Βικιπαίδεια pntwiki https://pnt.wikipedia.org/wiki/%CE%91%CF%81%CF%87%CE%B9%CE%BA%CF%8C%CE%BD_%CF%83%CE%B5%CE%BB%CE%AF%CE%B4%CE%B1 MediaWiki 1.47.0-wmf.1 first-letter Μέσον Ειδικόν Καλάτσεμαν Χρήστες Καλάτσεμαν χρήστε Βικιπαίδεια Βικιπαίδεια καλάτσεμαν Αρχείον Καλάτσεμαν αρχείονος MediaWiki MediaWiki talk Πρότυπον Καλάτσεμαν πρότυπι Βοήθειαν Καλάτσεμαν βοήθειας Κατηγορίαν Καλάτσεμαν κατηγορίας TimedText TimedText talk Module Module talk Event Event talk 0 1211 37453 35534 2026-05-11T13:48:02Z Ας4τγς34 12591 37453 wikitext text/x-wiki == '''Ο Διαγωνισμόν τη Τραγωδί τη Eurovision''' == Ο Διαγωνισμόν τη Τραγωδί τη Eurovision (σα εγγλέζικα: ''Eurovision Song Contest''), που λέγνε ατον και ESC, έν’ έναν πανευρωπαϊκόν πανηγύρ’ τραγωδί που εφτάει κάθε χρόνο η Ευρωπαϊκή Ραδιοτηλεοπτική Ένωση (EBU). Εκεί παίρνε μέρος ανθρώπ’ που εκπροσωπούνε, τα πλείστα, χώρας τη Ευρώπης. Κάθε χώρα στέλ’ έναν καινούριο τραγωδία που τραγωδούν ατο ζωντανά σην τηλεόραση και σο ράδιο, και ακούν ατο σ’ όλον τον κόσμον. Οι χώρες που διαγωνίζουνται ψηφίζουν η μία τ’ άλλοιο τη χώρα για να ευρήκνε το νικητήν. Αβούτο το πανηγύρ’ εβγήκεν ασό Φεστιβάλ τη Σαν Ρέμο τη Ιταλίας που εγένετον ασό 1951. Η Eurovision γίνεται κάθε χρόνο (εξόν ασό 2020) από το 1956 και έν’ το πιο παλαιόν διεθνές τηλεοπτικόν πρόγραμμα σα μουσικά πράγματα σον κόσμον. Όσα μέλη έν’ σην EBU και όσοι άλλοι καλεσμένοι έρχουνται, μπορούν να παίρνε μέρος. Ως το 2021, 52 χώρας έπαιξαν έστω και μία φορά. Κάθε κανάλ’ στέλ’ έναν τραγωδία ως τρία λεπτά, και τραγωδεί ατο ένας τραγωδός ή μια παρέα ως έξι ανθρώπ’ (πρέπει να έν’ πάνω από 16 χρονών). Κάθε χώρα δίνει βαθμούς (1 ως 8, 10 και 12) σ’ εκείνα τα τραγωδίας που αρέσκνε ατεν. Τους βαθμούς δίνουνε μουσικοί και ο κόσμον που τερεί την τηλεόραση. Όποιος παίρ’ τα πλείστα τα πόντους, εκείνος κερδίζει. Σο πρόγραμμα απάν’ εφτάνε και άλλα πράγματα, χορούς και τραγωδίας, όπως έφτασαν η Madonna και το Riverdance. Στην αρχή έτον μόνον μια βραδιά, άμα επειδή έρθαν πολλές χώρας, ύστερα εγένταν και ημιτελικοί. Η Γερμανία έπαιξεν τα πλείστα τα φοράς, ενώ η Ιρλανδία και η Σουηδία έχουν τα πλείστα τα βραβεία (εφτά η καθεμία). Επειδή ο διαγωνισμός γίνεται σην χώρα που κέρδισεν πέρσι, έν’ ευκαιρία να μαθαίν’ ο κόσμον τον τόπον και να έρχουνται τουρίστες. Χιλιάδες ανθρώπ’ και δημοσιογράφοι πάνε εκεί για να τερούνε τις πρόβες