Güiquipeya extwiki https://ext.wikipedia.org/wiki/G%C3%BCiquipedia:Port%C3%A1 MediaWiki 1.46.0-wmf.24 first-letter Mediu Especial Caraba Usuario Usuario caraba Güiquipedia Güiquipedia caraba Archivu Archivu caraba MediaWiki MediaWiki caraba Prantilla Prantilla caraba Ayua Ayua caraba Categoría Categoría caraba TimedText TimedText talk Módulo Módulo discusión Evento Evento discusión 0 11907 142884 142874 2026-04-16T12:43:52Z Olarcos 82 142884 wikitext text/x-wiki {{ficha de pressona}} '''Alexander von Humboldt''', de nomi completu '''Friedrich Karl Wilhelm Heinrich Alexander''' i tamién conocíu n'español comu '''Alejandro de Humboldt''', barón von Humboldt ([[Berlín]], 14 de setiembri de 1769-[[Berlín]], 6 de mayu de 1859) fue un [[naturalista]], geógrafu i [[Exploración geográfica|esproraol]] alemán. Fue miembru associau de l'Academia de Ciencias francesa i presidenti dela Sociedá Geográfica de París. Gracias ala calidá de los levantamientus topográficos i las muestras de fauna i flora recoxías duranti las sus espedicionis, sentó las bassis delas esproracionis científicas. Era el germanu menol del ministru prusianu, filólofu i [[Lingüística|lingüista]] [[Wilhelm von Humboldt]] (1767–1835). El trabaju quantitativu de Humboldt sobri la [[geografía]] [[botánica]] sentó las bassis del campu dela [[biogeografía]], mentris que la su defesa dela medición geofísica sistemática a largu praçu fue pionera nel monitoreu [[Campo magnético terrestre|geomagnéticu]] i [[Meteorología|meteorológicu]] modernu. Humboldt i [[Carl Ritter]] son consieraos los fundaoris dela geografía moderna, ya que estableçun esta desciplina como una ciencia endependienti. Entri 1799 i 1804, Humboldt viajó estensamenti por América, esprorándola i describiéndola por primera ves dendi un puntu de vista científicu. La su descripción del viagi fue recoxía i prubicá en varios volúminis a lo largu de veintiún años. Humboldt hue uno de los primerus en proponer que las tierras que lindan con l'océanu Atlánticu anguna ves estuvun unías (en particular, América del Sul i África). Humboldt revivió l'ussu de la parabra ''[[cosmos]]'' del griegu antiguu i la asignó al su tratau en murtis volúminis, ''Kosmos'', nel cual buscó relacionar diversas ramas del conocimientu científicu i la cultura. Esti emportanti trabaju tamién promovió una percepción holística del universu como una entiá interativa, lo que introduju conceptos de [[ecología]] que llevarun a ideas [[Ecologismo|ambientalistas]]. En 1800, i otra ves en 1831, describió científicamenti, basándu-si en osservacionis generás duranti los sus viagis, los impatus localis del desarrollu que causaban el [[Cambio climático|cambiu climáticu local inducíu pol sel umanu]]. Humboldt ha goçau d'una difusión estraordinariamenti eloxiosa i, por ejemplu, ha síu consierau «pari de la ecología» i «pari del ambientalismu». De los hermanus Humboldt, i especialmenti de Alexander, a síu referíu l'aprovechamientu por parti de dambus enas sus obras de materialis ayenus, particularmenti españoles o hispánicus, sin dal la referencia debía. Una emportanti acusación que ha recibíu Alexander consisti en que, gracias a disfrutal de sarvoconductu especial de la Corona española pa viajar pola América hispánica, consultó con toa facilidá los archivos oficialis, cuando argunus d'estus materialis, cartográficos, pola su intermediación podríun habel síu aprovechaos por nacionis extranjeras. Fue el [[germanu]] menol del estairista i enteletoal [[Wilhelm von Humboldt]]. Las sus [[obra|obras]] amás del trunfu editorial, runchun aabondus autoris entre los qualis: [[Charles Darwin]], [[Henry David Thoreau]], [[George Perkins Marsh]], [[Simón Bolívar]], [[Ernst Haeckel]], [[John Muir]], [[Edgar