Wikipedia rmwiki https://rm.wikipedia.org/wiki/Wikipedia:Pagina_principala MediaWiki 1.47.0-wmf.15 first-letter Multimedia Spezial Discussiun Utilisader Utilisader discussiun Wikipedia Wikipedia discussiun Datoteca Datoteca discussiun MediaWiki MediaWiki discussiun Model Model discussiun Agid Agid discussiun Categoria Categoria discussiun TimedText TimedText talk Modul Modul Diskussion Veranstaltung Veranstaltung Diskussion 4 1980 172917 151928 2026-08-18T07:46:03Z Perscrutader 22999 niev artechel 172917 wikitext text/x-wiki {{Sursilvan}} [[File:Pascal Gamboni 2026.jpg|mini|Pascal Gamboni, 2026]] '''Pascal Gamboni''' (* 1977 a [[Sedrun]]) ei in cantadur, cumponist e musicist svizra. El conta per romontsch ed engles. == Veta == Pascal Gamboni ei carschius si da lungatg-mumma romontsch a [[Sedrun]] nua ch'el ha fundau sco giuvenil il duo ''Ils Passiunai''. El ha frequentau il gimnasi da musica a Feldkirch ([[Austria]]). Suenter in sviament a [[Vienna]] per studegiar la ghitara classica eis el serendius vinavon ell'Engheltiara nua ch'el ha passentau diesch onns, igl emprem a Bristol e lu a Londra. El ha iniziau plirs projects da bands (''Cléan'', ''Temple Thief'', ''Sun gone mad'') ed ei staus support act dalla turnea dils Stranglers 2002. Suenter siu retuorn en Svizra eis el seconcentraus sin musica da lungatg romontsch, oravontut en siu dialect [[Tuatschin]]. El ha sunau al Montreux Jazz Festival, al CMJ Festival a New York, agl Openair Lumnezia, al ''Moon and Stars'' a Locarno e pliras gadas al RockSedrun, in festival en siu liug nativ ch'el ha gidau a fundar.<ref>[https://www.r-tunes.ch/artists/pascal-gamboni ''Curriculum vitae da Pascal Gamboni'']; consultau ils 17 d'uost 2026.</ref> Gamboni ei in dils musicists ils pli productivs dil Grischun. El producescha dapi 2009 surtut albums da solo ch'el cumpona, registrescha, suna e conta sez. Il criticher da musica [[Benedetto Vigne]] descriva la musica da Gamboni aschia: «Schegie che sias canzuns ein minimalas e reservadas, perschuadan ellas cun ina enorma varietad, ellas resplendan aschidadir igl univers en ina crosa da nuschs.»<ref>Artechel da gasetta ''Die Suche nach dem Honig des Lebens'' ella Südostschweiz, ils 25 d'october 2024.</ref> Gamboni caracterisescha siu stil da musica sco «alpine low-fi» per indicar che sia musica seigi francada ellas muntognas e ch'el registreschi cun siu studio portabel musica nua che ramurs secundaras astgien e dueigien haver plaz: Pli impurtont che la mischeida perfetga seigi la registraziun momentana ed immediata.<ref>[https://www.rtr.ch/play/tv/late-lounge/video/pascal-gamboni-i-late-lounge-live-1-i-rtr-stafla-1-episoda-1?urn=urn:rtr:video:0429378e-23ce-4f02-8470-347b162847e3 ''Emissiun Late Lounge Live auf RTR'']; consultau ils 17 d'uost 2026.</ref> Ina da sias pli enconuschentas canzuns ei ''Unics '09'' ch'ei daventada ella [[Surselva]] il himni inufficial dalla generaziun giuvna e vegn cantada da biars chors. En quella canzun descriva Gamboni a moda ironica veta e mintgadi dils Romontschs, il lungatg che mo paucs pli tschontschien e che seigi perquei unics ("nus essan unics"). Autras canzuns fetg enconuschentas ein ''Arva la mar'', ''Tschicago'', ni ''Da mai se''. Duas da sias chanzuns ein vegnidas elegidas il 2011 ed il 2016 per la gliesta ''Top Pop Rumantsch''.