και να παίρνε συνεντεύξεις. Η Eurovision φαίνεται σ’ όλον τον κόσμον και ασό 2000 και ύστερα υπάρχει και σο ίντερνετ. Έν’ ασά πιο μεγάλα τηλεοπτικά γεγονότα και πολλοί τραγωδοί εγένταν τρανά ονόματα εκεί, όπως οι ABBA, η Σελίν Ντιόν, η Νάνα Μούσχουρη και ο Χούλιο Ιγκλέσιας. Πολλοί κατηγορούν τον διαγωνισμόν για τη μουσικήν ατ’ ή λένε πως παίζουνε πολιτικά παιχνίδια οι χώρες μεταξύ ατουν. Άμα, η Eurovision έπαρεν μεγάλην δόξαν και αρέσκει πολλά σην ΛΟΑΤ κοινότητα και έχει πολλούς πιστούς οπαδούς. Σο πανηγύρ’ απάν’ ακούγουνται κυρίως ποπ τραγωδίας, άμα πολλές χώρας δοκιμάζουνε και άλλα είδη, όπως ροκ, ραπ, χέβι μέταλ και παραδοσιακά τραγωδίας ασ’ όλον τον κόσμον. == Πού εβγήκεν και η ιστορία ατ' == Οι ρίζας τη πανηγυρί τη Eurovision εβγήκαν ασήν επιθυμίαν να συνεργάζουνται οι χώρας τη Ευρώπης μετά τον Δεύτερον τον Παγκόσμιον τον Πόλεμον. Ήθελαν να δείχνε προγράμματα σην τηλεόραση που να ενώνε τα σύνορα, και γι' ατό το 1950 εποίκαν την Ευρωπαϊκήν Ραδιοτηλεοπτικήν Ένωση (EBU). Τη λέξη «Eurovision» πρωτοείπεν ατεν ένας Εγγλέζος δημοσιογράφος, ο Τζορτζ Κάμπεϊ, το 1951. Ασό 1950 και ύστερα, πολλά πράγματα εδείχταν σ' όλον την Ευρώπη, όπως η στέψη τη Βασίλισσας Ελισάβετ το 1953. Τον Γενάρη τη 1955, μια επιτροπή με το κεφάλι ατ' τον Μαρσέλ Μπεζανσόν, εσκέφτεν να εφτάνε έναν ευρωπαϊκόν διαγωνισμόν τραγωδί. Την ιδέαν πρωτοείπεν ο Σέρτζιο Πουλιέζε. Τον Οκτώβρη τη 1955, η EBU είπεν το «ναι» και ο πρώτον τίτλος έτον ''European Grand Prix''. Η Ελβετία είπεν να γένηται το πανηγύρ’ σο Λουγκάνο την άνοιξην τη 1956. Για να στρώσουν το πρόγραμμα, επατήσαν απάν' σο Φεστιβάλ τη Σαν Ρέμο τη Ιταλίας, άμα εποίκαν και πολλές αλλαγάς. Σον πρώτον διαγωνισμόν έπαιξαν εφτά χώρας και η κάθε μία έστειλεν δύο τραγωδίας. Εκείνην την φοράν μόνον εράχτεν ατό. Πρώτη νικήτρια έτον η Λις Άσια για την Ελβετία με το τραγούδι «Refrain». Στην αρχή, η ψηφοφορία εγέντον πίσω ασά κλειστά τα πόρτας και ανακοίνωναν μόνον τον νικητήν. Ύστερα όμως, επειδή είδαν πώς έφτανεν το BBC σην Αγγλίαν, εποίκαν και ατοί πίνακα με βαθμούς για να τερεί ο κόσμον ασό σπίτιν ατ' πώς ψηφίζουνε οι χώρες. Ασό 1958 εγέντον κανόνας ο διαγωνισμός να γίνεται σην χώραν που κέρδισεν τον περσινόν τον χρόνον. Με τα χρόνια, η τεχνολογία εβοήθησεν και ατό: το 1985 εδείχτεν για πρώτη φορά με δορυφόρον και το 2000 εβγήκεν σο ίντερνετ. Η Eurovision εμεγάλωσεν