Wikipidia jamwiki https://jam.wikipedia.org/wiki/Mien_Piej MediaWiki 1.46.0-wmf.21 first-letter Media Special Talk User User talk Wikipidia Wikipidia diskoshan File File talk MediaWiki MediaWiki talk Template Template talk Help Help talk Category Category talk Puotal Puotal diskoshan TimedText TimedText talk Module Module talk Event Event talk 0 616 22733 22221 2026-03-28T23:27:21Z CommonsDelinker 496 Removing [[:c:File:Timeline_of_world_history_globe.jpg|Timeline_of_world_history_globe.jpg]], it has been deleted from Commons by [[:c:User:Pi.1415926535|Pi.1415926535]] because: per [[:c:Commons:Deletion requests/File:Timeline of world history globe.jpg| 22733 wikitext text/x-wiki {{Nesiseri aatikl}} Di '''ischri a di worl''' a di rekaadid memri a di expiiriens, roun di worl, a Homo sapiens. Ienchent yuuman ischri taat wid di invenshan, a difrent difrent paat a di ort, a raitin, we mek di biesis fi kip memri an spred an gruo nalij. Yuuman ischri maak wid, likl bai likl muo diskovri an invenshan, an tu bai kwantom liip- paradaim shif, revaluushan, we mek op iipak ina di matiirial an spirichal evaluushan a yuumankain. Wan a di iipak dem bout we wi a taak a di taat a di Agrikolchral Revaluushan. Bitiwix 8,500 an 7,000 BCE, ina di Fertile Crescent, yuuman taat fi riez an gruo animal an plaant-agrikolcha. Dis spred gaa niebarin riijan, an divelop bai iteselft ina difrent riijan, til muos Homo sapiens liv laif az faama ina pormanet seklment centa pan som mieja badi a waata. Demya kamyuuniti ya jain-op uova taim fi mek biga an biga yuunit, a di siem taim wid di evaluushan a muo ifishent wie fi go frahn plies to plies. Di siefti an prodoktiviti we faamin provaid mek di kamyuuniti expan. Exchra fuud mek divizhan a lieba pasibl, di krieshan a di opa klaas, an di divelopment a siti an so, a [[Siblaizieshan|sivilaizieshan]]. Chuu yuuman sosaiyati wehna get so komplex, di niid fi wahn sistim a akountin kom bout; an frahn dis nou, raitin ivalv. Nof riijan kyahn kliem se dem a di kriegl a sivilaizieshan kaa raitin divelop ina sevral siti roun di ort. Sivilaizieshan divelop pan di bangk a riva. Bai di taim a 3,000 BCE dem kom bout ina ''Mesopotamia'' ("lan bitwiin di riva dem" Euprates an Tigris), pan di bangk a di Nail, ina di Indus Riva Vali a India, an langsaid di big riva dem ina [[Chaina]]. Dis ischri a di Uol Worl divaid op ina Antikwiti (ina di Ienchent Nier Iis, di Meditarienian biesn a Klasikal Antikwiti, Ienchent Chaina, Inechent India, up to bout di 6t senchri); di Migl Iej, fram bout di 6t tu di 15t senchri; di Orli Madorn piiriad, wid di Yuropian Renasaans, frahn di 16t senchri tu bout 1780; an di Madorn piiriad, frahn di [[Iej a Enlaitnment]] an di Indoschrial Revaluushan, we taat ina 1750, tu nou. [[Category:Ischri]] 20tg7iob15ecxtgk9z9bhir8emob797