<ref>[https://www.rtr.ch/cultura/top-pop-rumantsch-survista-da-tut-las-ediziuns ''Gliesta Top Pop Rumantsch'']; consultau ils 17 d'uost 2026.</ref> Gamboni lavura adina puspei ensemen cun artists da differentas spartas. Cul scribent [[Arno Camenisch]] ha el dau sia atgna nota al gener dalla prelecziun accumpignada musicalmein<ref>[https://www.youtube.com/watch?v=y6GXq2rHZyw ''Prelecziun musicala cun Arno Camenisch'']; consultau ils 17 d'uost 2026.</ref> ed el ha cumponiu la musica per l'adattaziun da teater dad in cudisch da Camenisch. Medemamein ha el cumponiu la musica per dus films svizzers (''Szenen einer Jagd (Three Weeks in September)'' da Carlo Beer e ''Suot tschêl blau (Under Blue Skies)'' dad Ivo Zen.<ref>[https://www.swissfilms.ch/en/person/pascal-gamboni/8f57d3dcc896486b8d61ad119732b58e ''Musica da film da Pascal Gamboni'']; consultau ils 17 d'uost 2026.</ref> Plinavon cooperescha Gamboni regularmein vid projects e luvratoris da scolaziun da musica en classas da scola ed accumpogna savens classas da yoga cun musica ruasseivla. Gamboni ha gudignau pliras renconuschientschas, premis e distincziuns el rom da cultura e musica, e sia veta ed ovra ei vegnida documentada sin [[Radiotelevisiun Svizra Rumantscha|RTR]]. Pascal Gamboni ei bab dad in fegl e viva a Berna.<ref>[https://www.rtr.ch/cultura/musica/live-en-il-studio-sis-giadas-pascal-gamboni-solo ''Emissiun ''Giuventetgna'' sin RTR dils 18 d'october 2019'']; consultau ils 17 d'uost 2026.</ref> == Premis e distincziuns == * 2003: Premi da la concurrenza per artistas e artists professiunals dil cantun Grischun<ref>[https://www.gr.ch/staka/doks/2003/beilage_kultur_kw23_05-06-03.pdf ''Premi per persunas el rom da cultura dil Grischun'']; consultau ils 17 d'uost 2026.</ref> * 2015: [[Radio SRF 3]] Best Talent Award december 2015<ref>[https://www.srf.ch/radio-srf-3/musik/srf-3-best-talent/srf-3-best-talent-best-talent-december-2015-pascal-gamboni ''SRF3 Best Talent Award 2015'']; consultau ils 17 d'uost 2026.</ref> * 2015: Premi da promoziun dil cantun Grischun<ref>[https://www.gr.ch/DE/institutionen/verwaltung/ekud/afk/kfg/kulturfoerderung/wpk/Documents/wpk_%C3%Bcbersicht_werkbeitr%C3%A4ge_1998-2025.pdf ''Premi da promoziun dil cantun Grischun'']; consultau ils 17 d'uost 2026.</ref> * 2019: Bündner Music Award dalla casa editura [[Somedia]]<ref>[https://www.rtr.ch/cultura/musica/buendner-music-award-premi-per-pascal-gamboni ''Bündner Music Award'']; consultau ils 17 d'uost 2026.</ref> * 2019: Premi da renconuschientscha dil cantun Grischun: Il musicist ha chattà in tun che tira ord simpladad, profunditad e forza.<ref>[https://www.gr.ch/DE/institutionen/verwaltung/ekud/afk/kfg/kulturfoerderung/kulturpreise/Documents/Kpreise%20Preistr%C3%A4gerInnen%20Stand%202025_d.pdf ''Premi da renconuschientscha dil cantun Grischun'']; consultau ils 17 d'uost 2026.