γρήγορα. Σα 1960 έπαιζαν καμιά δεκαοχτώ χώρας. Μετά ήρθαν και χώρας ασήν Ασίαν και την Αφρικήν. Όντες ετελείωσεν ο Ψυχρός Πόλεμος, έρθαν και πολλές χώρας ασήν Ανατολικήν Ευρώπη. Επειδή εγένταν πολλές, το 1994 εποίκαν έναν σύστημα για να μη παίζουνε όλες μαζί: όποιος έτον τελευταίος, έχανεν τη σειράν ατ' για την επόμενην χρονιά. Ασό 2004 και μετά, εγένταν και οι ημιτελικοί, για να μπορούν να τραγωδούνε όλες οι χώρας που θέλνε. Ως τώρα εγένταν 67 διαγωνισμοί και η Eurovision έν' το πιο παλαιόν μουσικόν πρόγραμμα σον κόσμον (ρεκόρ Γκίνες). Συνολικά 52 χώρας έπαιξαν, και το 2008, το 2011 και το 2018 έπαιξαν οι πλείστες (43 χώρας). Το 2015 έρθεν και η Αυστραλία, παρόλο που 'κ εν' σην Ευρώπη, επειδή αγαπούνε πολλά το πανηγύρ’ εκεί. Μόνον το 2020 'κ εγέντον ο διαγωνισμός, επειδή έρθεν η αρρώστια ο COVID-19 και η Ευρώπη είχε περιορισμούς. Αντί για το πανηγύρ’, οι Ολλανδοί εποίκαν μιαν ειδικήν εκπομπήν, το ''Eurovision: Europe Shine A Light'', για να τιμήσουν τους τραγωδούς και τα τραγωδίας εκείνης τη χρονιάς. === Ονομασία === Το πρόγραμμα, αρχικά, ήταν γνωστό ως "Eurovision Grand Prix" (στα Αγγλικά). Το όνομα "Grand Prix" υιοθετήθηκε από τη Δανία, τη Νορβηγία και τις γαλλόφωνες χώρες, με τη γαλλική ονομασία να είναι ''{{lang|fr|Le Grand-Prix Eurovision de la Chanson Européenne}}''. Το "Grand Prix" άλλαξε και αντικαταστάθηκε με το ''{{lang|fr|Concours}}Concours'' (διαγωνισμός) στα Γαλλικά, αλλά όχι στα Δανικά και στα Νορβηγικά. Το δίκτυο Eurovision συνηθίζει να εκπέμπει νέα, ειδήσεις και αθλητικά προγράμματα παγκοσμίως, αλλά και άλλα γεγονότα της EBU. Ωστόσο, στο ευρύ κοινό, το όνομα "Eurovision" είναι πιο στενά συνδεδεμένο με τον διαγωνισμό τραγουδιού. == Πώς γίνεται το πανηγύρι (Η Μορφή) == Ο τρόπος που γίνεται ο διαγωνισμός άλλαξεν με τα χρόνια, άμα το βασικόν έμεινεν το ίδιον: Οι χώρες στέλνε τραγωδίας που πρέπει να τραγωδούνται ζωντανά. Το πρόγραμμα δείχν’ ατο η EBU ζωντανά σ’ όλον την Ευρώπη και αλλού. Κάθε χώρα παίρ’ μέρος με το κανάλ’ ατ’ (το κρατικόν ή το ιδιωτικόν) που εν’ μέλος σην EBU. Το πανηγύρ’ γίνεται σε μιαν πόλην τη χώρας που κέρδισεν πέρσι, σ’ έναν τρανόν θέατρον. Όντες τελειών’νε όλα τα τραγωδίας, κάθε χώρα ψηφίζει τα τραγωδίας τ’ άλλων χωρών – κανείς 'κ επιτρέπεται να ψηφίζει το δικόν ατ’ το τραγωδίαν. Σο τέλος, εκείνος που παίρ’ τα πλείστα τα πόντους βγαίνει