Wikivivàgna lijwikisource https://lij.wikisource.org/wiki/P%C3%A0gina_prin%C3%A7ip%C3%A2 MediaWiki 1.46.0-wmf.22 first-letter Media Speçiale Discûscion Utente Discûscioîn ûtente Wikivivàgna Discûscioîn Wikivivàgna Immaggine Discûscioîn immaggine MediaWiki Discûscioîn MediaWiki Template Discûscioîn template Agiûtto Discûscioîn agiûtto Categorîa Discûscioîn categorîa Aotô Discuscion aotô Œuvia Discuscion œuvia Pagina Discuscion pagina Ìndiçe Discuscion ìndiçe TimedText TimedText talk Modulo Discussioni modulo Evento Discussioni evento 250 17621 51038 2026-04-03T06:13:04Z Arbenganese 654 + 51038 proofread-page text/x-wiki <noinclude><pagequality level="1" user="Arbenganese" /></noinclude>Pe l'Inzegnê Olivari (RISPOSTA) Che ō sò sûnetto e i sò rallegramenti Me sèggian stati cäi, scià o pêu accapî, Dato che, pe Voscià, i mæ sentimenti No gh'è bezêugno che ghe i stagghe a di. Ghe mando, dunque, i mæ ringraziamenti Che, sensa dubbio, scià vorriâ gradî, Se anche e mæ rimme son coscì scadenti, Che ō sêunno, a lêzie, ghe faiàn vegnî. Sò ben che ardiscio troppo a presentale A un gran coltô da Mûza Portoliann-a Che ō nostro idioma ō rende mûxicale E fresco comme ûn ægua de fontann-a; Ma mi l'hò fæto, e scià me perdoniâ, Perchè l'istinto no sò dominâ!<noinclude></noinclude> 1plstyv5eiexy0wi3o0wtbcbb9e07qr 250 17622 51039 2026-04-03T06:13:37Z Arbenganese 654 + 51039 proofread-page text/x-wiki <noinclude><pagequality level="1" user="Arbenganese" /></noinclude>A Casa de riposo de Camoggi PE-I VETERANI DO MA I. Primma che a Casa a föse costruia Pochi credeìvan ch'a se poeìse fà, E quande doppo tanto a s'è finïa, No gh'ëa dinæ pe fàla funziona. E alloa ve lascio di se l'han scöxia! Ma quande all'Istituto a l'è passa E in poco tempo de mainæ a s'è impia Se son dovûi ricredde.... e l'han lödâ. porto, Che lì, comme ûnn-a nave a cerca Vägi che s'èan frustæ in sce l'ægua sâ, Gh'entràvan pe cerca un pô de conforto. Pe questo se dovemmo ricordâ, Sebben da tanto tempo ō segge morto, Dō grande Camoggin che l'ha idea!<noinclude></noinclude> 7tfo3g7yvvxc8tag4p9gzll31bf8vhu 250 17623 51040 2026-04-03T06:14:05Z Arbenganese 654 + 51040 proofread-page text/x-wiki <noinclude><pagequality level="1" user="Arbenganese" /></noinclude>II. E za che se trovemmo in argomento Dato che anchêu ciù d'un se va a vantâ D'avella da lê solo fabbricâ, Ghe domandiô: Da chi e con che intervento Avemmo avto i dinæ pe fâla få? E chi in Conseggio ha avûo tanto ardimento Da imponn-e e fà votâ o trasferimento All'Istituto ch'o se l'è accollâ? E chi a fæto levâ quello mûagion Davanti a-e scae, ch'o riciamava ä mente L'entrata antiga de un munio bastion? E chi ha fæto acquistâ recentemente A Villa che co-a Casa a confinâva? Ve seì scordæ, n'è vëo? Me l'aspetäva!<noinclude></noinclude> e8nf6freasgu8gwtxrsb1vj5sufsx6x 250 17624 51041 2026-04-03T06:14:26Z Arbenganese 654 + 51041 proofread-page text/x-wiki <noinclude><pagequality level="1" user="Arbenganese" /></noinclude>IN SCE L'ALBUM di Coniugi Scciaffin Doppo tanti pensieri pin d'affetto Pe-a Sciâ Marietta e o Professô Scciaffin, Cöse porriô mai scrive? Ûn mæ sûnetto? Ma ō no saia gradio, che ō Pantalin S'o fâ di versi, o l'usa o sò dialetto, Ch'o l'è quello parlôu da-i Camōggin; Idioma che, ve-o diggo sccetto e netto, ō l'è pezo de quello de ûn Beduin! Lasciâ perde? Ma ormai l'hò començôu E m'è cão de finïlo ō mæ sûnetto; Chè, anche s'o l'è un strofoggio desgaibbôu, ō porta, Sciâ Marietta e a-o Professô, L'augurio che a Madonna dō Boschetto A ghe dagghe salûte, paxe e amô!