Allan Poe]] Andrea Wulf, ''L'invenzione della natura. Le avventure di Alexander Von Humboldt, l'eroe perduto della scienza'', trad. di Lapo Berti, LUISS University Press, 2017, ISBN 978-88-6105-262-8. == Enfancia i juventú == [[Archivu:Schloss Tegel1.JPG|thumb|left|Palaciu de Tegel, Berlín, Alemaña]] El pairi de [[Alexander von Humboldt]], Alexander Georg, originariu dela [[Pomerania]] era oficial prussianu i endispués delos méritos sacaus nel campu dela [[Guerra delos Sieti Añus]] fue nombrau chambelán. Nel 1766 se casó con Marie Elizabeth von Colomb, viuda del barón von Hollwede i ija duna rica familia ugonota. Del matrimoniu nacierun dos ijus: [[Wilhelm von Humboldt|Wilhelm]] (naciu en [[Potsdam]] nel 1767) i Alexander naciu dos añus endispués. Alexander passó la su [[enfancia]] nel castillu de Tegel, endispués describió esti períou como mu aburriu. Quandu el su pairi, nel 1779, murió duna holma inasperá, la mairi s'encargó dela educación delos dos ijus dándu-lis güenus maestrus que-lis pirmitierun l'atolleçu a los corrus enteletoalis berlinensis. == Los estuyus == Nel 1787 la mairi mandó a dambos dos ijus a estudial ena [[Nuversidá de Fráncfort del Óder]] que naquellus tiempos era una delas más emportantis nuversidais en Prússia. Alexander estudió ellí por seis mesis finanças, [[ciencias mercantilis]], [[ciencias estóricas]], [[melecina]], [[física]] i [[matemáticas]]. El 25 d'abostu de 1789 se matriculó, siguiendu al su ermanu, ena [[Nuversidá de Gotinga]], el centru del Iluminismu científicu alemán. Siguió las liciis de física i química dás por [[Georg Christoph Lichtenberg]], [[Christian Gottlob Heyne]] i [[Johann Friedrich Blumenbach]]. La noticia dela [[Revolución Francesa]] lo entusiasmó. Nel mesmu añu un escurrimiento científicu pol [[Rin]] fue la ocasión pa una muesa delas sus obras futuras, escribió un tratau científicu sobre las peñas basálticas del Rin col títulu ''Mineralogische Beobachtungen über einige Basalte am Rhein'' (Braunschweig, 1790). La su gana de hazal viajis a lugaris lejanus creció col trato con [[Georg Forster]], el yelnu de Christian Gottlob Heyne, que dendi'l 1772 ata'l 1775 acompañó a [[James Cook]] nel su segundu viaji. Dendi esti momentu en alantri tol su caminu d'estudius fue encaminao a un solu pesqui, hazel-si esploraor pa llevar a cabu envestigaciones científicas. Estudió lenguas i economía en [[Amburgu]], [[geología]] en [[Freiberg]] i [[anatomía]], [[astronomía]] i el usu de trastis científicus en [[Jena]]. Las sus envestigaciones sobre la vegetación fuerun resumías ena espubricación de ''Florae Fribergensis Specimen'' (1793) i los resultaus delos largos estudius anatómicus fuerun arrecogíus ena obra ''Versuche über die gereizte Muskel- und Nervenfaser'' (Berlín, 1797). == Primerus viajis == El 29 de febreru de 1792 fue oficialmenti contratáu ena sociedá menera estatal prussiana. Inque no descuidava la profesión, dedicó abondu tiempu a los sus estudius científicus, motivu pol qual la su carrera no fue rápida. Nostanti esso, se-li dierun a menú tareas emportantis nel ámbitu diplomáticu. Nel 1794 fue introduciu ena sociedá de [[Weimar]]. Nel vranu de 1790 hizu, col Georg Forster, un cortu viaji a [[Ingalaterra]]; nel 1792 paró en [[Viena]] i nel 1795 hizu un viaji d'estudiu dela [[botánica]] i dela geología que lo llevó a [[Suíça]] i a [[Italia]]. La muerti dela su rica mairi el 19 de noviembri de 1796 le pirmitió dilsi delos sus deberis profesionalis i dedical-si a hazel los sus proyetus de viaji. Pol curpa del atrasu del viaji alreol del mundu a vela planeau por [[Nicolas Baudin]], al qual estava envitau a participal, decidió dechal [[París]] col méicu i botánicu francés [[Aimé Bonpland]], pa dilsi a [[Marsella]], col pesqui de topar a [[Napoleón]] n'[[Egiptu]]. Humboldt i Bonpland acabunn por topar-si en [[Mairil]] dendi ondi partierun pa una espedición enas colonias americanas, gracias al sostribu del ministru Raphael d'Urquijo. == La espedición en Sudamérica == [[Archivu:Humboldt-Bonpland Chimborazo.jpg|thumb|Humboldt i Aimé Bonpland al pie del volcán Chimborazo]] El 5 de huniu de 1799 salierun de [[La Coruña]] a bordu del barcu ''"Pizarro"''. A bordu s'alcontravan moernus trastis, sestantis, [[quadranti|quadrantis]], [[telescopiu|telescopius]], cronómetrus, teodolitus, inclinómetrus, cianómetrus, igrómetrus, barómetrus i termómetrus, pa hazal el mayor númeru de midias possiblis. Al prencepiu parunn por seis días en [[Tenerife]], ondi subierun al volcán [[Pico del Teide]] i hizun algunas envestigaciones climatológicas. Endispués duna traversía de 22 días llegarun, el 16 de juliu de 1799, a [[Cumaná]] en [[Venezuela]], la primera paravitá nel mundu nuevu. La nuechi entre'l 11 i el 12 de noviembri de 1799 mirarun una [[lluvia de meteoros]] delas [[Leónidas]]; la descripción deste eventu punu los cimientos pal posterior [[reconocimientu]] dela periodicidá de talis eventus. Dendi Cumaná Humboldt i Bonpland se fuerun pa [[Caracas]]. Nel febreru de 1800 decharun la costa pa esploral el sistema de ríus del [[río Orinoco]]. Esti viaji aventureru que en quatru mesis lis hizu andal 2775 km de tierras bravas i no esplorás, llevó a la demostración dela dessistencia del tanto discutíu canal natural [[Casiquiare]] que junta el ríu Orinoco col [[río Negro (Amazonas)|Río Negro]] (afluenti del [[Río Amazonas]]). El 24 de noviembri de 1800 los dos amigus salierun pa [[Cuba]], pa endispués gorvel a tierrafirme a [[Cartagena de Indias|Cartagena]] ([[Colombia]]), endispués duna paravitá d'algunus mesis. Endispués d'avel andau pol [[río Magdalena]] pal naceru i d'avel atrauclau las arturas de uerru delos [[Andis]], llegarun el 6 de eneru de 1802 endispués dun largo i estenuanti viaji a [[Quito]], ogañu n'[[Ecuador]]. Aquí fuerun los primerus uropeus en subil a dambas dos cimas del volcán [[Pichincha]] (4960 m) i (4794 m). Durante la su estancia, el 23 de juniu de 1802, Alexander von Humboldt, Aimé Bonpland i [[Carlos Montúfar]] intentarun subil al monti [[Chimborazo]] (6310 m). Llegarun d'acuerdu ata la cuota de 5600 m peru pol curpa deste intento de subía describierun con tinu los síntomas del [[mal de montaña]]. Por unos treinta añus tuvierun el récuel de altitú llegá ena subía. El 9 de noviembri de 1802, mientis estava en [[Callao]] nel [[Perú]], Humboldt miró el [[tránsito de Mercurio]]. Estudió amás las propiedades pa abonal del [[guano]], premissa pa metel el guano en [[Uropa]]. Una traversía con tormenta los llevó a [[Méjicu]]. Aquí parunn por ábate un añu pa hazel estudius naturalistas, estóricus i geo-políticus. Entre otras cosas Humboldt s'interessó pol calendariu delos [[Aztecas]]. Nel caminu de güelta desembarcarun enos [[Estaus Unius]], ondi vesitarun [[Filadelfia]], [[Baltimora]] i [[Washington D. C.|Washington]]. Aquí fuerun recibíus personalmente pol [[Presidente delos Estaus Unius]] [[Thomas Jefferson]]. Ena desembocadura del [[río Delaware|Delaware]] tomarun otra ves el caminu del mari i llegarun el 3 d'abostu de 1804 a [[Bordeaux|Burdeus]]. Durante toa la espedición pol [[América Latina]] Humboldt i Bonpland andarun 9650 km, en parti a pié, en parti a cavallu o en canoa. El viaji esploratoriu que los llevó pol territoriu de las ogañu Venezuela, Colombia, Ecuador, Perú, Cuba i Méjicu fue físicamenti mu duru i peligrosu. Curiosamenti pa los tiempos, esti viaji no fue motivau por pesquis económicus o comercialis, sinón por sincerus i prohundus enteressis