νικητής. Ο νικητής παίρ’ έναν βραβείον (κύπελλον) και η χώρα ατ' καλείται να εφτάει το πανηγύρ’ την επόμενην χρονιά. Ο διαγωνισμός 'κ εφτάται για τα κέρδη. Τα χρήματα έρχουνται ασά κανάλια που πληρών’νε για να παίξνε, ασήν EBU, ασήν πόλην που φιλοξενεί το πανηγύρ’, και ασά εισιτήρια και τους χορηγούς. Κάθε φορά το πανηγύρ’ κρατεί μίαν εβδομάδα και έχει τρία ζωντανά προγράμματα: δύο προκριματικά (ημιτελικούς) την Τρίτην και την Πέμπτην, και τον Τρανόν Τελικόν το Σάββατον. Όλες οι χώρες παίζουνε σ’ έναν ασά δύο ημιτελικούς, εξόν ασή χώραν που εφτάει το πανηγύρ’ και τις "Μεγάλες Πέντε" (Γαλλία, Γερμανία, Ιταλία, Ισπανία και Αγγλία), που μπαίν’νε κατευθείαν σο τελικόν επειδή δίνουν τα πλείστα τα χρήματα. Ασά προκριματικά, δέκα τραγωδίας ασό κάθε βράδυ περνάνε σο τελικόν. Έτσι, σο τέλος, 26 χώρες διαγωνίζουνται για το βραβείον. Σο πρόγραμμα υπάρχνε πάντα παρουσιαστές που καλωσορίζνε τον κόσμον και δείχν’νε πώς γίνεται η ψηφοφορία. Τα τελευταία τα χρόνια, ο Τρανός Τελικός αρχινά με την "Παρέλαση τη Εθνών", όπου οι τραγωδοί μπαίν’νε σην σκηνήν κρατώντας τη σημαίαν τη χώρας ατουν, όπως εφτάνε και στούς Ολυμπιακούς Αγώνας. Υπάρχνε και άλλα θεάματα, χοροί και τραγωδίας, που δείχν’νε ατα σο διάλειμμα, πριν να αρχινά η ψηφοφορία. Όντες αρχινά και όντες τελειώνει η σύνδεση με την Eurovision, φαίνεται το σήμα τη EBU. Η μουσική που ακούγεται (ασό "Te Deum" τη Σαρπαντιέ) εν’ η ίδια που παίζει σ’ όλα τα τρανά γεγονότα τη Eurovision. == Πώς διαλέγνε τα τραγωδίας (Η Επιλογή) == Κάθε κανάλ’ που παίρ’ μέρος, έχει το δικαίωμα να διαλέγ’ με τον τρόπον ατ’ τον τραγωδόν και το τραγωδίαν που θα στέλ’. Η EBU όμως θέλει και λέει τα κανάλια να ερωτούνε και τον κόσμον, για να διαλέγνε μαζί. Οι τρόποι που διαλέγνε εν’ τρεις: είτε εφτάνε έναν τρανόν πανηγύρ’ σην τηλεόρασην και ψηφίζει ο κόσμον, είτε διαλέγει μια επιτροπή ασό κανάλ’ "κλειστά", είτε εφτάνε έναν "μίγμα": το κανάλ’ διαλέγει τον τραγωδόν και ο κόσμον διαλέγει το τραγωδίαν. Έναν ασά πιο γνωστά και τρανά προγράμματα για διαλεγμόν τραγωδί εν’ το ''Melodifestivalen'' τη Σουηδίας. Ατό αρχίνησεν το 1959 και ως την σήμερον ημέραν εν’ ασά πιο αγαπημένα προγράμματα των Σουηδών, που τηρούν ατο κάθε χρόνο χιλιάδες ανθρώπ’. == Ποιοι παίζουνε (Η Συμμετοχή) == Σο πανηγύρ’ μπορούν να παίζουνε τα "Ενεργά Μέλη" τη EBU. Ατά εν’ τα κανάλια που βρίσκουνται εντός τη Ευρωπαϊκού τηλεοπτικού χώρου ή ανήκνε σο Συμβούλιον τη Ευρώπης. Πρέπει το σήμα ατουν να φτάνει σχεδόν σ’ όλα τα σπίτια τη χώρας ατουν. Υπάρχνε και τα "Συνεργαζόμενα Μέλη", που για να παίξνε πρέπει να δώκ’ το "ναι" η επιτροπή τη διαγωνισμού. Ο "Ευρωπαϊκός τηλεοπτικός χώρος" εν’ μια μεγάλη περιοχή. 