉམས་སྲུང་འབད་ནི།

༥. ཚན་རིག་བརྟག་དཔྱད་དང་ཤེས་ཡོན་ལུ་རྒྱབ་སྐྱོར་འབད་ནི།

༦. མི་དང་རི་དྭགས་ཀྱི་བར་ན་ སྟབས་མ་བདེཝ་མར་ཕབ་འབད་ནི།

༧. གཞུང་གི་ལས་སྡེ་ཚུ་ལུ་ ཉམས་སྲུང་གི་སྲིད་བྱུས་བཟོ་ནི་ལུ་གྲོགས་རམ་འབད་ནི།

༨. སྐྱེ་ལྡན་གནས་སྟངས་ལྟ་བཤལ་དང་ ཡུན་བརྟན་གོང་འཕེལ་ཡར་དྲག་གཏང་ནི།

'''ལྟ་རྟོག་འབད་དགོཔ་ཡོད་པའི་རི་དྭགས་སེམས་ཅན་གྱི་རིགས་སྣ།'''

འབྲུག་རྒྱབ་ཀྱིས་ ཉམས་ཉེན་ཅན་གྱིརི་དྭགས་སེམས་ཅན་གྱི་རིགས་ལེ་ཤ་ཅིག་ ལྟ་རྟོག་འབད་དོ་ཡོདཔ་ཨིན། འབྲུག་རྒྱལ་ཁབ་ནང་ གལ་ཅན་སྦེ་ ལྟ་རྟོག་འབད་དགོཔ་ཡོད་མི་ཚུ་ཡང་།

=== '''སྟག།''' ===
འབྲུག་རྒྱལ་ཁབ་འདི་ སེམས་ཅན་སྟག་ཚུ་ ས་ཁ་དམའ་བའི་ནགས་ཚལ་ལས་འགོ་བཟུང་ གངས་རི་མཐོ་བའི་ལུང་ཕྱོགས་ཚུན་ཚོད་ སྡོད་མི་རྒྱལ་ཁབ་དག་པ་ཅིག་གི་གྲས་ལས་གཅིག་ཨིན། ཞིབ་འཚོལ་པ་དང་ལྟ་རྟོག་པ་ཆ་ཁྱབ་ཀྱིས་ པར་ཆས་ལག་ལེན་འཐབ་སྟེ་ སྟག་གི་གྱངས་ཁ་དང་ གཡོ་འགུལ་ཚུ་ ཚད་རྩིས་བཏོན་ཚུགས་དོ་ཡོདཔ་ཨིན་མས།

=== '''གངས་གཟིག།''' ===
གངས་གཟིག་ཚུ་ ཧི་མ་ལ་ཡའི་རི་མཐོ་སར་སྡོད་དོ་ཡོདཔ་ཨིན། གངས་གཟིག་ཚུ་ཐད་ཀར་དུ་ ལྟ་རྟོག་འབད་ནི་ལུ་ ལཱ་ཁག་ཡོདཔ་ལས་ ཞིབ་འཚོལ་པ་དང་ལྟ་རྟོག་པ་ཆ་ཁྱབ་ཀྱིས་ པར་ཆས་དང་རྐང་རྗེས་ཚུ་  ལག་ལེན་འཐབ་སྟེ་བརྟག་ཞིབ་འབད་དོ་ཡོདཔ་ཨིན་པས།

=== '''ཨ་ཅོ་གདོང་དཀར།''' ===
ཨ་ཅོ་གདོང་དཀར་འདི་ སྦ་དང་ཚ་དྲོད་ལྡན་པའི་ནགས་ཚལ་ནང་སྡོད་དོ་ཡོདཔ་ཨིན། རི་དྭགས་འགོ་དཔོན་ཚུ་གིས་ རི་དྭགས་ཚུ་གི་སྡོད་ས་དང་ཟ་སྤྱོད་ཀྱི་སྤྱོད་ལམ་ དེ་ལས་ གྱངས་ཁ་གི་ཚད་གཞི་ཚུ་ ལྟ་རྟོག་འབད་དེ་ གནས་ཚུགསཔ་བཟོཝ་ཨིན་པས།

=== '''འབྲོང་གྱིམ་ཙི།''' ===
འབྲོང་གྱིམ་ཙི་འདི་ འབྲུག་རྒྱལ་ཡོངས་ཀྱི་སེམས་ཅན་ཅིག་ཨིན། འབྲོང་གྱིམ་ཙི་ཚུ་ ལྟ་རྟོག་འབད་མི་འདི་གིས་ ཚན་རིག་མཁས་པ་ཚུ་ལུ་ དུས་ཚོད་དང་འཁྲིལ་ཏེ་ གནས་སྤོ་འགྱོ་མི་དང་ རིགས་རྒྱུད་སྤེལ་ཐངས་ དེ་ལས་ སྡོད་ས་ལག་ལེན་འཐབ་ཐངས་ཚུ་ཧ་གོ་ནི་ལུ་ ཕན་ཐོགས་འབྱུང་དོ་ཡོདཔ་ཨིན།

=== '''ཁྲུང་ཁྲུང་སྐེ་ནག།''' ===
ཁྲུང་ཁྲུང་སྐེ་ནག་ཚུ་ གནམ་དགུན་ཨ་རྟག་ར་ འབྲུག་ལུ་གནས་སྤོ་སྟེ་འོང་དོ་ཡོདཔ་དང་ དེ་ཡང་ གཙོ་བོ་ར་ ཕོབ་སྦྱིས་ཁ་དང་འབུམ་སྡེ་གླིང་ལུང་གཤོང་ནང་ འོང་དོ་ཡོདཔ་ཨིན། ཉམས་སྲུང་མཁས་པ་ཆ་ཁྱབ་ཀྱིས་ ལོ་བསྟར་བཞིན་དུ་ བྱ་ཚུ་རྩིས་རྐྱབ་སྟེ་ བྱ་ཚང་བཅའ་ཐངས་དང་ གནས་སྤོ་འགྱོ་ཐངས་ཚུ་ ལྟ་རྟོག་འབདཝ་ཨིན་པས།

=== '''སྤྱ་དཀར།''' ===
སྤྱ་དཀར་འདི་ གཙོ་བོ་ར་འབྲུག་རྒྱལ་ཁབ་ཀྱི་དབུས་ཕྱོགས་ལུ་ མཐོངམ་ཨིན། ཞིབ་འཚོལ་པ་དང་ལྟ་རྟོག་པ་ཆ་ཁྱབ་ཀྱིས་ སྡེ་ཚན་སྦོམ་ཆུང་དང་ ཟ་སྤྱོད་ཀྱི་གོམས་གཤིས་ དེ་ལས་ སྡོད་གནས་ཀྱི་སྤུས་ཚད་ཚུ་ ལྟ་རྟོག་འབདཝ་ཨིན་པས།

=== '''རི་དྭགས་ལྟ་རྟོག་གི་ཐབས་ལམ།''' ===
འབྲུག་ལུ་ རི་དྭགས་སེམས་ཅན་ཚུ་ ལྟ་རྟོག་འབད་ནིའི་དོན་ལུ་ ཐབས་ལམ་ལེ་ཤ་ཅིག་ ལག་ལེན་འཐབ་དོ་ཡོདཔ་ཨིན། དེ་ཚུ་ཡང་།

=== '''པར་ཆས་ཀྱི་ཧིང་།''' ===
པར་ཆས་ཀྱི་ཧིང་ཟེར་མི་འདི་ ནགས་ཚལ་ནང་བཙུགས་མི་ རང་བཞིན་པར་ཆས་ཚུ་ཨིན། པར་ཆས་འདི་གིས་ རི་དྭགས་སེམས་ཅན་ཚུ་འགྲོ་འགྲུལ་འབདཝ་ད་ སེམས་ཅན་ཚུ་ལུ་ བར་ཆད་མ་རྐྱབ་པར་ པར་བཏབ་ནི་དང་བརྙན་འཁོར་ཚུ་བཟོ་དོ་ཡོདཔ་ཨིན། པར་ཆས་ལག་ལེན་འཐབ་མི་འདི་གིས་ དཀོན་དྲགས་ཅན་གྱི་སེམས་ཅན་ཚུ་ ངོས་འཛིན་འབད་ཚུགསཔ་མ་ཚད་ རི་དྭགས་སེམས་ཅན་ཚུ་ལུ་ དཀའ་ངལ་མར་ཕབ་འབད་དེ་ སེམས་ཅན་གྱི་་ཐོ་ཡང་ ངེས་བདེན་བྱིན་ནི་དང་ ཉིན་མཚན་མེད་པར་ལཱ་འབད་བཏུབ་པའི་ཁེ་ཕན་ཡོདཔ་ཨིན།

=== '''ཐད་ཀར་གྱི་བརྟག་དཔྱད།''' ===
ཞིབ་འཚོལ་པ་དང་ལྟ་རྟོག་པ་ཆ་ཁྱབ་ཀྱིས་ རྒྱང་ཤེལ་ལག་ལེན་འཐབ་སྟེ་ སེམས་ཅན་ཚུ་ལྟ་དོ་ཡོདཔ་ཨིན། འདི་གིས་ སེམས་ཅན་གྱི་གྱངས་ཁ་དང་སྤྱོད་ལམ་ བཟའ་འཐུང་ རིགས་རྒྱུད་ དེ་ལས་ སྡོད་གནས་ཀྱི་གནས་སྟངས་ཚུ་ ལྟ་རྟོག་འབདཝ་ཨིན། རྒྱང་ཤེལ་ལག་ལེན་ཐབས་ལམ་འདི་ བྱ་དང་ཀ་ཤ་ སྤྱ་ དེ་ལས་ གཞན་མཐོང་ཚུགས་པའི་སེམས་ཅན་ཚུ་ལུ་ ཕན་ཐོགས་དོ་ཡོདཔ་ཨིན།

=== '''རྐང་རྗེས་དང་རྗེས་ཤུལ་བརྟག་དཔྱད།''' ===
རི་དྭགས་འགོ་དཔོན་ཚུ་གིས སེམས་ཅན་ཚུ་གི་རྐང་རྗེས་དང་ སྡེའུ་བཞར་གྱི་རྟགས་ ཚང་དང་ཚང་དོང་ དེ་ལས་ གཞན་མི་རྟགས་མཚན་ཚུ་ལུ་བརྟེན་ རིགས་སྣ་ངོས་འཛིན་འབདཝ་ཨིན། འདི་བཟུམ་གྱི་ རི་དྭགས་སྲོག་ཆགས་ལྟ་རྟོག་ཐབས་ལམ་འདི་ ཐད་ཀར་དུ་ལྟ་རྟོག་འབད་ནི་ལུ་ལཱ་ཁག་ཡོད་པའི་ མཐའ་ཟུར་གྱི་ནགས་ཚལ་ཚུ་ནང་ ཕན་ཐོགས་ཡོདཔ་ཨིན།

=== '''མི་སྡེའི་ལྟ་རྟོག།''' ===
ས་གནས་ཀྱི་མི་སྡེ་དང་ གླིང་ག་ནང་སྡོད་མི་ཚུ་གིས་ རི་དྭགས་སེམས་ཅན་མཐོང་མི་དང་ ཁྲིམས་འགལ་གྱི་ལཱ་འབད་མི། དེ་ལས་ སྡོད་གནས་བསྒྱུར་བཅོས་འབད་མི་སེམས་ཚུ་ ལྟ་རྟོག་པ་ལུ་ སྙན་ཞུ་འབད་ནི་ཚུ་ ཁག་ཆེ་བའི་འགན་ཁུར་འབགཔ་ཨིན་པས།

=== '''འབྲུག་རྒྱལ་ཁབ་ནང་ རི་དྭགས་སེམས་ཅན་སྲུང་སྐྱོབ་ཀྱི་ས་ཁོངས།''' ===
ང་བཅས་རའི་འབྲུག་རྒྱལ་ཁབ་ནང་ རི་དྭགས་སེམས་ཅན་ཚུ་ དུས་རྒྱུན་དུ་ ལྟ་རྟོག་འབད་སའི་སྲུང་སྐྱོབ་ས་ཁོངས་ ལེ་ཤ་གཞི་བཙུགས་འབད་དེ་ཡོདཔ་ཨིན། དེ་ཚུ་ཡང་ འཇིགས་མེད་རྡོ་རྗེ་རྒྱལ་ཡོངས་གླིང་ག། རྒྱལ་འཛིན་མ་ནཱས་རྒྱལ་ཡོངས་གླིང་ག། འཇིགས་མེད་སེང་གེ་དབང་ཕྱུག་རྒྱལ་ཡོངས་གླིང་ག། དབང་ཕྱུག་བརྒྱ་འཁོར་རྒྱལ་ཡོངས་གླིང་ག། ཕིབ་སུ་རི་དྭགས་སྲུང་སྐྱོབ་ས་ཁོངས། སག་སྟེང་རི་དྭགས་སྲུང་སྐྱོབ་ས་ཁོངས། ཕྲུམ་སེང་ལ་རྒྱལ་ཡོངས་གླིང་ག། འཇིགས་མེད་གེ་སར་རང་བཞིན་སྲུང་སྐྱོབ་ས་ཁོངས་ཚུ་ནང་ སྐྱེ་ལྡན་རིག་སྣའི་བར་ལམ་ཚུ་མཐུད་དེ་ཡོདཔ་ལས་ སེམས་ཅན་ཚུ་སྡོད་གནས་ཀྱི་བར་ན་ ཉེན་སྲུང་དང་ལྡནམ་སྦེ་ འགྱོ་ཚུགསཔ་ཨིན།

'''རི་དྭགས་སྲོག་ཆགས་ལྟ་རྟོག་དང་འབྲེལ་བའི་ལས་སྡེ།'''

འབྲུག་ལུ་ རི་དྭགས་སེམས་ཅན་ཚུ་ལྟ་རྟོག་འབད་ནི་ལུ་ ལས་སྡེ་ལེ་ཤ་ཅིག་གིས་ གྲོགས་རམ་འབད་དོ་ཡོདཔ་ཨིན། དེ་ཚུ་ཡང་།

'''ནགས་ཚལ་དང་གླིང་ག་ཞབས་ཏོག་ལས་ཁུངས།'''

ནགས་ཚལ་དང་གླིང་ག་ཞབས་ཏོག་ལས་ཁུངས་ཀྱིས་ ནགས་ཚལ་དང་ཉམས་སྲུང་འབད་སའི་ས་ཁོངས་ དེ་ལས་ རི་དྭགས་སེམས་ཅན་ཚུ་ ཉམས་སྲུང་འབད་ནི་གི་འགན་ཁུར་སྒྲིང་སྒྲི་སྦེ་འབག་དོ་ཡོདཔ་ཨིན།

'''རང་བཞིན་སྲུང་སྐྱོབ་སྡེ་ཚན།'''

རང་བཞིན་སྲུང་སྐྱོབ་སྡེ་ཚན་གྱིས་ ཉམས་སྲུང་གི་ཐབས་ཤེས་ཚུ་བཟོ་སྟེ་ རི་དྭགས་སེམས་ཅན་གྱི་ཞིབ་འཚོལ་དང་ལྟ་རྟོག་འབད་ནི་ལུ་ རྒྱབ་སྐྱོར་འབདཝ་ཨིན།

'''ཨྱོན་དབང་ཕྱུག་ཉམས་སྲུང་དང་མཐའ་འཁོར་ཞིབ་འཚོལ་སྤེལ་ཁང་།'''

ཨྱོན་དབང་ཕྱུག་ཉམས་སྲུང་དང་མཐའ་འཁོར་ཞིབ་འཚོལ་སྤེལ་ཁང་གིས་ ཚན་རིག་ཞིབ་འཇུག་དང་ རི་དྭགས་སྲོག་ཆགས་ཞིབ་འཇུག་ མཐའ་འཁོར་ཤེས་ཡོན། དེ་ལས་སྦྱོང་བརྡར་ཚུ་ འགོ་འདྲེན་འཐབ་ཨིན།

=== '''འཛམ་གླིང་རི་དྭགས་སྲོག་ཆགས་མ་དངུལ།''' ===
འཛམ་གླིང་རི་དྭགས་སྲོག་ཆགས་མ་དངུལ་གྱིས་ རི་དྭགས་སྲོག་ཆགས་ཉམས་སྲུང་ལས་འགུལ་དང་ པར་ཆས་ཀྱི་བརྟག་ཞིབ་ དེ་ལས་ སྡོད་གནས་སྲུང་སྐྱོབ་ཚུ་ལུ་ མ་དངུལ་གྱི་རྒྱབ་སྐྱོར་འབདཝ་ཨིན།

=== '''ས་གནས་དང་མི་སྡེ།''' ===
གཡུས་ཁའི་མི་སྡེ་ཚུ་གིས་ རི་དྭགས་སེམས་ཅན་ཚུ་ ལྟ་རྟོག་འབད་ནི་དང་ཁྲིམས་འགལ་གྱི་ལཱ་ཚུ་ སྙན་ཞུ་འབད་ནི་ལུ་ བཅའ་མར་གཏོགས་པའི་སྐབས་ རང་བཞིན་ཐོན་སྐྱེད་ཚུ་ ཡུན་བརྟན་ལག་ལེན་འཐབ་ནི་ལུ་ཡང་ ཕན་ཐོགསཔ་ཨིན།

=== '''རི་དྭགས་སེམས་ཅན་ལྟ་རྟོག་འབད་ནི་ལུ་གདོང་ལེན།''' ===
མ་གཞི་ ང་བཅས་རའི་འབྲུག་རྒྱལ་ཁབ་འདི་ ཡར་རྒྱས་འགྱོ་སྟེ་ཡོད་རུང་ རི་དྭགས་སེམས་ཅན་ལྟ་རྟོག་འབད་ནི་འདི་ གདོང་ལེན་ཅན་ཅིག་ཡོདཔ་ཨིན། དེ་ཡང་ འབྲུག་རྒྱལ་ཁབ་འདི་ རི་གཟར་དྲགས་དང་ནགས་ཚལ་སྟུག་དྲགས་ དེ་ལས་ གནམ་གཤིས་རྩུབ་དྲགས་ཡོད་མི་ལུ་བརྟེན་ རི་དྭགས་སེམས་ཅན་ཚུ་ བརྟག་ཞིབ་འབད་ནི་ལུ་ ལཱ་ཁག་གཏང་དོ་ཡོདཔ་ཨིན། དེ་ལས་ མ་དངུལ་ཚད་ཅིག་ལས་མེད་མི་དེ་གིས་ གོང་ཚད་མཐོ་དྲགས་ཡོད་པའི་པར་ཆས་ཚུ་ཉོ་ནི་ལུ་ དཀའ་ངལ་བྱུང་སྟེ་ཡོདཔ་ཨིན། དེ་མ་ཚད་ དྲོད་ཚད་ཡར་སེང་འགྱོ་མི་དང་ ཆརཔ་གི་གནས་སྟངས་འགྱུར་བ་འགྱོ་མི་ལུ་བརྟེན་ རི་དྭགས་སེམས་ཅན་གྱི་སྡོད་གནས་དང་ གནས་སྤོ་འགྱོ་ནི་ལུ་ ཐོ་ཕོགས་དོ་ཡོདཔ་ཨིན། རི་དྭགས་སེམས་ཅན་ཚུ་གིས་འཕྲལ་འཕྲལ་སྐབས་ ལོ་ཐོག་ལུ་གནོདཔ་བཀལ་མི་དང་ སྒོ་ནོར་སེམས་ཅན་ཚུ་ལུ་ གནོདཔ་བཀལ་མི་ལུ་བརྟེན་ ས་གནས་ཀྱི་མི་སྡེ་ཚུ་དང་ སྟབས་མ་བདེཝ་འཐོན་དོ་ཡོདཔ་དང་ ཁྲིམས་འགལ་ཐོག་ལས་ ཤ་བདའ་མི་འདི་གིས་ རི་དྭགས་སེམས་ཅན་ཚུ་ལུ་ ཉེན་ཁ་འབྱུང་དོ་ཡོདཔ་ཨིན། ད་རུང་ རི་དྭགས་སེམས་ཅན་ལྟ་རྟོག་འབད་ནི་གི་དོན་ལུ་ སྦྱོང་བརྡར་ཡོད་མི་ཚན་རིག་པ་དང་ནགས་ཚལ་འགོ་དཔོན་ སྒོ་ནོར་སྨན་པ་དང་ཞིབ་འཚོལ་པ་ཚུ་ ཚད་ཅིག་ལས་མེད་མི་འདི་གིས་ཡང་ དཀའ་ངལ་འབྱུང་དོ་ཡོདཔ་ཨིན་པས།

=== '''མི་སྡེའི་གྲལ་གཏོགས།''' ===
ས་གནས་ཀྱི་མི་སྡེ་ཚུ་ རི་དྭགས་སྲུང་སྐྱོབ་ཀྱི་མཉམ་འབྲེལ་པ་ གལ་ཅན་ཅིག་སྦེ་རྩིཝ་ཨིན། དེ་ཡང་ མི་སྡེ་འཐུས་མི་ཚུ་གིས་ རི་དྭགས་སྲུང་སྐྱོབ་འབད་ནི་ལུ་ གྲོགས་རམ་འབདཝ་ཨིན་པས། དེ་ལས་ རི་དྭགས་སེམས་ཅན་ཚུ་མཐོངམ་ད་ ལྟ་རྟོག་པ་ཆ་ཁྱབ་ལུ་སྙན་ཞུ་འབད་ནི་དང་ ནགས་ཚལ་སྲུང་སྐྱོབ་འབད་ནི། ནགས་ཚལ་མེ་རྐྱེན་ལས་བཀག་འཛིན་འབད་ནི་དང་ཁྲིམས་འགལ་ཐོག་ལས་ ཤ་བདའ་མི་ཚུ་ མར་ཕབ་འབད་ནི། དེ་ལས་ སྐྱེ་ལྡན་གནས་སྟངས་ལྟ་བཤལ་ཚུ་ལུ་ རྒྱབ་སྐྱོར་འབདཝ་ཨིན། མི་སྡེ་ཚུ་གིས་ བཅའ་མར་གཏོགས་མི་འདི་གིས་ རི་དྭགས་སེམས་ཅན་ཚུ་སྒྲིང་སྒྲི་སྦེ་ ཉམས་སྲུང་འབད་ཚུགས་པས་ཟེར་ཨིནམ་དང་ དེ་ཡང་ ག་ཅི་སྦེ་ཟེར་བ་ཅིན་ ནགས་ཚལ་གྱི་ཉེ་འདབས་ལུ་སྡོད་མི་ཚུ་གིས་ ས་གནས་ཀྱི་རི་དྭགས་དང་ སྡོད་གནས་ཚུ་ ཧ་གོ་མི་ལུ་བརྟེན་ཨིན་མས།