científicus. === Resultaus dela espedición sudamericana === Durante el su viaji que avía durau dendi'l 1799 ata'l 1804 avían fijau [[meridianu|meridianus]] i [[paralelu|paralelus]], preparau mapas geográficos, estudiau 60000 [[planta|plantas]], delas qualis 6300 eran desconocías, introduciu la [[fitogeografía]] i descritu la [[corriente de Humboldt]], assina llamá nel su onol. Humboldt comunicó al estitutu de París leyendu un libru de memorias el su destapamientu del debilitamiento del [[campu magnéticu terrestre]] dendi los [[polos]] al [[ecuador]]. La su emportancia fue resaltá pola rápida aparición de contratesis. Las sus aportaciones a la geología an síu prencipalmenti las sus cuidadosas osservaciones delos [[volcán|volcanis]] del Mundu Nuevu. Demostró qu'estus se presentan normalmenti en estructuras lineales, que a simple vista coincidin colas enormis devisiones del sussuelu. El su tinu al naceru volcánicu delas peñas que a vezis eran considerás depósitus sedimentarius delas aguas, á síu una aportación esencis pal achante d'opiniones erróneas. Con esto se queó totalmenti olviá la llamada [[neptunismo|ipótesis del neptunismu]]. Dignu de nota es tamién el su [[ensayu]] políticu sobre'l reino de [[Nueva España]], qu'á traíu una gran cantidá de material sobre la geografía i sobre la geología de Méjicu, comprendiendu las descripciones delas condiciones políticas, sociales i económicas assina como abondus datos sobre la puebración. El llamamiento que hizu nesta obra contra la desumanidá dela [[esclavitú]] se queó nostanti sin oyelsi, mientis que las sus descripciones delas minas de [[plata]] mejicanas llevaron a abondus envirtimientos de capital estranjeru. == El períodu parisinu == Quandu el naturalista alemán llegó a Burdeus n'abostu de 1804 endispués de más de cincu añus de no estal, era, al lau de Napoleón, l'ombri más famosu del mundu. Humboldt se queó por ábate veinte añus prencipalmenti en París, la capital uropea dela coltura i dela ciencia, pa evalual la su espedición i espubrical-la. En París topó como colaboratoris no solu científicos francesis -los más famosos d'entoncic- sinón tamién [[grabador de cobre|grabadoris de cobri]] pa los sus mapas i las sus ilustraciones i editoris que-li espubricarun la obra, el primeru delos siguientes 34 volúminis titulau ''Ensayo sobre la geografía de las plantas'' considerau ogañu el primer libru escritu con un puntu de vista ecológico Andrea Wulf, ''L'invenzione della natura. Le avventure di Alexander Von Humboldt, l'eroe perduto della scienza'', trad. di Lapo Berti, pag 146, LUISS University Press, 2017, ISBN 978-88-6105-262-8. Esti travaju le gastó ábate tol su capital. Al revés que Humboldt, Bonpland mostró un enterés menol pol travaju científicu dela espedición. Durante'l períodu parisin el naturalista amigo dela genti vivió la ececional vida dela metrópolis. De día travajava ena ellaboración delas sus envestigaciones, mientis que de nuechi normalmenti aparecía enos salonis dela sociedá parisina, ondi solía mandal ena conversación. Curiosamenti ena capital francesa tuvu la suerte de conocer i tratar a Simón Bolívar, tamién él ena ciá por un tiempo, que muchas d'aquellas tierras recién esplorás conocía o conocería bien enos añus dela su carrera melital i política. Nel 1805 Alexander von Humboldt se hizu chambelán del Reino de Prússia i biembru dela [[Academia de Ciencias de Berlín]] (''Akademie der Wissenschaften''). Enos añus entre'l 1807 i el 1833 espubricó una obra en 34 volúminis sobre la espedición en Sudamérica en lengua francesa, con abondus mapas a coloris i de ilustraciones. Peru nel 1827 s'acabunn los sus días de suerti de París: el rei [[Federico Guillermo III de Prusia|Federicu Guillielmu