'Κ εν’ μόνον η Ευρώπη, άμα πιάνει και το δυτικόν το μέρος τη παλαιάς Ρωσίας (ΕΣΣΔ), το βόρειον τη Σαουδικής Αραβίας και όλες τις χώρες γύρω-γύρω ασή Μεσόγειον θάλασσαν, όπως το Ιράκ, την Ιορδανίαν και την Τουρκίαν. Για να παίρ’ μέρος μια χώρα, πρέπει να δείξ’ τον περσινόν τον διαγωνισμόν ζωντανά και να πληρώσ’ τα χρήματα που πρέπει πριν να τελειών’ η προθεσμία. Επειδή τα σύνορα τη τηλεόρασης εν’ τρανά, παίζουνε και χώρας που 'κ εν’ καθαρά ευρωπαϊκές, όπως το Ισραήλ, η Κύπρος, η Ρωσία, η Τουρκία και το Μαρόκο (που έπαιξεν μια φορά). Το 2015 έρθεν και η Αυστραλία, παρόλο που εν’ μακρά, επειδή την εκάλεσαν ατεν ειδικά. Ως 44 χώρας μπορούν να παίζουνε κάθε χρόνο. Κάθε χώρα πληρώνει ανάλογα με το πόσο τρανή εν’ και πόσον κόσμον έχει. == Χώρας που 'κ υπάρχνε πια == ·        '''Γιουγκοσλαβία:''' Έπαιξεν 27 φοράς ασό 1961 ως το 1992. Κέρδισεν μια φορά το 1989. Όντες εδιαλύθεν η χώρα, εβγήκαν καινούρια κράτη (Κροατία, Σλοβενία, Βοσνία, Σερβία, Μαυροβούνιο, Βόρεια Μακεδονία) και το κάθε ένα άρχινεν να στέλ’ τα δικά τ’ τα τραγωδίας. ·        '''Σερβία και Μαυροβούνιο:''' Έπαιξαν μαζί μόνον δύο φοράς (2004 και 2005) πριν να χωρίσνε και ατοί τα στράτας ατουν το 2006. == Χώρας που έδιωξαν ατεν η EBU == ·        '''Λευκορωσία:''' Έπαιζεν ασό 2004 ως το 2019. Το 2021 έστειλαν έναν τραγωδίαν που είχε πολιτικά λόγια και 'κ εράχτεν. Ύστερα η EBU έδιωξεν το κανάλ’ ατουν επειδή 'κ υπάρχει ελευθερία λόγου εκεί (η δικτατορία τη Λουκασένκο). Για τρία χρόνια (τουλάχιστον) 'κ θα μπορούν να παίζουνε. ·        '''Ρωσία:''' Έδιωξαν ατεν το 2022, επειδή εισέβαλεν σην Ουκρανίαν. Τα κανάλια τη Ρωσίας 'κ εν’ πια μέλη τη EBU, άρα 'κ μπορούν να παίζουνε σο πανηγύρ’ αν 'κ αλλάξνε τα πράγματα. == Ο Τόπος και το Πανηγύρ’ == Τα πλείστα τα έξοδα για το πανηγύρ’ πληρών’νε ατα οι χορηγοί και οι χώρες που παίρνε μέρος. Για τη χώραν που φιλοξενεί τον διαγωνισμόν, έν’ μια τρανή ευκαιρία να δείξ’ τον τόπον ατ'ς και να έρθουν τουρίστες. Το 2005, η Ουκρανία άφησεν τον κόσμον ασήν Ευρώπην να μπαιν’ σην χώραν χωρίς βίζαν, μόνον και μόνον