维基百科 wuuwiki https://wuu.wikipedia.org/wiki/%E5%B0%81%E9%9D%A2 MediaWiki 1.46.0-wmf.23 first-letter Media Special Talk User User talk Wikipedia Wikipedia talk File File talk MediaWiki MediaWiki talk Template Template talk Help Help talk Category Category talk Portal Portal talk TimedText TimedText talk 模块 模块讨论 Event Event talk 0 21319 394438 382328 2026-04-09T17:20:36Z ~2026-21926-82 212284 394438 wikitext text/x-wiki [[File:Sunyatsen1.jpg|thumb|孙中山]] '''孙文'''（{{bd|[[1866年]]|[[11月12号]]|[[1925年]]|[[3月12号]]}}），字'''载之'''，号'''逸仙'''，别名'''孙中山'''，南粤广府香山县（乃朝广东省中山市）人，是19世纪挨末阶段顶有名个民主革命家，长期从事反对[[清朝]]个活动，畀交关人认为是第一个追求共和个人物。伊也是[[中国国民党]]个创始人搭第一任总理，第一任[[中华民国]]个临时大总统。 伊出身在拉一个贫民家庭，从小就听村子当中个老人讲[[太平天國|太平天国]]个事体，慢慢产生[[反清]]想法。1880年代，伊跟随自家阿哥去夏威夷檀香山，接受外国教育，慢慢就有对清朝个弗满意。到1892年，伊从香港学医毕业之后，听从老师个推荐，去广州等待去天津投靠李鸿章，弗曾想畀门房刁难，乃么一狠心，决定搞大事体，也就是[[革命]]。 1894年，孙跑到在檀香山，成立[[興中會|兴中会]]。1895年，兴中会发动[[乙未廣州起義|乙未广州起义]]。1905年，在日本[[東京都|东京]]组成[[中国同盟会]]，孙因为资格老，也就畀人推为[[總理|总理]]；并且确定“驱除[[韃虜|鞑虏]]，恢复[[中華|中华]]，建立[[中華民國|民国]]，[[平均地權|平均地权]]”个口号。之后，伊综合欧美交关思想，搞出[[三民主義|三民主义]]个花头，跟从个人也就更加多哉。 弗过，孙在拉军事高头弗灵光，伊让同盟会集中在拉两广地区搞活动，先后九趟搞事体，弗过侪失败。尤其是1911年4月个黄花岗起义，让同盟会损失交关人力物力，加上伊同同盟会内部个浙江人（尤其是章太炎）有矛盾，所以到1911年下半年，事实高头已经半隐退，跑到美国科罗拉多州洗盘子去哉， 1911年10月，长江中部个湖北武昌府发生变化，[[武昌起义]]成功，孙文的命运也变动起来。当年12月29号，伊畀十七省[[代表]]在[[南京]]推选为[[中華民國臨時大總統|中华民国临时大总统]]，随后赶紧跑回国内。1912年1月1号，孙在拉南京[[南京中国近代史遗址博物馆|两江总督府]]个房子当中宣布就职，建立[[中華民國臨時政府 (1912年－1913年)|中华民国临时政府]]。弗过，伊无军队无财力，老快就只好禅位[[袁世凯]]后下台， 之后两年，袁世凯把孙一个铁路督办个头衔，让伊导出指点江山。好日脚还没几天，伊老早个老同志[[宋教仁]]突然在拉去北京接任总理个路高头畀人刺杀脱（参见[[宋教仁遇刺案]]）。之后孙反应邪气激烈，拿迭个事体当成反对袁世凯个借口，发动[[二次革命|讨袁]]、[[護國戰爭|护国]]、[[護法戰爭|护法]]、[[聯俄容共|联俄]]。1919年，将[[中華革命黨|中华革命党]]改组为中国国民党。在苏联帮助下，筹备[[北伐战争|国民革命军北伐]]。1924年底，受[[段祺瑞]]邀请，伊从广州出发，短暂停留上海，之后到天津、北京，同张作霖进行所谓[[善后会议|和谈]]，但迭个辰光伊个身体已经邪气推板，到北京之后无几许辰光，就死脱。之后，伊个灵柩停叻北京西郊香山个[[碧云寺（北京）|碧云寺]]，国民党北伐战争之后，伊个灵柩迎回国民党政府所在个南京[[中山陵]]。 乃歇中国民间普遍尊称伊为「革命先行者」。 == 参考文献 == {{Commonscat|Sun Yat-sen}} * 《孙中山先生传》，胡去非著 * 《国父年谱》下冊，第'''1619'''页 [[Category:孙中山| ]] [[分类:中国民主革命家]] [[Category:中国国民党党员]] [[Category:孙姓]] [[Category:华裔美国人]] [[Category:宝光嘉禾勋章获得者]] [[Category:建国勋章大韩民国章获得者]] [[Category:中山人]] 6o48gpydf4w8rbepkj9o0sub74javqd