</ref> == Discografia == * 1997 Ils Passiunai – Sen Plaz Scola (EP) * 2001 Ils Passiunai – Steilas da Grep * 2002 Cléan – Room 16 (EP) * 2002 Cléan – More or Less the Truth * 2003 Cléan – Universal Language * 2005 Temple Thief – Never Tired Again * 2007 Temple Thief – Temple Thief II * 2009 Sun Gone Mad – D(r)iving Music (2 DCs) * 2009 Pascal Gamboni – Siat Vanauns * 2011 Sun Gone Mad – Yesterday Will Never Happen (EP) * 2011 Pascal Gamboni & Sun Gone Mad – As Fiug? * 2012 Pascal Gamboni – Seed of song * 2012 Pascal Gamboni & Rees Coray – I am THE SONG is me * 2012 Pascal Gamboni & & Eveline Rütschlin – Buddha Verboten * 2013 Pascal Gamboni – Tiara * 2014 Pascal Gamboni & Sander Timmermans * 2015 Pascal Gamboni – La Ventira * 2016 Pascal Gamboni & Rees Coray – Veta Gloriusa * 2018 Pascal Gamboni – Da Mai Se * 2019 Pascal Gamboni – Everybody Wants The Honey * 2020 Pascal Gamboni – Arva La Mar (Best of 2007-2020) * 2022 Pascal Gamboni – Sut La Pial * 2024 Pascal Gamboni – Caos El Paradis * 2024 Pascal Gamboni – Alpine Lo-Fi * 2026 Pascal Gamboni – Mia Barca == Discografia (ulteriurs projects) == * 2011 Arno Camenisch & Pascal Gamboni – Live (prelecziun/conzert) * 2015 Pascal Gamboni – Musica da teater per ''Las Flurs Dil Di'' dad [[Arno Camenisch]] * 2020 Pascal Gamboni – Musica da film per ''Suot Tschêl Blau (Under Blue Skies)'' von [[Ivo Zen]] == Colligiaziuns == {{Commonscat}} * [https://www.pascalgamboni.ch// Pagina persunala silla reit] * [https://mx3.ch/pascalgamboni Musica da Pascal Gamboni sin Mx3 (plattafuorma da musica) * [https://www.discogs.com/de/search?q=pascal+gamboni&type=all Pascal Gamboni sin Discogs] == Annotaziuns == <references /> {{DEFAULTSORT:Gamboni, Pascal}} [[Categoria:Musicists]] [[Categoria:Chantadurs]] [[Categoria:Persunas dal 20avel tschientaner]] [[Categoria:Persunas svizras]] [[Categoria:Persunas grischunas]] [[Categoria:Persunas rumantschas]] [[Categoria:Umens]] jaryvi51stfa1xmmnzxuntyrrio4gos 172918 172917 2026-08-18T07:47:54Z Perscrutader 22999 Perscrutader ha spustà la pagina [[Wikipedia:Plazza da gieu]] a [[Wikipedia:Pascal Gamboni]]: publicar in niev artechel 172917 wikitext text/x-wiki {{Sursilvan}} [[File:Pascal Gamboni 2026.jpg|mini|Pascal Gamboni, 2026]] '''Pascal Gamboni''' (* 1977 a [[Sedrun]]) ei in cantadur, cumponist e musicist svizra. El conta per romontsch ed engles. == Veta == Pascal Gamboni ei carschius si da lungatg-mumma romontsch a [[Sedrun]] nua ch'el ha fundau sco giuvenil il duo ''Ils Passiunai''. El ha frequentau il gimnasi da musica a Feldkirch ([[Austria]]). Suenter in sviament a [[Vienna]] per studegiar la ghitara classica eis el serendius vinavon ell'Engheltiara nua ch'el ha passentau diesch onns, igl emprem a Bristol e lu a Londra. El ha iniziau plirs projects da bands (''Cléan'', ''Temple Thief'', ''Sun gone mad'') ed ei staus support act dalla turnea dils Stranglers 2002. Suenter siu retuorn en Svizra eis el seconcentraus sin musica da lungatg romontsch, oravontut en siu dialect [[Tuatschin]]. El ha sunau al Montreux Jazz Festival, al CMJ Festival a New York, agl Openair Lumnezia, al ''Moon and Stars'' a Locarno e pliras gadas al RockSedrun, in festival en siu liug nativ ch'el ha gidau a fundar.<ref>[https://www.r-tunes.ch/artists/pascal-gamboni ''Curriculum vitae da Pascal Gamboni'']; consultau ils 17 d'uost 2026.</ref> Gamboni ei in dils musicists ils pli productivs dil Grischun. El producescha dapi 2009 surtut albums da solo ch'el cumpona, registrescha, suna e conta sez. Il criticher da musica [[Benedetto Vigne]] descriva la musica da Gamboni aschia: «Schegie che sias canzuns ein minimalas e reservadas, perschuadan ellas cun ina enorma varietad, ellas resplendan aschidadir igl univers en ina crosa da nuschs.»