για τη Eurovision. Οι ετοιμασίας αρχινάνε λίγες εβδομάδας αφότου κερδίσει μια χώρα. Πρέπει να ευρήκνε έναν τρανόν θέατρον ή στάδιον. Τα πιο τρανά που εγένταν ποτέ έτον σην Κοπεγχάγη (38.000 ανθρώπ’) και σο Ντίσελντορφ (36.500 ανθρώπ’). Η πιο τρανή πόλη που εποίκεν το πανηγύρ’ έτον η Μόσχα, και η πιο μικρή το Μίλστριτ σην Ιρλανδίαν, που είχε μόνον 1.500 ανθρώπους, άμα το στάδιον ατ'ς χώρεσεν 8.000! == Ποιος εφτάει το πανηγύρ’ (Η Διοργανώτρια Χώρα) == Ασό 1958 εγέντον κανόνας: όποιος κερδίζει, εφτάει το πανηγύρ’ την επόμενην χρονιά. Υπάρχνε όμως και εξαιρέσεις, κυρίως επειδή κάποια κανάλια 'κ είχαν τα χρήματα (όπως το 1963, το 1972 και το 1974). Τότε, το BBC (η Αγγλία) έπαιρνεν την ευθύνην και εποίκεν ατό. Το 1980, το Ισραήλ κέρδισεν άμα 'κ εποίκεν το πανηγύρ’ επειδή έτον η Ημέρα Μνήμης για τους στρατιώτας ατουν, και έτσι εγέντον σην Ολλανδίαν. Το 2020 ακυρώθεν για τον COVID-19, και το 2023 εγέντον σην Αγγλίαν αντί για την Ουκρανίαν, επειδή εκεί γίνεται πόλεμος. Αν καμίαν φοράν κερδίσει η Αυστραλία, 'κ θα γένηται εκεί το πανηγύρ’ επειδή εν’ πολλά μακρά. Θα διαλέξ’ μιαν χώραν σην Ευρώπην και θα εφτάνε ατό μαζί. == Το Σήμα και το Σλόγκαν == Ασό 2004, η Eurovision έχει ένα σήμα με μιαν καρδίαν και μέσα εν’ η σημαία τη χώρας που εφτάει το πανηγύρ’. Κάθε χρόνο βάζνε και ένα "σλόγκαν" (έναν λόγον). Ασό 2024 και μετά, αποφάσισαν να κρατήσουνε για πάντα το "United By Music" (Ενωμένοι με τη Μουσικήν). == Η Εβδομάδα τη Eurovision == Την εβδομάδα που γίνεται ο διαγωνισμός, οι τραγωδοί εφτάνε πολλές πρόβες για να έν’ όλα έτοιμα. Έρχουνται και χιλιάδες δημοσιογράφοι και οπαδοί. Κάθε χώρα έχει έναν "αρχηγόν" που κανονίζει τα πάντα. Υπάρχνε και οι σχολιαστές που κάθουνται σε ειδικά καμπίνας και εξηγούνε τον κόσμον τι γίνεται. Οι πρόβες αρχινάνε δύο εβδομάδας πριν τον Τελικόν. Μετά την πρόβαν, οι τραγωδοί δίνουνε συνεντεύξεις σο Τύπο. Πριν τον Τελικόν, εφτάνε τρεις μεγάλες πρόβες ("τζενεράλε"). Στη δεύτερη πρόβαν (το βράδυ τη Παρασκευής), οι κριτές βάζνε τους βαθμούς ατουν – άρα το μισόν το αποτέλεσμα βγαίνει πριν καν αρχινά ο Τελικός! == Τα Πάρτι και το Euroclub == Την Δευτέραν το βράδυ, ο Δήμαρχος τη πόλης εφτάει μιαν τρανήν γιορτήν για όλους. Όλην την εβδομάδα λειτουργεί και το "Euroclub", ένα κλαμπ μόνον για τη Eurovision, όπου τραγωδοί και δημοσιογράφοι χορεύνε και γλεντούνε ως το πουρνόν. == Τα Τάξια και οι Κανόνες (Κανονισμοί) == Κάθε χρόνο η EBU βγάζει καινούρια "τάξια" που πρέπει όλες οι χώρες να ακολουθούνε. Υπάρχνε προθεσμίες για το πότε θα στείλνε το τραγωδίαν και κανόνες για τους χορηγούς και τα δικαιώματα τη τηλεόρασης. == Η Μουσική πρέπει να έν' Ζωντανή == Όλοι οι τραγωδοί πρέπει να τραγωδούνε '''ζωντανά'''. 