=== '''མཇུག༌བསྡུ།''' ===
འབྲུག་གི་ཁྱད་དུ་འཕགས་པའི་སྐྱེ་ལྡན་རིགས་སྣ་ཚུ་ ཉམས་སྲུང་འབད་ནི་གི་དོན་ལུ་ རི་དྭགས་སེམས་ཅན་ཚུ་ ལྟ་རྟོག་འབད་ནི་འདི་ ཁག་ཆེ་ཤོས་ཅིག་ཨིན་མས། དུས་རྒྱུན་གྱི་ལྟ་རྟོག་དང་ཚན་རིག་གི་ཞིབ་འཚོལ་ དེ་ལས་ དེང་སང་གི་འཕྲུལ་རིག་ཚུ་གི་ཐོག་ལས་ ཉམས་སྲུང་མཁས་པ་ཚུ་གིས་ རི་དྭགས་སེམས་ཅན་གྱི་ཚད་གཞི་ཚུ་ ལེགས་ཤོམ་སྦེ་ཧ་གོ་སྟེ་ རབས་ཆད་ནི་གི་ཉེན་ཁ་ཡོད་པའི་རིགས་སྣ་ཚུ་ ཉམས་སྲུང་འབད་དགོཔ་ཨིན། འབྲུག་གིས་མཐའ་འཁོར་གནས་སྟངས་ཀྱི་སྲིད་བྱུས་སྒྲིང་སྒྲི་དང་ ནགས་ཚལ་གྱི་ཁྱབ་ཚད་ ཉམས་སྲུང་འབད་ཡོད་པའི་ས་ཁོངས་ དེ་ལས་ས་གནས་ཀྱི་མི་སྡེ་ཚུ་གིས་ གྲལ་གཏོགས་འབད་མི་ལུ་བརྟེན་ རྒྱལ་ཁབ་འདི་ སྐྱེ་ལྡན་རིགས་སྣ་ཉམས་སྲུང་འབད་ནི་ལུ་ རྒྱལ་སྤྱིའི་དཔེ་སྟོན་ཅིག་ལུ་གྱུར་ཏེ་ཡོདཔ་ཨིན།

འབྲུག་རྒྱལ་ཁབ་འདི་ནང་ རི་གཟར་དྲགས་དང་གནམ་གཤིས་རྩུབ་དྲགས་ དེ་ལས་ ཐོན་ཁུངས་ཚད་ཅིག་ལས་བརྒལ་མེད་པའི་གདོང་ལེན་ཚུ་ཡོད་རུང་ པར་ཆས་དང་ རྒྱལ་སྤྱིའི་ཕྱོགས་སྟོན་ལམ་ལུགས་ ༼ཇི་པི་ཨེསི་༽ དེ་ལས་ མི་སྡེ་ཚུ་གིས་ བཅའ་མར་གཏོགས་ཐོག་ལས་ རི་དྭགས་སེམས་ཅན་ཚུ་ ལྟ་རྟོག་འབད་ནི་འདི་ ཡར་དྲག་གཏང་དོ་ཡོདཔ་ཨིན། རི་དྭགས་སེམས་ཅན་ཉམས་སྲུང་འབད་ནི་དེ་ སྐྱེ་ལྡན་གནས་སྟངས་མ་ཉམས་པར་བཞག་ནིའི་དོན་ལུ་རྐྱངམ་གཅིག་མེན་པར་ འབྲུག་གི་ལམ་སྲོལ་ སྲོལ་ཁྱུན་ཉམས་སྲུང་འབད་ནི་དང་ ཡུན་བརྟན་གོང་འཕེལ་ལུ་རྒྱབ་སྐྱོར་འབད་ནི་ དེ་ལས་ རྒྱལ་ཁབ་ཀྱི་མཐའ་འཁོར་གནས་སྟངས་བདག་འཛིན་འཐབ་ནིའི་ཁས་བླངས་འགྲུབ་ཐབས་ལུ་ཡང་ ཁག་ཆེ་ཤོས་ཅིག་ཨིན་པས།
[[Category:རི་དྭགས་སེམས་ཅན།]]</text>
      <sha1>1pc1t63fswlx2gagrra0nl6zenlt6wb</sha1>
    </revision>
  </page>
  <page>
    <title>ལྟ་བཤལ་གྱི་སྐོར།</title>
    <ns>0</ns>
    <id>9189</id>
    <revision>
      <id>40096</id>
      <timestamp>2026-08-18T11:03:58Z</timestamp>
      <contributor>
        <username>Kheng Singye Dorji (KSD)</username>
        <id>9274</id>
      </contributor>
      <comment>Created page with &quot;'''ལྟ་བཤལ་གྱི་ངོ་སྤྲོད།'''  ལྟ་བཤལ་ཟེར་མི་འདི་ དལ་ཁོམ་དང་ཚོང་འབྲེལ་ ཤེས་ཡོན་དང་མཐོང་སྣང་ ཡང་ན་ ལམ་སྲོལ་གྱི་ཉམས་མྱོང་ཚུ་གི་དོན་ལུ་ རང་སོའི་མཐའ་འཁོར་གྱི་ཕྱི་ཁར་ ས་གནས་ཚུ...&quot;</comment>
      <origin>40096</origin>
      <model>wikitext</model>
      <format>text/x-wiki</format>
      <text bytes="28653" sha1="egna01ij7xnkx06novqfunqt1k7l3gn" xml:space="preserve">'''ལྟ་བཤལ་གྱི་ངོ་སྤྲོད།'''

ལྟ་བཤལ་ཟེར་མི་འདི་ དལ་ཁོམ་དང་ཚོང་འབྲེལ་ ཤེས་ཡོན་དང་མཐོང་སྣང་ ཡང་ན་ ལམ་སྲོལ་གྱི་ཉམས་མྱོང་ཚུ་གི་དོན་ལུ་ རང་སོའི་མཐའ་འཁོར་གྱི་ཕྱི་ཁར་ ས་གནས་ཚུ་ནང་ འགྲུལ་སྐྱོད་འབད་མི་ལུ་སླབ་ཨིན། འཛམ་གླིང་ནང་གི་བཟོ་གྲྭ་སྦོམ་ཤོས་ཅིག་ཨིནམ་མ་ཚད་ རྒྱལ་ཁབ་མང་རབས་ཅིག་གི་དཔལ་འབྱོར་དང་ མི་སྡེ་གོང་འཕེལ་གྱི་ནང་ལུ་ ཁག་ཆེ་བའི་འགན་ཁུར་འབག་དོ་ཡོདཔ་ཨིན། ལོ་བསྟར་བཞིན་དུ་ མི་ས་ཡ་ལས་བཅད་དེ་ རྒྱལ་ཁབ་ནང་དང་ རྒྱལ་སྤྱིའི་ནང་ འགྲུལ་སྐྱོད་འབད་དེ་ ས་གནས་གསརཔ་ཚུ་ འཚོལ་ཞིབ་འབད་དེ་ མི་སོ་སོ་ཚུ་དང་ཕྱད་ནི། དེ་ལས་ གཞན་གྱི་ལམ་སྲོལ་མ་འདྲཝ་ཚུ་ མྱོང་ཚུགསཔ་ཨིན་པས། ལྟ་བཤལ་འདི་ ལོ་བསྟར་བཞིན་དུ་ གོང་འཕེལ་སྦོམ་སྦེ་ར་འགྱོ་སྟེ་ཡོདཔ་ཨིན།

ཧེ་མ་འབད་བ་ཅིན་ འགྲོ་འགྲུལ་འབད་མི་ མི་ཉུང་སུ་ཅིག་ལས་བརྒལ་མེད་མི་དེ་ཡང་ སྐྱེལ་འདྲེན་གྱི་ ཟད་འགྲོ་སྦོམ་དང་ དུས་ཚོད་འགོར་ནི་དེ་གིས་ཨིན་པས། ད་རེས་ནངས་པར་ སྐྱེལ་འདྲེན་དང་འཕྲུལ་རིག་ དེ་ལས་ བརྒྱུད་འབྲེལ་ཚུ་ ཡར་དྲག་འགྱོ་མི་ལུ་བརྟེན་ འགྲུལ་སྐྱོད་འབད་ནི་འདི་ འཇམ་ཏོང་ཏོ་དང་ གོང་ཚད་ཡང་ མཐོ་དྲགས་སྦེ་ འགྱོ་དོ་ཡོདཔ་ཨིན་པས། མི་ཚུ་གིས་ སྐར་མ་དག་པ་ཅིག་གི་ནང་འཁོད་ལུ་ གནམ་གྲུ་དང་ ཟ་ཁང་ དེ་ལས་ ལྟ་བཤལ་ཚུ་ ཡོངས་འབྲེལ་ཐོག་ལས་ བཀོད་སྒྲིག་འབད་ཚུགས་དོ་ཡོདཔ་ཨིན་མས།

ལྟ་བཤལ་འདི་གིས་ མི་ཚུ་ལུ་ ལམ་སྲོལ་དང་སྐད་ཡིག་ དེ་ལས་ མི་ཚེའི་གནས་སྟངས་ཚུ་ ལྷབ་བཅུག་སྟེ་ ལམ་སྲོལ་བརྗེ་སོར་འབད་ནི་ལུ་ ཕན་ཐོགས་དོ་ཡོདཔ་ཨིན། དེ་མ་ཚད་ མི་རིགས་མ་འདྲཝ་ཚུ་གི་བར་ན་ ཕན་ཚུན་ཧ་གོ་ནི་དང་ གུས་ཞབས་འབད་ནི་ལུ་ སེམས་ཤུགས་བྱིནམ་ཨིན་པས། གཞུང་དང་ཚོང་འབྲེལ་ལས་སྡེ་ཚུ་གིས་ ལྟ་བཤལ་ནང་ མ་རྩ་སྦོམ་སྦེ་ར་བཙུགས་དོ་ཡོདཔ་དང་ དེ་ཡང་ ལྟ་བཤལ་འདི་གིས་ ལཱ་གཡོག་བཟོ་ནི་དང་ འོང་འབབ་བཟོ་ནི། དེ་ལས་ གཞི་རྟེན་མཐུན་རྐྱེན་ཚུ་ གོང་འཕེལ་གཏང་ནི་ལུ་ རྒྱབ་སྐྱོར་འབདཝ་ལས་བརྟེན་ཨིན་པས། མི་ཚུ་གིས་ འགྲུལ་སྐྱོད་འབད་དགོ་པའི་ རྒྱུ་མཚན་ལེ་ཤ་ཅིག་ར་ཡོདཔ་ཨིན། ལ་ལུ་ཅིག་གིས་ ངལ་གསོ་ལུ་འགྱོ་དོ་ཡོདཔ་དང་ ལ་ལུ་ཅིག་གིས་ མཐོང་སྣང་དང་ཤེས་ཡོན་ ཡང་ན་ ཚོང་འབྲེལ་གྱི་གོ་སྐབས་ཚུ་ འཚོལ་དོ་ཡོདཔ་ཨིན་པས། དམིགས་ཡུལ་ག་ཅི་བཟུམ་ཅིག་འབད་རུང་ ལྟ་བཤལ་གྱིས་ ཉམས་མྱོང་གསརཔ་དང་ བརྗེད་ཐབས་མེད་པའི་དྲན་ཤེས་ཚུ་བྱིན་ཐོག་ལས་ མི་ཚུ་གི་མི་ཚེ་ཕྱུགཔོ་བཟོཝ་ཨིན་པས།

'''ལྟ་བཤལ་གྱི་དབྱེ་བ།'''

ལྟ་བཤལ་འདི་ འགྲུལ་སྐྱོད་ཀྱི་དམིགས་ཡུལ་ལུ་གཞི་བཞག་སྟེ་ དབྱེ་ཁག་ལེ་ཤ་ཅིག་ནང་ དབྱེ་བ་ཕྱེ་ཚུགསཔ་ཨིན།

'''དལ་ཁོམ་གྱི་ལྟ་བཤལ།''' མི་ཚུ་གིས་ ངལ་གསོའི་སྐབས་ལུ་ ངལ་སང་ནི་དང་ མཐོང་སྣང་ཚུ་བལྟ་ནི་ དེ་ལས་ བཟའ་ཚང་དང་ཆ་རོགས་ཚུ་དང་གཅིག་ཁར་ དུས་ཚོད་བྱིན་ནིའི་དོན་ལུ་ འགྲུལ་སྐྱོད་འབདཝ་ཨིན། མཚོ་འགྲམ་དང་གླིང་ག་ སྐྱིད་གནས་ དེ་ལས་ སྤྲོ་བའི་གླིང་ག་ཚུ་ དལ་ཁོམ་གྱི་ས་ཁོངས་ཡོངས་གྲགས་ཅན་ཅིག་ཨིན།

'''ལམ་སྲོལ་ལྟ་བཤལ།''' འགྲུལ་པ་ཚུ་གིས་ རྒྱལ་རབས་ཀྱི་ས་ཁོངས་དང་ འགྲེམས་སྟོན་ཁང་ དུས་སྟོན་ དེ་ལས་ སྲོལ་ཁྱུན་ས་ཁོངས་ཚུ་ནང་འགྱོ་སྟེ་ མི་སྡེ་སོ་སོའི་ ལམ་སྲོལ་དང་རྒྱལ་རབས་ཚུ་གི་སྐོར་ལས་ ཤེས་ཚུགསཔ་ཨིན་པས།

'''མཐོང་སྣང་ལྟ་བཤལ།''' འདི་བཟུམ་གྱི་སྤྲོ་བ་ཆེ་བའི་ལས་རིམ་ དཔེར་ན་ རྐང་འགྲོས་དང་ རི་འཛེགས་ གངས་རི་བརྒལ་ནི་ ཆུ་གཡུར་དང་ རི་དྭགས་སྲོག་ཆགས་ཚུ་ འཚོལ་ཞིབ་འབད་ནི་ཚུ་ཨིན། ཕྱི་ཁའི་ལས་རིམ་དང་ གཟུགས་ཀྱི་གདོང་ལེན་ཚུ་ལུ་ སྤྲོ་བ་སྐྱེད་མི་ཚུ་གི་ནང་འཁོད་ལུ་ མཐོང་སྣང་ལྟ་བཤལ་འདི་ ཡོངས་གྲགས་ཅན་ཅིག་ཨིན་མས།

'''སྐྱེ་ལྡན་ལྟ་བཤལ།''' སྐྱེ་ལྡན་ལྟ་བཤལ་འདི་ རི་དྭགས་དང་སྲོག་ཆགས་ཚུ་ ཉམས་སྲུང་འབད་ནི་དང་ རང་བཞིན་ཐོན་སྐྱེད་ཚུ་ ཉམས་སྲུང་འབད་ནིའི་དོན་ལུ་ རང་བཞིན་གནས་སྟངས་ནང་ ལྟ་སྐོར་འབད་ནི་ལུ་ གཙོ་བོར་སྟོནམ་ཨིན། ས་གནས་ཀྱི་མི་སྡེ་ཚུ་ལུ་ཕན་ཐོགས་པའི་ཁར་ མཐའ་འཁོར་གནས་སྟངས་ལུ་ གནོད་སྐྱོན་མར་ཕབ་འབད་ཚུགས་པའི་ འགན་ཁུར་ཅན་གྱི་འགྲུལ་སྐྱོད་འབད་ནི་ལུ་ སེམས་ཤུགས་བྱིནམ་ཨིན།

'''གསོ་བའི་ལྟ་བཤལ།''' མི་མང་ཤོས་ཅིག་གིས་ སྨན་བཅོས་འབད་བར་ རྒྱལ་ཁབ་གཞན་ཚུ་ནང་འགྱོ་དོ་ཡོདཔ་དང་ དེ་ཡང་ ཟད་འགྲོ་ཉུང་མི་དང་ བསྒུགས་པའི་དུས་ཚོད་ཐུང་ཀུ་ ཡང་ན་ དམིགས་བསལ་གྱི་གསོ་བའི་ཞབས་ཏོག་ལེགས་ཤོམ་ ཐོབ་མི་ལུ་བརྟེན་ཏེ་ཨིན་པས།

'''ཚོང་འབྲེལ་ལྟ་བཤལ།''' ཁྱད་རིག་ཅན་ཚུ་གིས་ ཞལ་འཛོམས་དང་གྲོས་འཛོམས་ འགྲེམས་སྟོན་དང་ སྦྱོང་བརྡར་ལས་རིམ་ཚུ་ནང་ བཅའ་མར་གཏོགས་ནིའི་དོན་ལུ་ འགྲུལ་སྐྱོད་འབདཝ་ཨིན། ཚོང་འབྲེལ་ལྟ་བཤལ་གྱིས་ མགྲོན་སྐྱོང་ལས་སྡེ་ལུ་ ཕན་ཐོགས་སྦོམ་སྦེ་ར་འབྱུང་དོ་ཡོདཔ་ཨིན།

ལྟ་བཤལ་གྱི་རིགས་རེ་རེ་གིས་ ཉམས་མྱོང་མ་འདྲཝ་བྱིན་དོ་ཡོདཔ་མ་ཚད་ དཔལ་འབྱོར་གྱི་ལས་ཁུངས་སོ་སོ་ཚུ་ལུ་ རྒྱབ་སྐྱོར་འབད་དོ་ཡོདཔ་ཨིན་པས།

'''ལྟ་བཤལ་གྱི་ཁེ་ཕན།'''

ལྟ་བཤལ་གྱིས་ དཔལ་འབྱོར་ མི་སྡེ་ ལམ་སྲོལ་དང་མཐའ་འཁོར་གནས་སྟངས་ཀྱི་ ཁེ་ཕན་ལེ་ཤ་བྱིནམ་ཨིན།

དཔལ་འབྱོར་གྱི་ཐད་ཁར་ ལྟ་བཤལ་གྱིས་ ཟ་ཁང་དང་ ཟ་ཁང་སྐྱེལ་འདྲེན་ འགྲུལ་སྐྱོད་ལས་སྡེ་ སྤྲོ་བའི་ལས་རིམ་ དེ་ལས་ ས་གནས་ཀྱི་ཚོང་འབྲེལ་ཚུ་ནང་ ལཱ་གཡོག་ས་ཡ་ལས་བཅད་དེ་ བཟོཝ་མ་ཚད་ ཁྲལ་དང་ཕྱི་དངུལ་གྱི་འོང་འབབ་བརྒྱུད་དེ་ གཞུང་ལུ་འོང་འབབ་བཟོཝ་ཨིན། ལྟ་བཤལ་གྱིས་ ལམ་དང་གནམ་གྲུ་ཐང་ མི་དམངས་སྐྱེལ་འདྲེན་ དེ་ལས་ བརྒྱུད་འབྲེལ་གྱི་ལམ་ལུགས་ཚུ་ནང་ མ་རྩ་བཙུགས་ནི་ལུ་ཡང་ སེམས་ཤུགས་བྱིནམ་ཨིན་པས། མི་སྡེའི་ཐད་ལུ་ ལྟ་བཤལ་གྱིས་ རྒྱལ་ཁབ་དང་ལམ་སྲོལ་མ་འདྲཝ་ཚུ་ནང་ལས་ མི་ཚུ་གི་བར་ན་ མཐུན་ལམ་དང་ གོ་བ་བརྡ་སྤྲོད་ཚུ་ཡར་དྲག་གཏངམ་ཨིན་པས། ལྟ་བཤལཔ་ཚུ་གིས་ ས་གནས་ཀྱི་ལམ་སྲོལ་ཚུ་གི་སྐོར་ལས་ ཤེས་པའི་སྐབས་ ས་གནས་ཀྱི་མི་སྡེ་ཚུ་གིས་ ཁོང་རའི་ལམ་སྲོལ་དང་ སྲོལ་ཁྱུན་ཚུ་ གཞན་ཚུ་ལུ་ བརྗེ་སོར་འབད་ནི་གི་གོ་སྐབས་ཐོབ་དོ་ཡོདཔ་ཨིན་པས།

ལམ་སྲོལ་གྱི་ཐད་ལུ་ ལྟ་བཤལ་འདི་གིས་ རྒྱལ་རབས་ཀྱི་དྲན་རྟེན་དང་ རང་ལུགས་ཀྱི་སྒྱུ་རྩལ་ ལག་བཟོ་ སྙན་ཆ་ ཞབས་ཁྲ་ དེ་ལས་ དུས་སྟོན་ཚུ་ ཉམས་སྲུང་འབད་ནི་ལུ་ ཕན་ཐོགས་དོ་ཡོདཔ་ཨིན། ལྟ་བཤལ་ལས་ཐོབ་མི་འོང་འབབ་འདི་གིས་ འཕྲལ་འཕྲལ་སྐབས་ ཁག་ཆེ་བའི་ལམ་སྲོལ་གྱི་ས་ཁོངས་ཚུ་ ཉམས་གསོ་དང་ རྒྱུན་སྐྱོང་འཐབ་ནི་ལུ་ རྒྱབ་སྐྱོར་འབདཝ་ཨིན།