<noinclude></noinclude> i0ndrqnyetscj0wbwl9ykzcxvu7ts72 250 17625 51042 2026-04-03T06:14:46Z Arbenganese 654 + 51042 proofread-page text/x-wiki <noinclude><pagequality level="1" user="Arbenganese" /></noinclude>A-i sposoeì gentili Dott. Stefano Benvenuto e Romilda Macciò (Offrindoghe an mæ libbro de versi). Questo libbro de rimme ranghezzanti, No degno, çerto, d'ëse presentou, Ve o regallo, segûo d'ese scusou, No föse che pe queste mæ attenuanti. Comm' poeìva ûn amigo affezionôu Di Vostri bōin Papè, (dui Comandanti Che all'Italia, ä Marinn-a e a-i naviganti Han sempre fæto önô) nō avei pensôu A-e fauste nosse di sò cäi figgiêu? E comme poeìvo tralascia de offrive, Co-i mæ omaggi e coi vāti do ma chêu, Questi versi,, co-i quæ ve vêuggio di Ve D'ese sempre feliçi comme anchêu, E abbrassâve, baxâve e benedive?<noinclude></noinclude> sjp9mcx7yskzlnncc4qpm56h9bm5922 250 17626 51043 2026-04-03T06:15:11Z Arbenganese 654 + 51043 proofread-page text/x-wiki <noinclude><pagequality level="1" user="Arbenganese" /></noinclude>O Cason do Bōschetto A-o Retto do Santuäio da Ma- donna do Boschetto M. R. Don Crovari Cav. Giacomo. I. Ricordo sempre che quand'eo piccin, Con mæ mamà, pe quante discoletto, Tutte e sante Domeneghe mattin Andâvimo ä Madonna do Boschetto. E se in sciä ciassa gh'ëa di banchettin, E stavo in gëxa cö dovuo rispetto, A m'accattava sempre i marōnsin, O a me dâva a palanca pe-o sciorbetto. E me rammento ascì ch'a me contava, Mentre vegnîmo in zù, che ō gran cason Che a gëxa do Santuäio o detûrpava, L'aveìva fæto fà un gran Framasson Pe fà arraggià i Paolotti, e a deprecava Che doppo tanto ō l'existesse ancon!<noinclude></noinclude> bg3654jsr017ggoq6fkt2fmyeztqjfs 250 17627 51044 2026-04-03T06:15:39Z Arbenganese 654 + 51044 proofread-page text/x-wiki <noinclude><pagequality level="1" user="Arbenganese" /></noinclude>II. Coscì, comme ti veddi, cäo Don Nin, L'è almeno sciusciant'anni che dä gente Contra o cason se sente de lamente; Se ne vorrieìva, insomma, vedde a fin! E Ti che ti te mostri intraprendente, Zelante pe-a tò gëxa e precaccin, E che de spesso in sciö tò Bollettin D'abbatte a casa ti ne metti in mente; Me pä che Ti, savendo predicâ, Co' ûn bello discorsetto doppo messa, E gente ti porrieìsci infervorâ A concorrî, con fede e con larghessa, A ûn'opera che quande a se faiâ Tutto Camoggi se ne rallegriâ!<noinclude></noinclude> tksea7iqp0541mbvpel7ttbh3e7mi43 250 17628 51045 2026-04-03T06:16:05Z Arbenganese 654 + 51045 proofread-page text/x-wiki <noinclude><pagequality level="1" user="Arbenganese" /></noinclude>Pe l'onomastico e a primma Comeniōn do simpatico figgiêu Pippetto Raffo Domenega che vegne, cão Pippetto, Chi sà che sciato in casa ti gh'avia! L'è San Giuseppe e Ti ti o festeziæ, Insemme a tutti i tò, co'un gran banchetto. E cö tò Santo ti solenniziæ Ûn ätro grande evento benedetto, Chèo stesso giorno, festa de precetto, Ä primma Comeniōn ti t'accostiæ. E quando a Gesù Cristo ti te ûniæ In spirito ed in corpo, çertamente, Pe tutti i tò parenti ti preghia E Dio, ch'o vedde tutto e tutto o sente, ō te esaudiâ segûo; ti ghe vediæ! Chè ninte nega a un'anima innocente.<noinclude></noinclude> pbe1cdcd13jk9d0vntsqx1op8u0ha0p 250 17629 51046 2026-04-03T06:16:25Z Arbenganese 654 + 51046 proofread-page text/x-wiki <noinclude><pagequality level="1" user="Arbenganese" /></noinclude>A RENATO Ricordo sempre che ti m'hæ çercôu, E che te l'hò promissi inchêu me vëgne, I versi dialettali ch'hò stampou Compindo i sciusciant'anni. E me sovvëgne D'aveìte dito ascì, ch'avieìvo ammiôu De dedicateì comme se convëgne; Ergo, se chi promette e no mantegne, ō l'è un ommo da poco e mâ quotôu, Mi, che ä stimma ghe tëgno ciù che a tutto E a mæ parolla hò sempre rispettôu. Te i mando co'ûn sûnetto, forse brutto, Ma cho yêu dite . . . . ti l’hæ indovinôu! T'ha dell'intuito! E grazie dell'aggiûtto Ch'ō me risparmia de sprecâ do sciôu.