'Κ επιτρέπεται να ακούγουνται φωνές ασό μηχάνημα (playback). Το 1999, η Κροατία έβαλεν ήχους που έμοιαζαν με φωνές και η EBU έχασεν ατεν το 33% τη βαθμών ατ'ς επειδή "έκλεψεν" σο πνεύμα τη κανόνος. Ασό 1956 ως το 1998, η χώρα που έφτανεν το πανηγύρ’ έπρεπε να έχει και '''ζωντανήν ορχήστραν'''. Μετά το 1973, άφησαν να υπάρχει και έτοιμη μουσική (χωρίς φωνές), άμα η ορχήστρα έπρεπε να έν' εκεί αν κάποιος ήθελεν ατεν. Το 1999, το Ισραήλ είπεν να μη φέρ’ ορχήστραν για να γλιτώσ’ χρήματα, και από τότε η ορχήστρα 'κ εν' πια υποχρεωτική. == Η Γλώσσα (Η Λαλία) == Κάθε τραγωδία πρέπει να έχει λόγια – 'κ επιτρέπεται μόνον μουσική (ορχηστρικόν). Σην αρχήν (1956-1965), ο καθείς τραγωδούσεν όποιαν λαλίαν ήθελεν. Μετά το 1966, είπαν πως πρέπει ο καθείς να τραγωδεί σην επίσημην λαλίαν τη χώρας ατ'. Ατός ο κανόνας άλλαξεν πολλές φοράς. Το 1973 άφησαν πάλι τον καθένα ελεύθερον (τότε κέρδισαν και οι ABBA με εγγλέζικα λόγια). Το 1977 επέστρεψαν σην εθνικήν λαλίαν, άμα ασό 1999 και μετά ο καθείς λέει ό,τι θέλει. Πολλοί λένε εγγλέζικα τραγωδίας, άμα υπήρξαν και χώρες (όπως το Βέλγιο) που είπαν τραγωδίας με '''ψεύτικες λαλίες''' (γλώσσες που 'κ υπάρχνε). Το 2011, η Νορβηγία είπεν το πρώτον τραγωδίαν σε αφρικανικήν λαλίαν (Σουαχίλι). == Πώς Ψηφίζουνε (Η Ψηφοφορία) == Ο τρόπος που βγαίνει ο νικητής άλλαξεν πολλά. Ασό το 2016, κάθε χώρα δίνει '''δύο σειρές βαθμούς''' (1 ως 8, 10 και 12). Τη μίαν σειράν δίνουν ατεν πέντε άνθρωποι που ξέρνε ασή μουσικήν (κριτική επιτροπή) και την άλλην ο κόσμον που ψηφίζει ασό τηλέφωνον (τηλεψηφοφορία). Παλαιά ψήφιζαν μόνον οι επιτροπές, άμα το 1997 εποίκαν ένα πείραμα σ’ εφτά χώρες και άφησαν τον κόσμον να ψηφίζ’. Ατό πέτυχε και ασό 1998 και ύστερα ο κόσμον ψηφίζει παντού με τηλέφωνον, SMS, και τώρα πια και με εφαρμογήν (app) σο κινητόν. == Οι Επόπτες (Οι "Ματάδες") == Για να μη γίνεται αδικία, υπάρχει πάντα ένας άνθρωπος τη EBU, ο '''Εκτελεστικός Επόπτης''', που ελέγχει αν οι βαθμοί μπαίνουνε σωστά και αν όλα γίνονται με το τάξιν ατουν. Ασό