<ref>Artechel da gasetta ''Die Suche nach dem Honig des Lebens'' ella Südostschweiz, ils 25 d'october 2024.</ref> Gamboni caracterisescha siu stil da musica sco «alpine low-fi» per indicar che sia musica seigi francada ellas muntognas e ch'el registreschi cun siu studio portabel musica nua che ramurs secundaras astgien e dueigien haver plaz: Pli impurtont che la mischeida perfetga seigi la registraziun momentana ed immediata.<ref>[https://www.rtr.ch/play/tv/late-lounge/video/pascal-gamboni-i-late-lounge-live-1-i-rtr-stafla-1-episoda-1?urn=urn:rtr:video:0429378e-23ce-4f02-8470-347b162847e3 ''Emissiun Late Lounge Live auf RTR'']; consultau ils 17 d'uost 2026.</ref> Ina da sias pli enconuschentas canzuns ei ''Unics '09'' ch'ei daventada ella [[Surselva]] il himni inufficial dalla generaziun giuvna e vegn cantada da biars chors. En quella canzun descriva Gamboni a moda ironica veta e mintgadi dils Romontschs, il lungatg che mo paucs pli tschontschien e che seigi perquei unics ("nus essan unics"). Autras canzuns fetg enconuschentas ein ''Arva la mar'', ''Tschicago'', ni ''Da mai se''. Duas da sias chanzuns ein vegnidas elegidas il 2011 ed il 2016 per la gliesta ''Top Pop Rumantsch''.<ref>[https://www.rtr.ch/cultura/top-pop-rumantsch-survista-da-tut-las-ediziuns ''Gliesta Top Pop Rumantsch'']; consultau ils 17 d'uost 2026.</ref> Gamboni lavura adina puspei ensemen cun artists da differentas spartas. Cul scribent [[Arno Camenisch]] ha el dau sia atgna nota al gener dalla prelecziun accumpignada musicalmein<ref>[https://www.youtube.com/watch?v=y6GXq2rHZyw ''Prelecziun musicala cun Arno Camenisch'']; consultau ils 17 d'uost 2026.</ref> ed el ha cumponiu la musica per l'adattaziun da teater dad in cudisch da Camenisch. Medemamein ha el cumponiu la musica per dus films svizzers (''Szenen einer Jagd (Three Weeks in September)'' da Carlo Beer e ''Suot tschêl blau (Under Blue Skies)'' dad Ivo Zen.<ref>[https://www.swissfilms.ch/en/person/pascal-gamboni/8f57d3dcc896486b8d61ad119732b58e ''Musica da film da Pascal Gamboni'']; consultau ils 17 d'uost 2026.</ref> Plinavon cooperescha Gamboni regularmein vid projects e luvratoris da scolaziun da musica en classas da scola ed accumpogna savens classas da yoga cun musica ruasseivla. Gamboni ha gudignau pliras renconuschientschas, premis e distincziuns el rom da cultura e musica, e sia veta ed ovra ei vegnida documentada sin [[Radiotelevisiun Svizra Rumantscha|RTR]]. Pascal Gamboni ei bab dad in fegl e viva a Berna.<ref>[https://www.rtr.ch/cultura/musica/live-en-il-studio-sis-giadas-pascal-gamboni-solo ''Emissiun ''Giuventetgna'' sin RTR dils 18 d'october 2019'']; consultau ils 17 d'uost 2026.</ref> == Premis e distincziuns == * 2003: Premi da la concurrenza per artistas e artists professiunals dil cantun Grischun<ref>[https://www.gr.ch/staka/doks/2003/beilage_kultur_kw23_05-06-03.pdf ''Premi per persunas el rom da cultura dil Grischun'']; consultau ils 17 d'uost 2026.</ref> * 2015: [[Radio SRF 3]] Best Talent Award december 2015<ref>[https://www.srf.ch/radio-srf-3/musik/srf-3-best-talent/srf-3-best-talent-best-talent-december-2015-pascal-gamboni ''SRF3 Best Talent Award 2015'']; consultau ils 17 d'uost 2026.</ref> * 2015: Premi da promoziun dil cantun Grischun<ref>[https://www.gr.ch/DE/institutionen/verwaltung/ekud/afk/kfg/kulturfoerderung/wpk/Documents/wpk_%C3%Bcbersicht_werkbeitr%C3%A4ge_1998-2025.pdf ''Premi da promoziun dil cantun Grischun'']; consultau ils 17 d'uost 2026.