Wikipedia kvwiki https://kv.wikipedia.org/wiki/%D0%9C%D0%B5%D0%B4%D1%88%D3%A7%D1%80_%D0%BB%D0%B8%D1%81%D1%82_%D0%B1%D0%BE%D0%BA MediaWiki 1.45.0-wmf.9 first-letter Медиа Отсасян Сёрнитанiн Пырысь Пырыськӧд сёрнитанiн Википедия Википедия донъялӧм Файл Файл донъялӧм МедиаВики МедиаВики донъялӧм Шаблон Шаблон донъялӧм Справка Обсуждение справки Категория Обсуждение категории TimedText TimedText talk Модуль Обсуждение модуля Event Event talk 0 3175 147079 135545 2025-07-09T19:55:46Z 2A02:8070:8882:2AC0:79F4:7AD5:7E47:5BCE 147079 wikitext text/x-wiki [[Файл:White-tailed deer.jpg|thumb|300px|Кӧр]] '''Кӧр''' ({{lang-la|Cervus}}; {{lang-ru|олень}}) — гозъя кока пемӧс, хап торйӧдӧма 53 сикас. == Ыджда да рӧм == Коми муын торйӧдӧны кык сикас кӧрӧс — вӧрса кӧръяс да видзан кӧръяс. Вӧрса кӧръясӧс некод оз дӧзьӧрит, олӧны найӧ мукӧд вӧрпаяс моз ас кежаныс. Водзын паныдасьлӧмаӧсь парма пасьтала — лунвылас и войвылас. Видзан кӧръяс олӧны сӧмын войвылын — вӧра тундраын да тундраын. Кӧр видзӧмӧ [[изьватас|изьваса комияс]] босьтчылӧмаӧсь [[XVI нэм]] помын, велӧдчылӧмаӧсь тайӧ уджас орчча войтырыслысь — [[яранъяс]]лысь. Медводдза кадас быд котыр ассьыс кӧръяссӧ видзӧ вӧлӧм оланін матігӧгӧрас. Бӧрынджык, кор быд стадаын лыдыс лоӧма 500-ысь унджык, гожйыны кутӧмаӧсь петкӧдлыны тундраӧ. [[XIX нэм]] помын нин [[Печӧра (ю)|Печӧра]] гӧгӧртасын видзан кӧръяслӧн юр лыдыс артавсьылӧма 300 сюрс гӧгӧр. [[Йӧра]] серти кӧр латшкӧс да ичӧт пемӧс. Тушаыслӧн кузьтаыс овлывлӧ кык метрӧдз, судтаыс — метрысь неуна джуджыдджык. Сюрыс быдмӧ айясыслӧн и эньясыслӧн. [[Тӧв]]нас гӧныс кузь да тшӧкыд, кельыд рӧма, [[гожӧм]]нас дженьыдджык да шочджык, перкаль либӧ рудов рӧма. Голя ув гӧныс зэв кузь, ӧшӧдчӧма весиг. Кокыс нёль чуня, ветлӧдлігас найӧ паськалӧны. Сы вӧсна кӧръяс оз ёна вӧйласьны небыд лым вывті мунігӧн да нюръяс вомӧн вуджигӧн. Водз кок гыжйыслӧн дорышыс зэв ёсь, сы отсӧгӧн кӧръяс вермӧны перйыны лым улысь аслыныс кӧрымсӧ да дорйысьны вӧрӧгъясысь. Кучикас ньылӧм нерӧдыс зэв этша да, пӧсялігас кӧр [[пон]] моз паськыда восьтӧ вомсӧ, ӧшӧдӧ кывсӧ. == Паськалӧм да оласног == Бур ныриса пемӧс. Мортлысь дуксӧ кылӧ нёль километр сайысь. Пемӧсъяс пӧвстысь кӧр дзик ӧтнасӧн сёйӧ яла. Еджыд нитшкысь ӧтдор [[гожӧм]]нас пӧткӧдчӧ тшӧтш турунӧн да пу коръясӧн. [[Тӧв]]нас содтӧд вылӧ куталӧ кок улас сюрӧм [[шыр|шыръясӧс]]. Оз ӧтдорт и косӧ веськалӧм чериясӧс. Нӧйтчӧны кӧръяс [[йирым тӧлысь]] чӧж. Пышъялігас айясыс вермасьӧны сюръяснас. Вермысьясыс бӧрйӧны аслыныс оз ӧти, а дас кымын эньӧс да нуӧдӧны кутшӧмкӧ лӧнинӧ. Быд ӧш ассьыс энь котырсӧ сюся дӧзьӧритӧ, мукӧд айясӧс на дінӧ оз сибӧд. Нӧйтчан кадыс помасьӧм бӧрын вынтӧммӧм айыс эновтӧ энь кӧръяссӧ, и регыд мысти сылӧн сюрыс усьӧ. Вайсьӧ энь кӧр 8 тӧлысь мысти. Кызвыныслӧн [[ода-кора тӧлысь]]ын чужӧ ӧти пи, но корсюрӧ овлывлӧ и кык. Пиянасьӧм бӧрас эньясыслӧн сюръясыс тшӧтш гылалӧны. Чужӧм мыстиыс кӧрпи пырысь-пыр сувтӧ кок вылас и пондӧ вӧтлысьны мамыс бӧрся, кытчӧ кӧть оз мун сійӧ. [[Вежон]]ся кукпи вермӧ кокньыда вуджны ю вомӧн. Кык вежон тыригӧн бычӧпиянлӧн мыччысьӧны ичӧтик сюръяс. Кӧрлӧн йӧлыс пӧтӧсджык мӧслӧн дорысь, сы вӧсна пияныс ӧдйӧ быдмӧны да сӧвмӧны. Мамсӧ найӧ нёнялӧны куим [[тӧлысь]] чӧж. Верстяммӧм выйӧдз