Wikipedia vewiki https://ve.wikipedia.org/wiki/Hayani MediaWiki 1.47.0-wmf.15 first-letter Media Special Talk User User talk Wikipedia Wikipedia talk File File talk MediaWiki MediaWiki talk Template Template talk Help Help talk Category Category talk TimedText TimedText talk Module Module talk Event Event talk 0 6021 22883 2026-08-17T09:11:00Z Barbiey 9401 Created by translating the page "[[:en:Special:Redirect/revision/1320662487|Connectivity (media)]]" 22883 wikitext text/x-wiki == Tsumbo ya nḓila ine khumbelo dza shuma ngayo == Feisibuku i nga shuma sa tsumbo ya vhudi ya vhuhashi .Van Dijw o amba nga ha zwithu zwiraru zwine zwa tshimbidzana na maitele a u laṱwa ha mitalo ya muvhili, zwe zwa fhedza zwi tshi khou ita uri hu vhe na kuṅwalele kwa maipfi madanda na musiki wayo..ndi dzi pulatifomo, dzi thivhelaho u ita zwithu nga ndayo tewo. Vhagudi vhanzhi (van Dijck, Gillespie) vho amba kha mishumo yavho u sa pfala ha ipfhi "pulatifomo" ḽine ḽa fulufhedzisa u ḓisa u vulea, tswikelelo, u sa dzhia sia na u thusa vhathu u fhaṱa vhuṱumani ha matshilisano na u shela mulenzhe kha mishumo ya kha inthanethe, fhedzi zwa vhukuma zwi amba tshivhumbeo tsho serekanaho tsha nyanḓadzamafhungo sa mbuelo ya vhashumisi. Kha phurothokhoḽo na vhukwamani, dzialgorithimu dzi re murahu ha pulatifomo a dzi vhonali dzi khagala nahone dzi ṋekedzwa mushumisi sa vhapfumbudzi "ha u dzula vha tshi kwamana"u ṱumana, vha tshi ṱuṱuwedza u ita vhuṱumani honoho, fhedzi nga tshifhinga tshithihi pulatifomo yone iṋe "i leludza u ṱahulela 'vhushaka vhu si na nungo' khathihi na u bveledza 'thambo dzo khwaṱhaho'". <ref name="facebook" /> Ngauralo, vhuṱumani vhu vha lushaka luswa lwa khaphithaḽa ya matshilisano yo wanalaho u bva kha milayo ya u shuma ya pulatifomo. 2pn2ee6svmmlj0ebmgwwgm9zxhbnc6p 0 6022 22884 2026-08-17T10:03:10Z Friend19 9397 Created by translating the page "[[:en:Special:Redirect/revision/1339806847|Madlanga Commission]]" 22884 wikitext text/x-wiki  {{Reflist}} '''Khomishini ya Vhuhaṱuli ya Ṱhoḓisiso kha Vhugevhenga, U Dzhenelela ha Poḽotiki, na Tshanḓa nguvhoni kha Sisiṱeme ya Vhulamukanyi ha Vhugevhenga''', ine ya ḓivhiwa khwine sa '''Khomishini ya Madlanga''', ndi ṱhoḓisiso ya tshitshavha yo ḓivhadzwaho nga Ṱhafamuhwe 2025 nga Muphuresidennde [[Cyril Ramaphosa|Vho Cyril Ramaphosa]] nahone yo rangwa phanḓa nga muhaṱuli wa kale Vho Mbuyiseli Madlanga u itela u ṱoḓisisa milandu ya u pomoka kana i songo khwathisedzwaho . Milandu iyo i khou bviselwa khagala nga mudzhenerala Vho Nhlanhla Mkhwanazi zwi tshi kwamana na tshanḓa nguvhoni vhukati ha vhorapolotiki, mapholisa