</ref> * 2019: Bündner Music Award dalla casa editura [[Somedia]]<ref>[https://www.rtr.ch/cultura/musica/buendner-music-award-premi-per-pascal-gamboni ''Bündner Music Award'']; consultau ils 17 d'uost 2026.</ref> * 2019: Premi da renconuschientscha dil cantun Grischun: Il musicist ha chattà in tun che tira ord simpladad, profunditad e forza.<ref>[https://www.gr.ch/DE/institutionen/verwaltung/ekud/afk/kfg/kulturfoerderung/kulturpreise/Documents/Kpreise%20Preistr%C3%A4gerInnen%20Stand%202025_d.pdf ''Premi da renconuschientscha dil cantun Grischun'']; consultau ils 17 d'uost 2026.</ref> == Discografia == * 1997 Ils Passiunai – Sen Plaz Scola (EP) * 2001 Ils Passiunai – Steilas da Grep * 2002 Cléan – Room 16 (EP) * 2002 Cléan – More or Less the Truth * 2003 Cléan – Universal Language * 2005 Temple Thief – Never Tired Again * 2007 Temple Thief – Temple Thief II * 2009 Sun Gone Mad – D(r)iving Music (2 DCs) * 2009 Pascal Gamboni – Siat Vanauns * 2011 Sun Gone Mad – Yesterday Will Never Happen (EP) * 2011 Pascal Gamboni & Sun Gone Mad – As Fiug? * 2012 Pascal Gamboni – Seed of song * 2012 Pascal Gamboni & Rees Coray – I am THE SONG is me * 2012 Pascal Gamboni & & Eveline Rütschlin – Buddha Verboten * 2013 Pascal Gamboni – Tiara * 2014 Pascal Gamboni & Sander Timmermans * 2015 Pascal Gamboni – La Ventira * 2016 Pascal Gamboni & Rees Coray – Veta Gloriusa * 2018 Pascal Gamboni – Da Mai Se * 2019 Pascal Gamboni – Everybody Wants The Honey * 2020 Pascal Gamboni – Arva La Mar (Best of 2007-2020) * 2022 Pascal Gamboni – Sut La Pial * 2024 Pascal Gamboni – Caos El Paradis * 2024 Pascal Gamboni – Alpine Lo-Fi * 2026 Pascal Gamboni – Mia Barca == Discografia (ulteriurs projects) == * 2011 Arno Camenisch & Pascal Gamboni – Live (prelecziun/conzert) * 2015 Pascal Gamboni – Musica da teater per ''Las Flurs Dil Di'' dad [[Arno Camenisch]] * 2020 Pascal Gamboni – Musica da film per ''Suot Tschêl Blau (Under Blue Skies)'' von [[Ivo Zen]] == Colligiaziuns == {{Commonscat}} * [https://www.pascalgamboni.ch// Pagina persunala silla reit] * [https://mx3.ch/pascalgamboni Musica da Pascal Gamboni sin Mx3 (plattafuorma da musica) * [https://www.discogs.com/de/search?q=pascal+gamboni&type=all Pascal Gamboni sin Discogs] == Annotaziuns == <references /> {{DEFAULTSORT:Gamboni, Pascal}} [[Categoria:Musicists]] [[Categoria:Chantadurs]] [[Categoria:Persunas dal 20avel tschientaner]] [[Categoria:Persunas svizras]] [[Categoria:Persunas grischunas]] [[Categoria:Persunas rumantschas]] [[Categoria:Umens]] jaryvi51stfa1xmmnzxuntyrrio4gos 0 14796 172916 172616 2026-08-18T06:51:15Z Perscrutader 22999 Maletg remplazzau 172916 wikitext text/x-wiki {{Sursilvan}} [[File:Ursina Giger 2026.jpg|mini|Ursina Giger]] '''Ursina Giger''' (* 6 d'uost 1985 a [[Mustér]]) ei ina cantadura, cumponista e musicista svizra. == Veta == Ursina Giger ei gia duront siu temps da scola s'interessada per la musica ed ei vegnida instruida en cant classic e clavazin. Suenter la matura al gimnasi da Mustér eis ella ida a Turitg per far il cuors preliminar dalla Scola da jazz Turitg. Agl institut da jazz dalla scola aulta da Lucerna ha ella studegiau musica. Il 2009 ha ella fatg il Bachelor of Arts in Music cun cant el rom