III]] lo llamó definitivamenti a Berlín. Humboldt obedeció a la llamada, tamién porque estava prácticamenti sin dineru. Juntamenti con otros delegadus representó a Prússia nel [[Congresu de Viena]]. == Espedición ena Asia central == [[archivu:Baron Alexander von Humboldt by Julius Schrader 1859 retouched.jpg|miniatura|L'úrtimu retratu d'[[Alexander von Humboldt]] pol Julius Schrader (1859). Nel fondu el [[Chimborazo]].]] Quandu tenía 60 añus el çar de [[Rússia]] Nicola I le pagó un viaji pa llogral enhormación sobri possibris yacimientus menerus pa ruchar. Nun ratiñu de seis mesis andó drentu duna carroça casi 15.000 km en compañía del meneralogista Gustav Rose, parandu en 12.244 estacionis de correu. La spedisción lo llevó más allá delos [[Uralis]] enas estepas siberianas, al otru lau delos montis [[Altai]] ata la raya cola [[China]]. Aquí estuyó la naturaleza del [[mari Caspiu]] i hizun esperimentus sobri la naturaleza química dela su agua, descrisió deferentis famílias de pecis, cogió prantas, midió artitúis, temperaturas i el magnetismu, cogió muessas de piedras i destapó la primera menera de diamantis fueraparti delos trópicus. Al contráriu dela spedisción sudamericana esta no era una spedisción libri. Humboldt s'había comprometíu delanti del çar a no comental la situación política del país. Tol su viaji fue cosseringau por polecías i huncionárius. S'había arreglau cola potencia la qu’él odiaba la su tiranía más que denguna otra. Humboldt comentó los controlis colas parabras: "No podía hazel un passu, sin que me d’allí me llevaran como si hubiera estau malutu". Los resultaus dela spedisción fueron nostanti aprecius polos ciéntificus russus i fue recebiu ena corti de San Petersburgu. Nel 1843 i nel 1844 fue publicau el su labutu russu "Asie centrali". == Los úrtimus añus dela su vida en [[Berlín]] == [[Archivu:Alexander von Humboldt Siegesallee.JPG|thumb|Humboldt (Karl Begas, 1900, Berlín, ''Tiergarten'')]] {{Citación|Tengu nel sintiu un revesinu: ençerral nuna obra tol mundu material, tolo qu'ogañu sabemos delas aparicionis dela bóveda celesti i dela vida ena Tierra.|Este revesinu lo tuvo acupau ata los úrtimus días dela su vida.}} Enos úrtimus veinticinco añus dela su vida Alexander von Humboldt escrebió en Berlín la su obra científica prencipal, ''El cosmu''. L'obra es una delas más ambiciosas nel mundu científicu que s'haigan publicau nunca. Col ''Cosmu'' intenta descrivil de horma que s’entienda la estrutura del Univelssu dendi'l puntu de vista delos conocimientus d'atuncis nun estilu mu prestosu. Los cincu tomus ''El cosmu, proyeutu duna descrisción física del mundu'' (''Kosmos, Entwurf einer physischen Weltbeschreibung''), fueron publicaus entre'l 1845 i el 1862. El quintu volumin salió endispués de muertu. Tos los cincu volúminis tuvun una tirá de 87.000 copias, cosa mu grandi pa essos tiempus. Nun ratiñu de pocu tiempu fueron traducíus a casi todas las lenguas d'Uropa. Quandu en Berlín nel 1848 las revueltas acabun enas barricás, Humboldt se sintió amarráu colos revolucionárius. Enas honras en onol delos ''Märzgefallenen'' (''cayíus de marçu'') Humboldt estava allí. Nel 1857 s'acupó pola abolición dela segunda servidumbre dela gleba en [[Prússia]]. Alexander von Humboldt murió a los 89 añus en Berlín el 6 de mayu de 1859, xustu quandu estava acabandu pacíficamenti l'obra ''El cosmu''. Alexander von Humboldt mesmu llamó assina ala muerti: "La muerti es el remati d'aquella condición de noia que llamamos vida". No tenía dengún parienti. Endispués del imponenti entierru d'Estau al que fueron una montonera de pressonas, fue aterrau ena tumba de família delos Humboldt nel parqui del Schloss Tegel en Berlín. La su vida nos enseña cómo buscó