mahulwane, vhatshutshisi, vhashumi na vha vhuṱoli na zwipiḓa zwa vhuhaṱuli, [[Afurika Tshipembe|Afrika Tshipembe]] . I khou rangwa phanḓa nga Muhaṱuli wa kale wa khothe ya Ndayotewa Vho Mbuyiseli Madlanga . U thetsheleswa ha milandu ho thoma nga ḽa 17 Tshimedzi 2025 nga vhuṱanzi ha Lieutenant General Nhlanhla Mkhwanazi, he vha ṱalutshedza mavharivhari avho nga vhuḓalo na u ṋetshedza vhuṱanzi he vha vha vhe naho, nga tshivhumbeo tsha maṅwalo, vhudavhidzani, na mivhigo, vhukati ha vha pomokedzwa, u itela u khwaṱhisedza vhungoho ha mavharivhari avho. O tevhelaho hu tshibva Vho Mkwanazi, ho vha Khomishinari wa Lushaka wa Tshumelo ya Mapholisa ya Afrika Tshipembe, Dzhenerala Vho Fannie Masemola vhe vha ṋea vhuṱanzi kha Khomishini ya Madlanga nga ḽa 22 Khubvumedzi 2025 ngei [[Pretoria]] . Nga dzi 29 Khubvumedzi 2025, muhulwane wa Vhuṱoli ha Vhugevhenga Vho Dumisani Khumalo vho ṋetshedza mafhungo nga vhudalo uri zwiito izwi zwitovha na tshigwada tsho dzudzanyeaho tsha vhugevhenga. Tshigwada itsho tshi vhidzwa upfi "Big Five". Vho amba nga ha Cartel, ine ya vha Gauteng, ine ya khou humbulelwa uri i khou shela mulenzhe kha sekithara dzo fhambanaho dza vhugevhenga ho dzudzanywaho, hu tshi katelwa na u rengisa zwidzidzivhadzi, u dzhia vhathu nga nḓila i si yavhuḓi, vhufhura ha thandela, na u vhulaha vhathu nga thendelano. == Tsiangane == Nga ḽa 6 Ṱhafamuhwe, Khomishinari wa Mapholisa wa KwaZulu-Natal Lefuthenthe Dzheneraḽa Vho Nhlanhla Mkhwanazi vho fara nyambedzano na vhoramafhungo Ofisini Khulwane dza Vunḓu dza SAPS ngei Durban. Musi hu tshi khou ṋetshedzwa vhuṱanzi, vho pomoka Minisiṱa wa Mapholisa wa tshenetsho tshifhinga Vho Senzo Mchunu uri vho dzhenelela kha ṱhoḓisiso dzine dza khou bvela phanḓa. Nga murahu ha zwenezwo Vho-Mkhwanazi vho ṅwalisa mbilaelo ya vhugevhenga kha Vho-Mchunu, vha tshi khou pomoka u dzhenelela ha zwa polotiki kha mushumo wa Tshigwada tsha Mushumo tsha Mabulayo a zwa Poḽotiki tsha Tshumelo ya Mapholisa ya Afrika Tshipembe, tshe tsha vha tsho thomiwa u itela u sedzulusa mabulayo o ṱuṱuwedzwaho nga zwa polotiki. == Maitele na u bvisela khagala vhuṱanzi ha ndeme (Khubvumedzi – Fulwi 2025) == U thetsheleswa ha milandu nga tshitshavha, zwe zwa thoma vhukati ha Tshimedzi 2025, zwo ṱavhanya u bvukulula zwivhumbeo zwa u dzhenelela ha poḽotiki hune ha khou humbulelwa na u dzhena ha vhugevhenga ho dzudzanywaho. === Vhuṱanzi ha u dzhenelela kha zwa polotiki === Luṱa lwa u thoma lwa u thetshelesa ho vha ho sedzeswa kha mavharivhari a ndeme o itwaho nga Mulefuṱentsi Mudzhenerala Vho Mkhwanazi. Mkhwanazi o ṋetshedza vhuṱanzi