principal tier Susanne Abbuehl e Lauren Newton. Ella ha finiu siu studi cul master en pedagogia da musica il 2012. Duront siu studi da master ha Ursina studegiau el program Erasmus+ in onn al Rytmisk Musikkonservatorium København (Danemarc) tier Hanne Boel e Django Bates. A Kopenhagen ha ella fatg musica cun musicists e musicistas da tut la Scandinavia e fundau cun tals la band Ursina’s Danish Laboratory che ha publicau il 2012 la EP «Lontan» cun tschun empremas atgnas cumposiziuns. Ursina cumpona e scriva atgnas canzuns per romontsch ed engles. Siu project principal ei sia band URSINA che exista dapi 2012. Il 2013 ed il 2014 ein las empremas duas EPs cumparidas che Ursina ha cumponiu e produciu en atgna reschia. Ultra da quei ha la band gudignau il Swiss Live Talents National Language and Public Award. Igl onn 2015 ha Ursina survegniu la contribuziun per lavur culturala professiunala dil cantun Grischun per luvrar vid in niev album. Igl album «You Have My Heart» ch'ei cumparius il 2017 ei staus il resultat da quella contribuziun. Igl album ei vegnius registraus e producius a Berlin da Pola Roy, il battarist dalla band tudestga Wir sind Helden. Ina turnea da concerts ha menau URSINA atras la Svizra, la Tiaratudestga, l’Austria e la Hollanda. Il secund album «When I Let Go», producius en collaboraziun cun l’Irlandes David Odlum, ei cumparius il 2021. Per il giubileum da 10 onns dalla band URSINA ei la EP «Acoustic Variations» cumparida igl avrel 2022 - ina collecziun da canzuns existentas dad URSINA. Ils arranschaments per questa EP ein vegni reduci sapientivamein aschia che las novas versiuns acusticas per sediferenziar dallas versiuns gia registradas. Las registraziuns ein vegnidas fatgas per l’emprema gada egl agen local d'emprova en collaboraziun cun ils dus commembers Vojko Huter (ghitara) e Florian Egli (bass, registraziuns e mix). Sper l’atgna band sefatschenta Ursina adina puspei cun canzuns popularas rumantschas che ein sias ragischs musicalas. Ensemen cun Corin Curschellas ed Astrid Alexandre elaborescha ella canzuns popularas per treis vuschs e representa ellas sco LA TRIADA. Las treis cantaduras han publicau il 2015 in album cul medem num, cun ina collecziun da 34 canzuns da tut la Romontschia. Il secund album «Chantinadas» ei cumparius el decuors digl onn 2022<ref>[https://www.rtr.ch/cultura/chantinadas-la-triada-12-mais-24-chanzuns-3-vuschs ''LA TRIADA: 12 mais – 24 chanzuns – 3 vuschs''], consultau ils 22 da fevrer 2026.</ref>, denton buca sco portatun mobein sco abonnament digital da canzuns che accumpogna ils auditurs tematicamein atras igl onn e che porscha sper las registraziuns era notas, translaziuns ed ulteriuras informaziuns sur da mintga canzun populabara. LA TRIADA stat adina puspei sin tribuna ell’entira Svizra. In niev project «Chanterlottas» ei naschius il 2024. Quel ha la finamira da render enconuschent a famiglias canzuns d’affons da tut ils idioms romontschs. Ursina viva cun sia famiglia a Turitg e discuora romontsch cun ses affons. Aschia eis ei vegniu adina pli cunscient ad ella ch’ei dat fetg bia bialas canzuns d’affons romontschas ch'ein denton idas en emblidonza. Ensemen cun siu partenari Florian Egli conta, suna e producescha ella registraziuns modernas da quellas canzuns existentas. Il 2026 ei cumparius in abonnament da canzuns cun 24 canzuns. La canzun «Miu cor» digl album «When I Let Go» ei l’emprema canzun romontscha sin Netflix. Ella ei vegnida duvrada il 2022 en l’emprema episoda dalla secunda stafla dalla seria ''Warrior Nun'' en ina scena che gioga en ina bar svizra.