por toa la su dessistencia un sueño sin miral los enteressis financiérus, inque esto lo llevó ala ruina económica. Ha siu un moelu de buscaol con sentimientu. == Pensamientu == Pola su passión polas ciencias naturalis el andal con [[Goethe]] lo llevó a unal los aspeutus científicus col sentimientu i l'arti, llevándolu a sel entendíu i apreciáu tamién pol gran púbricu<ref>Andrea Wulf, 'L'invenzione della natura. Le avventure di Alexander Von Humboldt, l'eroe perduto della scienza', cap 2 'Immaginazione e natura. Johann Wolfgang Goethe e Humboldt', trad. di Lapo Berti, LUISS University Press, 2017, ISBN 978-88-6105-262-8.</ref>. Esparció una horma laica i olistica d’atendel los aspeutus naturalis, miraus no d’unu en unu sinó tos amarráus, local i globalmenti. Llevó al sintiu de todos el dañu delas actividáis umanas nel meyu ambienti, deforestacionis, obras idráulicas, indústrias. Lucheó contra la escravitú, el coloñalismu i el ruchar intensivu. <ref>url=https://ricerca.repubblica.it/repubblica/archivio/repubblica/2009/03/08/esploratore-filosofo-il-genio-di-von.html|titolo=l' esploratore filosofo Il genio di Von Humboldt|sito=Archivio - la Repubblica.it|data=2009|lingua=it|accesso=2023-03-18</ref>. Con una labia que no s'aparava i mu comunicativa, unía ala grandiá delos sus conocimientus, lo llevaba a estal siempri nel centro de todas las mirás i las sus conferéncias estavan siempri tupiás. Daba el su sabel a manos llenas i miraba el cambéu delos conocimientus científicus como un deber i sin rayas políticas o económicas. Enas sus obras s'ocupaba de dal los mapas i los debuxus delos mejoris grabadoris. <ref>Andrea Wulf, 'L'invenzione della natura. Le avventure di Alexander Von Humboldt, l'eroe perduto della scienza', trad. di Lapo Berti, LUISS University Press, 2017, ISBN 978-88-6105-262-8</ref> == Contribucionis ala tassonomía == Ena su busca von Humboldt descrisió un montón de razas d’animalis i prantas que dantis no se conocían en Uropa. Entre las razas que llevan el su nombri: * ''Spheniscus humboldti'' * ''Lilium humboldtii'' * ''Phragmipedium humboldtii'' * ''Quercus humboldtii'' * ''Conepatus humboldtii'' * ''Annona humboldtii'' * ''Annona humboldtiana'' * ''Utricularia humboldtii'' * ''Geranium humboldtii'' * ''Humboldtia laurifolia'' == Obras == * ''Vues des Cordillères et Monuments des Peuples Indigènes de l'Amérique''. * ''Ansichten der Natur'', ''Quadri della natura'', Tradución de Grazia Melucci. Codice Edizioni, 2018, ISBN 9788875787691 * ''Voyage aux régions équinoxiales du Nouveau Continent: fait en 1799, 1800, 1801, 1803 et 1804'' (en italianu: ''Viaggio nelle regioni equinoziali del Nuovo Continente: scritto nel 1799, 1800, 1801, 1803 e 1804'') * ''Examen critique de l'histoire de la géographie du Nouveau continent''. * ''Mineralische Beobachtungen über einige Basalte am Rhein'' * ''Zentralasien'' * ''Vorträge'' {{Cita libru|títulu=Recueil d'observations astronomiques, d'opérations trigonométriques et de mesures barométriques|volumin=1|editol=Maximilian Samson Friedrich Schöll|ciá=Parigi|añu=1808|lingua=fr|url=https://gutenberg.beic.it/webclient/DeliveryManager?pid=12027358}} {{Cita libru|títulu=Recueil d'observations astronomiques, d'opérations trigonométriques et de mesures barométriques|volumin=2|editol=Maximilian Samson Friedrich Schöll|ciá=Parigi|añu=1810|lingua=fr|url=https://gutenberg.beic.it/webclient/DeliveryManager?pid=12029491}} {{Cita libru|títulu=Kosmos|volumin=1|editol=Johann Georg Cotta|ciá=Stoccarda|añu=1845|lingua=de|url=https://gutenberg.beic.it/webclient/DeliveryManager?pid=12119008}} {{Cita libru|títulu=Kosmos|volumin=2|editol=Johann Georg Cotta|ciá=Stoccarda|añu=1847|lingua=de|url=https://gutenberg.beic.it/webclient/DeliveryManager?pid=12120571}} {{Cita