Wikipedia niawiki https://nia.wikipedia.org/wiki/Wikipedia:Olayama MediaWiki 1.45.0-wmf.4 first-letter Media Spesial Huhuo Sangoguna Huhuo zangoguna Wikipedia Huhuo Wikipedia Berkas Huhuo berkas MediaWiki Huhuo MediaWiki Templat Huhuo templat Fanolo Huhuo wanolo Kategori Huhuo kategori Portal Huhuo portal TimedText TimedText talk Modul Pembicaraan Modul Acara Event talk 0 4206 25472 25442 2025-06-13T09:11:17Z Slaia 39 mangalösö'ö 25472 wikitext text/x-wiki [[Berkas:Fraters van Tilburg bij vuurtoren California.jpg|jmpl|Ira frater CMM me 1926]] '''Frater''' (asese te'adogoi'ö ia '''Fr.''') no töi fogaoni khö ndramatua bakha ba [[Gereja Katolik]] si tefaböbö ba sambua wa'awösa fa'alowalangi nifotöi [[Ordo (religius)|Ordo]] ma zui [[Kongregasi]]. So sambua [[Kongregasi]] ndra Frater ba Danö Niha ya'ia da'ö ira [[Frater CMM]] si so ba Jln. Karet ba [[Gunungsitoli]] Baero kongregasi ndra frater, so göi niha bö'ö nifotöi frater, ya'ia da'ö ya'ira si so ba wamahaö [[filosofi]] ba ba [[teologi]] sedöna tobali ere ba zi so föna. Famahaö tobali ere bakha ba [[Gereja Katolik]] tola irugi 9 fakhe. Gasa-gasa da'ö lakaoni frater ira zedöna tobali ere andre. Na no dania labayoini ira tobali ere, ba lakaoni ira [[Pastor]] ma na anggota [[Kongregasi]] ma [[Ordo (religius)|Ordo]] ira ba asese göi lakaoni khöra [[Pater]]. == Töi frater == Töi ''frater'' tehalö moroi ba li [[Latin]], li soya la'oguna'ö niha bakha ba [[Gereja]] töra 1500 fakhe. ''Frater'' eluahania talifusö ira matua. Ba wolo'ö ni'oroi'ö [[Yesu]] samösa me imane, "Ba böi ndramube'e töimi samahaö, ha sa samösa zamahaö ya'ami, ba ''si fatalifusö ami fefu''" ({{SN|Mat|23|8}}), andrö wa oi lakaoni nawöra ya'ira si tefaböbö ba wa'awösa fa'alowalangi andrö ''frater'', eluahania talifusö. == Oroita wehede == Fehede frater tohare ba khöda ni'ohe ndra niha [[Belanda]]. Frater eluahania talifusö iramatua (simanö göi wehede suster eluahania talifusö ira'alawe). To'ölö la'oguna'ö da'a bakha ba wa'awösa fa'alowalangi nifotöi [[Kongregasi]] ma [[Ordo (religius)|Ordo]]. Ya'ira andrö latou'ö wa'aurira ba wolo'ö [[Turia Somuso Dödö]] irege laröi nomo zatuara ba toröi ira ba nifotöi "[[biara]]" ba wangosara'ö tödöra ba wangandrö ba ba wohalöŵö khö [[Keriso]]. == Hölu si lö mamalö == So tölu hölu si lö mamalö ([[li Indonesia]]: ''kaul kekal'') nifaluara ena'ö tetema'ö ira bakha ba wa'awösa andrö, ya'ia da'ö hölu fa'alumana ([[li Indonesia]]: ''kemiskinan''), hölu falö-mangowalu ([[li Indonesia]]: ''kemurnian'') ba hölu falöfaröi ([[li Indonesia]]: ''ketaatan'').<ref>{{Cite web |url=https://www.vatican.va/archive/ENG1104/__P4E.HTM |title=Code of Canon Law, canon 1191 §1 |access-date=16 March 2020 |archive-date=4 November 2011 |archive-url=https://web.archive.org/web/20111104124158/https://www.vatican.va/archive/ENG1104/__P4E.HTM |url-status=live }}</ref> Faoma hölu '''fa'alumana''' la'oroma'ö wa lö okhötara zamösana ira. Fefu nisöndrara ba wangalui tetou'ö khö [[Kongregasi]] ma [[Ordo (religius)|Ordo]] si tefaböbö ira.<ref name=kaul>[https://www.katolikana.com/2022/12/05/3-kaul-dalam-hidup-membiara-apa-saja-ini-penjelasan-suster-margareta-indar-wulandari-sjd/ 3 Kaul dalam Hidup Membiara Apa Saja?], katolikana.com, mufaigi me 27/09/2023. {{id}}.</ref> Lahalö khöra ha nitehegö khöra bakha ba wa'awösa andrö. Lalau da'a si tobali tandra wolohira duma-duma ndra niha [[Keriso]] si föföna nitutunö bakha ba Halöŵö Zinenge 2:45. Faoma hölu '''falö-mangowalu''' la'oroma'ö wa sindruhu ha sambua dödöra ba wolo'ö [[Keriso]] ba börö da'ö laröi wa'auri fongambatösa.<ref>[https://www.vatican.va/archive/ENG0015/__P85.HTM "Male and Female He Created Them"], Catechism of the Catholic Church Chap. 2, Art. 6, I.. Mufaigi me 27/09/2003. {{en}}.</ref> Faoma hölu '''falöfaröi''' la'oroma'ö wa ya'ira sindruhu labali'ö ira nifahaö solo'ö gofu hadia nifatörö [[Lowalangi]] khöra ba wa'aurira, nifa'ema khö ndra sondrönia'ö [[Kongregasi]] ma [[Ordo (religius)|Ordo]] andrö. Duma-duma khöra [[Keriso]] sangositengagö fa'aurinia ena'ö tola ifalua zomasi Nama.<ref name=kaul /> == Faigi göi == * [[Suster]] * [[Bruder]] * [[Bruder#Hölu_si_lö_mamalö|Hölu si lö mamalö]] * [[Ordo (religius)|Ordo]] * [[Kongregasi]] == Umbu == <references /> [[Kategori:Agama]] [[Kategori:Gereja Katolik]] [[Kategori:Niha Keriso]] cl7lt3u6tgeyxnrqlee9eqm00vkoid2