མཐའ་འཁོར་གནས་སྟངས་ཀྱི་ཐད་ལུ་ འགན་འཁྲི་ཅན་གྱི་ལྟ་བཤལ་གྱིས་ རྒྱལ་ཡོངས་གླིང་ག་དང་ རི་དྭགས་སེམས་ཅན་ ནགས་ཚལ་ དེ་ལས་ མཚོ་ཡི་སྐྱེ་ལྡན་རིམ་ལུགས་ཚུ་ ཉམས་སྲུང་འབད་ནི་ལུ་ སེམས་ཤུགས་བྱིནམ་ཨིན་པས། ཡུན་བརྟན་ལྟ་བཤལ་གྱིས་ ལྟ་བཤལཔ་དང་ ས་གནས་ཀྱི་མི་སྡེ་ཚུ་ལུ་ མཐའ་འཁོར་ཉམས་སྲུང་དང་ ཐོན་སྐྱེད་འཛིན་སྐྱོང་འགན་འཁྲི་ཅན་གྱི་སྐོར་ལས་ སྟོན་བྱིན་དོ་ཡོདཔ་ཨིན་པས། ལྟ་བཤལ་ལས་སྡེ་གིས་ ས་གནས་ཀྱི་ལག་བཟོ་དང་ ཟ་འཐུང་ཐོན་སྐྱེད་ སྐྱེལ་འདྲེན་ཞབས་ཏོག་ དེ་ལས་ ལམ་སྟོན་ལྟ་བཤལ་གྱི་ མཁོ་འདོད་བསྐྱེད་དེ་ ཚོང་འབྲེལ་ཆུང་བ་ཚུ་ལུ་ཡང་ རྒྱབ་སྐྱོར་འབདཝ་ཨིན་པས། སྤྱིར་བཏང་ལུ་ ལྟ་བཤལ་གྱིས་ འཚོ་བའི་གནས་སྟངས་ཡར་དྲག་གཏང་ནི་དང་ རྒྱལ་ཡོངས་གོང་འཕེལ་ལུ་ལྷན་ཐབས་འབདཝ་ཨིན་པས།

ལྟ་བཤལ་ལས་སྡེ་གིས་ ཤེས་རིག་དང་ མི་སྒེར་གྱི་གོང་འཕེལ་ནང་ཡང་ ཁག་ཆེ་བའི་འགན་ཁུར་འབགཔ་ཨིན་པས། འགྲུལ་སྐྱོད་འབད་མི་འདི་གིས་ མི་ཚུ་གིས་ དུས་རྒྱུན་དུ་ དཔེ་དེབ་དང་སློབ་ཁང་ནང་ལས་ ལྷབ་མ་ཚུགས་པའི་ ཤེས་ཡོན་ཚུ་ འཐོབ་ཚུགསཔ་མ་ཚད་ རྒྱལ་རབས་ཀྱི་ས་རྟགས་དང་འགྲེམས་སྟོན་ཁང་ རྒྱལ་ཡོངས་གླིང་ག་ དེ་ལས་ ལམ་སྲོལ་གྱི་སྲོལ་རྒྱུན་ས་ཁོངས་ཚུ་ནང་ ལྟ་སྐོར་འབད་མི་ཚུ་གིས་ རྒྱལ་རབས་དང་ས་ཆ་རིག་པ་ སྒྱུ་རྩལ་ ཚན་རིག་ དེ་ལས་ མི་ཚེའི་གནས་སྟངས་མ་འདྲཝ་ཚུ་གི་སྐོར་ལས་ གཏིང་ཟབ་སྦེ་ཧ་གོ་ཚུགསཔ་ཨིན། སློབ་ཕྲུག་ཚུ་གིས་ འཕྲལ་འཕྲལ་ར་ མི་ཚེ་གི་ཉམས་མྱོང་ཚུ་བརྒྱུད་དེ་ ཤེས་ཡོན་གྱི་ལྟ་བཤལ་ནང་ བཅའ་མར་གཏོགས་ཡོདཔ་དང་ ཞིབ་འཚོལ་པ་དང་ཁྱད་རིགཔ་ཚུ་གིས་ ཞལ་འཛོམས་དང་ལས་རིམ་ དེ་ལས་ སྦྱོང་བརྡར་ལས་རིམ་ཚུ་ནང་ བཅའ་མར་གཏོགས་ཏེ་ རིག་རྩལ་དང་ཤེས་ཡོན་ཚུ་ ཡར་དྲག་གཏང་ནི་ལུ་ཕན་ཐོགས་འབྱུང་དོ་ཡོདཔ་ཨིན་པས།

ལྟ་བཤལ་འདི་གིས་ མི་ངོ་རྐྱང་ཚུ་ རང་དབང་ཅན་དང་མཐུན་སྒྲིག་འབད་ཚུགས་མི་ དེ་ལས་ བློ་གཏད་ཅན་སྦེ་འགྱོ་བཅུག་སྟེ་ མི་ངོ་རྐྱང་གི་ཡར་རྒྱས་ལུ་ སེམས་ཤུགས་བྱིནམ་ཨིན། ལམ་སྲོལ་མ་འདྲཝ་ཚུ་དང་ ཕྱད་མི་འདི་གིས་ མཐོང་ཚུལ་རྒྱ་སྐྱེད་གཏང་ནི་དང་ བརྒྱུད་འབྲེལ་གྱི་རིག་རྩལ་ཚུ་ ཡར་དྲག་བཏང་ནི་ དེ་ལས་ མི་རིགས་མ་འདྲཝ་ལུ་ བཟོད་བསྲན་དང་གུས་ཞབས་ཚུ་ བསྐྱེད་བཅུགཔ་ཨིན། འགྲུལ་པ་ཚུ་གིས་ འཕྲལ་འཕྲལ་ར་ རང་སོའི་ལམ་སྲོལ་དང་གཞན་གྱི་ལམ་སྲོལ་གཉིས་ཆ་ར་ལུ་ དགའ་ཚོར་སྦོམ་སྦེ་ར་བསྐྱེད་དེ་ ཁྱིམ་ནང་ལོག་འགྱོ་དོ་ཡོདཔ་ཨིན་པས། ད་རེས་ནངས་པའི་ཕན་ཚུན་འབྲེལ་བ་ཅན་གྱི་འཛམ་གླིང་ནང་ ལྟ་བཤལ་འདི་ མི་ཚེ་གཅིག་གི་ལྷབ་སྦྱང་དང་ འཛམ་གླིང་ནང་ རྒྱལ་ཁབ་དང་རྒྱབ་ཁུངས་སོ་སོ་ཨིན་མི་ མི་ཚུ་གི་བར་ན་ ཕན་ཚུན་ཧ་གོ་ཐངས་ཚུ་ཡར་དྲག་གཏང་ནི་ལུ་ ཁག་ཆེ་བའི་ ཟམ་ཅིག་སྦེ་ལཱ་འབད་དོ་ཡོདཔ་ཨིན།

'''ལྟ་བཤལ་ལུ་གདོང་ལེན།'''

ལྟ་བཤལ་ལུ་ ཁེ་ཕན་ལེ་ཤ་ཡོད་རུང་ གདོང་ལེན་ཡང་ལེ་ཤ་ཅིག་ར་འབྱུང་དོ་ཡོདཔ་ཨིན།

གནད་དོན་གཙོ་བོ་གཅིག་འདི་ མཐའ་འཁོར་བཙོག་པ་བཟོ་ནི་འདི་ཨིན། ལྟ་བཤལཔ་མང་ཤོས་ཅིག་གིས་ ཕྱགས་སྙིགས་ག་ལྷོད་བཀོ་ནི་དང་ སྐྱེ་ལྡན་རིམ་ལུགས་ལུ་གནོད་སྐྱོན་རྐྱབ་ནི་ དེ་ལས་ རླུང་དང་ཆུ་བཙོག་པ་ཡར་སེང་འགྱོ་ནི་ཚུ་ཨིན་པས། ལྟ་བཤལཔ་ཚུ་གི་དོན་ལུ་ ཡོངས་གྲགས་ཅན་གྱི་ས་གནས་ཚུ་ནང་ མི་ལེ་ཤ་འཛོམས་མི་ལུ་བརྟེན་ ས་གནས་ཀྱི་གཞི་རྟེན་མཐུན་རྐྱེན་དང་ རང་བཞིན་ཐོན་སྐྱེད་ཚུ་ལུ་ གནོན་ཤུགས་བྱིན་དོ་ཡོདཔ་ཨིན་པས།

གདོང་ལེན་གཞན་མི་འདི་ ལམ་སྲོལ་གྱི་ངོ་རྟགས་མེདཔ་འགྱོ་མི་འདི་ཨིན། ས་གནས་ལ་ལུ་ཅིག་ནང་ ལྟ་བཤལཔ་ཚུ་གི་རེ་བ་ཚུ་གྲུབ་ཐབས་ལུ་ རང་ལུགས་ཀྱི་ལམ་སྲོལ་དང་ མི་ཚེའི་གནས་སྟངས་ཚུ་བསྒྱུར་བཅོས་འགྱོ་འོང་། ཚོང་འབྲེལ་ཚད་ལས་བརྒལ་མི་འདི་གིས་ ས་གནས་ཀྱི་ལམ་སྲོལ་གྱི་བདེན་ཁུངས་འདི་ མར་ཕབ་འབད་བ་གི་མ་ཚད་ ཡོངས་གྲགས་ཅན་གྱི་ས་གནས་ཚུ་ནང་ མི་ཚེའི་གནས་སྟངས་ཡང་ ཡར་སེང་འབད་དེ་ དེ་གིས་ སྡོད་ཁྱིམ་གྱི་གོང་ཚད་དང་ བཟའ་འཐུང་གི་འགྲོ་སོང་ དེ་ལས་ སྐྱེལ་འདྲེན་གྱི་འགྲོ་སོང་ཚུ་ཡང་ ཡར་སེང་འགྱོ་སྟེ་ ས་གནས་ཀྱི་མི་ཚུ་གི་མི་ཚེ་འདི་ ལཱ་ཁག་གཏང་དོ་ཡོདཔ་ཨིན།

དུས་ཚོད་ཀྱི་ལྟ་བཤལ་གྱིས་ གནས་སྐབས་ཅིག་གི་དོན་ལུ་ ལཱ་གཡོག་བཟོཝ་ལས་ ལཱ་འབད་མི་ཚུ་ལུ་ འོང་འབབ་བརྟན་ཏོག་ཏོ་མེདཔ་ཨིན་པས། དེ་མ་ཚད་ རང་བཞིན་གྱི་རྐྱེན་ངན་དང་ སྲིད་དོན་བརྟན་ཏོག་ཏོ་མེད་མི་ གསོ་བའི་དཀའ་ངལ་ དེ་ལས་ འཛམ་གླིང་དཔལ་འབྱོར་མར་ཉམས་འགྱོ་མི་ལུ་བརྟེན་ ལྟ་བཤལཔ་འོང་མིའི་གྱངས་ཁ་ གནམ་མེད་ས་མེད་མར་ཕབ་འགྱོ་དོ་ཡོདཔ་ཨིན་པས།

གདོང་ལེན་འདི་ཚུ་སེལ་ཐབས་ལུ་ གཞུང་དང་ཚོང་འབྲེལ་ དེ་ལས་ འགྲུལ་པ་ཚུ་གིས་ མཉམ་འབྲེལ་གྱི་ཐོག་ལས་ མཐའ་འཁོར་སྲུང་སྐྱོབ་དང་ ས་གནས་ཀྱི་མི་སྡེ་ཚུ་ལུ་ གུས་ཞབས་འབད་ཚུགས་པའི་ཡུན་བརྟན་ལྟ་བཤལ་གྱི་ ལམ་ལུགས་ཚུ་ ཡར་དྲག་གཏང་དགོཔ་ཨིན་པས།

'''མཇུག༌བསྡུ།'''

ལྟ་བཤལ་འདི་ དཔལ་འབྱོར་གོང་འཕེལ་དང་ལམ་སྲོལ་བརྗེ་སོར་ དེ་ལས་ མཐའ་འཁོར་གནས་སྟངས་ཀྱི་ གོ་བ་བརྡ་སྤྲོད་འབད་ནི་ལུ་ ཕན་ཐོགས་པའི་ འཛམ་གླིང་ནང་གི་བཟོ་གྲྭ་ཁག་ཆེ་ཤོས་ཅིག་ཨིན། ལཱ་གཡོག་གི་གོ་སྐབས་བཟོ་སྟེ་ ཚོང་འབྲེལ་ལུ་རྒྱབ་སྐྱོར་འབད་ནི་དང་ ལམ་སྲོལ་གྱི་སྲོལ་རྒྱུན་ཚུ་ ཉམས་སྲུང་འབད་དེ་ རྒྱལ་སྤྱིའི་མཐུན་ལམ་ལུ་ སེམས་ཤུགས་བྱིནམ་ཨིན་པས། དེ་དང་གཅིག་ཁར་ མཐའ་འཁོར་གནས་སྟངས་ལུ་ གནོད་སྐྱོན་དང་མི་དམངས་འཛོམ་ནི་ དེ་ལས་ ལམ་སྲོལ་གྱི་གྱོང་རྒུད་ཚུ་ མར་ཕབ་འབད་ཐབས་ལུ་ ལྟ་བཤལ་འདི་ འགན་ཁུར་ཅན་སྦེ་ འཛིན་སྐྱོང་འཐབ་དགོཔ་ཨིན། མ་འོངས་པའི་མི་རབས་ཚུ་གིས་ འཛམ་གླིང་གི་ རང་བཞིན་གྱི་མཛེས་ཆ་དང་ལམ་སྲོལ་སྣ་ཚོགས་ཚུ་ལུ་ འཕྲོ་མཐུད་དེ་ར་སྤྲོ་བ་བསྐྱེད་ཚུགས་ནི་དོན་ལུ་ལྟ་བཤལ་ཡུན་བརྟན་དེ་ ཁག་ཆེ་ཏོག་ཏོ་ཅིག་ཨིན། ལྟ་སྐོརཔ་ཚུ་གིས་ ས་གནས་ཀྱི་ལམ་སྲོལ་ལུ་ གུས་ཞབས་འབད་ནི་དང་ ཕྱགས་སྙིགས་མར་ཕབ་འབད་ནི་ ཐོན་སྐྱེད་ཚུ་ཉམས་སྲུང་འབད་ནི་ དེ་ལས་ འབད་ཚུགས་ཚུགསཔ་ཅིག་ ས་གནས་ཀྱི་ཚོང་འབྲེལ་ཚུ་ལུ་ རྒྱབ་སྐྱོར་འབད་དགོཔ་ཨིན་པས། གཞུང་ཚུ་གིས་ ལྟ་བཤལ་གོང་འཕེལ་དང་ མཐའ་འཁོར་ཉམས་སྲུང་དང་ མི་སྡེའི་མཐའ་དོན་ལུ་ འདྲ་མཉམ་བཟོ་ནི་གི་སྲིད་བྱུས་ཚུ་ བརྩམ་དགོཔ་ཨིན་པས། ཚོང་འབྲེལ་ལས་སྡེ་ཚུ་གིས་ མཐའ་འཁོར་གནས་སྟངས་དང་མཐུན་པའི་ལམ་ལུགས་ཚུ་ ལག་ལེན་འཐབ་སྟེ་ ལྟ་བཤལཔ་དང་ མི་སེར་གཉིས་ཆ་ར་ལུ་ ཕན་ཐོགས་པའི་སྤུས་ཚད་ཅན་གྱི་ཞབས་ཏོག་ཚུ་ བྱིན་དགོཔ་ཨིན་པས།

མཐའ་མཇུག་ལུ་ ལྟ་བཤལ་འདི་ དགའ་སྤྲོའི་དོན་ལུ་འགྲུལ་སྐྱོད་འབད་ནི་ལས་ལྷག་སྟེ་ཡོདཔ་ཨིན། མི་ཚུ་འབྲེལ་བ་འཐབ་སྟེ་ དཔལ་འབྱོར་སྒྲིང་སྒྲི་བཟོ་ནི་ ལམ་སྲོལ་གྱི་གོ་རྟོགས་ཡར་དྲག་གཏང་ནི་ དེ་ལས་ ང་བཅས་རའི་འཛམ་གླིང་འདི་ ཉམས་སྲུང་འབད་ནི་ལུ་ སེམས་ཤུགས་བྱིན་མི་སྟོབས་ཤུགས་ཅན་ཅིག་ཨིན། ལྟ་བཤལ་འདི་ འགན་ཁུར་ཅན་སྦེ་ལག་ལེན་འཐབ་པའི་སྐབས་ འཛམ་གླིང་ནང་མི་ངོ་དང་མི་སྡེ་ དེ་ལས་ རྒྱལ་ཁབ་ཚུ་ལུ་ ཡུན་བརྟན་གྱི་ཁེ་ཕན་བཟོ་ཚུགསཔ་ཨིན།
[[Category:ལྟ་བཤལ།]]</text>
      <sha1>egna01ij7xnkx06novqfunqt1k7l3gn</sha1>
    </revision>
    <revision>
      <id>40097</id>
      <parentid>40096</parentid>
      <timestamp>2026-08-18T11:05:14Z</timestamp>
      <contributor>
        <username>Kheng Singye Dorji (KSD)</username>
        <id>9274</id>
      </contributor>
      <origin>40097</origin>
      <model>wikitext</model>
      <format>text/x-wiki</format>
      <text bytes="28686" sha1="dw4huct66eoystv75t8ialu7vzqji75" xml:space="preserve">== '''ལྟ་བཤལ་གྱི་ངོ་སྤྲོད།''' ==
ལྟ་བཤལ་ཟེར་མི་འདི་ དལ་ཁོམ་དང་ཚོང་འབྲེལ་ ཤེས་ཡོན་དང་མཐོང་སྣང་ ཡང་ན་ ལམ་སྲོལ་གྱི་ཉམས་མྱོང་ཚུ་གི་དོན་ལུ་ རང་སོའི་མཐའ་འཁོར་གྱི་ཕྱི་ཁར་ ས་གནས་ཚུ་ནང་ འགྲུལ་སྐྱོད་འབད་མི་ལུ་སླབ་ཨིན། འཛམ་གླིང་ནང་གི་བཟོ་གྲྭ་སྦོམ་ཤོས་ཅིག་ཨིནམ་མ་ཚད་ རྒྱལ་ཁབ་མང་རབས་ཅིག་གི་དཔལ་འབྱོར་དང་ མི་སྡེ་གོང་འཕེལ་གྱི་ནང་ལུ་ ཁག་ཆེ་བའི་འགན་ཁུར་འབག་དོ་ཡོདཔ་ཨིན། ལོ་བསྟར་བཞིན་དུ་ མི་ས་ཡ་ལས་བཅད་དེ་ རྒྱལ་ཁབ་ནང་དང་ རྒྱལ་སྤྱིའི་ནང་ འགྲུལ་སྐྱོད་འབད་དེ་ ས་གནས་གསརཔ་ཚུ་ འཚོལ་ཞིབ་འབད་དེ་ མི་སོ་སོ་ཚུ་དང་ཕྱད་ནི། དེ་ལས་ གཞན་གྱི་ལམ་སྲོལ་མ་འདྲཝ་ཚུ་ མྱོང་ཚུགསཔ་ཨིན་པས། ལྟ་བཤལ་འདི་ ལོ་བསྟར་བཞིན་དུ་ གོང་འཕེལ་སྦོམ་སྦེ་ར་འགྱོ་སྟེ་ཡོདཔ་ཨིན།

ཧེ་མ་འབད་བ་ཅིན་ འགྲོ་འགྲུལ་འབད་མི་ མི་ཉུང་སུ་ཅིག་ལས་བརྒལ་མེད་མི་དེ་ཡང་ སྐྱེལ་འདྲེན་གྱི་ ཟད་འགྲོ་སྦོམ་དང་ དུས་ཚོད་འགོར་ནི་དེ་གིས་ཨིན་པས། ད་རེས་ནངས་པར་ སྐྱེལ་འདྲེན་དང་འཕྲུལ་རིག་ དེ་ལས་ བརྒྱུད་འབྲེལ་ཚུ་ ཡར་དྲག་འགྱོ་མི་ལུ་བརྟེན་ འགྲུལ་སྐྱོད་འབད་ནི་འདི་ འཇམ་ཏོང་ཏོ་དང་ གོང་ཚད་ཡང་ མཐོ་དྲགས་སྦེ་ འགྱོ་དོ་ཡོདཔ་ཨིན་པས། མི་ཚུ་གིས་ སྐར་མ་དག་པ་ཅིག་གི་ནང་འཁོད་ལུ་ གནམ་གྲུ་དང་ ཟ་ཁང་ དེ་ལས་ ལྟ་བཤལ་ཚུ་ ཡོངས་འབྲེལ་ཐོག་ལས་ བཀོད་སྒྲིག་འབད་ཚུགས་དོ་ཡོདཔ་ཨིན་མས།

