Wikipedia kshwiki https://ksh.wikipedia.org/wiki/Wikipedia:Houpsigk MediaWiki 1.47.0-wmf.2 first-letter Medie Extra Klaaf Metmaacher Metmaacher Klaaf Wikipedia Wikipedia Klaaf Datei Dateie Klaaf MediaWiki MediaWiki Klaaf Schablon Schablone Klaaf Hölp Hölp Klaaf Saachjrupp Saachjruppe Klaaf TimedText TimedText talk Modul Modul Diskussion Veranstaltung Veranstaltung Diskussion 0 6113 1611374 1591461 2026-05-13T20:59:54Z InternetArchiveBot 19932 Rescuing 1 sources and tagging 0 as dead.) #IABot (v2.0.9.5 1611374 wikitext text/x-wiki Di „'''GNU Lizännz för_n fräije Dokementazjon'''“ häijsj_en orrinal_änglish de „{{lang|en|'''GNU Free Documentation License'''}}“, un dat veed fö_jwööhnlisj affjekööz_alß „'''GNU_FDL'''“, un_och „'''GFDL'''“. Dat eß äijn fun fille su_ne [[Lizenz|Lizzänz]]e fö fräij Enhallde, un seshe en jebreushlijje. Se weed fun dä ''{{lang|en|Free Software Foundation}}'', mir dääten saren, de Fräij_ßoffwär_Shtifftung, erußjejovve. Dat eß en Daachorjanisazjon för dat GNU Projäkk, saren se. {| align="left" border="0" style="margin:0; border:0; padding:1em 2em 1em 1em" | align="center" style="font-size:90%" | [[Datei:Heckert GNU white.svg|200px|GNU-Logo]] GNU-Logo |} Wänn_ennen [[Urheberrrecht|Uerhevver]] als_ennen [[Lizenz|Lizänzjävver]] sing Werrək unger de ''GNU_FDL'' errußdeijdt, dann jidd_er zimmlish_fill Rääshde wigger, wi dat dat jbruch wääde darrəff. Ed_eß älaup, dat Werrək ze Kopeere, ze Forbräijde un wigger_ze_jävve, ze Foränndere. Dat darrəff mer och kommärzjäll maache. Dofüür moßß dä Lizänznämmer de Lizänbedingunge ennhallde. Dad_eß, de jannze Autoore und Shriivere mößße jenanndt sinn, un wat bäij_em Änndere un Wiggershriive erus_kütt, dat moßß widder unger dä ''GNU_FDL'' shtonn. Wä sesh nid_ann_de Lizänbedingunge hallde däijdt_ä folliert automattish all di Rääshte uß dä Lizzännz. De ''GNU Lizännz för_n fräije Dokementazjon'' eß urshrünglish jemaadt woode, öm So_n Dokkumänte wi de Hanndböösher, uß däm GNU-Projäkk med_en äänlijje Lizänz fodäijle ze künne, wi de ßoffwär sellver. Domet sůll jaranteert wääde, dat denne iier Ėnhallde fräij för Jeede ze hann sinn, un de Rääshde esu övverdrare wääde künne wi se jebruch wääde, jannz dä Bewääjung för_n fräije ßoffwäer iirem Jäijß äntspräshend. Esu wi di ''GNU_FDL''' för Dokementazjon, jiddet för de ßoffwäer de ''[[GNU GPL]]'' — de ''{{lang|en|GNU General Public License}}''. De jrüüzte Sammlung med Ėnhallde, di unger dä '''GNU_FDL''' lizzänseert sinn, fingk mer en däm fräije [[Nohkixel|Nohkixel]] met däm Nahme [[Wikipedia|Wikkipedija]]. Do sinn inzwesche mieh wi_m Millijuhn Sigge met Täxxte — och Atikkelle jenanndt — in jood_övver Hundort [[Sprache|Shprooch]]e. Jraad dat di ''GNU_FDL'' in däm un äänlijje Projäkkte bebruch weed, hädd_en de läzde Joohre och Krittik draan jebraadt. Für allem sull se för iire Zwäck jet komplizėerd sin, och wäm_mer se met anndere vergläijshe däät, di jät jönger sinn. Dat mer emmer dä jannze Lizänztexx wiggerjävve mööt, shtüüert väm_me janz koote Täx_Shtök övvernämme well. Ußßerdämm jiddet se orijinaal_forbindlish blos_en änglish, enß affjesinn vun su_n inofizjälle Övversäzunge. Dröm fingk mer mieh un mieh de äijnfachere Lizenze fon {{lang|en|Creative Commons}}. Di han suja de ungerschiidlijje Shtaate iier nazjonaale Jesäzze med_bedaach. Ed eß allordingkß totaal ůnpraktish, wäm_mer forsööke däät, för su_e Projäkk wi de Wikkipedija de Lizänz ze wääßelle. Dröm eß de ''{{lang|en|Free Software Foundation}}'' draan, dat se winnishßtens e paa vun dä Blötsche fun dä ''GNU_FDL''' ußbüjele donn, un en neu Faßßung oplääje. Of_mer dat_to_met kommpatibel met dä {{lang|en|Creative_Commons}} Lizännz CC-BY-SA hinkrijje weed, ess_ävver non_nėt_klooh. == Websigge == * [https://web.archive.org/web/20170916084910/http://www.gnu.org/copyleft/fdl.html Dä GNU FDL ier Orjinaltex] (''op english'') * [[:de:GNU FDL/Text|''{{lang|de|Inoffizielle unverbindliche deutsche Übersetzung der '''''GNU-FDL'''''}}'']] fun Hugo Giese jr. (''op [[Hochdeutsch|deutsch]]'') [[Saachjrupp:Räät]] jjewubafoln2b4dmjiz74trdicaqj6h