воӧны чужӧмсяньыс мӧд [[ар|арнас]], а гозйӧдчыны вермӧны нёль арӧс тыригӧн. Вӧрса кӧръяслӧн олан нэмыс 15 во, а видзан кӧръяс овлӧмаӧсь 28 арӧсӧдз. Коми пармаын олысь вӧрса кӧрлысь лыдсӧ арталӧны 5 сюрс гӧгӧр. Медся унаӧнӧсь пӧ Полюсдорса Из вылын олысь кӧръяс. == Рӧдвуж кывйын == [[Перымса комияс]] пемӧссӧ миян моз жӧ шуӧны «кӧрӧн». Рӧдвуж весьтасъяс эмӧсь нӧшта йӧгра кывворын: [[вӧгулъяс|вӧгулъяслӧн]] — «кӧӧр», [[ӧстякъяс]]лӧн — «хор». Мукӧд рӧдвуж кывйын быдӧнлӧн асланыс нимъяс: [[удмуртъяс]]лӧн — «былан» да «пужей», [[эрзя (войтыр)|эрзя]]-[[мокша (войтыр)|мокшалӧн]] — «сярдо», [[мари]]лӧн — «пючӧ», [[финъяс]]лӧн — «поро» (видзаныс), «перу» (вӧрсаыс). == Ӧшмӧсъяс == * [[Ракин Анатолий Николаевич|''Ракин А.Н.'']] Вӧр-васа олысьяс. — [[Сыктывкар]]: Анбур, [[2017 во|2017]]. — 240 л.б. == Ыстӧдъяс == <references/> {{Stub}} [[Категория:Пемӧсъяс]] 7fd8lyqwkgoedmbkpztxwm4e3cz3w6v 2 21444 147081 146992 2025-07-10T10:38:46Z KUTKIN 12727 147081 wikitext text/x-wiki {{#babel:ru-N|kv-3|en-1|sr-1}}Корся информасія коми небӧгъясысь да вӧча сыысь Википедияын выль гижӧдъяс, мыйкӧ гижны верма ачым. Кӧть ачым коми, чужан кывйӧй роч. == Гижӧдъясӧй == * [[Лӧкчимлаг]] * [[Ас вылӧ уджалӧм]] * [[Югзьывлытöм вой]] * [[Веглясьысьяс]] * [[Крокодил]] * [[Перым Коми асвеськӧдлан кытш]] * [[Коми ССР]] * [[Президент республика]] * [[Молоссиа|Молоссия]] * [[Паронимъяс]] * [[Gazzetta di Parma]] * [[Парма (газет)]] * [[Мушӧр саридз]] * [[Россияса кып]] * [[Украинаса кып]] * [[Джордж Оруэлл]] * [[Ника (аньяслӧн кудсяр клуб)]] * [[Алматы]] * [[Стремяннӧй]] * [[Альтруизм]] * [[Рочмӧдӧм (политика)|Рочмӧдӧм]] * [[Ва черань]] * [[Нопъя черань]] * [[Кузь кока черань]] * [[Черань]] * [[Уджтас]] * [[Файл]] * [[Браузер]] * [[Ӧшинь (информатика)]] * [[Юӧртӧданбур]] * [[Файла инас]] * [[Ӧтуввез]] * [[РФКП]] * [[Михайлов Олег Алексеевич]] * [[Зарань]] * [[Кынев, Михаил Иосифович|Кынев Михаил Иосифович]] * [[Иван Кутькин]] * [[Калевала]] * [[Кудін Ош]] * [[Вижовгӧрд Мездмӧм Канму]] * [[Толкин, Джон Рональд Руэл|Джон Рональд Руэл Толкин]] * [[Вожалӧм монархия]] * [[Игорь поход йылысь кыв]] * [[Енмӧй, Сарӧс видз!]] * [[Юр вем]] * [[Уэллс, Герберт Джордж|Герберт Джодж Уэллс]] * [[Дикенс, Чарльз|Чарльз Дикенс]] * [[Попов Андрей Ефимович]] * [[Эжва Перым|Эжва перым]] * [[Философлӧн из]] * [[Ньютон, Исаак|Исаак Ньютон]] * [[Кино пуктысь]] * [[Инсульт]] == Восьтi, но эг на гиж == * [[Эсватини]] s3wxuywh3k1xc1bbyauwulsrndwimgn 0 22349 147080 2025-07-10T10:36:28Z KUTKIN 12727 Создано переводом страницы «[[:ru:Special:Redirect/revision/145738266|Локчимлаг]]» 147080 wikitext text/x-wiki '''Лӧкчимлаг''' ('''Лӧкчимса уджӧн мыж вештан лагер''', [[Роч кыв|рочӧн]] ''Ло́кчимский исправи́тельно-трудово́й ла́герь'') — тайӧ лагеръяслӧн юкӧн, коді уджаліс [[Сӧветскӧй Социалистическӧй Республикаяслӧн Союз|СССР-са]] уджӧн мыж вештан системаын. Пырӧма НКВД-са [[ГУЛАГ|лагеръяслӧн Медшӧр веськӧдланінӧ]]. Лӧкчимлагса веськӧдланін вӧлі [[Коми АССР|Коми АССР-са]] Пезмӧг посёлокын (1976 восянь нимтӧма [[Кӧрткерӧс район|Кӧрткерӧс районса]] [[Адзорӧм (Кӧрткерӧс район)|Адзорӧм посёлок]]), [[Сыктывкар|Сыктывкарсянь]] 45 км кымын да [[Кӧрткерӧс|Кӧрткерӧс сиктсянь]] 5 км кымын. 56dmcq4gmxhg73k6s8df1no6xhok33g