libru|títulu=Kosmos|volumin=4|editol=Johann Georg Cotta|ciá=Stoccarda|añu=1858|lingua=de|url=https://gutenberg.beic.it/webclient/DeliveryManager?pid=12122248}} {{Cita libru|títulu=Kosmos|volumin=6|editol=Johann Georg Cotta|ciá=Stoccarda|añu=1862|lingua=de|url=https://gutenberg.beic.it/webclient/DeliveryManager?pid=12124231}} {{Cita libru|títulu=[Opere. Lettere e carteggi]|volumin=1|editol=Ducrocq|ciá=Parigi|añu=1865|lingua=fr|url=https://gutenberg.beic.it/webclient/DeliveryManager?pid=11819041}} {{Cita libru|títulu=[Opere. Lettere e carteggi]|volumin=2|editol=Guérin|ciá=Parigi|añu=1869|lingua=fr|url=https://gutenberg.beic.it/webclient/DeliveryManager?pid=11820092}} {{Cita libru|títulu=Florae fribergensis specimen|volumin=|editol=Heinrich August Rottmann|ciá=Berlín|añu=1793|lingua=la|url=https://gutenberg.beic.it/webclient/DeliveryManager?pid=6935044}} == Arreconcimientus == Nel 1837 llogró la medalla Copley pol prohundiçamiento delos conocimientus naturalistas. == Nombraúras == Le han dedicau l'asteroide 4877 Humboldt. La [[Nuversidá de Berlín]] fue nombrá assina nel 1949 debiu alos germanos Humboldt. Una fundación científica alemana a siu llamá ''Alexander von Humboldt Foundation''<ref>lingua=en|url=https://www.humboldt-foundation.de/en/explore/about-the-humboldt-foundation/history|titolo=Alexander von Humboldt Foundation|data=2020</ref>. El prémiu Humboldt (Humboldt Prize), conociu tamién como ''Humboldt Research Award'', dau pola ''Alexander von Humboldt Foundation'' fue criau nel su onol. La medalla Alexander von Humboldt (Alexander von Humboldt Medal), duna pola ''International Association for Vegetation Science'' (IAVS) cogió el su nombri. La medalla Alexander von Humboldt (Alexander von Humboldt Medal) duna pola European Geosciences Union cogi el su nombri. == Referéncias ena coltura de massas == L'autol colombianu [[Gabriel García Márquez]] mienta al científicu alemán ena novela ''[[Cien añus de soledá]]''. Nel passu essu, el nombri del científicu es una delas pocas parabras qu’Aureliano Buendía entindi delos delirius del xitanu Melquíades. {{Citación|En verdá, la única cosa que llogró apartal enos gruñius fue el martilleu del nome d’equinocciu, equinocciu, equinocciu, i el nombri d’Alexander von Humboldt.}} Alexander von Humboldt es co-protagonista dela novela ''La mediúra del Mundu'' del escrebiol alemán Daniel Kehlmann xunto col matemáticu i astrónomu [[Carl Friedrich Gauss]]. Apareci ena penícula ''L'otra Heimat'' (2013) de Edgar Reitz, interpretáu pol Werner Herzog. El personaji d’Alexander von Humboldt se gasta nel videojuegu ''Age of Empires III'', ondi es el buscaol dela coloña alemana. Humboldt es el nombri del ríu que parti la isla de Broker dela d’Algonquin nel videojuegu ''Grand Theft Auto IV''. == Referencias == {{listaref}} == Bibliografía == * {{en}} Andreas W. Daum, ''Alexander von Humboldt: A Concise Biography''. Trans. Robert Savage. Princeton University Press, 2024, ISBN ISBN 978-0-691-24736-6. * Paolo Repetto - ''Humboldt controcorrente -'' "Fondazione Luigi Micheletti" (en Redi) * Federico Focher, ''Alexander von Humboldt. Schizzo biografico "dal vivo"'', Saonara (PD), Il Prato, 2009 ISBN 978-88-6336-067-7.  * Federico Focher, ''Alla scoperta delle leggi della vita. Ritratti di Redi, Maupertuis, Trembley, von Humboldt, Wallace, Mendel,'' Saonara (PD), Il Prato, 2019 ISBN 978-88-6336-481-1. * Jean De Maleissye, ''Storia dei veleni. Da Socrate ai giorni nostri'', Bologna, Odoya, 2008 ISBN 978-88-6288-019-0. * Eduardo Muratta Bunsen, "Las miradas de Humboldt y la tensión entre Prospero y Calibán de Shakespeare", ''Cumaná 1799'', 2013 ISBN 978-3-89528-958-3 itw1ccp35vthyvnsukugmlvw1mq7pd6