το 2011 και μετά, έχει και βοηθόν για να κανονίζουνε όλα τα πράγματα τη εβδομάδας. === Πώς δείχνε τους βαθμούς (Παρουσίαση) === Όντες τελειών’νε τα τραγωδίας και το "διάλειμμαν", οι παρουσιαστές παίρνε τηλέφωνον (ή συνδέουνται με την τηλεόρασην) σε κάθε χώραν για να μάθνε τους βαθμούς. Παλαιά (πριν το 1994) άκουγαν μόνον την λαλίαν ατουν ασό τηλέφωνον. Τώρα, βλέπομε τον εκπρόσωπον κάθε χώρας ζωντανά. Συνήθως στέκουνται μπροστά σε γνωστά μέρη, όπως η Ακρόπολη σην Αθήναν ή ο Πύργος του Άιφελ σο Παρίσι. Οι βαθμοί 1 ως 7 φαίνονται κατευθείαν σην οθόνην για να μη χάνεται χρόνος, και ο εκπρόσωπος λέει μόνον το 8, το 10 και το 12 (το τρανόν το ''douze points''). Ασό το 2016, οι βαθμοί τη επιτροπής λέγουνται ένας-ένας, άμα οι βαθμοί τη κόσμου (tele-voting) ρίκουνται όλοι μαζί στο τέλος, για να έχει ο κόσμον αγωνίαν ως την τελευταίαν στιγμήν. === Αν βγουν δύο πρώτοι (Ισοπαλία) === Το 1969 έτον μια τρανή ανακατωσιά: τέσσερις χώρες (Γαλλία, Ισπανία, Ολλανδία, Αγγλία) βγήκαν πρώτες μαζί! 'Κ είχαν κανόνα τότε, και έτσι είπαν πως κερδίσαν και οι τέσσερις. Πολλές χώρες θύμωσαν και 'κ έπαιξαν την επόμενην χρονιά. Τώρα υπάρχει κανόνας: αν δύο χώρες έχουν τους ίδιους βαθμούς, κερδίζει εκείνη που την ψήφισαν οι περισσότερες χώρες. Αν πάλι έν’ ίδιες, μετρούνε πόσα 12άρια πήραν, μετά πόσα 10άρια, και πάει λέγοντας. ==== Η Τηλεόραση και τα Αρχεία ==== Κάθε κανάλι πρέπει να δείχνει όλον τον διαγωνισμόν "ζωντανά". Μόνον για διαφημίσεις μπορούν να κόφνε λίγο. Το 1956 'κ υπάρχει βίντεο (μόνον ήχος), και το 1964 κάηκαν οι ταινίες σην Δανίαν, άρα 'κ έχομε ολόκληρον το πανηγύρ’ εκείνης τη χρονιάς. ==== Πολιτική και Καβγάδες ==== Πολλές φοράς η πολιτική μπαίνει σην μέσην: ·        '''Ιορδανία (1978):''' Όντες είδαν πως κερδίζει το Ισραήλ, έκοψαν την μετάδοσιν και έδειχναν φωτογραφίας με λουλούδια! Μετά είπαν πως κέρδισεν το Βέλγιο (που έτον δεύτερον). ·        '''Λίβανος (2005):''' Ήθελαν να παίξνε, άμα ο νόμος ατουν 'κ αφήνει να δείχνε το Ισραήλ. Η EBU είπεν ατουν πως πρέπει να δείξνε όλους τους τραγωδούς, και έτσι ο Λίβανος έφυγεν ασό το πανηγύρ’. ·        '''Γεωργία (2009):''' Έστειλαν ένα τραγωδίαν που "έβριζεν" τον Πούτιν (''We Don't Wanna Put In''). Η Eurovision είπεν ατουν να αλλάξνε τα λόγια, ατοί 'κ ήθελαν και έτσι 'κ έπαιξαν εκείνην την χρονιά. [[Κατηγορίαν:Μουσική]] lzg83h8tyqmnau57jbnf03iao71vqj0