ho fhelelaho, a tshi sumbedza u dzhenelela ha zwa poḽotiki na ndaela dzi timatimisaho dze a dzi wana u bva kha vhaofisiri vhahulwane vha muvhuso malugana na mishumo ya mapholisa. Nga murahu ha Vho Mkhwanazi, Khomishinari wa Lushaka wa Tshumelo ya Mapholisa ya Afrika Tshipembe, Dzhenerala Vho Fannie Masemola, vho ṋea vhuṱanzi nga ḽa 22 Tshimedzi 2025 ngei [[Pretoria]] . Vhuṱanzi ha Vho Masemola ho vha ho sedza nga maanḓa kha tsheo dza mushumo na dza vhulanguli dzo ṱanganaho na u dzhenelela hune ha khou humbulelwa, hu tshi katelwa na tsheo ya vhusimamilayo ya u fhaladza Tshigwada tsha Mushumo tsha Mabulayo a Poḽotiki tsha KwaZulu-Natal. Zwa ndeme vhukuma, u ṋekedza ha Masemola zwo khwaṱhisedza vhukuma zwe Mkhwanazi a zwi amba u thomani. U khwaṱhisedzwa uhu ha tshiofisi u bva kha ṱhoho ya SAPS ho vha mveledziso ya ndeme, ho takusa mbilaelo dza Mkhwanazi u bva kha u sa tendelana ha poḽotiki u ya kha mbuno yo ṱanganedzwaho vhukati ha vhurangaphanḓa ha nṱha ha mapholisa, ngauralo zwa khwaṱhisa mutheo wa mafhungo wa ṱhoḓisiso. === U dzhena ha vhutshinyi ho dzudzanywaho: Vhuṱanzi nga ha tshigwada tsha "Big Five" === Nḓila ya ṱhoḓisiso yo shanduka vhukuma nga ḽa 29 Tshimedzi 2025, musi muhulwane wa Vhuṱoli ha Vhugevhenga Mulefuṱentsi Mudzhenerala Vho Dumisani Khumalo vha tshi dzhia vhuimo. Vhuṱanzi ha Khumalo ho ṋetshedza mafhungo o fhelelaho nga ha u dzhena ha zwishumiswa zwa muvhuso nga zwiimiswa zwa vhugevhenga zwo dzudzanywaho zwo bvelelaho. Khumalo o ḓivhadza vhuṱanzi malugana na tshigwada tsho bvelelaho tsho ṅwalwaho " Big Five ," tshine tsha dovha tsha vhidzwa sa "Cartel," tshine tsha shuma zwihuluhulu nnḓa ha Gauteng. Mishumo ine ya khou humbulelwa ya tshigwada itshi ndi yo fhambanaho, i katela sekithara khulwane dza vhutshinyi ho dzudzanywaho, hu tshi katelwa na u rengisa zwidzidzivhadzi, u dzhia vhathu nga nḓila i si yavhuḓi, vhufhura ha thandela, na u vhulaha vhathu nga thendelano. Zwiṅwe hafhu, Vho Khumalo vho bvisela khagala zwidodombedzwa zwo khetheaho zwa masheleni na vhudavhidzani, hu tshi katelwa na milaedza ya WhatsApp ye ya ṋetshedza vhuṱanzi ha thengiselano dzi siho mulayoni, zwihuluhulu zwidodombedzwa zwa mbadelo dzo itwaho nga Vho Vusimuzi ‘Cat’ Matlala kha Vho Brown Mogotsi . U bviselwa khagala uhu ha vhuṱanzi ho ṱalutshedza hafhu nga nḓila ya mutheo ndivho ya Khomishini, zwi tshi khwaṱhisedza ṱhoḓea ya themo dzo khetheaho dza ṱhalutshedzo dzine dza khou tandulula "u leludza vhugevhenga ho dzudzanywaho". Nzumbululo dzo khwaṱhisedza uri u kundelwa ha sisiṱeme ya muvhuso a zwo ngo guma kha tshanḓa nguvhoni dza poḽotiki