<noinclude></noinclude> ggyjricot1njy3il2v30d2ekvk0ixd2 250 17630 51047 2026-04-03T06:16:52Z Arbenganese 654 + 51047 proofread-page text/x-wiki <noinclude><pagequality level="1" user="Arbenganese" /></noinclude><noinclude></noinclude> 4u0iiogaxap4qwueut68o97ssrt74oh 250 17631 51048 2026-04-03T06:23:55Z Arbenganese 654 + 51048 proofread-page text/x-wiki <noinclude><pagequality level="1" user="Arbenganese" /></noinclude>AZZUNTA No voendola mesccià con di sûnetti, Quantunque fêua de posto, hò ben pensôu D'azzunze chì ûnn-a föa, ch'hò pubblicôu Ciù de ûnn-a vòtta in sce di mæ libretti. Capiscìo ben che forse aviô sbagliôu, Ma tutti a-o mondo se ghe va soggetti; Ghe cazze quelli che se pän perfetti, E anche l'ommo ciù asperto e navegôu. Do resto, s'hò sbagliôu, no me ne pento, Perchè, se quarchedûn me critichia Pe fâse vedde ûn ommo de talento, M'auguro e spero ascì che ghe saiâ Chi se a leziâ con vero gödimento: E de questo ō mæ chêu ō se rallegria!<noinclude></noinclude> ivni7givbumj4uy41n65vy8agafjsvi 250 17632 51049 2026-04-03T06:24:15Z Arbenganese 654 + 51049 proofread-page text/x-wiki <noinclude><pagequality level="1" user="Arbenganese" /></noinclude><noinclude></noinclude> 4u0iiogaxap4qwueut68o97ssrt74oh 250 17633 51050 2026-04-03T06:24:40Z Arbenganese 654 + 51050 proofread-page text/x-wiki <noinclude><pagequality level="1" user="Arbenganese" /></noinclude>A FACCIA DI OMMI Ma madonnâ, bonn-anima, a contava Che e bestie, antigamente, Parlèssan tale e quale comme a gente; Anzi a m'assegûava Che a fabbricâ a gran tôre de Babele No essèndose messciæ, ōbōn Segnô ō no l'aise castighæ E parlèssan coscì ûnn-a lingua solo. E mi che in bonn-a fede me creddeìva Quello ch'a me contava, «Perchè no pàrlan ciù? » ghe domandava. E lê a me rispondeìva: Pe dite çerte cöse veramente T'e ancon troppo piccin, Ma d'atra parte t'ë ûn gran biricchin E chi nō sà che ti me possi intende.<noinclude></noinclude> iokqna4yprp5z960p9ogp8dr9o3syv8 250 17634 51051 2026-04-03T06:25:06Z Arbenganese 654 + 51051 proofread-page text/x-wiki <noinclude><pagequality level="1" user="Arbenganese" /></noinclude>Dunque - a dixeiva tutte e bestie allōa Favan perfettamente - Comme i ommi de l'epoca presente, Che pe-i dinæ o pe-a gôa, Pe invidia o pe ambizion se ingannan sempre; Insomma in to trattâ Fâvan servî a parolla a maschera Quello che in fondo all'anima sentivan. E l'inganno ō l'ea zunto a un punto tale, Che e poche bestie oneste, Vedèndose imbroggiæ da-e disoneste, Finìvan co' imitale Pe rèndighe a pariglia, e in questo moddo Addio sincerita! A no existeìva manco ciù tra fræ, E chi poeìva fotteiva o fræ e l'amigo.<noinclude></noinclude> 704xgf1zxvx6p3x61axfv4sbu7ly0hy 250 17635 51052 2026-04-03T06:25:34Z Arbenganese 654 + 51052 proofread-page text/x-wiki <noinclude><pagequality level="1" user="Arbenganese" /></noinclude>Morta cosci in te bestie a confldensa, Se a bocca gh'ëa chi arvìva, E atre, co' ûnn-a bieca êuggià cattiva, Pinn-a de diffidensa, Ghe fâvan moî a parolla anco'in ta goa, Tanto che a son d'anda Avendo perso l'uso de parla, Adaxo, adaxo, son diventæ mûtte. Ma dunque - mi ghe diva dunque tutti Dovièmo, o fito o tardi, Se i ommi so' impostoî, fäsi e boxardi, Fini con vegnî mûtti? - E lê: Se meritieìscimo de pezo, Ma nō te spaventa, A faccia di ommi a l'è coscì scassâ Ch'a stà çent'anni a-o boggio sensa temme!<noinclude></noinclude> 647weezeibodllu87bopqasacs7k81z