ལྟ་བཤལ་འདི་གིས་ མི་ཚུ་ལུ་ ལམ་སྲོལ་དང་སྐད་ཡིག་ དེ་ལས་ མི་ཚེའི་གནས་སྟངས་ཚུ་ ལྷབ་བཅུག་སྟེ་ ལམ་སྲོལ་བརྗེ་སོར་འབད་ནི་ལུ་ ཕན་ཐོགས་དོ་ཡོདཔ་ཨིན། དེ་མ་ཚད་ མི་རིགས་མ་འདྲཝ་ཚུ་གི་བར་ན་ ཕན་ཚུན་ཧ་གོ་ནི་དང་ གུས་ཞབས་འབད་ནི་ལུ་ སེམས་ཤུགས་བྱིནམ་ཨིན་པས། གཞུང་དང་ཚོང་འབྲེལ་ལས་སྡེ་ཚུ་གིས་ ལྟ་བཤལ་ནང་ མ་རྩ་སྦོམ་སྦེ་ར་བཙུགས་དོ་ཡོདཔ་དང་ དེ་ཡང་ ལྟ་བཤལ་འདི་གིས་ ལཱ་གཡོག་བཟོ་ནི་དང་ འོང་འབབ་བཟོ་ནི། དེ་ལས་ གཞི་རྟེན་མཐུན་རྐྱེན་ཚུ་ གོང་འཕེལ་གཏང་ནི་ལུ་ རྒྱབ་སྐྱོར་འབདཝ་ལས་བརྟེན་ཨིན་པས། མི་ཚུ་གིས་ འགྲུལ་སྐྱོད་འབད་དགོ་པའི་ རྒྱུ་མཚན་ལེ་ཤ་ཅིག་ར་ཡོདཔ་ཨིན། ལ་ལུ་ཅིག་གིས་ ངལ་གསོ་ལུ་འགྱོ་དོ་ཡོདཔ་དང་ ལ་ལུ་ཅིག་གིས་ མཐོང་སྣང་དང་ཤེས་ཡོན་ ཡང་ན་ ཚོང་འབྲེལ་གྱི་གོ་སྐབས་ཚུ་ འཚོལ་དོ་ཡོདཔ་ཨིན་པས། དམིགས་ཡུལ་ག་ཅི་བཟུམ་ཅིག་འབད་རུང་ ལྟ་བཤལ་གྱིས་ ཉམས་མྱོང་གསརཔ་དང་ བརྗེད་ཐབས་མེད་པའི་དྲན་ཤེས་ཚུ་བྱིན་ཐོག་ལས་ མི་ཚུ་གི་མི་ཚེ་ཕྱུགཔོ་བཟོཝ་ཨིན་པས།

=== '''ལྟ་བཤལ་གྱི་དབྱེ་བ།''' ===
ལྟ་བཤལ་འདི་ འགྲུལ་སྐྱོད་ཀྱི་དམིགས་ཡུལ་ལུ་གཞི་བཞག་སྟེ་ དབྱེ་ཁག་ལེ་ཤ་ཅིག་ནང་ དབྱེ་བ་ཕྱེ་ཚུགསཔ་ཨིན།

'''དལ་ཁོམ་གྱི་ལྟ་བཤལ།''' མི་ཚུ་གིས་ ངལ་གསོའི་སྐབས་ལུ་ ངལ་སང་ནི་དང་ མཐོང་སྣང་ཚུ་བལྟ་ནི་ དེ་ལས་ བཟའ་ཚང་དང་ཆ་རོགས་ཚུ་དང་གཅིག་ཁར་ དུས་ཚོད་བྱིན་ནིའི་དོན་ལུ་ འགྲུལ་སྐྱོད་འབདཝ་ཨིན། མཚོ་འགྲམ་དང་གླིང་ག་ སྐྱིད་གནས་ དེ་ལས་ སྤྲོ་བའི་གླིང་ག་ཚུ་ དལ་ཁོམ་གྱི་ས་ཁོངས་ཡོངས་གྲགས་ཅན་ཅིག་ཨིན།

'''ལམ་སྲོལ་ལྟ་བཤལ།''' འགྲུལ་པ་ཚུ་གིས་ རྒྱལ་རབས་ཀྱི་ས་ཁོངས་དང་ འགྲེམས་སྟོན་ཁང་ དུས་སྟོན་ དེ་ལས་ སྲོལ་ཁྱུན་ས་ཁོངས་ཚུ་ནང་འགྱོ་སྟེ་ མི་སྡེ་སོ་སོའི་ ལམ་སྲོལ་དང་རྒྱལ་རབས་ཚུ་གི་སྐོར་ལས་ ཤེས་ཚུགསཔ་ཨིན་པས།

'''མཐོང་སྣང་ལྟ་བཤལ།''' འདི་བཟུམ་གྱི་སྤྲོ་བ་ཆེ་བའི་ལས་རིམ་ དཔེར་ན་ རྐང་འགྲོས་དང་ རི་འཛེགས་ གངས་རི་བརྒལ་ནི་ ཆུ་གཡུར་དང་ རི་དྭགས་སྲོག་ཆགས་ཚུ་ འཚོལ་ཞིབ་འབད་ནི་ཚུ་ཨིན། ཕྱི་ཁའི་ལས་རིམ་དང་ གཟུགས་ཀྱི་གདོང་ལེན་ཚུ་ལུ་ སྤྲོ་བ་སྐྱེད་མི་ཚུ་གི་ནང་འཁོད་ལུ་ མཐོང་སྣང་ལྟ་བཤལ་འདི་ ཡོངས་གྲགས་ཅན་ཅིག་ཨིན་མས།

'''སྐྱེ་ལྡན་ལྟ་བཤལ།''' སྐྱེ་ལྡན་ལྟ་བཤལ་འདི་ རི་དྭགས་དང་སྲོག་ཆགས་ཚུ་ ཉམས་སྲུང་འབད་ནི་དང་ རང་བཞིན་ཐོན་སྐྱེད་ཚུ་ ཉམས་སྲུང་འབད་ནིའི་དོན་ལུ་ རང་བཞིན་གནས་སྟངས་ནང་ ལྟ་སྐོར་འབད་ནི་ལུ་ གཙོ་བོར་སྟོནམ་ཨིན། ས་གནས་ཀྱི་མི་སྡེ་ཚུ་ལུ་ཕན་ཐོགས་པའི་ཁར་ མཐའ་འཁོར་གནས་སྟངས་ལུ་ གནོད་སྐྱོན་མར་ཕབ་འབད་ཚུགས་པའི་ འགན་ཁུར་ཅན་གྱི་འགྲུལ་སྐྱོད་འབད་ནི་ལུ་ སེམས་ཤུགས་བྱིནམ་ཨིན།

'''གསོ་བའི་ལྟ་བཤལ།''' མི་མང་ཤོས་ཅིག་གིས་ སྨན་བཅོས་འབད་བར་ རྒྱལ་ཁབ་གཞན་ཚུ་ནང་འགྱོ་དོ་ཡོདཔ་དང་ དེ་ཡང་ ཟད་འགྲོ་ཉུང་མི་དང་ བསྒུགས་པའི་དུས་ཚོད་ཐུང་ཀུ་ ཡང་ན་ དམིགས་བསལ་གྱི་གསོ་བའི་ཞབས་ཏོག་ལེགས་ཤོམ་ ཐོབ་མི་ལུ་བརྟེན་ཏེ་ཨིན་པས།

'''ཚོང་འབྲེལ་ལྟ་བཤལ།''' ཁྱད་རིག་ཅན་ཚུ་གིས་ ཞལ་འཛོམས་དང་གྲོས་འཛོམས་ འགྲེམས་སྟོན་དང་ སྦྱོང་བརྡར་ལས་རིམ་ཚུ་ནང་ བཅའ་མར་གཏོགས་ནིའི་དོན་ལུ་ འགྲུལ་སྐྱོད་འབདཝ་ཨིན། ཚོང་འབྲེལ་ལྟ་བཤལ་གྱིས་ མགྲོན་སྐྱོང་ལས་སྡེ་ལུ་ ཕན་ཐོགས་སྦོམ་སྦེ་ར་འབྱུང་དོ་ཡོདཔ་ཨིན།

ལྟ་བཤལ་གྱི་རིགས་རེ་རེ་གིས་ ཉམས་མྱོང་མ་འདྲཝ་བྱིན་དོ་ཡོདཔ་མ་ཚད་ དཔལ་འབྱོར་གྱི་ལས་ཁུངས་སོ་སོ་ཚུ་ལུ་ རྒྱབ་སྐྱོར་འབད་དོ་ཡོདཔ་ཨིན་པས།

=== '''ལྟ་བཤལ་གྱི་ཁེ་ཕན།''' ===
ལྟ་བཤལ་གྱིས་ དཔལ་འབྱོར་ མི་སྡེ་ ལམ་སྲོལ་དང་མཐའ་འཁོར་གནས་སྟངས་ཀྱི་ ཁེ་ཕན་ལེ་ཤ་བྱིནམ་ཨིན།

དཔལ་འབྱོར་གྱི་ཐད་ཁར་ ལྟ་བཤལ་གྱིས་ ཟ་ཁང་དང་ ཟ་ཁང་སྐྱེལ་འདྲེན་ འགྲུལ་སྐྱོད་ལས་སྡེ་ སྤྲོ་བའི་ལས་རིམ་ དེ་ལས་ ས་གནས་ཀྱི་ཚོང་འབྲེལ་ཚུ་ནང་ ལཱ་གཡོག་ས་ཡ་ལས་བཅད་དེ་ བཟོཝ་མ་ཚད་ ཁྲལ་དང་ཕྱི་དངུལ་གྱི་འོང་འབབ་བརྒྱུད་དེ་ གཞུང་ལུ་འོང་འབབ་བཟོཝ་ཨིན། ལྟ་བཤལ་གྱིས་ ལམ་དང་གནམ་གྲུ་ཐང་ མི་དམངས་སྐྱེལ་འདྲེན་ དེ་ལས་ བརྒྱུད་འབྲེལ་གྱི་ལམ་ལུགས་ཚུ་ནང་ མ་རྩ་བཙུགས་ནི་ལུ་ཡང་ སེམས་ཤུགས་བྱིནམ་ཨིན་པས། མི་སྡེའི་ཐད་ལུ་ ལྟ་བཤལ་གྱིས་ རྒྱལ་ཁབ་དང་ལམ་སྲོལ་མ་འདྲཝ་ཚུ་ནང་ལས་ མི་ཚུ་གི་བར་ན་ མཐུན་ལམ་དང་ གོ་བ་བརྡ་སྤྲོད་ཚུ་ཡར་དྲག་གཏངམ་ཨིན་པས། ལྟ་བཤལཔ་ཚུ་གིས་ ས་གནས་ཀྱི་ལམ་སྲོལ་ཚུ་གི་སྐོར་ལས་ ཤེས་པའི་སྐབས་ ས་གནས་ཀྱི་མི་སྡེ་ཚུ་གིས་ ཁོང་རའི་ལམ་སྲོལ་དང་ སྲོལ་ཁྱུན་ཚུ་ གཞན་ཚུ་ལུ་ བརྗེ་སོར་འབད་ནི་གི་གོ་སྐབས་ཐོབ་དོ་ཡོདཔ་ཨིན་པས།

ལམ་སྲོལ་གྱི་ཐད་ལུ་ ལྟ་བཤལ་འདི་གིས་ རྒྱལ་རབས་ཀྱི་དྲན་རྟེན་དང་ རང་ལུགས་ཀྱི་སྒྱུ་རྩལ་ ལག་བཟོ་ སྙན་ཆ་ ཞབས་ཁྲ་ དེ་ལས་ དུས་སྟོན་ཚུ་ ཉམས་སྲུང་འབད་ནི་ལུ་ ཕན་ཐོགས་དོ་ཡོདཔ་ཨིན། ལྟ་བཤལ་ལས་ཐོབ་མི་འོང་འབབ་འདི་གིས་ འཕྲལ་འཕྲལ་སྐབས་ ཁག་ཆེ་བའི་ལམ་སྲོལ་གྱི་ས་ཁོངས་ཚུ་ ཉམས་གསོ་དང་ རྒྱུན་སྐྱོང་འཐབ་ནི་ལུ་ རྒྱབ་སྐྱོར་འབདཝ་ཨིན།

མཐའ་འཁོར་གནས་སྟངས་ཀྱི་ཐད་ལུ་ འགན་འཁྲི་ཅན་གྱི་ལྟ་བཤལ་གྱིས་ རྒྱལ་ཡོངས་གླིང་ག་དང་ རི་དྭགས་སེམས་ཅན་ ནགས་ཚལ་ དེ་ལས་ མཚོ་ཡི་སྐྱེ་ལྡན་རིམ་ལུགས་ཚུ་ ཉམས་སྲུང་འབད་ནི་ལུ་ སེམས་ཤུགས་བྱིནམ་ཨིན་པས། ཡུན་བརྟན་ལྟ་བཤལ་གྱིས་ ལྟ་བཤལཔ་དང་ ས་གནས་ཀྱི་མི་སྡེ་ཚུ་ལུ་ མཐའ་འཁོར་ཉམས་སྲུང་དང་ ཐོན་སྐྱེད་འཛིན་སྐྱོང་འགན་འཁྲི་ཅན་གྱི་སྐོར་ལས་ སྟོན་བྱིན་དོ་ཡོདཔ་ཨིན་པས། ལྟ་བཤལ་ལས་སྡེ་གིས་ ས་གནས་ཀྱི་ལག་བཟོ་དང་ ཟ་འཐུང་ཐོན་སྐྱེད་ སྐྱེལ་འདྲེན་ཞབས་ཏོག་ དེ་ལས་ ལམ་སྟོན་ལྟ་བཤལ་གྱི་ མཁོ་འདོད་བསྐྱེད་དེ་ ཚོང་འབྲེལ་ཆུང་བ་ཚུ་ལུ་ཡང་ རྒྱབ་སྐྱོར་འབདཝ་ཨིན་པས། སྤྱིར་བཏང་ལུ་ ལྟ་བཤལ་གྱིས་ འཚོ་བའི་གནས་སྟངས་ཡར་དྲག་གཏང་ནི་དང་ རྒྱལ་ཡོངས་གོང་འཕེལ་ལུ་ལྷན་ཐབས་འབདཝ་ཨིན་པས།

ལྟ་བཤལ་ལས་སྡེ་གིས་ ཤེས་རིག་དང་ མི་སྒེར་གྱི་གོང་འཕེལ་ནང་ཡང་ ཁག་ཆེ་བའི་འགན་ཁུར་འབགཔ་ཨིན་པས། འགྲུལ་སྐྱོད་འབད་མི་འདི་གིས་ མི་ཚུ་གིས་ དུས་རྒྱུན་དུ་ དཔེ་དེབ་དང་སློབ་ཁང་ནང་ལས་ ལྷབ་མ་ཚུགས་པའི་ ཤེས་ཡོན་ཚུ་ འཐོབ་ཚུགསཔ་མ་ཚད་ རྒྱལ་རབས་ཀྱི་ས་རྟགས་དང་འགྲེམས་སྟོན་ཁང་ རྒྱལ་ཡོངས་གླིང་ག་ དེ་ལས་ ལམ་སྲོལ་གྱི་སྲོལ་རྒྱུན་ས་ཁོངས་ཚུ་ནང་ ལྟ་སྐོར་འབད་མི་ཚུ་གིས་ རྒྱལ་རབས་དང་ས་ཆ་རིག་པ་ སྒྱུ་རྩལ་ ཚན་རིག་ དེ་ལས་ མི་ཚེའི་གནས་སྟངས་མ་འདྲཝ་ཚུ་གི་སྐོར་ལས་ གཏིང་ཟབ་སྦེ་ཧ་གོ་ཚུགསཔ་ཨིན། སློབ་ཕྲུག་ཚུ་གིས་ འཕྲལ་འཕྲལ་ར་ མི་ཚེ་གི་ཉམས་མྱོང་ཚུ་བརྒྱུད་དེ་ ཤེས་ཡོན་གྱི་ལྟ་བཤལ་ནང་ བཅའ་མར་གཏོགས་ཡོདཔ་དང་ ཞིབ་འཚོལ་པ་དང་ཁྱད་རིགཔ་ཚུ་གིས་ ཞལ་འཛོམས་དང་ལས་རིམ་ དེ་ལས་ སྦྱོང་བརྡར་ལས་རིམ་ཚུ་ནང་ བཅའ་མར་གཏོགས་ཏེ་ རིག་རྩལ་དང་ཤེས་ཡོན་ཚུ་ ཡར་དྲག་གཏང་ནི་ལུ་ཕན་ཐོགས་འབྱུང་དོ་ཡོདཔ་ཨིན་པས།

ལྟ་བཤལ་འདི་གིས་ མི་ངོ་རྐྱང་ཚུ་ རང་དབང་ཅན་དང་མཐུན་སྒྲིག་འབད་ཚུགས་མི་ དེ་ལས་ བློ་གཏད་ཅན་སྦེ་འགྱོ་བཅུག་སྟེ་ མི་ངོ་རྐྱང་གི་ཡར་རྒྱས་ལུ་ སེམས་ཤུགས་བྱིནམ་ཨིན། ལམ་སྲོལ་མ་འདྲཝ་ཚུ་དང་ ཕྱད་མི་འདི་གིས་ མཐོང་ཚུལ་རྒྱ་སྐྱེད་གཏང་ནི་དང་ བརྒྱུད་འབྲེལ་གྱི་རིག་རྩལ་ཚུ་ ཡར་དྲག་བཏང་ནི་ དེ་ལས་ མི་རིགས་མ་འདྲཝ་ལུ་ བཟོད་བསྲན་དང་གུས་ཞབས་ཚུ་ བསྐྱེད་བཅུགཔ་ཨིན། འགྲུལ་པ་ཚུ་གིས་ འཕྲལ་འཕྲལ་ར་ རང་སོའི་ལམ་སྲོལ་དང་གཞན་གྱི་ལམ་སྲོལ་གཉིས་ཆ་ར་ལུ་ དགའ་ཚོར་སྦོམ་སྦེ་ར་བསྐྱེད་དེ་ ཁྱིམ་ནང་ལོག་འགྱོ་དོ་ཡོདཔ་ཨིན་པས། ད་རེས་ནངས་པའི་ཕན་ཚུན་འབྲེལ་བ་ཅན་གྱི་འཛམ་གླིང་ནང་ ལྟ་བཤལ་འདི་ མི་ཚེ་གཅིག་གི་ལྷབ་སྦྱང་དང་ འཛམ་གླིང་ནང་ རྒྱལ་ཁབ་དང་རྒྱབ་ཁུངས་སོ་སོ་ཨིན་མི་ མི་ཚུ་གི་བར་ན་ ཕན་ཚུན་ཧ་གོ་ཐངས་ཚུ་ཡར་དྲག་གཏང་ནི་ལུ་ ཁག་ཆེ་བའི་ ཟམ་ཅིག་སྦེ་ལཱ་འབད་དོ་ཡོདཔ་ཨིན།

=== '''ལྟ་བཤལ་ལུ་གདོང་ལེན།''' ===
ལྟ་བཤལ་ལུ་ ཁེ་ཕན་ལེ་ཤ་ཡོད་རུང་ གདོང་ལེན་ཡང་ལེ་ཤ་ཅིག་ར་འབྱུང་དོ་ཡོདཔ་ཨིན།

གནད་དོན་གཙོ་བོ་གཅིག་འདི་ མཐའ་འཁོར་བཙོག་པ་བཟོ་ནི་འདི་ཨིན། ལྟ་བཤལཔ་མང་ཤོས་ཅིག་གིས་ ཕྱགས་སྙིགས་ག་ལྷོད་བཀོ་ནི་དང་ སྐྱེ་ལྡན་རིམ་ལུགས་ལུ་གནོད་སྐྱོན་རྐྱབ་ནི་ དེ་ལས་ རླུང་དང་ཆུ་བཙོག་པ་ཡར་སེང་འགྱོ་ནི་ཚུ་ཨིན་པས། ལྟ་བཤལཔ་ཚུ་གི་དོན་ལུ་ ཡོངས་གྲགས་ཅན་གྱི་ས་གནས་ཚུ་ནང་ མི་ལེ་ཤ་འཛོམས་མི་ལུ་བརྟེན་ ས་གནས་ཀྱི་གཞི་རྟེན་མཐུན་རྐྱེན་དང་ རང་བཞིན་ཐོན་སྐྱེད་ཚུ་ལུ་ གནོན་ཤུགས་བྱིན་དོ་ཡོདཔ་ཨིན་པས།

གདོང་ལེན་གཞན་མི་འདི་ ལམ་སྲོལ་གྱི་ངོ་རྟགས་མེདཔ་འགྱོ་མི་འདི་ཨིན། ས་གནས་ལ་ལུ་ཅིག་ནང་ ལྟ་བཤལཔ་ཚུ་གི་རེ་བ་ཚུ་གྲུབ་ཐབས་ལུ་ རང་ལུགས་ཀྱི་ལམ་སྲོལ་དང་ མི་ཚེའི་གནས་སྟངས་ཚུ་བསྒྱུར་བཅོས་འགྱོ་འོང་། ཚོང་འབྲེལ་ཚད་ལས་བརྒལ་མི་འདི་གིས་ ས་གནས་ཀྱི་ལམ་སྲོལ་གྱི་བདེན་ཁུངས་འདི་ མར་ཕབ་འབད་བ་གི་མ་ཚད་ ཡོངས་གྲགས་ཅན་གྱི་ས་གནས་ཚུ་ནང་ མི་ཚེའི་གནས་སྟངས་ཡང་ ཡར་སེང་འབད་དེ་ དེ་གིས་ སྡོད་ཁྱིམ་གྱི་གོང་ཚད་དང་ བཟའ་འཐུང་གི་འགྲོ་སོང་ དེ་ལས་ སྐྱེལ་འདྲེན་གྱི་འགྲོ་སོང་ཚུ་ཡང་ ཡར་སེང་འགྱོ་སྟེ་ ས་གནས་ཀྱི་མི་ཚུ་གི་མི་ཚེ་འདི་ ལཱ་ཁག་གཏང་དོ་ཡོདཔ་ཨིན།

དུས་ཚོད་ཀྱི་ལྟ་བཤལ་གྱིས་ གནས་སྐབས་ཅིག་གི་དོན་ལུ་ ལཱ་གཡོག་བཟོཝ་ལས་ ལཱ་འབད་མི་ཚུ་ལུ་ འོང་འབབ་བརྟན་ཏོག་ཏོ་མེདཔ་ཨིན་པས། དེ་མ་ཚད་ རང་བཞིན་གྱི་རྐྱེན་ངན་དང་ སྲིད་དོན་བརྟན་ཏོག་ཏོ་མེད་མི་ གསོ་བའི་དཀའ་ངལ་ དེ་ལས་ འཛམ་གླིང་དཔལ་འབྱོར་མར་ཉམས་འགྱོ་མི་ལུ་བརྟེན་ ལྟ་བཤལཔ་འོང་མིའི་གྱངས་ཁ་ གནམ་མེད་ས་མེད་མར་ཕབ་འགྱོ་དོ་ཡོདཔ་ཨིན་པས།