fhedzi fhedzi zwo katela u thubiwa ha muvhuso nga nethiweke dza vhugevhenga ha khakhathi, zwine zwa kwama thwii tsireledzo ya tshitshavha na vhuḓifulufheli ha ikonomi. === Vhuṱanzi ha tshidzumbe === Vharangaphanḓa vha vhuṱanzi vha khomishini vha amba uri sesheni dzo valwaho (dzo valwaho kha tshitshavha na nyanḓadzamafhungo) dzi a ṱoḓea u itela u tsireledza ṱhanzi dza ndeme dzine dza ḓo dzhenisa tshigwada tsha vhugevhenga kha vhuṱanzi , khathihi na u tsireledza thekhinikha dza ṱhoḓisiso dzi ṱhogomelwaho. Daily Maverick na News24 vho thoma khaedu ya mulayo kha khumbelo ya Khomishini ya Ṱhoḓisiso ya Madlanga ya u fara vhege ya thetsheleso dzayo "nga khamera". Nnḓu dza nyanḓadzamafhungo dzi hanedza hezwi, dzi tshi amba nga ha mulayo wa ndayotewa wa vhulamukanyi ho vuleaho na u amba uri u tendelana hu fanela u tendela tsheo dza u vala dzi tshi dzhiiwa u ya nga nyimele nga nyimele. === U isa phanḓa na khomishini . === Tshipikwa tsha zwenezwino tsha Khomishini ya Madlanga tsho sedza kha nyambedzano dza WhatsApp dzine dza khou pomoka tshanḓa nguvhoni vhukati ha muraḓo ane a khou humbulelwa wa tshigwada tsha zwidzidzivhadzi Vho Vusimuzi "Cat" Matlala na vhaofisiri vhahulwane vha muvhuso na mapholisa. Vhuṱanzi vhu bvaho kha "Ṱhanzi X" ho bvisela khagala vhushaka vhu vhuedzaho vhukati ha Matlala na ṱhoho ya KwaZulu-Natal Hawks Major-Dzhenerala [[Lesetja Senona]], vha tshi pomoka Senona uri o kovhelana mafhungo a tshiphiri a mapholisa na Matlala na u haseledza nga ha u leludza thendelano ya thundu ya murwa wawe. Nyambedzano dzo isa phanḓa na u sumbedza ṱhuṱhuwedzo ya Matlala, musi a tshi humbela Muthusa Muhulwane wa Mapholisa wa Muhasho wa Mapholisa wa Ekurhuleni Metro Vho -Julius Mkhwanazi uri vha "thuse" na u "dzhenelela" kha u farwa ha mureili wa Matlala nga luvhilo luhulu, zwine hu pfi Vho-Mkhwanazi vho zwi ita. <ref name=":0" /> Nga ṅwambo wa mbilaelo nga ha tsireledzo na mafhungo a thekhinikhala e a vha hone nga tshifhinga tsha vhuṱanzi ha kule, khomishini yo dzudzanya maitele ayo uri a katele vhuṱanzi ha khamera (ho valwaho) na ha kule, nnḓa ha khamera ha ṱhanzi dzi re na vhuṱungu na ṱhoḓisiso dzine dza khou bvela phanḓa. === U vhulawa ha Ṱhanzi D === Nga dzi 5 Nyendavhusiku 2025 Marius van der Merwe, muṋe wa khamphani ya tsireledzo ya phuraivethe nahone a ḓivhiwa nga khomishini sa "Ṱhanzi D", o thuntshiwa nnḓa ha haya hawe ngei [[Brakpan]] . Vho-Van der Merwe vho vha vhe na mufumakadzi wavho na vhana vhavho musi vhanna vhavhili, vhane vha khou humbulelwa uri vho vha vha tshi khou reila goloi ya Nissan NP200 vha tshi sendela tsini na munna vha