Wikivivàgna lijwikisource https://lij.wikisource.org/wiki/P%C3%A0gina_prin%C3%A7ip%C3%A2 MediaWiki 1.46.0-wmf.21 first-letter Media Speçiale Discûscion Utente Discûscioîn ûtente Wikivivàgna Discûscioîn Wikivivàgna Immaggine Discûscioîn immaggine MediaWiki Discûscioîn MediaWiki Template Discûscioîn template Agiûtto Discûscioîn agiûtto Categorîa Discûscioîn categorîa Aotô Discuscion aotô Œuvia Discuscion œuvia Pagina Discuscion pagina Ìndiçe Discuscion ìndiçe TimedText TimedText talk Modulo Discussioni modulo Evento Discussioni evento 250 17611 51028 2026-03-30T10:12:33Z Arbenganese 654 + 51028 proofread-page text/x-wiki <noinclude><pagequality level="1" user="Arbenganese" /></noinclude>ALL'INZEGNE PROFESSÔ EMILIO TOMAXO OLIVARI (RISPOSTA) Anchêu, Inzegnê, ghe ō devo confessâ, Scià m'ha sapûo fà cazze in to sorchetto, Perchè ō mæ chêu, lezendo o sò sûnetto, De colpo o me s'è misso a galoppa. No zà perchè scià löde ō mæ operâ E scià me digghe un ommo de intelletto, Son complimenti questi, ma scommetto Che a vera causa scià l'ha indovina. Seguo! Se scià me parle de mainæ, Co-i quæ hò diviso quæxi pe trent'anni Unn-a vitta de stenti e d'ànscietæ, Ricordo e lotte sõrde e i disinganni Ch'hò sostegnûo pe lö, da bōn cristian, Perchè da vegi nō ghe manche ō pan.<noinclude></noinclude> ru8q3p99zspn84pz5lpwsvir6skhilj 250 17612 51029 2026-03-30T10:12:55Z Arbenganese 654 + 51029 proofread-page text/x-wiki <noinclude><pagequality level="1" user="Arbenganese" /></noinclude>In sce l'album da simpatica e gentile Scignorinn-a Rêusa Thea Ferrari Sebben pe istinto mi me lasce andâ A mätrattâ ben ben de spesso e Mûse, Çerte vòtte hò de idee coscì confuse Che stento a scrive ûn verso. E se te pâ Che digghe forse pe attrova de scûse, Pensa che proprio quande vêuggio fâ Quarche poesia ch'a segge ûn pö aggaibbâ No concepìscio che de cöse astrûse. Anchêu, ad esempio, voeìvo fâ ûn sûnetto Degno de Tì, ma invece ō l'è scadente, Privo de forma e pöveo de concetto! Ma Ti, sempre gentile e intelligente, Ti l'aççettiæ, segûo, co stesso affetto De chi o scrive, pe fätene ûn presente.<noinclude></noinclude> pf8rvo8cxjgleksqcflguit97jwt7lq 250 17613 51030 2026-03-30T10:13:15Z Arbenganese 654 + 51030 proofread-page text/x-wiki <noinclude><pagequality level="1" user="Arbenganese" /></noinclude>A-o Diretto da "Clinica Bertani,, Dottô Professô ATTILIO CATTERINA (Offrindoghe ō me volumetto de versi «Camoggi e due Föe »). Questi versi, seguo, scià no i leziâ, Perchè mâ fæti e privi d'armonia, Ma, ciù de tutto, perchè a prosodia A no l'è stata troppo rispettâ. Ma a mi me basta, se scià l'aççettiâ, Che scià se i pöse in sciä sò scrivania, A mæ stimma coscì e a mæ simpatia Ghe ricordiàn, se, e quando scià l'ammiâ. Che mi, sebben nō segge da partia, Finchè scampiô, no me porriô scordâ A sò sveltessa, a calma e a valentia Ch'hò riscontrôu, vedendolo operâ Co'ûn sangue freìdo tale e ûnn-a maestrïa Che, o devo dî, m'han fæto strabilia.<noinclude></noinclude> ajyndk3uiocp6uelrpfs80lg0u25vdc 250 17614 51031 2026-03-30T10:13:34Z Arbenganese 654 + 51031 proofread-page text/x-wiki <noinclude><pagequality level="1" user="Arbenganese" /></noinclude>A GIACOMO RAZETO Scià no me digghe che ghe manca a venn-a Perchè, da tempo, sò che scià n'ha tanta, E, a reçità i sò versci scià l'incanta, A-o contraïo de tanti che fan penn-a. Un riàn, co fondo de sascetti e d'ænn-a Dove limpida l'ægua a scöre e a canta, ō no sà d'ëse bello, ō no se vanta, E a sò voxe a se sente a malapenn-a. Coscì l'è a sò umiltæ; ma e sò poexïe Han o döçe savô d'un bon boccon Tanto gustoso da leccâse e die! Dunque, coraggio! Scià ne scrive ancon Pensando che n'hò mai parlôu pe rïe E hò sempre desprexôu l'adulaziōn. INZEGNE OLIVARI.<noinclude></noinclude> p6hjjgpc6ekk5p6khjxhg81l87tabqr 250 17615 51032 2026-03-30T10:13:55Z Arbenganese 654 + 51032 proofread-page text/x-wiki <noinclude><pagequality level="1" user="Arbenganese" /></noinclude>ALL'INZEGNE PROFESSÔ EMILIO TOMAXO OLIVARI (RISPOSTA) Cariscimo Inzegnê, Se föse vëa Che e rimme che ven fêua da-o mæ cädion Poisan paragunâse a un bon boccon, Diventieìvo de versi ann-a minëa. Purtroppo invece ō mæ çervello ō crea Da röba desgaibba, priva de son, Amaa comme ûnn-a scorsa de limon E degna de finî in ta rûmentæa. Atro che un riàn cö fondo de priette Dove limpida e fresca l'agua a scöre Cantando de graziose cansonette! Questi son versi! Ma chi o l'è l'auto? Voscià, Inzegnê; son freschi comme un fiore, E mi i ripeto chì, pe fâghe önô!<noinclude></noinclude> 89jkcyrutntn5mjq7m111jgzd3s191b