གདོང་ལེན་འདི་ཚུ་སེལ་ཐབས་ལུ་ གཞུང་དང་ཚོང་འབྲེལ་ དེ་ལས་ འགྲུལ་པ་ཚུ་གིས་ མཉམ་འབྲེལ་གྱི་ཐོག་ལས་ མཐའ་འཁོར་སྲུང་སྐྱོབ་དང་ ས་གནས་ཀྱི་མི་སྡེ་ཚུ་ལུ་ གུས་ཞབས་འབད་ཚུགས་པའི་ཡུན་བརྟན་ལྟ་བཤལ་གྱི་ ལམ་ལུགས་ཚུ་ ཡར་དྲག་གཏང་དགོཔ་ཨིན་པས།

=== '''མཇུག༌བསྡུ།''' ===
ལྟ་བཤལ་འདི་ དཔལ་འབྱོར་གོང་འཕེལ་དང་ལམ་སྲོལ་བརྗེ་སོར་ དེ་ལས་ མཐའ་འཁོར་གནས་སྟངས་ཀྱི་ གོ་བ་བརྡ་སྤྲོད་འབད་ནི་ལུ་ ཕན་ཐོགས་པའི་ འཛམ་གླིང་ནང་གི་བཟོ་གྲྭ་ཁག་ཆེ་ཤོས་ཅིག་ཨིན། ལཱ་གཡོག་གི་གོ་སྐབས་བཟོ་སྟེ་ ཚོང་འབྲེལ་ལུ་རྒྱབ་སྐྱོར་འབད་ནི་དང་ ལམ་སྲོལ་གྱི་སྲོལ་རྒྱུན་ཚུ་ ཉམས་སྲུང་འབད་དེ་ རྒྱལ་སྤྱིའི་མཐུན་ལམ་ལུ་ སེམས་ཤུགས་བྱིནམ་ཨིན་པས། དེ་དང་གཅིག་ཁར་ མཐའ་འཁོར་གནས་སྟངས་ལུ་ གནོད་སྐྱོན་དང་མི་དམངས་འཛོམ་ནི་ དེ་ལས་ ལམ་སྲོལ་གྱི་གྱོང་རྒུད་ཚུ་ མར་ཕབ་འབད་ཐབས་ལུ་ ལྟ་བཤལ་འདི་ འགན་ཁུར་ཅན་སྦེ་ འཛིན་སྐྱོང་འཐབ་དགོཔ་ཨིན། མ་འོངས་པའི་མི་རབས་ཚུ་གིས་ འཛམ་གླིང་གི་ རང་བཞིན་གྱི་མཛེས་ཆ་དང་ལམ་སྲོལ་སྣ་ཚོགས་ཚུ་ལུ་ འཕྲོ་མཐུད་དེ་ར་སྤྲོ་བ་བསྐྱེད་ཚུགས་ནི་དོན་ལུ་ལྟ་བཤལ་ཡུན་བརྟན་དེ་ ཁག་ཆེ་ཏོག་ཏོ་ཅིག་ཨིན། ལྟ་སྐོརཔ་ཚུ་གིས་ ས་གནས་ཀྱི་ལམ་སྲོལ་ལུ་ གུས་ཞབས་འབད་ནི་དང་ ཕྱགས་སྙིགས་མར་ཕབ་འབད་ནི་ ཐོན་སྐྱེད་ཚུ་ཉམས་སྲུང་འབད་ནི་ དེ་ལས་ འབད་ཚུགས་ཚུགསཔ་ཅིག་ ས་གནས་ཀྱི་ཚོང་འབྲེལ་ཚུ་ལུ་ རྒྱབ་སྐྱོར་འབད་དགོཔ་ཨིན་པས། གཞུང་ཚུ་གིས་ ལྟ་བཤལ་གོང་འཕེལ་དང་ མཐའ་འཁོར་ཉམས་སྲུང་དང་ མི་སྡེའི་མཐའ་དོན་ལུ་ འདྲ་མཉམ་བཟོ་ནི་གི་སྲིད་བྱུས་ཚུ་ བརྩམ་དགོཔ་ཨིན་པས། ཚོང་འབྲེལ་ལས་སྡེ་ཚུ་གིས་ མཐའ་འཁོར་གནས་སྟངས་དང་མཐུན་པའི་ལམ་ལུགས་ཚུ་ ལག་ལེན་འཐབ་སྟེ་ ལྟ་བཤལཔ་དང་ མི་སེར་གཉིས་ཆ་ར་ལུ་ ཕན་ཐོགས་པའི་སྤུས་ཚད་ཅན་གྱི་ཞབས་ཏོག་ཚུ་ བྱིན་དགོཔ་ཨིན་པས།

མཐའ་མཇུག་ལུ་ ལྟ་བཤལ་འདི་ དགའ་སྤྲོའི་དོན་ལུ་འགྲུལ་སྐྱོད་འབད་ནི་ལས་ལྷག་སྟེ་ཡོདཔ་ཨིན། མི་ཚུ་འབྲེལ་བ་འཐབ་སྟེ་ དཔལ་འབྱོར་སྒྲིང་སྒྲི་བཟོ་ནི་ ལམ་སྲོལ་གྱི་གོ་རྟོགས་ཡར་དྲག་གཏང་ནི་ དེ་ལས་ ང་བཅས་རའི་འཛམ་གླིང་འདི་ ཉམས་སྲུང་འབད་ནི་ལུ་ སེམས་ཤུགས་བྱིན་མི་སྟོབས་ཤུགས་ཅན་ཅིག་ཨིན། ལྟ་བཤལ་འདི་ འགན་ཁུར་ཅན་སྦེ་ལག་ལེན་འཐབ་པའི་སྐབས་ འཛམ་གླིང་ནང་མི་ངོ་དང་མི་སྡེ་ དེ་ལས་ རྒྱལ་ཁབ་ཚུ་ལུ་ ཡུན་བརྟན་གྱི་ཁེ་ཕན་བཟོ་ཚུགསཔ་ཨིན།
[[Category:ལྟ་བཤལ།]]</text>
      <sha1>dw4huct66eoystv75t8ialu7vzqji75</sha1>
    </revision>
    <revision>
      <id>40098</id>
      <parentid>40097</parentid>
      <timestamp>2026-08-18T11:07:10Z</timestamp>
      <contributor>
        <username>Kheng Singye Dorji (KSD)</username>
        <id>9274</id>
      </contributor>
      <origin>40098</origin>
      <model>wikitext</model>
      <format>text/x-wiki</format>
      <text bytes="28787" sha1="d6aihd0t085i2c4laf98e6406byngng" xml:space="preserve">== '''ལྟ་བཤལ་གྱི་ངོ་སྤྲོད།''' ==
ལྟ་བཤལ་ཟེར་མི་འདི་ དལ་ཁོམ་དང་ཚོང་འབྲེལ་ ཤེས་ཡོན་དང་མཐོང་སྣང་ ཡང་ན་ ལམ་སྲོལ་གྱི་ཉམས་མྱོང་ཚུ་གི་དོན་ལུ་ རང་སོའི་མཐའ་འཁོར་གྱི་ཕྱི་ཁར་ ས་གནས་ཚུ་ནང་ འགྲུལ་སྐྱོད་འབད་མི་ལུ་སླབ་ཨིན། འཛམ་གླིང་ནང་གི་བཟོ་གྲྭ་སྦོམ་ཤོས་ཅིག་ཨིནམ་མ་ཚད་ རྒྱལ་ཁབ་མང་རབས་ཅིག་གི་དཔལ་འབྱོར་དང་ མི་སྡེ་གོང་འཕེལ་གྱི་ནང་ལུ་ ཁག་ཆེ་བའི་འགན་ཁུར་འབག་དོ་ཡོདཔ་ཨིན། ལོ་བསྟར་བཞིན་དུ་ མི་ས་ཡ་ལས་བཅད་དེ་ རྒྱལ་ཁབ་ནང་དང་ རྒྱལ་སྤྱིའི་ནང་ འགྲུལ་སྐྱོད་འབད་དེ་ ས་གནས་གསརཔ་ཚུ་ འཚོལ་ཞིབ་འབད་དེ་ མི་སོ་སོ་ཚུ་དང་ཕྱད་ནི། དེ་ལས་ གཞན་གྱི་ལམ་སྲོལ་མ་འདྲཝ་ཚུ་ མྱོང་ཚུགསཔ་ཨིན་པས། ལྟ་བཤལ་འདི་ ལོ་བསྟར་བཞིན་དུ་ གོང་འཕེལ་སྦོམ་སྦེ་ར་འགྱོ་སྟེ་ཡོདཔ་ཨིན།

ཧེ་མ་འབད་བ་ཅིན་ འགྲོ་འགྲུལ་འབད་མི་ མི་ཉུང་སུ་ཅིག་ལས་བརྒལ་མེད་མི་དེ་ཡང་ སྐྱེལ་འདྲེན་གྱི་ ཟད་འགྲོ་སྦོམ་དང་ དུས་ཚོད་འགོར་ནི་དེ་གིས་ཨིན་པས། ད་རེས་ནངས་པར་ སྐྱེལ་འདྲེན་དང་འཕྲུལ་རིག་ དེ་ལས་ བརྒྱུད་འབྲེལ་ཚུ་ ཡར་དྲག་འགྱོ་མི་ལུ་བརྟེན་ འགྲུལ་སྐྱོད་འབད་ནི་འདི་ འཇམ་ཏོང་ཏོ་དང་ གོང་ཚད་ཡང་ མཐོ་དྲགས་སྦེ་ འགྱོ་དོ་ཡོདཔ་ཨིན་པས། མི་ཚུ་གིས་ སྐར་མ་དག་པ་ཅིག་གི་ནང་འཁོད་ལུ་ གནམ་གྲུ་དང་ ཟ་ཁང་ དེ་ལས་ ལྟ་བཤལ་ཚུ་ ཡོངས་འབྲེལ་ཐོག་ལས་ བཀོད་སྒྲིག་འབད་ཚུགས་དོ་ཡོདཔ་ཨིན་མས།

ལྟ་བཤལ་འདི་གིས་ མི་ཚུ་ལུ་ ལམ་སྲོལ་དང་སྐད་ཡིག་ དེ་ལས་ མི་ཚེའི་གནས་སྟངས་ཚུ་ ལྷབ་བཅུག་སྟེ་ ལམ་སྲོལ་བརྗེ་སོར་འབད་ནི་ལུ་ ཕན་ཐོགས་དོ་ཡོདཔ་ཨིན། དེ་མ་ཚད་ མི་རིགས་མ་འདྲཝ་ཚུ་གི་བར་ན་ ཕན་ཚུན་ཧ་གོ་ནི་དང་ གུས་ཞབས་འབད་ནི་ལུ་ སེམས་ཤུགས་བྱིནམ་ཨིན་པས། གཞུང་དང་ཚོང་འབྲེལ་ལས་སྡེ་ཚུ་གིས་ ལྟ་བཤལ་ནང་ མ་རྩ་སྦོམ་སྦེ་ར་བཙུགས་དོ་ཡོདཔ་དང་ དེ་ཡང་ ལྟ་བཤལ་འདི་གིས་ ལཱ་གཡོག་བཟོ་ནི་དང་ འོང་འབབ་བཟོ་ནི། དེ་ལས་ གཞི་རྟེན་མཐུན་རྐྱེན་ཚུ་ གོང་འཕེལ་གཏང་ནི་ལུ་ རྒྱབ་སྐྱོར་འབདཝ་ལས་བརྟེན་ཨིན་པས། མི་ཚུ་གིས་ འགྲུལ་སྐྱོད་འབད་དགོ་པའི་ རྒྱུ་མཚན་ལེ་ཤ་ཅིག་ར་ཡོདཔ་ཨིན། ལ་ལུ་ཅིག་གིས་ ངལ་གསོ་ལུ་འགྱོ་དོ་ཡོདཔ་དང་ ལ་ལུ་ཅིག་གིས་ མཐོང་སྣང་དང་ཤེས་ཡོན་ ཡང་ན་ ཚོང་འབྲེལ་གྱི་གོ་སྐབས་ཚུ་ འཚོལ་དོ་ཡོདཔ་ཨིན་པས། དམིགས་ཡུལ་ག་ཅི་བཟུམ་ཅིག་འབད་རུང་ ལྟ་བཤལ་གྱིས་ ཉམས་མྱོང་གསརཔ་དང་ བརྗེད་ཐབས་མེད་པའི་དྲན་ཤེས་ཚུ་བྱིན་ཐོག་ལས་ མི་ཚུ་གི་མི་ཚེ་ཕྱུགཔོ་བཟོཝ་ཨིན་པས།

=== '''ལྟ་བཤལ་གྱི་དབྱེ་བ།''' ===
ལྟ་བཤལ་འདི་ འགྲུལ་སྐྱོད་ཀྱི་དམིགས་ཡུལ་ལུ་གཞི་བཞག་སྟེ་ དབྱེ་ཁག་ལེ་ཤ་ཅིག་ནང་ དབྱེ་བ་ཕྱེ་ཚུགསཔ་ཨིན།

&lt;ref&gt;[[སྐྱེ་ལྡན་གནས་སྟངས་ལྟ་བཤལ། Ecotourism]]&lt;/ref&gt;'''དལ་ཁོམ་གྱི་ལྟ་བཤལ།''' མི་ཚུ་གིས་ ངལ་གསོའི་སྐབས་ལུ་ ངལ་སང་ནི་དང་ མཐོང་སྣང་ཚུ་བལྟ་ནི་ དེ་ལས་ བཟའ་ཚང་དང་ཆ་རོགས་ཚུ་དང་གཅིག་ཁར་ དུས་ཚོད་བྱིན་ནིའི་དོན་ལུ་ འགྲུལ་སྐྱོད་འབདཝ་ཨིན། མཚོ་འགྲམ་དང་གླིང་ག་ སྐྱིད་གནས་ དེ་ལས་ སྤྲོ་བའི་གླིང་ག་ཚུ་ དལ་ཁོམ་གྱི་ས་ཁོངས་ཡོངས་གྲགས་ཅན་ཅིག་ཨིན།

'''ལམ་སྲོལ་ལྟ་བཤལ།''' འགྲུལ་པ་ཚུ་གིས་ རྒྱལ་རབས་ཀྱི་ས་ཁོངས་དང་ འགྲེམས་སྟོན་ཁང་ དུས་སྟོན་ དེ་ལས་ སྲོལ་ཁྱུན་ས་ཁོངས་ཚུ་ནང་འགྱོ་སྟེ་ མི་སྡེ་སོ་སོའི་ ལམ་སྲོལ་དང་རྒྱལ་རབས་ཚུ་གི་སྐོར་ལས་ ཤེས་ཚུགསཔ་ཨིན་པས།

'''མཐོང་སྣང་ལྟ་བཤལ།''' འདི་བཟུམ་གྱི་སྤྲོ་བ་ཆེ་བའི་ལས་རིམ་ དཔེར་ན་ རྐང་འགྲོས་དང་ རི་འཛེགས་ གངས་རི་བརྒལ་ནི་ ཆུ་གཡུར་དང་ རི་དྭགས་སྲོག་ཆགས་ཚུ་ འཚོལ་ཞིབ་འབད་ནི་ཚུ་ཨིན། ཕྱི་ཁའི་ལས་རིམ་དང་ གཟུགས་ཀྱི་གདོང་ལེན་ཚུ་ལུ་ སྤྲོ་བ་སྐྱེད་མི་ཚུ་གི་ནང་འཁོད་ལུ་ མཐོང་སྣང་ལྟ་བཤལ་འདི་ ཡོངས་གྲགས་ཅན་ཅིག་ཨིན་མས།

'''སྐྱེ་ལྡན་ལྟ་བཤལ།''' སྐྱེ་ལྡན་ལྟ་བཤལ་འདི་ རི་དྭགས་དང་སྲོག་ཆགས་ཚུ་ ཉམས་སྲུང་འབད་ནི་དང་ རང་བཞིན་ཐོན་སྐྱེད་ཚུ་ ཉམས་སྲུང་འབད་ནིའི་དོན་ལུ་ རང་བཞིན་གནས་སྟངས་ནང་ ལྟ་སྐོར་འབད་ནི་ལུ་ གཙོ་བོར་སྟོནམ་ཨིན། ས་གནས་ཀྱི་མི་སྡེ་ཚུ་ལུ་ཕན་ཐོགས་པའི་ཁར་ མཐའ་འཁོར་གནས་སྟངས་ལུ་ གནོད་སྐྱོན་མར་ཕབ་འབད་ཚུགས་པའི་ འགན་ཁུར་ཅན་གྱི་འགྲུལ་སྐྱོད་འབད་ནི་ལུ་ སེམས་ཤུགས་བྱིནམ་ཨིན།

'''གསོ་བའི་ལྟ་བཤལ།''' མི་མང་ཤོས་ཅིག་གིས་ སྨན་བཅོས་འབད་བར་ རྒྱལ་ཁབ་གཞན་ཚུ་ནང་འགྱོ་དོ་ཡོདཔ་དང་ དེ་ཡང་ ཟད་འགྲོ་ཉུང་མི་དང་ བསྒུགས་པའི་དུས་ཚོད་ཐུང་ཀུ་ ཡང་ན་ དམིགས་བསལ་གྱི་གསོ་བའི་ཞབས་ཏོག་ལེགས་ཤོམ་ ཐོབ་མི་ལུ་བརྟེན་ཏེ་ཨིན་པས།

'''ཚོང་འབྲེལ་ལྟ་བཤལ།''' ཁྱད་རིག་ཅན་ཚུ་གིས་ ཞལ་འཛོམས་དང་གྲོས་འཛོམས་ འགྲེམས་སྟོན་དང་ སྦྱོང་བརྡར་ལས་རིམ་ཚུ་ནང་ བཅའ་མར་གཏོགས་ནིའི་དོན་ལུ་ འགྲུལ་སྐྱོད་འབདཝ་ཨིན། ཚོང་འབྲེལ་ལྟ་བཤལ་གྱིས་ མགྲོན་སྐྱོང་ལས་སྡེ་ལུ་ ཕན་ཐོགས་སྦོམ་སྦེ་ར་འབྱུང་དོ་ཡོདཔ་ཨིན།

ལྟ་བཤལ་གྱི་རིགས་རེ་རེ་གིས་ ཉམས་མྱོང་མ་འདྲཝ་བྱིན་དོ་ཡོདཔ་མ་ཚད་ དཔལ་འབྱོར་གྱི་ལས་ཁུངས་སོ་སོ་ཚུ་ལུ་ རྒྱབ་སྐྱོར་འབད་དོ་ཡོདཔ་ཨིན་པས།

=== '''ལྟ་བཤལ་གྱི་ཁེ་ཕན།''' ===
ལྟ་བཤལ་གྱིས་ དཔལ་འབྱོར་ མི་སྡེ་ ལམ་སྲོལ་དང་མཐའ་འཁོར་གནས་སྟངས་ཀྱི་ ཁེ་ཕན་ལེ་ཤ་བྱིནམ་ཨིན།

དཔལ་འབྱོར་གྱི་ཐད་ཁར་ ལྟ་བཤལ་གྱིས་ ཟ་ཁང་དང་ ཟ་ཁང་སྐྱེལ་འདྲེན་ འགྲུལ་སྐྱོད་ལས་སྡེ་ སྤྲོ་བའི་ལས་རིམ་ དེ་ལས་ ས་གནས་ཀྱི་ཚོང་འབྲེལ་ཚུ་ནང་ ལཱ་གཡོག་ས་ཡ་ལས་བཅད་དེ་ བཟོཝ་མ་ཚད་ ཁྲལ་དང་ཕྱི་དངུལ་གྱི་འོང་འབབ་བརྒྱུད་དེ་ གཞུང་ལུ་འོང་འབབ་བཟོཝ་ཨིན། ལྟ་བཤལ་གྱིས་ ལམ་དང་གནམ་གྲུ་ཐང་ མི་དམངས་སྐྱེལ་འདྲེན་ དེ་ལས་ བརྒྱུད་འབྲེལ་གྱི་ལམ་ལུགས་ཚུ་ནང་ མ་རྩ་བཙུགས་ནི་ལུ་ཡང་ སེམས་ཤུགས་བྱིནམ་ཨིན་པས། མི་སྡེའི་ཐད་ལུ་ ལྟ་བཤལ་གྱིས་ རྒྱལ་ཁབ་དང་ལམ་སྲོལ་མ་འདྲཝ་ཚུ་ནང་ལས་ མི་ཚུ་གི་བར་ན་ མཐུན་ལམ་དང་ གོ་བ་བརྡ་སྤྲོད་ཚུ་ཡར་དྲག་གཏངམ་ཨིན་པས། ལྟ་བཤལཔ་ཚུ་གིས་ ས་གནས་ཀྱི་ལམ་སྲོལ་ཚུ་གི་སྐོར་ལས་ ཤེས་པའི་སྐབས་ ས་གནས་ཀྱི་མི་སྡེ་ཚུ་གིས་ ཁོང་རའི་ལམ་སྲོལ་དང་ སྲོལ་ཁྱུན་ཚུ་ གཞན་ཚུ་ལུ་ བརྗེ་སོར་འབད་ནི་གི་གོ་སྐབས་ཐོབ་དོ་ཡོདཔ་ཨིན་པས།

ལམ་སྲོལ་གྱི་ཐད་ལུ་ ལྟ་བཤལ་འདི་གིས་ རྒྱལ་རབས་ཀྱི་དྲན་རྟེན་དང་ རང་ལུགས་ཀྱི་སྒྱུ་རྩལ་ ལག་བཟོ་ སྙན་ཆ་ ཞབས་ཁྲ་ དེ་ལས་ དུས་སྟོན་ཚུ་ ཉམས་སྲུང་འབད་ནི་ལུ་ ཕན་ཐོགས་དོ་ཡོདཔ་ཨིན། ལྟ་བཤལ་ལས་ཐོབ་མི་འོང་འབབ་འདི་གིས་ འཕྲལ་འཕྲལ་སྐབས་ ཁག་ཆེ་བའི་ལམ་སྲོལ་གྱི་ས་ཁོངས་ཚུ་ ཉམས་གསོ་དང་ རྒྱུན་སྐྱོང་འཐབ་ནི་ལུ་ རྒྱབ་སྐྱོར་འབདཝ་ཨིན།

