Vichipedie furwiki https://fur.wikipedia.org/wiki/Pagjine_princip%C3%A2l MediaWiki 1.46.0-wmf.24 first-letter Media Speciâl Discussion Utent Discussion utent Vichipedie Discussion Vichipedie Figure Discussion figure MediaWiki Discussion MediaWiki Model Discussion model Jutori Discussion jutori Categorie Discussion categorie TimedText TimedText talk Modulo Discussioni modulo Evento Discussioni evento 0 4495 182453 180424 2026-04-20T18:27:36Z FrancescoColomberotto 14030 Cualchi corezion 182453 wikitext text/x-wiki {{citazion|Intant, paisans, persuadeivi di na roba: che il nustri dialet furlan a no 'l à nuja di invidià a chel di Udin, di San Danel, di Sividat...|[[Pieri Pauli Pasolini]], Dialet Lenga e Stîl - intal prin Stroligut - 1944}} Il '''Furlan Concuardiês''' al è chel furlan che si dopre [[di là da l'aghe]], in [[provincie di Pordenon]] e in piçule part ancje in chê di [[Vignesie]]. Lis carateristichis plui claris di cheste variant dal furlan a son soredut la terminazion des peraulis in -a e la fuarte influence che la [[lenghe venite]] e à vût in cheste bande dal [[Friûl]]. Il furlan concuardiês al ven dividût dai studiôs in sîs grandis tipologjiis. * lis feveladis furlanis venitis di transizion * il furlan di là de aghe comun * il furlan dal canâl de Ciline e di Nert * il furlan tramontin * il furlan asìn * lis feveladis di transizion dal Tiliment ===Feveladis furlanis venitis di transizion=== A son feveladis intes zonis plui ocidentâls e a àn une fuarte penetrazion dal [[Lenghe venite|venit]] (zone dal [[Livence]]). In cheste zone lis dôs lenghis si misturin e dispès al è dificil capî cuale che e comande o, probabilmentri, a voltis a tocje a une, a voltis a chê altre. Spes a si cjate un venit cun struturis gramaticâls furlanis o il contrari. Carateristiche di cheste zone e je la [[disglossie|diglossie]], a vegnin doprâts ducj e doi i codiç linguistics cun valencis sociâls difarentis. In plui si à di notâ l'interference di une tierce lenghe, il [[talian]], de fin de [[seconde vuere mondiâl|ultime Vuere mondiâl]]. ===Furlan di là de aghe comun=== Man man che si va dentri te plane la influence venite e diminuìs simpri di plui e si passe a chel che al ven clamât il ''furlan comun ocidentâl.'' No si trate però di une varietât uniforme ma di une schirie di zonis plui piçulis, colegadis jenfri di lôr, ma cun elements difarents. Di bande di diviers studiôs a ven fate une distinzion in dôs grandis fameis, une da la [[Ciline]] e une de [[Midune]], la prime cuntune influence plui fuarte dal venit, la seconde, che po e va jù fin al mâr, cjapant un pôcs di paîs dal mandament di Puart, e sint di mancul il miscliçament cul Venit e di plui l'inflùs dal [[furlan centrâl]]. No dome ma man man che si va dongje a lis valadis des monts a si cjatin dai elements conservatîfs. I doi modei linguistics, chel de [[Ciline]] e chel de [[Midune]], a àn dut câs dute une schirie di afinitâts tant di podê disi che ducj e doi a fasin part di un stes furlan ocidentâl comun. ===Furlan dal Canâl de Ciline e di Nert=== Lant su pal [[canâl de Ciline]] a si cjatin dutis une schirie di varietâts dulà che a si sint sedi l'inflùs dal [[venit]], sedi di elements che, cuant che si rive a [[Nert e Cjas|Nert]], e àn fat pensâ a cualchi studiôs di cjatâsi in un pont di transizion fra il [[furlan]] e il [[ladin]] dolomitic. ===Furlan tramontin=== Il furlan de [[val Tramontine]] al messede elements dal furlan ocidentâl cul furlan de [[Cjargne]]. La valade e je vivude in un relatîf isolament rispiet a la plane. Dal rest a si à di notâ che une volte il rivâ inte valade de bande de plane al jere di sigûr dificoltôs par vie che si va su in alt tal zîr di pôcs chilometris. ===Furlan asin=== Une vore arcaic al è il furlan asin, fevelât te antighe plêf di Sant Martin di Âs, cun lis varietâts di [[Vît]], [[Clausêt]], [[Sant Francesc]], [[Anduins]] e [[Forgjarie]]. ===Feveladis di transizion dal Tiliment=== A son une schirie di feveladis dopradis tes [[colinis morenichis]] da [[Spilimberc]], jù fin a [[Voleson]]. E je une zone dulà che passâ il [[Tiliment]] al è facil: di conseguence, i stes elements linguistics ocidentâi a si cjatin ancje inte bande di çampe dal flum a [[Sant Durì]], [[Ridincic]], [[Turide]] e [[Rivis]]. ==Bibliografie== * ''Dialettologia Friulana'', G. Francescato, Udin 1996 * ''Di ca da l’aga Itinerari linguistici nel Friuli Occidentale'' – Piera Rizzolati – Edizions Concordia Sette Pordenon 1997 * ''I Dialetti del Friuli'', G. Frau, Udin-Pise 1984 * ''Il friulano occidentale. Lineamenti storico-linguistici delle componenti dialettali'', R. Castellani, Udin 1980. * ''Le frioulain à partir des dialectes parlès en Roumanie'', M. Iliescu, The Hagues-Parîs 1972 * ''Ratoromanische Grammatik'', Heilbronn 1883 * ''Saggi sul ladino dolomitico e il friulano'', G.B. Pellegrini, Bari 1972 {{Lenghe furlane}} [[Categorie:Dialets de lenghe furlane|concuardiês]] nxib9smlf6qd938zqfqjw9zfsgv6bck