mu thuntsha nga zwigidi zwa AK-47 . Vho-Van der Merwe vho ṋea vhuṱanzi kha khomishini nga ha u dzhenelela ha Vho-Mkhwanazi na Vho-Matlala kha u dzumba, u tambudza na u vhulaha muhumbulelwa wa vhufobvu nga 2022. Muhumbulelwa zwi vhonala uri o vha o vhewa bege ya pulasitiki kha thoho yawe uri a mu fhise u swika a tshi tenda uri o tswa. Musi muhumbulelwa a tshi lovha, van der Merwe o ṋea vhuṱanzi ha uri o laedzwa nga Mkhwanazi uri a laṱe tshitumbu nahone musi tshitumbu tshi tshi wanala nga murahu kha tshisima ngei [[Nigel, Gauteng|Nigel]], muḓivhazwakale wa mapholisa Jaco Hanekom o vhudza ṱhanzi uri Mkhwanazi u ḓo dzumba nyimele. <ref name="n24" /> Nga murahu ha musi van der Merwe vho no vhulawa, zwiko zwa nyanḓadzamafhungo zwo thoma u vhea vhuṱanzi kha u bvela phanḓa ha khomishini na u humbulela nga ha tsireledzo ya dziṅwe ṱhanzi dza khomishini na vhaṅwe vhane vha khou vhiga. Naho van der Merwe o hana u tsireledzwa nga ṱhanzi, vhavhigi vha si gathi vha kale vhe vha vha vhe fhasi ha tsireledzo ya muvhuso vho vhiga uri vha ofha vhutshilo havho. <ref name="iol vdm" /> Ṱhanzi dzo vhalaho dza khomishini dzo vhiga uri dzo wana tshutshedzo dza vhutshilo hadzo, na ṱhanzi nthihi ine ya nga vha hone i tshi ofha u ṋea vhuṱanzi nga ṅwambo wa uri i nga vha i tshi khou tevhela kha mutevhe wa vhane vha ḓo ṱhavhiwa. Jaco Hanekom, muḓivhazwakale wa mapholisa o vhulahwa nga Ṱhafamuhwe 2023 nga murahu ha u vhona u ṱhaselwa ha koporo hu siho mulayoni ha EMPD ngei Meyerton ye ya vha i nnḓa ha fhethu hune ya shuma hone. Nga 2022, Hanekom yo wana zwifanyiso zwa CCTV zwine zwa khou humbulelwa uri zwi khou sumbedza vhaofisiri vha EMPD vha tshi khou ita mushumo u songo tendelwaho kha mushumo wa u shuma nnḓa ha fhethu ha vhupholisa hu re mulayoni ha masipala. Zwifanyiso izwo zwo vha zwi tshi khou sumbedza u dzhiwa ha thambo ya koporo nga fhasi ha tshiṱirathedzhi tsha mushumo wa mapholisa. Vho Rovo Spies vho ṋea vhuṱanzi kha khomishini uri mushumo wo sumbedzwaho kha zwifanyiso a wo ngo rekhodiwa kha maṅwalo a tshiofisi a EMPD nahone wo vha u si na mutheo wa mulayo, vha tshi u ṱalusa sa vhugevhenga nṱhani ha nyito ya u tevhedza mulayo yo teaho. Vho dovha vha sumbedzisa uri mufarisa Muhulwane wa EMPD o shumaho, Vho-Julius Mkhwanazi na vhone vho vha vhe henefho fhethu. Hanekom o vhulawa nga murahu ha maḓuvha a si gathi musi vhaofisiri vhe vha vha vha tshi khou pomokwa u tswa koporo ngei Meyerton vho wana beili. == Sedzani na . == * Khomishini ya Zondo == Referensi == {{Reflist}}{{Reflist}} [[Category:Pages with unreviewed translations]] 4odxu0sydf5924faltf2p22d79a1uqd