མཐའ་འཁོར་གནས་སྟངས་ཀྱི་ཐད་ལུ་ འགན་འཁྲི་ཅན་གྱི་ལྟ་བཤལ་གྱིས་ རྒྱལ་ཡོངས་གླིང་ག་དང་ རི་དྭགས་སེམས་ཅན་ ནགས་ཚལ་ དེ་ལས་ མཚོ་ཡི་སྐྱེ་ལྡན་རིམ་ལུགས་ཚུ་ ཉམས་སྲུང་འབད་ནི་ལུ་ སེམས་ཤུགས་བྱིནམ་ཨིན་པས། ཡུན་བརྟན་ལྟ་བཤལ་གྱིས་ ལྟ་བཤལཔ་དང་ ས་གནས་ཀྱི་མི་སྡེ་ཚུ་ལུ་ མཐའ་འཁོར་ཉམས་སྲུང་དང་ ཐོན་སྐྱེད་འཛིན་སྐྱོང་འགན་འཁྲི་ཅན་གྱི་སྐོར་ལས་ སྟོན་བྱིན་དོ་ཡོདཔ་ཨིན་པས། ལྟ་བཤལ་ལས་སྡེ་གིས་ ས་གནས་ཀྱི་ལག་བཟོ་དང་ ཟ་འཐུང་ཐོན་སྐྱེད་ སྐྱེལ་འདྲེན་ཞབས་ཏོག་ དེ་ལས་ ལམ་སྟོན་ལྟ་བཤལ་གྱི་ མཁོ་འདོད་བསྐྱེད་དེ་ ཚོང་འབྲེལ་ཆུང་བ་ཚུ་ལུ་ཡང་ རྒྱབ་སྐྱོར་འབདཝ་ཨིན་པས། སྤྱིར་བཏང་ལུ་ ལྟ་བཤལ་གྱིས་ འཚོ་བའི་གནས་སྟངས་ཡར་དྲག་གཏང་ནི་དང་ རྒྱལ་ཡོངས་གོང་འཕེལ་ལུ་ལྷན་ཐབས་འབདཝ་ཨིན་པས།

ལྟ་བཤལ་ལས་སྡེ་གིས་ ཤེས་རིག་དང་ མི་སྒེར་གྱི་གོང་འཕེལ་ནང་ཡང་ ཁག་ཆེ་བའི་འགན་ཁུར་འབགཔ་ཨིན་པས། འགྲུལ་སྐྱོད་འབད་མི་འདི་གིས་ མི་ཚུ་གིས་ དུས་རྒྱུན་དུ་ དཔེ་དེབ་དང་སློབ་ཁང་ནང་ལས་ ལྷབ་མ་ཚུགས་པའི་ ཤེས་ཡོན་ཚུ་ འཐོབ་ཚུགསཔ་མ་ཚད་ རྒྱལ་རབས་ཀྱི་ས་རྟགས་དང་འགྲེམས་སྟོན་ཁང་ རྒྱལ་ཡོངས་གླིང་ག་ དེ་ལས་ ལམ་སྲོལ་གྱི་སྲོལ་རྒྱུན་ས་ཁོངས་ཚུ་ནང་ ལྟ་སྐོར་འབད་མི་ཚུ་གིས་ རྒྱལ་རབས་དང་ས་ཆ་རིག་པ་ སྒྱུ་རྩལ་ ཚན་རིག་ དེ་ལས་ མི་ཚེའི་གནས་སྟངས་མ་འདྲཝ་ཚུ་གི་སྐོར་ལས་ གཏིང་ཟབ་སྦེ་ཧ་གོ་ཚུགསཔ་ཨིན། སློབ་ཕྲུག་ཚུ་གིས་ འཕྲལ་འཕྲལ་ར་ མི་ཚེ་གི་ཉམས་མྱོང་ཚུ་བརྒྱུད་དེ་ ཤེས་ཡོན་གྱི་ལྟ་བཤལ་ནང་ བཅའ་མར་གཏོགས་ཡོདཔ་དང་ ཞིབ་འཚོལ་པ་དང་ཁྱད་རིགཔ་ཚུ་གིས་ ཞལ་འཛོམས་དང་ལས་རིམ་ དེ་ལས་ སྦྱོང་བརྡར་ལས་རིམ་ཚུ་ནང་ བཅའ་མར་གཏོགས་ཏེ་ རིག་རྩལ་དང་ཤེས་ཡོན་ཚུ་ ཡར་དྲག་གཏང་ནི་ལུ་ཕན་ཐོགས་འབྱུང་དོ་ཡོདཔ་ཨིན་པས།

ལྟ་བཤལ་འདི་གིས་ མི་ངོ་རྐྱང་ཚུ་ རང་དབང་ཅན་དང་མཐུན་སྒྲིག་འབད་ཚུགས་མི་ དེ་ལས་ བློ་གཏད་ཅན་སྦེ་འགྱོ་བཅུག་སྟེ་ མི་ངོ་རྐྱང་གི་ཡར་རྒྱས་ལུ་ སེམས་ཤུགས་བྱིནམ་ཨིན། ལམ་སྲོལ་མ་འདྲཝ་ཚུ་དང་ ཕྱད་མི་འདི་གིས་ མཐོང་ཚུལ་རྒྱ་སྐྱེད་གཏང་ནི་དང་ བརྒྱུད་འབྲེལ་གྱི་རིག་རྩལ་ཚུ་ ཡར་དྲག་བཏང་ནི་ དེ་ལས་ མི་རིགས་མ་འདྲཝ་ལུ་ བཟོད་བསྲན་དང་གུས་ཞབས་ཚུ་ བསྐྱེད་བཅུགཔ་ཨིན། འགྲུལ་པ་ཚུ་གིས་ འཕྲལ་འཕྲལ་ར་ རང་སོའི་ལམ་སྲོལ་དང་གཞན་གྱི་ལམ་སྲོལ་གཉིས་ཆ་ར་ལུ་ དགའ་ཚོར་སྦོམ་སྦེ་ར་བསྐྱེད་དེ་ ཁྱིམ་ནང་ལོག་འགྱོ་དོ་ཡོདཔ་ཨིན་པས། ད་རེས་ནངས་པའི་ཕན་ཚུན་འབྲེལ་བ་ཅན་གྱི་འཛམ་གླིང་ནང་ ལྟ་བཤལ་འདི་ མི་ཚེ་གཅིག་གི་ལྷབ་སྦྱང་དང་ འཛམ་གླིང་ནང་ རྒྱལ་ཁབ་དང་རྒྱབ་ཁུངས་སོ་སོ་ཨིན་མི་ མི་ཚུ་གི་བར་ན་ ཕན་ཚུན་ཧ་གོ་ཐངས་ཚུ་ཡར་དྲག་གཏང་ནི་ལུ་ ཁག་ཆེ་བའི་ ཟམ་ཅིག་སྦེ་ལཱ་འབད་དོ་ཡོདཔ་ཨིན།

=== '''ལྟ་བཤལ་ལུ་གདོང་ལེན།''' ===
ལྟ་བཤལ་ལུ་ ཁེ་ཕན་ལེ་ཤ་ཡོད་རུང་ གདོང་ལེན་ཡང་ལེ་ཤ་ཅིག་ར་འབྱུང་དོ་ཡོདཔ་ཨིན།

གནད་དོན་གཙོ་བོ་གཅིག་འདི་ མཐའ་འཁོར་བཙོག་པ་བཟོ་ནི་འདི་ཨིན། ལྟ་བཤལཔ་མང་ཤོས་ཅིག་གིས་ ཕྱགས་སྙིགས་ག་ལྷོད་བཀོ་ནི་དང་ སྐྱེ་ལྡན་རིམ་ལུགས་ལུ་གནོད་སྐྱོན་རྐྱབ་ནི་ དེ་ལས་ རླུང་དང་ཆུ་བཙོག་པ་ཡར་སེང་འགྱོ་ནི་ཚུ་ཨིན་པས། ལྟ་བཤལཔ་ཚུ་གི་དོན་ལུ་ ཡོངས་གྲགས་ཅན་གྱི་ས་གནས་ཚུ་ནང་ མི་ལེ་ཤ་འཛོམས་མི་ལུ་བརྟེན་ ས་གནས་ཀྱི་གཞི་རྟེན་མཐུན་རྐྱེན་དང་ རང་བཞིན་ཐོན་སྐྱེད་ཚུ་ལུ་ གནོན་ཤུགས་བྱིན་དོ་ཡོདཔ་ཨིན་པས།

གདོང་ལེན་གཞན་མི་འདི་ ལམ་སྲོལ་གྱི་ངོ་རྟགས་མེདཔ་འགྱོ་མི་འདི་ཨིན། ས་གནས་ལ་ལུ་ཅིག་ནང་ ལྟ་བཤལཔ་ཚུ་གི་རེ་བ་ཚུ་གྲུབ་ཐབས་ལུ་ རང་ལུགས་ཀྱི་ལམ་སྲོལ་དང་ མི་ཚེའི་གནས་སྟངས་ཚུ་བསྒྱུར་བཅོས་འགྱོ་འོང་། ཚོང་འབྲེལ་ཚད་ལས་བརྒལ་མི་འདི་གིས་ ས་གནས་ཀྱི་ལམ་སྲོལ་གྱི་བདེན་ཁུངས་འདི་ མར་ཕབ་འབད་བ་གི་མ་ཚད་ ཡོངས་གྲགས་ཅན་གྱི་ས་གནས་ཚུ་ནང་ མི་ཚེའི་གནས་སྟངས་ཡང་ ཡར་སེང་འབད་དེ་ དེ་གིས་ སྡོད་ཁྱིམ་གྱི་གོང་ཚད་དང་ བཟའ་འཐུང་གི་འགྲོ་སོང་ དེ་ལས་ སྐྱེལ་འདྲེན་གྱི་འགྲོ་སོང་ཚུ་ཡང་ ཡར་སེང་འགྱོ་སྟེ་ ས་གནས་ཀྱི་མི་ཚུ་གི་མི་ཚེ་འདི་ ལཱ་ཁག་གཏང་དོ་ཡོདཔ་ཨིན།

དུས་ཚོད་ཀྱི་ལྟ་བཤལ་གྱིས་ གནས་སྐབས་ཅིག་གི་དོན་ལུ་ ལཱ་གཡོག་བཟོཝ་ལས་ ལཱ་འབད་མི་ཚུ་ལུ་ འོང་འབབ་བརྟན་ཏོག་ཏོ་མེདཔ་ཨིན་པས། དེ་མ་ཚད་ རང་བཞིན་གྱི་རྐྱེན་ངན་དང་ སྲིད་དོན་བརྟན་ཏོག་ཏོ་མེད་མི་ གསོ་བའི་དཀའ་ངལ་ དེ་ལས་ འཛམ་གླིང་དཔལ་འབྱོར་མར་ཉམས་འགྱོ་མི་ལུ་བརྟེན་ ལྟ་བཤལཔ་འོང་མིའི་གྱངས་ཁ་ གནམ་མེད་ས་མེད་མར་ཕབ་འགྱོ་དོ་ཡོདཔ་ཨིན་པས།

གདོང་ལེན་འདི་ཚུ་སེལ་ཐབས་ལུ་ གཞུང་དང་ཚོང་འབྲེལ་ དེ་ལས་ འགྲུལ་པ་ཚུ་གིས་ མཉམ་འབྲེལ་གྱི་ཐོག་ལས་ མཐའ་འཁོར་སྲུང་སྐྱོབ་དང་ ས་གནས་ཀྱི་མི་སྡེ་ཚུ་ལུ་ གུས་ཞབས་འབད་ཚུགས་པའི་ཡུན་བརྟན་ལྟ་བཤལ་གྱི་ ལམ་ལུགས་ཚུ་ ཡར་དྲག་གཏང་དགོཔ་ཨིན་པས།

=== '''མཇུག༌བསྡུ།''' ===
ལྟ་བཤལ་འདི་ དཔལ་འབྱོར་གོང་འཕེལ་དང་ལམ་སྲོལ་བརྗེ་སོར་ དེ་ལས་ མཐའ་འཁོར་གནས་སྟངས་ཀྱི་ གོ་བ་བརྡ་སྤྲོད་འབད་ནི་ལུ་ ཕན་ཐོགས་པའི་ འཛམ་གླིང་ནང་གི་བཟོ་གྲྭ་ཁག་ཆེ་ཤོས་ཅིག་ཨིན། ལཱ་གཡོག་གི་གོ་སྐབས་བཟོ་སྟེ་ ཚོང་འབྲེལ་ལུ་རྒྱབ་སྐྱོར་འབད་ནི་དང་ ལམ་སྲོལ་གྱི་སྲོལ་རྒྱུན་ཚུ་ ཉམས་སྲུང་འབད་དེ་ རྒྱལ་སྤྱིའི་མཐུན་ལམ་ལུ་ སེམས་ཤུགས་བྱིནམ་ཨིན་པས། དེ་དང་གཅིག་ཁར་ མཐའ་འཁོར་གནས་སྟངས་ལུ་ གནོད་སྐྱོན་དང་མི་དམངས་འཛོམ་ནི་ དེ་ལས་ ལམ་སྲོལ་གྱི་གྱོང་རྒུད་ཚུ་ མར་ཕབ་འབད་ཐབས་ལུ་ ལྟ་བཤལ་འདི་ འགན་ཁུར་ཅན་སྦེ་ འཛིན་སྐྱོང་འཐབ་དགོཔ་ཨིན། མ་འོངས་པའི་མི་རབས་ཚུ་གིས་ འཛམ་གླིང་གི་ རང་བཞིན་གྱི་མཛེས་ཆ་དང་ལམ་སྲོལ་སྣ་ཚོགས་ཚུ་ལུ་ འཕྲོ་མཐུད་དེ་ར་སྤྲོ་བ་བསྐྱེད་ཚུགས་ནི་དོན་ལུ་ལྟ་བཤལ་ཡུན་བརྟན་དེ་ ཁག་ཆེ་ཏོག་ཏོ་ཅིག་ཨིན། ལྟ་སྐོརཔ་ཚུ་གིས་ ས་གནས་ཀྱི་ལམ་སྲོལ་ལུ་ གུས་ཞབས་འབད་ནི་དང་ ཕྱགས་སྙིགས་མར་ཕབ་འབད་ནི་ ཐོན་སྐྱེད་ཚུ་ཉམས་སྲུང་འབད་ནི་ དེ་ལས་ འབད་ཚུགས་ཚུགསཔ་ཅིག་ ས་གནས་ཀྱི་ཚོང་འབྲེལ་ཚུ་ལུ་ རྒྱབ་སྐྱོར་འབད་དགོཔ་ཨིན་པས། གཞུང་ཚུ་གིས་ ལྟ་བཤལ་གོང་འཕེལ་དང་ མཐའ་འཁོར་ཉམས་སྲུང་དང་ མི་སྡེའི་མཐའ་དོན་ལུ་ འདྲ་མཉམ་བཟོ་ནི་གི་སྲིད་བྱུས་ཚུ་ བརྩམ་དགོཔ་ཨིན་པས། ཚོང་འབྲེལ་ལས་སྡེ་ཚུ་གིས་ མཐའ་འཁོར་གནས་སྟངས་དང་མཐུན་པའི་ལམ་ལུགས་ཚུ་ ལག་ལེན་འཐབ་སྟེ་ ལྟ་བཤལཔ་དང་ མི་སེར་གཉིས་ཆ་ར་ལུ་ ཕན་ཐོགས་པའི་སྤུས་ཚད་ཅན་གྱི་ཞབས་ཏོག་ཚུ་ བྱིན་དགོཔ་ཨིན་པས།

མཐའ་མཇུག་ལུ་ ལྟ་བཤལ་འདི་ དགའ་སྤྲོའི་དོན་ལུ་འགྲུལ་སྐྱོད་འབད་ནི་ལས་ལྷག་སྟེ་ཡོདཔ་ཨིན། མི་ཚུ་འབྲེལ་བ་འཐབ་སྟེ་ དཔལ་འབྱོར་སྒྲིང་སྒྲི་བཟོ་ནི་ ལམ་སྲོལ་གྱི་གོ་རྟོགས་ཡར་དྲག་གཏང་ནི་ དེ་ལས་ ང་བཅས་རའི་འཛམ་གླིང་འདི་ ཉམས་སྲུང་འབད་ནི་ལུ་ སེམས་ཤུགས་བྱིན་མི་སྟོབས་ཤུགས་ཅན་ཅིག་ཨིན། ལྟ་བཤལ་འདི་ འགན་ཁུར་ཅན་སྦེ་ལག་ལེན་འཐབ་པའི་སྐབས་ འཛམ་གླིང་ནང་མི་ངོ་དང་མི་སྡེ་ དེ་ལས་ རྒྱལ་ཁབ་ཚུ་ལུ་ ཡུན་བརྟན་གྱི་ཁེ་ཕན་བཟོ་ཚུགསཔ་ཨིན།
[[Category:ལྟ་བཤལ།]]</text>
      <sha1>d6aihd0t085i2c4laf98e6406byngng</sha1>
    </revision>
  </page>
  <page>
    <title>འཕྲུལ་རིག་གི་ངོ་སྤྲོད།</title>
    <ns>0</ns>
    <id>9190</id>
    <revision>
      <id>40099</id>
      <timestamp>2026-08-18T11:10:33Z</timestamp>
      <contributor>
        <username>Kheng Singye Dorji (KSD)</username>
        <id>9274</id>
      </contributor>
      <comment>Created page with &quot;འཕྲུལ་རིག་ཟེར་མི་འདི་ དཀའ་ངལ་སེལ་ཐབས་དང་ ལཱ་གི་ནུས་ཤུགས་ཡར་དྲག་གཏང་ནི། མི་གི་དགོས་མཁོ་ཚུ་འགྲུབ་ནིའི་དོན་ལུ་ ཚན་རིག་གི་ཤེས་ཡོན་དང་། རིག་རྩལ། ལག་ཆ། ཐབས་ཤེས་དང་ལམ་ལུག...&quot;</comment>
      <origin>40099</origin>
      <model>wikitext</model>
      <format>text/x-wiki</format>
      <text bytes="20857" sha1="5qhtsvb25ne57vo3swo5okpru9r97td" xml:space="preserve">འཕྲུལ་རིག་ཟེར་མི་འདི་ དཀའ་ངལ་སེལ་ཐབས་དང་ ལཱ་གི་ནུས་ཤུགས་ཡར་དྲག་གཏང་ནི། མི་གི་དགོས་མཁོ་ཚུ་འགྲུབ་ནིའི་དོན་ལུ་ ཚན་རིག་གི་ཤེས་ཡོན་དང་། རིག་རྩལ། ལག་ཆ། ཐབས་ཤེས་དང་ལམ་ལུགས་ཚུ་ ལག་ལེན་འཐབ་མི་ལུ་སླབ་ཨིན། འདི་ནང་ འཁོར་ལོ་བཟུམ་མའི་སྟབས་བདེ་བའི་ལག་ཆ་ལས་བཟུང་སྟེ་ མི་བཟོས་རིག་རྩལ་ བོལོག་ཅེན། རོ་བོ་ཊིགསི། སྤྲིན་མཛོད་ རྩིས་རིག་དང་ གློག་རིག་བརྒྱུད་འབྲེལ་གྱི་ལམ་ལུགས་ཚུ་ཚུད་དེ་ཡོདཔ་ཨིན།

དེང་སང་ མི་སྡེ་ནང་འཕྲུལ་རིག་གིས་ མི་ཚུ་གི་འཚོ་བ་སྐྱོང་ཐངས་དང་། ལཱ་འབད་ཐངས། བརྒྱུད་འབྲེལ་འཐབ་ཐངས། ཤེས་ཡོན་ལྷབ་སྦྱང་། དེ་བཟུམ་སྦེ་ ཚོང་འབྲེལ་འཐབ་ཐངས་ཚུ་ བསྒྱུར་བཅོས་འབད་ནི་ལུ་ ཁག་ཆེ་བའི་འགན་ཁུར་འབག་སྟེ་ཡོདཔ་ཨིན། འདི་གིས་དཔལ་འབྱོར་གོང་འཕེལ་དང་ མི་སྡེ་གོང་འཕེལ། དེ་ལས་ རྒྱལ་ཁབ་ཀྱི་འགྲན་བསྡུར་ནུས་ཤུགས་ཡར་དྲག་གཏང་ནི་ལུ་ མེད་ཐབས་མེད་པའི་རྒྱུ་རྐྱེན་ཅིག་ཨིན།

== འཕྲུལ་རིག་གི་གལ་གནད། ==
'''ཀ། དཔལ་འབྱོར་གོང་འཕེལ།''' འཕྲུལ་རིག་གིས་ སོ་ནམ་བཟོ་སྐྲུན། བཟོ་གྲྭ་འཕྲུལ་ཁང་། ལྟ་བཤལ། དངུལ་ཁང་། ཚོང་འབྲེལ་ཚུ་གི་ནང་ལས་ཕར་ ཐོན་ཤུགས་དང་འཇོན་ཐང་ཡར་དྲག་གཏངམ་ཨིན། ཚོང་ལས་ཚུ་གིས་ ཟད་འགྲོ་མར་ཕབ་འབད་ཐོག་ལས་ སྤུས་ཚད་ཅན་གྱི་ཅ་ཆས་དང་ཞབས་ཏོག་ཚུ་ མང་སུ་སྦེ་བཏོན་ཚུགས། དེ་མ་ཚད་ ཌི་ཇི་ཊཱལ་འཕྲུལ་རིག་ཚུ་གིས་ ལཱ་གཡོག་གི་གོ་སྐབས་གསརཔ་བཟོ་སྟེ་ ཚོང་འབྲེལ་ལུ་ཡང་རྒྱབ་སྐྱོར་འབདཝ་ཨིན་པས།