<ref>[https://web.archive.org/web/20200625000000/https://https//udn.com/news/story/121424/4659358://www.rtr.ch/novitads/grischun/warrior-nun-musica-rumantscha-en-seria-da-netflix ''L' emprema canzun romontscha sin Netflix: «Miu cor» dad URSINA''], consultau ils 22 da fevrer 2026.</ref> == Honurs e premis == * 2013: Contribuziun d'ovra dil cantun e dil marcau Lucerna (Stimmorchester) <ref>[https://kulturfoerderung.lu.ch/Ausschreibungen/Selektive_Foerderung/archiv/Stimmorchester ''Sustegn e communicaziun da cultura dil cantun e dil marcau Lucerna''], consultau ils 22 da fevrer 2026.</ref> * 2013: Swiss Live Talents, Premi dil publicum e premi "National Language" <ref>[https://web.archive.org/web/20180701003655/https://www.suedostschweiz.ch/kultur/triumph-fuer-buendner-saengerin-bei-swiss-live-talents ''Swiss Live Talents 2013''], consultau ils 22 da fevrer 2026.</ref> * 2013: Premi da promoziun dil cantun Grischun * 2015: Contribuziun per cultura professiunala dil cantun Grischun <ref>[https://www.suedostschweiz.ch/panorama/2015-06-08/200-000-franken-fur-zehn-bundner-kunstler ''Cantun Grischun''], consultau ils 22 da fevrer 2026.</ref> == Discografia (URSINA) == * 2012 Ursina’s Danish Laboratory – Lontan EP * 2013 URSINA – Time Is A Thief EP * 2014 URSINA – Hiding Behind A Mask EP * 2017 URSINA – You Have My Heart (Radicalis Music) * 2021 URSINA – When I Let Go (Radicalis Music) * 2022 URSINA – Acoustic Variations == Discografia (ulteriurs projects cun artists differents) == * 2012 Quintinò – Sco Alas * 2014 Stimmorchester – Room (Unit Records) * 2015 La Triada – La Triada (r-tunes) * 2019 Pascal Gamboni – Everybody Wants The Honey (r-tunes) * 2021 Martin Bezzola – Il lung viadi * 2022 La Triada – Chantinadas (r-tunes) * 2025 Trummer - Ir Brandig (Tourbomusic) * 2026 Chanterlottas (abonnament da canzuns) == Colligiaziuns == {{Commonscat}} * [https://www.ursinamusic.com/ Pagina persunala silla reit] * [https://www.playsuisse.ch/detail/1341015?locale=rm Concert dad URSINA sin RTR emissiun Late Lounge Live] * [https://www.rtr.ch/play/tv/cuntrasts/video/art-en-dus-ursina-giger-e-florian-egli---musica-famiglia-e-carriera?urn=urn:rtr:video:5aa56867-11a6-45d4-a4d9-835322cdaad0 Art en dus: Ursina Giger & Florian Egli (emissiun Cuntrasts sin RTR)] * [https://www.youtube.com/watch?v=5dtdPltTYtA Chalet Session #23: Ursina suna en ina stalla a Disla] * [https://mx3.ch/home/search?q=ursina Musica dad Ursina] sin Mx3 (plattafuorma da musica) == Annotaziuns == <references /> {{DEFAULTSORT:Giger, Ursina}} [[Categoria:Musicists]] [[Categoria:Chantadurs]] [[Categoria:Persunas dal 20avel tschientaner]] [[Categoria:Persunas svizras]] [[Categoria:Persunas grischunas]] [[Categoria:Persunas rumantschas]] [[Categoria:Dunnas]] 4g2qmmohjp27vr7dpqod5t0hn3q215a 4 14917 172919 2026-08-18T07:47:54Z Perscrutader 22999 Perscrutader ha spustà la pagina [[Wikipedia:Plazza da gieu]] a [[Wikipedia:Pascal Gamboni]]: publicar in niev artechel 172919 wikitext text/x-wiki #RENVIAMENT [[Wikipedia:Pascal Gamboni]] jn81mi31gws23mapx0ny1kgp8h4dosn