Wikigherbhung madwikisource https://mad.wikisource.org/wiki/Tan%C3%A8yan MediaWiki 1.46.0-wmf.22 first-letter Mèḍia Spesial Pakanḍhâ'ân Pangangghuy Pakanḍhâ'ânna pangangghuy Wikigherbhung Parembhâghân Wikigherbhung Bhengkek Pakanḍhâ'ânna bhengkek MèḍiaWiki Pakanḍhâ'ânna MèḍiaWiki Cèṭa'an Pakanḍhâ'ânna cèṭa'an Bhântowan Pakanḍhâ'ânna bhântowan Bhângsa Pakanḍhâ'ânna bhângsa Page Page talk Index Index talk TimedText TimedText talk Modul Pembicaraan Modul Acara Pembicaraan Acara 250 1113 4266 2026-04-04T11:32:40Z Aaima Dandelions 144 /* La èsalessè */ 4266 proofread-page text/x-wiki <noinclude><pagequality level="3" user="Aaima Dandelions" /></noinclude>50 băn patjara, manḍiră akalèrlèran. Djhăng-ondjhănganna ḍări man-ḍimman, sè djhăoe băn sè semma’ paḍă akompol, kongsè băḍă djhăng-ondjhăngan ḍări kennengngan sè djhǎoena padjhălănan 2 malem ḍări Tjihondjè. Ma'na Kalsan băn binèna paḍă senneng pèkkèrra, sabăb arassa katekkan sakabbhiănna sè èkakareppè; apa polè bănnja' tjakantjana sè lem-ngalem parkara karammèanna ghăbăjjă, andhăddhiăghi kabhoengkakanna atèna. Ekala' panḍǎ'na tjarèta ghăbăjjă la oboes, ma'na Kalsan pas molaè ngènga'è otangnga, sarta apangrasa djhă' abă'na enneng è bengkona orèng, bănnè bengkona dhibi', sabăb la anjama èpaghǎdhi, ètangghoengngaghi ka otangnga. Apa polè saellana ghenna' tello boelăn, pas ḍăteng orèng naghi sèwăna bengkona; abǎ'na njarè pèssè anjen-pènjen, marghă taḍă' sè èpamadjără, kabhenḍerrån pas ollè, sabăb abă'na ghi' ta' sempat njarè kasap băn ghi ta kobher mokka băroengnga. Kaempa’ boelănna abă’na la akasap tjara lăn-bilănna, binèna mokka' băroeng, abă'na aperghi è sabăna. Tapè abă'na arassa tjè' sossana, apa polè ta' anḍi' pa-apa sakalè; paḍina tompes nalèka băḍă ghăbăjjă, kongsè ghasèk ngakan nasè' sella, la-mala la-nakkala tao ngakan asella arè, saarè bhentèng nèng ngènom kopi malolo ollèna ngala' ḍări băroengnga. Dhinèng pangasèlanna bǎroengnga nèng ètjaḍhăngngaghi ka sèwăna bengkona. Saellana mosèm anjè' ḍăteng soroanna haddjhi Ibrăhim, parlo mènta'a paḍi sè 5 amet, abă'na nèng mèlo 3 amet. La-mala paḍi sè sadjărèja èserra'aghi ka otangnga saparo, sè èkabhănḍhă abhoektè sabǎna. Amarghă djărèja taon ḍătengnga ma'na Kalsan so'è kara'ang. Nèng ḍoewă masa ma'na Kalsan ngennèng madjăr tjara pardjhăndjhiănna ghellă'. Saellana djărèja abă’na pas anḍi' èngettan njerra'a njètjèl bhăi. Abă'na pas ngèndjhăm pèssè ka soebăddhă ƒ 30, saddjhăna èpanjètjèla ka haddjhi Ibrahim; tapè ta' ètampanè, tja'na soro bădjări sama sakalè; mon ghi' ta' anḍi', èberri'i tèmpo samasa agghi'. Amarghǎ djărèja maʼna Kalsan arassa tjè' ghimengnga pèkkèrra, sabăb ta' anḍi' sè èpamadjără njakalèan, mangka mon èdjhălănè samasa agghi', ta' kowat, karana sè kaaḍă'na bhăi la talèbăt njossaè. Saellana abǎ'na pas njarè tang-otangan pèssè ka orèng laèn, parlo kaangghoej ngallè ghaghăḍhinna, tapè palang, ta' ollè. Amarghǎ djărèja abă'na pas neng-enneng, nèng massra'aghi abă'na ka Alla. Saellana napa' ka băkto matèna boelăn, pas ḍăteng polè soroanna haddjhi Ibrăhim sè naghiă sèwǎna bengko. Bi' ma'na Kalsan ta' èberri', sabab taḍă' sè èbăghiă. Haddjhi Ibrahim talèbăt seḍḍhina, pas asoro naghi pèssè sè ƒ 130, èdjerdjer sabbhăn arè; tapè bi' ma'na Kalsan ta' èbădjări, sabăb lakar ta' anḍi' pèssè ongghoe.<noinclude></noinclude> bl49v30ejfq56marwc1gso63rm5ekus