'''ཁ། བརྒྱུད་འབྲེལ་གནས་སྟངས་ཡར་དྲག།''' འགྲུལ་འཕྲིན་དང་གློག་རིག་ཡོངས་འབྲེལ་ མི་སྡེ་བརྡ་བརྒྱུད་ཚུ་གིས་ འབྲེལ་བ་འཐབ་ནི་འདི་མགྱོགས་དྲགས་དང་ སྟབས་བདེ་ཏོག་ཏོ་བཟོ་ཡོདཔ་ལས་ ས་ཐག་རིང་ཐུང་ལུ་མ་བལྟ་བར་ འདི་འཕྲོ་ལས་འབྲེལ་བ་འཐབ་ཚུགསཔ་བཟོ་ཡོདཔ་ཨིན།

'''ག། ཤེས་ཡོན་གནས་ཚད་ཡར་རྒྱས།''' ཡོངས་འབྲེལ་ཐོག་ལས་ ལྷབ་སྦྱང་འབད་ནིའི་ལམ་ལུགས་དང་། གློག་རིག་དཔེ་མཛོད་ཚུ་གིས་ སློབ་ཕྲུག་ཚུ་གིས་ ལྷབ་སྦྱང་གི་མཐུན་རྐྱེན་ཚུ་ནམ་འབད་རུང་ ག་ཏེ་ལས་འབད་རུང་ ལག་ལེན་འཐབ་ཚུགསཔ་སྦེ་བཟོ་ཡོདཔ་ཨིན།

'''ང་། གསོ་བའི་ཞབས་ཏོག་ཡར་དྲག།''' སྨན་བཅོས་འཕྲུལ་ཆས་ཚུ་གིས་ ནད་གཞི་ཚུ་གསལ་ཏོག་ཏོ་སྦེ་ངོས་ཛིན་འབད་ཚུགསཔ་མ་ཚད་ རྒྱང་རིང་གསོ་བའི་ཞབས་ཏོག་གིས་ མཐའ་ཟུར་གྱི་མི་སེར་ཚུ་ཐག་རིང་ས་ལུ་འགྱོ་མ་དགོ་པར་ མཁས་མཆོག་ཚུ་དང་གཅིག་ཁར་ བསྟུན་གྲོས་འབད་ཚུགསཔ་བཟོ་ཡོདཔ་ཨིན།

'''ཅ། འཛིན་སྐྱོང་ནུས་པ་ཅན།''' གཞུང་གིས་ གློག་ཐོག་འཛིན་སྐྱོང་དང་ གློག་ཐོག་སྐྱེལ་སྤྲོད་ལམ་ལུགས་ཚུ་ལག་ལེན་འཐབ་ཐོག་ལས་ མི་དམངས་ཞབས་ཏོག་ཚུ་དྭངས་གསལ་དང་ སྟབས་བདེ་ཏོག་ཏོ་སྦེ་བྱིན་ཚུགསཔ་བཟོ་ཡོདཔ་ཨིན།

'''ཆ། སོ་ནམ་ཡར་རྒྱས།''' ཆུ་གཡུར་བཏོན་ནིའི་འཕྲུལ་ཆས་དང་། གནམ་གཤིས་ལྟ་རྟོག་ལག་ཆ་རྒྱང་འཛིན་འཕུར་འཕྲུལ་ཚུ་གིས་ སོ་ནམ་པ་ཚུ་གི་ཐོན་སྐྱེད་ཡར་དྲག་དང་ ཞིང་སྟོང་མར་ཕབ་འབད་ནི་ལུ་ཕན་ཐོགས་ཡོདཔ་ཨིན།

'''ཇ། རྒྱལ་ཁབ་གོང་འཕེལ།''' འཕྲུལ་རིག་གིས་གསར་གཏོད་དང་ཉམས་ཞིབ་ གཞི་རྟེན་མཐུན་རྐྱེན་ཡར་རྒྱས་གཏང་ནི་ལུ་གྲོགས་རམ་འབད་དོ་ཡོདཔ་ལས་ འཛམ་གླིང་ནང་རྒྱལ་ཁབ་ཚུ་དང་འགྲན་བསྡུར་འབད་ནིའི་ནུས་པ་ཡར་དྲག་འགྱོཝ་ཨིན།

'''༣. འབྲུག་གི་འཕྲུལ་རིག་གི་ད་ལྟོའི་གནས་ཚད་དང་བྱ་བ།'''

'''༣.༡ འབྲུག་གི་རྒྱལ་ཡོངས་གློག་ཐོག་ངོ་རྟགས་རྒྱ་སྐྱེད།'''

འབྲུག་རྒྱལ་ཁབ་ཀྱིས་ རྒྱལ་ཡོངས་གློག་ཐོག་ངོ་རྟགས་ལམ་ལུགས་གཞི་བཙུགས་འབད་དེ་ མི་སེར་ཚུ་གིས་ གཞུང་དང་སྒེར་གྱི་ཞབས་ཏོག་ཚུ་ གློག་ཐོག་ལས་ཉེན་སྲུང་དང་ལྡན་པའི་སྒོ་ལས་ ལག་ལེན་འཐབ་བཅུགཔ་ཨིན། འབྲུག་རྒྱལ་ཁབ་འདི་ གུས་ཞབས་ཀྱི་ཐོག་ལས་ ངོ་རྟགས་སྒྲིང་སྒྲི་བཟོ་ནི་ལུ་ འཛམ་གླིང་ནང་ དཔེ་སྟོན་བཟང་པོ་ཅིག་ལུ་གྱུར་ཏེ་ཡོདཔ་ཨིན།

'''གལ་གནད།'''

·           མི་དམངས་ཞབས་ཏོག་ཚུ་ འཇམ་ཏོང་ཏོ་སྦེ་འཐོབ་ཚུགས་ནི།

·           གློག་ལམ་ཉེན་སྲུང་དང་ ངོ་རྟགས་བདེན་དཔྱད་ཡར་དྲག་བཟོ་ནི།

·           ཡིག་ཆའི་ལཱ་དང་ འཛིན་སྐྱོང་ཟད་འགྲོ་མར་ཕབ་འབད་ནི།

·           མི་སེར་ག་ར་ལུ་ གློག་ཐོག་ཞབས་ཏོག་ཚུ་འཐོབ་ཚུགསཔ་བཟོ་ནི།

'''༣.༢ འབྲུག་རྒྱལ་ཁབ་འདི་ ལོ་ ༥ ནང་ འཛམ་གླིང་གི་རྒྱལ་ཁབ་ ༥༠ གི་ གློག་ཐོག་མི་དམངས་གཞི་རྟེན་མཐུན་རྐྱེན་ལས་རིམ་ནང་འཛུལ་ཞུགས་འབད་ནི།'''

སྤྱི་ལོ་ ༢༠༢༦ ལུ་ འབྲུག་རྒྱལ་ཁབ་ཀྱིས་ ལོ་ ༥ གི་ནང་འཁོད་ རྒྱལ་ཁབ་ ༥༠ གི་ ལས་རིམ་ནང་འཛུལ་ཞུགས་འབད་དེ་ རྒྱལ་ཁབ་ནང་ཉེན་སྲུང་ལྡན་པའི་ གློག་ཐོག་མི་དམངས་གཞི་རྟེན་ཡར་རྒྱས་གཏང་ནི་ལུ་ གཙོ་བོར་བཏོན་དོ་ཡོདཔ་ཨིན། འདི་གིས་ གཞུང་གི་ཞབས་ཏོག་དང་ གློག་ཐོག་དངུལ་སྤྲོད་ དེ་བཟུམ་སྦེ་ ངོ་རྟགས་འཛིན་སྐྱོང་ཚུ་ལུ་ཕན་ཐོགས་ཚུགསཔ་ཨིན།

'''གལ་གནད།'''

·           འབྲུག་གི་གློག་ཐོག་བསྒྱུར་བཅོས་ཀྱི་ལཱ་ཚུ་ མགྱོགས་སུ་གཏང་ནི།

·           མི་དམངས་ཞབས་ཏོག་གི་ སྤུས་ཚད་དང་ནུས་པ་ཡར་དྲག་གཏང་ནི།

·           དེང་སང་དཔལ་འབྱོར་དང་ གསར་གཏོད་ལུ་རྒྱབ་སྐྱོར་འབད་ནི།

'''༣.༣ རྒྱལ་ཡོངས་འཕྲུལ་རིག་ཞལ་འཛོམས་དང་ བཅོས་མ་རིག་རྩལ་ལུ་གཙོ་བོར་བཟུང་བ།'''

འབྲུག་ལུ་ རྒྱལ་ཡོངས་འཕྲུལ་རིག་ཞལ་འཛོམས་དང་འགྲེམས་སྟོན་འདི་ ༢༠༢༦ ལུ་འགོ་འདྲེན་འཐབ་ཡོདཔ་དང་། འདི་ནང་གཞུང་གི་ལས་སྡེ་དང་། ཤེས་ཡོན་གཙུག་ལག་ལས་སྡེ། ཚོང་ལས་ཚུ་གིས་ གློག་རིག་འཕྲུལ་རིག་གསརཔ་ཚུ་གི་སྐོར་ལས་གསུང་གྲོས་གནང་ཡོདཔ་མ་ཚད་ བཅོས་མ་རིག་རྩལ་འདི་ རྒྱལ་ཁབ་གོང་འཕེལ་ནང་ག་དེ་སྦེ་ལག་ལེན་འཐབ་ནི་ཨིན་ན་གི་སྐོར་ལས་ ལཱ་འབད་སའི་ས་གོ་ཚུ་ནང་འགོ་འདྲེན་འཐབ་སྟེ་ཡོད།

'''གལ་གནད།'''

·           གསར་གཏོད་དང་ ཚོང་ལས་འགོ་བཙུགས་ནི་ལུ་ སྐུལ་མ་འབད་ནི།

·           ན་གཞོན་ཚུ་ འཕྲུལ་རིག་ལས་སྡེ་ནང་བཅའ་མར་གཏོགས་བཅུག་ནི།

·           ཤེས་ཡོན་ཐོག་ལས་ དཔལ་འབྱོར་གོང་འཕེལ་གཏང་ནི་ལུ་ རྒྱབ་སྐྱོར་འབད་ནི།

'''༤. འབྲུག་ལུ་འཕྲུལ་རིག་གི་དཀའ་ངལ།'''

འབྲུག་རྒྱལ་ཁབ་ནང་ འཕྲུལ་རིག་འདི་ཡར་རྒྱས་འགྱོ་དོ་ཡོད་རུང་ འབྲུག་ལུ་འཕྲུལ་རིག་དང་འབྲེལ་བའི་ དཀའ་ངལ་ལེ་ཤ་ཅིག་ར་འཐོན་དོ་ཡོདཔ་ཨིན།

'''ཀ། གློག་ལམ་ཁྱད་པར།''' ས་གནས་མཐའ་ཟུར་ཚུ་ནང་ གློག་རིག་ཡོངས་འབྲེལ་་དང་ གློག་རིག་གཞི་རྟེན་མཐུན་རྐྱེན་ལེགས་ཤོམ་མེདཔ་ལས་ གྲོང་གསེབ་ཀྱི་མི་སེར་ཚུ་ལུ་ ཤེས་ཡོན་དང་གཞུང་གི་ཞབས་ཏོག་འཐོབ་ནི་ལུ་ ཁྱད་པར་འཐོན་དོ་ཡོདཔ་ཨིན།

ཕོག་ཐེངས། གྲོང་གསེབ་ཀྱི་མི་སེར་ཚུ་ལུ་ གོ་སྐབས་ཉུང་སུ་སྦེ་འཐོབ་ནི་དང་། ཤེས་ཡོན་འདྲ་མཉམ་འཐོབ་མ་ཚུགས་པར་ཡོདཔ་ཨིན།

'''ཁ། གློག་ལམ་ཉེན་ཁ།''' ཞབས་ཏོག་ཚུ་གློག་ཐོག་ལུ་འགྱུར་བའི་བསྒང་ལས་ རྐུ་སྤྱོད་དང་ཕི་ཤིང་། དེ་བཟུམ་སྦེ་ ངོ་རྟགས་དང་གནས་སྡུད་བརྐུ་ནིའི་ཉེན་ཁ་ཚུ་ ཡར་འཕར་འགྱོ་དོ་ཡོདཔ་ཨིན།

ཕོག་ཐེངས། རང་དབང་གི་གནས་ཚུལ་ཚུ་ལུ་ ཉེན་ཁ་འཐོན་ནི་དང་། གཞུང་དང་ཚོང་ལས་ཀྱི་ལཱ་ཚུ་ལུ་ བར་ཆད་རྐྱབ་ཨིན།

'''ག། འཕྲུལ་རིག་མཁས་མཆོག་མ་ལངས་པའི་དཀའ་ངལ།''' འབྲུག་ལུ་ མཉེན་ཆས་བཟོ་མི་དང་། གློག་ལམ་ཉེན་སྲུང་མཁས་པ། བཅོས་མ་རིག་རྩལ་གྱི་མཁས་མཆོག་ཚུ་ རྒྱལ་ཁབ་ནང་བཞག་ནི་ལུ་ དཀའ་ངལ་ཡོདཔ་ཨིན།

ཕོག་ཐེངས། ཕྱི་རྒྱལ་ཁབ་ཀྱི་མཁས་པ་ཚུ་ལུ་བརྟེན་དགོཔ་འཐོན་ནི་དང་། ནང་འཁོད་ཀྱི་གསར་གཏོད་ལཱ་ཚུ་ལུ་ ཉེན་ཁ་འཇམ་ཏོང་ཏོ་སྦེ་འབྱུང་སྲིད་ནི་ཨིན།

'''ང། གཞི་རྟེན་མཐུན་རྐྱེན་གྱི་ཟད་འགྲོ་མཐོ་བ།''' གློག་རིག་ཡོངས་འབྲེལ་གྱི་དྲ་བ་དང་ གནས་སྡུད་ལྟེ་བ་ཚུ་བཟོ་ནི་དང་འཛིན་སྐྱོང་འབད་ནི་ལུ་ མ་རྩ་གཞི་བཙུགས་སྦོམ་དགོཔ་ཨིན།

ཕོག་ཐེངས། གཞུང་གི་ལས་འཆར་ཚུ་ལུ་ དངུལ་འབྲེལ་གྱི་དཀའ་ངལ་འཐོན་ནི་དང་། ཞབས་ཏོག་རྒྱ་སྐྱེད་གཏང་ནི་ལུ་ དུས་ཡུན་འགོརཝ་ཨིན།

'''ཅ། གློག་རིག་ཤེས་ཡོན་གྱི་གནོད་པ་སྦོམ།'''

མི་སེར་རྒན་ཤོས་ཚུ་དང་ གྲོང་གསེབ་ཀྱི་མི་སེར་ཚུ་ལུ་ འཕྲུལ་རིག་ལག་ལེན་འཐབ་ནི་གི་ རིག་རྩལ་མ་ལངས་པའི་དཀའ་ངལ་ཡོད།

ཕོག་ཐེངས། གློག་ཐོག་ཞབས་ཏོག་ལག་ལེན་འཐབ་མི་མར་འབབ་འགྱོ་ནི་དང་། ཡོངས་འབྲེལ་ཐོག་ལས་ མགུ་སྐོར་ནང་ཚུད་ནི་གི་ཉེན་ཁ་སྦོམ་ཡོདཔ་ཨིན།

'''ཆ། མི་སྡེ་བརྡ་བརྒྱུད་དང་གནས་ཚུལ་རྫུན་མ།'''

མི་དམངས་ཀྱིས་ མི་སྡེ་བརྡ་བརྒྱུད་ལག་ལེན་འཐབ་མི་ མང་སུ་སྦེ་འགྱོཝ་དང་གཅིག་ཁར་ བདེན་པ་མེད་པའི་གནས་ཚུལ་རྫུན་མ་དང་ ཡོངས་འབྲེལ་ཐོག་ལས་གནོད་འཚེ་བཀལ་ནི་ཚུ་  ཡར་སེང་འགྱོ་དོ་ཡོདཔ་ཨིན།

ཕོག་ཐེངས། མི་དམངས་ལུ་མགོ་འཐོམ་བཅུག་ནི་དང་། མི་སྡེ་ནང་མ་འགྲིགསཔ་བཟོ་ནི་གི་ཉེན་ཁ་ཚུ་ཡང་ཡོདཔ་ཨིན།

'''ཇ། དེང་སང་ཡར་རྒྱས་དང་ ལམ་སྲོལ་ཉམས་སྲུང་གཉིས་ཆ་སྙོམས་བཟོ་ནི།'''

འབྲུག་རྒྱལ་ཁབ་ཀྱིས་ ལམ་སྲོལ་ཉམས་སྲུང་དང་ རྒྱལ་ཡོངས་དགའ་སྐྱིད་དཔལ་འཛོམས་ལུ་ གཙོ་བོར་གཟུངམ་ཨིན། འཕྲུལ་རིག་མགྱོགས་དྲགས་སྦེ་ཡར་རྒྱས་འགྱོ་མི་གིས་ ལམ་ལུགས་ལེགས་ཤོམ་སྦེ་ མ་བཟོ་བ་ཅིན་ ང་བཅས་ཀྱི་སྔར་སྲོལ་བཟང་པོ་ཚུ་ལུ་ གནོད་ནི་གི་ཉེན་ཁ་ཡོདཔ་ཨིན།

ཕོག་ཐེངས། སྔར་སྲོལ་ལམ་ལུགས་ཚུ་ ཉམས་འགྱོ་ནིའི་ཉེན་ཁ་དང་། མ་འགྲིགས་པའི་བརྡ་དོན་ཚུ་ལུ་ གདོང་ལེན་འབད་དགོཔ་ཡང་འཐོན་ནི་ཨིན།

'''༥. མཇུག་བསྡུ།'''

འཕྲུལ་རིག་འདི་ དཔལ་འབྱོར་གོང་འཕེལ་དང་ འཛིན་སྐྱོང་ཡར་དྲག། ཤེས་ཡོན་དང་གསོ་བའི་ཞབས་ཏོག་ཡར་རྒྱས་གཏང་ནི་གི་དོན་ལུ་ ཁག་ཆེ་བའི་ལག་ཆ་བཟུམ་ཅིག་ཨིན། འབྲུག་རྒྱལ་ཁབ་ཀྱིས་ རྒྱལ་ཡོངས་གློག་ཐོག་ངོ་རྟགས་དང་ གློག་ཐོག་མི་དམངས་གཞི་རྟེན། དེ་བཟུམ་སྦེ་ བཅོས་མ་རིག་རྩལ་ཚུ་གི་ཐོག་ལས་ ཡར་རྒྱས་སྦོམ་བཟོ་ཡོདཔ་ཨིན། དེ་འབད་རུང་ གློག་ལམ་ཁྱད་པར་དང་ཉེན་སྲུང་གི་ཉེན་ཁ། ཤེས་ཡོན་གྱི་ཁྱད་པར་ཚུ་སེལ་ཐབས་འབད་དེ་ འཕྲུལ་རིག་འདི་ རྒྱལ་ཡོངས་དགའ་སྐྱིད་དཔལ་འཛོམས་ཀྱི་ ལྟ་བ་དང་མཐུནམ་སྦེ་ལག་ལེན་འཐབ་པ་ཅིན་ འབྲུག་རྒྱལ་ཁབ་འདི་ རྒྱུན་བརྟན་དང་གསར་གཏོད་ཅན་གྱི་མ་འོངས་པའི་ནང་ གློག་རིག་སྟོབས་ཅན་ཅིག་བཟོ་ཚུགས་ནི་ཨིན་པས།</text>
      <sha1>5qhtsvb25ne57vo3swo5okpru9r97td</sha1>
    </revision>
    <revision>
      <id>40100</id>
      <parentid>40099</parentid>
      <timestamp>2026-08-18T11:18:00Z</timestamp>
      <contributor>
        <username>Kheng Singye Dorji (KSD)</username>
        <id>9274</id>
      </contributor>
      <origin>40100</origin>
      <model>wikitext</model>
      <format>text/x-wiki</format>
      <text bytes="21067" sha1="tfs5h0ep6weon52sewqunu6xsgcrz6n" xml:space="preserve">འཕྲུལ་རིག་ཟེར་མི་འདི་ དཀའ་ངལ་སེལ་ཐབས་དང་ ལཱ་གི་ནུས་ཤུགས་ཡར་དྲག་གཏང་ནི། མི་གི་དགོས་མཁོ་ཚུ་འགྲུབ་ནིའི་དོན་ལུ་ ཚན་རིག་གི་ཤེས་ཡོན་དང་། རིག་རྩལ། ལག་ཆ། ཐབས་ཤེས་དང་ལམ་ལུགས་ཚུ་ ལག་ལེན་འཐབ་མི་ལུ་སླབ་ཨིན། འདི་ནང་ འཁོར་ལོ་བཟུམ་མའི་སྟབས་བདེ་བའི་ལག་ཆ་ལས་བཟུང་སྟེ་ མི་བཟོས་རིག་རྩལ་ བོལོག་ཅེན། རོ་བོ་ཊིགསི། སྤྲིན་མཛོད་ རྩིས་རིག་དང་ གློག་རིག་བརྒྱུད་འབྲེལ་གྱི་ལམ་ལུགས་ཚུ་ཚུད་དེ་ཡོདཔ་ཨིན།

དེང་སང་ མི་སྡེ་ནང་འཕྲུལ་རིག་གིས་ མི་ཚུ་གི་འཚོ་བ་སྐྱོང་ཐངས་དང་། ལཱ་འབད་ཐངས། བརྒྱུད་འབྲེལ་འཐབ་ཐངས། ཤེས་ཡོན་ལྷབ་སྦྱང་། དེ་བཟུམ་སྦེ་ ཚོང་འབྲེལ་འཐབ་ཐངས་ཚུ་ བསྒྱུར་བཅོས་འབད་ནི་ལུ་ ཁག་ཆེ་བའི་འགན་ཁུར་འབག་སྟེ་ཡོདཔ་ཨིན། འདི་གིས་དཔལ་འབྱོར་གོང་འཕེལ་དང་ མི་སྡེ་གོང་འཕེལ། དེ་ལས་ རྒྱལ་ཁབ་ཀྱི་འགྲན་བསྡུར་ནུས་ཤུགས་ཡར་དྲག་གཏང་ནི་ལུ་ མེད་ཐབས་མེད་པའི་རྒྱུ་རྐྱེན་ཅིག་ཨིན།

== འཕྲུལ་རིག་གི་གལ་གནད།&lt;ref&gt;[[འབྲུག་གཞུང་འཕྲུལ་རིག་ལས་སྡེ། Ι GovTech Agency]]&lt;/ref&gt; ==
'''ཀ། དཔལ་འབྱོར་གོང་འཕེལ།''' འཕྲུལ་རིག་གིས་ སོ་ནམ་བཟོ་སྐྲུན། བཟོ་གྲྭ་འཕྲུལ་ཁང་། ལྟ་བཤལ། དངུལ་ཁང་། ཚོང་འབྲེལ་ཚུ་གི་ནང་ལས་ཕར་ ཐོན་ཤུགས་དང་འཇོན་ཐང་ཡར་དྲག་གཏངམ་ཨིན། ཚོང་ལས་ཚུ་གིས་ ཟད་འགྲོ་མར་ཕབ་འབད་ཐོག་ལས་ སྤུས་ཚད་ཅན་གྱི་ཅ་ཆས་དང་ཞབས་ཏོག་ཚུ་ མང་སུ་སྦེ་བཏོན་ཚུགས། དེ་མ་ཚད་ ཌི་ཇི་ཊཱལ་འཕྲུལ་རིག་ཚུ་གིས་ ལཱ་གཡོག་གི་གོ་སྐབས་གསརཔ་བཟོ་སྟེ་ ཚོང་འབྲེལ་ལུ་ཡང་རྒྱབ་སྐྱོར་འབདཝ་ཨིན་པས།

'''ཁ། བརྒྱུད་འབྲེལ་གནས་སྟངས་ཡར་དྲག།''' འགྲུལ་འཕྲིན་དང་གློག་རིག་ཡོངས་འབྲེལ་ མི་སྡེ་བརྡ་བརྒྱུད་ཚུ་གིས་ འབྲེལ་བ་འཐབ་ནི་འདི་མགྱོགས་དྲགས་དང་ སྟབས་བདེ་ཏོག་ཏོ་བཟོ་ཡོདཔ་ལས་ ས་ཐག་རིང་ཐུང་ལུ་མ་བལྟ་བར་ འདི་འཕྲོ་ལས་འབྲེལ་བ་འཐབ་ཚུགསཔ་བཟོ་ཡོདཔ་ཨིན།

'''ག། ཤེས་ཡོན་གནས་ཚད་ཡར་རྒྱས།''' ཡོངས་འབྲེལ་ཐོག་ལས་ ལྷབ་སྦྱང་འབད་ནིའི་ལམ་ལུགས་དང་། གློག་རིག་དཔེ་མཛོད་ཚུ་གིས་ སློབ་ཕྲུག་ཚུ་གིས་ ལྷབ་སྦྱང་གི་མཐུན་རྐྱེན་ཚུ་ནམ་འབད་རུང་ ག་ཏེ་ལས་འབད་རུང་ ལག་ལེན་འཐབ་ཚུགསཔ་སྦེ་བཟོ་ཡོདཔ་ཨིན།

'''ང་། གསོ་བའི་ཞབས་ཏོག་ཡར་དྲག།''' སྨན་བཅོས་འཕྲུལ་ཆས་ཚུ་གིས་ ནད་གཞི་ཚུ་གསལ་ཏོག་ཏོ་སྦེ་ངོས་ཛིན་འབད་ཚུགསཔ་མ་ཚད་ རྒྱང་རིང་གསོ་བའི་ཞབས་ཏོག་གིས་ མཐའ་ཟུར་གྱི་མི་སེར་ཚུ་ཐག་རིང་ས་ལུ་འགྱོ་མ་དགོ་པར་ མཁས་མཆོག་ཚུ་དང་གཅིག་ཁར་ བསྟུན་གྲོས་འབད་ཚུགསཔ་བཟོ་ཡོདཔ་ཨིན།

'''ཅ། འཛིན་སྐྱོང་ནུས་པ་ཅན།''' གཞུང་གིས་ གློག་ཐོག་འཛིན་སྐྱོང་དང་ གློག་ཐོག་སྐྱེལ་སྤྲོད་ལམ་ལུགས་ཚུ་ལག་ལེན་འཐབ་ཐོག་ལས་ མི་དམངས་ཞབས་ཏོག་ཚུ་དྭངས་གསལ་དང་ སྟབས་བདེ་ཏོག་ཏོ་སྦེ་བྱིན་ཚུགསཔ་བཟོ་ཡོདཔ་ཨིན།

'''ཆ། སོ་ནམ་ཡར་རྒྱས།''' ཆུ་གཡུར་བཏོན་ནིའི་འཕྲུལ་ཆས་དང་། གནམ་གཤིས་ལྟ་རྟོག་ལག་ཆ་རྒྱང་འཛིན་འཕུར་འཕྲུལ་ཚུ་གིས་ སོ་ནམ་པ་ཚུ་གི་ཐོན་སྐྱེད་ཡར་དྲག་དང་ ཞིང་སྟོང་མར་ཕབ་འབད་ནི་ལུ་ཕན་ཐོགས་ཡོདཔ་ཨིན།

'''ཇ། རྒྱལ་ཁབ་གོང་འཕེལ།''' འཕྲུལ་རིག་གིས་གསར་གཏོད་དང་ཉམས་ཞིབ་ གཞི་རྟེན་མཐུན་རྐྱེན་ཡར་རྒྱས་གཏང་ནི་ལུ་གྲོགས་རམ་འབད་དོ་ཡོདཔ་ལས་ འཛམ་གླིང་ནང་རྒྱལ་ཁབ་ཚུ་དང་འགྲན་བསྡུར་འབད་ནིའི་ནུས་པ་ཡར་དྲག་འགྱོཝ་ཨིན།

'''༣. འབྲུག་གི་འཕྲུལ་རིག་གི་ད་ལྟོའི་གནས་ཚད་དང་བྱ་བ།'''

'''༣.༡ འབྲུག་གི་རྒྱལ་ཡོངས་གློག་ཐོག་ངོ་རྟགས་རྒྱ་སྐྱེད།'''

འབྲུག་རྒྱལ་ཁབ་ཀྱིས་ རྒྱལ་ཡོངས་གློག་ཐོག་ངོ་རྟགས་ལམ་ལུགས་གཞི་བཙུགས་འབད་དེ་ མི་སེར་ཚུ་གིས་ གཞུང་དང་སྒེར་གྱི་ཞབས་ཏོག་ཚུ་ གློག་ཐོག་ལས་ཉེན་སྲུང་དང་ལྡན་པའི་སྒོ་ལས་ ལག་ལེན་འཐབ་བཅུགཔ་ཨིན། འབྲུག་རྒྱལ་ཁབ་འདི་ གུས་ཞབས་ཀྱི་ཐོག་ལས་ ངོ་རྟགས་སྒྲིང་སྒྲི་བཟོ་ནི་ལུ་ འཛམ་གླིང་ནང་ དཔེ་སྟོན་བཟང་པོ་ཅིག་ལུ་གྱུར་ཏེ་ཡོདཔ་ཨིན།

=== '''གལ་གནད།''' ===
·           མི་དམངས་ཞབས་ཏོག་ཚུ་ འཇམ་ཏོང་ཏོ་སྦེ་འཐོབ་ཚུགས་ནི།

·           གློག་ལམ་ཉེན་སྲུང་དང་ ངོ་རྟགས་བདེན་དཔྱད་ཡར་དྲག་བཟོ་ནི།

·           ཡིག་ཆའི་ལཱ་དང་ འཛིན་སྐྱོང་ཟད་འགྲོ་མར་ཕབ་འབད་ནི།

·           མི་སེར་ག་ར་ལུ་ གློག་ཐོག་ཞབས་ཏོག་ཚུ་འཐོབ་ཚུགསཔ་བཟོ་ནི།

'''༣.༢ འབྲུག་རྒྱལ་ཁབ་འདི་ ལོ་ ༥ ནང་ འཛམ་གླིང་གི་རྒྱལ་ཁབ་ ༥༠ གི་ གློག་ཐོག་མི་དམངས་གཞི་རྟེན་མཐུན་རྐྱེན་ལས་རིམ་ནང་འཛུལ་ཞུགས་འབད་ནི།'''

སྤྱི་ལོ་ ༢༠༢༦ ལུ་ འབྲུག་རྒྱལ་ཁབ་ཀྱིས་ ལོ་ ༥ གི་ནང་འཁོད་ རྒྱལ་ཁབ་ ༥༠ གི་ ལས་རིམ་ནང་འཛུལ་ཞུགས་འབད་དེ་ རྒྱལ་ཁབ་ནང་ཉེན་སྲུང་ལྡན་པའི་ གློག་ཐོག་མི་དམངས་གཞི་རྟེན་ཡར་རྒྱས་གཏང་ནི་ལུ་ གཙོ་བོར་བཏོན་དོ་ཡོདཔ་ཨིན། འདི་གིས་ གཞུང་གི་ཞབས་ཏོག་དང་ གློག་ཐོག་དངུལ་སྤྲོད་ དེ་བཟུམ་སྦེ་ ངོ་རྟགས་འཛིན་སྐྱོང་ཚུ་ལུ་ཕན་ཐོགས་ཚུགསཔ་ཨིན།

=== '''གལ་གནད།''' ===
·           འབྲུག་གི་གློག་ཐོག་བསྒྱུར་བཅོས་ཀྱི་ལཱ་ཚུ་ མགྱོགས་སུ་གཏང་ནི།

·           མི་དམངས་ཞབས་ཏོག་གི་ སྤུས་ཚད་དང་ནུས་པ་ཡར་དྲག་གཏང་ནི།

·           དེང་སང་དཔལ་འབྱོར་དང་ གསར་གཏོད་ལུ་རྒྱབ་སྐྱོར་འབད་ནི།

'''༣.༣ རྒྱལ་ཡོངས་འཕྲུལ་རིག་ཞལ་འཛོམས་དང་ བཅོས་མ་རིག་རྩལ་ལུ་གཙོ་བོར་བཟུང་བ།'''

འབྲུག་ལུ་ རྒྱལ་ཡོངས་འཕྲུལ་རིག་ཞལ་འཛོམས་དང་འགྲེམས་སྟོན་འདི་ ༢༠༢༦ ལུ་འགོ་འདྲེན་འཐབ་ཡོདཔ་དང་། འདི་ནང་གཞུང་གི་ལས་སྡེ་དང་། ཤེས་ཡོན་གཙུག་ལག་ལས་སྡེ། ཚོང་ལས་ཚུ་གིས་ གློག་རིག་འཕྲུལ་རིག་གསརཔ་ཚུ་གི་སྐོར་ལས་གསུང་གྲོས་གནང་ཡོདཔ་མ་ཚད་ བཅོས་མ་རིག་རྩལ་འདི་ རྒྱལ་ཁབ་གོང་འཕེལ་ནང་ག་དེ་སྦེ་ལག་ལེན་འཐབ་ནི་ཨིན་ན་གི་སྐོར་ལས་ ལཱ་འབད་སའི་ས་གོ་ཚུ་ནང་འགོ་འདྲེན་འཐབ་སྟེ་ཡོད།

=== '''གལ་གནད།''' ===
·           གསར་གཏོད་དང་ ཚོང་ལས་འགོ་བཙུགས་ནི་ལུ་ སྐུལ་མ་འབད་ནི།

·           ན་གཞོན་ཚུ་ འཕྲུལ་རིག་ལས་སྡེ་ནང་བཅའ་མར་གཏོགས་བཅུག་ནི།

·           ཤེས་ཡོན་ཐོག་ལས་ དཔལ་འབྱོར་གོང་འཕེལ་གཏང་ནི་ལུ་ རྒྱབ་སྐྱོར་འབད་ནི།

=== '''༤. འབྲུག་ལུ་འཕྲུལ་རིག་གི་དཀའ་ངལ།''' ===
འབྲུག་རྒྱལ་ཁབ་ནང་ འཕྲུལ་རིག་འདི་ཡར་རྒྱས་འགྱོ་དོ་ཡོད་རུང་ འབྲུག་ལུ་འཕྲུལ་རིག་དང་འབྲེལ་བའི་ དཀའ་ངལ་ལེ་ཤ་ཅིག་ར་འཐོན་དོ་ཡོདཔ་ཨིན།

'''ཀ། གློག་ལམ་ཁྱད་པར།''' ས་གནས་མཐའ་ཟུར་ཚུ་ནང་ གློག་རིག་ཡོངས་འབྲེལ་་དང་ གློག་རིག་གཞི་རྟེན་མཐུན་རྐྱེན་ལེགས་ཤོམ་མེདཔ་ལས་ གྲོང་གསེབ་ཀྱི་མི་སེར་ཚུ་ལུ་ ཤེས་ཡོན་དང་གཞུང་གི་ཞབས་ཏོག་འཐོབ་ནི་ལུ་ ཁྱད་པར་འཐོན་དོ་ཡོདཔ་ཨིན།

ཕོག་ཐེངས། གྲོང་གསེབ་ཀྱི་མི་སེར་ཚུ་ལུ་ གོ་སྐབས་ཉུང་སུ་སྦེ་འཐོབ་ནི་དང་། ཤེས་ཡོན་འདྲ་མཉམ་འཐོབ་མ་ཚུགས་པར་ཡོདཔ་ཨིན།

'''ཁ། གློག་ལམ་ཉེན་ཁ།''' ཞབས་ཏོག་ཚུ་གློག་ཐོག་ལུ་འགྱུར་བའི་བསྒང་ལས་ རྐུ་སྤྱོད་དང་ཕི་ཤིང་། དེ་བཟུམ་སྦེ་ ངོ་རྟགས་དང་གནས་སྡུད་བརྐུ་ནིའི་ཉེན་ཁ་ཚུ་ ཡར་འཕར་འགྱོ་དོ་ཡོདཔ་ཨིན།

ཕོག་ཐེངས། རང་དབང་གི་གནས་ཚུལ་ཚུ་ལུ་ ཉེན་ཁ་འཐོན་ནི་དང་། གཞུང་དང་ཚོང་ལས་ཀྱི་ལཱ་ཚུ་ལུ་ བར་ཆད་རྐྱབ་ཨིན།

'''ག། འཕྲུལ་རིག་མཁས་མཆོག་མ་ལངས་པའི་དཀའ་ངལ།''' འབྲུག་ལུ་ མཉེན་ཆས་བཟོ་མི་དང་། གློག་ལམ་ཉེན་སྲུང་མཁས་པ། བཅོས་མ་རིག་རྩལ་གྱི་མཁས་མཆོག་ཚུ་ རྒྱལ་ཁབ་ནང་བཞག་ནི་ལུ་ དཀའ་ངལ་ཡོདཔ་ཨིན།

ཕོག་ཐེངས། ཕྱི་རྒྱལ་ཁབ་ཀྱི་མཁས་པ་ཚུ་ལུ་བརྟེན་དགོཔ་འཐོན་ནི་དང་། ནང་འཁོད་ཀྱི་གསར་གཏོད་ལཱ་ཚུ་ལུ་ ཉེན་ཁ་འཇམ་ཏོང་ཏོ་སྦེ་འབྱུང་སྲིད་ནི་ཨིན།

'''ང། གཞི་རྟེན་མཐུན་རྐྱེན་གྱི་ཟད་འགྲོ་མཐོ་བ།''' གློག་རིག་ཡོངས་འབྲེལ་གྱི་དྲ་བ་དང་ གནས་སྡུད་ལྟེ་བ་ཚུ་བཟོ་ནི་དང་འཛིན་སྐྱོང་འབད་ནི་ལུ་ མ་རྩ་གཞི་བཙུགས་སྦོམ་དགོཔ་ཨིན།

ཕོག་ཐེངས། གཞུང་གི་ལས་འཆར་ཚུ་ལུ་ དངུལ་འབྲེལ་གྱི་དཀའ་ངལ་འཐོན་ནི་དང་། ཞབས་ཏོག་རྒྱ་སྐྱེད་གཏང་ནི་ལུ་ དུས་ཡུན་འགོརཝ་ཨིན།

=== '''ཅ། གློག་རིག་ཤེས་ཡོན་གྱི་གནོད་པ་སྦོམ།''' ===
མི་སེར་རྒན་ཤོས་ཚུ་དང་ གྲོང་གསེབ་ཀྱི་མི་སེར་ཚུ་ལུ་ འཕྲུལ་རིག་ལག་ལེན་འཐབ་ནི་གི་ རིག་རྩལ་མ་ལངས་པའི་དཀའ་ངལ་ཡོད།

ཕོག་ཐེངས། གློག་ཐོག་ཞབས་ཏོག་ལག་ལེན་འཐབ་མི་མར་འབབ་འགྱོ་ནི་དང་། ཡོངས་འབྲེལ་ཐོག་ལས་ མགུ་སྐོར་ནང་ཚུད་ནི་གི་ཉེན་ཁ་སྦོམ་ཡོདཔ་ཨིན།

=== '''ཆ། མི་སྡེ་བརྡ་བརྒྱུད་དང་གནས་ཚུལ་རྫུན་མ།''' ===
མི་དམངས་ཀྱིས་ མི་སྡེ་བརྡ་བརྒྱུད་ལག་ལེན་འཐབ་མི་ མང་སུ་སྦེ་འགྱོཝ་དང་གཅིག་ཁར་ བདེན་པ་མེད་པའི་གནས་ཚུལ་རྫུན་མ་དང་ ཡོངས་འབྲེལ་ཐོག་ལས་གནོད་འཚེ་བཀལ་ནི་ཚུ་  ཡར་སེང་འགྱོ་དོ་ཡོདཔ་ཨིན།

ཕོག་ཐེངས། མི་དམངས་ལུ་མགོ་འཐོམ་བཅུག་ནི་དང་། མི་སྡེ་ནང་མ་འགྲིགསཔ་བཟོ་ནི་གི་ཉེན་ཁ་ཚུ་ཡང་ཡོདཔ་ཨིན།

'''ཇ། དེང་སང་ཡར་རྒྱས་དང་ ལམ་སྲོལ་ཉམས་སྲུང་གཉིས་ཆ་སྙོམས་བཟོ་ནི།'''

འབྲུག་རྒྱལ་ཁབ་ཀྱིས་ ལམ་སྲོལ་ཉམས་སྲུང་དང་ རྒྱལ་ཡོངས་དགའ་སྐྱིད་དཔལ་འཛོམས་ལུ་ གཙོ་བོར་གཟུངམ་ཨིན། འཕྲུལ་རིག་མགྱོགས་དྲགས་སྦེ་ཡར་རྒྱས་འགྱོ་མི་གིས་ ལམ་ལུགས་ལེགས་ཤོམ་སྦེ་ མ་བཟོ་བ་ཅིན་ ང་བཅས་ཀྱི་སྔར་སྲོལ་བཟང་པོ་ཚུ་ལུ་ གནོད་ནི་གི་ཉེན་ཁ་ཡོདཔ་ཨིན།

ཕོག་ཐེངས། སྔར་སྲོལ་ལམ་ལུགས་ཚུ་ ཉམས་འགྱོ་ནིའི་ཉེན་ཁ་དང་། མ་འགྲིགས་པའི་བརྡ་དོན་ཚུ་ལུ་ གདོང་ལེན་འབད་དགོཔ་ཡང་འཐོན་ནི་ཨིན།

=== '''༥. མཇུག་བསྡུ།''' ===
འཕྲུལ་རིག་འདི་ དཔལ་འབྱོར་གོང་འཕེལ་དང་ འཛིན་སྐྱོང་ཡར་དྲག། ཤེས་ཡོན་དང་གསོ་བའི་ཞབས་ཏོག་ཡར་རྒྱས་གཏང་ནི་གི་དོན་ལུ་ ཁག་ཆེ་བའི་ལག་ཆ་བཟུམ་ཅིག་ཨིན། འབྲུག་རྒྱལ་ཁབ་ཀྱིས་ རྒྱལ་ཡོངས་གློག་ཐོག་ངོ་རྟགས་དང་ གློག་ཐོག་མི་དམངས་གཞི་རྟེན། དེ་བཟུམ་སྦེ་ བཅོས་མ་རིག་རྩལ་ཚུ་གི་ཐོག་ལས་ ཡར་རྒྱས་སྦོམ་བཟོ་ཡོདཔ་ཨིན། དེ་འབད་རུང་ གློག་ལམ་ཁྱད་པར་དང་ཉེན་སྲུང་གི་ཉེན་ཁ། ཤེས་ཡོན་གྱི་ཁྱད་པར་ཚུ་སེལ་ཐབས་འབད་དེ་ འཕྲུལ་རིག་འདི་ རྒྱལ་ཡོངས་དགའ་སྐྱིད་དཔལ་འཛོམས་ཀྱི་ ལྟ་བ་དང་མཐུནམ་སྦེ་ལག་ལེན་འཐབ་པ་ཅིན་ འབྲུག་རྒྱལ་ཁབ་འདི་ རྒྱུན་བརྟན་དང་གསར་གཏོད་ཅན་གྱི་མ་འོངས་པའི་ནང་ གློག་རིག་སྟོབས་ཅན་ཅིག་བཟོ་ཚུགས་ནི་ཨིན་པས།
[[Category:འཕྲུལ་རིག།]]</text>
      <sha1>tfs5h0ep6weon52sewqunu6xsgcrz6n</sha1>
    </revision>
  </page>
</mediawiki>